ကိုယ္တိုင္ဆူးေႁခြထားသည့္ ႏွင္းဆီတို႔အားၾကည့္ရင္း ပြင့္ဖတ္တို႔အား ေျခမြပစ္ခ်င္စိတ္မွာ တဖြားဖြား။ အ႐ူးတစ္ေယာက္လို  ပြင့္ခ်ပ္တို႔အား ထိေတြ႕ေနရင္း ေရတြက္ေနသည့္ စကၠန္႔လက္တံက ခ်ပ္ခနဲျပည့္သြားသည္ႏွင့္
ကားတံခါးဖြင့္ၿပီး ဆင္းလာလိုက္သည္။

လွပသည့္ေကာ္ဖီဆိုင္ေရွ႕မွာ ညိႇိဳ႕အားျပင္းႏွင္းဆီတစ္စည္းကို ခ်လိုက္ၿပီး လတ္ဆတ္ေသာနံနက္ခင္းေလကို ရႈရႈိက္သြင္းလိုက္သည္။

မ်က္စိေရွ႕တြင္ကား ၿပီးျပည့္စုံလွေသာ သိပ္ေကာင္းသည့္ျမင္ကြင္းတစ္ခု.....။

သပ္ရပ္ေအာင္ရွင္းလင္းထားသည့္ လြမ္းေဆြးဖြယ္ အုတ္ဂူတစ္ခုေရွ႕တြင္ ပန္းတစ္စည္းခ်ထားသည့္သဖြယ္........ အလွဆင္ျခင္းငွာ ယေန႔အဖို႔ တာဝန္တစ္ခုၿပီးေျမာက္၏။
တိတ္ဆိတ္ေျခာက္ကပ္ေနေသာ မနက္ေစာအခ်ိန္က ထိုပန္းခ်ီကားကို အလွပိုတိုးေစ၏။

အလွပဆုံးျမင္ကြင္းတစ္ခုအား စိတ္ေက်နပ္ေအာင္ၾကည့္ၿပီး လွည့္ျပန္ခဲ့လိုက္ေတာ့သည္။

"ဒီမွာရွင့္ ပန္းေတြကို ေန႔တိုင္းလာမထားပါနဲ႔"

ၾကည္လင္ၿပီးခ်ိဳသာသည့္ အသံတစ္ခုက သူရဇၨအာ႐ုံကို ေႏွာင့္ယွက္ပစ္လိုက္သည္။ သူေတာ့ လူမိၿပီထင္ရဲ႕။

ဘယ္လက္ကို ျဖည္းျဖည္းခ်င္းေျမႇာက္ၿပီး bye bye sign လုပ္ရင္း ကားေပၚေျပးတက္ခဲ့လိုက္သည္။
မင္းရဲ႕ေပၚထြက္လာမႈေၾကာင့္ ဒီေန႔ေတာ့ ေနာက္ကလိုက္လာမယ့္ကားေတြကို တကူးတက ေျခရာေဖ်ာက္စရာမလိုေတာ့ဘူး။

ဒီေန႔ဟာ သၽွားျဖဴဆီကို ဆယ္ခုေျမာက္ေသာပန္းစည္းေရာက္သည့္ေန႔ ျဖစ္သည္။ ပန္းကိုးစည္းမွာ သူရဇၨ လက္ထြက္ျဖစ္ၿပီး ပထမဆုံးကား ေနမႈိင္း၏လက္ခ်က္ျဖစ္သည္။

မနက္ေစာေစာကို ထၿပီးေစာင့္ေနပုံအရေတာ့...
ေမရီသာေ႐ြးခ်ယ္ထားသည့္ ေကာင္မေလးဟာ သူတို႔ထင္ၾကသလို ခပ္တုံးတုံးျဖစ္ပုံ မရပါဘူး။

.............................................................................

ေကာ္ဖီဆိုင္ထဲတြင္ေတာ့ သၽွားျဖဴတစ္ေယာက္ ဖုန္းတစ္ဖက္၊ ပန္းစည္းကိုတစ္ဖက္ ကိုင္ရင္း အေတြးမ်ားလို႔ေနသည္။ ပထမဆုံး ပန္းစည္းရခ်ိန္တြင္ 'မ' က ေပးသည္ဟု ထင္ခဲ့ၿပီး message ပို႔ခဲ့သည္။
ဒီရက္ေတြထဲေရွာင္ေနသည့္ 'မ'က ခ်က္ခ်င္းေရာက္ခ်လာၿပီး လူကို စိတ္ပူတႀကီးစစ္ေဆးသြားပုံက ထိုပန္းစည္းကို 'မ'က ပို႔သည္ဟု သူက ယုံရမွာလား။

'မ' က ဘာေတြကိုဖုံးကြယ္ခ်င္ၿပီး ငယ့္ကိုလိမ္ေနလဲဆိုတာ ငယ္ေတာ့ သိပ္သိခ်င္တာပဲ 'မ'ရယ္....။

ဘယ္သူပို႔မွန္းမသိတဲ့ ထိုပန္းစည္းေတြက 'မ'ကို ပိုၿပီး စိတ္ပူေစေနသလား။
ငယ္က လူတစ္ေယာက္ကို ခ်စ္ျမတ္ႏိုး႐ုံပါ။
'မ'အတြက္ ဝန္ထုပ္တစ္ခုျဖစ္ခ်င္တာမ်ိဳး မဟုတ္ရပါဘူး။

ပန္းစည္းအား အမႈိက္ျခင္းထဲထည့္ၿပီး အေပၚထပ္ကို ျပန္တက္ခဲ့လိုက္သည္။ ဆိုင္ေရွ႕ကကားတစ္စီးက ထိုလူေနာက္ လိုက္မသြားပုံရေတာ့........
ထိုပန္းေတြက 'မ'ပို႔သည္ဟု လိမ္လို႔မရေတာ့ေၾကာင္း 'မ'သိသြားေလာက္ၿပီ ျဖစ္မည္။

ေဒၚေမရီသာ.... အေကာင္းအဆိုးကို မၽွေဝေပးႏိုင္တာမို႔ ငယ့္ကို အၾကာႀကီး ဖုံးကြယ္မထားပါနဲ႔။
စိတ္အေျခအေနမေကာင္းလို႔ ငယ့္ကိုေရွာင္ေနတာသိေပမဲ့ ဒီပုံစံအတိုင္းဆို ငယ္တို႔ေဝးကြာသြားႏိုင္တယ္...'မ'ရဲ႕.......။
................................................................................

႐ုံးခန္းတံခါးဖြင့္လိုက္သည္တြင္ ျမင္လိုက္ရသည့္မ်က္ႏွာေၾကာင့္ ထိန္းမရေအာင္ အသားတို႔က တဆတ္ဆတ္တုန္လာသည္။ သူကမ်ား ေပၚလာရဲေသးတယ္ေပါ့ေလ။

"ဘာေတြေငးေနတာလဲ ေမရီ...။ ကိုယ္က အလုပ္ကိစၥ လာေဆြးေႏြး႐ုံပါ။ "

ဒီေန႔ ရိပ္ မရွိသည္က ကံေကာင္းသြားသည္။ အခန္းတံခါးကိုပိတ္လိုက္ၿပီးမွ စိတ္လိုလက္ရရယ္ေမာပစ္လိုက္ၿပီး ေနမႈိင္းအား ၾကည့္လိုက္သည္။

"ငါ့ဘဝမွာေလ နင့္လို အရွက္မရွိတဲ့ေကာင္ကို မၾကံဳဖူးဘူး သိလား။ ငါက နင့္ကို အခုထိ အသက္ရွင္ခြင့္ေပးထားတာကို နင္က ေရာင့္တက္ေနတာေပါ့ေလ"

ေျပာေျပာျပဳျပဳႏွင့္ပဲ လက္တို႔က ေနမႈိင္းအား ႐ြယ္လို႔ၿပီးေနေခ်ၿပီ။ ျပံဳးၿပီးၾကည့္ေနသည့္ ထိုစိတၱဇေကာင္ကိုမွမရိုက္ရရင္ ဒီေန႔ေတာ့ အသက္ရႉဝမယ္ မထင္ေတာ့ဘူး။

