انة أنا كجنى بشوف الثقة بالنفس دى مشكلة اجتماعية من كل النواحى
تأثيراتها السلبية كتيرة جدا.

هقولكم حاجه كده فى البداية :
تخيل معايا عزيزى القارئ إن فى بنت  شايفه نفسها وحشه  ومتستحقش حاجه وأي حد بيقولها كلمة حلوة يبقى بيجاملها.
البنت دى لو اتجوزت ايه اللى هيحصل؟
_طول الوقت بتشك فى جوزها
_مبتقتنعش بكلامة وبتحسه بيجاملها
_هتحس طول الوقت انه بيخونها
_مبيحبهاش
طب لو خلفت بقى
_هتفضل حاسه بالنقم
هيا مش قد المسؤولية ولا قد الموضوع ولا تستحقه من الأساس
طب وبعدين؟
استنى عليها سنتين وهتلاقيها بتجرى ورا جوزها فى المحاكم❤

سيبكم من الحوار ده وركزوا معايا
عشان هقول حاجه مهمة اوى
النصايح اللي من نوعية "إتقل حبة تزيد محبة" و "don't make your self too available" دي محتاجة ضرب النار
اللي هو ليه أتعمد أختفي من قدام شخص بحبه لمجرد إنه يحس بقيمتي؟ وليه احنا كأشخاص مابنقدرش قيمة بعض غير لما واحد فينا يقرر يبعد شوية؟ وليه نفضل عايشين على الخطط والشد والجذب لما ممكن نعيش في سلام ونقدر قيمة بعض بكل بساطة.

هقول حاجه كمان
احنا مخلقناش نفسنا يا جماعة.
ربنا اللى خلقنا...لسبب..ولحكمة.
يجانب كل هذا وذاك احنا ليه بنحط نفسنا فى قالب "انا شخص سيئ"
الحلو بيكون حلو فى عين الشخص اللى بيحبه.
يعنى انتم لو فتحتم فيديوهات الفيس
هتلاقوا ايه ؟
_الأمريكية اللى اتجوزت امريكى هيموت بسبب مرض فى فترة قصيرة.
_الأمريكى اللى اتجوز بنت سوداء البشرة وبيحبها
_الأجنبى اللى اتجوز واحدة مقعدة مبتقدرش تتحرك.

الرسالة اللى حابه اوصلها من الكلام ده :
انت مش لازم تكون حلو بشكلك ،مش لازم تكون حلو من منظورك انت
فى شخص هيجيلك انت عن دون الناس عشان بيدور عليك كصفات وكمظهر وككل حاجه.

طب إزاي أثق فى نفسى ؟
_خليك واثق انك تقدر تعمل الشيئ اللى انت عايزه.
_خليك واثق انك تقدر تبقى حاجه كبيرة فى يوم من الأيام

متخليش الثقة بالنفس تنقلك لموقع الغرور.

حابه اقولكم حاجه كمان بمناسبة الموضوع ده:
علاقة واحدة صحيحة فى حياتك ممكن تغير كل حاجه فيك
تخليك احسن..تخليك تثق فى ذاتك...تخليك تحقق طموحك أيا ما كان.

علاقة واحدة بس
سواء كانت صداقة...حب.
العلاقة دى بيكون كلا الطرفين متساويين فيها
دى بتكون علاقة علاجية من الأول للآخر.

حاجه كمان حابة أقولهالكم (عن تجربة شخصية)
هات دفتر (نوت ...أجندة...أي حاجه )
وخلى صحابك يكتبولك فيها ..واحد واحد
صحابك اللى بجد
صحابك اللى انت بتحبهم وبيحبوك
العلاقة الصحيحة فى حياتك.

دى مش روشنة يا جماعة ولا غرور بس الطريقة دى نجحت معايا أنا شخصيا
يمكن كانت سبب فى زيادة ثقتى بنفسى.
وعشان الصراحة ،كل لما كانت حاجه بتدايقنى أو بتقلل منى أو بتزعلنى برجع أقرأهم عشان البوستيڤ انرجى اللى فيهم❤