သာဓုခေါ်ပေးပါ
ပဏာမအနေနဲ့
မာနပြလိုက်တဲ့
ဇာတ်လမ်းသရုပ်က
မှတ်တမ်းထုတ်ထားတဲ့
ပြယုဒ်အဖြစ်နဲ့
တစ်ခန်းရပ်ခဲ့ပြီလေ
ကောင်မလေးရေ....
ဒီနေ့
မိုးစက်မခြွေဘူး
နှင်းပွင့်မဝေဘူး
နေမပူဘူး
လေမတိုက်ဘူး
အရာခပ်သိမ်း
ငြိမ်းငြိမ်းအေးအေးပါပဲ
မငြိမ်းသေးတာကရင်ထဲကအပူ
ယူမယ့်သူ ရှိခဲ့ရင်
တစ်ခါတည်းရေစက်ချ
အမျှသာ ဝေလိုက်ချင်ရဲ့
အလွမ်းနဲ့ အက်စစ်ဓာတ်
ရောစက်ကာထားတဲ့ ငါ့မျက်ရည်စက်ကို
ဘယ်သူကမှသာဓုမခေါ်ခဲ့ဘူး....
2020-10-20 12:49:16
4
0