"သမီး!!! အလုပ္မွာ တည္တည္ၿငိမ္ၿငိမ္ေနစမ္း"

ၾကားလိုက္ရသည့္ေဖေဖ့အသံေၾကာင့္ ႐ြယ္ထားသည့္လက္တို႔မွာ ရပ္တန္႔လို႔သြားရသည္။
ေမရီ,ကသာ ေသခ်ာမၾကည့္လိုက္မိတာ။

ထိုသူကေတာ့ ႐ြံမုန္းစရာအျပံဳးတစ္ခုႏွင့္အတူ သူ႔ဖုန္းကို ေထာင္ျပေနေလရဲ႕။
ပိုင္လိုက္တဲ့အကြက္ေတြ... ေမရီ႕ေဒါသကို ဆြတဲ့ေနရာမွာေတာ့ ေနမႈိင္းကို ဘယ္သူမွမမီႏိုင္ေလာက္ေတာ့ဘူး။

"ဟုတ္ ေဖေဖ။ သမီး စကားေျပာလိုက္ပါ့မယ္။ "

"ဒီႏွစ္ကုန္မွာ Chic Stone ကေန brand သစ္ထြက္လိမ့္မယ္။ အဲ့ဒီအတြက္ ေၾကာ္ျငာနဲ႔ promotion ေတြကို ေဖေဖတို႔ entertainment နဲ႔ လက္တြဲဖို႔ ေဖေဖသေဘာတူထားတယ္။ သမီးကို ေဖေဖလႊဲလိုက္မယ္ေနာ္။ သူငယ္ခ်င္းအခ်င္းခ်င္း တိုင္တိုင္ပင္ပင္ရွိေအာင္လို႔။ ေဖေဖစိတ္ခ်မယ္"

ခ်သြားသည့္ဖုန္းသံႏွင့္အတူ "ျဖန္း"ခနဲ.. ပါးတစ္ခ်က္ရိုက္လိုက္မိသည္။

"နင္သိပ္ေတာ္ေနတယ္ေပါ့ ေနမႈိင္း။ ငါ့ကို လႈပ္မရေအာင္ လုပ္လိုက္တယ္ေပါ့ေလ။ ငါေျပာျပမယ္။ အဲ့ brand အသစ္ ေၾကာ္ျငာမေပါက္ရင္ေလ... ငါက ဘာမွမျဖစ္ေပမဲ့... နင့္အေဖကေတာ့ နင့္ကိုသတ္မွာ သိရဲ႕လား။ နင္ စိန္ရဲရင္ေတာ့လုပ္လိုက္။ ငါနင့္ကို အလြတ္မေပးဘူးဆိုတာ နင္သိထားဖို႔ေတာ့လိုတယ္။ နင္ျပန္ေတာ့"

သူမဟုတ္သည့္အတိုင္း စကားတစ္ခြန္းမွမဆိုဘဲ ထျပန္သြားသည္မွာ နည္းနည္းေတာ့အံၾသစရာပင္။ တံခါးဖြင့္သံမၾကားတာေၾကာင့္ လွည့္ၾကည့္လိုက္ေတာ့ မိမိတစ္ကိုယ္လုံး တင္းၾကပ္လို႔သြားသည္။

ထိုစိတၱဇေကာင္က မိမိအား ဖက္လာျခင္း။

"မ႐ုန္းနဲ႔ ေမရီ။ ကိုယ္မင္းကို အရမ္းလြမ္းေန႐ုံ၊ မင္းကို ေတြ႕ခ်င္႐ုံပါပဲ။ ၿပီးေတာ့ မင္းေပးတဲ့ေက်းဇူးေၾကာင့္ အခု ကိုယ့္လက္မွာ ပတ္တီးနဲ႔ျဖစ္ေနၿပီ။ ကံေကာင္းလို႔ ကားတိုက္မေသ႐ုံတမယ္ပဲ။ ေန႔တိုင္း မေတာ္တဆမႈေတြၾကံဳေနရေတာ့ ကိုယ္ေတြးမိတယ္ ေမရီ။
မင္းကိုယ့္ကို နည္းနည္းေလးေတာင္ ညွာတာမေပးႏိုင္ဘူးလားလို႔ေလ။ တစ္ခုေတာ့ရွိတယ္။ ကိုယ္သာေသရင္ သူလည္း အသက္မရွင္ေစရဘူးေနာ္ ေမရီ။ မင္းနဲ႔ပတ္သက္ရင္ ကိုယ္မလုပ္ရဲတာ ဘာမွမရွိဘူး"

ေက်ာခိုင္းလွည့္ထြက္သြားသည့္ ထိုသူ႔ေနာက္ေက်ာႏွင့္အတူ ပိတ္သြားသည့္တံခါးကိုၾကည့္ရင္း မ်က္ရည္တခ်ိဳ႕က စီးက်လာသည္။ မလႈပ္မယွက္ရပ္ေနၿပီး လႈပ္လည္းမလႈပ္ရဲပါေခ်။ ႐ြံရွာမႈ၊ ေဒါသ၊ အမုန္းတရား ထိုအရာေတြႏွင့္အတူ ထိုေန႔ၿပီးေနာက္ စတင္သိရွိလာရသည့္ ေၾကာက္႐ြံ႕မႈဆိုသည့္ စကားလုံး။

ထိုသူကို မုန္းတီးလြန္းသည္မို႔ ထိုသူကို မ်က္ႏွာခ်င္းမဆိုင္ခ်င္ေလာက္ေအာင္ကို ႐ြံရွာစိတ္ကျပင္းလွသည္။

ငါခံစားရတဲ့ စိတ္မလုံျခံဳမႈအတြက္ တန္ရာတန္ေၾကးကို နင္ျပန္ေပးရဦးမွာပါ ေနမႈိင္း။

တန္ရာတန္ေၾကးဆိုသည္ကို ေတြးမိလိုက္သည္ႏွင့္၊ စိတ္ထဲပ်ံ႕လြင့္လာသည့္ စကားသံႏွင့္ပုံရိပ္တို႔ကား ေနရာယူလို႔သြားေခ်ၿပီ။

'ငါ့သားကို ဖ်က္ဆီးၾကတဲ့သူေတြ သံသရာမွာ မၿငိမ္းခ်မ္းပါေစနဲ႔'

'မူးယစ္ေဆးသည္ လူျဖစ္ရႈံးေစသည္'

'မူးယစ္ေဆးေရာင္းတဲ့သူေတြက ဝဋ္ဆိုတာကို နားမလည္ၾကဘူးလား'

'သူ႔သမီးေပါ့ မူးယစ္ေဆးစြဲၿပီး ေသသြားခဲ့တာ...'

တံခါးေခါက္သံေၾကာင့္ အသိစိတ္တို႔အား ​ျပန္စုစည္းလိုက္ၿပီး ထိုင္ခုံမွာ ဝင္ထိုင္လိုက္သည္။

"ေမရီသာဆိုတာ ဘယ္အရာကိုမွ အေၾကာက္အ႐ြံ႕မရွိေစရဘူး"

မိမိစိတ္ကို ျပင္ဆင္ၿပီးသည္ႏွင့္ ရိပ္က ဝင္လာခဲ့သည္။ မူမမွန္တာကို ခ်က္ခ်င္းဖမ္းမိႏိုင္သည့္ ရိပ္ေၾကာင့္ ကိုယ္ကပဲဦးေအာင္ စကားစေျပာလိုက္သည္။

"အရင္တစ္ခါေျပာထားတဲ့ကိစၥကို ငါတို႔ ေဖေဖနဲ႔တိုင္ပင္ဖို႔ လိုေနၿပီ။ ငါတို႔ပစၥည္းကို ေစ်းကြက္မွာ အေပ်ာက္ခံလို႔မျဖစ္သလို၊ လိုတာထက္ပိုၿပီး ပစၥည္းသယ္ယူလို႔လည္း မျဖစ္ဘူး။ ငါတို႔ပစၥည္းက ျပည္ပကို မေရာက္ႏိုင္ေသးတာမို႔ သိမ္းထားရဲတဲ့လူကို ပညာေပးဖို႔ေတာ့ လိုေနၿပီ"

"ဟုတ္ကဲ့ပါ မမေလး။ ဒီညမွာ အခ်ိန္ညွိထားလိုက္ပါ့မယ္"

"ဒါနဲ႔ ရိပ္။ Faceless နဲ႔ ဆက္သြယ္လို႔ရလား"

"မရေသးပါဘူး မမေလး"

"အိုး..."

