بلحظة كل سنيني الي عشتها قبل مضت وانسلت بخفه من بين يدي
ما قدرت اتمسك فيها وكانها كانت حلم طويل جميل ..
مين ممكن يقدر يتمسك بحلم ؟
لكن هالحلم كان مثل القطار ينقلني من محطة لمحطة بسكته الحديدة المفعمة بالحياه والحيوية ..
ولكن سكة الحديد نفسها دي الي رفعتني لفوق لاعلئ معدلات سعادتي خسفت فيني لادنئ ارض الي تقولوا عنها ارض الواقع وصلت الى المحطه الاخيرة و تيقنت وقتها ان كل المحطات الي مريت عليها قبل بقطار حياتي كانت مجرد حلم ووهم.

او اقدر اقول بوصف ادق حلم توهمتة بسنين هه قد ايش يوجع انه بس حلم وماعاد بيتكرر يمكن اذا نمت ثاني وانا افكر فيه اشوفه حلم قصير ؟ او يمكن اقدر اغمض عيوني واتخيله ويكون حلم يقظه! بس بعدها بيتبخر مثل ما تبخر حلمي الطويل الي عشته ست سنين بشهورها اسابيعها ايامها و ساعاتها ساعه ساعه دقيقه دقيقه عشتها براحه عشتها بشعور مستحيل انه ممكن يتكرر ثاني.

ما انكر بانه رسم ضحكتي وغير مودي ..وغير من تفكيري .انطباعي على الناس والاهم من كل ذا غيرني انا جدريا ..لكن ايش الفايدة ما دامه انتهئ وماعاد يرجع صار مجرد ذكرئ برفوف عقلي المعتمة الي هو بنفسه زينها ونشر فيها عبق الحياه الي صنعها لي و خلاني احييا فيها بكل حواسي ولكن كل شي انتهئ بوقت جدا قصير بوقت اقصر من اني استوعب واقعي .

فكيف ثمانية واربعين ساعه تعيد ترتيب حياه انسان باكملها ..طفت سعادتي بدون جرس انذار او صفارة نجدة !

انتبهت
استوعبت
ادركت
وعيت
فقت
وتوجعت
ااخ وش كثر توجعت.
فتحت عيني
وتاملت وضعي الي اصبحت فيه وتاملت
الشخص الجديد الي وصلتني له محطتي الاخيرة وسكني وغيرني الشخص الي بدون اي مقدمات احتل روحي و سكن عقلي بمعتقدات وذكريات وافكار وطموحات غريبة و جديدة كليا علي انا ..

والحين يكفي تفكير بالي فات بكمل كابوسي الي قاعد اعيشه واحارب بكل قوتي حتئ اتخطاه ويمر بسلام.


بس لحظة لحظة .. للحين ما تعرفو اسمي صح ؟

انا وليد
وبكمل ٢٧ سنه بعد شهر ،
واتمنئ اكملها بدون مشاكل
..
عندي مشاكل؟
ايوة جدا كثير ومع كل الناس
لسه بتعرفوها بالجاي
عايش لوحدي
ليه؟؟
كمان بتعرفو لا تستعجلو
بالنسبة لشكلي؟
حلو نسبيا ناس يشوفوني واو مز وناس عمي ماعلينا منهم..
تخصصي؟
علم صوتيات.
ليش اخترته ؟
دي حكاية ثانية .
عندي اخوان اخوات؟
عندي اخين اكبر مني واحد امام مسجد والثاني محشش صايع ضايع يتاجر بالحشيش بس اووش لاحد يدري خلوه سر بينا اوك..
انا مثل مين فيهم؟
مدري اعتقد بالوسط اصلي واصوم واقرا قران اسمع اغاني واطلع مع عيال ومرة حششت انكتمت لان اصلا عندي تضيق بالشعب الهوائية شوية بخبور تبهذلني كيف حششت مدري كيف فكرت وقتها وايوة ههههههههههههههههههههههههههههههه ذاك اليوم شالوني اصحابي للاسعاف.

بس الابر تمشي حالها معي بس لحظة لا تفهمو غلط هي مو حشيش للحين ما استخدمتها خلاص يكفي حرق احداث نرجع لقصتي ..









قام من سريرة وهو يهز راسة بالجهتين وكانه بحركتة دي ازاح تشتته وبداا يركز ببداية يوم قرر يبتدية بطريقه مختلفه و بشوية امل وسعه صدر ..


