အခန်း(၆၃) ချီရှိုးကျဲ့ဘဝ

​ကောင်းလန်​သည်​ချီရှိုးကျဲ့အား ချက်​ချင်းလက်​စတုံးပစ်​ချင်​သော်​လည်း​တော်​ဝင်​အမိန့်​တော်​က​နောက်​တစ်​နေ့မှကွပ်​မျက်​ရန်​ပြန်​တမ်း​ရောက်​လာသည်​။ အ​စောကြီးသတ်​လိုက်​ရင်​ဥပ​ဒေအရအကျိူးအ​ကြောင်းမဆီ​လျော်​ရကျလိမ့်​မည်​။ ဒါ​ပေမယ့်​မ​နေ့က​ထောင်​ဝင်​စာ​တွေ့​တော့ ချီရှိုးကျဲ့ကိုမနက်​စော​စောကွပ်​မျက်​ဖို့​ထောင်​မှူးကိုမှာခဲ့လိုက်​သည်​။​ထောင်​မှူးလည်း ဘယ်​သူဘယ်​နေရာမှာရှိတယ်​သိတာမို့ ငြင်းဆန်​ရဲမှာမဟုတ်​ပေ။

​နောက်​တစ်​နေ့နံနက်​၊​နေပင်​မထွက်​သေး​ထောင်​မှူးက ပါးကွပ်​သားနှစ်​ယောက်​ကိုအမိန့်​ပေးပြီး ချီရှိုးကျဲ့ကို ကွပ်​မျက်​ဖို့ သတ်​ကွင်းကိုဆွဲ​ခေါ်သွားကြသည်​။

"​နေ​ရောင်​ကမ​တောက်​သေးဘူး။ ယန်​ဓာတ်​က ယင်းဓာတ်​ထက်​နည်း​နေတယ်​။ မင်းတို့အခုချိန်​ငါ့ကိုသတ်​ရင်​ငါမြစ်​ဝါကိုဖြတ်​တဲ့အခါ မင်းတို့ကိုပြန်​လာ​နှောင့်​ယှက်​ရလိမ့်​မယ်​'' ကျိူးယွင်​ရှန့်​လင့်​စင်​မှာဒူး​ထောက်​နေပြီး မတုပ်​မလှုပ်​ဆိုလိုက်​သည်​။

​ရှေး​ခေတ်​က ည​နေမ​ရောက်​ခင်​သုံးနာရီအလိုမှာကွပ်​မျက်​လေ့ရှိကြသည်​။အဘယ်​ကြောင့်​ဆို ထိုအချိန်​သည်​နေ​ရောင်​အ​တောက်​ဆုံးနှင့်​ယန်​ဓာတ်​ကြွယ်​ဝဆုံး​ဖြစ်​ပြီး ရာဇဝတ်​သား၏ဝိညာဉ်​မ​ကောင်းဆိုးဝါးဖြစ်​သွားပါက ယန်​ဓာတ်​ကြောင့်​ပြိုကွဲပြီး သူတို့ကိုပြန်​ဒုက္ခမ​ပေးနိုင်​သော​ကြောင့်​ဖြစ်​သည်​။ လက်​ရှိမှာ​နေကမထွက်​သေးဘဲ ပတ်​ဝန်းကျင်​က​အေးစိမ့်​ကညှို့ မှိုင်း​နေသည်​။ ထိုအချိန်​သည်​မ​ကောင်းဆိုးဝါးများအား​ကောင်းရာအချိန်​ဟု​ရှေးလူများကယုံကြည်​ပြီးကြသည်​။ ထို့​ကြောင့်​ကျိူးယွင်​ရှန့်​စကားကိုကြားသည့်​အခါ ပါးကွပ်​သား​နှစ်​ဦးကအချင်းချင်းကြည့်​ပြီး​နေထွက်​သည်​အထိ​စောင့်​ဖို့ဆုံးဖြတ်​လိုက်​ကြသည်​။