ရိပ္စကားေၾကာင့္ ေမရီ နည္းနည္းအံၾသလို႔သြားသည္။ ဒီေန႔အထိ ေနမႈိင္းကို ေျခလက္အဂၤါစုံေအာင္ ကာကြယ္ေပးေနသည့္ လူအေၾကာင္း... ေမရီသိခ်င္မိသြားသည္။

ေနမႈိင္းကား ငယ္စဥ္ကတည္းက သူႏွင့္အတူ ႀကီးျပင္းလာျခင္းျဖစ္သည္။ သူ႔အက်င့္၊ သူ႔အဆက္အသြယ္၊ သူ႔အေၾကာင္းဆိုသည္မွာ ေမရီသာ မသိခ်င္မွအဆုံး။

ဒီေလာက္အထိ သူ႔ကိုကာကြယ္ေပးခ်င္ေနၿပီး ေမရီ႕အကြက္တိုင္းကေန ကယ္ထုတ္ေပးႏိုင္တဲ့လူဆိုလို႔ ေမရီ မျမင္ဖူးခဲ့ေခ်။
ထိုသို႔ကာကြယ္ေပးႏိုင္သူမွာ ေနမႈိင္းအေဖမဟုတ္လၽွင္ ေနမႈိင္း၏ ဦးေလးသာရွိသည္။

သို႔ေသာ္ ေနမႈိင္း၏အေဖက ေနမႈိင္းအား ထိုကဲ့သို႔ တိတ္တိတ္ေလးကာကြယ္ေပးမည့္သူမ်ိဳး မဟုတ္ေခ်။
သူ႔ဦးေလးကေရာ.....။ ပိုလို႔ပင္မျဖစ္ႏိုင္ေခ်။ ငယ္စဥ္ကတည္းက ထုလိုက္၊ေထာင္းလိုက္ႏွင့္ ထိန္းေက်ာင္းလာသည့္ သူ႔ဦးေလးကား ထိုမၽွေလာက္ ေနမႈိင္းအား အလိုလိုက္စိတ္ရွည္တတ္သူမဟုတ္။

...........................................................................

🥀 by J-moe-Z

"ငါ မအားဘူး။"

"ငါ့ထက္အလုပ္မ်ားေနတာလား။"

ဖုန္းခ်သြားေလၿပီ။ သူရဇၨ ဖုန္းကိုကိုင္ထားလ်က္မွ မဲ့ဲျပံဳးျပံဳးလိုက္ၿပီး

"ေသာက္ကေလးက တစ္ခါတေလေလာက္ေတာ့ ထိသင့္ပါတယ္။ ေမရီသာလိုလူကို ဘာသြားၿငိထားလို႔ ဟိုက အေသမသတ္ဘဲ တတိတိညႇင္းခ်င္ေနလဲမသိ။"

ထိုကေလးအေၾကာင္းေတြးမိလၽွင္ သူရဇၨမွာ သူ၏လည္ပင္းကိုျပန္စမ္းမိသည္။ မွန္ၾကည့္သည့္အခါတိုင္းတြင္လည္း လည္ပင္းထက္မွ ဆူးႀကိဳးႏွစ္ပင္လိမ္ေနသည့္ပံု တက္တူးတစ္ခုက ဖံုးကြယ္ေပးထားသည့္ ဓားဒဏ္ရာေဟာင္း၏အနာရြတ္သည္ အာရံုမွားနာက်င္မႈကို ျဖစ္ေပၚေစသည္။

"ငါ့ဆီကို မင္းကိုယ္တိုင္လာေတြ႕သင့္ၿပီ Charmy."

......

"ငယ္"

ေကာ္ဖီဆိုင္တြင္ရွိေနသည့္ သၽွားျဖဴမွာ အလုပ္မ်ားေနေလသည္။  စားပြဲထိုးတစ္ေယာက္ေလ်ာ့ေနျခင္းက ဤမၽွအလုပ္မ်ားမည္ဟု မေတြးဖူးခဲ့ပါ။
တစ္ေယာက္ေလ်ာ့လူအင္အားႏွင့္ စားပြဲထိုးေနရသူတို႔က kitchen အထိသြား၍ မမွာႏိုင္ေတာ့သည့္အတြက္ ေကာင္တာတြင္လာတင္သည့္အမွာစာတို႔ကို  သၽွားျဖဴကပင္ ပို႔ေပးေနရသည္။ ထိုသို႔အလုပ္မ်ားေနသည့္ၾကားမွ ၾကားလိုက္ရသည့္အသံေၾကာင့္ အလုပ္မ်ား၍စိတ္ေလာေနသည္တို႔ပါ ေအးၿငိမ္းသြားရ၏။

"အလုပ္မ်ားေနသလား ငယ္။"

ထိုအခါမွ သၽွားျဖဴ ျပံဳးၾကည့္ေနမိသည္ကိုရပ္၍

"စားပြဲထိုးတစ္ေယာက္ ေလ်ာ့ေနတာ မ။"

"No problem."

ေကာင္တာအတြင္းသို႔ဝင္လာၿပီး အံဆြဲကိုဖြင့္၍ သၽွားျဖဴအတြက္ သူကိုယ္တိုင္ဝယ္ထည့္ေပးထားသည့္ ေခါင္းစည္းႀကိဳးမ်ားထဲမွ တစ္ႀကိဳးကိုယူ၍ ဆံပင္ကိုခပ္ျမင့္ျမင့္စည္းေႏွာင္လိုက္ၿပီးသည့္ ေမရီသာက

"လုပ္အားခအတြက္ ဆိုင္ပိတ္ခ်ိန္က်ရင္ေတာ့ အနမ္းေတြနဲ႔ရွင္းရမယ္။ အခုေတာ့ အခ်ိန္ပိုင္းစားပြဲထိုးရၿပီလို႔ သတ္မွတ္လိုက္ေတာ့။"

Kitchen ဘက္သို႔ဝင္သြားသည့္ ေမရီသာကို သၽွားျဖဴဘာမွမေျပာလိုက္ႏိုင္ပါ။

...

"မိုက္တယ္ကြ။ ပိုင္ရွင္ထင္တယ္။ ဝတ္ထားတာေတြက ေျမာက္ေနတာပဲ။"

"ဟာ၊ ပိုင္ရွင္က ေကာင္တာထိုင္ေနတယ္ေလ။ အဲဒါေတာ့ ငါသိတယ္။"

အသက္ဆယ့္ခုနစ္၊ ဆယ့္ရွစ္ႏွစ္အရြယ္ ေကာင္မေလးႏွင့္ေကာင္ေလးငါးေယာက္ စုထိုင္ေနေသာ ေကာင္တာႏွင့္နီးေနသည့္ဝိုင္းမွ စကားသံတို႔ကို သၽွားျဖဴၾကားေနရသည္။

"အား ... အဲဒီ shoes ေတြေပါ့၊ အခု ဆယ့္ငါးျဖစ္ေနၿပီ။"

"ေအး၊ အဲဒါပဲ။ ဆယ့္ငါးသိန္းတန္ဖိနပ္နဲ႔ ဒီအျပင္အဆင္ေတြနဲ႔က ဘယ္လိုမွ waitress မဟုတ္ပါဘူးဆို။"

"ဘယ္သူကေရာ ဟုတ္တယ္ေျပာလို႔လဲ။ မမက က်က္သေရရွိလိုက္တာ။"

"ၿငိမ္ၿငိမ္ေနစမ္းပါ။ မိန္းကေလးခ်င္းငမ္းေနတာ ျမင္လို႔ေတာင္မေကာင္းဘူး။"

"ဟဲ့၊ နင္တို႔ပဲငမ္းလို႔ရတာလား။"

