كتابة yakkaty

مشيو الاتنين رايحين لمصدر الصوت ولما شافوهم خافو جدا من الى شايفينو تقريبا سكان المدينه كلها ماشيه بتدور عليهم بشكلهم المرعب والمخيف وجسمهم المتاكل ولبسهم المقطع وفى ايد كل واحد فيهم سلاح
لارا برعب
"دول قربو يوصلو لينا تعالى نرجع للأتجاه داا"

يكاتى مسكت أيد لارا "بسرعه عشان دول لو مسكونا مش هيرحمونا "

رجعو يجرو ويحاولو يشوفو مكان يستخبو فيه فا كانو بيجربو يفتحو البيوت الى كلها كانت مقفوله حسو بتعب ويأس وقعدو ورا سور يرتاحو شويه
يكاتى وهى بتاخد نفسها "هنعمل أى مفيش مكان نستخبى فيه"

"أنا تعبت أوى وجعانه اوى بقى "

وقبل ما يكاتى ترد عليها سمعو صوت حركه قريبه منهم وقفو الاتنين وهما بصين بخوف للشخص الى بدأ يقرب منهم وهما الاتنين عمالين يبعدو خطوه بخطوه برجلين بتترعش

لغاية ما وشه ظهر ليهم وكان شكله عادى مش زى سكان المدينه , الاتنين متكلموش فضلو باصين ليه بخوف

بس هو شافهم وابتسم كأنه يعرفهم "لورا ,كيتى ! أنتو ليه واقفين هنا مش كنتو فى المخزن مستنين الاشاره "
لارا بصت ليكاتى الى بصتلها هى كمان وهما مش فاهمين حاجه

لارا همست "أحنا لينا أشباه هنا كمان هنعمل اى"
يكاتى بهمس هى كمان "مش عارفه فكرك لو عرف اننا مش الى يقصدهم هيعمل اى"
لارا حركت راسها بمعنى معرفش

اما الراجل الى كان واقف معاهم فاجأة كدا عمل حركه بأيده خرجت نور زى كشاف كدا ووجهه عليهم ,طبعا لارا ويكاتى تنحو ,

يكاتى بدهشه "لارا شوفتى عمل اى "
لارا حركت راسها بسرعه وهى مندهشه بردو .
الراجل قرب منهم الضوء وعقد حواجبه وكان شكله مضايق

الاتنين خافو لايكون عرف انهم مش الى يقصدهم كتمو نفسهم بخوف
أتكلم وهو بيقرب منهم "أنتو حصلكم اى مبهدلين كدا ليه , أى اللبس الغريب دا "

الاتنين أتنفسو براحه أتكلمت لارا بسرعه "غيرنا لبسنا عشان نعرف نمشى وسطهم"
يكاتى "أيوه دا تنكر "

بصلهم باستغراب "تنكر أى بس انتو الاتنين هوصلكم للمخزن تانى والتزمو بالخطه"

لارا بتهمس ليكاتى "أى الخطه اى الخطه "
يكاتى نغزتها "اسكتى بقى أعملى نفسك عارفه الخطه أهو فى مكان أمان هنستخبى فيه "

لارا بصت ليكاتى "الاتنين الى شبهنا هناك يافالحه"
يكاتى ضربت راسها وبصت للارا "هنعمل أى "
بس الراجل قطع كلامهم "يلا بسرعه دول قربو ولو مسكونا هنموت هنا"

قالها وشدهم الاتنين من أيديهم وبدأ يجرى , بس الغريب الى لارا ويكاتى حسوه انهم كانو بيجرو اه بس مش حاسين بتعب أكن الارض هى الى بتتحرك مش هما بصو للراجل لقو فى ضوء خافت كدا باللون الازرق وبصو على نفسهم لقو الضوء دا ملفوف عليهم بردو ,

مكنوش فاهمين أى دا , عدت ثوانى كانو قدام المخزن
وقف قدام الباب لقى القفل مقفول "أنتو قفلتو القفل وراكم شاطرين ان مافتتكوش اللقطه دى عشان محدش يكتشف خروجكم "

طرق بصوابعه القفل كان اتفتح والباب فتح وشاورلهم
"يلا أدخلو "
طبعا الاتنين باصين بعيون واسعه مصدومه
لارا بصت ليكاتى وهى مش فاهمه حاجه " هو طرقع بأيده فتح الباب صح مش بتخيل"
يكاتى بنفس النظره "ما لو احنا الاتنين شوفنا كدا يبقى مش بنتخيل هو طرقع بايده فتح الباب فعلا"

وضحكو ببلاهه كدا , بصلهم مستغرب "يلا بسرعه ادخلو واقفلو وراكم"
قالها وزقهم على جوا .

دخلو الاتنين وهما بيبصو حاوليهم على المكان الى عباره عن مخزن مليان أشوله لارا فتحت شوال منهم وصرخت ورجعت لورا وهى بتاخد نفسها بصعوبه
يكاتى حضنتها "فى أى "
لارا شاورت على الشوال

يكاتى قربت براحه وصرخت ومسكت فى لارا "أى دا دى جثه "
لارا حركت راسها بنعم فا يكاتى كملت "أحنا هنموت هنا ولا اى "

ولسه لارا هترد سمعو صوت جاى من وراهم "أنتو مين"
الاتنين بصو وراهم وفضلو متنحين لان الى قدامهم كانو أتنين شبههم تماما يمكن فرق اللبس بس وكانو هما الاتنين بردو مصدومين فا فاجأة حركو أيدهم وظهر شعاع شبه السهم "أنتو مين وأزاى شبهنا كدا"

لارا ويكاتى مسكو فى بعض لارا أتكلمت "أستنى بس شيلى السهم الشعاعى العجيب دا وهنكلم"
بصت لصاحبتها الى شبه يكاتى شورتلها تشيل "شكلهم هبل"

يكاتى بصتلها كدا "أى هبل دى متحترمى نفسك"
فا البنت دى قامت هى كمان مخرجه سهم
بس لارا أدخلت بسرعه "متقصدش خاالص"
فا يكاتى سكتت,

وللارا بصت للبنت "يعنى مش شبه يكاتى وبس لا متهوره زيها ,شيلى سلاحك دا ونكلم بعقل"
شالو سلاحهم الغريب دا أتكلمت شبيهة لارا "أنتو مين بقى "

يكاتى بصت ليهم "أنا يكاتى ودى لارا ,انتم؟"
شبيهة لارا "أنا لورا ودى كيتى"
كيتى بملل "يعنى مش شبه بعض بس لا كمان اسامينا متشابهه"

لورا بجديه "أنتو ازاى شبهنا كدا وازاى جيتو المكان دا اصلا دا مكان ملوش وجود على الخريطه "
لارا ضحكت "مكان ملوش وجود على الخريطه مناسب لاتنين منحوسين زينا يقعو فيه طبعا"

بصولها مستغربين فا يكاتى حكت ليهم عن الى حصلهم وانهم بيتنقلو لعوالم مختلفه وانهم متشابهين لانهم تقريبا نفس الاشخاص مع اختلاف العالم , طبعا مكانوش مصدقين أوى كلامهم بس معملوش حاجه

لارا "أحكولنا بقى اى المكان دا وانتو ازاى بتطلعو حاجات وانوار غريبه دا الى برا طرقع فتح الباب ,دا سحر دا"

اتكلمت كيتى "قابلتو جاك ,يعنى لسه عايش أهو اومال مدناش الاشاره ليه ,مش مهم , بصو أحنا زى ما لورا قالت فى مدينه مش على الخريطه لانها ملعونه من زمان والى عايشين هنا دول ميتين وعايزين يقتلو بنتين قرابين لألهه عندهم فاكرين انها هترجعهم أحياء تانى "

