بسم الله.
مبدأيا كده يعنى إيه علاقة سامة؟
يعنى علاقة طرف منها بيستفيد ،والطرف التانى بيتضرر جامد.
خليك عارف ان فى فحياتك علاقات سامة كتير جدا.
العلاقة السامة دي ممكن تتشكل فى كذا شكل.
_الأهل.
_شريك حياة
_صديق
نبدأ بالأهل؟
طيب أغلبكم استغرب ليه الأهل ممكن يكونوا علاقة سامة.
تخيلوا معايا كده .
ولد فى ثالثة ثانوي ،أهله رايحين جاييب يقولوله يا فاشل خش ذاكر
يا فاشل
ابن خالتك هيجيب مجموع أحسن منك.
انت تخنت جامد خس عشان تلاقى واحدة تقبل تتجوزك.
لو مدخلتش كلية طب هتبرى منك.
بطل لعب على الزفت مستقبلك هيضيع.
متقولش لأ عشان انا أبوك يلا.
متنساش نفسك.

تخيلو معايا كده حياة الولد هتكون عاملة إزاي؟
حاجه من اتنين.
يإما مش هيتأثر ودي هتبقى حاجه سيئة جدا
لأنه بكرة يتجوز ويربى عياله بنفس الطريقة اللى أهله عاملوه بيها.
وكده هيدمر أجيال.

يإما هيسمع كلام أهله، ويخش كلية طب بأي ثمن ويشتغل شغلانة مبيحبهاش
ومش هينج وهيفضل محله سر ،لأ وأيه ده اللى أهله عملوه ده خيخلى جواه حالة من النقص
شوفتم بقى إزاي الأهل ممكن يكونوا علاقة سامة فى حياتك؟
ده مش معناه انك تتمرد عليهم بقى وكل ما يكلموك تقول لأ عشان دي حياتى.
بس متستجيبش.
متاخدش الكلام ده بعين الاعتبار.

أحكيلكم على تجربة شخصية؟
"صحابى اللى كانو موجودين فى الفترة دي ريأكت لڤ انا عارفة."

من كام سنة كده كان فى مدرسة كنت بحبها بشكل غبى فعلا
"كنت متوحدة يا جماعة معلش."
كنت بذاكر علافكرة يا جماعة والله بس هيا ولية ظالمة نقول ايه بقى.
مختارتنيش من فئة كلنت هتتكرم عشان تفوقهم وكده.
ونظرا لإنى كنت انسانة دحيحة الموضوع ده جرحنى من جوة.
ياااه كنت بذاكر.
قالتلى جملة عمرى ما نسيتها وقتها" انا اختارك ليه وانت مبتذاكريش؟!"
المهم ، يومها قعدت أعيط بلا سبب كده
ايوة يا جماعة عيطت
لإنى ساعتها حسيت انى مقدرتش أبين الجوهر اللى جوايا ،وانها معرفتش ازاي تقدرنى.
عارفين عملت ايه بعدها؟
مش عايزة أقولكم انى غبت من المدرسة بعدها يومين ورجعت.
بس رجعت كشخص تانى غير الشخص القديم.
مش هقولكم بقى وكم سهرنا من الليالى للصبح لا ننام.
بس هقولكم ان انا طلعت مائل الدفعة.
مش بقول كده عشان اتفشخر يا جماعة
حاليا انا ببص لتفاهة الموقف .
معنتش بفكر أصلا .
المهم من كل ده .
عامل كل حاجة فى حياتك كتحدي .
مهما كان تحدي تافه وسخيف حارب عشان تكسب .
حقق ذاتك من أصغر تحدى.
لأنك انت
مش هما
عيش حياتك زي ما انت مخططلها
مش زي ما الناس مخططالك.
كافئ نفسك من وقت للتانى
اعمل أي تحدى فى حياتك وحاول تكسبه.
جرب تلعب لعبة رياضية وحقق فيها حاجه
خش فى اي مسابقة أيا كانت وحاول تكسبها
خلى حياتك مليانة تحديات
عشان كل ما تبص وراك تلاقى انجازات.
*********