ကျိူးယွင်​ရှန့်​ကောင်းကင်​ကို​မော့ကြည့်​လိုက်​သည်​။​နေထွက်​သည်​ကအလွန်​မြန်​၏။ လီကျင်းထျန်း အိမ်​မက်​ဆိုးမက်​ထားတာမို့အခုချိန်​နိုး​နေ​လောက်​ပြီ။ အမှန်​ပင်​ထိုအိမ်​မက်​များက သူဖန်​တီးထား​သောပုံရိပ်​ယောင်​များပင်​။​ကောင်းမင်​သည်​ဖြောင့်​မတ်​ကာတယူသန်​သည့်​လူစားမျိူးဖြစ်​သည်​။ ပုန်​ကန်​ခြင်း၊​ဖောက်​ပြန်​ခြင်း၊သစ္စာ​ဖောက်​ခြင်းနဲ့အခြားကျင့်​ဝတ်​ဖောက်​ပြားတာ​တွေဟာ သူ့စရိုက်​နဲ့တစ်​ခြားစီပင်​။

ဒါ​ပေမယ့်​အဲ့​တော့ဘာဖြစ်​လဲ ။​ကောင်းလန်​ကသူ့မိသားစုဝင်​ရာချီကိုသတ်​ထားတာ။​ကောင်းမင်​ကလည်း ချီရှိုးကျဲ့ကိုအဆိပ်​ခတ်​ပြီး သားအိမ်​ကိုပျက်​စီး​စေခဲ့တယ်​။ ချီရှိုးကျဲ့ရင်​ထဲကအမုန်းတရား​တွေက တူညီတဲ့​ပေးဆပ်​ခြင်းနဲ့​ချေဖျက်​မှပဲ​ကြေနိုင်​လိမ့်​မယ်​။ ကျိူးယွင်​ရှန့်​အ​နေနဲ့ ဇာတ်​လိုက်​သူ့ကိုလာရန်​မစရင်​ဘာမှမလုပ်​ခဲ့​ပေ။ ဒါ​ပေမယ့်​သူ့ကိုလာထိလို့ကအဆတစ်​ရာ​ပေးဆပ်​ရလိမ့်​မည်​။

​ကောင်းမိသားစုလက်​ထဲမှမ​သေရုံမကဘူး။ လီကျင်းထျန်း ၊​ကောင်းမင်​ပြီး​တော့သူတို့သား​လေးအနာဂတ်​ဘုရင်​လောင်း လီရွှီယန်း​လည်းပဲ သူ့လက်​နဲ့ဖျက်​ဆီးရလိမ့်​မည်​။ သူအခုချီရှိုးကျဲ့ကိုယ်​ကိုယူထားမှ​တော့ ချီရှိုးကျဲ့ဆန္ဒများအားလုံးကိုဖြည့်​ဆည်းရမည်​။
တကယ်​တော့ ဒီကမ္ဘာဟာအ​တော်​ပျင်းဖို့​ကောင်းသည်​။ အခုလိုလက်​စား​ချေရတဲ့ဇာတ်​လမ်းမျိူးက သူကျွမ်းကျင်​လွန်း​သောအရာများပင်​။
​နေမင်းကတိမ်​ထုကြားပြူထွက်​လာ​တော့ ပါးကွပ်​သား​တွေကအချိန်​ကိုကြည့်​ပြီး​သေရည်​အိုးအဖုံးကိုဖွင့်​ကာဓားသွား​ပေါ်​လောင်းချလိုက်​သည်​။ ထို့​နောက်​ဓားကိုမြင့်​မြင့်​မြှောက်​လိုက်​၏။

"​နေကြအုန်း​နေကြအုန်း ဓားကိုရပ်​လိုက်​!" အ​မောတ​ကောနဲ့အသံတစ်​ခုက လည်​ပေါ်ဓားမကျခင်​ကွက်​တိ​ပေါ်ဘာခဲ့သည်​။ ပါးကွပ်​သားများလှည့်​ကြည့်​လိုက်​တော့ မင်းကြီးနဲ့အပါး​တော်​မြဲမိန်းမစိုးကြီးကိုမြင်​လိုက်​ရပြီး​ကြောက်​ရွံစွာ ဒူးတုပ်​လိုက်​သည်​။
"မင်းကြီးကိုဂါရဝပြုပါတယ်​။ မင်းကြီးသက်​တော်​ရာ​ကျော်​ရှည်​ပါ​စေ''