သၽွားျဖဴမ်က္ေမွာင္ၾကဳတ္လာေနၿပီ။

"မ၊ ေကာင္တာလာထိုင္ပါလား။ အဲဒါေတြ ငယ္ လုပ္လိုက္မယ္။"

"အဲဒီအတိုင္း ၿငိမ္ၿငိမ္ေလးထိုင္ေနပါ ငယ္။ ျမင္ေနရတာ အေမာေျပလို႔။"

ျပံဳးၿပီးေျပာသည့္ ေမရီ၏စကားေၾကာင့္ သဖန္းပိုးလုပ္ေနသည့္ customer ငါးဦးမွာ ပါးစပ္အေဟာင္းသားႏွင့္။

'အဟင္း၊ သိၿပီလား။ ဒီေလာက္ဆို သိၿပီလား။ ဆိုင္ပိုင္ရွင္လည္း ငါပဲ။ မ ရဲ႕ပိုင္ရွင္ကလည္း ငါပဲ။'

'ေက်နပ္ၿပီလား ငယ္။'

အမွာစာမဟုတ္သည့္စာရြက္ကေလးတြင္ ေမရီ၏ ဝိုင္းစက္ေနသည္လည္းမဟုတ္သည့္ လက္ေရးစာလံုးေလးေတြက အစီအရီ။ သၽွားျဖဴ အသံတိတ္ရယ္မိသြားသည္။
သၽွားျဖဴႏွင့္ customer ကေလးငါးေယာက္ၾကားမွ အျဖစ္အပ်က္ေသးေသးေလးကို ေမရီသတိထားမိမည္ဟု သၽွားျဖဴမထင္ခဲ့မိ။

......

"ဒီေန႔ အခ်ိန္ေတြအမ်ားႀကီးေပးသြားတာ ေက်းဇူးတင္ပါတယ္ မ။"

"အဲဒါေျပာစရာလိုလို႔လား ငယ္ရာ။"

'ေျပာစရာလိုေနတာ သက္သက္ရွိတယ္ မ ရဲ႕။ ဒါေပမဲ့ အခုလို သာယာေနတဲ့အခိုက္အတန္႔ေလး ပ်က္စီးသြားမွာလည္း ေၾကာက္တယ္။ ႏွင္းဆီပန္းစည္းေတြအေၾကာင္း မ နဲ႔ေတြ႕ရင္ေမးမယ္လို႔ ေတးထားတာ အခုေတာ့ ေမးရမွာလား၊ မေမးရဘူးလား။'

"မ၊ ဒီေန႔က မ အလုပ္ေတြပါးတယ္လား။"

"ရိပ္ကို အကုန္အပ္ခဲ့ၿပီး ထြက္ခဲ့တာပဲ။ ဘာျဖစ္ျဖစ္ ကိုယ့္ဘာသာရွင္းပါ။ ငါ့ကိုယ္ပိုင္အခ်ိန္ေလးကိုေတာ့ မေႏွာင့္ယွက္နဲ႔လို႔။ ဖုန္းပါ silence လုပ္ထားတယ္။"

"ခစ္ခစ္"

'မေမးေတာ့ပါဘူး။ ေမးေနရင္ ရွားရွားပါးပါးရထားတဲ့ ေပ်ာ္စရာအခ်ိန္ေလးမွာ ေခါင္းေနာက္ေနရမယ္။'

သၽွားျဖဴက ဆံုးျဖတ္ခ်က္ခ်လိုက္ခ်ိန္တြင္ ေမရီ၏အေတြးတြင္လည္း

'ႏွင္းဆီပန္းစည္းေတြကိစၥမွာ ဘာလို႔ ကိုယ္ညာခဲ့သလဲဆိုတာ မေမးခ်င္ပါနဲ႔ ငယ္ရယ္။ ကိုယ္ ထပ္မညာခ်င္ဘူး။'

......

"သူရဇၨ ... လီယမ္ သူရဇၨ ... မင္း အခုထြက္ခဲ့စမ္း။"

အေနာက္တိုင္းေသြးစပ္သည့္ သူရဇၨ၏အမည္အျပည့္အစံုကို ေအာ္ေခၚ၍ အိမ္ထဲသို႔ဝင္လာသူေၾကာင့္ မီးဖိုခန္းထဲမွသူရဇၨ အေျပးထြက္လာခဲ့သည္။

"ေနာက္ဆံုးေတာ့ ေရာက္လာၿပီ။"

ဤအခန္းေလး၏ တံခါး password ကိုသိသည့္ ဒုတိယေျမာက္လူသားက ေဒါသတႀကီးႏွင့္ သူရဇၨအနားသို႔ကပ္လာၿပီး မ်က္ႏွာကို လက္သီးတစ္ခ်က္ ပစ္သြင္းလာသည္။ ထိုကေလးအတြက္ႏွင့္ မိမိကုိယ္တြင္ ထပ္မံ၍အနာတရမျဖစ္ေစရဟု ဆံုးျဖတ္ထားသည့္ သူရဇၨက လက္ကိုဆြဲဖမ္းလိုက္ၿပီး

"ဟိုဟာေလး ေသသြားလို႔လား။"

"မင္း ..."

"ဪ၊ မေသေသးဘူးပဲ။ မင္းလာတာ အေတာ္ပဲ။ စပါကတီရၿပီ သိလား။ ငါ့နား မင္းမရွိေတာ့တဲ့ေနာက္ပိုင္း မင္းလက္ရာအတိုင္းရေအာင္ ေလ့က်င့္ထားရတာ။ အခုေတာ့ မင္းကိုေကၽြးဖို႔ အခြင့္အေရးရၿပီ။"

စိတ္တိုလြန္း၍လာခဲ့ေသာ္လည္း တစ္ဖက္လူက အစားအေသာက္ႏွင့္ဧည့္ခံေနေသာအခါ ေဇာ္ရိန္၏ေဒါသတို႔ ထိန္းမရခ်င္ေတာ့ပါ။

"သူရဇၨ၊ မင္းအလုပ္ မင္းမလုပ္ဘဲ ဒီမွာလာၿပီး ေသာက္ရူးထေနတာ ဘာေသာက္ခ်ိဳးလဲ။"

"အလုပ္အပ္တဲ့လူက တန္ရာတန္ေၾကးမေပးလို႔ မလုပ္တာေလ။"

"မင္း ေျပာစမ္း။ ငါ မေမးလို႔လား။"

"စရန္အေနနဲ႔ ခဏေလာက္ဖက္ထားေပးမလား။ အရမ္းလြမ္းေနလို႔။"

ေဒါသတို႔ကို မႏိုင္မနင္းမ်ိဳသိပ္လိုက္ၿပီး

"မင္း အလုပ္မလုပ္ခ်င္ရင္ အစကတည္းကျငင္းသင့္တယ္။ ဒီကိစၥ ဒီမွာျပတ္ၿပီ။"

"ဒါဆို ငါက တစ္ဖက္ကဆက္သြယ္တာကို လက္ခံလို႔ရၿပီေပါ့။"

လွည့္ထြက္မည္ျပင္သည့္ ေဇာ္ရိန္မွာ ေျခလွမ္းမ်ားရပ္သြားရၿပီး

"မင္း ဘာျဖစ္ခ်င္ေနတာလဲ။"

"ငါနဲ႔စကားေျပာမယ္ဆို ေက်ာခိုင္းမထားပါနဲ႔။"

အက္ရွရွအသံတို႔ကို ေဇာ္ရိန္အဖက္မလုပ္ပါ။

"မင္းျဖစ္ခ်င္တာပဲ ေျပာ။"

"ငါ့အနားမွာ ေနေပးပါလား။"

ရုတ္တရက္ဆန္သည့္ back hug ေၾကာင့္ ေဇာ္ရိန္ရုန္းထြက္လိုက္ေသာ္လည္း သူရဇၨကအလြတ္မေပးသည့္အခါ ေဇာ္ရိန္က ခႏၶာကိုယ္ကို ေနာက္ျပန္လွဲခ်လိုက္၏။

"အ"

