HF4 Historical Friend

HF4

"ခွပ်"

ကျယ်လောင်စွာထွက်ပေါ်လာသော အသံက
မေးရုိးနှင့်လက်သီး မိတ်ဆက်သံဟူ၍ ယုံဖွယ်နိုင်ရာမရှိ။ ထင်ထားသည်ထက်ပုိ၍ ကျယ်လောင်နေလေ၏။ ကုိယ်ကုိယ်တိုင် အထိုးခံရ၍များလား။
ဦးခေါင်းတစ်ခုလုံး လည်ထွက်သွားပြီး နှာခေါင်းရိုးတစ်လျှောက် ကျိန်းတက်သွားသည်အထိ ပြင်းထန်လှသော ထိုးချက်။ ဒါတောင် မေးရုိးကုိထိုးတာ။ နှာခေါင်းရုိးကုိများ ဖြတ်ထိုးလိုက်ရင် ထိုနေရာမှာပင် အသက်ပျောက်သွားနိုင်လေသည်။

သို့သော် အတွေး၌သာ ကြောက်ရွံ့နေပြီး တကယ့်အပြင်လက်တွေ့တွင်တော့ အရှုံးမပေးချင်သည့်စိတ်ကြောင့် လဲကျနေရာမှ ကုန်းရုန်းထလိုက်မိသည်။ ထို့နောက် ရှိသမျှ အားအင်ကုိသုံးကာ မျက်စိရှေ့မှ လူကုိ ဝင်လုံး လိုက်ပြန်တော့သည်။

"ဟာ...ဒီကောင်၊ တော်တော် သောက်ကျောတင်းပါလား၊ လာကွာ ဟေ့ကောင်တွေ၊ ဒီကောင်ကိုချုပ်ထား"

တစ်ယောက်ချင်းတောင် မနိုင်ပါဘဲ ဆက်လက် လုံးထွေးရန်ကြိုးစားနေသော သူ့ကို ဝိုင်းချုပ်ရန် အမိန့်ပေးသံထွက်ပေါ်လာတော့ လူက နည်းနည်းရှိန်ခနဲဖြစ်သွားလေသည်။ ဘိုင်ဝမ်းတောင် မနုိင်တာ သုံးယောက်တစ်ယောက်ဆိုရင် သေချာပေါက် အရေးပေါ်ရောက်သွားနိုင်သည်။ သို့သော် သန်းခေါင်ထက် ညဥ့်မနက်တော့။ အရှုံးဆိုတာကုိ မုန်းသူပီပီဆက်လက်၍ မာန်တင်းကာ ဝုိင်းချုပ်လာသောလူအများကုိ အားကုန်ဆောင့်ရုန်းပြီး
မြင်မြင်သမျှအရာတိုင်း လက်သီးပစ်သွင်းမိတော့သည်။

"ကြည့်စမ်းပါဦး၊ မွှန်နေလိုက်တာမှ မြင်မကောင်းဘူး"

သူ့ဝမ်းဗိုက်ကို လက်သီးတချက် ပစ်သွင်းပြီး ခပ်ရွဲ့ရွဲ့ပြောလိုက်သော အသံက နားထဲ သံရည်ပူလောင်းလိုက်သည့်နှယ်။

"မင်း စကားပြောတာ ကြည့်ပြော အောင်သူရ၊
အရိုင်းအစိုင်းလို မပြောနဲ့"

"ရုိင်းတော့ ဘာဖြစ်လဲ၊ ကဲကွာ"

နောက်တစ်ကြိမ်ထိုးသွင်းလိုက်သော လက်သီးတစ်ချက်က ပါးပြင်ကုိ စိမ့်ခနဲ။ နာလိုက်သည်ဖြစ်ခြင်း။ သုိ့သော် အပြုံးမပျက် ခပ်အက်အက်ရယ်လိုက်ရင်း စကားတစ်ခွန်းဖြင့် ပြန်လည်ချေပလိုက်တော့ အောင်သူရ မျက်နှာက မည်းခနဲ။

"မင်းလို အရုိင်းအစိုင်းကောင်ကုိ ရွှေချည်က ပြန်မကြိုက်တာလဲ မပြောနဲ့လေ၊ အရမ်း အောက်တန်းကျတယ်"

"ဘာကွ၊ ဘုန်းသက်တိုင် မင်း မင်း၊ လူပါးဝလှချည်လား၊ ငါ ရွှေချည်ကို လိုက်နေတာ သိရဲ့သားနဲ့
ကြားထဲက မင်းပဲ အရှက်မရှိ ဖြတ်ခုတ်သွားတာလေ၊ ခွေးကောင် မိန်းမလို မိန်းမရနဲ့"

"အဟက် မင်းသာ မိန်းမလို မိန်းမရပါ အောင်သူရရာ၊ တစ်ယောက်ချင်းချမယ်ဆိုပြီးလည်း ချိန်းသေး အဖော်တွေလည်း ခေါ်လာသေး၊ ကလိမ်ကကျစ်ကောင် ၊ ထီွ!!"

သူ့စကားတွေကုိ အောင်သူရတစ်ယောက် မည်မျှပေါက်ကွဲသွားသည်မသိ။ အဖြူရောင် ရှပ်အင်္ကျီလည်ပင်းကို အားဖြင့်အတင်းဆောင့်ဆွဲလိုက်တော့လေသည်။

အနည်းငယ် အစ်နေေသာ လည်ပင်းကြောင့် တုန့်ပြန်စကားမပြောနိုင်သေးသည်ကုိ အခွင့်ကောင်းယူကာ မထိတထိပြုံးပြီး ရန်စကားထပ်ပြောလိုက်သော အောင်သူရ။

"ငါက မင်းလို မနုံဘူးကွ၊ သက်တိုင်ရ၊ ဟား ဟား ဟား၊ အေး...မင်းစောင့်ကြည့်နေလိုက် ၊ မင်းလက်ထဲကနေ ရွှေချည်ကုိ ငါဘယ်လို ယူပြမလဲဆိုတာ၊
နောင်မှ ငါမှားပါတယ် အောင်သူရဆုိရင်တော့ ဆောရီးပဲ သားကြီး၊ မင်းအဖေက မညှာတတ်ဘူး"

အားရပါးရ ကြိမ်းဝါးပြောဆိုရုံတင် မက ကျန်လက်တစ်ဖက်ဖြင့် လည်ပင်းကို ညှစ်ဖို့ကြိုးစားနေသော အောင်သူရကြောင့် သူ အလန့်တခြားဖြစ်ကာ ခေါင်းကို ငဲ့ယိမ်းရှောင်ရန်ကြိုးစားလိုက်သည်။ လှုပ်လိုက်တိုင်း ပိုတင်းလာသော အင်္ကျီလည်ပင်းကလည်းရှိသေးသည်မို့ မျက်နှာတစ်ပြင်လုံး ဖူးယောင်ကာ နာကျင်နေသည်ကုိပင် သတိမထားနိုင်တော့။ အစ်နေသော လည်ပင်းကုိ သက်သာစေရန်သာ ကြိုးစားနေမိတော့သည်။

