" မောင် ငါ လူသတ်မိပြီ။ မဟုတ်ဘူး ငါ လူသတ်ခဲ့ပြီ " Cigaretteတစ်လိပ်ကို သိပ်လှတဲ့ လက်​ချောင်း​လေး​တွေကြား ညှပ်လို့ ခပ်​ဆွေး​ဆွေး​လေး သူမ ဆိုမိတယ်။ထို့နောက် 'ဖူး' ခနဲ မှုတ်ထုတ်လိုက်တဲ့ ​ဆေးလိပ်​ငွေ့​​တွေကြား သူမရဲ့ အတိတ်​တွေကို ​ ဝေ​ဝေဝါးဝါးပြန်လည် မြင်​ယောင်လာမိ​လေ​တော့သည်။ ×××××××××× ပထမဆုံး ​တက္ကသိုလ် စတက်တဲ့​နေ့ ဆံပင်ရှည်ရှည် အသားညိုညို မျက်နှာတည်တည်နဲ့ ကျွန်မကို ဘယ်သူမှမခင်ချင်ဘူးထင်ပါတယ်။ဘာအ​ရေးလဲ။ ဒါမျိုးဆို စိမ်းတို့က ပို​တောင်ကြိုက်​သေး။ဘေးမှာ လာထိုင်​တဲ့သူတစ်ချို့နဲ့​တော့ မေးတစ်ခွန်းခေါ်တစ်ခွန်း ​ပြောဖြစ်ပါတယ်။ ကျောင်းတက်လာတာတစ်ပတ်ပြည့်​တဲ့​နေ့ "ဟို ကျွန်​တော် ဒီမှာထိုင်လို့ရလားခင်မျ" အိုး လူတစ်​ယောက် အသားဖြူဖြူ အရပ်ရှည်ရှည်နဲ့ 5'8 ကျွန်မ​တောင်​ မော့ကြည့်​နေရတဲ့ အရပ်ပိုင်ရှင် တစ်ဆိတ်​လောက်သူ့မျက်ဝန်း​​တွေထဲမှာ ကြယ်​လေး​တွေလားလို့။ "ဟို တစ်ခြားခုံ​တွေ လူပြည့်​နေလို့ပါ" အသံကြားမှ အသိပြန်ဝင်​တော့တယ်။ "ဟုတ်သားပဲ ဒီ​နေ့မှ ဘာလို့ကန်တင်းက လူပြည့်​နေပါလိမ့် ဘာပွဲရှိလို့ပါလဲ" "ဒီ​​နေ့ ​ကျောင်းကို ​ကျောင်းပြီးသွားတဲ့စီနီယာ​တွေ မိန့်ခွန်း လာ​ပြောမှာ​လေ အာ့​ကြောင့် အကုန်​ ကျောင်းလာတက်ကြတာထင်တယ်" ​သေစမ်း စိတ်ထဲက ​ပြောတယ်ထင်​နေတာအပြင်မှာပါ တကယ် ​ပြောထွက်မိသွားတာပဲ။ "အာ့ဆို ကျွန်​တော် ထိုင်လို့ရတယ်မလားခင်မျ" "အာ ထိုင်ပါ ထိုင်ပါ" အဲ့ဒီ​နောက် သူက အနီးနားက ခုံပြာ​လေးဆွဲပြီး ထိုင်လိုက်ကာ "အန်တီ ထုံးစံအတိုင်းထမင်း​ကြော်နဲ့ Coke ပဲပေးပါ" နေ့လည်စာ မှာလိုက်တဲ့ သူ့အသံက ကျွန်မအား သူ့ကို သတိထားမိ​စေသည်။ ကိုယ့်ထမင်း ကိုယ်ဆက်စား​နေစဥ် "ကျွန်​တော့နာမည် ​ပိုင်အေးချမ်း​မောင် ပါ First Year Phys Bio ပါ" "အာ ဟုတ် စိမ်းကလည်း First Year ပါပဲ။ မေဂျာက Phys Chem ပါ" လူတစ်​ယောက်လာမိတ်ဆက်ရင် ပြန်မိတ်မဆက်တဲ့ အထိ ကျွန်မ လူမှု​ရေး မ​ခေါင်းပါးပါဘူး။ "သား​​ရေ ထမင်း​ကြော်ရပြီ "ဆိုင်ရှင်အန်တီရဲ့ အသံကြားမှ ကျွန်မဆိုင်မှ ထသွားရန်ပြင်​ချေ​တော့သည်။ ရုတ်တရက် "ဟို စိမ်း ​နောက်ဆို ​တွေ့ရင် ကျွန်​တော့်ကို နှုတ်ဆက်​နော်" တဲ့​လေ။ကျွန်မလည်း "အင်း"လို့ပြန်​ဖြေခဲ့ပါတယ်။​​ တွေ့ရင် နှုတ်ဆက်ဖြစ်မှာပါ သူ့မျက်ဝန်းထဲက ကြယ်​လေး​တွေကို..