يكاتى بأندهاش "ملعونه وأموات وقرابين وااااو"
لارا "واى لعنهم"

أتكلمت لورا "مدينتنا هى الى لعنتهم الملك السابق بتاعهم ضحك على ساحره كبيره من عندنا ,قالها على حاجات تعملها وهينفز ليها الى عايزاه وهى عملت المطلوب وهو منفذش فا لعنت المدينه كلها بالمرض والموت وان اجسامهم وارواحهم تفضل هايمه كدا بدون راحه فا الصبح بيبقى شكلهم بنى ادمين عادى وبالليل بيبانو على حقيقتهم"

يكاتى ولارا كالعاده كانو متنحين طبعا الى بيسمعوه دا بالنسبالهم مشافهوش غير فى أفلام الرعب ,
يكاتى "بس أنا شوفتهم على حقيقتهم الصبح كانت لمحات كدا بتظهر وتختفى "

كيتى ردت "أعتقد من كلامكم فا هيكون عشان أنتى شبيهتى , أنا حفيدة الساحره دى وبقدر اشوفهم على حقيقتهم صبح وليل "

لارا بصت ليكاتى "شبية الحفيده , هو يا أميرات يا أحفاد ساحرات لا حظنا جميل , المهم بقى أنتو هنا فى مخزن الجثث دا ليه "

لورا "عشان هنفذ خطة تدميرهم الليله حفيدة الساحره أهى فا نقدر نرفع اللعنه عنهم ونقتلهم "
يكاتى باستغراب"ومتقتلوهمش على طول ليه"
كيتى بصت بسخريه "عشان ملعونين مثلا"

وفى وسط نقاشهم دا سمعو أصوات الناس قربت للمخزن قامت كيتى بسرعه "أستخبو عشان محدش ياخدكم بدالنا بسرعه"

يكاتى ولارا لسه بيجرو يستخبو كانو دخلو المخزن وقبضو عليهم هما , بصو للورا وكيتى الى أتصدمو من الى حصل بس معملوش حاجه و أستخبو.

يكاتى ولارا كل واحده منهم متشاله على كتف واحد والناس ماشيه بتقول نفس الكلام "أغراب يموتو , أغراب قرابين للآلهه"

ويعيدو ويكرررو نفس الجمله لغاية ما وصلو مكان ورمو يكاتى ولارا على كرسيين وربطوهم

لارا بتبص حواليها المكان شبه معبد وفى حفره فى النص مولعه وتماثيل غريبه ماليه المكان والكراسى الى قاعدين عاليها حديد أسود والناس ملفوفين حوالين حفرة النار دى وعمالين بردو يقولو نفس الجمله
لارا بعياط "أحنا ليه بيتعمل فينا كدا عايزه أروح لماما "

يكاتى بتحاول تهدى "نثق فى لورا وكيتى دول يمكن يلحقونا قبل ما نبقى قرابين بجد"

ظهر صوت من وسط الناس وقعد يكلم بطريقه غريبه عامله زى هسيس التعابين كدا هما مش فاهمين منه حاجه بس كل ما بيكلم الناس بتتحمس أكتر ويبصو على لارا ويكاتى , قرب منهم الشخص دا كان لابس مختلف عنهم شكلو من طبقه مختلفه ولاحظو التاج الى على راسه فا فهمو أنو الملك

وجه كلامه ليكاتى "كيتى حفيدة الساحرة الشريره السبب فى كل الى حصلى وحصلهم"

يكاتى بغيظ غريب اكنها مش هى"يعنى مش انت الى موفتش بوعدك , لا هى الساحره الوحشه السبب "
لارا بصتلها بصدمه "أنتى هبله بتقولى اى أنتى بتثبتيلو أنها أنتى يخربيتك"

يكاتى فاقت لنفسها كدا "أى الى انا قولته دا , لا أستنى مش أنا انا مش هى يلهوى بقى "
ضحك ضحكات شريره بصوت عالى "كيتى ولورا , هتكونو مين غيرهم "

