Вірші
Mine
ချစ်ခြင်းမေတ္တာနဲ့ပတ်သက်ရင်
တစ်နည်းအားဖြင့် ကိုယ်နဲ့ပတ်သက်ရင်
မင်းကို အေးချမ်းစေချင်တယ်။
0
0
317
Sad But True
မမြဲခြင်းအကြောင်းတရားတွေကရော
ဝေးကွာခြင်းအကြောင်းတွေကရော ဆိုဝာယ်။
မင်းက ကိုယ့်ကို တကယ် မချစ်ပါဘူးတဲ့။
0
0
304
RO'
သံသယတွေ များသလို
အတွေးတွေ လွန်တတ်လို့
ပြသနာတွေလည်း ခဏ ခဏတက်ရပေမဲ့
အဆုံးသတ်တဲ့အထိ အတူရှိချင်တဲ့
ဆက်ဆံရေးလေးမို့
အချိုးမပြေတဲ့ ကျွန်တော့်ကို
ခင်ဗျားဘက်ကပဲဖြစ်ဖြစ်
နည်းနည်းလေးပိုချစ်ပေးပါလား။^^
1
0
528
N;
တကယ်တော့ ကိုယ်ကလေ
အတ္တလည်းကြီးသလို
မာနလည်းကြီးတဲ့ အမျိုးသမီးတစ်ယောက်ပါ။
ကိုယ်လိုချင်တဲ့ ချစ်ခြင်းမေတ္တာမျိုး
ကိုယ်ချစ်တဲ့သူဆီက မရနိုင်ဘူးထင်ရင်
ဘယ်လောက်ပဲ ချစ်ခဲ့ချစ်ခဲ့
ထားခဲ့ရက်နိုင်တယ်...။
1
0
427
:'
မချစ်ပါဘူးလို့ ညာပြောရင်တောင်
မျက်လုံးတွေရယ်
အပြုံးတွေရယ်က
ဟန်ဆောင်လို့မရဘူး
ချစ်နေမိတဲ့ အကြောင်းတွေကို...။
2
0
240
><
ပထမလူ မဖြစ်ချင်သလို
ဒုတိယလူနဲ့ နောက်ဆုံးလူလည်း မဖြစ်ချင်ဘူး။
ဖြစ်မယ့်ဖြစ်တော့
ခင်ဗျားရဲ့ အချစ်ဆုံးလူပဲ ဖြစ်ချင်တယ်။
0
0
391
I don't like
being away from you
ကျွန်တော်တို့နှစ်ယောက်
စိတ်ချင်းနီးနေသရွေ့တော့
ဝေးစရာအကြောင်းတရား မရှိဘူးဆိုတာ
ခင်ဗျားလည်း ယုံတယ်မလား။
တချို့တွေကတော့ ပြောကြတယ်
ဝေးသွားတာ ကောင်းပါတယ်တဲ့။
ခင်ဗျားကရော
ဒီဝေးကွာခြင်းတွေမှာ
ပျော်နေပြီလား။
ကျွန်တော့်အတွက်တော့
ဝေးကွာခြင်းဆိုတာ ခွဲခွာခြင်းတစ်မျိုးပဲမို့
ဝေးရတာ လုံး၀မကောင်းပါဘူး။
ကျွန်တော်ပြောတာကို ယုံ...။
1
0
321
Cause Of You
စာအုပ်တွေဖတ်မယ်။
ငြီးငွေ့လာတဲ့အခါ
ကော်ဖီခါးခါးလေးတစ်ခွက်ဖျော်သောက်မယ်။
မင်းဆီက စိတ်လိုလက်ရ
ပြုံးပြတဲ့အပြုံးလေးတစ်ပွင့်တောင်းဆိုမယ်။
ကမ္ဘာဟာ နေလို့မကောင်းတော့ပေမယ့်လည်း
ကိုယ်ကတော့ မင်းရှိနေလို့
ပျော်ရပါကြောင်း စာတိုလေးတွေရေးမယ်။
3
0
454
The last chapter of our story
သူစိမ်းကနေ သူစိမ်းပြန်ဖြစ်သွားတဲ့
ဆက်ဆံရေးလေးပါပဲ။
ကိုယ့်မှာအယူခံ၀င်စရာလည်း
ဘာအကြောင်းပြချက်မှ
ရှာမတွေ့ခဲ့...။
1
0
301
My Wish
ကိုယ့်ဘဝထဲ မင်းဝင်လာတော့မယ်ဆိုတဲ့
အတွေးနဲ့တင် ကိုယ်ပျော်နေမိတယ်..
