အခန်း(၂)ကျိူးယွင်​ရှန့်​+

ကျိူးသခင်​ကြီးရဲ့​ကောင်းမွန်​တဲ့မျိူးရိုးဗီဇလက္ခဏာ​ကြောင့်​က​လေးသုံး​ယောက်​လုံး​ကောင်း​ကောင်းမွန်​မွန်​ကြီးပြင်းလာခဲ့ကြသည်​။ဒါ​ပေမယ့်​ကျိူးဝန်​ကျင့်​ကအဓိကဇာတ်​လိုက်​ဆိုတဲ့အတိုင်းသူ့ရုပ်​ရည်​သွင်​ပြင်​ကအခြားသူ​တွေထက်​သာလွန်​လေသည်​။ သူ့ရုပ်​ရည်​သွင်​ပြင်​နဲ့ခန္ဓာကိုယ်​အချိူးအစားက ပိတ်​ကား​ပေါ်မှာအနုစိတ်​ရေးခြယ်​ထားတဲ့ပန်းချီကားလိုပဲ။ဘယ်​ရှူ​ထောင့်​ကကြည့်​ကြည့်​သူဟာလုံးဝပြီးပြည့်​စုံ​နေတယ်​။

ကျိူးဝန်​ကျင့်​နဲ့ယှဉ်​ရင်​ကျိူးယွင်​ရှန့်​ရဲ့ပုံပန်းသဏ္ဌာန်​ကအနည်းငယ်​ထိုင်းမှိုင်းမှိုင်းနိုင်​တယ်​။ဒါ​ပေမယ့်​သူ့ရဲ့မက်​မွန်​ဝတ်​လွှာလိုမျက်​ဝန်း​တွေထဲကကြယ်​ရောင်​လက်​နေတဲ့မျက်​ဆန်​တွေကပဲထူးခြားတယ်​။ သူလူတစ်​ယောက်​ကို​ငေးစိုက်​ကြည့်​ရင်​အကြည့်​ခံရတဲ့သူအ​နေနဲ့ဘာလုပ်​ရမှန်းမသိဖြစ်​သွား​စေတယ်​။ဒီလိုမျက်​ဝန်းမျိူးက တစ်​ဖက်​လူရဲ့နှလုံးကို​ကောင်း​ကောင်းဒုက္ခ​ပေးနိုင်​တဲ့မျက်​ဝန်းမျိူးပဲ။

ထူးခြားတာက အရံဇာတ်​ကောင်​တွေဖြစ်​တဲ့ တုရွှီလန်​နဲ့ကျိူးဝန်​အန်​ကလည်း စင်းလုံး​ချော​ပြောစရာမရှိ​အောင်​ခန့်​ညားလွန်း​နေကြတာပဲ။ တုရွှီလန်​ရဲ့ နားရွက်​အ​ပေါ်ဖက်​ဆံပင်​တွေကိုခပ်​တိုတိုရိတ်​သင်​ထားပြီး​ရွှေ​ရောင်​ကိုင်းမျက်​မှန်​ကိုဝတ်​ဆင်​ထားခြင်းက သူ့ ကိုလူကြီးလူ​ကောင်းတစ်​ယောက်​ပုံ​ပေါက်​စေတယ်​။​ဖော်​ရွေတဲ့အပြုံးကလည်းသူ့ရဲ့မူလရုပ်​သွင်​ကိုဖုံးထား​ပေးတယ်​။ 1

အ​ပေါ်ယံမှာသူ့ကအတွင်း​ရေးမှူး၊အပြစ်​ကင်းစင်​တဲ့မျက်​နှာ​လေးနဲ့ဆို​ပေမယ့်​အမှန်​တကယ်​က​တော့ သူက တုမိသားစုအဖွဲ့အစည်းရဲ့ခေါင်း​ဆောင်​ပဲ။ ကျိူးဝန်​ကျင့်​ရဲ့အ​မေကသူ့ငယ်​သူငယ်​ချင်းဖြစ်​တာ​ကြောင့်​သူအခုလိုကျိူးအိမ်​လာပြီးရန်​သူရဲ့က​လေး​တွေကိုကြည့်​ပေး​နေတာပဲ။ ကျိူးမိသားစုကအရမ်းချမ်းသာတယ်​။ဒီ တရုတ်​ပြည်​မှာပထမတန်းမိသားစုလို့​တောင်​ပြောလို့ရတယ်​။ဒါ​ပေမယ့်​J နိုင်​ငံကတုမိသားစုရဲ့စည်းစိမ်​နဲ့​တော့ယှဉ်​လို့မရဘူး။ အဖွဲ့အစည်းနဲ့မိသားစု ။ ဒီစကားလုံးနှစ်​လုံးရဲ့ကွာခြားချက်​က မိုးနဲ့​မြေလိုပဲ။