ေဇာ္ရိန္က ခ်က္ခ်င္းလူးလဲထလိုက္ေသာ္လည္း အထိန္းအကြပ္မရွိ ၾကမ္းျပင္ေပၚလဲက်သြားသည့္ ခႏၶာကိုယ္ႏွစ္ခု၏အေလးခ်ိန္ေၾကာင့္ ေအာက္ဘက္မွသူရဇၨမွာ ခ်က္ခ်င္းထမလာႏိုင္။ ေဇာ္ရိန္က သူရဇၨ၏နံေစာင္းကို ေျခေထာက္ျဖင့္လွမ္းကန္ေသာ္လည္း သတိမလြတ္ေတာ့သည့္သူရဇၨက လွိမ့္ထြက္သြား၏။ ထို႔ေနာက္မွ ထရပ္ကာ

"တစ္ခါပဲရမယ္ Charmy. စကားမေျပာခ်င္ရင္ ျပန္လို႔ရတယ္။ အလုပ္ကိစၥက ပ်က္ၿပီဆိုလည္းပ်က္ၿပီေပါ့။"

ေခတၱခဏၿငိမ္သြားသည့္ ေဇာ္ရိန္က မီးဖိုေခ်ာင္ဘက္ထြက္သြား၍ သူရဇၨ ႏႈတ္ခမ္းကိုက္ကာရယ္ရင္း

"မင္းကေလ စိတ္ဆိုးေနတာကိုပဲ အသည္းယားဖို႔ေကာင္းေနတယ္။"

🥀 by Demon

■■■ အပိုင္း (၉) ဆက္ရန္ ■■■

ကိုယ်တိုင်ဆူးခြွေထားသည့် နှင်းဆီတို့အားကြည့်ရင်း ပွင့်ဖတ်တို့အား ခြေမွပစ်ချင်စိတ်မှာ တဖွားဖွား။ အရူးတစ်ယောက်လို  ပွင့်ချပ်တို့အား ထိတွေ့နေရင်း ရေတွက်နေသည့် စက္ကန့်လက်တံက ချပ်ခနဲပြည့်သွားသည်နှင့်
ကားတံခါးဖွင့်ပြီး ဆင်းလာလိုက်သည်။

လှပသည့်ကော်ဖီဆိုင်ရှေ့မှာ ညှို့အားပြင်းနှင်းဆီတစ်စည်းကို ချလိုက်ပြီး လတ်ဆတ်သောနံနက်ခင်းလေကို ရှုရှိုက်သွင်းလိုက်သည်။

မျက်စိရှေ့တွင်ကား ပြီးပြည့်စုံလှသော သိပ်ကောင်းသည့်မြင်ကွင်းတစ်ခု.....။

သပ်ရပ်အောင်ရှင်းလင်းထားသည့် လွမ်းဆွေးဖွယ် အုတ်ဂူတစ်ခုရှေ့တွင် ပန်းတစ်စည်းချထားသည့်သဖွယ်........ အလှဆင်ခြင်းငှာ ယနေ့အဖို့ တာဝန်တစ်ခုပြီးမြောက်၏။
တိတ်ဆိတ်ခြောက်ကပ်နေသော မနက်စောအချိန်က ထိုပန်းချီကားကို အလှပိုတိုးစေ၏။

အလှပဆုံးမြင်ကွင်းတစ်ခုအား စိတ်ကျေနပ်အောင်ကြည့်ပြီး လှည့်ပြန်ခဲ့လိုက်တော့သည်။

"ဒီမှာရှင့် ပန်းတွေကို နေ့တိုင်းလာမထားပါနဲ့"

ကြည်လင်ပြီးချိုသာသည့် အသံတစ်ခုက သူရဇ္ဇအာရုံကို နှောင့်ယှက်ပစ်လိုက်သည်။ သူတော့ လူမိပြီထင်ရဲ့။

ဘယ်လက်ကို ဖြည်းဖြည်းချင်းမြှောက်ပြီး bye bye sign လုပ်ရင်း ကားပေါ်ပြေးတက်ခဲ့လိုက်သည်။
မင်းရဲ့ပေါ်ထွက်လာမှုကြောင့် ဒီနေ့တော့ နောက်ကလိုက်လာမယ့်ကားတွေကို တကူးတက ခြေရာဖျောက်စရာမလိုတော့ဘူး။

ဒီနေ့ဟာ သျှားဖြူဆီကို ဆယ်ခုမြောက်သောပန်းစည်းရောက်သည့်နေ့ ဖြစ်သည်။ ပန်းကိုးစည်းမှာ သူရဇ္ဇ လက်ထွက်ဖြစ်ပြီး ပထမဆုံးကား နေမှိုင်း၏လက်ချက်ဖြစ်သည်။

မနက်စောစောကို ထပြီးစောင့်နေပုံအရတော့...
မေရီသာရွေးချယ်ထားသည့် ကောင်မလေးဟာ သူတို့ထင်ကြသလို ခပ်တုံးတုံးဖြစ်ပုံ မရပါဘူး။

.............................................................................

ကော်ဖီဆိုင်ထဲတွင်တော့ သျှားဖြူတစ်ယောက် ဖုန်းတစ်ဖက်၊ ပန်းစည်းကိုတစ်ဖက် ကိုင်ရင်း အတွေးများလို့နေသည်။ ပထမဆုံး ပန်းစည်းရချိန်တွင် 'မ' က ပေးသည်ဟု ထင်ခဲ့ပြီး message ပို့ခဲ့သည်။
ဒီရက်တွေထဲရှောင်နေသည့် 'မ'က ချက်ချင်းရောက်ချလာပြီး လူကို စိတ်ပူတကြီးစစ်ဆေးသွားပုံက ထိုပန်းစည်းကို 'မ'က ပို့သည်ဟု သူက ယုံရမှာလား။

'မ' က ဘာတွေကိုဖုံးကွယ်ချင်ပြီး ငယ့်ကိုလိမ်နေလဲဆိုတာ ငယ်တော့ သိပ်သိချင်တာပဲ 'မ'ရယ်....။

ဘယ်သူပို့မှန်းမသိတဲ့ ထိုပန်းစည်းတွေက 'မ'ကို ပိုပြီး စိတ်ပူစေနေသလား။
ငယ်က လူတစ်ယောက်ကို ချစ်မြတ်နိုးရုံပါ။
'မ'အတွက် ဝန်ထုပ်တစ်ခုဖြစ်ချင်တာမျိုး မဟုတ်ရပါဘူး။

ပန်းစည်းအား အမှိုက်ခြင်းထဲထည့်ပြီး အပေါ်ထပ်ကို ပြန်တက်ခဲ့လိုက်သည်။ ဆိုင်ရှေ့ကကားတစ်စီးက ထိုလူနောက် လိုက်မသွားပုံရတော့........
ထိုပန်းတွေက 'မ'ပို့သည်ဟု လိမ်လို့မရတော့ကြောင်း 'မ'သိသွားလောက်ပြီ ဖြစ်မည်။

ဒေါ်မေရီသာ.... အကောင်းအဆိုးကို မျှဝေပေးနိုင်တာမို့ ငယ့်ကို အကြာကြီး ဖုံးကွယ်မထားပါနဲ့။
စိတ်အခြေအနေမကောင်းလို့ ငယ့်ကိုရှောင်နေတာသိပေမဲ့ ဒီပုံစံအတိုင်းဆို ငယ်တို့ဝေးကွာသွားနိုင်တယ်...'မ'ရဲ့.......။
................................................................................