ကိုယ်ပျော်နေသလို မင်းကိုလည်း
ပျော်နေစေချင်တယ်..
နောက်ပြီး ကိုယ် မင်းအတွက်
ဆုတောင်းပေးချင်တယ်
ကိုယ့်ပျော်ရွှင်မှုတွေထက်
မင်းပျော်ရွှင်မှုတွေ ပိုပါစေ...
2
0
219
Title
"အချစ်" ဆိုပြီးခေါင်းစဉ်တပ်လိုက်တယ်
တကယ်တော့ လိုအပ်နေတဲ့အချိန်မှာ
တွေ့ခဲ့ရတဲ့ ပျော်ရွှင်မှုလေးပဲ
ဒီလိုနဲ့ပဲ ကိုယ် ချစ်မိခဲ့တယ်
ဆိုပါတော့။
2
0
294
No Other
ကိုယ် စိတ်တွေရှုပ်ပြီး လစ်လျူရှုမိတိုင်း
အပြစ်မမြင်ဘဲ
ကိုယ့်ဘေးနားမှာရှိနေပေးတဲ့ မင်းကို
တကယ်ကျေးဇူးတင်တယ်...
စိတ်ညစ်စရာတွေဖွင့်ဟပြီးတိုင်း
ကိုယ့်ဆီမှာ မင်းတစ်ယောက်လုံးရှိသေးတယ်လို့
ပြောပေးတဲ့ နွေးထွေးတဲ့စကားလုံးတွေအတွက်
ကျေးဇူးတင်တယ်...
ကိုယ့်စိတ်ပျော်ရွှင်အောင် လုပ်ပေးတဲ့
မင်းရဲ့အပြုအမူလေးတွေအတွက်
ကျေးဇူးတင်တယ်...
ကိုယ်တိတ်ဆိတ်သွားတိုင်း
သတိတရရှိနေပေးတဲ့မင်းကို
ကျေးဇူးတင်တယ်...
နောက််ဆုံး ကိုယ်လွှတ်ချတိုင်း ဖြုတ်မချတဲ့
မင်းလက်ကလေးတွေကို
ကိုယ်တကယ်ကျေးဇူးတင်တယ်...
ကိုယ့်ကိုဖမ်းဆွဲထားပေးလို့.....
2
0
257
Luv
အချစ်က ဘယ်နေရာကစလဲဆိုရင်
နယ်မြို့လေးတစ်မြို့ကနေ စတယ်။
အချစ်က ဘယ်ကစလဲဆိုရင်
နွေးထွေးတဲ့သူ့အပြုံးတွေကနေ စတယ်။
အချစ်က ဘယ်မှာအဆုံးသတ်လဲဆိုရင်
ကျွန်တော့်အချစ်တွေကတော့ သူ့ဆီမှာအဆုံးသတ်ပါတယ်။
1
0
253
Wish
ကိုယ့်ဆုတောင်းတွေပြည့်ဖို့
ကြယ်တွေကြွေကျပေးဖို့ မလိုအပ်ပါဘူး
အနားမှာ မင်းရှိနေရင်ကိုဖြစ်တယ်။
1
0
245
If
တကယ်လို့ နောက်ထပ်ချစ်နိုင်ခဲ့ရင်
ကျွန်တော်ချစ်ခဲ့ရတဲ့ အမျိုးသားလေးထက်
ကျွန်တော်ကိုချစ်ပေးတဲ့ အဲ့ဒီလူသားလေးကိုပဲ
အချစ်တွေပုံပေးမိမယ် ထင်ပါရဲ့။
1
0
286
Limit
သဘောကျခြင်းဆိုတဲ့
ခေါင်းစဉ်အောက်မှာပဲ
ရပ်ထားမိတယ်။
အစ်ကို့ပျော်ရွှင်ခြင်း
၀မ်းနည်းခြင်းတွေက
ကျွန်တော့်အပေါ်သက်ရောက်မှုရှိတယ်။
တစ်ခါတလေ
အစ်ကို့ဘေးနားမှာရှိနေတဲ့
အမျိုးသမီးလေးကိုအားကျတယ်
ဒီလောက်ပါပဲ။
1
0
290
His kindness
မေတ္တာဆိုတာ တကယ်ရောင်ပြန်ဟပ်ပါတယ်
ခပ်ဆိုးဆိုး ခပ်ဂျစ်ဂျစ် ခပ်ရစ်ရစ် ကျွန်တော်က
ခင်ဗျားပေးတဲ့မေတ္တာတွေကြောင့်
လိမ္မာလာတာမျိုးပေါ့...
