الفصل من كتابتى yakkaty

الاتنين فتحو عنيهم برعب فى نفس الوقت ونطو من مكانهم وهما بيقولو نفس الكلام
"ويليام هنتعدم أجرى بسرعه"

ولسه هيجرو بعدين وقفو يبصو حواليهم كدا وهما مصدومين قفلو وفتحو عنيهم كتير بس بردو الوضع متغيرش لارا مسكت فى كم يكاتى
"أحنا مش كنا فى كهف تقريبا "

يكاتى حركت راسها "اه وكان فى ويليام بيجرى ورانا وجنود وحوارات"
لارا ضحكت ببلاهه "أحنا فين بقى"
يكاتى بصت حواليها لانهم كانو فى مكان غريب ارض بور وشجر ميت وورقه اصفر صريع على الارض اعلن موته دا كمان فى شجر محروق ومش باقى غير كام فرع متفحمين "أحنا خير اللهم اجعله خير كدا لا معرفش احنا فين"

لارا بتفكير سريع وذكاء "أكيد الامير الحقير حرق المملكه ودا الباقى منها"
يكاتى بزهق"والكهف اتحرق وسط الجبل واختفى لا واحنا كنا جواه ,متفكريش تانى"

لارا حطت ايدها على وسطها "سيبنالك التفكير طيب ياختى قولى حصل اى"
"لارا حبيبتى مش ملاحظه اننا ما شاء الله من العالم بتاعنا لعصر ديناصورات لأميرات الله اكبر علينا فكرك بقى هنكون فين"
لارا ضحكت "لا متقولش عالم جديد"

يكاتى حركت راسها بنعم فا لارا قالت"هو احنا كل ما هنام هنقوم فى عالم تانى"

يكاتى حركت راسها تانى "عليكى نور شكلها كدا هنفضل نلف عوالم الله اعلم بيها ونتمرمط فا يلا نشوف هنتمرمط فين المرادى"

لارا شاورت لها وحيتها بطريقة الاميرات " أميرتى الجميله قدامى يلا نبتدى "

يكاتى بادلتها الحركه  وبعديها ضحكو هما الاتنين وبدأت رحلتهم فى المشى

لحد ما وصلو لمكان فيه سوق كبير وبياعين على الجنبين وسطهم ممر تمشى فيه وناس كتير ماشيه بس لبسهم غريب عن الى لارا ويكاتى يعرفوه بس مدققوش قوى يعنى وعدوها لانهم فهمو خلاص انهم بيتنقلو بين عوالم مش شبه عالمهم 

لارا بسعاده "بشر ياكاتى بشر اخيرا "
يكاتى كانت بصه ليهم متعرفش ليه قلبها اتقبض كدا وهى بتبص على الناس "اى السعاده فى كدا يعنى يا لارا ما احنا كنا هربانين من بشر اصلا"

لارا وقفت "لا شكلهم غير دول بصى مبتسمين ازاى"
قالتها وشاورت على الناس

يكاتى بصت عليهم متعرفش حصل ازاى بس لقت شكلهم اتغير ملابس سودا بدل ملابسهم الرماديه , بشره شاحبه عيون سوداء قاتمه مش ظاهر منها أى بياض وسكاكين فى أديهم يكاتى صرخت برعب وغمضت عينها ورجعت لورا

لارا مسكتها "فى اى يا بنتى بس"
يكاتى فتحت عينها وبصت لقت كل حاجه طبيعيه"لارا أنا خايفه بجد خايفه"
"حصل أى " 

يكاتى مسكت أيد لارا "يلا نمشى بلاش ندخل"
لارا بقلق"فى اى بس اى الى مخوفك ,وبعدي انا تعبت من المشى والجرى وجعانه ندخل ناكل اى حاجه طيب ونفهم المكان"

وقبل ما يكاتى ترد جه صوت حد بيزعق جاى من وراهم "بتعملو أى هنا مين خرجكم من المخزن"
لارا ويكاتى لفو فى نفس الوقت "مخزن"

ولسه هتقرب تمسكهم لارا مسكت ايد يكاتى وبدأت تجرى "لا مش ناقصه مخزن يلا نهرب بسرعه"

وفعلا هما الاتنين طلعو يجرو لغاية ما تعبو من الجرى وارتاحو ورا  بيت كدا وهما واقفين بياخدو نفسهم باب البيت الخلفى فتح وست خرجت وبصتلهم بأبتسامه لطيفه بس يكاتى كانت شيفاها ابتسامه صفرا مرعبه
"أنتو مش من هنا صح "