"အောင်သူရ၊ မင်းလက်ကုိ အခု ဖယ်လိုက်စမ်း"

ထိုစဥ် ကျယ်လောင်စွာ ထွက်ပေါ်လာသော အသံနက်ကြီးတစ်ခုကြောင့် ရုန်းရင်းဆန်ခတ်ဖြစ်နေရာမှ အားလုံး၏အကြည့်များသည် အသံလာရာဆီသို့ ရောက်သွားကြလေတော့သည်။

ဟင် ယုဒါ။

အထိတ်တလန် ့ဖြစ်ကာရေရွတ်လိုက်မိပေမဲ့ အသံက ချက်ချင်းထွက်မလာ။ နေပူကျဲတဲအောက်တွင် ထီးမပါ ဦးထုပ်မပါဖြင့် အပြေးအလွှားရောက်ချလာသော ယုဒါကို စိတ်ထဲမှ ရုတ်တရက်စိတ်ပူသွားကာ ဘာလုပ်လို့ ဘာကုိင်ရမှန်းမသိတော့။

"အော် ဟော်၊ ရောက်မှ ရောက်လာပါ့မလားလို့၊
ကဲ ယုဒါ မင်းရဲ့ အချစ်ဆုံးသူငယ်ချင်းကြီးက ငါ့ကုိ သောကတွေပေးပြီး အာရုံလာစားနေလို့ နည်းနည်း ပညာပေးနေတာ၊ ဝင်မပါရင်တော့ ကောင်းမယ်ကွာ၊ မင်းလို ဖြူဖပ်ဖပ်ကုိ ငါအားနာလုိ့"

ယုဒါကို မြင်သည်နှင့် အောင်သူရက ချက်ချင်းပင် ပြေရာပြေကြောင်းပြောလိုက်လေသည်။ ထို့နောက် မောဟုိက်သလိုဖြစ်နေသည့် ယုဒါကုိ သနားသလို တချက်ကြည့်ကာ နှုတ်ခမ်းကုိ မဲ့လိုက်ပြီး သူ့ဘက်သို့ မျက်နှာကုိ ပြန်လှည့်လိုက်တော့သည်။

"ဘုန်းသက်တိုင်၊ ကုိယ့်အခြေအနေကုိ ကုိယ်သိ၊
သိပ်ပြီးတော့ ဖင်ယားမနေနဲ့၊ မျက်နှာလှလှလေးမှာ သေရာပါ အမှတ်လေးတွေ ထည့်ပေးလိုက်မယ်၊ ကြားလား"

စားမတတ် ဝါးမတတ် မျက်နှာပေးဖြင့် လူကုိ
ကြည့်ကာ ပြောနေသော အောင်သူရ။ ယုဒါကတော့ စောစောက အသံနက်ကြီးတစ်ခွန်းအပြင်
ယခုအချိန်အထိ ဘာစကားတစ်ခွန်းမှ ဝင်မပြောသေး။ သို့သော် အကြည့်တချို့ကုိ သူ့ထံသို့ မကြာခဏ ဆိုသလို ရောက်၍နေလေသည်။
ပေါင်းသင်းလာသော နှစ်တွေကလည်း.ကြာမြင့်ခဲ့သည်မို့ ယုဒါက ဘယ်လို အကြည့်မျိုးဖြင့် သူ့ကုိ လှမ်းကြည့်နေသလဲဆိုတာကုိ သူက ချက်ချင်းသဘောပေါက်သည်။

"ဟေ့ကောင် အောင်သူရ ၊ မင်း ငါ့သူငယ်ချင်းကုိ
အခုလွှတ်လိုက်စမ်း၊ မလွှတ်ရင် ငါကျောင်းအုပ်ရုံးခန်းအထိ သွားတိုင်မှာနော်"

ခပ်မာမာလေသံဖြင့် မနိုင်နိုင်ရာမဲသည့် သဘောမျိုးပြောလိုက်သော ယုဒါ၏ စကားကို အောင်သူရက ဟားတိုက်ရယ်မောလေသည်။ ထို့နောက်
ဘာကုိမှ ဂရုမစိုက်သည့် လေသံဖြင့်

"တိုင်လေ ၊ တိုင်ပေါ့၊ အဲ့ဒီလောက်လေးကို ငါက ကြောက်စရာလား ၊ ကျောင်းအုပ်ရုံးခန်းမကလို့ ဟိုး...တာဝတိံသာ အထိပဲ တက်တိုင်တိုင်၊ don't care ပဲ ဟေ့ကောင်"

ဟူ၍ ဆောင့်ကြွားကြွားပြောလိုက်တော့လေသည်။
ယခုအချိန်မှာ အောင်သူရ၏ ပုံစံက တကယ့်ကုိ
ဂန်းစတားတစ်ယောက်၏ပုံစံအတိုင်းပင်။
စကားကြီး စကားကျယ်တွေကုိ စိတ်ကြိုက်
ပြောခွင့်ရနေသည်ကြောင့် တစ်လောကလုံးကုိ ဂရုမစုိက်သည့်ပုံစံဖြင့် လေလုံးထွားနေလေတော့သည်။ သူ့ကုိ ချုပ်ထားသော အောင်သူရ၏ အပေါင်းအပါနှစ်ယောက်မှာလည်း အာရုံက ဟိုဖက် ဒီဘက်ဖြစ်နေပြီမို့ လက်တွေက သိပ်မမြဲချင်တော့။

ထိုအခြေအနေကို သူရော ယုဒါပါ သဘောပေါက်လေသည်။ ထို့ကြောင့် ယုဒါက ထပ်မံသွေးတိုးစမ်းလိုက်သော စကားတစ်ခွန်းဖြင့် အောင်သူရအား
ဆွလိုက်ပြန်တော့သည်။

"မင်းအဖေနဲ့ ကျောင်းအုပ်ကြီးက သူငယ်ချင်းတွေဆိုတော့ မင်းက အဲ့ဒီ့စကားပြောမှာပေါ့၊ ဒါပေမဲ့
နိုင့်ထက်စီးနင်းဆိုတာချည်းကတော့ မကောင်းဘူးပေါ့ကွာ"

"ဘာ! မင်းစကားကုိ ပြန်ပြင်ပြောလိုက်စမ်း မိုင်ယုဒါ၊ နိုင့်ထက်စီးနင်း ဟုတ်စ၊ မှတ်တောင်ထားရအုံးမယ်၊ ဒီပြဿနာကုိ မင်းသူငယ်ချင်း က စတာကွ၊ သူပဲ ငါနဲ့ ချိန်းပြီးထိုးရအောင်ဆိုပြီး စချိန်းတာကွ"