ရုံးခန်းတံခါးဖွင့်လိုက်သည်တွင် မြင်လိုက်ရသည့်မျက်နှာကြောင့် ထိန်းမရအောင် အသားတို့က တဆတ်ဆတ်တုန်လာသည်။ သူကများ ပေါ်လာရဲသေးတယ်ပေါ့လေ။

"ဘာတွေငေးနေတာလဲ မေရီ...။ ကိုယ်က အလုပ်ကိစ္စ လာဆွေးနွေးရုံပါ။ "

ဒီနေ့ ရိပ် မရှိသည်က ကံကောင်းသွားသည်။ အခန်းတံခါးကိုပိတ်လိုက်ပြီးမှ စိတ်လိုလက်ရရယ်မောပစ်လိုက်ပြီး နေမှိုင်းအား ကြည့်လိုက်သည်။

"ငါ့ဘဝမှာလေ နင့်လို အရှက်မရှိတဲ့ကောင်ကို မကြုံဖူးဘူး သိလား။ ငါက နင့်ကို အခုထိ အသက်ရှင်ခွင့်ပေးထားတာကို နင်က ရောင့်တက်နေတာပေါ့လေ"

ပြောပြောပြုပြုနှင့်ပဲ လက်တို့က နေမှိုင်းအား ရွယ်လို့ပြီးနေချေပြီ။ ပြုံးပြီးကြည့်နေသည့် ထိုစိတ္တဇကောင်ကိုမှမရိုက်ရရင် ဒီနေ့တော့ အသက်ရှူဝမယ် မထင်တော့ဘူး။

"သမီး!!! အလုပ်မှာ တည်တည်ငြိမ်ငြိမ်နေစမ်း"

ကြားလိုက်ရသည့်ဖေဖေ့အသံကြောင့် ရွယ်ထားသည့်လက်တို့မှာ ရပ်တန့်လို့သွားရသည်။
မေရီ,ကသာ သေချာမကြည့်လိုက်မိတာ။

ထိုသူကတော့ ရွံမုန်းစရာအပြုံးတစ်ခုနှင့်အတူ သူ့ဖုန်းကို ထောင်ပြနေလေရဲ့။
ပိုင်လိုက်တဲ့အကွက်တွေ... မေရီ့ဒေါသကို ဆွတဲ့နေရာမှာတော့ နေမှိုင်းကို ဘယ်သူမှမမီနိုင်လောက်တော့ဘူး။

"ဟုတ် ဖေဖေ။ သမီး စကားပြောလိုက်ပါ့မယ်။ "

"ဒီနှစ်ကုန်မှာ Chic Stone ကနေ brand သစ်ထွက်လိမ့်မယ်။ အဲ့ဒီအတွက် ကြော်ငြာနဲ့ promotion တွေကို ဖေဖေတို့ entertainment နဲ့ လက်တွဲဖို့ ဖေဖေသဘောတူထားတယ်။ သမီးကို ဖေဖေလွှဲလိုက်မယ်နော်။ သူငယ်ချင်းအချင်းချင်း တိုင်တိုင်ပင်ပင်ရှိအောင်လို့။ ဖေဖေစိတ်ချမယ်"

ချသွားသည့်ဖုန်းသံနှင့်အတူ "ဖြန်း"ခနဲ.. ပါးတစ်ချက်ရိုက်လိုက်မိသည်။

"နင်သိပ်တော်နေတယ်ပေါ့ နေမှိုင်း။ ငါ့ကို လှုပ်မရအောင် လုပ်လိုက်တယ်ပေါ့လေ။ ငါပြောပြမယ်။ အဲ့ brand အသစ် ကြော်ငြာမပေါက်ရင်လေ... ငါက ဘာမှမဖြစ်ပေမဲ့... နင့်အဖေကတော့ နင့်ကိုသတ်မှာ သိရဲ့လား။ နင် စိန်ရဲရင်တော့လုပ်လိုက်။ ငါနင့်ကို အလွတ်မပေးဘူးဆိုတာ နင်သိထားဖို့တော့လိုတယ်။ နင်ပြန်တော့"

သူမဟုတ်သည့်အတိုင်း စကားတစ်ခွန်းမှမဆိုဘဲ ထပြန်သွားသည်မှာ နည်းနည်းတော့အံသြစရာပင်။ တံခါးဖွင့်သံမကြားတာကြောင့် လှည့်ကြည့်လိုက်တော့ မိမိတစ်ကိုယ်လုံး တင်းကြပ်လို့သွားသည်။

ထိုစိတ္တဇကောင်က မိမိအား ဖက်လာခြင်း။

"မရုန်းနဲ့ မေရီ။ ကိုယ်မင်းကို အရမ်းလွမ်းနေရုံ၊ မင်းကို တွေ့ချင်ရုံပါပဲ။ ပြီးတော့ မင်းပေးတဲ့ကျေးဇူးကြောင့် အခု ကိုယ့်လက်မှာ ပတ်တီးနဲ့ဖြစ်နေပြီ။ ကံကောင်းလို့ ကားတိုက်မသေရုံတမယ်ပဲ။ နေ့တိုင်း မတော်တဆမှုတွေကြုံနေရတော့ ကိုယ်တွေးမိတယ် မေရီ။
မင်းကိုယ့်ကို နည်းနည်းလေးတောင် ညှာတာမပေးနိုင်ဘူးလားလို့လေ။ တစ်ခုတော့ရှိတယ်။ ကိုယ်သာသေရင် သူလည်း အသက်မရှင်စေရဘူးနော် မေရီ။ မင်းနဲ့ပတ်သက်ရင် ကိုယ်မလုပ်ရဲတာ ဘာမှမရှိဘူး"

ကျောခိုင်းလှည့်ထွက်သွားသည့် ထိုသူ့နောက်ကျောနှင့်အတူ ပိတ်သွားသည့်တံခါးကိုကြည့်ရင်း မျက်ရည်တချို့က စီးကျလာသည်။ မလှုပ်မယှက်ရပ်နေပြီး လှုပ်လည်းမလှုပ်ရဲပါချေ။ ရွံရှာမှု၊ ဒေါသ၊ အမုန်းတရား ထိုအရာတွေနှင့်အတူ ထိုနေ့ပြီးနောက် စတင်သိရှိလာရသည့် ကြောက်ရွံ့မှုဆိုသည့် စကားလုံး။

ထိုသူကို မုန်းတီးလွန်းသည်မို့ ထိုသူကို မျက်နှာချင်းမဆိုင်ချင်လောက်အောင်ကို ရွံရှာစိတ်ကပြင်းလှသည်။

ငါခံစားရတဲ့ စိတ်မလုံခြုံမှုအတွက် တန်ရာတန်ကြေးကို နင်ပြန်ပေးရဦးမှာပါ နေမှိုင်း။

တန်ရာတန်ကြေးဆိုသည်ကို တွေးမိလိုက်သည်နှင့်၊ စိတ်ထဲပျံ့လွင့်လာသည့် စကားသံနှင့်ပုံရိပ်တို့ကား နေရာယူလို့သွားချေပြီ။

'ငါ့သားကို ဖျက်ဆီးကြတဲ့သူတွေ သံသရာမှာ မငြိမ်းချမ်းပါစေနဲ့'

'မူးယစ်ဆေးသည် လူဖြစ်ရှုံးစေသည်'

'မူးယစ်ဆေးရောင်းတဲ့သူတွေက ဝဋ်ဆိုတာကို နားမလည်ကြဘူးလား'

'သူ့သမီးပေါ့ မူးယစ်ဆေးစွဲပြီး သေသွားခဲ့တာ...'

တံခါးခေါက်သံကြောင့် အသိစိတ်တို့အား ပြန်စုစည်းလိုက်ပြီး ထိုင်ခုံမှာ ဝင်ထိုင်လိုက်သည်။

"မေရီသာဆိုတာ ဘယ်အရာကိုမှ အကြောက်အရွံ့မရှိစေရဘူး"

မိမိစိတ်ကို ပြင်ဆင်ပြီးသည်နှင့် ရိပ်က ဝင်လာခဲ့သည်။ မူမမှန်တာကို ချက်ချင်းဖမ်းမိနိုင်သည့် ရိပ်ကြောင့် ကိုယ်ကပဲဦးအောင် စကားစပြောလိုက်သည်။

"အရင်တစ်ခါပြောထားတဲ့ကိစ္စကို ငါတို့ ဖေဖေနဲ့တိုင်ပင်ဖို့ လိုနေပြီ။ ငါတို့ပစ္စည်းကို ဈေးကွက်မှာ အပျောက်ခံလို့မဖြစ်သလို၊ လိုတာထက်ပိုပြီး ပစ္စည်းသယ်ယူလို့လည်း မဖြစ်ဘူး။ ငါတို့ပစ္စည်းက ပြည်ပကို မရောက်နိုင်သေးတာမို့ သိမ်းထားရဲတဲ့လူကို ပညာပေးဖို့တော့ လိုနေပြီ"

"ဟုတ်ကဲ့ပါ မမလေး။ ဒီညမှာ အချိန်ညှိထားလိုက်ပါ့မယ်"

"ဒါနဲ့ ရိပ်။ Faceless နဲ့ ဆက်သွယ်လို့ရလား"

"မရသေးပါဘူး မမလေး"

"အိုး..."