توجه لكبس الكهربا وفصل جواله من الشحن الي كان طول الليل فيه و شحن 100%
فتحه قلب بسبابته الاشعارات المليانه يشوف محتواها بدون يفتحها لين استوقفته رساله برقم غير معروف وانتبه ع جملة تم تاكيد موعدك بعيادة الطبيب......
فتحها والي كانت فعلا رساله بالموعد الي حجزة لطبيب نفسي امس عن طريق النت كان محتواها تاكيد حجزة بتاريخ اليوم الساعه ٦:٣٠المغرب ووصف دقيق لموقع العيادة ....


ابتسم وقال لنفسه بصلح من نفسي ما ببقئ كذا انا ما استاهل اكون كذا .

ترك جواله على الطاوله وقام يجهز ليعيش يومة او مثل ما يقول يجاهد يومة عشان يمر بسلام.

خلص لبس وصلا الصبح نزل راسة لمكان الساعه بيدة وتنهد دايم يطلع وينسئ يلبسها بس اليوم غير تذكر انه ناسيها قبل ما يطلع صح كانت يدة على مقبض الباب وخلاص لابس جزماته بس تذكر واليوم غير بالنسبة له او بيخلية يكون غير ابتسم انة يومة مبشر بخير من بدايتة دخل بسرعه واخد ساعته لبسها و طلع من شقته الي مأجرها وساكن فيها لوحدة.

ركب سيارته ورجعت له الذكريات كيف حصل عليها. فرحته فيها تنهد وقال بصوت واضح و مسموع لنفسه قبل اي احد :-لازم ارجعها له ماتعتبر الحين من حقي ودام اني ببدا اغير من نفسي لازم ابعد كل شي يذكرني او يرجعني لايامة الحلوة..
لف مفتاح سيارته وبكذا اشتغلت وساق للاذاعه الي يشتغل فيها الصباح .


وصل بعد عشر دقايق لانها ما كانت بعيدة كثير عن شقته الي مستاجرها وركن باول موقف قدام بوابة الاذاعه نزل عيونة لمعصم يدة وشاف الساعه ٧:٣٠ تنهد كيف وصل قبل وقت دوامة بنص ساعه !!

قرر يروح يفطر ويرجع ما دام عنده وقت حرك للكوفي القريب من مكان الاذاعه الي كان بالواقع بالشارع المقابل لها .
ساق لعنده ووقف سيارته ركنها ونزل ودخل طلب له دارك كوفي وكيك شوكولاته مثل طلبه المعتاد بس وقف وقال للعامل كنسل الطلب فكر شوي وقال بنفسة بغير روتيني اليوم ورجع طلب تيشز كيك مع انه ما يحبة !! وشوكولاته ساخنه الي ابدا مايفضل انه يشربها بالصباح لكن ابتسم علئّ التغير الجدري الي قرر يسوية بنفسة وفعلا بدا ينفذة بابسط تفاصيل يومة .
اخد طلبة وجلس مسك الشوكة وبدا يقطع بالتشيز كيك شرب نص الشوكولاته الساخنة خلا التشيز زي ماهو بس الفرق قطعه وقام غسل يدة الي اصلا ما مسك شي فيها ولا توسخت ورجع لسيارته وصل للاذاعه

نزل وهو يحاول بكل قدرته انه يمشي مبتسم ويسلم على الموظفين فيها بطريقه لان مو من عادته يبتسم لاحد او يسلم عليهم روتينه كان يوصل ع الوقت يدخل غرفه الصوتيات ويبدا يضبطها يشتغل مع المديعين والكلام بينهم جدا نادر محدود ويقتصر على الشغل .

دخل للقسم الي يشتغل فيه وسلم عليهم بصوت عالي ردو السلام ووجهو نظرهم لجهة الصوت ..

ضحك عليهم وقال وليد بسخريته المعتادة :- ليه مستغربين اول مرة احد يسلم عليكم؟


رد عليه حمزة الي كان مشرف على توقيت الفقرات وتنسيق الحلقات الاذاعيه :- لا بس...

قاطعته لمار المذيعه الي كانت داخله لقسمهم وشافت وسمعت الي صار فمشت بخطوات سريعه لين وقفت قدام وليد:- انت اول مره تسلم على احد


ضحك حمزة وكمل على كلامها: وهي صادقه يا رجال ليكون فيك شي ؟

جلس وليد عند اجهزه الصوتيات وهو يفكر"معقول دي اول مره اسلم عليهم " سند ظهرة العريض على الكرسي وقال بعد ما وزع نظرة على لمار وحمزة : مافيني شي ..يمكن صدق اول مرة اسلم بس ما بتكون الاخيرة. وحرك يدة لجهاز المتحكم بالاصوات وبدا يضبط اعداداته عشان تناسب حلقه الاذاعه الصباحيه ..


