الجزء الثاني من قصة شقة نرجس تأليف الكاتبة / ٱيه عبدالله صرخ أحمد وزوجتة واولادة واخذ يقرأ القرآن بصوت عالي الي ان اختفت تلك السيدة التي كانت عبارة عن شبح بدأ احمد يفقد اعصابة واصبح مريض نفسيا عندما زادت تلك اللعنة واصبحت تطاردهم حتي في شقة حماتة التي اقترحت عليهم السكن معها وترك الشقة المسكونة الي ان يجدوا شقة اخري ولكن كانت الأرواح الشريرة تطاردهم في كل مكان يزهبوا الية فكانوا يروا خيالات واصوات تناديهم بانهم لازم يعودوا الي الشقة تاني وانهم لم يتركونهم بسلام وكانت ساره تحلم بكوابيس وشياطين وتشوف نفس الراجل اللي كان في مراية الحمام وهو يزبح اشخاص ويقطع اعضائهم وياخذ دماءهم ويرميها علي ساره وتصحي ساره مفزوعة ومرعوبة وهي تصرخ وتنادي علي احمد الذي أصبح في عالم تاني ومشتت التفكير وغير متزن نفسيا من هول ما يحدث له ولاسرتة واصبحت حياتهم في جحيم وفي يوم قرر احمد وضع نهاية لما يحدث لهم بعد ان خطرت غي باله فكرة وهي ان يسال الجيران عن قصة هذة الشقة المسكونة وجمع معلومات عنها ليتمكن من الوصول لحل لتلك اللعنة التي تطاردهم منذ اللحظةالمشؤمةاللي سكنوا فيها فذهبوا هو وزوجتة الي الشقة مرة اخري و وكانت الفاجاءة عندما دخلوا الشقة مرة اخري احمد وزوجتة وجدوا صورة زواجهم المعلقة علي حائط الشقة فالصالة مطعونة بسكين وملطخة بالدماء ومكتوب علي الحائط بالدماء مش هنسبكوا اتفزع احمد وزوجتة وفروا هاربين من الشقة ونزلوا يخبطوا علي الجيران اللي كانوا غير متعاونين اطلاقا معهم ويبدوا عليهم معالم الخوف والضيق ولا يوريدون الكلام مع احمد وزوجتة وبعد ما سأل احمد وسارة كل الجيران اللي رفصوا الكلام معاهم وكانوا خايفين قالة عم محمد احد الجيران بخوف ورعب اسمع يابني انا كل اللي اقدر اقوله ليك روح للحاج سلامة دة كبير المنطقه ويعرف كل حاجة عن البيت دة والشقة دي وهيديك كل المعلومات اللي أنت عايزها ويمكن ربنا يقدرة ويلاقيلك حل للي انت فيه يابني راح احمد وفضل يسأل عن الحاج سلامه لغاية مااستدل عليه وكان الحاج سلامه رجل كبير السن شعرة ابيض يبدو علي وجهه الصلاح والتقوي القي احمد التحية علي الحاج سلامه وجلس بجانبة واخذ يحكي له علي كل اللي حصل له منذ اليوم الاول للسكن في تلك الشقة الملعونة وكانت الفاجاءة المدوية التي هزت كيان احمد وكاد ان يغمي علية من هول الصدمة اللي قالهاله الحاج سلامة وهي ان الست نرجس اللي اجر منها احمد الشقة ماهي الا شبح لسيدة توفت قتلها زوجها منذ سنوات وان الشقة اللي بيسكن فيها احمد اللي فالدور السادس ليس لها وجود وانة يسكن في شقة نرجس المسكونة اللي اتقتلت فيها فالدور الخامس وان الدور السادس ليس له وجود وان الست نرجس دي كانت سيدة مسكينة وغلبانة جدا ومغلوبة علي امرها وكانت متزوجه من درغام الدجال الشرير ولها منة ولد متزوج وعايش في كندا وكان درغام الدجال راجل