။ ×××××××××× ဒီ​လောက်ပါပဲ ကျွန်မနဲ့ ​မောင် စ​တွေ့ခဲ့တာ ဒီလိုရိုးရိုးရှင်း​ရှင်းလေးပါပဲ။ ဟက် ဘယ်ကစမှားသွားသလဲ။ ဘယ်သူ​တွေကမှားခဲ့သလဲ​တော့ ကျွန်မမသိ​တော့ပါဘူး။ တကယ်​တော့ မသိချင်​တော့တာလည်း ဖြစ်နိုင်ပါတယ်။ အဲ့ဒီ​နေ့​နောက်ပိုင်းကစ စာကြည့်တိုက်မှာဖြစ်​စေ ​ကျောင်းကာယ​လေ့ကျင့်ခန်းမမှာ ဖြစ်​စေ ကျွန်မနဲ့ ​မောင် မ​တော်တဆ ဆုံဖြစ်ခဲ့ကြတယ်။ မေးတစ်ခွန်း ​ခေါ်တစ်ခွန်းက​နေအစပြုလို့ သူငယ်ချင်း အင် သူငယ်ချင်းပဲ ဆိုပါ​တော့ သုံးနှစ်လုံးလုံး ကျွန်မနဲ့ ​မောင် တစ်​ယောက်နဲ့ တစ်​ယောက်ကူညီရိုင်းပင်းရင်း ဖြတ်သန်းခဲ့ကြတယ်။ ×××××××××× "ကိုယ် စိမ်းကို ချစ်တယ်" စကားလုံး​လေး ငါးလုံးက ကျွန်မ ရူးသွပ်နိုင်ဖို့ လုံ​လောက်တယ်။ တစ်ပတ်ပင်မကြာလိုက် အ​နေ​အေးပြီး မာနကြီးတယ်ဆိုတဲ့ကျွန်မက "ကျွန်မလည်း ​မောင့်ကိုချစ်တယ်" တဲ့​လေ။ ဘယ်ချိန်ကတည်းက မောင်ချစ်ခဲ့လည်း မသိ​ပေမယ့် ကျွန်မက​တော့ စ​တွေ့ကတည်းက ထင်ပါရဲ့။ သူ့မျက်ဝန်းထဲက ကြယ်​လေး​တွေ သွေး​ကြောစိမ်းစိမ်း​တွေ ထင်း​နေပြီး လက်​ချောင်းရှည်ရှည်​လေးနဲ့ သူ့လက်​လေး​တွေ အင် အကုန်လုံး မြတ်နိုး​နေမိတာ။ ××××××××××× ချစ်သူသက်တမ်း တစ်လ နှစ်လ ​မောင်နဲ့တူတူ ရုပ်ရှင်​တွေကြည့်တယ်။ မန်း​လေး၊ မ​ကွေး စုံ​နေ​အောင် မောင့်လက်​လေးတွဲပြီး အတူသွားခဲ့ဖူးတယ်။ မောင်က​လေ ကျွန်မကိုဆို သိပ်ချစ်သလို သိပ်ဂရုစိုက်တတ်​သေးတာ။ ချစ်သူသက်တမ်း 1နှစ် နဲ့ 8လပြည့်တဲ့နေ့ တစ်နည်းအားဖြင့် ကျွန်မတို့ ဘွဲ့ယူတဲ့​နေ့ လူတကာ ​ပျော်​နေ​ပေမယ့် ကျွန်မမ​ပျော်နိုင်ခဲ့ပါဘူး။ အိမ်က ​ဖေ​ဖေနဲ့ ​မေ​မေနဲ့က​တော့ ကျွန်မရဲ့ နဂို အကျင့်​လေး​​ကြောင့် မပြုံးဘူးလို့ထင်​နေတယ်နဲ့တူပါရဲ့။ "ကိုယ် တောင်းပန်ပါတယ်" ဟင် စကားလုံး​လေးငါးလုံးပါပဲ။ ဒါ​ပေမယ့် ဒီတစ်ခါ​တော့ အသည်း​တွေနာလိုက်တာ ဘာလို့ပါလိမ့်။ "မဟုတ်ဘူးလို့ ​ပြော၊ အဲ့​နေ့က ကျွန်မ ကြားခဲ့တာ မဟုတ်ဘူးလို့ ​ပြော" "ကိုယ် ​တောင်းပန်ပါတယ် ကိုယ် အဲ့တစ်ခွန်းပဲ ​ ပြောနိုင်​တော့တယ် စိမ်း" "ဘာလို့လဲ ဘာလို့ လမ်းခွဲရမှာလဲ ​ မောင် စိမ်းကို စ​နေတာမလား" "အဲ့​နေ့က စိမ်းနဲ့ မိတ်ဆက်​ပေးခဲ့တာ ကိုယ့်အမျိုးသမီးဖြစ်လာမယ့်သူ ကိုယ်သူ့ကိုပဲချစ်တယ် စိမ်း" ကျောင်းစတက်ကတည်းက သီးသန့်​နေတတ်တဲ့ကျွန်မ အမြဲလိုလို နားကြပ်​လေးတပ်ပြီး မိန်း​ဆောင်​ရှေ့က တမာပင်​အောက်မှာ ထိုင်​နေတတ်တဲ့ကျွန်မ အခြား မိန်းမလှ​လေး​တွေနဲ့ မတူ ထူးခြားတဲ့ကျွန်မက​ မောင့်အား သတိထားမိ​စေသည်။ မောင့်အားရင်ခုန်​​စေသည် ဟု တဖွဖွ​ပြောခဲ့တဲ့ ကျွန်မရဲ့ ​မောင်က အခု ကျွန်မနဲ့ လမ်းခွဲပါရ​စေတဲ့လား။ ​"မောင် ​ပျော်မှာ ​သေချာလား " "ကိုယ် မ​ဖြေပါရ​စေနဲ့လား" ​မောင်က သတ္တိမရှိလိုက်တာ သူသာရင်ခွင်သစ်မှာ မ​ပျော်နိုင်တာ ​သေချာရင် ကျွန်မကိုယ် ကျွန်မ​ရော ​မောင့်ကို​​ရော သတ်ပစ်ဖို့ ဝန်​မလေးဘူး ဆိုတာသူမသိဘူး။ "ဟုတ်ပြီ ​မောင်...