الاتنين حركو راسهم بنعم
فا كملت كلامها"شكلكم تعبان أى رأيكم تدخلو "
لارا بتدخل بتلقائيه يكاتى مسكتها "ألف ب ارشادات للأطفال متدخلوش بيت حد متعرفهوش وانتى ولا أكنك داخله بيتك أى يا حجه"

لارا بصت ليكاتى بحاجب مرفوع "بصى ياكاتى بلا أرشادات بلا طفوله انا جعانه "

ودخلت ويكاتى دخلت بردو لان مش هتسيب لارا لوحدهها أكيد شاورتلهم الست بابتسامه عشان يقعدو على الكنبه "دقايق ويكون الأكل جاهز شكلكم جعان أوى"

يكاتى بصت للارا "فضحتينا"
قعدو الاتنين وبيبصو حواليهم ديكورات البيت غريبه مشافوهاش غير فى الافلام ,كنب وكراسى باللون الاخضر البهتان , سفرا بكراسى بنى شكلها رديئ يمكن مكسورين كمان عليها أطباق صفراء وزوهرية مكسور حته منها وورد دبلان فيها , وحيطان بهتانه مش مفهوم لونها أى وصور لناس كتير شكلهم غريب ولبسهم أغرب
لارا وهى بتتفرج "فكرك مين دول"

"أعرف منين أنا تلاقيهم قرايبها"
لارا فضلت تتأمل حواليها لغاية ما الست ظهرت قدامها فاجئه كدا فا أتخضت"أعوذ بالله من الشيطان الرجيم , خضتينى"

الست وشها أتغير شويه كدا وبصت للارا بطريقه غريبه يكاتى لاحظت ان لبسها أتغير للون الاسود وملامح وشها أتغيرت ورجع لبسها تانى للون الفاتح البهتان ووشها لطبيعته فى لحظه كدا    

يكاتى مسكت فى لارا وهمست "شوفتى الى شوفته"
لارا مش فاهمه "شوفت أى يا بنتى بس"
يكاتى ضربتها على كتفها "وطى صوتك ,الست شكلها ولبسها أتغير ورجع تانى"

لارا بتحط ايدها على جبين يكاتى"مش سخنه أومال بتخرفى ليه"
الست ادخلت"مقولتوش أنتو منين وأيه اللبس الغريب دا"

لارا بصت للبسها هى ويكاتى كانو لابسين فساتين الأميرات فا ضحكت "لبسنا غريب طبعا بصى أحنا من مكان بعيد دا لبسه"

يكاتى بتأكد على كلام لارا "أه من بعيد أوى وكنا فى رحله وتوهنا من قرايبنا وبقينا هنا "
الست أبتسمت "الاكل على السفرا أتفضلو"

لارا قامت بسعاده بس يكاتى مسكتها وقعدتها تانى "لا مش جعانين أحنا عايزين ننام "
لارا بعصبيه "أنا جعانه نامى أنتى"

يكاتى حطت أيدها على بق لارا وبصتلها بتبريق عشان تسكت"هنام يا لارا هنام"
لارا حركت راسها بنعم فا يكاتى شالت أيدها "أه هنام يكاتى قالت ننام فا ننام ها هنام فين"

الست ضحكت وقالتلهم
"شكلكم مكسوفين بصو الاوضه على الشمال ريحو فيها وهجيب ليكم أكل ولو عايزين تغيرو هدومكم فى لبس فى الدولاب جوا هيناسبكم"
يكاتى مكملتش سمع وسحبت لارا على الاوضه الى انت عباره عن مرتبه على الارض ودولاب كدا مكسر قعدت لارا على المرتبه
"لارا لازم نهرب"

لارا مصدومه "ليه نهرب ليه ما الست طيبه أهى"
يكاتى وهى حسه بخنقه "لارا من ساعت ما دخلنا وانا شايفه حاجات واضح انك مش شيفاها "
"شايفه أيه طيب" 

يكاتى أكلمت بخوف "لبسهم أتغير للون أسود بشرتهم بقت شاحبه شبه بشرة الجثث حتى عنيهم كانت سودا خالص وهالات سودا وماسكين سكاكين وفى أجزاء من جسمهم مقطعه كدا شكلهم بشع"

لارا بتضحك "والست ام رجل مسلوخه والزومبى وبينج وبلياردو هنهزر يا يكاتى "

يكاتى بصت لها بغضب واضايقت بس قبل ما تكلم الست خبطت على الباب وفتحت ومعاها صنية أكل حطيتها على الارض قدام لارا وأبتسمت "كلو بالهنا أنا فى أوضتى لو عاوزين حاجه"

خلصت كلامها وخرجت ,ولارا لسه هتمد أيدها وتاكل يكاتى مسكت أيدها وخدت صينية الاكل وفتحت الشباك وطبق طبق فضته فى الشارع ولارا بتندب من وراها وبتتحايل تسيب ليها لقمه بس يكاتى فضت كل الاطباق وظبطت الصينيه عشان تبان أنهم كلوها وخرجتها برا جنب الباب

لارا مضايقه وشايطه "أى بقى الى عملتيه دا مش حرام النعمه"

يكاتى بتاخد نفسها "الاكل دا أكيد فيه حاجه ,أسكتى ومسمعش صوتك لغاية ما أشوف هنخرج أمتى من هنا"
لارا قعدت على المرتبه وهى مضايقه وبتشتم فى يكاتى بس يكاتى ولا هاممها .