كله شر بيعمل اعمال كلها شر واذي للناس وكانت نرجس طيبة وعايشة معاه غصب عنها وغير راضية عن افعالة المؤذية ولكنة كان بيعذبها ويكتفها ويضربها ويكويها بالنار وياخذ خصل من شعرها ويعمل عليها أعمال للناس بالاذي وكانت نرجس بتتاذي من افعالة وبتحلم بكوابيس وبتشوف شياطين بياذوها نتيجة افعال درغام زوجها الشرير وفي يوم من الايام ثارت نرجس علي عيشتها مع درغام واعمالة واذاه ليها وللناس وقررت تتمرد عليه وهددتة انها هتبلغ عنة وهتقول كل حاجه للبوليس والشرطة عشان يقبضوا عليه وقررت تهرّب منه وتبلغ عنه الا انه مسكها قبل ان تهرب وجرها من شعرها وكتفها واخذ يضربها ضرب مبرح الي ان سالت منها الدماء واستمر يعذبها بالكي بالنار وكانت تصرخ صريخ جامد من كتر التعذيب فخاف درغام إن يفتضح امره فقام بذبح نرجس وعلشان يخفي اثر جريمتة قام بحرق جثة نرجس واخفائها وعندما شك ابنة في امره وشعر بغموض في اختفاء والدتة ابلغ عنة الشرطة ولما جاءت الشرطة للقبض عليه جن جنون درغام وقفز من الدور الخامس فنزل قتيلا ولم تعثر الشرطة حتى الآن علي جثة نرجس وفضل شبحها يطلع فالشقة ولسوء حظك سكنت انت في شقتها فاصابتك لعنتها كان احمد يستمع للحاج سلامة وهو في قمة الذهول والصدمة من هول مايسمع وبعد ان انهي الحاج سلامه حديثة قال له احمد وهو مصدوم ارجوك يا حاج ساعدني وقولي اعمل ايه لكي اتخلص من اللعنة دي انا حياتي وحياة اسرتي اصبحت في جحيم واصبحت مدمر نفسيا ومش عارف اشتغل اللعنة بتلاحقني حتي وانا اسكن في شقة تانية ارجوك ساعدني اعمل اية.. فكر الحاج سلامه وقال لاحمد مافيش غير حل واحد أنا أعرف معالج روحاني اسمة الشيخ محمد المغربي شيخ كويس وعالج ناس كتير ماذية باعمال سحر وطهر شقق كتير مسكونة تعالي بكرة بعد صلاة العصر نروح له ونعرض عليه الحكاية وان شاء الله يكون عنده الحل شكر احمد الحاج سلامه بعد مااتفق معاه وروح احمد لبيت حماتة وهو يشعر بالارتياح لاول مره منذ إن سكن في تلك الشقة الملعونة لانة اصبح يعرف الحقيقة وفي طريقة للبحث عن حل وفي اليوم التالي ذهب احمد للحاج سلامة وذهبوا للشيخ محمد المغربي وكان رجل فالخمسين من عمره طويل القامة اسود الشعر والعينين ويبدو علية الحزم وقوة الشخصية واخذ يستمع لاحمد باهتمام وهو يقص عليه قصتة وبعد ان انهي احمد كلامه سكت الشيخ طويلا ثم قال انا لازم اعمل زيارة للشقة دي وان شاء الله ربنا هو المعين نصلي العشاء ونروح الشقة وفعلا بعد صلاة العشاء ذهبوا جميعا الي شقة نرجس واعطي احمد مفتاح الشقة للشيخ وقال لهم الشيخ انتظروني هنا انا عايز ادخل لوحدي ودخل الشيخ محمد الشقة وقفل علية الباب ومرت نصف ساعة كان يقرا الشيخ محمد فيها القرأن بصوت عالي وبعدها خرج الشيخ محمد وذهبوا جميعا ثم هز الشيخ راسة وقال الست نرجس دي مسكينة وكان يبدو علية التاثر وقال انها روحها معذبة عذبها ذوجها في