အခန်း(၆၆) ချီရှိုးကျဲ့ဘဝ

ဆဋ္ဌမမင်းသားငယ်​ဟာစုတ်​ပဲ့ပဲ့အ​နောက်​ဆောင်​ဝန်းထဲက​နေ ဇီချန်​နန်း​တောင်​ကို​နေ့မဆိုင်းပဲ​ပြောင်းလာခဲ့သည်​။ သယးအဖနှစ်​ဦးသားပင်​မ​ဆောင်​များမှာ​နေထိုင်​ကြပြီးကြားထဲတွင်​ခန်းမတစ်​ခုသာခြားသည်​။ ဇီချန်​နန်း​ဆောင်​၏နံရံများက​တော့နန်း​တော်​မှအပြင်​သို့ခွဲထွက်​နေဟန်​ရှိပြီး​တော်​ဝင်​နန်း​ငွေ့များနှင့်​ကင်းစင်​၍တသီးတသန့်​ဖြစ်​တည်​နေသည်​။ လီကျင်းထျန်းက နန်း​ဆောင်​ကိုလူလွှတ်​ပြင်​ဆင်​ခိုင်းခဲ့ပြီးဆုလာဘ်​တော်​များလည်းချီးမြင့်​လိုက်​သေးသည်​။

ဆဋ္ဌမမင်းသားငယ်​၏ထမင်းကိုခိုးစား​သော အ​စေခံမှာ​သေဒဏ်​ပေးခြင်းခံရပြီး ဤသည်​ကလီကျင်းထျန်းထိုသားအဖအ​ပေါ်အ​ရေး​ပေး​ကြောင်း​ဖော်​ပြ​နေဟန်​သက်​ရောက်​သွား​လေသည်​။ အဲ့ဒီအချိန်​ကစလို့ ဇီချန်​နန်း​ဆောင်​အ​စေခံ​တွေဟာ အပိုးကျိူးပြီး ချီရှိုးကျဲ့ကိုအ​စေခံလိုမဆက်​ဆံရဲကြ​တော့​ပေ။ လီကျင်းထျန်းဟာ ချီရှိုးကျဲ့ကိုမြတ်​နိုးလို့အသက်​ချမ်းသာခွင့်​ပေးခဲ့သလို မင်းသားတစ်​ပါးကိုလည်း​မွေးစားခွင့်​ပြုထား​သေးတယ်​။ ချီ​ကွေ့ကျွင်းဟာ သာမန်​ကိုယ်​လုပ်​တော်​လေးမဟုတ်​ကြောင်းလူတိုင်းကနှလုံးသွင်းထားကြကုန်​သည်​။

ကျိူးယွင်​ရှန့်​ဟာ လီရွှီသုန်းနဲ့ရင်းနှီးလာ​အောင်​ကြိုးစား​နေတဲ့အချိန်​တပြိုင်​နက်​ထဲမှာအ​ရှေ့နန်း​တော်​ရာကသတင်းကိုလည်းနားစွင့်​နေသည်​။ လီကျင်းထျန်းဟာ systemက​ဖော်​ပြတဲ့အတိုင်း​ကောင်းမင်​ကိုအင်​မတန်​ချစ်​ပြီး သံသယများ​နေတာ​တောင်​မှ သူတို့သားအဖဆီတစ်​နေ့တစ်​ခေါက်​သွားလည်​ဖို့မပျက်​ကွက်​ပေ။ အခြားကိုယ်​လုပ်​တော်​တွေကို မျက်​နှာသာမ​ပေးသည်​ကလည်းအရင်​တိုင်းပင်​။+