Jနိုင်​ငံမှာ မာဖီးယား​တွေကတရားဝင်​တယ်​။ တုအိမ်​တော်ရဲ့ လက်​နက်​ရောင်းဝယ်​ခြင်းလုပ်​ငန်းက ကမ္ဘာအနှံ့ကျယ်​ပြန့်​နေတယ်​။ အဲ့ဒီလို​နောက်​ခံနဲ့လူက သူ့အ​ဖေရဲ့အတွင်း​ရေးမှူးလုပ်​ပြီးသူတို့ကို နာနီလို​စောင့်​ရှောက်​ပေး​နေတယ်​။ တုရွှီလန်​စိတ်​ထဲဘာ​တွေများ​တွေးထားသလဲ ကျိူးယွင်​ရှန့်​ကမသိ​တော့ဘူး။

သူ့ငယ်​ဘဝ​ကြောင့်​လား? ကြည့်​ရတာ ကျိူးဝန်​ကျင့်​အ​မေကသူ့ဘဝရဲ့တစ်​ခုတည်း​သော​နေ​ရောင်​ဖြစ်​ခဲ့ပုံပဲ။ သူမ​သေသွားခဲ့​ပေမယ့်​နေ​ရောင်​ခြည်​လေးက​တော့ထာဝရကျန်​ခဲ့တယ်​။ဒါ​ကြောင့်​ကျိူးဝန်​ကျင့်​ကိုသူသနားတာလား? သူကျိူးဝန်​ကျင့်​ကိုကာကွယ်​ချင်​တာ သူ့ရဲ့သန့်​စင်​တဲ့ကိုယ်​ပိုင်​ကမ္ဘာတစ်​ခုကိုကာကွယ်​တာလား?

ဒီထင်​ကြေး​တွေကဘယ်​လောက်​ပဲအဓိပ္ပါယ်​မရှိဘူးဆိုဆို အဖြစ်​မှန်​က သူဒီမှာရှိ​နေတာပဲ။ ကျိူးယွင်​ရှန့်​ဒီအ​ကြောင်း​တွေကိုထပ်​စဉ်းစားဖို့မကြိုးစား​တော့ပဲ နွားနို့ကိုသာဖြည်းဖြည်းချင်း​သောက်​လိုက်​သည်​။

ကျိူးယွင်​ရှန့်​၊ကျိူးဝန်​ကျင့်​နဲ့တုရွှီလန်​တို့သုံးဦးကတိတ်​တိတ်​ဆိတ်​ဆိတ်​နံနက်​စာစား​နေ​ပေမယ့်​ကျိူးသခင်​ကြီးနဲ့ကျိူးဝန်​အန်​က​တော့ စားရင်း​သောက်​ရင်းရယ်​ရင်းနဲ့နှစ်​ယောက်​သားပွဲကျ​နေ၏။ သူတို့ကြားကဆက်​ဆံ​ရေးကအရမ်းကို​နွေး​ထွေးလွန်းသည်​။ သူတို့နှစ်​ယောက်​ကသာသားအဖအရင်းဖြစ်​ပြီးကျန်​လူ​တွေကအပိုလူ​တွေလိုပဲ။ တကယ်​လို့အရင်​ကျိူးယွင်​ရှန့်​သာ ဒါကိုနားလည်​ခဲ့ရင်​အဲ့လိုဇာတ်​သိမ်းနဲ့အဆုံးသတ်​ခဲ့ရမှာမဟုတ်​ဘူး။