حياتها واخفي جثتها بعد ان قتلها حرقا وتعذيبا وظلت روحها تتعذب لانها تريد ان تدفن في مكانها الطبيعي ويقرا عليها القرآن لكي تهدأ وتطمئن قال احمد وهنعرف منين مكان جثتها رد علية الحاج سلامه ده حتي الشرطة ماتعرفش طريق الجثة لغاية الآن قال الشيخ انه لابد من ان يستعين بمتخصصين في تحضير الارواح ولابد من عمل جلسة نحضير ارواح فشقة نرجس بحضور احمد والحاج سلامة ويتم تحضير روح نرجس وهيا اللي هتدلنا علي مكان جثتها ولكن لابد ان يكون يوم الخميس في الثانية عشرة بعد منتصف الليل وفعلا ذهبوا جميعا بعد ان أحضر الشيخ محمد متخصص في علم الأرواح الي شقة نرجس وجلسوا جميعا حول دائرة مستديرة علي ضوء الشموع واخذ الشيخ يفرا القرآن والادعية ويتمتم مع المتخصصين في تحضير الجلسة بتمائم معينة لكي تحضّر الروح ثم صمت الجميع وقال المتخصص ايتها الروح اذا كنتي حضرتي اثبتي حضورك وساد الصمت الي ان فجاءه اهتزت المائدة بشده وكان الروح تعلن عن وجودها اخذ المتخصص يقرا تمائم اخري ويسال الروح لكي تجيب واذا بهم يسمعون صوت انين والم وبدات روح نرجس تتكلم بصوت خافت متحشرج رهيب وتعبر عن تعبها وعدم راحتها بسبب قتل درغام لها وحرق جثتها وقالت انة وضع جثتها في برميل فوق سطح المنزل واخفي البرميل داخل خزان ماء قديم لا يستعمل ثم اخذت المائدة تهتز بعنف وغضب اكثر الي ان انهي الشيخ والمتخصصين الجلسة وصعدوا جميعا الي سطح المنزل وكانت المفاجاءة ان وجدوا بالفعل داخل خزان قديم برميل كبير وكان يبدو انة قديم وقد مرت علية سنوات قال احمد هو دة البرميل اللي فية الجثة وتابع حديثة انهم عليهم ابلاغ الشرطة بعد ان تاكدوا من وجود الجثة بالفعل داخل البرميل وفي صباح اليوم التاني ذهبوا جميعا وابلغوا قسم الشرطة عن عثورهم علي جثة وقامت قوة من الشرطة للمعاينة وتم استخراج الجثة التي كانت محنطة داخل البرميل وبعد عمل الاجراءات اللازمة و تم التاكد انها جثة نرجس المختفية منذ سنوات تم استدعاء ابنها واستلم جثة والدتة نرجس وتم دفنها بعد قراءة القرآن عليها وانتهت لعنة الشقة بعد ان دفن ابنها جثتها وهدات روحها المتعبة واطمانت اما احمد فعاد مرة اخري الي عملة القديم في فرع الشركة فالمنصورة وعادوا الي منزلهم القديم بناءا علي طلبة بعد ان عاشوا هو واسرته تجربة مؤلمة ومرعبة كادت ان تدمر حياتهم وعادوا الي منزلهم القديم و حياتهم الهادئة مرة اخري والي اللقاء في قصة اخري من تاليف الكاتبة / ٱيه عبدالله