لاحظوا انه رجع رد عليهم عكس عادته الي دايم كانوا يستنو منه رد وفي النهاية يياسو ويمشو لكن ماعلقو شي زيادة كل واحد فيهم توجه للقيام بدورة ..


دخل بسام عليهم القسم الي كان اول مذيع يشتغل بالاذاعه رغم صغر سنه واشهرهم واحبهم للناس
ماسك اوراقه وسلم عليهم على السريع وجلس عند المايك وهو لسه عيونة باوراقه

حمزه للمار :- ملاحظة اشيا غريبه اليوم ؟

ضحكت بخفه وقالت لا مافي شي غريب بسام شوي متوتر على موضوع الحلقه الي اختارة ..

حمزة بعد ما حط نظرة على بسام ورجع نظرة لها باستغراب؟ :- ايش الموضوع الي موثرة لدي الدرجة

ابتسمت له :- بتسمع الحين .






بدات الموسيقى الكلاسكية تتدفق لمسامعهم اول ماضبطها وليد ورفع على صوتها ما كملت دقيقه الا وهو يحرك اصابع يدة اليمين يخفض الصوت وبنفس الوقت يدة اليسارة اشر لبسام من ورا الزجاج الي بينهم انه يبدا يتكلم ..

بسام : صباح الخير مستمعينا في كل مكان معكم بسام التميمي في البرنامج الاذاعي نسمة صباح..
مثل ما متعودين كل يوم نمسك شي جدا مهم بصباحنا وحياتنا ونناقشه سوا ونسمع ارائكم واقتراحاتكم لكن اليوم حبيت اغير روتين البرنامج وبتكلم عن شي جدا مهم لكن مو بس لصباحنا مهم لقلوبنا تحديدا ..اي افكار اقتراحات او اذا عرفتوا على ايش ممكن نتكلم بحلقه اليوم لا تستعجلوا فكرو شوي واسترخوا كثير مع اغنية الصباح الي اخترتها انا بنفسي لمسامعكم اليوم اعزائي المستمعين وراجع لكم بعد البريك الموسيقئ نسمع بعض و استقبل جميع اتصالاتكم افكاركم ارائكم .. واشر لوليد يرفع الصوت الي بدا بدورة يحرك اصابعه ع المعدات الصوتيه قدامة ضغط ع كم زر وارتفع صوت الموسيقئ ما كملت خمس ثواني الا بدخله بسام مبتسم عليهم وشغل الاغنية الي اختارها ..

طالعه وليد وساله:- ع ايش بتتكلم حمستني ؟

ابتسم بسام وقاله :- شوي وبتعرف بس اسمع الاغنية اعتبرها اهدا لك بالمناسبة غمز واتجه لمكينة القهوة يسوي له كوب عشان يكمل برنامجة بروقان


وفعلا بدات كلمات الاغنية تتدفق لاذان الجميع الي كانو بالاذاعه بنفس الغرفة يشتغلو معاه والمستمعين. ووليد تحديدا الي بدات الكلمات تملي اذنية والحيرة تملي عقله .



"

ما قلت لك معنى الكلام اللي بقى خلف الكلام

لا تاخذ المعنى بحرفه و انتبـه ربي يـهـديك

اشتقت لك ماهي بكلمه عابره اقصدها دام

اشتقت يعني احتاج لك تعال يرحم والديـك

حتى سلامـي مو ضروري قلته بمعنى سلام

سلام يعني هات صوتك تكفى طمنني عليك

عن كيف حالك كيف صارت تنذكر دون إهتمام

النـاس تسئلها كـذا وانا اللي يوم اسئل ابيـك

ماني حبيبك ما بقى لي داخلك قدر و مقام

تجهل معاني لهفتي ما كأنها مرت عليك

يشدني يَمّـك وفـا قلبٍ تمكن ب الهيـام

متعطش لكلمه وتدري لو سمعها يرتويك

يشوف بك احلام عمره و إنتماءه ما يُلام

لو يرخص لعينك سنينه و لّا ينثرها بيديك

يشرح تفاصيل الكلام اللي بقت خلف الكلام

ما باقي الا ينتقي لك أعذب أيـامه و يجيك

"




دخل بسام غرفة البث والابتسامة ما فارقت تعابير وجهة اول ما سمع الجملة الاخيره

وبدا يكمل برنامجة :

ورجعت لكم مستمعينا اكيد وصلتو لموضوعنا اليوم الي بناقشه الي جدا مهم ل قلوبنا عقولنا روتين حياتنا ونفسيتنا تحديدا ..

