قبل الشَمس
اخر كام دقيقة قبل الشمس ما بتطلع
لأول شمس من مدة بعد ما طالنا هجر النوم
بعد ما كسرنا أخر وعد و بعد ما طالنا سهم البعد و بعنا الود من غير لوم
و بطلنا نحس الورد و اخر رد مع طول الكلام سمعته سكوت
تفتكر دي المرة الكام اللي فيها هنموت
زي السما و الأرض في طول الفرقة متقاربين
بيجمعهم طول الصمت و تحييهم مسافة البعد
و نغيب مهما نغيب نهايتنا مكتوبة نموت و لبعضنا حاضنين!
شايلين في قلبنا كتير و الهجر لغيرنا ميحلاش
و عمرنا ما ندمنا عالحجات اللي محكنهاش
و إن يمكن طبعي صعب ملول و فية قسوة
بس مهما ساء الجو فبعرف أكون للسفن مرسي
و ايدي زي ما بتشد فبترخي ، و كل رهان راهنته عليا طلع خسران
و ألواني متقاربة متلونش وشوش كتير ، و اشباهي قليلين
نهوي السكوت و نلعنه و مهما كبرنا فحنا لسه صغيرين
نحب موسيقي الأفلام المُهمَلة و نضور علي تفاصيل بين السطور
و كل كلمة لينا مبتتنساش و كل حديث في عقلنا مسطور
و مشاعرنا عقيدة و عقدة و إخلاصنا دهب خام ، ميتغيرش
لأخر كام دقيقة قبل طلوع الشمس ، هي الشمس مبتفكرش؟
هي الشمس مبتحبش هدوء الليل
مبتخلفش في المواعيد ، مبتلنش لرجاء أخر ضوء لنجم بعيد؟
و لأخر حبينا لأمتي ؟
من غير كلام افلام من غير معاندة يا اسوء عقل متقفلب ساخر
إن قلت حبينا اكون كداب ، يمكن عشان انا قطب نافر
يكرة ياخد الملل مسار يكرة الجري فالتيار
فانا عمري محبيت للآخر
2020-07-22 19:33:12
13
0