صاح خالد بصوت عالي ( تو ري)، ثم اتي كلب و انثاه

ز: و دا اغرب بيت ممكن تدخلوه

خ: اقعدوا الاول، رحمة و حبيبة كفاية لعب معاهم مش هيطيروا

ح: لاوماخذة بس اسم الكلاب غريب

خ: لم جبتهم كنت محتار في اسمهم سميت الدكر ركس و فضلت محتار في التانية ، المهم اني ببص عليها لقيتها بتلعب بازازة ريكسونا و بس سميتها ريكسونا

ش: بس كدا؟

س: السؤال الاهم جبت كل دا ازاي؟

م أ: سرقت بنك

خ: اية يا ماما في اية، من 3 سنين لم جيت هنا عشان الجامعة و طبعا قعدت ايام بقنع اهلي و لم جيت فكرت اجيب بيت تاني بس طبعا فلوسي متكملش اجيب اوضة و صالة مش البيت دا، المهم في وسط القاعدة و الهدوء كتبت 3 روايات، و وزعتهم علي معارف الجامعة و الدكاترة ، منهم دكتور واصل حبتين عجبته الرواية و اصر ينزلها و اظن عرفتوا انها كسرت الدنيا و اتعملت فيلم كمان و طبعا انتوا شفتوه

ش: انا مصدقتش غير لم شفت اسمك علي البوستر

م: قصة كفاح عظيمة

ل: طب يا شباب و انتوا عاملين اية

ح: ليلي احنا بقالنا يومين بنلف و ندور عشان لم نتجمع تسالي السؤال دا

ل: يعني بقالنا سنين مش بنشوف بعض قلت نحكي بقي

م أ: مين كان يصدق اننا هنعيش اصلا بعد كل الي حصل دا

س: العالم كان علي الحافة و خلاص الدنيا بتخلص و فجاة كل شئ اتعدل

م: انا شايفة ان ربنا كان بيثبتلنا ضعفنا و لم خلاص كنا علي الحافة ربنا بيورينا قدرته و انه هو القادر علي كل شئ

ش: كانوا سنتين كرب والله

ر: المهم اننا موجودين و عايشين

خ: مين يصدق اصلا ان محدش فينا كان هيكون من ضمن الناس الي ماتت بالفيروس

ز: ما انت قعدت في الحجر الصحي حبة حلوين

خ: كانت ايام حلوة والله و بعدين ما انت اتاخدت اشتباه

ز: عشان كنت بقالبك يا فقيق

ساد الضحك علي تلك الطاولة ، تلك الطاولة الهادئة المستديرة التي تحمل كل ما حدث في تلك الخمس سنوات الغريبة

ز: بس 10 مليون حالة و 2 مليون وفاة كانوا ارقام مفزعة ، انا كنت مستني الاجل

س: احمد ربنا احنا كانت ماشية معانا حلاوة، 150 الف حالة و 11 الف حالة وفاة

ش: كلام فارغ يعني

م: كانت غلطة منهم اصلا انهم يكشفوا علي ناس كتير مرة واحدة و يفضحوا نفسهم

م أ: ما تتهدوا انتوا بتفتكروا كل دا لية

خ: عشان الموضوع فعلا غريب ، و من اعجب الحاجات الي حصلت لدرجة ان اول مرة البلاء ميفرقش بين غني و فقير حتي اعظم الدول انهارت حرفيا، بدل ما كانت من اوائل الدول دلوقتي بتصارع علي البقاء

ح: بس حادثة المالديف دي حكاية تانية خالص ، في عز ما الناس كلها تموت المشاهير بيهربوا علي الجزر و عشان هم اغبية سافروا مع بعض،مغنيين، لاعيب، ممثلين، كله هرب علي المالديف من غبائهم و عشان ربنا يبين غبائهم الكورونا وصل عندهم في اخر الدنيا و مات 15 ممثل و 4 مغنيين و 2 لاعيبة كورة و الباقي عاش في رعب و لم حاولوا يرجعوا بلدهم الحكومات سابتهم فترة و لم رجعتهم حطتهم كلهم في العزل علي عكس ما كانوا متوقعين انها هتعاملهم معاملة استثنائية

ل: و الاغرب بقي العلاج الي طلع فجاة دا و محدش عرف هو طلع ازاي ولا مين عمله

خ: ما شاء الله عليكوا يا شباب انعزل و ابعد عن كل حاجة، تيجوا فجاة و ترجعولي كل الاحداث دي

ش: اي خدمة يا باشا

م أ: بس التعليم عن بعد دا كان قرف

صاح الجميع بلا استثناء " يوووووه"

س: سنتين بنمتحن و نذاكر علي النت

ز: هو دا نت اصلا

م: المهم ان الحمد لله الموضوع خلص و كله عرف حجمه و انه لا يسوي شئ

ارتفع صوت ضحك خالد ردا علي كلام مريم

خ: بعد ما عرفوا عملوا اية،ما كل واحد كمل الي كان بيعمله حصل اية جديد، و الممثلين الي ماتوا بالكورونا اتعملهم تمثايل و الدكاترة اتكرموا كام يوم وخلاص

ل: بس انا شايفة ان العالم اتقدم اكتر بعد الكورونا.....