"ဖယ်​ကြစမ်း အချိန်​တောင်​မကျ​သေးဘူး မင်းတို့ကိုဘယ်​သူကကွပ်​မျက်​ခွင့်​ပေးထားလို့လဲ'' လီကျင်းထျန်း​ဒေါသနဲ့ ထိုလူနှစ်​ဦးကိုကန်​ကျောက်​လိုက်​သည်​။
"မင်းကြီးကို​လျှောက်​တင်​ပါတယ်​။ ဒါကအမတ်​ကြီး​ကောင်းလန်​အမိန့်​ပါ ကျွနိုပ်​တို့ဘာမှမသိရပါဘူး'' ပါးကွပ်​သားများက နဖူးတိုက်​ကာဆိုလိုက်​ကြသည်​။

​ကောင်းလန်​? လီကျင်းထျန်း မျက်​မှောင်​ကြုတ်​လိုက်​သည်​။ သူ့ဆီမှာအခု မ​ရေမရာတဲ့ခံစားချက်​တွေရှိ​နေပြီ။ သူ့အမိန့်​ကို​တောင်​မှမနာခံဘဲ​နေနိုင်​ရင်​ကောင်းအိမ်​ကဘာ​တွေထပ်​လုပ်​နိုင်​သေးလဲ။ ချီမိသားစုဟာဂုဏ်​အရှိန်​အဝါအကြီးဆုံးမိသားစုဆို​ပေမယ့်​သူ့အ​ပေါ်မှာ​တော့​လေးစားမှုရှိ​သေးတယ်​။​ကောင်းလန်​က သူတို့​လောက်​တောင်​ရိုကျိူးမှုမရှိဘူး။​ကောင်းမင်​သူ့ကိုဆက်​ဆံပုံကိုလည်းကြည့်​လေ သူ​ပျော်​နေရင်​သူ့ကိုစကားတစ်​နှစ်​ခွန်း​ပြောပြီး မ​ပျော်​ရင်​မောင်းထုတ်​တတ်​သေးတယ်​။ ဘုရင်​တစ်​ပါးအ​ပေါ်ဘာရို​သေ​ကြောက်​ရွံ့ မှုမှမရှိဘူး။
အလိုလိုက်​လွန်းတာဟာ​ကောင်းတဲ့ကိစ္စမဟုတ်​ဘူး။ အခု​ကောင်းအိမ်​က​တော်​ဝင်​မိသားစုထက်​အင်​အားကြီး​နေပြီ။ ပြီး​တော့​ကောင်းမင်​နဲ့ညီ​တော်​.... သူတို့တကယ်​ပဲ​ဖောက်​ပြန်​နေကြသလား။ဘယ်​အချိန်​ကတည်းကလဲ။+

အဲ့ဒီအိမ်​မက်​ကလီကျင်းထျန်းအ​ပေါ်သက်​ရောက်​မှုအ​တော်​ပြင်းထန်​သည်​။ ဒါ​ပေမယ့်​သုံးနှစ်​ကြာ​ပေါင်းသင်းခဲ့ပြီး​နောက်​မှာ​ကောင်းမင်​ပေါ်သူ့ခံစားချက်​တွေက​ကျေးဇူးတရားက​နေ အစစ်​အမှန်​ဖြစ်​နှင့်​နေပြီ။ ဒါ​ကြောင့်​မို့ လွယ်​လွယ်​နဲ့​ကောင်းမင်​ကိုလက်​လျော့ပစ်​ဖို့ခက်​ခဲလွန်းတယ်​။

အိမ်​မက်​ကိုခဏ​လောက်​ဆန်းစစ်​ဖို့အချိန်​ပေး​ပေမယ့်​သူ့သံသယကိုမညိမ်းသတ်​နိုင်​ခဲ့။ ကိုယ့်​ကိုယ်​ကို နှစ်​သိမ့်​ဖို့ချီရှိုးကျဲ့ကိုလွှတ်​ပေးလိုက်​သည်​။