ايوة بنتكلم اليوم عن البوح قد صرحتوا بما يجول بخاطركم لاحد من قبل صديق او غريب او لدفتر مذكراتكم وكيف طريقه كل واحد للبوح بشعوره واحساسه و اكثر رساله عالقه تحتاجو توصلوها لاحد يسمعها بنسمع رسايلنا كلنا سوا وطرق بوحنا ولمين وكيف ... والحين وناخد اول اتصال

الو يا صباح الراحه مين معاي :-

:سهئ ..صباح النور لك بسام ولكل الطاقم الاذاعي

بسام :- اهلا سهئ ويسعد صباحك ..قولي لي عندك تجربة كيف تفصحي عن مشاعرك واذا عندك رساله لاحد كلنا اذان صاغية

سهئ :- ايوة دائما اعبر عن مشاعري بالكتابة والبكاء

ابتسم بسام " لا مو كذا احتاج احد يقول كيف يعترف لاحد مو بكا " لكن تماسك نفسه ورد :- صح متفق معاك لكن ما احبذ البكا في كثير طرق للبوح بالمشاعر السيئه والتخلص منها بطريقه ما توذينا ابدا ..

انتظر ردها لكن الظاهر فصل الاتصال تنهد واخد نفس وكمل



بسام: وناخد اتصال ثاني،صباح الخير والمحبة مين معاي

:-عبدالرحمن يسعد صباحك بسام وفعلا ما يكتمل صباحي بدون برنامجك

بسام " حلو ولد شكلة بيساعدني":- تسلم يا عبدالرحمن ايوة تقدر تشاركنا تجربتك

عبدالرحمن بضحكة :- شوف بصراحه انا انسان ما يعرف يعبر او يوصف شعوره اذا ورطت وفيني كلام اشارك اغنية تلمح للشخص الي احتاج يوصله الي بقلبي ايا كان شعوري ناحيته وصلت لدرجة ارسل اغاني للوالد

ما مسك نفسه بسام وضحك بكل صوته :- حلو حبيت اسلوبك بس عاد للوالد الله يستر عليك

عبدالرحمن ضحك :- خلاص هي جات كذا لكن كيف ممكن اصرح بمشاعري بطريقه ثانية

بسام :- كمل الحلقه للاخر وناخد طرق بعض ونساند بعض اذا عندك اي رساله توجها لاحد

قاطعة عبدالرحمن ورد بسرعه :- ايوة في شي ابا اقوله



رد عليه بسام بضحكة وهو عيونه مركزة ع وليد الي مركز معاه من البداية :- تفضل نسمعك

حمحم عبدالرحمن وبدا يغني:- ومالي حاجة غير امر صوبك واسلم ..يعني صدفة يعني مدري ..قلبي الغافل تفاجئ.. ليتنا ابنا عمومة .. ليتني اهلك وناسك
.. او طفل محدن يولمة لو تغافلهم وباسك..

بسام :- الله عليك وش ذا الصوت ما شا الله

عبدالرحمن :- تسلم واتمنئ المقصود يسمع دي كانت رسالتي..

قفل عبدالرحمن الاتصال وحط يدة ع صدرة يحس نبض قلبة الي ازعجه
ضحك عليه صاحبة الي جالس جنبه بالسيارة"سمير"

سمير :- خلاص ارتحت مدري كيف تفكر يعني بدل ما تعترف له هو تغني لكل الناس تتوقع بيسمع بالله ؟

بدا يسوق عبدالرحمن لجامعتهم الي تاخرو عليها عشان يتصل وبعد نظرة من الشارع رجعه على سمير وقاله:- واذا ما سمع ما خسرت شي بس اروح اعترف له انسا، عنه ما درا ليه ما يعترف هو ؟ .

ورجع نظرة للشارع وكمل سواقه للجامعه

اما سمير رد عليه بداخله .بدون ما يصدر اي صوت مو عارف كيف يتعامل مع صاحبة بس المهم عندة يكون معاه ..


"نرجع خمس دقايق لورا بلاذاعه بعد اتصال عبدالرحمن "

كمل بسام برنامجة وقال :- فعلا لكل واحد طريقه واسلوب الاهم نتعرف على طريقتنا واسلوبنا الخاص

واخد اخر اتصال

بسام :- صباحك سعادة مين معاي



:-هلا صباح النور معك حمدان

بسام :- هلا بحمدان وش هي طريقتك بافصاح عن مشاعرك ؟

حمدان :- بالنسبة لي احسن طريقه الصراحة اروح واحكي ما اكتم بنفسي ابدا وبعدها الحياه تاخد مجراها تكلمت او لا ابدا ما اخبي او اكذب

بسام :- اتفق معاك هذا الصح وانا اشبه حمدان وبوصل رسالتي الحين للمقصود لاني بعد ما اقدر اخبي واخلي بخاطري كلام و اول شي اقوله له

تعال

لاخبرك وانا متاكد انك تسمعني الحين

تعال

لاخبرك بان حلمي الذي تقبلت فيه العزا مرة اصبح امامي الان وبكل حياه يبتسم

تعال

لاخبرك ان جملي اصبحت كاملة بعد عجزي الذي طال امام الفواصل

تعال
لاخبرك بان حرفي الذي كان مدسوسا خلسه بين الحروف اصبح بمقدمة السطر .