1
0
323
HE
အစ်ကို့အပြုံးတွေကဖြူစင်တယ်
မာယာတွေမပါဘူး
အစ်ကို့အတွေးတွေ
အစ်ကို့စကားတွေက ရိုးသားတယ်
ဟန်ဆောင်လိမ်လည်မှုတွေမပါဘူး။
ကျွန်တော့်အတွက်တော့ အစ်ကိုက
အမြဲငေးကြည့်နေရတဲ့ ပန်းချီကားတစ်ချပ်လေးလိုပါပဲ။
ဖြစ်နိုင်ရင်တော့
အချစ်တွေထပ်တူကျချင်တယ် အစ်ကိုရယ်
ထပ်တူမကျခဲ့ရင်တောင်
လိုတာပိုတာတွေ ကျွန်တော်ထပ်ဖြည့်ပြီး
အစ်ကို့အနားမှာရှိနေချင်တဲ့စိတ်လေးက
အစ်ကိုမမြင်နိုင်တဲ့
ကျွန်တော့်ဆန္ဒလေးပေါ့။
တကယ်ပါ
ကျွန်တော်လေ အစ်ကို့အပေါ်မှာ
အတ္တကင်းတဲ့ချစ်ခြင်းမျိုးနဲ့မြတ်နိုးမိတာရယ်...
1
0
337
Distance
ကဗျာတွေဖြတ်ထားတယ်
စာတွေဖြတ်ထားတယ်
မင်းကိုလည်းခဏမေ့ထားတယ်
ကိုယ်ပျော်နေခဲ့တယ် အချစ်ရဲ့
မင်းယုံရဲ့လား...
1
0
308
You & I
ဖုန်းcontactတွေထဲမှာ
deleteလုပ်ထားပေမယ့်လည်း
ခင်ဗျားဖုန်းနံပါတ်လေးက
ကျွန်တော်ဘယ်တော့မှမမေ့မယ့်
တစ်ခုတည်းသောဖုန်းနံပါတ်လေးပေါ့
ခင်ဗျားဘက်ကဆက်သွယ်တာကို
မမျှော်လင့်ခဲ့ပေမယ့်
ခင်ဗျားအသံလေးကြားရတော့လည်း
စိတ်တွေကဂယောက်ဂယက်ပါပဲ
အဆင်ပြေရဲ့လားတဲ့
စိတ်ပူလို့လားလို့တော့
ပြန်မမေးဖြစ်တော့ပါဘူး
ကျွန်တော်တို့နှစ်ယောက်က
ဘယ်တော့မှပြန်နီးစပ်နိုင်မယ့်သူတွေမှ
မဟုတ်တော့တာ...
2
0
263
Let It Go
ဆုပ်ကိုင်ထားရတာ
ပင်ပန်းတယ်လို့ထင်နေရင်
လွှတ်ချလိုက်ပါ
နာကျင်ရတာချင်းတူနေရင်တောင်
အနည်းဆုံးတော့ လွတ်လပ်သွားတာပေါ့...
1
0
255
Silence
တိတ်ဆိတ်ခြင်းတွေကြား
အဖြေရှာကြည့်တဲ့အခါ
မလိုအပ်မှန်းသိလို့
ကျောခိုင်းခဲ့ရုံလေးပါပဲ...
1
0
253
If Possible
ချစ်ခြင်းရဲ့အခြားတစ်ဖက်မှာ
ကိုယ်နေပျော်ပါတယ်
ဖြစ်နိုင်ရင်
အချစ်နဲ့မဆုံချင်တော့ဘူး...
2
0
233
Are You Happy?