قالها وشاور لأتباعه "خدوهم وابتدو مراسم التحضيرات"

فعلا اتنين جم فكوهم وشالوهم لقريب من النار وجابو جردلين ودلقو سائل بريحه غريبه عليهم
لارا بتشم "دا جاز يا يكاتى "

يكاتى بيأس"أنا اعرف القرابين بيموتو مدبوحين حد يغزهم بخنجر لكن محروقين جديده دى"

لارا بتبص ليكاتى "مش وقت ألش أحنا هنموت مشويين فى الحفره دى"

بس قبل ما أى حاجه تحصل لورا وكيتى وجاك ظهرو
وكل منهم مخرج كره سحريه بلون
كيتى أتقدمت واتكلمت بشموخ "أنا كيتى أبنة الساحره كريانا العظيمه"

بص ليها الملك وبص يكاتى حتى جاك ركز وبصلهم واتصدم ,
الملك لسه مصدوم "أزاى دا" بس فاق من صدمته بسرعه وأمر الى معاه يمسكو لورا وكيتى بسرعه
كيتى بتحضر نفسها تحدف الكوره المنوره دى "جربو تقربو كدا وانتو تشوفو حفيدة الساحره تقدر تعمل أى "
الملك ضحك "أحنا ميتين "

لورا ضحكت " بس لو لغينا اللعنه,فكرك اى هيحصل"
الملك خاف ورجع لوراء "أزاى هتلغوها بدون قرابين"

كيتى خفت الكوره دى ووقفت رفعت راسها لفوق وشعرها أنفرد وعنيها بقت بيضا خالص فتحت ايديها وطلعتها لفوق وبدأت تقول كلام غريب والهوا بدأ يتحرك من حواليها وتترفع هى لفوق وبدأت عواصف تتحرك فى المكان حتى النار أتطفت من قوة العاصفه ,

وبعد كدا بدأت تهدى وتنزل وبعد ما خلصت كلهم أغمى عليهم , لورا مسكت كيتى عشان تعبت , وجاك جرى بسرعه يفك يكاتى ولارا
جاك بعد مافكهم "بسرعه تجرو من هنا أخرجو من المدينه كلها عشان هنولعها كلها "

يكاتى مسكت ايد لارا تقومها "بيقولك هيولعها يلا يا بنتى بسرعه من هنا "
لارا قامت "يلا بسرعه مش عايزه اتشوى"
الاتنين مشيو وبصو للورا وكيتى , كيتى أتكلمت وهى بتحاول تقعد "يكاتى لارا , أتمنى ليكم النجاه وانكم ترجعو لعالمكم سالمين"

لورا أبتسمت "بسرعه أهربو من هنا , "
لارا "وانتو طيب "
جاك ضحك "أحنا سحرا بطرقعه واحده هنخرج "
يكاتى بصت للارا "يلا يا لار من هنا سحرا وطرقعه ولعنه يلا نجرى"

لارا ضحكت والاتنين جريو بسرعه لغاية ما خرجو من المدينه وقعدو عند جذع شجره ميت ونصه محروق أساسا , لفت نظرهم ان المدينه كلها مولعه
يكاتى "فكرك هما بخير"

لارا ضحكت "يا بنتى قالك طرقعه طرقعه ويختفى "
يكاتى ضحكت هى كمان وبدأت تتاوب
لارا بصت ليكاتى "طبعا أحنا هنام هنا"
يكاتى "أكيد هنام هنا ,عشان نقوم نكمل المغامره فى عالم أخر"

لارا بتتاوب "طيب تصبحى على خير بقى"
وفعلا هما الاتنين من التعب نامو وسط الصحرا المحروقه

أتمنى تكون القصه عجبتكم واستنونا فى مغامره تانيه قريب  ورأيكم فى القصص لدلوقت ❤😍