بينما كان يوسف يتابع التلفاز بعدم اكتراث كانت سعاد تتصفح موقع التواصل الاجتماعي الخاص بها باهتمام
سعاد : اي دا
يوسف بتساؤل : في حاجه ي ماما
سعاد بفرحه : مش مصدقه
يوسف بقلق : ماما في اي خوفتيني
سعاد : لالا يا حبيبي مافيش حاجه بس صحبتي من ايام ماكنت صغيره بعتتلي طلب صداقه على الفيس وهي وحشتني اوي
يوسف : ياربي خوفتيني..اممممم واسمها اي صحبتك
سعاد : اسمها.......
محمد مقاطعاً : السلام عليكم
سعاد ويوسف : وعليكم السلام
ياسين وهو يهبط من على السلم : وعليكم السلام يابابا
فريده وهي تخرج من غرفتها : وعليكم السلام بابا
سعاد : حبيبي احضرلك العشا
محمد : لا ياحياتي انا تعبت اوي النهارده في الشغل حطلع انام دلوقتي يلا تصبحوا على خير
الجميع : وانت من اهل الخير
يوسف محدثاً والدته : كنتي بتقوولي اي بقا
•••••••••••••••••••••••••••••••••••••••••••••••••••
في نفس الوقت في منزل عائلة الدمنهوري
بينما كان الجميع يجلس امام التلفاز يتابعون فيلم قديم كانت شاديه منشغله بتصفح موقع التواصل الخاص بها في اهتمام وهي تبتسم من حين الى اخر
نيروز بابتسامه : خير ياماما اي مخليكي تبتسمي اوي كده
شاديه : صحبتي ي ستي من ايام ماكنت صغيره ...لقيتها على الفيس وبعتلها طلب صداقه وقبلته
نيروز بابتسامه : اممم حلو اوي..واسمها اي صحبتك
في ناحيه اخرى
سعاد : اسمها شاديه......عارف يايوسف احنا كنا قريبين من بعض اوي كنا صحاب من واحنا صغيرين خالص
يوسف : وااااو.....اممم وهي عندها عيال
شاديه : احنا سيبنا بعض من زمان اوي من لما اتجوزنا بس كان عندي واحده صحبتي كانت مشتركه بينا وهي كمان كانت عايشه في اسكندريه مع سعاد قالتلي انها عندها ولدين حلوين اوي الكبير اسمه يوسف والصغير اسمه ياسين
نيروز : حلو اوي
سعاد : كان عندي واحده صحبتي زمان اوي نقلت من فتره وعاشت في القاهره مع شاديه قالتلي انها عندها ولد وبنت الولد اسمه كريم والبنت اسمها نيروز
يوسف بانبهار : اممم نيروز ..ثم اردف بغمزه : هي حلوه
سعاد : اتلم يولا دي بنت صحبتي
يوسف ضحك : انا بس بستفسر
نيروز وقد دهمتها فكره : اممممم....ماما اي رأيك تعزميهم ييجوا يقعدوا عندنا وبالمره نقضي العيد مع بعض
شاديه : فكره حلوه اويي انا حقولها دلوقتي
سعاد وقد وصلت لها الرساله : يوسف بتقوولي انها عيزانا نيجي عندهم وبالمره نقضي معاهم العيد
يوسف بسعاده : حلوه اوي الفكره دي وليه لا...واردف في داخله : وبالمره نتعرف على نيروزه
سعاد : بس ممكن ابوك ميوافقش
في هذا الوقت كان كلاً من ياسين وفريده يستمعون لهم ولا يتحدثون
فريده : انا ممكن اقنع بابا
ياسين : اممم وانا كمان
يوسف بدهشه : بيطلعوا امتى دول
ياسين وفريده نظروا لبعضهم البعض وضحكوا
سعاد : فكره حلوه وانا حاجي معاكم
يوسف : اه وانا كمان
ثم صعدوا الى الاعلى ودخلوا الى غرفة محمد وجلسوا جميعاً على السرير حوله
محمد بفزع : بسم الله... سلامٌ قولٌ من رب رحيم...عايزين اي
فريده : بابا انت احلى اب في الدنيا
يوسف : لالا دي مش حتنفع.....بابا انا بحبك اوي
ياسين : لالا ولا دي حتنفع....بابا انا....
محمد : باااااس..... واحد بس الي يتكلم
سعاد : اسكتوا انتوا انا الي هتكلم ....
بدأت سعاد في سرد الحوار الى محمد الذي اسعده الخبر
محمد : بجد...حلوه اوي نتوكل على الله الخميس الي جي
الجميع بصدمه : اييييي
سعاد : انت موافق بجد
محمد : اه وليه لا .....بصراحه انا كنت خايف اوي اني افاتحكم في الموضوع دا انا شغلي كله هيتنقل على القاهره وانا اكيد مش هسيبكم واروح فكنت عايز اقولكم اننا ننقل على القاهره بس كنت خايف.....بس دلوقتي خلاص انتوا كمان عايزين تروحوا القاهره
كان الخبر صادم على الجميع خاصة ياسين وفريده
فريده بحزن شديد وكادت ان تبكي : بس انا مش عايزه اعيش في القاهره مش هقدر اسيب كليتي وصحابي
ياسين بحزن : اه وانا كمان مش حقدر اسيب عيادتي وصحابي
سعاد : فيري يا حبيبتي احنا حنقدملك في جامعة القاهره وبالنسبه لصحابك......اكيد حتتعرفي على صحاب جداد
يوسف : اه ياطمطم وكمان بنت طنط شاديه موجوده
سعاد بنظره حاده : يوووووسف....اه ي ياسوا وانت حنفتحلك عياده في المعادي عندهم ماتاخدش في بالك
يوسف : اه وبالنسبه لصحابك انا كمان هسيب البيست فريند ميزو حبيبي صحيح هتعذب اوي من غيره...بس كريم ونيروووووز موجودين
ياسين ببهجه : بجد طنط شاديه عندها بنوته
يوسف بابتسامه كبيره : اه عندها
ياسين بنفس البهجه والبلاهه : اممم وهي حلوه
يوسف : مش عارف والله بس......
