البارت الثالث

حيرت امراو عراقيه

بقلم سليل مصطفى

وٌآسِتٌرجّعٌتٌ سِآلَتٌِ عٌنِيَ فُقُيَلَ لَهّآ

مًآفُيَهّ مًنِ  رمًقُ؛ دٍقُتٌ يَدٍآً بًيَدٍ

وٌآمًطِرتٌ لَؤلَؤآً مًنِ نِرجّسِ وٌسِقُتٌ

وٌردٍآً وٌعٌضتٌ عٌلَﮯ آلَعٌنِآبً بًآلَبًردٍ

(لَيَزٍيَدٍ آبًنِ مًعٌآوٌيَهّ لَعٌنِهّ آلَلَهّ) لَآکْنِ جّمًيَلَهّ


رنوة_خلاها بيدي ومشه دخلت للبيت لكيت لوزه بلصاله رحت يمهه ورفعت ايدها خليتها بيدها وكعدت بصفها وحدنه بلبيت ابوي اخذ تمار وراح  للحله يجيب امي وكالو نبات صفينه بس احنه

بقت  لورقه بيدها
واديب مترضه. تطلع من يجي وشرسه كلش وكلامها قليل

ردت اعرف شكاتب الها بلورقه لطانياها هسه

بس مافتحتها وتحطمت امال اديب من رفضته وبابا دبر لفلوس ما ادري من. وين وطاهن اله

ولوزه ماتحجي بس ليسالها تجاوب ع كد سؤال

انتبهت عليها مردت الورقه. جريتها منها وفتحتها

اديب ـ
هل عندك شك انك احلى امرأة في الدنيا؟
واهم امرأة في الدنيا؟
هل عندك شك اني حين عثرت عليك....
ملكت مفتاح الدنيا؟ 
(نزار قباني)
يبعد نبض كلبي...لوزتي حبج خله العشيرة كلها تسمع دكات كلبي الولهان بحبج وعشكج
تحبين هيج اتغزل بيج لوزتي الحلوه تدرين ضجت من رفضتي واعرف انتي مو بكامل وعيج وتعبانه نفسين وجسدين وعقلين وكلشي بيج تعبان حتى دكات كلبج اعرف تحبيني بس جاي توهمين نفسج انتي مترديني بس كلبج يريدني صدكي كلي امل ترجعين مثل قبل واحسن حبيبج ادوبي

جنت اقره  بصوت مسموع وهيه. ساكته بس دموع تتسابق

حضنتها لصدري وهيه تهمس بكافي اسكتو


حضنت خدودها بديه وعيوني بعيونها

رنوة_حاجيني  كليلي لبيج خاطر اساعدج


لوزه_يحجون يحجون

رنوة_منو ياهوه ليحجي

لوزه _يحجون براسي راسي راح ينفجر يكلي هيج سوي واني اسوي ماكدر اقاوم.

صفنت بوجها خايفه منها وعليها وكف كلبي على دكت لباب بهمجيه

طفرت فتحته دخل رجال بلبيت يصرخ

_…لك لو رجال تطلع اااحمدددد تبوكني ولك هاي تاليهه مامنك  على مكتبي وخزينتي تبوووكني ويننننك

رنوة_بابا مو هنا

لتفت عليه عيونه حمر اجه يمي جرني من شعري قربني يمه
_لفلوس لو ما رجعهن ابوج لخيسه بسجن ويكول نائل ماكال


لوزه_عوفها
اتجاهل لوزه ورجع باوعلي وحجه بسوت اشبه بلفحيح يخوف ولعيون حمر للحضه متت من نضراته مو من جرت شعري

نائل_سمعي ولج ولله العظيم اذا ما رجعهن انتي حصتي فهمتي

لوزه_عوفهاااا كتللللك ماااااتفهم وووين رجوللللتك وانته دااااخل ع بببيت مابي رجال وبي بببس حريم