لم يجعلها خالد تكمل حديثها و قاطعها

خ: العالم عمره ما بيتقدم العالم مبيعملش غير انه بيتاخر اكتر و اكتر

ز: اية يا شباب هتقلبوها نكد ولا اية

م أ: علي رايك ولله

توقف الحديث الدائر لثواني معدودة

ح: عاملين اية بقي يا شباب كل واحد هبب ابة في حياته

ز: ولا اي اختلاف نفس القرف، يادوب اختلاف ان التعليم الاون لاين نصفني و مجموعي علي حبة اجتهاد بقيت في كلية قمة لطيفة و هتنفعني و بالنسبة للحياة العاطفية شبه لطيفة اهي

م أ: اية دخلت طب؟

ز: لا يا ظريفة حاسبات و معلومات

س: اوبا علي الهاكر

ز: وانت يا ظريفة هببتي اية

خ: بقولكوا اية قبل ما سهيلة تكمل هضيف حاجة تخلي الموضوع احلي

ثم قام خالد و احضر زجاجة، ان دارت و رست امام احد سيحكي قصته

ر: انطلقي يا سهيلة

س: انا دخلت فنون جميلة، برضة التعلم عن بعد نصفني عشان اعرف اخش الكلية دي، و المفروض اني انزل اتدرب في اي فيلم او مسلسل

م أ: فنون جميلة و تمثيل

س: يا غبية هطلع مهندسة ديكور و بنزل اتمشي في ديكورات مدينة الانتاج و طبعا شفتوا شخصيتي عاملة ازاي

ابتسامة رضا و ثقة و غرور

ح: مسيطرة ما شاء الله عليكي ، لفي الازازة يا ماما

دارت الزجاجة و رست امام رحمة

ر:انا دخلت كلية سياسة و اقتصاد، و مظنش ان التعليم نصفني في حاجة بس اهو دخلت كلية ملهاش شغل بس بيقولوا عليها جامدة

اصبح المشهد اشبه بحلقة الدعم التي تقام للمدمنين....و لكن قاطعهم اذان العصر

خ: يلا يا شباب الحمام اخر الطرقة، قوموا اجهزوا علي ما اجهز مكان نصلي فيه كلنا

ش: خالد مازال خالد

و بالفعل فعلوا ما فال لهم عليه و استقبلوا القبلة، و كان هذا خير تجمع بينهم بعد خمس سنوات، و لاول مرة تجمعهم قبلة واحدة

الذكرايات تقاس بالصور و الفيديوهات و الحفلات و السهر، اما تلك الذكري فليس لجمالها وصف، لكنها قصيرة و انتهت

م: حرما يا شباب

ز: هو احنا كنا بنصلي العصر ولا التراويح

ح: لسة العادة دي موجودة

خ: طب يا شباب كفاية هزار و يلا نرجع علي هناك عشان نكمل

جملته قيلت وسط الضحك بسبب طول صلاته،و بالفعل عادوا الي الطاولة

م أ:يلا يا ست رحمة لفي البتاعة

و في النهاية رست امام حبيبة

ح: يا سلام دي حكاية صغيرة اوي

س: اخلصي يا بت

ح: انا كملت نوم طبعا و بس، كملت حياتي عادي، انا و شروق مبطلناش كلام الحمد لله و طبعا مريم معايا دايما و فضلت علي تواصل مع الباقي نسبيا، و اتحدفت لقيت نفسي في كلية طب

ل: انا ظني مخيبش لم توقعت انك اكيد حلقةالوصل الي هتوصلني بالباقي

ر: يعيني يبنتي تلاقيكي ميتة في الكلية

اومئت حبيبة بالموافقة ليضحك الجميع

ح: المهم نلف البتاعة و نشوف مين... ما شاء الله خالد

خ: عموما انا شبه حكيت، المهم انا زميل حبيبة في صيدلة، اظن ان دي كانت اهم خمس سنين في حياتي، مقطعتش علاقتي بحد بس الايام مع شوية العزلة هم اصحاب النتيجة دي طبعا زياد لا ينتهي وجوده و فضل موجود و علي تواصل لطيف .....اخر 3 سنين هم الاغرب فجاة اروح اعيش في المنصورة و فجاة دكتور يعجب برواية مكنتش متوقع انها هتتقري اصلا، وانها هتوصله بالصدفة، و تضرب معايا و الاقي الفلوس جريت و اتشهرت نسبيا في عالم الكتب و الفيلم كسر الدنيا، و بس كدا

