ساعات القدر بيحطنا فى مواقف ممكن تكون فى ارية البارت الجديد من حتى تحترق النجوم فدمى محروق

بصو بقى
المرادى هكلمكم عن ازاي نحافظ على العلاقات فى حياتنا من غير كلكعة ومنغير متتحول لعلاقة سامة

مبدأيا كده
كل فترة جدد حياتك
بمعنى خد فترة بريك فى حياتك
بص على الموضوع من بعيد كده
شوف مين انت اديته اكتر من مساحته
مين بيحبك بجد
مين جدع معاك طول الوقت
مين اللى هتحطه فى الفريند زون ومش هيخرج منها
مين اللى هتخرجه من حياتك

حاول طول الوقت تجدد من حياتك بالشكل ده
تطرد العلاقات المؤذية كلها
تعيد ترتيب مكانة الناس فى حياتك.

تمم نيجى بقى للحفاظ على العلاقات فى حياتنا
مبدأيا كده الناس اللى هنحافظ عليهم دول لازم يتعرضوا لكام اختبار كده
بمعنى
تعرف بيقولو عليك ايه وانت مش موجود
تعرف هما بيحبوك بجد ولا بتوع مصالح
رتب اولوياتك بالشكل ده

طيب أحافظ إزاي بقى؟
لما الشخص اللى عايزين نحافظ على علاقتنا معاه ده يعدى الاختبارات دى كلها
ويكون علاقة صحية فعلا
يبقى لازم نتبت فيه
يا جماعة احنا مبنلاقيش الصحاب فى الشارع يعنى.

مفتاح أي علاقة أيا ما كانت هو الكلام والفضفضة
الجدعنة
المحبة
كتمان السر

يعنى تخيل معايا كده
دلوقت أنا روحت قولت لسارة (على سبيل المثال) على سر ليا وبتاع
وطبعا اكدتلى ان سرى فى بير وبتاع
أفاجأ بقى ان الدفعة كلها عرفت السر وبقى سر دفعتى
هل هرجع أثق فى سارة دى تانى
هبقى حمارة مش كده؟

يبقى المفتاح الأول والأهم فى تجديد العلاقات فى حياتنا واستمراريتها هوا الكلام

هكلمكم عن العلاقة دى كصداقة
صراحة مش عارفه حوار الارتباط ده انتم بتعملوا فيه إيه أصلا ومش مهتمة

بالنسبة للصداقة
حاول على قد ما تقدر تخليه جزء من يومك
مش بمعنى انك طول اليوم بتكلمه واليوم ميقدرش يعدى من غيره والموضوع يقلب بهيستريا
لأ
تتكلم معاه تفضفضله تحكيله على أي حاجه حصلت
مش لازم تكون تكون أسرار

صحيح يا جماعة متخلوش فى شخص واحد جعبة أسراركم
متدوش أسراركم دى أصلا لحد
اتكتموا وخلوها جواكم
ولو ادتوها ادوها للشخص الأكيد وهقولها تانى الأكيد اللى سرك فى بير عنده بجد مش زي بير سارة كده

نرجع لموضوعنا بقى
اتكلموا فى أي حاجة أيا ما كانت
استشيره فى حياتك عادى جدا
الكلام هوا الوصال يجماعة والله
يعنى ساعات الواحد بيتكلم فى أي تفاهة لمجرد انه عايز يتكلم

طيب أرتب أولويات حياتى إزاي؟
مبدأيا كده مفتاح أي حاجة انت عايز تعملها هوا العزيمة والاصرار

بمعنى انك لو مش عايز تعمل الحاجة دى هيكون عندك فتور من ناحيتها وهتزهق وتمل بسرعة

بالتالى رتب أولويات حياتك
خلوا الإرتباط آخر حاجة يجماعة

حط هدف قدام عنيك
يعنى سواء كنت كاتب
سواء كنت طالب جامعى
طالب فى ثانوية عامة (مريم حبيبتى )
أيا ما كان سنك الحوار ده مبيفرقش جامد يعنى
خلى هدفك قدام عنيك
طول ما انت جواك شغف للحاجة دى هتلاقى نفسك بتحاول تتطور عشان توصلها وكده
يبقى عافر لحد ما تحقق حلمك
طب فى ناس أحلامهم مختلطة زيى كده :-)
تخيل تكون محشور بين فنون جميلة وكلية طب وانت حابب الاتنين وعايز الاتنين
مبدأيا كده خليك عارف أنهى حلم فيهم هيكبرك أكتر
لكن ده مش معناه تتنازل عن الحلم التانى
بس هتركنه شوية
يعنى أنا أعرف ناس دخلو كليتين عشان يحققو الحلمين
جماعة كل حاجة فى الدنيا دى بدأت بسؤال...بفكرة...بحلم
يعنى أكيد أول واحد اكتشف النار على الأرض ده كان عنده شغف
لإن مش أول ما تجيب خشب وحجارة وورق شجر النار هتطلع