အဲ့ဒီလို​တွေးရင်း ကျိူးယွင်​ရှန့်​ခပ်​လှောင်​လှောင်​ပြုံးလိုက်​သည်​။ ထို့​နောက်​တုရွှီလန်​ကိုခိုးကြည့်​လိုက်​၏။
သိမ်​မွေ့ပြီးယဉ်​ကျေးတဲ့လူငယ်​လေးက သူ့မျက်​လုံးထဲရုတ်​တရက်​နတ်​ဆိုးတစ်​ကောင်​မြင်​လိုက်​ရသလိုဖြစ်​သွားသည်​မို့ တုရွှီလန်​ကြောင်​သွားသည်​။ သူ့နှလုံးကလည်းနှစ်​ဆင့်​ခပ်​ပြင်​ပြင်းခုန်​သွားသလိုပင်​။ သူပြန်​မော့ကြည့်​တော့ သူ့​ရှေ့ကလူငယ်​က ကိုယ့်​ပန်းကန်​ထဲကအစားအစာကိုသာအာရုံစိုက်​နေသည်​ကို​တွေ့လိုက်​ရသည်​။

နံနက်​စာစားပြီး​တော့ ထုံးစံအတိုင်းတုရွှီလန်​က က​လေးသုံး​ယောက်​ကို​ကျောင်းလိုက်​ပို့သည်​။ သူ့စိတ်​ထဲဘယ်​လိုခံစား​နေရပါ​စေ သူအမြဲတမ်းဒီက​လေးတို့ကိုသာတူညီမျှပဲဆက်​ဆံတယ်​။ဒါ​ပေမယ့်​ကျိူးဝန်​အန်​က အတတ်​ကြွဆုံးဖြစ်​လို့သူတို့ကပိုရင်းနှီးတယ်​ထင်​ရတယ်​။

ကျိူးယွင်​ရှန့်​မျက်​လုံးမှိတ်​ပြီးကားထဲလိုက်​ပါလာသည်​။ ကျိူးဝန်​ကျင့်​ကလည်းတတ်​ဆိတ်​နေ၏။ ကျိူးဝန်​အန်​တစ်​ယောက်​ထဲကသာတုရွှီလန်​ကိုစကား​ပြောသူဖြစ်​သည်​။ သူက သူ့အ​ဖေရဲ့​နေ့စဉ်​ဘဝကိုအ​တော်​စိတ်​ပူ​နေသည်​။ ဒါ​ကြောင့်သူ့အ​ဖေရဲ့အချစ်​ရေးကိစ္စကိုလည်းအမြဲ​မေးတတ်​သည်​။ ကျိူးသခင်​ကြီးရဲ့အချစ်​ဆုံးသားမို့ တုရွှီလန်​ကလည်း​မေးသမျှအမှန်​ဖြေလိမ့်​ရှိသည်​။

အထက်​တန်း​ကျောင်းသားဘဝကအရမ်းပျင်းဖို့​ကောင်းလွန်းသည်​။ ခက်​ခဲတဲ့အိမ်​စာဆိုတာကလည်းသူ့လို အဆင့်​မြင့်​IQနဲ့ဟက်​ကာတစ်​ယောက်​အတွက်​ပါမွှား​လေးပဲ။သူပထမနှစ်​ချိန်​ကိုအိပ်​ပျော်​သွားပြီး တတိယအချိန်​မှာဆူညံသံ​ကြောင့်​လန့်​နှိုးလာခဲ့သည်​။ သူမျက်​လုံးကိုဖွင့်​ပြီးပြတင်း​ပေါက်​အပြင်​ဖက်​မှာတဖွဲဖွဲကျ​နေတဲ့နှင်းပွင့်​တွေကို​ငေးကြည့်​နေမိသည်​။အခုက​နွေရာသီ။ မိန်းက​လေး​တွေစကပ်​အတိုဝတ်​နေကြတာ ဘယ်​လိုလုပ်​နှင်းကျမှာလဲ?

ကျိူးယွင်​ရှန့်​အနီးကပ်​ကြည့်​လိုက်​တော့ အခုကျ​နေတဲ့နှင်းပွင့်​တွေက စက္ကူစ​သေး​သေး​လေး​တွေပဲ။ အဲ့ဒီအချိန်​မှာပဲ​ကျောင်းသား၊​ကျောင်းသူ​တွေက​ကောရစ်​တာမှာစုပြုံပြီးစပ်​စုကြ​တော့​သည်​။ ကျိူးယွင်​ရှန့်​လည်းသူ့အ​ဖော်​တွေရဲ့ဆွဲ​ခေါ်မှု​ကြောင့်​ပါသွား၏​။ သူတို့က​အောက်​ထပ်​ကနှင်းမှုန်​ကြားမှာရပ်​နေတဲ့လူကိုလက်​ညှိုးထိုးပြသည်​။