س: قد اية قصة كفاح عظيمة... لف الازازة يا ابني

و رست تلك المرة امام شروق

ش: هيييييح،زي ما قالت حبيبة فضلنا نتكلم، و دارت الايام عادية مفيش تغيير كملت في الكورس و وصلت اعلي ليفل و دخلت ادارة اعمال و مسحولة و ليلي طلعتلي كملت السحلة و بس كدا

م: قد اية قصص ملهمة

و رست الان امام مريم

م: مفيش تغيير يذكر الحياة استمرت طبعا بعد ما اغلبكوا خلع من الصفحة كملت انا و بقيت دالخة علي نص مليون اهو....دخلت حقوق عشان اوصل بقي للحلم بتاعي و ابقي ظبوطة في ال اف بي اي كدا و اكسر الدنيا..... و بس كدا ادي الازازة....خشي يا ملك

م أ: من غير مقدمات و محن و كدا قضيت سنين مش مختلفة عن حياتي العادية خالص و من ثم الحياة رجعت برضة مفرقتش بس كملت في المجال الي بحبه و الكلية اللطيفة الي عايزاها و موضوع السكن كان لطيف و صحاب السكن كانوا الطف و المرقعة كانت و احلي و احلي، و كدا فاضل ليلي

ل: طيب قبل ما احكي، حكايتي هتعرفوا انا جمعتكوا هنا لية

ش: يااااه اخيرا

ل: المهم بعد سنتين الاون لاين و بعد ثانوي عموما مكنتش عارفة اخش كلية اية فكرت في صحافة عشان اسافر برة و اعمل لقائات مع المشاهير و كذا حد قالي يلا و انا وافقت الصراحة، المهم بعد اول سنة نزلت اشتغلت في جريدة عالمية كبيرة ، تدريب طبعا بواسطة كبيرة و يوم في يوم صاحب الجريدة حبني و اتجوزنا....شبه في السر

اعتدل الجميع في جلسته فجاة و اصبحت الوجوه شاحبة من الصدمة و انهالت عليها اسئلة التعجب و انكار الفعلة

م أ: اية الي انت هببتيه دا

س: انت بتهزري

ز: انت عبيطة يا ليلي

ش: اهدوا خلوها تكمل

ابتلعت ريقها و اكملت

ل: اهلي كانوا عارفين بس الباقي لا و قالي فترة مؤقتة، شهرين و كنت حامل و كنت مبسوطة بس بدات احس ان الراجل دا وراه حاجة مش هو المدير الي بشوفه كام ساعة، الكواليس كلها بقت عندي و بدات اعرف حاجات جديدة، بس طنشن و مرت الايام و خلفت و بعدها بشهرين و كل حاجة اتغيرت في خلال الشهرين دول كنا بنتخانق كتير و في النهاية طلبت منه الطلاق بعدها حصل اكتر مشهد مرعب شوفته في حياتي، بصلي و قالي لو طلقتك هدمرلكك حياتك بكل غباء قلتله طلقني، ابتسم و قالي خشي نامي، صحيت ملقتش بنتي و ملقتوش،تليفونه مقفول ....رحت الجريدة لقيت اني اترفدت بالاضافة اني لقيت ورقة طلاقي اتبعتتلي، و من ساعتها بحاول اوصله

اضيف الي الشحوب و الدهشة ملامح حزن و تاثر و كانت رائحة الصدمة تحوم حول الصدمة

م: لا حول ولا قوة الا بالله، معلش يا ليلي.....

و علي غير المتوقع قاطع خالد كل هذا الحزن

خ: انت كنت متجوزة مين

ل: كريم الصريطي

اسند خالد ظهره الي وراء و بدا يضحك ضحكات عالية، تلك التي يضحكها رئيس العصابة عندما يكتشف ان هناك من يحاول التآمر عليه

لحظات دهشة غريبة

ر: انت تعرفه

ل: اكيد يعرفه

ح: ازاي

خ: فاكرين كتاب المفسدون من السماء، كريم الصريطي كان اهم مفسد لان اسم الكتاب مستوحي من اسم جريدة السماء

س: انا مش فاهمة حاجة

خ: مش مهم ان الراجل و اتباعه و حبايبه لما شموا ريحة الكتاب اتشال في غمضة عين من كل حتة

م أ: و بعدها طلعوا عليك الترند بتاع الكاتب المجنون؟

ل: هو الي خلقه عشان يوهم الناس ان خالد بيقول اي كلام عشان محدش يدور علي الكتاب

ر: وقتها قالوا العزلة جننت خالد

م: دا غير الاعلام وقتها و.....

خ: مش مهم كل دا خلاص

قاطعهم خالد بلهجة منزعجة و حزينة

ح: خلونا نشوف الهانم جمعتنا لية

تحولت الاعين نحو ليلي في تلهف

ل: انا عايزاكوا ترجعوا بنتي