ယုဒါ၏စကားကုိ ဘဝင်မကျသလို ပြန်မေးလိုက်ကာ သူ့လည်ပင်းကုိ လွတ်လိုက်ပြီး ယုဒါနားသို့ လျှောက်သွားသော အောင်သူရ။

အောင်သူရ၏စကားကြောင့် ယုဒါ၏အကြည့်စိမ်းစိမ်းတွေကလည်း သူ့ထံသို့ ချက်ချင်းရောက်လာတော့သည်။ သူ့ဘက်က စမှားသည့် ကိစ္စအတွက် ယုဒါကုိ အားနာသလို တချက်ကြည့်ရင်း မသိမသာ ပြုံးပြလိုက်မိသော်လည်း
ယုဒါ၏အကြည့်တွေက ပြောင်းလဲခြင်းမရှိ။
သို့သော် လှစ်ခနဲ မှိတ်ပြလိုက်တော့ ညာဖက် မျက်လုံးမှ အရိပ်လေးကြောင့် ချက်ချင်းဆုိသလို လှုပ်ရှားလိုက်မိသော .. သူ။

ယုဒါကအနီးတွင်ရှိနေသော သဲပုံမှ သဲတချို့ကုိ ကောက်ဆုပ်လိုက်ကာ အောင်သူရ၏မျက်နှာကို ပစ်ပေါက်လိုက်သလို သူသည်လည်း ချုပ်ကုိင်ထားသော နံဘေးမှ လူနှစ်ယောက်၏ လက်ထဲမှ အားကုန်ရုန်းကာ အလျင်အမြန် ထွက်ပြေးလိုက်မိတော့သည်။
မတိုင်ပင်ရပါလဲ ထွက်ပြေးကြလေသော သူတို့နှစ်ယောက်၏ ဦးတည်ရာတွေက တစ်နေရာစီ။
ထို့ကြောင့် အောင်သူရနှင့်အပေါင်းအပါများက ဘယ်သူ့နောက်ကုိ လိုက်၍ လိုက်ရမှန်းမသိဖြစ်ကာ ဗျာများလျက်ကျန်ခဲ့ကြသလို မျက်လုံးထဲ သဲမှုန်များဝင်၍ တောက်တခတ်ခတ်ဖြင့် အော်ဟစ်သောင်းကျန်းလျက် ကျန်ခဲ့သော အောင်သူရ၏ ဒေါသတကြီးအော်သံက မီတာတစ်ရာကျော်လောက်ပြေးပြီးသည့်တိုင် ကြားနေရဆဲပင်။

လက်သီးမသန်ပေမဲ့ အပြေးသန်လှသော ယုဒါလည်း အခုလောက်ဆို တော်တော် ခရီးပေါက်နေလောက်ပြီ။ ထို့ကြောင့် သူ့ခြေလှမ်းများကုိ ကေွ့ကာ ဝိုက်ကာ ပတ်ကာဖြင့် မေတ္တာညွှန့်ရပ်ကွက်လေး၏ တိုက်ကြိုတိုက်ကြားမှ တဆင့် ဆုံနေကြနေရာလေးသုိ့ ဦးတည်လိုက်တော့သည်။

သူ့ထက်အရင် ကြိုပြီးရောက်နှင့်နေမည့် ယုဒါကကို မည်သို့ အကြောင်းပြကာ ဖြေရှင်းချက်ပေးရမည် အခုထိမသိသေး။ သေချာတာတစ်ခုကတော့ နားပန်တချက်လောက် ကျင်းခံရအုံးပေမည်။

ဟူး...။

သူ့စိတ်ထဲမှ မသက်မသာ အတွေးလေးနဲ့အတူ သက်ပြင်းတချက်ချရင်း ဆုံနေကြနေရာလေးသို့သာ အသော့နှင်မိတော့လေသည်။

အရေးထဲမှ ထိုးခံထားရသော မေးရုိးက နာလိုက်သည်ဖြစ်ခြင်း.......။
..................................................................

"ယုဒါ"

မျက်နှာချင်းဆိုင်တွေ့မြင်ရနေပြီဖြစ်သော်လည်း
လွှတ်ခနဲထွက်သွားသော သက်တုိင်၏အသံက
လိုတာထပ်ပိုကျယ်လောင်နေပြီး အနည်းငယ် စိုးရိမ်စိတ်တို့ပျော်ဝင်နေလေ၏။ သို့သော် အတတ်နိုင်ဆုံး ဟန်လုပ်ကာ ညီညီညာညာစီတန်းနေသော သွားလေးတွေပေါ်အောက် ဟီးခနဲရယ်ပြလိုက်ရပြန်သည်။
မျက်လုံးတစ်ဖက် ပိတ်လုနီးပါးဖြစ်နေသည်အထိ
ယောင်ကုိင်းနေသည့်အပြင် ယုဒါကုိ ရယ်အပြမှာ
ပြုတ်ထွက်လုမတတ်နာကျင်နေသော မေးရိုးတွေကလည်း တာဝန်သိစွာ နာပြလိုက်သေးသည်။

"ခေါ်မနေနဲ့ မြင်တယ်"

သက်တိုင်ကုိ ခပ်စိမ်းစိမ်းကြည့်ကာ ဘုတောလိုက်သော ယုဒါ၏အသံတွေက တင်းမာနေသော်ငြားလည်း မျက်နှာတပြင်လုံး ရစရာမရှိအောင် ဒဏ်ရာပရဗွဖြစ်နေသော သက်တိုင်ကုိ
ကြည့်ပြီး စိတ်မသက်သာသလို သက်ပြင်းတချက်ကုိချလိုက်လေသည်။

"ဟို...သားကြီး၊ ငါကွာ အဲ့ဒီအကောင်ကျောတာကုိ မခံချင်တာနဲ့ ချိန်းထိုးရအောင်လို့ပြောလိုက်မိတာပါ"

"အခုတော့ မင်းပဲ ခံလာရတာ မဟုတ်လား"

သက်တိုင်၏ ညောင်နာနာအသံဖြင့် ဖြေရှင်းချက်စကားကုိ ယုဒါက တစ်ခွန်းထဲနှင့် အသေသတ်ချလိုက်တော့ မအီမလည် မျက်နှာမျိုးဖြစ်သွားလေသော သက်တိုင်။ ထို့နောက် ယုဒါကုိ နောက်တစိကြိမ် မျက်နှာချိုသွေးလိုက်ကာ

"အေးပါကွာ၊ ငါအသုံးမကျတာလည်း ပါတာပေါ့၊
အောင်သူရက သူငယ်ချင်းတွေကုိခေါ်လာမယ်မှန်း ငါမှ မသိ...."