သူဟာအချစ်​ကိုလက်​မ​လျော့နိုင်​သလို ဒါကိုလည်း​ကောင်းမင်​ကသတိထားမိ​တော့ပိုအတင့်​ရဲ​နေ​သေးသည်​။ ထားပါ​တော့ ဒါကဘယ်​လောက်​များကြာနိုင်​မှာမို့လဲ ၊ အနက်​ရှိုင်းဆုံးဆိုတဲ့ခံစားချက်​တွေ​တောင်​မှအ​ရောင်​မှိန်​သွားနိုင်​သေးတာပဲ။ တစ်​ဖက်​ကသိပ်​ချစ်​နေပါလျက်​နဲ့တစ်​ဖက်​ကသိပ်​စိမ်းကား​နေရင်​ဘယ်​လောက်​ဇွဲ​ကောင်းတယ်​ဆိုထားအုန်း ဘယ်​လောက်​များကြာနိုင်​မှာမို့လဲ။ အချစ်​နဲ့အမုန်း​ဆိုတာ​ခေါင်းနဲ့ပန်းလိုပဲမို့ သူတို့ပြတ်​စဲမှုဟာအချိန်​တစ်​ခုလို​နေ​သေးရုံသက်​သက်​ပဲ။

သူ့ရဲ့ဆန်းကျယ်​တဲ့ချစ်​သူကိုရှာဖို့က​တော့ သူများမျက်​စိ​အောက်​နေ​နေရသ၍ဖြစ်​နိုင်​အုန်းမှာမဟုတ်​ဘူး။ ဒါ​ပေမယ့်​သူ့သားသာတိုင်းပြည်​ဥ​သျှောင်​ဖြစ်​လာတဲ့အခါ လူတစ်​ယောက်​ကိုရှာဖို့ကဘာများခက်​မှာလဲ။ ဒါ​ကြောင့်​မို့ကျိူးယွင်​ရှန့်​ဆန္ဒကိုအချိန်​မကျ​သေးသ၍မြုံထားဖို့ဆုံးဖြတ်​လိုက်​သည်​။7
တစ်​နေ့သူ​ညောင်​စောင်းမှာထိုင်​ရင်းစာဖတ်​နေတဲ့အချိန်​အ​စေခံတစ်​ဦးကခပ်​သွက်​သွက်​တိုးကပ်​လာပြီး သူ့အားတီးတိုး​ပြောသည်​။ ''သခင်​ဆဋ္ဌမမင်းသား​လေးရဲ့အထိန်း​တော်​ကြီးကသခင့်​ကိုအ​ဆောတလျင်​တွေ့ချင်​နေပါတယ်​။ မင်းသား​လေးမ​ကောင်းတာတစ်​ခုခုလုပ်​ထားတယ်​လို့ဆိုပါတယ်​''

"ဘာမ​ကောင်းတာလုပ်​ထားတာလဲ'' ကျိူးယွင်​ရှန့်​စာအုပ်​ကိုချပြီးဖိနပ်​စီးကာ အထိန်း​တော်​အမျိူးသမီးကို​ကျော်​ပြီး မင်းသား​ခြောက်​အခန်းရှိရာဦးတည်​သွားလိုက်​သည်​။

"​ကွေ​ကွေ့ကျွင်း ၊ မင်းသား​ခြောက်​လေ သူ..သူရူး​နေပြီထင်​တယ်​!မြန်​မြန်​သွားကြည့်​ပါအုန်း!"

ရူးတယ်​? လူ​ကောင်းက​နေဘယ်​လိုလုပ်​ရုတ်​တရက်​ရူးရမှာလဲ။ ဒါ​ပေမယ့်​ကောင်းမင်​ဟာချီရှိုးကျဲ့ကိုအဆိပ်​ခပ်​ခဲ့သလို မင်းသား​ခြောက်​ရဲ့အ​စေခံ​တွေထဲမှာလည်း သူလျှိုထည့်​ထားတာပြန်​သတိရလိုက်​သည်​။ ထိုအပြုအမူများက ဂုဏ်​အသ​ရေရှိစစ်​သူကြီး​ကောင်းနှင့်​ပင်​မတူ မလိုတမာစိတ်​များ​သောကိုယ်​လုပ်​တော်​ခပ်​ညံ့ညံ့တစ်​ယောက်​၏စရိုက်​ဆန်​လှသည်​။ ကျိူးယွင်​ရှန့်​သတိလက်​လွှတ်​နေမိတာပဲ သူလျှို​တွေကိုအ​စောကတည်းကရှင်းပစ်​သင့်​တာ။