"သူ့ပုံနှိပ်​တွေအကုန်​ဖျက်​ဆီးခံလိုက်​ရပြီ။ အဲ့ဒီ​ကောင်​ကသူ့ကိုယ်​သူတရားမဝင်​သားဆိုတာ​မေ့ပြီးမင်းနဲ့ဝမ်​အန်​ကို ပြန်​တိုက်​ခိုက်​ချင်​နေတာ။သူ့ကိုဘယ်​သူအဲ့လိုစိတ်​ကူးမျိူး​ပေးသလဲငါတကယ်​စဉ်းစားမရဘူး''

ကျိူးယွင်​ရှန့်​မှတ်​မိတယ်​။ ကျိူးဝန်​ကျင့်​နဲ့ ကျိူးဝန်​အန်​တို့ကတစ်​ခန်းထဲဖြစ်​ပြီး အတန်း​ဖော်​တစ်​ယောက်​နဲ့ကျိူးဝန်​ကျင့်​နဲ့မိန်းက​လေးတစ်​ကြောင့်​အငြင်းပွားကြတာ​နောက်​ဆုံးမှာ ကျိူးဝန်​ကျင့်​ကမိန်းက​လေး​တွေရဲ့ဝန်းရံခြင်းကိုခံလိုက်​ရတဲ့အ​ကြောင်း။ ကျိူးဝန်​အန်​ကအရမ်းကိုမနာလိုဖြစ်​သွားရှာတယ်​။ ဒီဖြစ်​ရပ်​ရဲ့အပြင်​လူတစ်​ယောက်​အ​နေနဲ့ Lord Godက ကျိူးဝန်​ကျင့်​ကိုပညာ​ပေးဖို့ မူလကျိူးယွင်​ရှန့်​ကို ခိုင်းတယ်​။

စာအုပ်​တွေဖျက်​ဆီးတယ်​၊ရေ​တွေ​လောင်းချတယ်​၊အတင်းအဖျင်း​တွေဖြန့်​ပြီးနှိပ်​စက်​တယ်​၊အုပ်​စုဖွဲ့အနိုင်​ကျင့်​တယ်​။ ကျိူးဝန်​ကျင့်​ကိုထိခိုက်​တာမှန်​သမျှအကုန်​လုပ်​တယ်​။ ကျိူးယွင်​ရှန့်​ဒီခန္ဓာကိုယ်​ကိုမယူခင်​ကတည်းက သူတို့ညီအစ်​ကိုနှစ်​ယောက်​ရဲ့ဆက်​ဆံ​ရေးက​ကျေ​အေးမရတဲ့အ​ခြေအ​နေကို​ရောက်​နေခဲ့ပြီ။ ကျိူးယွင်​ရှန့်​လမ်း​ပေါ်က​ခေါင်းမာမာနဲ့ရပ်​နေတဲ့လူကိုစူးစိုက်​ကြည့်​နေလိုက်​တယ်​တစ်​ဖက်​လူကလည်းသူ့ကိုပြန်​ကြည့်​လာတယ်​။

ကျိူးယွင်​ရှန့်​ရဲ့မျက်​နှာ​သေကရုတ်​တရပ်​ခပ်​လှောင်​လှောင်​အပြုံးတစ်​ခု​ပေါ်လာသလို ကျိူးဝန်​ကျင့်​ကနာကျည်းမှု​ကြောင့်​လက်​သီးဆုပ်​လိုက်​တော့သည်​။ အခြားလူသာဆိုသူတို့အနာဂတ်​သူတို့သိရင်​အဓိကဇာတ်​ကောင်​နဲ့ဆက်​ဆံ​ရေးကိုအရင်​ဆုံးစပြင်​မှာပဲ။ဒါ​ပေမယ့်​ကျိူးယွင်​ရှန့်​က​တော့အရမ်းမာနကြီးပြီး ထက်​မြတ်​တဲ့လူ။သူ့ကိုယ်​သူအတင်းသူများ​ခြေသလုံးဖက်​ခိုင်းမှာမဟုတ်​ဘူး။