سعاد : بس انتوا الاتنين هتبدءوا من دلوقتي... ثم اردفت بخبث : بس انا اعتقد انها حتكون حلوه اوي لأن شاديه كانت زي القمر وهي صغيره
يوسف وياسين : اممم الله اكبر
سعاد ضحكت : يلا كل واحد على اوضته ناموا كويس عشان من بكره هنبدأ نجهز نفسنا عشان الخميس هنسافر
ثم ذهب الجميع الى غرفته الخاصه
.
مر الاسبوع بدون احداث تذكر وكانت العائله تتأهب للسفر من ترتيب الحقائب والاوراق وتنضيف المنزل
.
صباح يوم الخميس استيقظ الجميع وتأهبوا للسفر وتأكد يوسف وياسين من اغلاق الحقائب جيدا وانطلقوا الى القاهره ......بعد فتره طويله من السفر دامت اكثر من ٤ ساعات متواصله وصلوا الى القاهره وذهبوا الى منزل ايزابيل والدة سعاد..كانت ايزابيل بريطانيه تعيش في لندن ثم تعرفت على والد سعاد واحبها وتزوجا وانتقلوا للعيش في مصر وكانت هذه رغبة كليهما ...اخذت سعاد عيناها الخضراء من والدتها ايزابيل ذات الشعر الاسود الذي سيطر عليه الشيب و عيناها الخضراء وبشرتها البيضاء الناصعه...انتقلت العائله للعيش مع ايزابيل الى ان ينتهوا من تجهيز منزلهم الجديد
بعد فتره وصلت السياره الى منزل ايزابيل ودخلوا الى المنزل ورحبت بهم ايزابيل
ايزابيل بلغتها العربيه الغير مفهومه : اووه محميد ليه مش ايجي انتي وسعاد اقعدوا اندي من زمان..انا اقعد لوحدي كتير And I feel bored and alone
محمد : معلش بقا ي زوزه احنا جينا اهو وهنقعد معاكي علطول لغاية ماشقتنا تخلص
يوسف بحب : بس اي الحلاوه دي ي زوزه انت بتكبر بتحلو كده
ضحكت ايزابيل : اووه يوسف انتي تضحكيني كتير...اممم واتي كمان احلويتي كتير وعندك six pack كمان
خجل يوسف واردفت ايزابيل محدثه ياسين : وانتي ياسين عندك دقن حلوه كتيير
فريده بحزن مصطنع : وانا بنت البطه السوده ي زوزو
ايزابيل : اووه فيري انتي بنوته حلوه كتيير
وجلس الجميع يتحدثون ويضحكون..ثم ذهب كل منهم الى غرفته ونام الجميع ليستريحوا من السفر
•••••••••••••••••••••••••••••••••••••••••••••••••••
في وقت اخر في منزل عائلة الدمنهوري
شفق وهي والدة حسام : نيروز.....نيروز حبيبتي جبيلي مايه
نايا : تيته نيروز مشغوله دلوقتي انا هجبلك مايه
شفق : ماشي ي حبيبتي
شاديه : نوزه ي نيروز
نيروز : نعم ي مامي
شاديه : سعاد وصلت
نيروز بصدمه : اييييي...ماما ماقولتليش ليييه احنا لسه ماظبطناش الاوض وكمان لسه.......
شاديه : اهدي بس شويه.. هي وصلت القاهره بس راحت بيت امها طنط ايزابيل هيقعدوا عندها تلات ايام وييجوا
نيروز تنهدت : اوووف الحمدلله...ماشي ي مامي انا رايحه السوبر ماركت اجيب شويه حاجات وراجه تاني
شاديه : ماشي ياروحي خليكي بالك من نفسك
نيروز : حاضر يامامي..باي
مايا : مامي.....مامي
شاديه : نعم ي مايو
مايا : مامي ممكن اخرج مع صحبتي شويه صغيرين
شاديه : هييييح ماشي بس ماتطوليش
مايا قبلتها على وجنتها : حاضر يااحلى شوشو في الدنيا...باي
شاديه بابتسامه : باي
•••••••••••••••••••••••••••••••••••••••••••••••••••
في نفس الوقت في منزل ايزابيل
كان الجميع يجلسون في الصالون يتبادلون اطراف الحديث
استيقظ يوسف من النوم وقام بتبديل ثيابه ثم نزل لهم
يوسف : متجمعين عند النبي
الجميع : يسمع من بوقك ربنا
ايزابيل : ليه لابسه هدوم خروج يوسف
يوسف : هنزل كده ي زوزه الف شويه في القاهره
نظر له محمد ولم يعقب
سعاد : اوك ي حبيبي خلي بالك من الطريق
يوسف ابتسم لها وغادر
يوسف : اي الموزز دي كلها.. شكلك حتتسلى اوي هنا ي چووو.....خصوصاً مع نيروزه
بينما كان ينظر الى الفتيات فجأه.......
.
يارب تعجبكم..رأيكم يهمني🖤🔥
تفااااعل💋
#نيروز_الشريف🖤