"တော်တော့ သက်တိုင် ၊ မင်းပါးစပ်ကုိ ပိတ်လိုက်တော့"

ကြားမှဖြတ်၍ဝင်ေဟာက်လိုက်ေသာ ယုဒါကြောင့်
သက်တိုင်၏စကားများရှေ့မဆက်နိုင်တော့ပဲ ထိုနေရာမှာပင် တိခနဲရပ်သွားတော့လေသည်။

"မင်းဟာမင်း ဖင်မနိုင်ဘဲ ပဲကြီးဟင်းစားတဲ့ အကြောင်းတွေကုိ အပုိတွေလုပ်ပြီး လာပြောမနေနဲ့တော့၊ အာညောင်းပြီး လေကုန်ရုံပဲ ရှိမယ်၊ ငါကတော့ သနားမှာ မဟုတ်ဘူး"

"ဘယ်သူက မင်းကုိ သနားခိုင်းနေလို့လဲ၊ ငါက
မင်းစိတ်ဆိုးမှာစိုးလို့ အကောင်းရှင်းပြနေတာ ၊
မင်းဆီမှာ အသနားခံနေတယ် ထင်ရင် ဆောရီးပဲ
ယုဒါ"

ယုဒါ၏စကားကြောင့် သက်တိုင်က အနည်းငယ်ဒေါသထွက်သွားပုံပေါ်သည်။ ခပ်ဆတ်ဆတ် တုန့်ပြန်ပြောဆိုရင်း အင်္ကျီအိပ်ကပ်ထဲမှ စက်ဘီးသော့ကိုထုတ်လုိက်လေသည်။ ထို့နောက် မျက်နှာချင်းဆိုင်တွင်ရှိနေသော ယုဒါထံသို့
ထိုစက်ဘီးသော့ကုိ ပစ်ပေးလိုက်ရင်း

"ရော့၊ မင်းရဲ့ စက်ဘီးသော့၊
စောစောက ဘောလုံးကွင်းထောင့်နားမှာ ရပ်ထားခဲ့တယ်၊ လိုချင်ရင် မင်းဟာမင်း သွားယူလိုက်တော့"

ဟု ဆိုပြီး ချာခနဲ လှည့်ထွက်သွားလိုက်သည်မှာ နောက်ကိုပင် တစ်ချက်လှည့်မကြည့်။ သို့သော်လည်း ထိုးကြိတ်ခံထားရသည့် ဝေဒနာကြောင့် ထင်သလောက် ခြေလှမ်းတို့မသွက်တော့။ ဇောနှင့်ထွက်ပြေးတုန်းက နာကျင်နေသည့်နေရာတွေက မသိသာပေမဲ့ အချိန်ကြာလာသည်နှင့်အမျှ တစ်ကုိယ်လုံး ကိုင်ရိုက်ထားသည့်အလား ခံစားနေရသည့်နှယ်။

ထို့ကြောင့် ခြေလှမ်းတွေသည်လည်း......။

"ခဏနေဦး"

အမိန့်ပေးသံဖြင့် ဟန့်တားလိုက်သော ယုဒါ၏အသံကြောင့် ခပ်နှေးနှေးလျှောက်လှမ်းနေသော သက်တိုင်၏ခြေလှမ်းများက ချက်ချင်းဆုိသလို ရပ်တန့်သွားလေသည်။ သို့ပေမဲ့ အနောက်ကုိ လှည့်မကြည့်။

"ဒီလောက် ပြဲကွဲထားတာကို ဘယ်လိုလုပ်ပြီး
အိမ်ကိုပြန်မှာလဲ ၊ ရပ်နေအုံး အဲ့ဒီ့နေရာမှာ၊
စက်ဘီးသွားယူပြီး ပြန်လာခဲ့မယ်"

"မလုိဘူး"

"မင်း မလိုပေမယ့် ငါလိုတယ်၊ ရပ်နေ အဲ့ဒီအတိုင်း"

ပြောပြောဆိုဆုိဖြင့် မကြာသေးခင်ကမှ ရန်ဖြစ်ထားသော နေရာသို့ ပြေးထွက်သွားသော ယုဒါ။
လက်ထဲတွင်တော့ သက်တိုင် ပစ်ပေး၍ ဖမ်းဆုပ်ကုိင်ထားသော စက်ဘီးသော့လေးဖြင့်။

သက်တိုင်သည်လည်း တကယ်ပဲ လမ်းမလျှောက်နိုင်၍လား၊ ဒါမှမဟုတ် ယုဒါ၏စကားကုိပဲ
မြေဝယ်မကျ နားထောင်လေသလား။ တုန့်ဆိုင်း ရပ်နေသော ထိုနေရာမှ တဖဝါးမှပင် မခွာ။

လက်သီးမသန်သလောက် အပြေးသန်သည့်
ယုဒါ။ မကြာမီ အမြန်ဆုံး ပြန်ရောက်လာမည်ဆုိတာကို သေချာပေါက်သိနှင့်နေသော သက်တိုင်က
ကွဲအက်ေနသောပါးစောင်ကုိပင် မညှာပဲ လှစ်ခနဲ ပြုံးလိုက်တော့လေသည်။

💙💙💙💙💙💙💙💙💙💙💙💙💙💙💙

Zawgyi 💭

"ခြပ္"

က်ယ္ေလာင္စြာထြက္ေပၚလာေသာ အသံက
ေမး႐ုိးႏွင့္လက္သီး မိတ္ဆက္သံဟူ၍ ယုံဖြယ္နိုင္ရာမရွိ။ ထင္ထားသည္ထက္ပုိ၍ က်ယ္ေလာင္ေနေလ၏။ ကုိယ္ကုိယ္တိုင္ အထိုးခံရ၍မ်ားလား။
ဦးေခါင္းတစ္ခုလုံး လည္ထြက္သြားၿပီး ႏွာေခါင္းရိုးတစ္ေလၽွာက္ က်ိန္းတက္သြားသည္အထိ ျပင္းထန္လွေသာ ထိုးခ်က္။ ဒါေတာင္ ေမး႐ုိးကုိထိုးတာ။ ႏွာေခါင္း႐ုိးကုိမ်ား ျဖတ္ထိုးလိုက္ရင္ ထိုေနရာမွာပင္ အသက္ေပ်ာက္သြားနိုင္ေလသည္။

သို႔ေသာ္ အေတြး၌သာ ေၾကာက္ရြံ့ေနၿပီး တကယ့္အျပင္လက္ေတြ႕တြင္ေတာ့ အရႈံးမေပးခ်င္သည့္စိတ္ေၾကာင့္ လဲက်ေနရာမွ ကုန္း႐ုန္းထလိုက္မိသည္။ ထို႔ေနာက္ ရွိသမၽွ အားအင္ကုိသုံးကာ မ်က္စိေရွ႕မွ လူကုိ ဝင္လုံး လိုက္ျပန္ေတာ့သည္။