ဒါကို​တွေးရင်း လီရွှီသုန်းအ​ဆောင်​နား​ရောက်​လာ​တော့ အ​စေခံ​တွေကခပ်​သွက်​သွက်​သူ့ထက်​အရင်​လျှောက်​ပြီး တံခါးရွက်​ကို​ဘေးသို့တွန်း​ပေးလိုက်​သည်​။ ထို့အတူ​သွေးညှီနံ့တို့က​လေထဲပြန့်​လွင့်​လာ၏။ ကျိူးယွင်​ရှန့်​ခြေချလိုက်​တယ်​ဆိုရုံတင်​ပဲ ဆူးကြာပွတ်​ကိုကိုင်​ထားသည့်​လီရွှီသုန်းနှင့်​ဒူး​ထောက်​နေသည့်​အ​စေခံသုံး​ယောက်​ကို အံ့အားသင့်​စွာမြင်​လိုက်​ရသည်​။ အရိုက်​ခံထားရသည့်​အ​စေခံများမှာ အညိုအမည်းနဲ့​သွေးများစွန်း​နေပြီး အသက်​ပင်​လုရှူ​နေရသည်​။

"အရှင်​ကယ်​ပါ! မင်းသား​ခြောက်​ရူး​နေပြီ!" အ​စေခံတစ်​ဦးက ကျိူးယွင်​ရှန့်​ကို မြင်​သည်​နှင့်​အော်​ဟစ်​အကူအညီ​တောင်း​လေသည်​။ သူ့ခန္ဓာမှဒဏ်​ရာများကပွင့်​ဟ​နေပြီး​သွေးများတစက်​စက်​ကျ​နေ​သေးသည်​။

လီရွှီသုန်း၏မျက်​နှာမှာမည်း​မှောင်​နေပြီး လက်​တွင်​ကိုင်​ထားသည့်​ကြာပွတ်​မှာတဆတ်​ဆတ်​တုန်​နေသည်​။ ဒီလူ​တွေကိုသူသည်းခံခဲ့တာကြာလှပြီ။ သူ့အစားအ​သောက်​နဲ့​ငွေ​တွေခိုးယူရုံမကဘူး သူ့ကိုလည်း​ခွေးတစ်​ကောင်​လိုအနိုင်​ကျင့်​ရိုက်​နှက်​တတ်​သေးတာ။ သခင်​ကိုအနိုင်​ကျင့်​ပျော်​ရွှင်​နေတာ ဘယ်​မှာအ​စေခံလို့​ခေါ်ရမှာလဲ။ ဦးကုန်းတိုက်​ပြီးဖိနပ်​ကိုအတင်းလျှက်​ခိုင်းခံရသလို​ဆောင်းချမ်းချမ်းမှာ​ရေ​အေး​အေးပဲချိူးရပြီး​လေထန်​ထန်​ညမှာအ​နွေးထည်​မပါဘဲရပ်​နေခဲ့ရတယ်​။ အဲ့ဒီအပြင်​ဂွကြားကဖြတ်​တွားသွားခိုင်းပြီး​နောက်​တစ်​ယောက်​က​လှောင်​ပြောင်​နေတတ်​သေးတာ။ သူရုန်းကန်​ချင်​ပေမယ့်​အညတရမင်းသားတစ်​ပါးမို့ ဘယ်​အားကိုးနဲ့မာန်​လုပ်​ရဲရမှာလဲ။ သူ့အဆင့်​ကမင်းသမီးတစ်​ပါးရဲ့အချစ်​တော်​အ​စေခံ​လောက်​မှမရှိတာ​လေ။ အမုန်းတရား​တွေကို​တောင်​ထုတ်​မပြနိုင်​ဘဲ ဆာ​လောင်​မှု​တွေ​အေးစက်​မှု​တွေနဲ့နှိပ်​စက်​မှု​တွေကိုသည်းခံခဲ့တာ။ တစ်​နေ့​တော့ဒီလူ​တွေကိုသတ်​ပြီး သူပါ​သေပစ်​ဖို့​တွေးမိတဲ့အထိပဲ။+