ရိပ်စကားကြောင့် မေရီ နည်းနည်းအံသြလို့သွားသည်။ ဒီနေ့အထိ နေမှိုင်းကို ခြေလက်အင်္ဂါစုံအောင် ကာကွယ်ပေးနေသည့် လူအကြောင်း... မေရီသိချင်မိသွားသည်။

နေမှိုင်းကား ငယ်စဉ်ကတည်းက သူနှင့်အတူ ကြီးပြင်းလာခြင်းဖြစ်သည်။ သူ့အကျင့်၊ သူ့အဆက်အသွယ်၊ သူ့အကြောင်းဆိုသည်မှာ မေရီသာ မသိချင်မှအဆုံး။

ဒီလောက်အထိ သူ့ကိုကာကွယ်ပေးချင်နေပြီး မေရီ့အကွက်တိုင်းကနေ ကယ်ထုတ်ပေးနိုင်တဲ့လူဆိုလို့ မေရီ မမြင်ဖူးခဲ့ချေ။
ထိုသို့ကာကွယ်ပေးနိုင်သူမှာ နေမှိုင်းအဖေမဟုတ်လျှင် နေမှိုင်း၏ ဦးလေးသာရှိသည်။

သို့သော် နေမှိုင်း၏အဖေက နေမှိုင်းအား ထိုကဲ့သို့ တိတ်တိတ်လေးကာကွယ်ပေးမည့်သူမျိုး မဟုတ်ချေ။
သူ့ဦးလေးကရော.....။ ပိုလို့ပင်မဖြစ်နိုင်ချေ။ ငယ်စဉ်ကတည်းက ထုလိုက်၊ထောင်းလိုက်နှင့် ထိန်းကျောင်းလာသည့် သူ့ဦးလေးကား ထိုမျှလောက် နေမှိုင်းအား အလိုလိုက်စိတ်ရှည်တတ်သူမဟုတ်။

...........................................................................

🥀 by J-moe-Z

"ငါ မအားဘူး။"

"ငါ့ထက်အလုပ်များနေတာလား။"

ဖုန်းချသွားလေပြီ။ သူရဇ္ဇ ဖုန်းကိုကိုင်ထားလျက်မှ မဲ့ဲပြုံးပြုံးလိုက်ပြီး

"သောက်ကလေးက တစ်ခါတလေလောက်တော့ ထိသင့်ပါတယ်။ မေရီသာလိုလူကို ဘာသွားငြိထားလို့ ဟိုက အသေမသတ်ဘဲ တတိတိညှင်းချင်နေလဲမသိ။"

ထိုကလေးအကြောင်းတွေးမိလျှင် သူရဇ္ဇမှာ သူ၏လည်ပင်းကိုပြန်စမ်းမိသည်။ မှန်ကြည့်သည့်အခါတိုင်းတွင်လည်း လည်ပင်းထက်မှ ဆူးကြိုးနှစ်ပင်လိမ်နေသည့်ပုံ တက်တူးတစ်ခုက ဖုံးကွယ်ပေးထားသည့် ဓားဒဏ်ရာဟောင်း၏အနာရွတ်သည် အာရုံမှားနာကျင်မှုကို ဖြစ်ပေါ်စေသည်။

"ငါ့ဆီကို မင်းကိုယ်တိုင်လာတွေ့သင့်ပြီ Charmy."

......

"ငယ်"

ကော်ဖီဆိုင်တွင်ရှိနေသည့် သျှားဖြူမှာ အလုပ်များနေလေသည်။  စားပွဲထိုးတစ်ယောက်လျော့နေခြင်းက ဤမျှအလုပ်များမည်ဟု မတွေးဖူးခဲ့ပါ။
တစ်ယောက်လျော့လူအင်အားနှင့် စားပွဲထိုးနေရသူတို့က kitchen အထိသွား၍ မမှာနိုင်တော့သည့်အတွက် ကောင်တာတွင်လာတင်သည့်အမှာစာတို့ကို  သျှားဖြူကပင် ပို့ပေးနေရသည်။ ထိုသို့အလုပ်များနေသည့်ကြားမှ ကြားလိုက်ရသည့်အသံကြောင့် အလုပ်များ၍စိတ်လောနေသည်တို့ပါ အေးငြိမ်းသွားရ၏။

"အလုပ်များနေသလား ငယ်။"

ထိုအခါမှ သျှားဖြူ ပြုံးကြည့်နေမိသည်ကိုရပ်၍

"စားပွဲထိုးတစ်ယောက် လျော့နေတာ မ။"

"No problem."

ကောင်တာအတွင်းသို့ဝင်လာပြီး အံဆွဲကိုဖွင့်၍ သျှားဖြူအတွက် သူကိုယ်တိုင်ဝယ်ထည့်ပေးထားသည့် ခေါင်းစည်းကြိုးများထဲမှ တစ်ကြိုးကိုယူ၍ ဆံပင်ကိုခပ်မြင့်မြင့်စည်းနှောင်လိုက်ပြီးသည့် မေရီသာက

"လုပ်အားခအတွက် ဆိုင်ပိတ်ချိန်ကျရင်တော့ အနမ်းတွေနဲ့ရှင်းရမယ်။ အခုတော့ အချိန်ပိုင်းစားပွဲထိုးရပြီလို့ သတ်မှတ်လိုက်တော့။"

Kitchen ဘက်သို့ဝင်သွားသည့် မေရီသာကို သျှားဖြူဘာမှမပြောလိုက်နိုင်ပါ။

...

"မိုက်တယ်ကွ။ ပိုင်ရှင်ထင်တယ်။ ဝတ်ထားတာတွေက မြောက်နေတာပဲ။"

"ဟာ၊ ပိုင်ရှင်က ကောင်တာထိုင်နေတယ်လေ။ အဲဒါတော့ ငါသိတယ်။"

အသက်ဆယ့်ခုနစ်၊ ဆယ့်ရှစ်နှစ်အရွယ် ကောင်မလေးနှင့်ကောင်လေးငါးယောက် စုထိုင်နေသော ကောင်တာနှင့်နီးနေသည့်ဝိုင်းမှ စကားသံတို့ကို သျှားဖြူကြားနေရသည်။

"အား ... အဲဒီ shoes တွေပေါ့၊ အခု ဆယ့်ငါးဖြစ်နေပြီ။"

"အေး၊ အဲဒါပဲ။ ဆယ့်ငါးသိန်းတန်ဖိနပ်နဲ့ ဒီအပြင်အဆင်တွေနဲ့က ဘယ်လိုမှ waitress မဟုတ်ပါဘူးဆို။"

"ဘယ်သူကရော ဟုတ်တယ်ပြောလို့လဲ။ မမက ကျက်သရေရှိလိုက်တာ။"

"ငြိမ်ငြိမ်နေစမ်းပါ။ မိန်းကလေးချင်းငမ်းနေတာ မြင်လို့တောင်မကောင်းဘူး။"

"ဟဲ့၊ နင်တို့ပဲငမ်းလို့ရတာလား။"

သျှားဖြူမျက်မှောင်ကြုတ်လာနေပြီ။

"မ၊ ကောင်တာလာထိုင်ပါလား။ အဲဒါတွေ ငယ် လုပ်လိုက်မယ်။"

"အဲဒီအတိုင်း ငြိမ်ငြိမ်လေးထိုင်နေပါ ငယ်။ မြင်နေရတာ အမောပြေလို့။"

ပြုံးပြီးပြောသည့် မေရီ၏စကားကြောင့် သဖန်းပိုးလုပ်နေသည့် customer ငါးဦးမှာ ပါးစပ်အဟောင်းသားနှင့်။

'အဟင်း၊ သိပြီလား။ ဒီလောက်ဆို သိပြီလား။ ဆိုင်ပိုင်ရှင်လည်း ငါပဲ။ မ ရဲ့ပိုင်ရှင်ကလည်း ငါပဲ။'

'ကျေနပ်ပြီလား ငယ်။'

အမှာစာမဟုတ်သည့်စာရွက်ကလေးတွင် မေရီ၏ ဝိုင်းစက်နေသည်လည်းမဟုတ်သည့် လက်ရေးစာလုံးလေးတွေက အစီအရီ။ သျှားဖြူ အသံတိတ်ရယ်မိသွားသည်။
သျှားဖြူနှင့် customer ကလေးငါးယောက်ကြားမှ အဖြစ်အပျက်သေးသေးလေးကို မေရီသတိထားမိမည်ဟု သျှားဖြူမထင်ခဲ့မိ။

......

