ليه بيحصلى كده
الكومفورت زون بتاعتى بعد اذنك
العلاقات السامة فى حياتى
خوفى مش عار
فييين الصحاب
حب ايه اللى انت جاي تقول عليه
جرب نار الغيرة
حياتى مكركبه
غدارين
الست مكانها المطبخ
قلبى ومفتاحه
انا مش صح
استقلال ولا استغناء
When i say no i feel guilty
القرد فى عين امه غزال
(Iam a fiminst)انا نسوية
نظرة المجتمع الدونية
الثقة فى النفس
عقدة الخواجة
خليك علاقه علاجية
السجن اللى عامل نفسه حرية
خلايا مخى لو سمحت
واحد كامل متكامل
عرايس ماريونت
الكومفورت زون بتاعتى بعد اذنك
ساموو. علييكو💛
هكلمكم النهاردة عن اهم حاجه ممكن تكون مهمة فى حياة اي حد.

الكومفورت زون.
مبدايا كده الكومفورت زون دي المساحة الشخصية والنفسية بتاعتك.

دي بيترتب عليها حاجات كتير
اولهم ثقتك بنفسك
وآخرهم حدود تعاملك مع اللى حواليك.

من حقك محدش يخترق حدودك النفسية بدون اذن
من حقك محدش يستحوذ عليك بدون اذن.

من حقك تكون حياتك وطريقة سيرها من اختيارك انت.
متسمحش لحد يقتحمها ومتديش حد اكبر من حجمه الحقيقى.
حاجه تانية .

مش معنى إنك عايز تحافظ على الكمفورت زون بتاعتك وحدود نفسيتك انك تكون منعزل عن المجتمع وانطوائى ؛لأ.
بس يكون فى حدود متسمحش لحد يتخطاها.

طبعا كلنا فترات فى حياة بعض
خلى الفترة بتاعتك فى حياة غيرك مميزة وفريدة من نوعها .
خلى رأيك يكون نابع من جواك مش عشان الناس شيفاه كده.

الوحدة مش مثال للأكتئاب.
بالعكس.
فى الانعزال عن الناس فوائد كتير وأضرار برضه.
والقرب من الناس فيه أضرار وفوائد.

نبدأ بالوحدة؟
مبدأيا كده الوحدة مينفعش تكون أسلوب حياة، مش تكون حابس نفسك فى الاوضة طول الوقت وتقول دي مساحتى الشخصية ؛لأ.
كلنا لينا احتياجات عند بعض.
بمعنى.
الأب ليه مسؤوليات اتجاه زوجته وأبنائه.
ده مش معناه انه يبنى حيطه بينه وبينهم بحجة ان دي مساحته الشخصية.

بالتالى متخلوش الوحدة اسلوب حياة.
لكن خلوها جزء  لا يتجزأ من حياتكم ،زي ما بتخلى فى وقت تكلم فيه فلان وتقعد فيه مع عيلتك خصص وقت تقعد فيه مع نفسك.
وقت تفهم فيه نفسك
تراجع فيه قراراتك الأخيرة
تفكر فى بكرة والنهاردة.
زي ما انت مبتبخلش بوقتك لغيرك متبخلش بيه على نفسك.

دور على الحلو اللى جواك
طور من نفسك وشوف مواهبك.
ودي مش حاجه سخيفة على فكرة.
انت انسان
وكل انسان جه الدنيا ليه موهبة.
يعنى مثلا.
د. أحمد خالد توفيق
دخل كلية طيب وبقى أديب الناس لسه بتتحاكا بيه.

طه حسين
فقد بصره وبرضه بقى أديب كبير.

العبرة مش بأنا معنديش ايه.
العبرة بأنا عندى إيه لسه مكتشفتوش.

مين كان يصدق إن فان جوغ أعظم رسام فى التاريخ
كان فقير ؟
مين كان يصدق أصلا ان موهبة الرسم تطلع من واحد فى مستوى معيشته؟

دور على نفسك واتعرف عليها تانى .
فضى وقت لنفسك.

طب أفضى وقت إزاي؟

فى الحجر اللى احنا فيه ده في طرق كتير أوى لتفضيه الوقت.
أقعد فى البلكونه بتاعتك وقت الغروب لوحدك(أو أي بلكونه فى البيت يعنى.)
انزل اتمشى لوحدك فى مكان هادى.
اقعد فى أوضتك لوحدك وبحلق فى السقف عادي.وحط سماعة واسمع أغانى.
دور على نفسك فى كل حته.
جرب ترسم
جرب تكتب
جرب تقرأ
جرب وخلاص
خلى حياتك مليانة تجارب عشان تعيش الدنيا صح.

*************
طولت عليكم؟ انى اسف


© Jana Walied,
книга «المفروض مرفوض».
العلاقات السامة فى حياتى
Коментарі
Упорядкувати
  • За популярністю
  • Спочатку нові
  • По порядку
Показати всі коментарі (6)
Mickey
الكومفورت زون بتاعتى بعد اذنك
انتي تطولي زي مانتي عايزه انتي💗💗💗💗🔥
Відповісти
2020-07-27 16:04:37
2
Panda
الكومفورت زون بتاعتى بعد اذنك
اتفق جدا مع كل كلمه قولتيها، و انا فعلا في بداية كنت باخد ان واحد طول ما يبقي قاعد لوحده هيبقي كويسة و نفسيته تبقي كويسة و مكنتش بتعامل مع عيلتي الا قليل جدا، بس بعدين جاتلي خنقة من كده و دا مكنش صح خالص ان واحد ميتعاملش مع ناس اللي حواليه بس مع وقت بقيت اخصص لكل واحد جزء من يوم و لنفسي برضو و الحمدلله واحد بقي احسن عن قبل كده 💕
Відповісти
2020-07-29 15:34:38
2
Fatma
الكومفورت زون بتاعتى بعد اذنك
اكشلي هاجي كل يوم أسقف عندك 😂❤️❤️❤️❤️❤️
Відповісти
2020-08-03 17:37:53
1