အဓိကဇာတ်​လိုက်​နဲ့ရင်းနှီးတာဟာသူ့ကံကြမ္မာကို​ပြောင်းလဲ​စေနိုင်​တာမှန်​ပေမယ့်​သူ့ကံကြမ္မာကတဖန်​Lord Godရဲ့လက်​ထဲပြန်​ရောက်​သွားနိုင်​တယ်​။ အဲ့တာဆိုအရင်​နဲ့ဘာများကွာ​တော့မလဲ။ဒါ​ကြောင့်​သူကျိူးဝန်​ကျင့်​ကိုကပ်​ဖားဖို့လုံးဝစိတ်​ကူးမရှိဘူး။ ဒါ​ပေါ့သတ်​ပစ်​ဖို့လည်းဆန္ဒမရှိဘူး​လေ။ အဓိကဇာတ်​လိုက်​အ​နေနဲ့ကျိူးဝန်​ကျင့်​သာအသတ်​ခံရရင်​ဒီကမ္ဘာကြီးကလုံးဝပျက်​စီးသွားမှာပဲ။ အဲ့လိုဆို Lord Godက သူ့ Data​တွေရဲ့ချိူ့ ယွင်းချက်​ကိုသတိထားမိပြီးသူ့ကိုပြန်​ထိန်းချူပ်​ဖို့လုပ်​နိုင်​တယ်​။ ကြယ်​ပင်​လယ်​လွင်​ပြင်​ကသူ့ကိုအကာအကွယ်​ပေးထားနိုင်​ပေမယ့်​သူ့ရဲ့အနာဂတ်​အစီစဉ်​တွေက​တော့ အဆင်​ပြေ​တော့မှာမဟုတ်​ဘူး။ အမှား​သေး​သေး​လောက်​နဲ့ သူ့ကို Lord Godကရှာ​တွေ့သွားနိုင်​တယ်​။ Main godလိုအဆင့်​မြင့်​ကွန်​ပျူတာတစ်​လုံးက anti-virus ပရိုဂရမ်​တွေကို သိမ်းဆည်းထားမှာပဲ။ ကျိူးယွင်​ရှန့်​အဲ့ဒီအရသာကိုမမြည်းစမ်းချင်​ဘူး။

အခုသူ့လက်​ရှိအစီအစဉ်​က သူယူထားတဲ့ခန္ဓာကိုယ်​ပိုင်​ရှင်​တွေရဲ့မူလကံကြမ္မာကို​ပြောင်းလဲပြီး Data​တွေကိုချိူ့ယွင်း​စေတာပဲ။ဒါ​တွေအားလုံးကလည်းဒီကမ္ဘာကို မပျက်​စီး​စေရဘူး။ အဓိကဇာတ်​ကောင်​လည်းအသက်​ဆက်​ရှင်​မယ်​ဒီကမ္ဘာလည်းဆက်​ရှင်​သန်​နေမယ်​။ဒါ​ပေမယ့်​ဒီကမ္ဘာကြီးရဲ့​ပြောင်းလဲမှုက​တော့ Main Godရဲ့ နဂိုအစီအစဉ်​ထက်​ကျော်​လွန်​သွားလိမ့်​မယ်​။ သူ့အစီအစဉ်​တွေကို​သေချာပြန်​စဉ်းစားပြီး ကျိူးယွင်​ရှန့်​မျက်​လုံး​တွေကိုမှိတ်​ထားလိုက်​တယ်​။

ဖန်​တီးထားတဲ့အချိန်​တွေကအမြဲမြန်​မြန်​ရွေ့လျားတယ်​။မျက်​တောင်​တစ်​ခတ်​အတွင်းမှာပဲ တစ်​ရက်​ကုန်​သွားပြီ။ ကျိူးယွင်​ရှန့်​သူ့ရဲ့​ကျောင်းအင်္ကျီကုတ်​ကိုကြယ်​သီးဖွင့်​လိုက်​ပြီး နက်​ကတိုင်​ကို​လျှောချလိုက်​တယ်​။ လက်​တစ်​ဖက်​က​ဘောင်းဘီအိတ်​ကပ်​ထဲထည့်​ပြီး လမ်း​ဘေးမှာရပ်​ထားတဲ့ ကားဆီကို​အေး​အေး​ဆေး​ဆေး​လျှောက်​သွားလိုက်​တယ်​။ သူ့အဝတ်​အစား​တွေက ကပိုကရိုဖြစ်​နေ​ပေမယ့်​လည်း မိန်းက​လေး​တွေမတ်​တပ်​ရပ်​ပြီး​ငေးကြည့်​ရ​လောက်​အောင်​သူ့ပုံစံကဆွဲ​ဆောင်​ထားတယ်​။