ကျိူးယွင်​ရှန့်​ဒူး​ထောက်​ဦးညွှတ်​ပြီး​ကျေးဇူးတင်​လိုက်​သည်​''ဂရုဏာနဲ့မထိုက်​တန်​တဲ့ ဒီအပြစ်​သားကိုချမ်းသာ​ပေးတဲ့အတွက်​ကျေးဇူး​တော်​ကြီးမြတ်​လှ​ကြောင်းပါ အရှင်​မင်းကြီး။ ချီမိသားစုနဲ့ကျွနိုပ်​ဖခင်​ဟာ နိုင်​ငံနဲ့မင်းကြီး​ပေါ်မှာသစ္စာရှိခဲ့ပါတယ်​။ ဒီလိုဘာ​ကြောင့်​ဖြစ်​ခဲ့ရလည်းကျွန်ုပ်​မသိ​ပေမယ့်​ကျွနိုပ်​ဖခင်​ကွပ်​မျက်​ခံရပြီး​နောက်​မှာကျွနိုပ်​လည်းလိုက်​သွားရမယ်​ဆိုတာကို နားလည်​ခဲ့ပါတယ်​အရှင်​။ အခုလိုချမ်းသာရာရလိမ့်​မယ်​လို့မထင်​ခဲ့ရိုးအမှန်​ပါ။ အခုအရှင်​ကျွန်​မှာဆန္ဒတစ်​ခုသာရှိပါတယ်​။​ကျေးဇူးပြုပြီးနား​ညောင်း​တော်​မှုပါ''

သူ့မျက်​လုံး​တွေကဝမ်းနည်း​နေ​ပေမယ့်​လူက​တော့ပူ​ဆွေးဟန်​မပြ။​သွေးစွန်း​နေ​သောအကျဉ်းသားဝတ်​ရုံကိုဝတ်​ထားသည့်​တိုင်​တော်​ဝင်​ကျက်​သ​ရေကမှုန်​ဖျသွားခြင်းမရှိ​ပေ။ ချီရှိုးကျဲ့ရဲ့ယခုပုံစံဟာ သူ့အိမ်​မက်​ထဲက ရွှမ်​ဝမ်​နန်း​ဆောင်​မှာဒုက္ခခံ​နေတဲ့ချီရှိုးကျဲ့ကိုတဖန်​ပြန်​သတိရမိ​စေသည်​။ အပြစ်​မကင်း​သောခံစားချက်​တို့အလုံးအရင်းပြန့်​နှံ့ သွားပြီး လီကျင်းထျန်း ဝတ်​ရုံကိုခါကာမျက်​နှာလွှဲပြီးဆိုလိုက်​သည်​။ ''ဘာဆန္ဒလဲ''

အဲ့ဒီအိမ်​မက်​ကအစစ်​အမှန်​ဆန်​လွန်းလို့ သူ့အာရုံ​ကြော​တွေလွန်​ဆွဲ​နေဆဲပဲ။

"အရှင်​ကျွန်​မေးချင်​တာက အရှင်​ကျွန်​မိသားစုအခုလိုအဖြစ်​မျိူးဖြစ်​ရ​အောင်​မင်းကြီးအ​ပေါ်မည်​သို့အပြစ်​ပြုခဲ့မိ​ကြောင်းသိလိုပါတယ်​။ ဒီကျွန်​ကိုလည်း မိသားစုနဲ့အတူ​သေခွင့်​ပေးပါအရှင်​''​ပြောပြီး​နောက်​မှာ အတင်းဦးတိုက်​ထားတဲ့ ကျိူးယွင်​ရှန့်​ခေါင်းပြန်​မော့ပြီး လီကျင်းထျန်း၏မျက်​လုံး​တွေကိုရင်​ဆိုင်​ကြည့်​လိုက်​သည်​။

လီကျင်းထျန်းလည်းအ​ဖြေမရှိတဲ့အ​မေးတစ်​ခုကို​မေးလိုက်​ရလို့​ကြောင်​အသွားခဲ့သည်​။ ချီမိသားစုသည်​အရမ်းရိုကျိူးပြီး သတိရှိလွန်းကာ တင်းကြပ်​စွာထိန်းချူပ်​ဖွဲ့စည်းထားသည့်​မျိူးနွယ်​ပင်​။ သူ့မှာပထမကမ္ဘာကအ​တွေ့အကြုံမရှိခဲ့ရင်​သူတို့သစ္စာကိုမယုံသင်္ကာဖြစ်​ခဲ့လိမ့်​မည်​မဟုတ်​ပေ။ သူပြန်​မွေးဖွားလာ​တော့ အရမ်း​ဒေါသထွက်​ပြီး​ကောင်းလန်​နဲ့လီဝမ်​ကို ချီအိမ်​ကိုရှင်းပစ်​ဖို့အမိန့်​ပေးခဲ့သည်​။ အခုချီရှိုးကျဲ့က တကယ့်​အ​ကြောင်းပြချက်​ကို​မေးလာ​တော့ သူ့မှာ​ဖြေစရာမရှိ​တော့။ ထိုအိမ်​မက်​ကအာရုံထဲတ​ကြော့ပြန်​လာသည့်​အခါ သူ့နှလုံးသားကိုပြင်းပြင်းထန်​ထန်​လှုပ်​ခတ်​စေသည်​။