جر رنوة اله اكثر وملش شعرها احس نار كبره بضلوعي صارت وشخص حجه بذني عضيه

حجمت عليهه عضيته من زنده عضه قويه لدرجه ادم دخل بلعومي بدون ما ابلعه جرني من كصيبتي احس عيوني شلعن يلا عفته ذب رنوة

واباوع اردان دشداشته من زنده للجف حمره من دم للحضه حسيت نفسي مصاص دماء وجاي اشرب دم بشر

راد يضربني بيده ثانيه  جنت لابسه حذاء  مال بيت ام الارنب نزعتها ورفعت رجلي على صدره ودفعته تكوم بلكاع وهوه طويل شلون رفعت رجلي اوصلت اصدره ما ادري

رحت يمه بسرعه وضربته برجلي على العضه ورنوة طلعت تركض فزعت بيت قسورة قريبين يمنه


وماشوف بس قسورة بلبرميده ولكيمونه يمي هوه وعمي اسعد وخالتي هاشميه  وفاطمه وزهراء وبناته ومرته ماشالله العائله كله اجت

اجت فاطمه حطت شال ع راسي وخرته وعطت

لوزه_عمي شسالفه عود بعدكم عنه بيتين وكل هل صياح ومحد اجه وماكو مبردات حته ماسمعون

هاشميه _عذرينه بنيتي حقج علينه بس ولله نايمين

اتنفس بعصبيه وقسورة وعمي اسعد اخذو هاذه بلاستقبال يفهمون منه

جابت زهراء مي شربت كمت ارجف واحد براسي يكلي اضربيها بدت ماي ع رجلج

بوزه_وللك اطلللع اطلعععع

رنوة_اسم الله حبيبتي اهدي

لوزه_ولج يكلي اضربي زهراء لان بدت ماي ع رجلج

حضنتها حيل اجه قسورة ع صوتها اشرلي شبيها

هدات وعفتها رحت للمطبخ اجه وراي فاطمه تحضر مي الهم

وكفت وكف كدامي عيونه تتفحصني يمته احجي

رنوة _تكلي احس احد يكلي سوي كذا وكذا وماكدر اقاوم اسوي الي يريده

صفن وهز راسه باسف

قسورة_كملتي لبخورات ولمي جابه اديب

رنوة_بعد بس ليوم ولازم اسويه لغروب مو هسه

قسورة_ولمي خلص؟

رنوة_بلي خلص

اطته مي فاطمه كتلني فضول وسالت

رنوة_لحضه قسورة وين راح رجال

قسورة _مشه بس يتحلف الابوج بايكه اربعين مليون

شهكت وايدي دكيت بيه على صدري

رنوة _هوه يطلبه اديب بس تلاثين شيسوي بلاربعين

قسورة _مادري ولله

عافني وراح غسلت وجهي وحت يم لوزه كعد عمي يناقش قسورة بموضوع ابوي ومال لكو حل لشي بقت يمنه خاله هاشميه وعمو اسعد  نامو بصاله وقسورة اخذ خواته ومرته وبناته .وراح


سويت لبخور ولورقه لوزه بلكوه وكفت. فوكاهن تتبخر ونامت اول ما خلصت تبخير

حضرت لعشه وتعشينه ونمنه بس عمو خايف وجاب سلاحه وياها يلا نام

تمددت وكلماته دك براسي اذا مارجعن لفلوس انتي حصتي

عيونه حمر يخوفن وطويل دنكه  وضخم عكس قسوره جسمه حلو صح يلعب رياضه لاكن مامعضل للحضه حسيت جاي اخون قسورة بتفكيري طردت الافكار من راسي ونمت


وجه صبح اجو اهلي وكعدنه كلنه ع صدمه خلت خاله هاشميه ادك وتخرمش خدودها..... يتبع


کل شيء استطيع ان اكتفي منهہ الا نظرتيّ لكِك ♫♥.”””