يكاتى بصت للارا "يلا نغير هدومنا ونشوف لبس سهل عشان نعرف نتحرك"

لارا ولا أكنها سمعت ,فا راحت يكاتى تبص جوا الدولاب لقت ملابس تناسبهم فا خدتهم ورمت على لارا هدومها
"قومى ألبسى دول وأخلصى مش وقت قمص"

لارا مسكت اللبس فستان خفيف بستايل عجيب مشجر ،غريب ألوانه وفيه قطع فى أماكن مختلفه "أى دا وأنا هلبس القرف دا"

يكاتى بتوريها لبسها الى كان شبه بتاع لارا مع اختلاف الالوان "أهو شبهه أهو مش داخلين عرض أزياء خلصى على الاقل هيكون أسهل فى الجرى"

لارا بزهق وهى بتلبس "جرى جرى مش هنخلص"
يكاتى مدياها ضهرها وبتلبس "أنجزى وبطلى رغى"
خلصو لبس يكاتى مسكت الفستان الى كانت لبساه وخرجت الموبيل والباسبور وومحفظتها من الحزام بتاعه "لارا متنسيش موبيلك وباسبورك من حزام الفستان"

لارا بتريقه "يعنى هيمسكونا تحرى من غيرهم يا شيخه بقى"
"لارا أخلصى بقى مش كل حاجه تناهدى معايا"
لارا خدت الموبيل والباسبور من حزام فستانها هى كمان وفاجئه سمعو صوت جامد ومخيف والنور قطع وصوت زى كهربا ونور بيظهر ويختفى وبعديها صوت مايه جامد

يكاتى ولارا مسكو فى بعض يكاتى بخوف "دا برق ورعد صح"
لارا برعب "ومطر والنور قطع وحوارات هنعمل أى"

يكاتى مسكت أيد لارا وقربو من باب الاوضه فتحت الباب حبه صغيرين كدا وبصت لقت الدنيا برا منوره بالشموع والست واقفه وسط الصاله ماسكه سكينه و بشكلها الحقيقى المرعب الى يكاتى بتشوفه يكاتى خافت ورجعت لورا ,لارا بصت وأترعب جدا من الى شافته

"أى دا دى شكلها زى ما وصفتى بالظبط أى دا ازاى أى حصل "
يكاتى حركت راسها بخوف "دا الى بشوفه من الصبح هنعمل أى"

قبل ما لارا ترد سمعو صوت الست بيقرب "أغراب لازم يموتو , أغراب قرابين للألهه ,أغراب يموتو"
لارا برعب "أغراب دى أحنا صح"

يكاتى كلبشت فى لارا "فكرك فى أغراب غيرنا يلا نهرب"
"منين نهرب منين الشباك فيه حديد قافله ميخرجناش"
يكاتى خدت نفسها "أحنا نزق الست دى ونهرب مفيش حل غير كدا"

"وقت تهريج دى ماسكه سكينه هنزق أزاى"
يكاتى بصت على الست برا كانت ماشيه بطريقه غريبه وبطيئه نوعا ما لدرجه ان صوتها بيقرب بس لسه موصلتش"أهى بطيئه أهى يلا نجرى بقى"

لارا بعدم أطمئنان "يلا يا ستى هو عمر واحد وخلاص بيروح مننا أهو زهرة شبابى قلبت كزبره ناشفه"
يكاتى مسكت أيد لارا "مش وقت تعديد هو يلا"
وفعلا هما الاتنين جريو بسرعه وزقو الست وقعوها وخرجو وجريو بلا هدف ,وقفو ياخدو نفسهم لارا بصت على وش يكاتى وصرخت "دم دم"

يكاتى أتخضت وبصت للارا ولقت وشها دم وهدومها كلها الاتنين بصو على ايدهم ولبسهم وبعدين بصو على الشارع

الاتنين بزهول ورعب "الدنيا بتمطر.. دم"
قاطع زهولهم دا أصوات ناس كتير جايين من بعيد "أغراب يموتو ,أغراب قرابين للألهه , أغراب يموتو"

فكركم أى هيحصل لهم متنسووش تقولو لينا أى رأيكم 😘❤