"ဟာ...ဒီေကာင္၊ ေတာ္ေတာ္ ေသာက္ေက်ာတင္းပါလား၊ လာကြာ ေဟ့ေကာင္ေတြ၊ ဒီေကာင္ကိုခ်ဳပ္ထား"

တစ္ေယာက္ခ်င္းေတာင္ မနိုင္ပါဘဲ ဆက္လက္ လုံးေထြးရန္ႀကိဳးစားေနေသာ သူ႔ကို ဝိုင္းခ်ဳပ္ရန္ အမိန္႔ေပးသံထြက္ေပၚလာေတာ့ လူက နည္းနည္းရွိန္ခနဲျဖစ္သြားေလသည္။ ဘိုင္ဝမ္းေတာင္ မႏုိင္တာ သုံးေယာက္တစ္ေယာက္ဆိုရင္ ေသခ်ာေပါက္ အေရးေပၚေရာက္သြားနိုင္သည္။ သို႔ေသာ္ သန္းေခါင္ထက္ ညဥ့္မနက္ေတာ့။ အရႈံးဆိုတာကုိ မုန္းသူပီပီဆက္လက္၍ မာန္တင္းကာ ဝုိင္းခ်ဳပ္လာေသာလူအမ်ားကုိ အားကုန္ေဆာင့္႐ုန္းၿပီး
ျမင္ျမင္သမၽွအရာတိုင္း လက္သီးပစ္သြင္းမိေတာ့သည္။

"ၾကည့္စမ္းပါဦး၊ မႊန္ေနလိုက္တာမွ ျမင္မေကာင္းဘူး"

သူ႔ဝမ္းဗိုက္ကို လက္သီးတခ်က္ ပစ္သြင္းၿပီး ခပ္ရြဲ႕ရြဲ႕ေျပာလိုက္ေသာ အသံက နားထဲ သံရည္ပူေလာင္းလိုက္သည့္ႏွယ္။

"မင္း စကားေျပာတာ ၾကည့္ေျပာ ေအာင္သူရ၊
အရိုင္းအစိုင္းလို မေျပာနဲ႔"

"႐ုိင္းေတာ့ ဘာျဖစ္လဲ၊ ကဲကြာ"

ေနာက္တစ္ႀကိမ္ထိုးသြင္းလိုက္ေသာ လက္သီးတစ္ခ်က္က ပါးျပင္ကုိ စိမ့္ခနဲ။ နာလိုက္သည္ျဖစ္ျခင္း။ သုိ့ေသာ္ အျပဳံးမပ်က္ ခပ္အက္အက္ရယ္လိုက္ရင္း စကားတစ္ခြန္းျဖင့္ ျပန္လည္ေခ်ပလိုက္ေတာ့ ေအာင္သူရ မ်က္ႏွာက မည္းခနဲ။

"မင္းလို အ႐ုိင္းအစိုင္းေကာင္ကုိ ေရႊခ်ည္က ျပန္မႀကိဳက္တာလဲ မေျပာနဲ႔ေလ၊ အရမ္း ေအာက္တန္းက်တယ္"

"ဘာကြ၊ ဘုန္းသက္တိုင္ မင္း မင္း၊ လူပါးဝလွခ်ည္လား၊ ငါ ေရႊခ်ည္ကို လိုက္ေနတာ သိရဲ့သားနဲ႔
ၾကားထဲက မင္းပဲ အရွက္မရွိ ျဖတ္ခုတ္သြားတာေလ၊ ေခြးေကာင္ မိန္းမလို မိန္းမရနဲ႔"

"အဟက္ မင္းသာ မိန္းမလို မိန္းမရပါ ေအာင္သူရရာ၊ တစ္ေယာက္ခ်င္းခ်မယ္ဆိုၿပီးလည္း ခ်ိန္းေသး အေဖာ္ေတြလည္း ေခၚလာေသး၊ ကလိမ္ကက်စ္ေကာင္ ၊ ထီြ!!"

သူ႔စကားေတြကုိ ေအာင္သူရတစ္ေယာက္ မည္မၽွေပါက္ကြဲသြားသည္မသိ။ အျဖဴေရာင္ ရွပ္အကၤ်ီလည္ပင္းကို အားျဖင့္အတင္းေဆာင့္ဆြဲလိုက္ေတာ့ေလသည္။

အနည္းငယ္ အစ္ေနေသာ လည္ပင္းေၾကာင့္ တုန္႔ျပန္စကားမေျပာနိုင္ေသးသည္ကုိ အခြင့္ေကာင္းယူကာ မထိတထိျပဳံးၿပီး ရန္စကားထပ္ေျပာလိုက္ေသာ ေအာင္သူရ။

"ငါက မင္းလို မႏုံဘူးကြ၊ သက္တိုင္ရ၊ ဟား ဟား ဟား၊ ေအး...မင္းေစာင့္ၾကည့္ေနလိုက္ ၊ မင္းလက္ထဲကေန ေရႊခ်ည္ကုိ ငါဘယ္လို ယူျပမလဲဆိုတာ၊
ေနာင္မွ ငါမွားပါတယ္ ေအာင္သူရဆုိရင္ေတာ့ ေဆာရီးပဲ သားႀကီး၊ မင္းအေဖက မညႇာတတ္ဘူး"

အားရပါးရ ႀကိမ္းဝါးေျပာဆို႐ုံတင္ မက က်န္လက္တစ္ဖက္ျဖင့္ လည္ပင္းကို ညႇစ္ဖို႔ႀကိဳးစားေနေသာ ေအာင္သူရေၾကာင့္ သူ အလန္႔တျခားျဖစ္ကာ ေခါင္းကို ငဲ့ယိမ္းေရွာင္ရန္ႀကိဳးစားလိုက္သည္။ လႈပ္လိုက္တိုင္း ပိုတင္းလာေသာ အကၤ်ီလည္ပင္းကလည္းရွိေသးသည္မို႔ မ်က္ႏွာတစ္ျပင္လုံး ဖူးေယာင္ကာ နာက်င္ေနသည္ကုိပင္ သတိမထားနိုင္ေတာ့။ အစ္ေနေသာ လည္ပင္းကုိ သက္သာေစရန္သာ ႀကိဳးစားေနမိေတာ့သည္။

"ေအာင္သူရ၊ မင္းလက္ကုိ အခု ဖယ္လိုက္စမ္း"

ထိုစဥ္ က်ယ္ေလာင္စြာ ထြက္ေပၚလာေသာ အသံနက္ႀကီးတစ္ခုေၾကာင့္ ႐ုန္းရင္းဆန္ခတ္ျဖစ္ေနရာမွ အားလုံး၏အၾကည့္မ်ားသည္ အသံလာရာဆီသို႔ ေရာက္သြားၾကေလေတာ့သည္။

