လေပြေ
လေပြေက ကျွန်တော့်ရှေ့ကနေ
ဖြတ်သန်းတိုက်ခတ်နေတယ်။
သစ်ရွက်ကလေးတွေ
လှုပ်ရှားနေတာကို ကျွန်တော်မြင်ပေမဲ့
လေပြေရဲ့ အေးချမ်းမှုက
ကျွန်တော့်ကို ထိတွေ့ခြင်းမရှိ။
သူ့ရဲ့ ထိတွေ့မှုကို ဒီနေရာမှာပဲ
ရပ်စောင့်ရင်း မေးခွန်းထုတ်တယ်။
"ကျွန်တော့်ကိုများ သူချန်ထားခဲ့တာလား။"
သိချင်စိတ်ကြောင့် ခြေတစ်လှမ်းတိုးမိတော့
ရုတ်တရက်ပဲ သူ့ရဲ့ အထိအတွေ့ကို
ခံစားလိုက်တယ်။
ဒါဆို ကျွန်တော်က သူ့ရဲ့ထိတွေ့မှုကိုခံစားရဖို့
ကျွန်တော်ကိုယ်တိုင်လည်း
တစ်လှမ်းတိုးဖို့ လိုနေတာပဲဆိုတာကို
သိလိုက်ရတယ်။
အာ......ချစ်မေတ္တာဆိုတာလည်း
ဒီလိုပဲကိုး.....
2021-06-04 09:43:23
0
0