တကယ်​လို့သူ​သေပြီး​နောက်​ချီမိသားစု က သစ္စာရှိ​နေခဲ့ပြီးသူ့မျိူးဆက်​ကို​စောင့်​ရှောက်​ပေးခဲ့ရင်​သူ့ရဲ့သစ္စာ​တော်​ခံအ​စေခံ​တွေလည်းအသတ်​မခံရဘူးလား? လီဝမ်​ကသူ့ကိုနန်း​တော်​က​နေထုတ်​ပေးလာ​ပေမယ့်​သူက​ကောင်းမင်​လက်​ကိုဆွဲထားခဲ့တာ။ သူတို့​သေတဲ့အချိန်​မှာ​တောင်​လီဝမ်​အကြည့်​တွေက​ကောင်းမင်​ဆီကလွှဲမသွားခဲ့ဘူး။ သူတို့ပထမဘဝကတည်းက ပတ်​သက်​နေခဲ့ကြတာလား။
သူပြန်​ရှင်​လာ​တော့​ကောင်းအိမ်​ကိုအယုံကြည်​လွန်​ပြီးလီဝမ်​ကိုအမြင့်​ဆုံး​မြှောက်​စား​ပေးခဲ့သည်​။​ကောင်းမင်​ရဲ့အကြံ​ပေးချင်​နဲ့ ချီမိသားစုကို​ရောအခြားသစ္စာမဲ့မိသားစု​တွေကို​ရောရှင်းပစ်​ခဲ့သည်​။ အခု​ကောင်းလန်​၊လီဝမ်​နဲ့​ကောင်းမင်​ကရာထူးအမြင့်​ဆုံးနှင့်​တော်​ဝင်​အသိုင်းအဝိုင်းထက်​သာလွန်​နေပြီ။ သူကိုယ်​တိုင်​မှာကချီမိသားစုရဲ့အ​ထောက်​အပံ့မရှိ​တော့ သူတို့ပုန်​ကန်​ကြရင်​သူဖက်​ကဘယ်​လိုပြန်​တိုက်​ရမှာလဲ။ ဒါကို​တွေးမိ​တော့သူ​ဇော​ချွေးပြန်​ပြီး​ခြေပင်​ခွေကျလုနီးဖြစ်​သွားသည်​။

"ချီ​ကွေ့ကျွင်းကို ဇီချန်​နန်း​ဆောင်​ဆီပြန်​ပင့်​ဆောင်​သွားလိုက်​တော့'' သူအား​ဖျော့စွာ​ပြောလိုက်​ပြီး အ​စေခံ​တွေရဲ့ချီရှိုးကျဲ့အ​ပေါ်ဆက်​ဆံပုံက ကြမ်းတမ်းတာမြင်​တော့ သူချက်​ချင်းထပ်​ပြောလိုက်​သည်​။ ''သမား​တော်​ခေါ်ပြီး သူ့ကိုဇီချန်​နန်း​ဆောင်​ဆီသွားခိုင်းလိုက်​ဟိုမှာကြို​စောင့်​နေလို့'' အဲ့ဒီ​နောက်​ချီရှိူးကျဲ့ကိုယ်​ပေါ်က​သွေး​တွေကိုမမြင်​ရ​လေ​အောင်​မျက်​နှာကိုလွှဲပြီးထွက်​သွားလိုက်​သည်​။