ကျွန်တော့်အတွေးတွေထဲမှာ
ခင်ဗျားရှိတယ်
ကျွန်တော့်စိတ်ကူးယဥ်ခြင်းတွေထဲမှာ
ခင်ဗျားရှိတယ်
ကျွန်တော့်အိပ်မက်တွေထဲမှာလည်း
ခင်ဗျားရှိတယ်
ကျွန်တော်ပျော်နေတယ်
ခင်ဗျားရောပျော်နေရဲ့လား...
3
0
301
May Be
ကျွန်တော်က ခင်ဗျားသတိမရလို့
ဝမ်းနည်းတတ်တဲ့
တိမ်စိုင်လေးဖြစ်နေနိုင်သလို
ခင်ဗျားဆုတောင်းလေးတွေကို
ဖြည့်ပေးချင်လို့ ကြွေကျပေးချင်နေတဲ့
ကြယ်လေးတစ်စင်းလည်းဖြစ်နေနိုင်တယ်...
2
0
237
Are you Ok?
ဝမ်းနည်းလို့ငိုချင်ပေမယ့်
ပျော်ချင်ယောင်ဆောင်ခဲ့ရတဲ့နေ့ရက်တွေ
အဆင်ပြေချင်ယောင်ဆောင်ခဲ့ရတဲ့
နေ့ရက်တွေ
အဲ့လိုမျိုးနေ့ရက်တွေ ဖြတ်သန်းနေရတာ
များနေပြီ ခင်ဗျားရယ်
ခင်ဗျားရော အဆင်ပြေရဲ့လား...
3
0
253
Although Not The Time
အချိန်အခါမဟုတ်ပေမယ့်လည်း
ကျွန်တော့်ရပ်ဝန်းလေးကတော့
ခင်ဗျားအကြောင်းတွေးလိုက်ရင်ကို
တိမ်တွေပြိုပြီး
မိုးစွေတော့တာပါပဲ...
2
0
268
Can You...?
ကျွန်တော်မြတ်နိုးရတဲ့ ခင်ဗျားရဲ့အပြုံးတွေ
ပိုင်ဆိုင်ခွင့်မရှိရင်တောင်
ငေးကြည့်ခွင့်လေးတော့
ပေးမယ်မလား...
4
0
223
To Dear
တနယ်ဆီဝေးခဲ့တာကြာခဲ့ပြီပေါ့
ချစ်သောရေ
အတိတ်က အမှတ်တရတွေကဝေးဝါးခဲ့သလို
ချစ်သောရဲ့ ပုံရိပ်တွေကလည်း
ဝေဝေဝါးဝါးပါပဲ
ဖမ်းဆုပ်ခွင့်မရသလို
ပိုင်ဆိုင်ခွင့်လည်းမရှိခဲ့ပြန်ဘူး...
အခွင့်ရရင်တော့ပြောပြချင်တယ်
ချစ်သောရယ်
လွမ်းတယ်ဆိုတာ
စကားလုံးတွေထက်ပိုကြောင်း
မြတ်နိုးတန်ဖိုးထားတယ်ဆိုတာ
စကားလုံးတွေထက်ပိုကြောင်းတွေကိုပေါ့...
အချိန်တွေပြောင်းသွားပေမယ့်လည်း ကျွန်တော်ကတော့
မပြောင်းလဲခဲ့ပါဘူး
ကတိတွေမထားခဲ့ပေမယ့်လည်း
သစ္စာတွေရှိဆဲပဲပေါ့ အချစ်ရယ်...
ပြန်မတွေ့ဖြစ်ကြပေမယ့်
ရည်ရွယ်ပါတယ် ချစ်သောတစ်ယောက်
ဘယ်သူနဲ့ပဲရှိနေပါစေ
ကျွန်တော့်မေတ္တာတရားတွေကြောင့်
အေးချမ်းပါစေကြောင်းပေါ့...
3
0
232
Away
အတိတ်ကနာကျင်စရာ
အမှတ်တရတွေရဲ့အဝေး
အိပ်မက်ဆိုးတွေရဲ့အဝေး
ခင်ဗျားရဲ့အဝေး
ဝေးပြီးရင်းဝေး...