ဟင္ ယုဒါ။

အထိတ္တလန္ ့ျဖစ္ကာေရရြတ္လိုက္မိေပမဲ့ အသံက ခ်က္ခ်င္းထြက္မလာ။ ေနပူက်ဲတဲေအာက္တြင္ ထီးမပါ ဦးထုပ္မပါျဖင့္ အေျပးအလႊားေရာက္ခ်လာေသာ ယုဒါကို စိတ္ထဲမွ ႐ုတ္တရက္စိတ္ပူသြားကာ ဘာလုပ္လို႔ ဘာကုိင္ရမွန္းမသိေတာ့။

"ေအာ္ ေဟာ္၊ ေရာက္မွ ေရာက္လာပါ့မလားလို႔၊
ကဲ ယုဒါ မင္းရဲ့ အခ်စ္ဆုံးသူငယ္ခ်င္းႀကီးက ငါ့ကုိ ေသာကေတြေပးၿပီး အာ႐ုံလာစားေနလို႔ နည္းနည္း ပညာေပးေနတာ၊ ဝင္မပါရင္ေတာ့ ေကာင္းမယ္ကြာ၊ မင္းလို ျဖဴဖပ္ဖပ္ကုိ ငါအားနာလုိ့"

ယုဒါကို ျမင္သည္ႏွင့္ ေအာင္သူရက ခ်က္ခ်င္းပင္ ေျပရာေျပေၾကာင္းေျပာလိုက္ေလသည္။ ထို႔ေနာက္ ေမာဟုိက္သလိုျဖစ္ေနသည့္ ယုဒါကုိ သနားသလို တခ်က္ၾကည့္ကာ ႏႈတ္ခမ္းကုိ မဲ့လိုက္ၿပီး သူ႔ဘက္သို႔ မ်က္ႏွာကုိ ျပန္လွည့္လိုက္ေတာ့သည္။

"ဘုန္းသက္တိုင္၊ ကုိယ့္အေျခအေနကုိ ကုိယ္သိ၊
သိပ္ၿပီးေတာ့ ဖင္ယားမေနနဲ႔၊ မ်က္ႏွာလွလွေလးမွာ ေသရာပါ အမွတ္ေလးေတြ ထည့္ေပးလိုက္မယ္၊ ၾကားလား"

စားမတတ္ ဝါးမတတ္ မ်က္ႏွာေပးျဖင့္ လူကုိ
ၾကည့္ကာ ေျပာေနေသာ ေအာင္သူရ။ ယုဒါကေတာ့ ေစာေစာက အသံနက္ႀကီးတစ္ခြန္းအျပင္
ယခုအခ်ိန္အထိ ဘာစကားတစ္ခြန္းမွ ဝင္မေျပာေသး။ သို႔ေသာ္ အၾကည့္တခ်ိဳ႕ကုိ သူ႔ထံသို႔ မၾကာခဏ ဆိုသလို ေရာက္၍ေနေလသည္။
ေပါင္းသင္းလာေသာ ႏွစ္ေတြကလည္း.ၾကာျမင့္ခဲ့သည္မို႔ ယုဒါက ဘယ္လို အၾကည့္မ်ိဳးျဖင့္ သူ႔ကုိ လွမ္းၾကည့္ေနသလဲဆိုတာကုိ သူက ခ်က္ခ်င္းသေဘာေပါက္သည္။

"ေဟ့ေကာင္ ေအာင္သူရ ၊ မင္း ငါ့သူငယ္ခ်င္းကုိ
အခုလႊတ္လိုက္စမ္း၊ မလႊတ္ရင္ ငါေက်ာင္းအုပ္႐ုံးခန္းအထိ သြားတိုင္မွာေနာ္"

ခပ္မာမာေလသံျဖင့္ မနိုင္နိုင္ရာမဲသည့္ သေဘာမ်ိဳးေျပာလိုက္ေသာ ယုဒါ၏ စကားကို ေအာင္သူရက ဟားတိုက္ရယ္ေမာေလသည္။ ထို႔ေနာက္
ဘာကုိမွ ဂ႐ုမစိုက္သည့္ ေလသံျဖင့္

"တိုင္ေလ ၊ တိုင္ေပါ့၊ အဲ့ဒီေလာက္ေလးကို ငါက ေၾကာက္စရာလား ၊ ေက်ာင္းအုပ္႐ုံးခန္းမကလို႔ ဟိုး...တာဝတႎသာ အထိပဲ တက္တိုင္တိုင္၊ don't care ပဲ ေဟ့ေကာင္"

ဟူ၍ ေဆာင့္ႂကြားႂကြားေျပာလိုက္ေတာ့ေလသည္။
ယခုအခ်ိန္မွာ ေအာင္သူရ၏ ပုံစံက တကယ့္ကုိ
ဂန္းစတားတစ္ေယာက္၏ပုံစံအတိုင္းပင္။
စကားႀကီး စကားက်ယ္ေတြကုိ စိတ္ႀကိဳက္
ေျပာခြင့္ရေနသည္ေၾကာင့္ တစ္ေလာကလုံးကုိ ဂ႐ုမစုိက္သည့္ပုံစံျဖင့္ ေလလုံးထြားေနေလေတာ့သည္။ သူ႔ကုိ ခ်ဳပ္ထားေသာ ေအာင္သူရ၏ အေပါင္းအပါႏွစ္ေယာက္မွာလည္း အာ႐ုံက ဟိုဖက္ ဒီဘက္ျဖစ္ေနၿပီမို႔ လက္ေတြက သိပ္မျမဲခ်င္ေတာ့။

ထိုအေျခအေနကို သူေရာ ယုဒါပါ သေဘာေပါက္ေလသည္။ ထို႔ေၾကာင့္ ယုဒါက ထပ္မံေသြးတိုးစမ္းလိုက္ေသာ စကားတစ္ခြန္းျဖင့္ ေအာင္သူရအား
ဆြလိုက္ျပန္ေတာ့သည္။

"မင္းအေဖနဲ႔ ေက်ာင္းအုပ္ႀကီးက သူငယ္ခ်င္းေတြဆိုေတာ့ မင္းက အဲ့ဒီ့စကားေျပာမွာေပါ့၊ ဒါေပမဲ့
နိုင့္ထက္စီးနင္းဆိုတာခ်ည္းကေတာ့ မေကာင္းဘူးေပါ့ကြာ"