[​ကွေ့ကျွင်း - အမျိူးသားကိုယ်​လုပ်​တော်​တွေအတွက်​စာ​ရေးဆရာ​တွေ​ပေးထားတဲ့ ဘွဲ့။ sharing rain and drewမှာက​ကွေ့ချင်း လို့သုံးထားတယ်​။မိုပန်းကလေးမှာက ချင်းကျွင်းလားပဲ။ Gui က Nobel ၊ Jun က monarch, Lord စသဖြင့်​အဓိပ္ပါယ်​ရတယ်​။ တကယ့်​ရှေး​ခေတ်​မှာလည်းဘွဲ့​တွေရှိမှာပဲ​ဒါ​ပေမယ့်​မ​ပြောပြဘူး ဖုံးထားကြတယ်​]1

ကျိူးယွင်​ရှန့်​ရေ​နွေးနဲ့စိမ်​ပြီးဒဏ်​ရာ​တွေကိုသန့်​စင်​လိုက်​သည်​။ ဒီခန္ဓာဟာ နုနယ်​တယ်​ထင်​ရ​ပေမယ့်​အလွန်​သန်​မာသည်​။ ရက်​အနည်းငယ်​အတွင်းသူပြန်​ကောင်းလာလိမ့်​မည်​။

လီကျင်းထျန်းအမိန့်​အောက်​မှာသမား​တော်​တွေလည်း သူ့ကိုလျစ်​လျူမရှုရဲ။​သွေး​ကြောစမ်းပြီး​တော့​ဆေးအညွှန်း​ပေးပြီး အ​စေခံ​တွေကိုချက်​ချင်းစီစဉ်​စေလိုက်​သည်​။ ဇီချန်​နန်း​ဆောင်​သည်​နဂိုကလည်းချီရှိုးကျဲ့၏နန်း​ဆောင်​ဖြစ်​ပြီး ဗိသုကာလက်​ရာကအထက်​တန်းစားပင်​။ သူ့မိသားစုပြိုလဲ​တော့ နန်း​ဆောင်​လည်းစွန့်​ပစ်​ခံရပြီး အ​စေခံ​တွေပါအသတ်​ခံရသလို တစ်​ချိူ့ကထွက်​ပြေးကုန်​သည်​။
ခန်းစီးအားတိုး​ဝှေ့​နေ​သော​လေ​ပြေက နန်း​ဆောင်​ကိုပိုလို့အထီးကျန်​စေသည်​။ ကျိူးယွင်​ရှန့်​ဆံပင်​စို​တွေကို​ခြောက်​သွေ့​အောင်​လုပ်​ပြီး ပြတင်းနားကကတီပါ​အောက်​ခံ​ပျော့ခင်းခုံမှာ ထိုင်​လိုက်​ပြီး​နေမင်းကြီးကို​ငေး​နေမိသည်​။ အဲ့ဒီ​နောက်​ရယ်​လိုက်​၏။

လီကျင်းထျန်​၊ ချီရှိုးကျဲ့ကိုလွှတ်​ပေးလိုက်​တာ​ကောင်းမင်​လုံးဝ​ကျေနပ်​မှာမဟုတ်​ဘူး။ အရင်​ကဆိုရင်​တော့​ကောင်းမင်​ကျေနပ်​ဖို့ လီကျင်းထျန်းဘာမဆိုလုပ်​ကောင်းလုပ်​နိုင်​တယ်​။ ဒါ​ပေမယ့်​အခုက သူ့မှာသံသယ​တွေတွယ်​ကပ်​နေပြီ။ သူတို့ဆန့်​ကျင်​လေ သူ့သံသယ​တွေပိုများ​လေပဲ။ ဒါ​ပေမယ့်​ကိစ္စမရှိ။ အနာဂတ်​မှာ​ကောင်းမင်​ကနိုင်​ငံ​ရေးမှာပိုစွတ်​ဖက်​ပြီး စစ်​ပွဲအတွက်​ဦး​ဆောင်​ဖို့​တောင်းဆိုလိမ့်​မယ်​။ မူလဇာတ်​ကြောင်းမှာ လီကျင်းထျန်းကလွယ်​လွယ်​နဲ့သ​ဘောတူခဲ့သည်​။ ဒါ​ပေမယ့်​အခု​တော့​ကောင်းမင်​လုပ်​သမျှလီကျင်းထျန်း​သံသယပိုပွား​စေရုံသာ။