قصة شقة نرجس بقلم / آية عبدالله انا اسمي احمد وعندي 30 سنة متزوج وزوجتي اسمها سارة وعندي ولدين توأم هم عمر و وائل وحكايتي اغرب من الخيال ومن يوم ما حصلت قصتي دي وانا اصبحت انسان مدمر نفسيٱ وضائع وشارد الزهن وغير متزننفسيآ .... انا شاب بسيط جدا من محافظه المنصورة اعمل في شركة بترول بدأت قصتي عندما ذهبت ذات يوم الي عملي ففوجئت بحركة ترقيات وكنت انا من ضمن اللذين حصلوا على الترقية وكنت سعيد جدا بهذة الترقية اللي كانت بمثابة نقلة جديدة في حياتي لأن الترقية كانت اني لابد ان انتقل لفرع الشركه فالقاهره ولكن هذه الترقية عملت ربكة في حياتي لضرورة الانتقال الي القاهرة والعثور علي سكن لي ولاسرتي ليجعلني قريبأ من عملي الجديد وكان امامي من الوقت اسبوع للانتقال لعملي الجديد في القاهرة وكنت لسة مش عارف هاسكن فين استنيت ليوم الاجازة يوم الجمعة ونزلت القاهرة للبحث عن سكن مناسب قريب لفرع الشركه الجديد تعبت جدا فاليوم دة من التدوير والبحث ومالقتش شقه مناسبة وكان قد اوشك النهار علي ان ينتهي وبدأ حلول الليل وانا لسة بادور علي سكن وبدا ينتابني الياس اني الاقي شقة مناسبة فاليوم دة وفجأه وانا ماشي لقيت يافطة مكتوب عليها يوجد شقة للايجار فالدور السادس لمقابلة المسؤلين اصعد للدور الخامس شقة السيدة نرجس فرحت وقولت فنفسي يارب الشقه دي تطلع كويسه لاني كنت تعبت واليوم خلص وبقينا بالليل والمفروض اني انقل تاني يوم السبت العفش واستلم شغلي الجديد يوم الاحد وفعلا طلعت للسيدة نرجس فالدور الخامس وكان لسوء حظي الاسانسير عطلان وطلعت عالسلم وخبطت عالباب ولكن ما حدش رد . . وكان الدور ضلمة وكئيب والاضاءة فية خفيفة جدا وباقي الادوار منورة عادي ولكن فية هدوء وسكون غير طبيعي وفضلت اخبط عالباب لغاية ماشوفت خيال من داخل الشقة وصوت اقدام جاية من الداخل من بعيد بعد ماكنت ابتديت احس ان مافيش حد جوة الشقة وابتدت الاقدام تقرب من الباب لكن مااعرفش لية فالوقت دة خوفت واصابتني قشعريرة رعب فجسمي وحسيت اني عايز اهرب وابعد عن المكان دة لكني تماسكت بعد ان فكرت اني لازم انتقل بكرة القاهرة وفاللحظة دي لقيت الباب اتفتح ... وظهرت سيدة عجوزة ظهرت ملامحها من خلال ضوء خافت من داخل الشقة وكانت تبدو فالسبعين من عمرها وتلبس رداء اسود وكانت تبدو علي وجهها معالم الزمن وكبر السن ولكن الغريب أنها كانت شاحبة اللون وعيناها خالية من الحياة وتنظر نظرات غير محددة نظرات فالاشيئ وكانها تنظر الي الفراغ عندما اطلت ووقعت عيني عليها فاللحظة الاولي شعرت بقشعريرة خوف تسري فجسمي وشعرت ببرودة فالمكان عندما فتحت الباب واطلت منه وقولتلها وانا صوتي مرتعش بة نبرة خوف لم استطيع السيطرة عليها ... حضرتك السيدة نرجس صاحبه العماره ردت بصوت خافت بة نبرات العجز وارهاق السن ايوة انا .... اتفضل يابني ووسعت لية علشان ادخل وفعلا دخلت ولكنني كنت اشعر بعدم راحه وقالتلي اتفضل استريح .... شكلك تعبان من كتر التدوير علي سكن طول النهار ... بصيت لها باستغراب وقولتلها اية اللي عرفك اني بادور علي شقة طول اليوم ردت بنفس الصوت الخافت المخيف ..... باين عليك الارهاق يابني المهم مافكرتش كتير وكان كل همي فالوقت ده ألاقي سكن وقعدت علي كنبة قديمة رائحتها عفنة وفي نفس الاضاءة