1
0
213
The Place Where I Live
မင်းအတွက်ဖြစ်လာတဲ့ခံစားချက်တွေကို
ကိုယ်စာစီမယ်
တွေးရင်းနဲ့ဝမ်းနည်းလာတဲ့အခါ
ကိုယ်ငိုမယ်
တဖြည်းဖြည်းနဲ့ကိုယ်မင်းကို
လက်လွှတ်နိုင်မယ့်နည်းကို
သင်ယူမယ်
ပြီးရင်မင်းနဲ့အဝေးဆုံးအရပ်
အချစ်နဲ့အဝေးဆုံးအရပ်မှာ
ကိုယ်နေထိုင်မယ်...
1
0
254
Telepathy
Telepathy တွေကိုယုံချင်ပါတယ်
ကျွန်တော်သတိရတိုင်း
လွမ်းတိုင်းသာ
ခင်ဗျားကိုတွေ့ခွင့်ရမယ်ဆိုရင်ပေါ့...
1
0
319
Imagination
လူတွေရဲ့အဝေးဆုံးအရပ်ကိုသွားချင်တယ်
သဘာဝတရားကြီးနဲ့အနီးဆုံးနေရာကိုပေါ့...
သိချင်မိတယ် ခင်ဗျားရယ်
တိတ်ဆိတ်ငြိမ်သက်ခြင်းအခြားတစ်ဖက်မှာ
ကျွန်တော်လိုချင်တဲ့
လွတ်မြောက်ခြင်းနဲ့ပျော်ရွှင်ခြင်းတွေ
ရှိနေနိုင်မလားလို့...
2
0
324
When It Rains
မိုးတွေရွာရင်
ကျွန်တော့်ရဲ့အတွးတွေက
အတိတ်ကိုသတိရစေတယ်
အမှတ်တရတွေကိုသတိရစေတယ်
ခင်ဗျားကိုသတိရစေတယ်...
နောက်ပြီး
ခင်ဗျားမသိနိုင်ပေမယ့်လည်း
တိုးတိုးလေးညည်းမိတယ်
လွမ်းတယ်လို့...
1
0
251
Sigarette
ခင်ဗျားသိလား
ဆေးလိပ်သောက်ရင်
ခံစားရတာတွေသက်သာသွားသလိုပဲ
အခိုးငွေ့တွေ ထွက်သွားတိုင်း
အဆင်မပြေမှုတွေပါ
ပါသွားသလိုခံစားရတယ်...
1
0
217
Not Giving up
လွတ်လပ်သွားစေချင်လို့
လက်လွှတ်ခဲ့တာ
စွန့်ပစ်ခဲ့တာမှမဟုတ်တာ
ကိုယ်မရှိရင်
ပိုပျော်နိုင်ပါတယ်ဆိုတဲ့စိတ်နဲ့
ကိုယ်မြတ်နိုးတဲ့မင်းကို
ဆွဲမထားရက်ခဲ့တာ...
0
0
267
No Reason
တချို့သောဝေးကွာခြင်းတွေ
ခွဲခွာရခြင်းတွေရဲ့နောက်မှာ
အကြောင်းပြချက်
ခိုင်ခိုင်လှုံလှုံမရှိခဲ့ပါဘူး...
0
0
213
With You
ချစ်ခြင်းမေတ္တာတရားရဲ့
ခေါင်းစဥ်အောက်မှာ
အရင်းနှီးဆုံးသူစိမ်းကို
စဥ်းစားလိုက်ရင်
ကျွန်တော် ခင်ဗျားကို
အရင်ဆုံးပြေးမြင်တာပဲ
တကယ်ပါ
တွဲလက်တွေမြဲချင်ပါတယ်
ခင်ဗျားနဲ့သာဆိုရင်ပေါ့...
2
0
261
Just Need Your Permission
ကျွန်တော်က
ခင်ဗျား ဝမ်းနည်းတဲ့အခါ
အားငယ်တဲ့အခါ
အထီးကျန်တဲ့အခါ
ခင်ဗျားနဲ့အတူအဖော်ပြုပေးမယ့်
ချစ်တေးသံစဥ်လေးတစ်ပုဒ် ဖြစ်ချင်တယ်
အလွမ်းအဆွေးတွေကင်းတဲ့
ချစ်တေးသံစဥ်လေးတစ်ပုဒ်ပေါ့
ခင်ဗျား ခွင့်ပြုပေးဖို့ပဲလိုတာ...
1
0
256