သံသယဆိုတဲ့အမျိူးဟာအ​စေ့ချလိုက်​တာနဲ့ အ​ညှောင့်​တက်​တာတားဖို့ခဲယဉ်းလွန်းသည်​လေ။

ကျိူးယွင်​ရှန့်​က​တော့လက်​တစ်​စုံမှမ​ပေဘဲ သူတို့အချင်းချင်းသတ်​တာ​ဘေးကထိုင်​ကြည့်​မည်​။ ဇာတ်​လမ်းပြီးဆုံးဖို့ အတွက်​ယန်​ကောဘုရင်​သစ်​တစ်​ပါးကိုသူပျိူး​ထောင်​ဖို့​တော့လိုလိမ့်​မည်​။ ချီရှိူးကျဲ့ဆန္ဒ​တွေဖြည့်​ပြီးတာနဲ့ သူကမ္ဘာပတ်​ပြီး​လျှောက်​သွားမည်​။​ရွှေပုလ္လင်​၌အချူပ်​အ​နှောင်​မခံနိုင်​။ ဘုရင်​ဆိုသည်​မှာ​ခွေးထက်​နောက်​ကျအိပ်​ရပြီးကြက်​ဖထက်​စောထရသည့်​သူဖြစ်​သလို မှူးမတ်​တွေရဲ့ထိန်း​ကြောင်းခံရသူမို့ လွတ်​လပ်​မှုအစစ်​အမှန်​ဆိုတာမရှိ​ပေ။ ပြီး​တော့ သူ့ချစ်​သူကိုလည်းရှာရအုန်းမယ်။ အခုတစ်​ခါဘယ်​သူများဖြစ်​နေမလဲစိတ်​ဝင်​စားလှပြီ။ ဒါကို​တွေးမိ​တော့ ကျိူးယွင်​ရှန့်​မေးကိုပွတ်​ပြီးညင်​သာစွာပြုံးလိုက်​မိ၏။

ညီလာခံမှာ​တော့ မှူးမတ်​တွေ​ရှေ့မှာ​ကောင်းလန်​က ချီရှိုးကျဲ့ကိုလွှတ်​ပေးမယ့်​အစီအစဉ်​ကိုအပြင်းအထန်​ကန့်​ကွက်​နေသည်​။ ချီရှိုးကျဲ့ဟာကျားတစ်​ကောင်​ဖြစ်​ပြီး သူ့အကွက်​မှာ​ထောင်​ချောက်​မိမခံသင့်​ကြောင့်​ထပ်​တလဲလဲ​လျှောက်​တင်​သည်​။ အခြားအမတ်​တွေလည်းသူ့စကားကို​ထောက်​ခံပြီး လီဝမ်​တောင်​မှသူ့ကို​ဖျောင်းဖျလာသည်​။

​ကောင်းလန်​နဲ့လီဝမ်​ရဲ့နန်းတွင်​အ​ပေါ်လွှမ်းမိုးမှုကို လီကျင်းထျန်းပထမဦးဆုံးအကြိမ်​လေးပင်​စွာခံစားမိသွားသည်​။ သူ့ရင်​ထဲကသံသယဟာအခု​တော့အခက်​အလက်​စုံတဲ့သစ်​ပင်​ကြီးဖြစ်​နေပြီ။​ကောင်းလန်​ရဲ့​လျှောက်​လဲချက်​ကိုငြင်းဆိုပြီး သူညီလာခံသိမ်းပစ်​လိုက်​သည်​။

ယန်​ရှင်းနန်း​ဆောင်​ကိုပြန်​ရောက်​တော့​ကောင်းမင်​ကအထဲမှာ မှတ်​တမ်းစာအုပ်​ကိုဖတ်​နေပြီး​တော်​ဝင်​စုတ်​တံနှင့်​ရေးမှတ်​နေသည်​။ သူက​တော်​ဝင်​ကုလားထိုင်​မှာထိုင်​နေပြီး ရင်းနှီးသည့်​တော်​ဝင်​လက်​ဖက်​ရည်​ရနံ့ ကပြန့်​လွင့်​နေသည်​။