ဒါမဲ့​မောင် မ​ပျော်တဲ့တစ်​နေ့ ကျွန်မ ​မောင့်ကို လာပြန်ယူမယ်" အဲ့​​နေ့ကစပြီး ကျွန်မအကျင့်​တွေပျက်​တော့တာပဲ။ အ​မေက​တော့ ပုံမှန်မဟုတ်တဲ့ ကျွန်မကိုအပမှီတယ်ဆိုပြီး ဟိုဆရာပင့် ဒီဆရာပင့်နဲ့​ပေါ့။ တကယ်တော့ ချစ်လွန်းလို့ ပုံမှန်မဟုတ်​တော့တာပါ။ နှစ်နှစ် တိတိကျကျ​ပြောရရင် ​မောင်နဲ့ အဆက်ပြတ်သွားတာ နှစ်နှစ်ရှိပြီ။ ခုလက်ရှိမှာ​တော့ ​Phys ဆရာမ ဒေါ် စိမ်းဆိုရင် က​လေး​တွေအစ လူကြီးအဆုံး ချစ်​ကြောက်ရို​သေ​နေပြီ။ "မောင် သိလားခု ကျွန်မ အဆင်​ပြေ​နေပြီ။ အင်​မောင့်ကို​တော့ လွမ်း​နေ​သေးတာ​ပေါ့" ×××××××××× တစ်​နေ့ မ​မျှော်လင့်ဘဲ ​မောင့်အမျိုးသမီးကို တောင်ကြီးမှာ ​တွေ့ လိုက်တယ်။ ဒါ​ပေမယ့် အဲ့အမျိုးသမီး​ဘေးကယောကျ်ားက မောင် ဟုတ်​မ​နေခဲ့ဘူး။ မရဘူး​နော် ​မောင်​ပျော်​စေချင်လို့ ငါလက်လွှတ်​ပေးခဲ့တာ သူမ​ပျော်လို့မရဘူး​နော်။ ကျွန်မဟာ ကျွန်မပါပဲ။​ မောင်နဲ့ပတ်သတ်တဲ့အရာအားလုံး အခုထိသိချင်​နေတုန်း။ ကျွန်မမောင့်အ​ကြောင်း​တွေကို စုံစမ်းခဲ့တယ်။ တစ်ပတ်မကြာပါဘူး အကုန်သိခွင့်ရခဲ့တယ်။ မောင်နဲ့ သူ့အမျိုးသမီး လွန်ခဲ့တဲ့တစ်နှစ် ကတည်းက ကွာရှင်းပြီးပြီတဲ့​လေ။ ကျွန်မ ​မောင့်ဌာ​နေ ​စစ်ကိုင်းကို ချက်ချင်း လိုက်သွားခဲ့တယ်။ ဪ ​မောင်က တစ်ဦးတည်း​သောသား သူ့မိဘ​တွေက အ​မေရိကန်မှာ ​ မောင်က စစ်ကိုင်းကချင်းစုရပ်ကွက်မှာ ​နေတာ ​ ကျောင်းတက်တုန်းက ​မောင့်အိမ်ခဏ ခဏ ​ ရောက်ဖြစ်တယ်။ ​အ​တွေး​​တွေနဲ့ နစ်မွန်း​နေတာ ဪ ​မောင့်အိမ်​ရှေ့​တောင် ​ရောက်လာပါ​​ကော။ -အိမ်အမှတ် 95 စိတ္တသုခလမ်း- ​မောင်​ပြောဖူးတယ် ဒီအိမ်​လေးမှာ ကျွန်မရယ် သားသားမီးမီး​လေး​တွေရယ် နဲ့အတူ သက်ဆုံးတိုင် ​နေသွားချင်တာတဲ့​လေ။ "လူရှိလား လူရှိလား" မကြာပါဘူး ​မောင်ထွက်လာပါပြီ။ ဟင် ​မောင်မဟုတ်ဘူး ​မောင့်ဆီမှာ ထမင်းချက်တဲ့ အန်တီ။ ခြံတံခါး အနီ​လေးဖွင့်ပြီးသည်နှင့်တပြိုက်နက် "ကြီး​မေ သမီးကို မှတ်မိလား သမီး.." "စိမ်း သမီးက စိမ်းမလား" "ဟုတ်တယ် သမီး စိမ်းပါ ​မောင်​ရောဟင်" "သမီး သား ​အေးချမ်း​လေးက ​အေးချမ်း​လေးက ဆုံးပြီကွဲ့" "ကြီး​မေ ​မောင်က ဘာလို့ ဆုံးရမှာလဲ သမီးသူ့ကို လာပြန်​ခေါ်တာ သူဘယ်မှာလဲ သူဘယ်မှာလဲ ကြီး​မေ" ​မောင်​ရေ ကြီး​မေက မ​ဖြေပဲ သူ့ဖျင်အင်္ကျီအပန်း​လေးကို ကျစ်ကျစ်ပါ​အောက်စုတ်ပြီး ငို​နေတယ် ​မောင်။​ မောင်​ရေ ​မောင် ကျွန်မ​ကြောက်တယ်။ မောင်ပုန်းမ​နေပါနဲ့ ကျွန်မ​မောင့်ကို မမုန်းဘူး​လေ။ ကျွန်မ ​မောင့်ကို လာပြန်​ခေါ်တာ​လေ ​မောင်ရယ်... အ​တော်ကြာပြီး​နောက် ကြီး​မေရဲ့ ရှင်းပြချက်​တွေကို သိခဲ့ရတယ်။​မောင် ကျွန်မနဲ့တွဲ​နေတဲ့ ​အ​ကြောင်း မောင့်မိဘ​တွေဖွင့်​ပြောတဲ့ ညမှာပဲ သူတို့သူငယ်ချင်း​ရဲ့ သမီးဖြစ်တဲ့ "​​မေ​​​ခေတ်ဖူးဟန် "ဆိုတဲ့ အမျိုးသမီးနဲ့ အတင်း လက်ထပ်ဖို့ စီစဥ်တယ်တဲ့​လေ။လက်မခံရင် ကျွန်မကို သတ်မယ်ဆိုပြီး ခြိမ်း​ခြောက်တယ်တဲ့​လေ။ မောင်ကတကယ်သတ္တိမရှိတာပဲ။ ဘာလို့သူမချစ်တဲ့ မိန်းမတစ်​ယောက်ကို လက်ခံခဲ့ရတာလဲ။ ခုကြည့် ​မေ​ခေတ်ဖူးဟန်က ​လက်ထပ်ပြီးမကြာ​ဘူး ဖောက်ပြန်တယ်တဲ့​လေ။​မောင်နဲ့ သူ့အမျိုးသမီး ပြဿနာ​တွေတက်ပြီး ​မောင်ကအိမ်​ပေါ်ကဆင်းသွားသတဲ့။ ဘဝက ရုပ်ရှင်ဆန်လိုက်တာ ​မောင်ရယ် လမ်းမှာ ကား​မှောက်ပြီး ​မောင်က ပွဲချင်းပြီး ဆုံးသွားတယ်တဲ့လေ။ မောင်​ရေ ကျွန်မ လက်​ဆောင်​ပေးထားခဲ့တဲ့ ဒိုင်ယာရီ စာအုပ်​လေးကို ခုထိုင်ဖတ်​နေတယ်။​ မောင်က ဆိုးလိုက်တာ။ ညတိုင်း ကျွန်မကိုသတိရတယ်တဲ့။ ဒါများ ဘာလို့ ကျွန်မရှိတဲ့ဆီ လိုက်မလာသလဲ...​မောင်ရယ်။ ရတယ်...မောင်ကျွန်မဆီမလိုက်လာရင် ​ မောင့်ဆီ ကျွန်မလိုက်လာမယ်...။ ×××××××××× "ဟယ်လို မေ​ခေတ်ဖူးဟန် လားမသိဘူးရှင့်" "ဟုတ်ပါတယ် ဘယ်သူလဲမသိဘူး" "ကျွန်မ နာမည် စိမ်းပါ ​မောင့်ရဲ့ သူငယ်ချင်း" "​မောင်ဆိုတာ ဘယ်သူလဲ ကျွန်မ စိမ်းဆိုတာလည်း မကွားဖူးပါဘူး" "မကြာခင် သိရမှာပါ ချင်းစုက ​ပိုင်​အေးချမ်း​မောင်အိမ် မနက်ဖြန် အစ်မ လာခဲ့ပါလား" "​ဪ ကိုပိုင့်သူငယ်ချင်းကို တို့ မင်းကိုအားနာ​ပေမယ့် သူနဲ့တို့ ကွာရှင်းတာကြာပြီ အ​ကြွေး​တွေ ဘာ​တွေ ဆပ်ဖို့ရှိ​နေတာလား သူက" "ဘယ်ကသာ ကျွန်မက ​မောင့်ကို ​ပေးရမှာ ​ ပေးရမယ့်တန်ဖိုးက များ​နေလို့ ​မောင်က မရှိ​တော့ဘူးဆို​တော့ အဲ့တာအစ်မကိုပဲဖြစ်ဖြစ်ပေးချင်လို့ပါ" "အို ဟုတ်လား ရတယ် ညီမ အစ်မလာခဲ့မယ် မနက်ဖြန်​နော်" "ဟုတ်ကဲ့" ​×××××××××× ကြမ်းပြင်​ပေါ်မှာ ​မိန်းမလှ​လေးတစ်​ယောက်ရဲ့ သွေး​တွေအိုင်​နေတယ်။ ထိုမိန်းမလှ​လေး​ဘေးမှာ Cigarette ကို လက်ကြားညှပ်လို့ နာကျင်​နေတဲ့ မျက်ဝန်း​ပိုင်ရှင် မိန်းမလှ​လေးတစ်ဦးထိုင်နေပြန်တယ်။ သူက တိတ်တိတ်​လေး​ရေရွတ်တယ်။ "မောင် ငါ လူသတ်မိပြီ။ မဟုတ်ဘူး ငါ လူသတ်ခဲ့ပြီ။ စိမ်းကို စိတ်မဆိုးနဲ့။ မောင့်ကို မ​ပျော်​အောင်ထားလို့ စိမ်းက အပြစ်​ပေးလိုက်တာ " တဲ့​လေ။ ချစ်ရတဲ့သူကို မ​ပျော်​အောင်ထားလို့ အပြစ်​ပေးလိုက်ရတဲ့အတွက် သူမ တကယ်ပဲ ​ ကျေနပ်​နေမှာလား။ သူမရဲ့ချစ်သူက​ကော သူမလုပ်ရပ်အတွက် ခွင့်လွှတ်​ပေးနိုင်မှာလားဆိုတာ ဘယ်သူမှမသိ​ပေမယ့် သေချာ​တာ​တော့ ​နောက်​တစ်နေ့မနက် "ချင်းစုရပ်ကွက်တွင် အမျိုးသမီးတစ်ဦးဓါးထိုးမှုဖြင့်သေဆုံး ​ နောက်တစ်ဦးမှာ ဆွဲကြိုးချ​လျက်သေဆုံး​နေတဲ့ သတင်းက စစ်ကိုင်းတစ်မြို့လုံး ပြန့်သွား​လေ​တော့သည်။ အစ​ကောင်းတဲ့ ဇာတ်လမ်း​လေးရဲ့ အဆုံးကို ဘယ်သူမှကြိုတင်ခန့်မှန်းလို့မရနိုင်တာအမှန်ပါပဲ..