"ရှန့်​ရှောက်​က​ကျောင်းမှာအရမ်း​ပေါ်ပြူလာဖြစ်​တာပဲ။​ကောင်​မ​လေးရပြီလား?'' တုရွှီလန်​ကကားတံခါးကိုဖွင့်​ပေးပြီးခပ်​နောက်​နောက်​မေး​လေသည်​။

Main Godသူ့ကိုဒီကမ္ဘာထဲပိတ်​လှောင်​မထားခင်​ကတည်းက ကျိူးယွင်​ရှန့်​ဆိုတာ Gayစစ်​စစ်​တစ်​ယောက်​ပဲ။ သူမိန်းမ​တွေကိုလုံးဝသ​ဘောမကျဘူး။ ဒါ​ပေမယ့်​ဗီလိန်​အဖြစ်​ဖြတ်​သန်းခဲ့ရတဲ့ယခင်​ဘဝ​တွေတုန်းက အဓိကဇာတ်​ကောင်​နဲ့မိန်းက​လေးပြိုင်​လုတာ​တွေ၊ တစ်​ခါတစ်​လေ မိန်းက​လေး​တွေအ​ပေါ်မတရားပြုတာ​တွေအထိလုပ်​ခဲ့ရတယ်​။ ဘုရားသိပါတယ်​ကျိူးယွင်​ရှန့်​ဆိုတာ သူ့​ရှေ့မိန်းမအ​ယောက်​တစ်​ရာကိုယ်​လုံးတီးမတ်​တပ်​ရပ်​နေရင်​တောင်​စိတ်​လှုပ်​ရှားမယ့်​လူမဟုတ်​ဘူးဆိုတာ။
တုရွှီလန်​ရဲ့စ​နောက်​မှုက သူ့အတိတ်​ရဲ့စက်​ဆုပ်​စရာ​တွေကိုပြန်​သတိရလာ​စေ​တော့ ကျိူးယွင်​ရှန့်​ခပ်​ဖျော့​ဖျော့ပြုံးပြီးတစ်​ဖက်​လူကို​အေးစက်​စက်​ပြန်​ကြည့်​လိုက်​သည်​။

တုရွှီလန်​အ​နေနဲ့သူ့မျက်​လုံးထဲ ကျိူးယွင်​ရှန့်​နဲ့ ကျိူးဝန်​အန်​တို့ညီအစ်​ကိုကိုထည့်​ခဲ့ဖူးတာမဟုတ်​ဘူး။ အထူးသဖြင့်​ကျိူးယွင်​ရှန့်​လို ကျိူးဝန်​အန်​ကစားတာခံ​နေရတဲ့ခပ်​တုံးတုံးအရူးမျိူး။ဒါ​ပေမယ့်​ဒီအကြည့်​စူးစူးတစ်​ချက်​က​တော့ သူ့စိတ်​ထဲကကျိူးယွင်​ရှန့်​အ​ပေါ်အမြင်​ကိုနည်းနည်း​လေး​ပြောင်းလဲသွား​စေတယ်​။ ဒီမျက်​လုံး​တွေက အသုံးမကျတဲ့ခပ်​အအလူငယ်​တစ်​ယောက်​ရဲ့မျက်​လုံး​တွေမဟုတ်​ဘူး။ သို့​ပေမယ့်​သူအ​တွေးမဆုံး​သေးခင်​မှာပဲ ကျိူးယွင်​ရှန့်​ကအကြည့်​လွဲလိုက်​ပြီး​ပြောသည်​။
"သွားရ​အောင်​ခင်​များ ဝန်​ကို​စောင့်​စရာမလိုဘူး'' ဝန်​အန်​နောက်​ဆုံးအချိန်​ကျောင်း​ပြေးသွားတာသူသိတာ​ပေါ့။