"ဒီနေ့ အချိန်တွေအများကြီးပေးသွားတာ ကျေးဇူးတင်ပါတယ် မ။"

"အဲဒါပြောစရာလိုလို့လား ငယ်ရာ။"

'ပြောစရာလိုနေတာ သက်သက်ရှိတယ် မ ရဲ့။ ဒါပေမဲ့ အခုလို သာယာနေတဲ့အခိုက်အတန့်လေး ပျက်စီးသွားမှာလည်း ကြောက်တယ်။ နှင်းဆီပန်းစည်းတွေအကြောင်း မ နဲ့တွေ့ရင်မေးမယ်လို့ တေးထားတာ အခုတော့ မေးရမှာလား၊ မမေးရဘူးလား။'

"မ၊ ဒီနေ့က မ အလုပ်တွေပါးတယ်လား။"

"ရိပ်ကို အကုန်အပ်ခဲ့ပြီး ထွက်ခဲ့တာပဲ။ ဘာဖြစ်ဖြစ် ကိုယ့်ဘာသာရှင်းပါ။ ငါ့ကိုယ်ပိုင်အချိန်လေးကိုတော့ မနှောင့်ယှက်နဲ့လို့။ ဖုန်းပါ silence လုပ်ထားတယ်။"

"ခစ်ခစ်"

'မမေးတော့ပါဘူး။ မေးနေရင် ရှားရှားပါးပါးရထားတဲ့ ပျော်စရာအချိန်လေးမှာ ခေါင်းနောက်နေရမယ်။'

သျှားဖြူက ဆုံးဖြတ်ချက်ချလိုက်ချိန်တွင် မေရီ၏အတွေးတွင်လည်း

'နှင်းဆီပန်းစည်းတွေကိစ္စမှာ ဘာလို့ ကိုယ်ညာခဲ့သလဲဆိုတာ မမေးချင်ပါနဲ့ ငယ်ရယ်။ ကိုယ် ထပ်မညာချင်ဘူး။'

......

"သူရဇ္ဇ ... လီယမ် သူရဇ္ဇ ... မင်း အခုထွက်ခဲ့စမ်း။"

အနောက်တိုင်းသွေးစပ်သည့် သူရဇ္ဇ၏အမည်အပြည့်အစုံကို အော်ခေါ်၍ အိမ်ထဲသို့ဝင်လာသူကြောင့် မီးဖိုခန်းထဲမှသူရဇ္ဇ အပြေးထွက်လာခဲ့သည်။

"နောက်ဆုံးတော့ ရောက်လာပြီ။"

ဤအခန်းလေး၏ တံခါး password ကိုသိသည့် ဒုတိယမြောက်လူသားက ဒေါသတကြီးနှင့် သူရဇ္ဇအနားသို့ကပ်လာပြီး မျက်နှာကို လက်သီးတစ်ချက် ပစ်သွင်းလာသည်။ ထိုကလေးအတွက်နှင့် မိမိကိုယ်တွင် ထပ်မံ၍အနာတရမဖြစ်စေရဟု ဆုံးဖြတ်ထားသည့် သူရဇ္ဇက လက်ကိုဆွဲဖမ်းလိုက်ပြီး

"ဟိုဟာလေး သေသွားလို့လား။"

"မင်း ..."

"ဪ၊ မသေသေးဘူးပဲ။ မင်းလာတာ အတော်ပဲ။ စပါကတီရပြီ သိလား။ ငါ့နား မင်းမရှိတော့တဲ့နောက်ပိုင်း မင်းလက်ရာအတိုင်းရအောင် လေ့ကျင့်ထားရတာ။ အခုတော့ မင်းကိုကျွေးဖို့ အခွင့်အရေးရပြီ။"

စိတ်တိုလွန်း၍လာခဲ့သော်လည်း တစ်ဖက်လူက အစားအသောက်နှင့်ဧည့်ခံနေသောအခါ ဇော်ရိန်၏ဒေါသတို့ ထိန်းမရချင်တော့ပါ။

"သူရဇ္ဇ၊ မင်းအလုပ် မင်းမလုပ်ဘဲ ဒီမှာလာပြီး သောက်ရူးထနေတာ ဘာသောက်ချိုးလဲ။"

"အလုပ်အပ်တဲ့လူက တန်ရာတန်ကြေးမပေးလို့ မလုပ်တာလေ။"

"မင်း ပြောစမ်း။ ငါ မမေးလို့လား။"

"စရန်အနေနဲ့ ခဏလောက်ဖက်ထားပေးမလား။ အရမ်းလွမ်းနေလို့။"

ဒေါသတို့ကို မနိုင်မနင်းမျိုသိပ်လိုက်ပြီး

"မင်း အလုပ်မလုပ်ချင်ရင် အစကတည်းကငြင်းသင့်တယ်။ ဒီကိစ္စ ဒီမှာပြတ်ပြီ။"

"ဒါဆို ငါက တစ်ဖက်ကဆက်သွယ်တာကို လက်ခံလို့ရပြီပေါ့။"

လှည့်ထွက်မည်ပြင်သည့် ဇော်ရိန်မှာ ခြေလှမ်းများရပ်သွားရပြီး

"မင်း ဘာဖြစ်ချင်နေတာလဲ။"

"ငါနဲ့စကားပြောမယ်ဆို ကျောခိုင်းမထားပါနဲ့။"

အက်ရှရှအသံတို့ကို ဇော်ရိန်အဖက်မလုပ်ပါ။

"မင်းဖြစ်ချင်တာပဲ ပြော။"

"ငါ့အနားမှာ နေပေးပါလား။"

ရုတ်တရက်ဆန်သည့် back hug ကြောင့် ဇော်ရိန်ရုန်းထွက်လိုက်သော်လည်း သူရဇ္ဇကအလွတ်မပေးသည့်အခါ ဇော်ရိန်က ခန္ဓာကိုယ်ကို နောက်ပြန်လှဲချလိုက်၏။

"အ"

ဇော်ရိန်က ချက်ချင်းလူးလဲထလိုက်သော်လည်း အထိန်းအကွပ်မရှိ ကြမ်းပြင်ပေါ်လဲကျသွားသည့် ခန္ဓာကိုယ်နှစ်ခု၏အလေးချိန်ကြောင့် အောက်ဘက်မှသူရဇ္ဇမှာ ချက်ချင်းထမလာနိုင်။ ဇော်ရိန်က သူရဇ္ဇ၏နံစောင်းကို ခြေထောက်ဖြင့်လှမ်းကန်သော်လည်း သတိမလွတ်တော့သည့်သူရဇ္ဇက လှိမ့်ထွက်သွား၏။ ထို့နောက်မှ ထရပ်ကာ

"တစ်ခါပဲရမယ် Charmy. စကားမပြောချင်ရင် ပြန်လို့ရတယ်။ အလုပ်ကိစ္စက ပျက်ပြီဆိုလည်းပျက်ပြီပေါ့။"

ခေတ္တခဏငြိမ်သွားသည့် ဇော်ရိန်က မီးဖိုချောင်ဘက်ထွက်သွား၍ သူရဇ္ဇ နှုတ်ခမ်းကိုက်ကာရယ်ရင်း

"မင်းကလေ စိတ်ဆိုးနေတာကိုပဲ အသည်းယားဖို့ကောင်းနေတယ်။"

🥀 by Demon

■■■ အပိုင်း (၉) ဆက်ရန် ■■■