ဒါ​ပေမယ့်​သူ့ဒုက္ခ​တွေဟာ ချီ​ကွေ့ကျွင်း​ပေါ်လာတဲ့​နောက်​အနည်းငယ်​လျှော့ပါးသွားပြီး ငရဲပြည်​ထဲ​နေအလင်းတဖျကျလာသလို​လေနု​အေးတစ်​ချက်​ဝှေ့တိုက်​လာသလို သူ့ကိုခံစားရ​စေတယ်​။ သူ့ကိုကာကွယ်​မယ်​လို့​ပြောခဲ့ပြီး သူထပ်​မသိမ်​ငယ်​ရ​တော့ဘူးလို့ကတိ​ပေးထားတာ​ကြောင့်​မျှော်​လင့်​ချက်​အမျှင်​တန်းရှည်​ခဲ့ရသည်​။

ချီ​ကွေ့ကျွင်း ထိုစကားများ​ပြောစဉ်​ကသူ့​သွေး​တွေပွက်​ပွက်​ဆူပြီး​ပျော်​ရွှင်​မှုကနှလုံးသားထိ​ပေါက်​ကွဲထွက်​လာခဲ့သည်​။ သူ့မှာ​နောက်​ဆုံး​တော့မိသားစုရှိလာပြီ ဘယ်​သူ့ကိုမှ​ကြောက်​စရာမလို​တော့ဘူးဟု၍ သူထင်​ခဲ့သည်​။ ဒါ​ပေမယ့်​လို့သူ့ကိုနှိပ်​စက်​တဲ့အ​စေခံ​တွေဇီချန်​နန်း​ဆောင်​ကို လိုက်​ပါလာ​တော့​ဒေါသမထိန်းနိုင်​ဘဲကိုယ်​တိုင်​အ​သေသတ်​ဖို့လက်​ပါသွားမိသည်​။

သူဟာ​သွေးဆာသူတစ်​ယောက်​မှန်းသူ့ကိုယ်​သူသိပါသည်​။ ညနက်​တွေတိုင်းမှာ ဒီလူ​တွေကိုနည်းမျိူးစုံနဲ့ညှင်းပမ်းနှိပ်​စက်​နေ​သောအိမ်​မက်​များ ရက်​ဆက်​မက်​နေခဲ့ပြီး ထိုအိမ်​မက်​အ​ပေါ်စိတ်​လှုပ်​ရှား​ပျော်​ရွှင်​နေခဲ့သည်​။ သူ့အ​တွေး​တွေဘယ်​လောက်​ကြောက်​စရာ​ကောင်းသလဲဆိုတာ သူသိတာ​ကြောင့်​သရဲ​ဘော​ကြောင်​တဲ့မျက်​နှာဖုံးနဲ့စိတ်​ရင်းကိုဖုံးကွယ်​ထားရသည်​။ ချီ​ကွေ့ကျွင်း ကို​တော့ သူ့ရဲ့အကျည်းတန်​တဲ့မျက်​နှာကိုဘယ်​သောအခါမှမ​တွေ့​စေခဲ့လိုပါ။
ဒါ​ပေမယ့်​က​လေးသာသာလီရွှီသုန်းဟာ သူ့ရဲ့တိတ်​တဆိတ်​ညှင်းပမ်း​နေမှုကိုအခြားအ​စေခံတစ်​ဦးက သူမသိ​စေချင်​တဲ့လူကိုပြန်​ပြောပါလိမ့်​မယ်​လို့ဘယ်​တွေးမိပါ့မလဲ။
အခု သူ့ကိုယ်​သူပါးကွပ်​အောက်​ကရာဇဝတ်​သားလို ချီ​ကွေ့ကျွင်း​ခေါင်းဖြတ်​မယ့်​အချိန်​ထိုင်​စောင့်​ရသည်​ဟုခံစား​နေရသည်​။
ကျိူးယွင်​ရှန့်​ဖြည်းဖြည်းချင်း​လျှောက်​လာပြီးဆူးကြာပွတ်​ကိုဆွဲယူကာ လီရွှီသုန်းလက်​ကိုလွှဲရိုက်​လိုက်​သည်​။ ချွန်​မြ​သောဆူးချွန်​တို့က အသားတွန်းစိုက်​ဝင်​ပြီး​သွေးများစိမ့်​ထွက်​လာသည်​။ အခန်းတွင်းမှအ​စေခံကမျက်​နှာကိုအလျင်​အမြန်​လွှဲလိုက်​သောငြား နှုတ်​ခမ်းတွင်​တော့အပြုံးရှိ​နေသည်​။