بالتالى احنا ممكن نحقق حلمنا أيا ما كان وأيا ما كانت تفاهته
احلمو يا جماعة عشان كلنا هنموت آخر الشهر ;-)

**********************
بقولكم ايه .....بارت طويل أهو زي ما طلبتم
صحيح عايزة أقولكم حاجة مهمة
محدش يخرج من بيته اليومين دول إلا للضرورة القسوى
أنا مش بقول كده يعنى عشان أعمل نفسى مذيعة ولا حاجة
بس أبويا بيشتغل فى مستشفى عزل سو....
خلو بالكم من نفسكم يا جدعان
حتى وانتم فى البيت
عشان فى ناس متوحدة ومصابين وبيطلعوا البلكونه يكحوا ويشربو سجاير
كرهونى فى اوضتى الله يحرقهم

حاجه كمان بقى
عايزة رأيكم فى البارت بجد
ورأيكم فى الرسمة اليتيمة دي :-)

وحشة
لكن المواقف دى بتيجى فى الوقت الصح

تخيل صاحبك عشرة عمرك يطلع طول الفترة دى بيكرهك وبيدبرلك حاجات توقعك
تخيل أكتر شخص انت كنت بتحترمه وبتتكلم عنه بطريقة محترمة
يكون مستنى اللحظة اللى انت هتقع فيها

أي علاقة أيا ما كانت دايما النهاية بتكسر...وبتوجع بردو
وطبيعى حتى لو كانت العلاقة دى سامة وانت المغفل فيها بردو هتزعل على انتهاء العلاقة دى بالشكل ده.

أه يا جماعة انت من حقك تتوجع وتتكسر..وتزعل وتعيط
بس متخليش انبارح يا خد منك النهاردة

عارفة ان العلاقات لما بتنتهى الواحد بيحس بفراغ
بس حاول تملى الفراغ ده بأي شكل من الأشكال
حاول متكونش الحاضر الغائب

روح خد كورسات فى أي حاجه
روح خد كليتين بدل كلية واحدة
انزل اشتغل بدل الشغلانة اتنين
املى وقتك مذاكرة
كتابة
رسم
غنا
أي حاجه

حاول تلهى نفسك لحد ما الجرح ده يلم ومتحسش بالوجع والحزن ده تانى
خد فترة نقاهة من كل العلاقات بعدها

وقف وأبدأ من تانى
ساعات الصدمات لما بتيجى فى وقتها بتكون أهون من مجيها بعد كده

حاول تجدد من نفسك
غير نظرتك للحياة
أصل هقولك حاجة
الناس مش كلها وحشه ...ومش كلها حلوة
هتقابل فى حياتك النوعين
خليك متأهب مش عدوانى...

ونصيحة منى
متتعمقش اوى فى العلاقات اللى فى حياتك
سواء كانت حب...صداقة...أخوة ...أيا ما كان مسماها

التغير هو أكبر تحدى ممكن تواجهه فى حياتك
انك تغير كل حاجة كانت فيك
متبقاش طيب بزيادة...متتجاهلش أي حد يقلل منك

خلى فى كمفورت زون بينك وبين أي حد

حط حدود فى علاقاتك

اتغير بس خليك زي ما أنت

انت من حقك تتغير بالرغم من مخاوفك

انت من حقك تتغير بالرغم من الناس

انت من حقك تتغير بالرغم من الحزن اللى جواك

انت من حقك تتغير بالرغم من كل الصدمات اللى خدتها فى حياتك

انت.  من.     حقك.    تتغير

بس خلى بالك
وانت بتتغير هتاخد صدمات بردو
هتكون زي الطفل المولود بتخبط فى كل حاجة لحد ما تتعلم

بس أهم حاجة فى كل ده
تتقبل ذاتك
تبقى عارف انك انسان وعندك حقوق
تبقى عارف انك انسان عندك مطالب
تبقى عارف انك انسان

انت انسان من حقك تحب وتتحب
انت انسان من حقك تحس بالأمان
انت انسان من حقك المجتمع يتقبلك زي ما أنت
انت انسان من حقك تقبل نفسك كلها بلا شروط واحكام عشان تعرف تعيش

انت انسان
الحياة عبارة عن تجارب...اختبارات
تنجح فى ده وتفشل فى غيره
بس متيأسش ومتبطلش تجرب

*********
جماعة حد يشوفلنا حاجة بدل البنادول عشان الصداع
أتمنى البارت يكون عجبكم
ملحوظة مهمة بردو
من أهم الكتب الاجتماعية اللى أوحتلى بفكرة الكتاب ده
لأ بطعم الفلامنجوا
للكاتب د. محمد طه
اتمنى تقرأوا الكتاب لإنه هيفيدكم اكتر من اللى انا بكتبه ده
"الكتاب ورقى"