طب يا جماعة انا هتكلم على حاجة معينة
يمكن هيا السبب فى البلاوى اللى لحنا شايفينها الفترة دى

الأهل
يعنى ياريت لو خلفتوا تربوا
ربوا عشان فى عاهات بتطلع فى المجتمع

طب ايه المشكلة هنا

أول مشكلة بتواجه الطفل هيا الأب والأم
البيئة المحيطة بيه
يعنى معلش يعنى
انتم هتطلعوا طفل سوى نفسيا ازاي وانتم مش اسوياء؟
فيا جماعة
قبل ما تخلفوا
اختاروا صح
عشان دي مش هتكون حياتك او اختيارك لوحدك
ده اختيارك
واختيار ابنك

وحاجه كمان
لو هنتكلم على الاساس البنائى للطفل
فالطبيعى يكون الطفل يعيش فى بيئة هادية
الأب والأم متفاهمين
طريقة تربوية صحيحه
يا جناعة انتم بتخلفوا وتنسوا تربوا
ونرجع لو ابنك ولا بنتك عملوا مصيبة
نرجع نقول دى كان/ت محترمة ومتربية بس مش عارفة ايه اللى حصل

وحاجه كمان مهمة بردو
عمر ما أي حضن أو بوسة أو حنية هتمحى أثر ضربة ضربتها لإبنك

انت بتضرب ابنك عشان مكسل تربيه...مفاجأة مش كده؟

الذكريات دى بتفضل صندوق اسود فى حياة الطفل
ويكون فى علمك
انت مش بتدمر ابنك بس
انت بتدمر ابنك واحفادك وزوجته
ازاي؟

فى حالة الشخص السيكوباتى
التكرار
اللى هوا انت كنت بتربيه ازاي فهيربى ابنه زي ما هوا اتربى
فيطلع اجيال مريضة
ويعامل مراته زي ما انت كنت بتعامل امه

فيا جماعة
خليكم قدوة تحترم ونضيفة

انا بشوف اهالى مطلعوش سيكوباتيين بس عندهم عقدة دايما
"انا مكنتش أجرؤ اقف قدام أبويا أكلمه كده"
"ده انا لما كنت بسمع صوت ابويا على السلم كنت بستخبى تحت السرير"
"عمرى ما كلمت ابويا بالطريقة دى"

تلاقوا فى اهالى ساعات بتستخدم الموضوع كتهديد
شوفت بقى اهمالك ممكن يوصله لإيه؟

وبعدين رسالة تانية للأهل
المفروض أحسن حاجة لإبنك هيا الحاجة اللى هوا عايزها..
بمعنى..
انت دلوقت عليزة يخش صيدلة وهوا عايز جراحة
لو فكرنا بالمنطق كده
لو دخل صيدلة زي ما انت عايز
ياما هيكون دكتور فاشل
يا اما مش هيتشهر وهيقعد بشهادته
طب لو دخل جراحة زى ما هوا حابب؟
ممكن يتقدم فى دراستة جامد ويتشهر ويبقى دكتور ناجح

يبقى العامل الاول على الاهل
انتم اللى بتبنوا المجتمع يا جماعة

لما تربوا عيالكم ربوهم ان الولد والبنت سواء فى الغلط
يعنى مثلا
اهل لكتشفوا ان بنتهم مرتبطة بواحد
طبعا بهدلوها بهدلة السنين

نفس الاهل اكتشفوا ان ابنهم مرتبط بواحدة
يدعموه ويقولوا خلو الواد ياخد خبرة!
طب ايه الفرق؟

ربوا ولادكم ان بنات الناس مش لعبة

ربوهم على انهم يعاملوها بالحسنى
ربو عيالكم يا جماعة عشان احنا اللى بنتقرف

******
صراحة كنت مكسلة اكتب البارت فاختصرته
سو اقتراحاتكم للبارت الجاي يا جماعة♥🌾