الخافتة الكئيبة اتفقت علي كل حاجة وسلمتني مفتاح الشقه ومضيت العقد ولكن لا اخغي عليكم الامر كنت مخنوق وعايز أخلص الاجراءات بسرعة وامشي من الشقة لاني كنت مخنوق ومش مرتاح من شيئا ما وكانت الشقة كئيبة وباردة وفيها رائحة عريبة تخنق ولكنني بررت إحساسي باني كنت تعبان ومرهق وعايز اخلص وفعلا خلصت الاجراءات ورجعت المنصوره عشان نستعد للانتقال للسكن الجديد تاني يوم وكنت فالوقت ده بابررر مشاعري تجاه الست نرجس وشقتها الغريبة اني كنت مرهق من عناء البحث عن سكن طول اليوم وفعلا ماصدقت اني روحت ونمت وانا في غاية الارهاق ونسيت الموضوع خالص تاني يوم جبت العربية ونقلت العفش وذهبنا الي شقتنا الجديدة اللي كانت فالدور السادس وكان يوم طويل جداً ومرهق تعبنا فية انا واسرتي من عناء الانتقال وفرش العفش وبعد تعب وعناء خلصنا فية كل حاجة بقدر الامكان ونمنا واحنا في غاية التعب والارهاق في اول يوم لينا فالشقة الجديدة وماحسيناش بنفسنا غير تاني يوم الصبح وكنت فاليوم دة تعبان جدا من عناء ومشقة اليومين اللي فاتوا وماقدرتش اروح الشغل واخدتة اجازة ومر اليوم عادي جدا كاول يوم لينا فالشقة وفالليلة دي نمنا كلنا بدري عشان استعد تاني يوم لاستلام شغلي الجديد ولكن فالليلة دي سمعت صوت دربكة واصوات اقدام تروح تجيئ قريبة جداً وكانها تاتي من صالة الشقة قلقت وخرجت اشوف مصدر الاصوات ولكني لقيت المكان هادي جدا ومافيش اثر لأي صوت افتكرت اني كنت باحلم او ان الصوت من عند احد الجيران او من عند الست نرجس فالدوراللي تحتي شربت ماء وروحت كملت نوم وتاني يوم رحت الشغل وابتديت امارس عملي الجديد بشكل طبيعي وكنت مندمج جدا فشغلي لغاية ما جاني نليفون من زوجتي سارة وهي تبكي بشكل هستيري وبتقوللي الحقني يااحمد الشقة دي فيها حاجة مش طبيعيه قولتلها ازاي يعني ياسارة ارجوكي سيبيني اركز فشغلي ولما ارجع ابقي احكيلي انتي ممكن تكوني تعبانه من اثر العزال وقفلت الخط مع سارة من غير ما اديها فرصة للكلام واعتبرت كلامها خوف عادي لاي ست بتسكن فمكان جديد عليها لوحدها لاول مرة وكملت شغلي عادي ونسيت الموضوع لغاية وقت الانصراف من العمل وروحت وانا طالع فالاسانسير وقف فالدورالخامس دور شقةالست نرجس والنور فجاه قطع وبقيت مش عارف اعمل اية ولا عارف افتح الباب واخرج ولا الاسانسير راضي يتحرك..... و فالوقت دة سمعت صوت اشبه بالفحيح ينادي ويقوللي..... احماااااااااااد........... احماااااااااااد......... تعاااااااااالي........... يااحماااااااااااااد ............ احماااااااااااد تعااااااااااااالي عندنا خوفت جدا واتفزعت وصرخت وفضلت اقرا قرٱن كتير وانا فمنتهي الخوف والفزع لغاية ما فجأة النور رجع ورجع تاني الاسانسير يشتغل خرجت منة لقيت الشقة بتاعتي خبطت عليها وانا مش متمالك اعصابي من اللي حصل وفتحت سارة الباب وكانت شاحبة اللون وعينيها عليها اثر البكاء واول ماشافتني قالتلي....... اية المصيبة اللي انتى رمتنا فيها دي..... الشقة دي مش طبيعيه يااحمد.... قولتلها فية اية بس ياسارة.... انا جاي مش مستحمل ردت سارة........ انا صحيت من النوم الصبح ورحت احضر الفطار للاولاد وفاثناء مابحضر الفطار خرجت علي صوت وائل لقيت ابنك عمر ماشي علي سور البلكونه وكانة منوم ومش في وعية وكان وائل بيصرخ وبيقول الحقيييييناااااااا يامامااااا...... الحقيييييييناااااااا يامااااااما خرجت جري علي عمر وكان ماشي علي سور البلكونه وكان بيحاول يرمي نفسة وانقذتة باعجوبة قبل ما يقع ولما هديت الولاد وقولتلهم في اية.. اية اللي حصل... ولية ياعمر طلعت كدة علي سور البلكونه بكي وقاللي.. كان فية راجل عجوز وشكلة وحش وشريرجدا و بيخوف و ماسك فايدة كرباج وفالايد التانية منشار وبيرفع علية الكرباج وبيقوللي هاضربك جامد وهاقطعك بالمنشار لو ماطلعتش علي السور وسمعت كلامي انا خفت منة وسمعت كلامة وطلعت علي السور وكان عايزني ارمي نفسي من فوق السور فالشارع وانا كنت باعيط ووائل كمان كان بيعيط وبيقولة دورك انت كمان جاي لغاية لما جيتي انقذتيني والراجل العجوز اختفي استغربت اوي من كلام الولاد وهديتهم وقولت يمكن خيالهم واسع وشافوا حاجه فالتلفزيون وبيقلدوها وقولت لعمر اوعي نطلع تاني علي السور مهما حصل وكنت مش واخدة كلامهم علي محمل الجد وسيبتهم ودخلت المطبخ تاني لغاية ماخلصت اللي ورايا فالمطبخ وقولت ادخل اخد حمام دافئ ولما فتحت الدش لقيته بينزل منة دم واصوات طالعة تشبة الفحيح بتنادي علية بصوت خافت سااااارة ....... تعااااااااااااالي....... ياساااااااااارة...... احنا فانتظاااااااااارك صرخت فالحمام وجريت افتح الباب لقيتة مبيفتحش فضلت اخبط وانادي عالاولاد يفتحولي الباب من برة وبالتفت فجأه ظهر لية وش شيطاني فمراية الحمام لراجل كبير فالسن وملامحة شريرة ومشوه ووشه كلة دم وبيبتسم لية بشر واخذ يطلق ضحكات شريرة وفاللحظة دي عمر ووائل فتحوا لي الباب من برة اخدت ولادي فحضني واتصلت بيك عشان احكيلك علي اللي حصل احنا لازم نسيب الشقة دي فورا يااحمد ... قولتلها اهدي بس ياسارة وتعالي نقعد ونشوف هانعمل اية لاني كنت مصدق سارة المرة دي بعد اللي حصل معايا فالاسانسير وانا طالع وكنت حاسس اني وقعت فورطة كبيرة وجالي احساس ان الموضوع بقي اكبر من اني اعزل واسيب الشقة وفاثناء ماكنت بافكر انا وساره هنخلص مالورطة اللي وقعنا فيها دي ازاي سمعنا صوت باب الأوضة بيتفتح وبيصدر منة صوت صرير مرعب التفتوا جميعاً فوجدوا سيدة محروقة الوجه والجسد ولها شعر ابيض اشعث منكوش شكلها مرعب مزبوحة من عند الرقبة وتنزف دما وتئن وجعا وتستغيث بصوت متقطع ومرعب وخافت متجهه اليهم قائلة .......... الحقوووووووووني...........الحقوووووووووني والي اللقاء فالجزء الثاني من شقة نرجس بقلم/ آيةعبدالله