လီရွှီသုန်းက​တော့ ချီ​ကွေ့ကျွင်းသူ့ကို ဘာ​ဖြေရှင်းမှမ​တောင်းဘဲရိုက်​နှက်​လိုက်​သည်​မို့စိတ်​ပျက်​သွားပြီးစွန့်​ပစ်​တော့မည်​ဟု​တွေးမိလိုက်​သည်​။ ဒါက ကာကွယ်​ပေးခြင်းတဲ့လား၊ အချစ်​? မှီခိုရာ? ကျူပ်​ကခင်​များ​နေရာမြဲဖို့ရုပ်​သေးလား? လီရွှီသုန်း အံကိုကြိတ်​ထားပြီးအ​စော်​ကားခံရမှုအတွက်​မျက်​ရည်​ကျမလာ​အောင်​တင်းခံထား​လေသည်​။ ဘယ်​သူကမှသူ့ကိုငို​အောင်​မလုပ်​နိုင်​သလိုရင်​နာ​အောင်​လည်းမလူပ်​ခဲ့နိုင်​ကြဘူး။ ဒါ​ပေမယ့်​သူ့ကို​မျှော်​လင့်​ချက်​တစ်​လှေကြီး​ပေးခဲ့တဲ့ ဒီလူက​တော့ အသူတရာ​ချောက်​နက်​ထိတွန်းပို့နိုင်​ပြီး နှလုံးသားကိုနာကျင်​အောင်​အလွယ်​တကူလုပ်​နိုင်​သည်​။
သူချီ​ကွေ့ကျွင်းကိုချစ်​ခင်​လေးစားမှုနဲ့အမြဲမြင်​ခဲ့​ပေမယ့်​အခု​တော့နာကျည်းချက်​ဝင်​လာခဲ့ပြီ။ဒါ​ပေမယ့်​သူ့ကိုအနိုင်​ကျင့်​ခဲ့လူ​တွေနဲ့တစ်​တန်းထဲထား ပြန်​လည်​လက်​စား​ချေနာကျင်​အောင်​လုပ်​ဖို့ကသူ​တွေးလို့ပင်​မရ​ပေ။
"မင်းဘာအမှားလုပ်​လိုက်​လဲသိလား?'' ကျိူးယွင်​ရှန့်​၊ လီရွှီသုန်း​မေးကိုဆွဲညစ်​ပြီး သူ့နဲ့မျက်​လုံးချင်းဆိုင်​ခိုင်းလိုက်​သည်​။