တုရွှီလန်​ခေါင်းညိမ့်​ပြီးကားစထွက်​လိုက်​သည်​။ ဒါ​ပေမယ့်​သူလမ်းကြားတစ်​ခုကိုဖြတ်​သွားတဲ့အချိန်​ကျိူးယွင်​ရှန့်​ကလှမ်းတားလိုက်​တယ်​။
"ဒီမှာခဏရပ်​ကျွန်​တော်​ကြည့်​စရာတစ်​ခုရှိတယ်​''

ကားကဖြည်းညင်းစွာလမ်း​ဘေးမှာထိုးရပ်​သွားသည်​။ ကျိူးယွင်​ရှန့်​ကား​ပေါ်ကမဆင်း မှန်​တံခါးကိုသာချပြီးတံ​ထောင်​ထောက်​လျှက်​မှောင်​မည်း​နေသည့်​လမ်းကြားကိုကြည့်​ပြီးပြုံးလိုက်​သည်​။ လမ်းကြားရဲ့တစ်​ဖက်​တစ်​ချက်​မှာကမိုး​မျှော်​တိုက်​တွေနဲ့ဝန်းရံထားတာမို့ အလင်းဝင်​ဖို့မဖြစ်​နိုင်​သ​လောက်​ပဲ။ အမှိုက်​ပုံ​တွေက​နေထွက်​တဲ့အနံ့ က​ခွေး​လေလွင့်​တွေနဲ့​ကြောင်​တွေကိုဆွဲ​ဆောင်​နေတယ်​။ ရုတ်​တရပ်​ဆူညံသံတစ်​ခုကြားလိုက်​ရပြီး အရိပ်​တစ်​ခုကအမှိုက်​ပုံနှင့်​တိုက်​မိတယ်။ပြီး​တော့​မြေပြင်​ပေါ်မှာလူးလိမ့်​နေတယ်​။အမှိုက်​ပုံး​နောက်​မှာပုန်း​နေတဲ့​ကြောင်​တစ်​ကောင်​က​တော့အလန့်​တကြားထွက်​ပြေးသွားတယ်​။

အရိပ်​ထဲ​နေ​ပေါ်လာတဲ့မျက်​နှာကိုမြင်​လိုက်​ရ​တော့တုရွှီလန်​မျက်​လုံးတို့အ​ရောင်​ပြောင်းသွား​တော့သည်​။ သူချက်​ချင်း​ပြေးပြီးကယ်​ဖို့ကြိုးစား​ပေမယ့်​ကျိူးယွင်​ရှန့်​ကသူ့ပုခုံးကိုလှမ်းဆွဲထားပြီးတားလိုက်​သည်​။
"သူမ​သေနိုင်​ပါဘူး''

ကျိူးယွင်​ရှန့်​ရဲ့အသံက​ပေါ့​ပေါ့ပါးပါးပဲဆို​ပေမယ့်​သူ့လက်​ဖဝါးက​တော့အံ့သြစရာ​ကောင်း​လောက်​အောင်​အားအင်​အပြည့်​ဖြစ်​နေတယ်​။ တုရွှီလန်​ကားတံခါးလက်​ကိုင်​လွှတ်​လိုက်​ပြီး ပြုံးဖို့ကြိုးစားလိုက်​တယ်​။

ကျိူးဝန်​ကျင့်​ကပြန်​ခုခံဖို့ကြိုးစား​ပေမယ့်​သူ့မထနိုင်​သေးခင်​မှာပဲ အရပ်​ရှည်​ရှည်​နဲ့တစ်​ယောက်​ကသူ့ကိုဆွဲထူချူပ်​ထားလိုက်​တယ်​။ ဆံပင်​အ​ရောင်​ဆိုးတဲ့လူငယ်​တစ်​ချိူ့က ကျိူးဝန်​ကျင့်​ရဲ့အဖိုးတန်​ပစ္စည်း​တွေအကုန်​လုယူပြီး သူ့ကိုကန်​ကျောက်​လို့ထွက်​သွားကြကုန်​တယ်​။ ဒီလိုလူ​တွေပျားပန်းခတ်​လှုပ်​ရှားသွားလာ​နေတဲ့မြို့ကြီးမှာ​တော့ဒီလိုအဖြစ်​တွေကသာမန်​ပဲ။ ဖြတ်​သွားတဲ့တစ်​ယောက်​တစ်​လေက​တောင်​သနားကြင်​နာမှု​ပေးမယ်​လို့မရှိဘူး။ ခိုင်း​စေသူတစ်​ယောက်​အ​နေနဲ့ကျိူးယွင်​ရှန့်​သ​ဘောတကျပြုံးလိုက်​တယ်​။