"ဘာ! မင္းစကားကုိ ျပန္ျပင္ေျပာလိုက္စမ္း မိုင္ယုဒါ၊ နိုင့္ထက္စီးနင္း ဟုတ္စ၊ မွတ္ေတာင္ထားရအုံးမယ္၊ ဒီျပႆနာကုိ မင္းသူငယ္ခ်င္း က စတာကြ၊ သူပဲ ငါနဲ႔ ခ်ိန္းၿပီးထိုးရေအာင္ဆိုၿပီး စခ်ိန္းတာကြ"

ယုဒါ၏စကားကုိ ဘဝင္မက်သလို ျပန္ေမးလိုက္ကာ သူ႔လည္ပင္းကုိ လြတ္လိုက္ၿပီး ယုဒါနားသို႔ ေလၽွာက္သြားေသာ ေအာင္သူရ။

ေအာင္သူရ၏စကားေၾကာင့္ ယုဒါ၏အၾကည့္စိမ္းစိမ္းေတြကလည္း သူ႔ထံသို႔ ခ်က္ခ်င္းေရာက္လာေတာ့သည္။ သူ႔ဘက္က စမွားသည့္ ကိစၥအတြက္ ယုဒါကုိ အားနာသလို တခ်က္ၾကည့္ရင္း မသိမသာ ျပဳံးျပလိုက္မိေသာ္လည္း
ယုဒါ၏အၾကည့္ေတြက ေျပာင္းလဲျခင္းမရွိ။
သို႔ေသာ္ လွစ္ခနဲ မွိတ္ျပလိုက္ေတာ့ ညာဖက္ မ်က္လုံးမွ အရိပ္ေလးေၾကာင့္ ခ်က္ခ်င္းဆုိသလို လႈပ္ရွားလိုက္မိေသာ .. သူ။

ယုဒါကအနီးတြင္ရွိေနေသာ သဲပုံမွ သဲတခ်ိဳ႕ကုိ ေကာက္ဆုပ္လိုက္ကာ ေအာင္သူရ၏မ်က္ႏွာကို ပစ္ေပါက္လိုက္သလို သူသည္လည္း ခ်ဳပ္ကုိင္ထားေသာ နံေဘးမွ လူႏွစ္ေယာက္၏ လက္ထဲမွ အားကုန္႐ုန္းကာ အလ်င္အျမန္ ထြက္ေျပးလိုက္မိေတာ့သည္။
မတိုင္ပင္ရပါလဲ ထြက္ေျပးၾကေလေသာ သူတို႔ႏွစ္ေယာက္၏ ဦးတည္ရာေတြက တစ္ေနရာစီ။
ထို႔ေၾကာင့္ ေအာင္သူရႏွင့္အေပါင္းအပါမ်ားက ဘယ္သူ႔ေနာက္ကုိ လိုက္၍ လိုက္ရမွန္းမသိျဖစ္ကာ ဗ်ာမ်ားလ်က္က်န္ခဲ့ၾကသလို မ်က္လုံးထဲ သဲမႈန္မ်ားဝင္၍ ေတာက္တခတ္ခတ္ျဖင့္ ေအာ္ဟစ္ေသာင္းက်န္းလ်က္ က်န္ခဲ့ေသာ ေအာင္သူရ၏ ေဒါသတႀကီးေအာ္သံက မီတာတစ္ရာေက်ာ္ေလာက္ေျပးၿပီးသည့္တိုင္ ၾကားေနရဆဲပင္။

လက္သီးမသန္ေပမဲ့ အေျပးသန္လွေသာ ယုဒါလည္း အခုေလာက္ဆို ေတာ္ေတာ္ ခရီးေပါက္ေနေလာက္ၿပီ။ ထို႔ေၾကာင့္ သူ႔ေျခလွမ္းမ်ားကုိ ေကြ႕ကာ ဝိုက္ကာ ပတ္ကာျဖင့္ ေမတၱာညႊန္႔ရပ္ကြက္ေလး၏ တိုက္ႀကိဳတိုက္ၾကားမွ တဆင့္ ဆုံေနၾကေနရာေလးသုိ့ ဦးတည္လိုက္ေတာ့သည္။

သူ႔ထက္အရင္ ႀကိဳၿပီးေရာက္ႏွင့္ေနမည့္ ယုဒါကကို မည္သို႔ အေၾကာင္းျပကာ ေျဖရွင္းခ်က္ေပးရမည္ အခုထိမသိေသး။ ေသခ်ာတာတစ္ခုကေတာ့ နားပန္တခ်က္ေလာက္ က်င္းခံရအုံးေပမည္။

ဟူး...။

သူ႔စိတ္ထဲမွ မသက္မသာ အေတြးေလးနဲ႔အတူ သက္ျပင္းတခ်က္ခ်ရင္း ဆုံေနၾကေနရာေလးသို႔သာ အေသာ့ႏွင္မိေတာ့ေလသည္။

အေရးထဲမွ ထိုးခံထားရေသာ ေမး႐ုိးက နာလိုက္သည္ျဖစ္ျခင္း.......။
..................................................................

"ယုဒါ"

မ်က္ႏွာခ်င္းဆိုင္ေတြ႕ျမင္ရေနၿပီျဖစ္ေသာ္လည္း
လႊတ္ခနဲထြက္သြားေသာ သက္တုိင္၏အသံက
လိုတာထပ္ပိုက်ယ္ေလာင္ေနၿပီး အနည္းငယ္ စိုးရိမ္စိတ္တို႔ေပ်ာ္ဝင္ေနေလ၏။ သို႔ေသာ္ အတတ္နိုင္ဆုံး ဟန္လုပ္ကာ ညီညီညာညာစီတန္းေနေသာ သြားေလးေတြေပၚေအာက္ ဟီးခနဲရယ္ျပလိုက္ရျပန္သည္။
မ်က္လုံးတစ္ဖက္ ပိတ္လုနီးပါးျဖစ္ေနသည္အထိ
ေယာင္ကုိင္းေနသည့္အျပင္ ယုဒါကုိ ရယ္အျပမွာ
ျပဳတ္ထြက္လုမတတ္နာက်င္ေနေသာ ေမးရိုးေတြကလည္း တာဝန္သိစြာ နာျပလိုက္ေသးသည္။

"ေခၚမေနနဲ႔ ျမင္တယ္"

သက္တိုင္ကုိ ခပ္စိမ္းစိမ္းၾကည့္ကာ ဘုေတာလိုက္ေသာ ယုဒါ၏အသံေတြက တင္းမာေနေသာ္ျငားလည္း မ်က္ႏွာတျပင္လုံး ရစရာမရွိေအာင္ ဒဏ္ရာပရဗြျဖစ္ေနေသာ သက္တိုင္ကုိ
ၾကည့္ၿပီး စိတ္မသက္သာသလို သက္ျပင္းတခ်က္ကုိခ်လိုက္ေလသည္။

"ဟို...သားႀကီး၊ ငါကြာ အဲ့ဒီအေကာင္ေက်ာတာကုိ မခံခ်င္တာနဲ႔ ခ်ိန္းထိုးရေအာင္လို႔ေျပာလိုက္မိတာပါ"