تعال
لاخبرك ان ملامحي التي خسرت نورها مره وتعقد ترتيبها بالحزن مرات تضيء كانها خلقت من صباح وتعتدل كانها النبض حين النوم

تعال

لاخبرك ان الوقت لم يعد سببا للندم وان الطريق الذي كنت اراه اطول من عمري لم يتبقئ منه شي

تعال

لاخبرك اني بعد الدمع ابتسم وبعد الارق انام وبعد الياس ازرع لنفسي امل وبعد طول التعب صرت بخير

تعال

لاخبرك ان صوت الناي خلف صوتي توقف وصرت اسمع صوت مطر

تعال
لاخبرك بان صدري الضيق بهموهي ومشاكلي اتسع واصبح بنقا غيمة بيضا

تعال
لاخبرك بان همومي التي تكد ست تحت وسادتي طويلا انتقلت للوحة مرتفعه على الحائط

تعال
لاخبرك بان الله لم يخذلني رغم ذنبي ولم يردني بعد كل غيابي ولم يمسك عني رحمته مع انني استحق العقوبة .

تعال
لاخبرك المزيد والمزيد اذا جئت

تعال
ها انا هنا امام عينيك لا ينفذ مني الكلام فصدري مكتبة مهجورة تتوق للزوار .


وبكذا وصلت انا رسالتي للشخص المطلوب والحين جا دوركم وصلوا رسايلكم عبروا عن مشاعركم لا تكتمو خلو احاسيسكم تسعدكم تبني لكم حياه حلوة والسعادة دائما صحة للقلب حاولو تتكلمو مع الي بخاطركم كلام له ام اب اخت اخ صديق غريب جار حبيب اعترفوا بالاشيا الي تعجبكم بالاشيا الي تزعجكم كونوا واضحين مع نفسكم قبل ما تكونوا واضحين مع غيركم والقاكم في صباح الغد كان معكم بسام التميمي في برنامجكم بسمة صباح ..

وابتسم لوليد الي بدورة حط الموسيقئ الختامية المعتادة


جا لعنده بسام وقاله يلا تعال بلم وليد وقال وش

ضحك عليه بسام:-  نفطر سوا بس قصدت

تذكر وليد الكيكة الي طلبها وتركها ع الطاوله والحليب الي شرب نصه :- لا تسلم فطرت لسه دوامي طويل اذا انت خلصت ..

كشر بسام :- طيب توعدني الجمعه نفطر سوا

بدا وليد يفكر انها اول محادثة تصير بينهم خارج اطار الشغل ونوع الموسيقى ومستوا الصوت : طيب

بسام:- لا قلت اوعدني

وليد :- ما اقدر اوعدك بس اقول ان شا الله

بسام :- لا ما تمشي معي اوعدني

بس قاطعو دخلتهم مديعين البرنامج الثاني الي لازم وليد ينظم لهم الاصوات

ف وعده عشان يخلص منه ويقدر يكمل شغله

ابتسم بسام باتساع :- طيب حلو بقي عنوان بيتك

وليد :- طيب برسل لك اللوكيشن

بسام :- لي اسبوع اراسلك وما ترد ترا

وليد :- ما عندي نت

طالعه بسام بحده ورفع حاجبة:- توصل الرسايل بوقتها واشوفك متصل دور عذر ثاني ما تعرف تكذ....

قاطعه المذيع الثاني الي قال بصوت مرتفع :- يلا وليد بنبدا
اومئ وليد وشغل الموسيقئ ووزان معدات الصوت عشان تتناسب مع اصواتهم وموضوعهم

انقهر بسام انه تجاهله ومشئ وهو يكلم نفسه"مو سهل العب عليك بس انا وانت وصبري طويل "

• بسام :-  عمره ٢٢ بقي سنه ويتخرج من الجامعه وتخصصه اعلام بس حبه للاذاعه من صغرة خلاهم يقبلوه بدون شهادة وحب الناس للمحتوا الي يقدمة وطريقه كلامه معاهم وشعبيته بس محد يدري

ايش الي يخبيه ورا دي الشخصيه