​မောင် ကျွန်မက​တော့ ​မောင့်အတွက် လုပ်ခဲ့သမျှအရာအားလုံးဟာ အမှန်တရားပဲ ​နောင်တလား...မရဘူးလို့​ပြောရင် လိမ်​ပြောရာကျ​မှာ ​မောင် လမ်းခွဲစကား​ပြောတဲ့​နေ့က ​ မောင့်ကိုသတ်ပြီး ကျွန်မပါ​ သတ်သေခဲ့ရမှာ အနည်းဆုံး​တော့နှစ်​ယောက်လုံး မလွမ်းရ​တော့ဘူး​ပေါ့။ အဲ့​နေ့က ​မောင့်ကို စိမ်းလက်လွှတ်​ပေးခဲ့တာ မောင့်ကို ပျော်​​စေချင်ခဲ့လို့...ဒီလို အဆုံးသတ်ကို မြင်ရဖို့မဟုတ်ဘူး။ @yisean_lili 🌸

အမှန်ဆို အဲ့​​နေ့ကသာ မ​တွေ့ဖြစ်ခဲ့ရင်... 'ဒီဇင်ဘာလအစ တက္ကသိုလ်​တွေ စဖွင့်တဲ့အချိန်' ရှမ်းပြည်က ကျွန်မ ဝင်ခွင့်ရခဲ့တဲ့ စစ်ကိုင်းပညာ​ရေးတက္ကသိုလ်ဆီသို့​ ဖေ​ဖေနဲ့တူတူ လာခဲ့တယ်။​ နေရာ​တွေ အဆင်​ပြေ​​အောင် ​ဖေ​ဖေက သူ့အသိ မြန်မာစာဆရာမနဲ့အပ်​ပေးခဲ့ပါတယ်။စာနဲ့ပတ်သတ်ရင် အလိုမလိုက်တဲ့ ကျွန်မချစ်ရတဲ့ ​ဖေ​ဖေ အစစအရာရာ ​စေ့စပ်​အောင် လုပ်​ပေးပြီးမှ ​မွေးရပ်​​မြေရှမ်းပြည်ကို ပြန်သွားခဲ့တာရယ်။ ​နေရမဲ့အ​ဆောင်က ×××အ​ဆောင် သူငယ်ချင်း​တွေ သိပ်မထားတတ်တဲ့ ကျွန်မ မ​ကွေးနဲ့မန်း​လေးက​နေ ​ ကျောင်းလာတက်တဲ့ သူငယ်ချင်းနှစ်​ယောက်နဲ့​​တော့ အ​တော်ခင်သွားတယ်။ ​ကျောင်းတက်ပြီးနှစ်ပတ်အကြာ စစ်ကိုင်း​တောင်ကို သွားလည်ရ​အောင်ဆိုပြီး ဟိုမိန်းမနှစ်​ယောက်က အ​ဖော်စပ်ပါ​လေ​ရော။စာအုပ်နဲ့တစ်စက္ကန့်မှ မခွာချင်တဲ့ကျွန်မ ​အောင့်သက်သက်နဲ့ လိုက်သွားပါတယ်။ မြင်ကွင်း​တွေဟာသိပ်လှတယ်။ချစ်ရပါ​သောဧရာဝတီမြစ်ကြီးက ကျွန်မကို လန်းဆန်း​​စေတယ်။ရွှေ​ရောင်​စေတီ​တွေက စိတ်ကို ​အေးချမ်း​စေတယ်။ဘယ်​နေရာသွားသွား ဓါတ်ပုံရိုက်ရတာ ဝါသနာပါတဲ့ မိန်းမနှစ်​​ယောက်​ကို အမြင်ကပ်တယ်သိလား။အင် ဒါ​ပေမယ့် ဒီတခါ​တော့ ​ကျေးဇူးတင်မိတယ်။ချစ်ရပါ​သော မိန်းမနှစ်​ယောက်ကို ဓါတ်ပုံရိုက်​ပေးရင်း လူတစ်​ယောက်နဲ့တိုက်မိပါ​လေ​ရော။ ​တောင်းပန်ဖို့ လှည့်အကြည့် အနီ​ရောင်မျက်မှန်ကိုင်း​အောက်ကခပ်စူးစူးအကြည့်​တွေ​ကြောင့် ​ပြောစရာ​ပျောက်​ခဲ့ရပါတယ်။ 'ညီမ' '​အော် အစ်ကို ​တောင်းပန်ပါတယ်ရှင့် ဟို​လေ ညီမ မမြင်လိုက်လို့ပါ ' 'ရပါတယ် အစ်ကိုလည်း ဘာမှမဖြစ်ပါဘူး' စကားတစ်ခွန်း နှစ်ခွန်းနဲ့ အဆင်​ပြေသွားလို့​​တော်ပါ​သေးရဲ့။ ဒါနဲ့​လေ အစ်ကိုက သိပ်သ​ဘော​ကောင်းတာပဲ ကျွန်မတို့သုံး​ယောက်ပုံကို​တောင် စိတ်ရှည်လက်ရှည် ရိုက်​ပေး​သေးတာ။ စစ်ကိုင်း​တောင်က ပြန်လာတဲ့ ​နောက်ပိုင်း သုတစာ​ပေဖတ်​နေကျ ကျွန်မ ရသစာ​ပေ​တွေ အဖတ်များလာတယ်။ကိုယ်တိုင်​တောင် မသိပါပဲ 'အစ်ကို' ဆို​သော သူကို စွဲလမ်းမိသွားတယ်ထင်ပါရဲ့။အိမ်မက်ထဲမှာ အစ်ကိုနဲ့ကျွန်မ ​ကော်ဖီဆိုင်တူတူထိုင်တယ်တဲ့​လေ ယုတ္တိမရှိလိုက်တဲ့အိမ်မက်။ ​ကျောင်းစာလည်း ပုံမှန်လိုက်လုပ်တယ်။အတန်းလည်း ပုံမှန်တက်တယ်။အစ်ကို့ ကိုလည်း ပုံမှန်လွမ်းတယ်။ လွမ်းလွန်းလို့ ရူး​နေပြီထင်တယ်။​ကျောင်းကန်တင်းမှာ ​​တောင်အစ်ကို့ ကို​တွေ့နေပြီရှင်။တစ်​​ယောက်ထဲ အ​တွေးကမ္ဘာထဲ​ရောက်​နေချိန် ကြားလိုက်ရတဲ့အသံ 'ညီမ အစ်ကို့ကို မှတ်မိလား ဟိုတခါ စစ်ကိုင်း​တောင်​ပေါ်မှာ ဆုံဖူးတယ်​လေ' ဘုရား​ရေ ညတိုင်း ​အစ်ကို နဲ့နောက်တစ်ကြိမ် ဆုံဖို့​တောင်းဆုပြု​နေတဲ့ ကျွန်မကို နတ်​​တွေကမကြည့်ပဲ မ​နေပါဘူး။ချစ်ရပါ​သော အစ်ကိုနဲ့ ဒုတိယအကြိမ် ပြန်ဆုံ​တော့ ရင်​တွေက တလှပ်လှပ်။ 'ဟုတ် မှတ်မိပါတယ် ဒါနဲ့ အစ်ကိုက ညီမတို့​ကျောင်းကို ဘာကိစ္စ' '​အော် အစ်ကိုက မန်း​လေး UFL တက်​နေတာပါ အစ်ကို့အ​ဒေါ်က ဒီကဆရာမ​လေ သူ့ဆီလာရင်း ကန်တင်းမှာ ​နေ့လည်စာလာစားတာပါဟဲဟဲ' ​'အော် ဟုတ်' စကားနှစ်ခွန်းသာ ပြန်​ပြော​နိုင်တော့တယ်။အစ်ကို့ရယ်သံက သိပ်ကဗျာဆန်တယ် ကျွန်မရူးမတတ်ပဲ။ 'ဒါဆို အစ်ကိုသွား​တော့မယ်​နော် သွားခါနီး မြင်လိုက်လို့ ညီမတို့ကို လာနှုတ်ဆက်တာ' ဟင် သွား​တော့မယ်တဲ့ နာမည် ချစ်ရတဲ့အစ်ကို့နာမည် ကျွန်မ မသိ​သေးဘူး​လေ။ကျွန်မအရဲစွန့်မိလိုက်တယ်ထင်ပါရဲ့ .... 'ဟို အစ်ကို' 'အင် ​ပြော​လေ ညီမ' 'ညီမနာမည် ရိုးသစ္စာပါ' ​အော် ဟုတ်သား ခုထိနာမည်မ​မေးမိ​သေးဘူးပဲ အစ်ကို့နာမည် ဘုန်းလင်းမောင်ပါ ရိုး' ရိုးတဲ့ သူများ​တွေ​ခေါ်တာ ကြားဖူး​နေ​ပေမယ့် အစ်ကို​ခေါ်​တော့ တစ်မျိုး​လေး လှ​နေသလိုပဲ။ အစ်ကိုနဲ့ဆုံတာနှစ်ခါ​ရှိပြီ။ နှစ်ခါလုံးကျွန်မရင်​တွေခုန်ရသလို ​ပျော်ရပါတယ်။မျက်ဝန်းလှလှ​လေးရယ် ​လေး​ထောင့်မကျတဲ့မျက်နှာ​လေးရယ် စကား​ပြောရင် ချိုင့်ဝင့်သွားတဲ့ ပါးချိုင့်​လေးတစ်ဖက်ရယ် အသားညိုညိုနဲ့ ဆွဲ​ဆောင်မှုအားပြင်းတဲ့ အစ်ကို့ကို ကျွန်မတော့ ချစ်လွန်းလို့ ရူး​နေပါပြီ။ ​စာသင်နှစ် ပထမနှစ်ဝက်ပြီးဆုံးချိန် ​မွေးရပ်​မြေ ရှမ်းပြည် ကိုပြန်လာခဲ့​ပေမယ့် ချစ်ရတဲ့အစ်ကို့ကို​တော့ လွမ်းမြဲလွမ်းဆဲ.... အိမ်အလုပ်​တွေကကျွန်မအတွက်​တော့ပျင်းစရာပါ။ဒါ​ပေမယ့် တခါ​တ​လေ အစ်ကို့အ​ကြောင်း​တွေးရင်း လုပ်ရင် ​​ပျော်ဖို့​ကောင်း​နေသလိုပဲ။ ည​တွေဟာ လှတယ် အစ်ကို့အ​ကြောင်း​တွေး​နေရင်​ပေါ့။ တခါတ​​လေ​တော့ အစ်ကိုဟာ ကျွန်မကို မချစ်ပါဘူး သာမန်ဆုံ​တွေ့ဖူးတဲ့သူတစ်​ယောက်အ​နေနဲ့ပဲ သ​ဘောထား​လေမလားလို့ ​တွေးမိပြန်ရင် ညဟာ အကျဥ်းတန်​နေပြန်​​ရော။ တစ်ရက် ရှမ်းပြည်ရဲ့အထင်ကရနေရာတစ်ခုဖြစ်တဲ့ အင်း​လေးဆီသို့ အလည်သွားတယ်။သိပ်လှတဲ့ အင်း​လေး​ဒေသမှာ ချစ်ရတဲ့အစ်ကို့ကို ​တွေ့ခွင့်ရပြန်ပါတယ်။ကျွန်မ​လေ ​ပြောမပြတတ်​အောင် ​ပျော်ခဲ့ပါတယ်။ အစ်ကိုအ​ကြောင်းတော်​တော်များများ သိခဲ့ရတယ်။အစ်ကိုဟာ ရှမ်းပြည်ကို အလည်လာတုန်း​လေး ကျွန်မ အိမ်လိုက်လည်ချင်တယ်တဲ့​လေ။​'ခွင့်ပြုမလား'လို့ မဝင့်မရဲ​မေးတဲ့ အစ်ကို့ကို 'ဟင် တခါတည်းဆွဲ ​မေ​မေ​ရေ ​ဟောဒီမှာ ​မေ​မေ့သမက်လို့ မိတ်ဆက်​ပေးချင်​​နေတာပါ' လို့ ပြန်​ပြောရင် မ​ကောင်းဘူးရှိ​တော့မယ်။ အစ်ကိုနဲ့ကျွန်မ သိပ်ကိုရင်းနှီးခဲ့တယ်။တစ်ပတ်မှာ တခါ​လောက်ဖုန်းဆက်ဖြစ်တယ်။မန်း​လေးဟာ သိပ်ပူ​ကြောင်း ရှမ်းပြည်မှာပဲ နေချင်​​ကြောင်း ​ ပြော​ပြောပြတတ်တဲ့ အစ်ကို့ကို ကျွန်မ သိပ်မြတ်နိုးရပါတယ်။​အစ်ကိုဟာကော်ဖီ​တွေ သိပ်ကြိုက်​ကြောင်း ​ပြောပြ​တော့ ​မေ​မေ့ကော်ဖီခင်း​တွေ ကျွန်မမျက်လုံးထဲ​ပြေးမြင်ရပြန်ပါတယ်။ သံ​ယောဇဥ် ဆိုတာ သိပ်ပူ​လောင်ရပါတယ်။ စ​တွေ့ကတည်းက အစ်ကို့ကို ကျွန်မမြတ်နိုးခဲ့တယ် အခု​တော့ အစ်ကိုမှ မဟုတ်ရရင်နှလုံးသားတံခါးက ဘယ်သူလာ​ခေါက်​ခေါက် တံခါးဖွင့်​ပေး​​တော့မှာ မဟုတ်​တော့ဘူး။ ဒုတိယစာသင်နှစ် ကျွန်မအတွက် သိပ်​ပျော်စရာအချိန်​လေး​တွေ​ပေါ့​လေ။ အစ်ကိုတက်တဲ့ ​ကျောင်းကို လိုက်လည်ခွင့်ရခဲ့ပါတယ်။ အစ်ကိုနဲ့တူတူ စာအုပ်ဆိုင်​တွေသွားဖြစ်ခဲ့ပါတယ်။ အစ်ကိုနဲ့တူတူ ​ဟော့​ပေါ့စားဖြစ်ခဲ့ပါတယ်။ သူငယ်ချင်း​တွေက အစ်ကိုနဲ့ ကျွန်မကို တခါတ​လေလိုက်စရင်​ အပြင်မှာ အတင်းငြင်း​နေ​ပေမယ့် ရင်ထဲကြိတ်​ပျော်​နေမိတတ်ခဲ့ပါတယ်။ အချိန်​​တွေကြာလာရင် အစ်ကိုလည်းကျွန်မကို ချစ်လာလိမ့်မယ်လို့ရူးရူးမိုက်မိုက်​တွေးခဲ့မိဖူးတယ်။ အစ်ကို့စာသင်နှစ် ​နောက်ဆုံးနှစ် ကျွန်မက တတိယနှစ် ကျွန်မ အစ်ကို့ဆီကိုစာပို့ခဲ့တယ်။ရင်ခုန်စွာနဲ့​ပေါ့။ စာပို့ပြီးဆယ်မိနစ်​လောက်အကြာ အစ်ကိုဟာ ကျွန်မကို ​တွေ့​နေကြ စာအုပ်ဆိုင်​လေးဆီ ချိန်းတယ်။လှလှ​လေး ဝတ်ခဲ့ပါတဲ့​လေ။ ​တွေ့လား အချစ်စစ်ရင် ​ရောင်ပြန်ဟပ်ပါတယ်။ 'အစ်ကို ရိုးကို​ခေါ်တာ ဘာ​ပြောမလို့လဲဟင်' '​အော် ရိုး လာ အစ်ကို မိတ်ဆက်​ပေးမလို့ ခနလေး' 5မိနစ်​လောက်ကြာ​တော့ ကျွန်မတို့ဝိုင်းကို မိန်းက​လေးတစ်​ယောက်​ရောက်လာတယ်။အင် သိပ်လှတယ် ဒူး​အောက်ထိအရှည်ရှိတဲ့ဂါဝန်ပန်း​​ရောင်​လေးရယ် ဆံပင်​ရွှေ​ရောင်​လေးရယ် ​ခပ်ပါးပါးမိတ်ကပ်လိမ်းခြယ်ထားတဲ့မျက်နှာဝိုင်းဝိုင်း​လေးနဲ့ မိန်းက​လေးက အစ်ကို့​ဘေးဝင်ထိုင်တယ်။ 'ရိုး ဒါ အစ်ကို့​ကောင်မ​လေး​လေ ​​ရွှေစင်သွန်း တဲ့ တွဲ​နေတာ​တော့ ကြာပြီ ရိုးနဲ့ မမိတ်ဆက်​ပေးရ​သေးလို့ ​သွန်းက ရိုးနဲ့ခင်ချင်တယ်ဆိုလို့' ကျွန်မကမ္ဘာပြိုရပါတယ် ရင်​တွေနာရပါတယ် ပိုင်ရှင်ရှိပြီးသား လူတစ်​ယောက်ကို သုံးနှစ်သုံးမိုး ကျွန်မ တစ်ဖက်သတ် ချစ်ခဲ့ရ​တာ​ပေါ့။ '​အော် ဟုတ် အစ်ကို အစ်မ​ရွှေစင်နဲ့လည်း ​တွေ့ရတာဝမ်းသာပါတယ်ရှင့်' နာရီဝက်​​​လောက် ချစ်ရတဲ့အစ်ကိုနဲ့သူ့ချစ်သူကို ထိုင်ကြည့်​နေခဲ့ရပါတယ်။ ပြန်ခါနီး အစ်ကို့​ကောင်မ​လေးက ကျွန်မကို​ခေါ်​ပြောတဲ့ စကား​လေးတစ်ခွန်း​ကြောင့်...အဲ့​နေ့ကစအစ်ကို့ကို ကျွန်မသိသိသာသာရှောင်ခဲ့တယ်။အဆက်အသွယ်လည်း ဖြတ်ခဲ့တယ်။ခြောက်လ​လောက်အကြာ ကျွန်မအိမ်က ဖုန်းဆက်လာတယ်။သမီး​ရေ ဘုန်းလင်း​မောင်နဲ့​ရွှေစင်သွန်း နာမည်နဲ့ လက်ထပ်ဖိတ်စာ​ရောက်လာတယ်တဲ့​လေ။အစ်ကိုဟာ သိပ်​တော်တယ်။အဆက်အသွယ်ဖြတ်ထားတာ​တောင် လက်ထပ်ဖိတ်စာ​ကို အ​​ရောက်ပို့နိုင်တယ်။ရက်စက်လိုက်တာ။ ချစ်ရတဲ့သူရဲ့ လက်ထပ်ပွဲ​လေးဟာ သိပ်လှတယ်။ လက်ထပ်ပွဲပြီး​တော့ အစ်ကိုဟာ ကျွန်မဆီ အ​ပြေး လာတယ်။ 'ရိုး မ​ပြောမဆိုနဲ့အစ်ကို့ကို အဆက်အသွယ်ဖြတ်သွားတယ်​နော်။အစ်ကို့မှာ လန့်​တောင်သွားတယ်၊' 'ရိုး ဖုန်းကဒ်လဲလိုက်တာပါအာ့​ကြောင့်ပါ' '​အော် ဟုတ်လား ဟင် ဒါနဲ့ ရိုးအပြန် အဆင်​ပြေလား အစ်ကိုလိုက်ပို့​ပေးရမလား' 'မဟုတ်တာ ရပါတယ် ရိုး ဘာရိုး ပြန်လိုက်ပါ့မယ်' 'အာ ဟုတ်ပါပြီ အာ့ဆို အစ်ကို သွားပြီ​နော်ရိုး' ချစ်ရတဲ့သူ​ ​ကျောခိုင်းပြီး ခနအကြာ '​မောင်' 'ဟမ်' '​အော် ရိုးက​လေ ရိုးချစ်ရတဲ့သူကို အဲ့လို​ခေါ်ချင်ခဲ့တာ သွားပြီ​နော် အစ်ကို' အစ်ကို ဘယ်လိုကျန်ခဲ့မလဲ စိတ်မဝင်စား​တော့ပါဘူး။ ကျွန်မငိုလည်းမငို​တော့ပါဘူး။အနည်းဆုံး​တော့ သူ့အတွက်နာမ်စား​လေး ကြားသွား​စေချင်တာပါ။သူ့အတွက် နာမ်စား​​လေးမှာ သူ့အ​ပေါ်ထားတဲ့​မေတ္တာတွေအချစ်​တွေ သံ​ယောဇဥ်​တွေ အကုန်ပါသွားခဲ့ပြီ​လေ။ အဲ့​နေ့က ကျွန်မစာပို့တာ အစ်ကို့​ကောင်မ​လေး မ​တွေ့ခဲ့ရင် အစ်ကိုနဲ့ကျွန်မ ဒီလို​တောင် မိတ်​​ဆွေအဖြစ်ရှိနိုင်မှာ မဟုတ်ပါဘူး​လေ။ ​ "မောင် ​ချစ်ရတဲ့သူနဲ့​ ထာဝရ ပျော်​ပျော်ရွှင်ရွှင်​နေနိုင်ပါ​စေ။ကျွန်မလည်း ​နောက်ဘဝဆိုတာ​များ ရှိရင် ချစ်ရတဲ့သူကို ဘယ်​လောက်ချစ်​ကြောင်း ဖွင့်​ပြောခွင့်ရတဲ့သူတစ်​ယောက်သာဖြစ်ရပါလို၏" စစ်ကိုင်း​တောင်​ ကိုသက်​သေပြုပြီး ဒီဆု​တောင်း​တော့ မြတ်စွာဘုရားထံ ​​တောင်းဆုပြုခဲ့ပါတယ်။ @yisean_lili 🌸