ဒီလိုမြင်​နေကျမြင်​ကွင်းသည်​လီကျင်းထျန်းမျက်​ဆန်​များကိုကျူံ့ သွား​စေသည်​။ ဒါ​ပေမယ့်​ကောင်းမင်​ဟာသူ့ကိုဖက်​ပြီး အတူ​သေပွဲဝင်​ခဲ့တာကိုပြန်​သတိရ​တော့ သူ့မျက်​နှာတင်းမာမှု​လျော့ကျသွားသည်​၊ အိမ်​မက်​လေးတစ်​ခုကဘယ်​လိုလုပ်​အနာဂတ်​ကိုတွက်​ဆနိုင်​မှာလဲ။​ကောင်းမင်​နဲ့လီဝမ်​ကအဆက်​အဆံ​တောင်​သိပ်​မလုပ်​တာ ဘယ်​လိုလုပ်​ဖောက်​ပြန်​နေရမှာလဲ။
ကြိမ်​ဖန်​များစွာကိုယ့်​ကိုယ်​ကိုတရားချပြီး လီကျင်းထျန်း​အထဲကိုဖြည်းဖြည်းချင်းဝင်​သွားကာ​ကောင်းမင်​ကိုဖက်​လိုက်​သည်​။

ဒါ​ပေမယ့်​ကောင်းမင်​ကသူ့ကိုချက်​ချင်းတွန်းထုတ်​ပြီး ''ခင်​များ ချီရှိုးကျဲ့ကိုလွှတ်​ပေးလိုက်​တယ်​ဆို''

လီကျင်းထျန်းကပြန်​မ​ဖြေ။

​ကောင်းမင်​ကဆက်​ပြီး ''သူနဲ့ရွှမ်​ဝမ်​ခင်​များကိုဘယ်​လိုသစ္စာ​ဖောက်​ခဲ့ဆိုတာ​မေ့သွားပြီလား။ သူ့မိသားစုတစ်​ခုလုံးသတ်​ပြီးမှာ ဘာလို့ကျား​မွေး​နေအုန်းမှာလဲ''
"သူဘယ်​လိုလက်​တုန့်​ပြန်​မှာလဲ။ သူ့မိသားစုမှာသူတစ်​ယောက်​ပဲကျန်​တာ သူ့ခန္ဓာကလည်းမင်းအဆိပ်​ခတ်​ထားလို့ သားမ​မွေးနိုင်​တော့ဘူး​လေ။ဘယ်​လိုနည်းနဲ့လက်​တုန့်​မှာလဲ'' လီကျင်းထျန်​ပင်​ပန်းစွာနဲ့မျက်​ရိုးကိုညစ်​လိုက်​သည်​။ ''သူဘာမှမလုပ်​နိုင်​ဘူး လွှတ်​ထားလိုက်​ပါ''.+

ရွှမ်​ဝမ်​သူ့ကိုသတ်​ခဲ့တုန်းကတည်းက ချီရှိုးကျဲ့သူ့အ​ပေါ်သစ္စာရှိခဲ့တယ်​ဆိုတာကို​မေ့ထားလိုက်​သည်​။ အိမ်​မက်​ကအမှန်​ဆိုရင်​သူ့ကိုယ့်​ဓားကိုယ်​ပြန်​ချိူးမိတာပဲ။ သူ့ကိုသူများအနိုင်​ယူနိုင်​အောင်​အားနည်းချက်​ကိုထုတ်​ပြထားခဲ့မိတယ်​။ သူနှစ်​ဘဝ​တောင်​နေခဲ့ပြီးတာ​တောင်​ဆုံးဖြတ်​ချရာမှာ အခုဘဝကအရူးမိုက်​ဆုံးပဲ။

​ကောင်းမင်​ရဲ့စကားနာထိုးချက်​တွေကိုနား​ထောင်​ပြီး လီကျင်းထျန်း​ခေါင်းကိုက်​လာသည်​။​ကောင်းမင်​ကသူ့စိတ်​မသက်​သာမှုကိုမြင်​ပေမယ့်​ခပ်​မဲ့မဲ့ပြုံးပြီး​တော့သာထွက်​သွား​လေသည်​။

ဥ​ပေက္ခာပြုထွက်​ခွာသွားတဲ့​ကောင်းမင်​ကျောပြင်​ကို​ငေးရင်း လီကျင်းထျန်းရင်​ထဲကတစ်​ဆစ်​ဆစ်​နာသည်​။