SHUKRIYA
Yun Rah-e-Wafa ki Saleeb par,
Do Kadam Uthane ka Shukriya.
Bada Pur Khatar tha yeh Raasta,
Tere Laut Jane ka Shukriya.
Jo Udaas Hain tere Hijr mein,
Jinhe Booj Lagti hai Zindagi,
Sar-e-Bazm Yun Unhe Dekh kar
Tera Mouh Chupane ka Shukriya.
Teri yaad kis kis bhees mein,
Mere Sher-o-Nagma mein dhal gayi,
Ye Kamaal hai teri yaad ka,
Mujhe yaad aane ka Shukriya.
Hai zamane bhar ka asool jo,
Vo asool tune nibha diya.
Ye rasm thehre ki moatbar,
Mujhe bhool jane ka Shukriya.
Mujhe khasta haal sa dekh kar,
Tere hoonth phool se khil uthe.
Mujhe Gham nai mujhe dekh kar,
Tere muskurane ka Shukriya.
©Dr. B
2020-09-18 14:46:56
4
0