"အခုေတာ့ မင္းပဲ ခံလာရတာ မဟုတ္လား"

သက္တိုင္၏ ေညာင္နာနာအသံျဖင့္ ေျဖရွင္းခ်က္စကားကုိ ယုဒါက တစ္ခြန္းထဲႏွင့္ အေသသတ္ခ်လိုက္ေတာ့ မအီမလည္ မ်က္ႏွာမ်ိဳးျဖစ္သြားေလေသာ သက္တိုင္။ ထို႔ေနာက္ ယုဒါကုိ ေနာက္တစိႀကိမ္ မ်က္ႏွာခ်ိဳေသြးလိုက္ကာ

"ေအးပါကြာ၊ ငါအသုံးမက်တာလည္း ပါတာေပါ့၊
ေအာင္သူရက သူငယ္ခ်င္းေတြကုိေခၚလာမယ္မွန္း ငါမွ မသိ...."

"ေတာ္ေတာ့ သက္တိုင္ ၊ မင္းပါးစပ္ကုိ ပိတ္လိုက္ေတာ့"

ၾကားမွျဖတ္၍ဝင္ေဟာက္လိုက္ေသာ ယုဒါေၾကာင့္
သက္တိုင္၏စကားမ်ားေရွ႕မဆက္နိုင္ေတာ့ပဲ ထိုေနရာမွာပင္ တိခနဲရပ္သြားေတာ့ေလသည္။

"မင္းဟာမင္း ဖင္မနိုင္ဘဲ ပဲႀကီးဟင္းစားတဲ့ အေၾကာင္းေတြကုိ အပုိေတြလုပ္ၿပီး လာေျပာမေနနဲ႔ေတာ့၊ အာေညာင္းၿပီး ေလကုန္႐ုံပဲ ရွိမယ္၊ ငါကေတာ့ သနားမွာ မဟုတ္ဘူး"

"ဘယ္သူက မင္းကုိ သနားခိုင္းေနလို႔လဲ၊ ငါက
မင္းစိတ္ဆိုးမွာစိုးလို႔ အေကာင္းရွင္းျပေနတာ ၊
မင္းဆီမွာ အသနားခံေနတယ္ ထင္ရင္ ေဆာရီးပဲ
ယုဒါ"

ယုဒါ၏စကားေၾကာင့္ သက္တိုင္က အနည္းငယ္ေဒါသထြက္သြားပုံေပၚသည္။ ခပ္ဆတ္ဆတ္ တုန္႔ျပန္ေျပာဆိုရင္း အကၤ်ီအိပ္ကပ္ထဲမွ စက္ဘီးေသာ့ကိုထုတ္လုိက္ေလသည္။ ထို႔ေနာက္ မ်က္ႏွာခ်င္းဆိုင္တြင္ရွိေနေသာ ယုဒါထံသို႔
ထိုစက္ဘီးေသာ့ကုိ ပစ္ေပးလိုက္ရင္း

"ေရာ့၊ မင္းရဲ့ စက္ဘီးေသာ့၊
ေစာေစာက ေဘာလုံးကြင္းေထာင့္နားမွာ ရပ္ထားခဲ့တယ္၊ လိုခ်င္ရင္ မင္းဟာမင္း သြားယူလိုက္ေတာ့"

ဟု ဆိုၿပီး ခ်ာခနဲ လွည့္ထြက္သြားလိုက္သည္မွာ ေနာက္ကိုပင္ တစ္ခ်က္လွည့္မၾကည့္။ သို႔ေသာ္လည္း ထိုးႀကိတ္ခံထားရသည့္ ေဝဒနာေၾကာင့္ ထင္သေလာက္ ေျခလွမ္းတို႔မသြက္ေတာ့။ ေဇာႏွင့္ထြက္ေျပးတုန္းက နာက်င္ေနသည့္ေနရာေတြက မသိသာေပမဲ့ အခ်ိန္ၾကာလာသည္ႏွင့္အမၽွ တစ္ကုိယ္လုံး ကိုင္ရိုက္ထားသည့္အလား ခံစားေနရသည့္ႏွယ္။

ထို႔ေၾကာင့္ ေျခလွမ္းေတြသည္လည္း......။

"ခဏေနဦး"

အမိန္႔ေပးသံျဖင့္ ဟန္႔တားလိုက္ေသာ ယုဒါ၏အသံေၾကာင့္ ခပ္ေႏွးေႏွးေလၽွာက္လွမ္းေနေသာ သက္တိုင္၏ေျခလွမ္းမ်ားက ခ်က္ခ်င္းဆုိသလို ရပ္တန္႔သြားေလသည္။ သို႔ေပမဲ့ အေနာက္ကုိ လွည့္မၾကည့္။

"ဒီေလာက္ ျပဲကြဲထားတာကို ဘယ္လိုလုပ္ၿပီး
အိမ္ကိုျပန္မွာလဲ ၊ ရပ္ေနအုံး အဲ့ဒီ့ေနရာမွာ၊
စက္ဘီးသြားယူၿပီး ျပန္လာခဲ့မယ္"

"မလုိဘူး"

"မင္း မလိုေပမယ့္ ငါလိုတယ္၊ ရပ္ေန အဲ့ဒီအတိုင္း"

ေျပာေျပာဆိုဆုိျဖင့္ မၾကာေသးခင္ကမွ ရန္ျဖစ္ထားေသာ ေနရာသို႔ ေျပးထြက္သြားေသာ ယုဒါ။
လက္ထဲတြင္ေတာ့ သက္တိုင္ ပစ္ေပး၍ ဖမ္းဆုပ္ကုိင္ထားေသာ စက္ဘီးေသာ့ေလးျဖင့္။

သက္တိုင္သည္လည္း တကယ္ပဲ လမ္းမေလၽွာက္နိုင္၍လား၊ ဒါမွမဟုတ္ ယုဒါ၏စကားကုိပဲ
ေျမဝယ္မက် နားေထာင္ေလသလား။ တုန္႔ဆိုင္း ရပ္ေနေသာ ထိုေနရာမွ တဖဝါးမွပင္ မခြာ။

လက္သီးမသန္သေလာက္ အေျပးသန္သည့္
ယုဒါ။ မၾကာမီ အျမန္ဆုံး ျပန္ေရာက္လာမည္ဆုိတာကို ေသခ်ာေပါက္သိႏွင့္ေနေသာ သက္တိုင္က
ကြဲအက္ေနေသာပါးေစာင္ကုိပင္ မညႇာပဲ လွစ္ခနဲ ျပဳံးလိုက္ေတာ့ေလသည္။

💙💙💙💙💙💙💙💙💙💙💙💙💙💙💙

Коментарі