ဟုတ်​တယ်​ဒီလူ​တွေက ကျိူးဝန်​ကျင့်​ကိုပညာ​ပေးဖို့ မူလကျိူးယွင်​ရှန့်​ငှါးထားတဲ့လူ​တွေ။ သူမူလကျိူးယွင်​ရှန့်​ရဲ့မှတ်​ဥာဏ်​တွေရထား​ပေမယ့်​ဒီအစီစဉ်​ကိုသူဖယ်​ထုတ်​ဖို့စိတ်​ကူးမရှိဘူး။ သူဒီဇာတ်​လမ်းကိုလာကြည့်​ရုံတင်​မကဘူး ဘုရားက​ပေးထားတဲ့အဓိဇာတ်​လိုက်​ရဲ့ကူညီသူကိုပါ​ခေါ်လာပြီးကြည့်​ခိုင်းလိုက်​သေးတယ်​။

တုရွှီလန်​နှာတံ​ပေါ်က​ရွှေမျက်​မှန်​ကိုင်းကိုပင့်​တင်​လိုက်​ပြီး​အေးစက်​လာသည့်​အကြည့်​များကိုဖုံးကွယ်​လိုက်​သည်​။ အကြီးဆုံးသားကတကယ်​ကို​သေရမှာမ​ကြောက်​ဘူးပဲ။

ကျိူးဝန်​ကျင့်​ထရပ်​လိုက်​လိုက်​ပြီးသူ့အိတ်​သူပြန်​ကောက်​ဖို့ကြိုးစားလိုက်​တယ်​။ဒီမြင်​ကွင်းကတုရွှီလန်​ရဲ့လက်​တွေsteering wheelကိုခပ်​တင်းတင်းဆုပ်​ကိုင်​ထားမိ​စေ​တော့တယ်​။ ကျိူးဝန်​ကျင့်​အ​တော်​ကြာကြိုးစားပြီးအိတ်​ကို​ကောက်​လိုက်​နိုင်​တယ်​။ ပြီး​တော့အမှိုက်​ပုံကိုတံ​တွေး​ထွေးပြီးလမ်းကြားကဖြည်းဖြည်းချင်းထွက်​လာတယ်​။ သူ့မျက်​နှာကအမူအရာမဲ့​နေ​ပေမယ့်​ကား​ထဲမှာထိုင်​ပြီးပြုံး​နေတဲ့ကျိူးယွင်​ရှန့်​ကိုမြင်​တော့ သူ့မျက်​နှာက​ဒေါသအ​ရောင်​တွေလွှမ်းသွား​တော့တယ်​။

"မင်း​ပေါ့!" သူ့အသံကအံကြိတ်​ထားတဲ့ကြားကထွက်​လာသည်​။

"အင်း အင်း '' ကျိူးယွင်​ရှန့်​ခေါင်းညိမ့်​ပြလိုက်​တယ်​။

ကျိူးဝန်​ကျင့်​ဒေါသကိုထိန်းမထားနိုင်​တော့သူ အ​ရှေ့ကိုမြန်​မြန်​ပြေးပြီး ကျိူးယွင်​ရှန့်​က ကိုထိုးဖို့ကြိုးစားလိုက်​တယ်​။ ဒါ​ပေမယ့်​ရုတ်​တရပ်​ပွင့်​လာတဲ့ကားတံခါး​ကြောင့်​မြေပြင်​ပေါ်လဲကျသွား​တော့သည်​။

ကျိူးယွင်​ရှန့်​ဖြည်းဖြည်းချင်း သူ့အနား​လျှောက်​သွားပြီး ခါးကိုင်​လျှက်​ငုံ့ ကြည့်​လိုက်​သည်​။ သူ့မျက်​လုံးတို့က​လှောင်​ရိပ်​သန်း​နေ၏်​။ကျိူးယွင်​ရှန့်​၊ ကျိူးဝန်​ကျင့်​ကိုထပ်​ဒုက္ခမ​ပေး​အောင်​ကာကွယ်​ဖို့ တုရွှီလန်​လည်းကား​ပေါ်ကဆင်းပြီး လိုက်​သွားလိုက်​သည်​။