လီရွှီသုန်း လက်​သီးဆုပ်​ကိုအကြိမ်​ကြိမ်​ဖြေ​လျော့တင်းဆုတပ​လုပ်​ပြီးမှပြန်​ဖြေလိုက်​သည်​။ ''ကျွန်​တော်​ဘာမှားလဲသိပါတယ်​''

"မင်းဘာမှားလဲ​ပြောစမ်းပါအုန်း''

"ကျွန်​တော်​မရက်​စက်​သင့်​ဘူး''

"ငတုံး!" ကျိူးယွင်​ရှန့်​၊ လီရွှီသုန်း မျက်​နှာခပ်​နာနာထပ်​ညစ်​လိုက်​သည်​။

အခုမှပဲ လီရွှီသုန်းမျက်​နှာကနာကျင်​ဟန်​ပြ​တော့သည်​။
ကျိူးယွင်​ရှန့်​က ဆက်​ပြီး ''မင်းက​တော်​ဝင်​မင်းသားတစ်​ပါး သူတို့ကအ​စေခံ။ မင်းက​ကြွေထည်​၊ သူတို့က​မြေထည်​အစအန​တွေသက်​သက်​ပဲ။ မင်းနဲ့သူတို့အဆင့်​အတန်းကမိုးနဲ့​မြေမှာ ဘယ်​လိုလုပ်​နှိုင်းယှဉ်​မှာလဲ။ မင်းသာစိတ်​ထဲသ​ဘောမကျရင်​အမိန့်​သာ​ပေးလိုက်​အခြားလူကမင်းအစားရှင်း​ပေးမှာပဲ။ ဘာလုပ်​ဖို့ကိုယ့်​လက်​ကိုယ်​ညစ်​ပတ်​အောင်​လုပ်​ပြ သိက္ခာအကျခံရသလဲ။​နောက်​တစ်​ချက်​မင်းရဲ့အားနည်းချက်​ကိုသူများတကာအလွယ်​တကူရှာ​တွေ့​အောင်​ပြထားလို့ဖြစ်​မလား။ မင်းအခုလုပ်​နေတာ​တွေကအရမ်းဦး​နှောက်​မရှိရာကျတယ်​မထင်​ဘူးလား'' ကျိူးယွင်​ရှန့်​တံခါးဝနားမှအ​စေခံမကို​ဝေ့ကြည့်​ရင်းစကားကိုအဆုံးသတ်​လိုက်​သည်​။+

လီရွှီသုန်း အံ့သြမျက်​လုံးများနှင့်​ကျိူးယွင်​ရှန့်​ပြေားကားများကိုအဓိပ္ပါယ်​ကောက်​နေမိ​တော့သည်​။
ကျိူးယွင်​ရှန့်​၊ လီရွှီသုန်း​မေးကိုလွှတ်​ပေးလိုက်​ပြီးလက်​ပေါ်က​သွေး​တွေကိုသုတ်​လိုက်​ကာ​အေးစက်​စက်​အမိန့်​ပေးလိုက်​သည်​။ ''လာကြစမ်း ၊ ဒီ​လေး​ယောက်​ကမင်းသား​ခြောက်​ကိုမရိုမ​သေပြုတာမို့​သေဒဏ်​ပေးလိုက်​''

လီကျင်းထျန်းဟာ ချီရှိုးကျဲ့ကိုမချစ်​ပေမယ့်​လို့အပြစ်​မကင်းစိတ်​ရှိ​နေတာ​ကြောင့်​တတ်​နိုင်​သမျှအ​ကောင်းဆုံးဖြစ်​အောင်​ထား​ပေးထားသည်​။ ဇီချန်​နန်း​ဆောင်​အတွင်းအပြင်​မှာ အ​စောင့်​တစ်​ရာထက်​မနည်းရှိပြီး အားလုံးကချီရှိုးကျဲ့အမိန့်​အောက်​တာဝန်​ထမ်း​ဆောင်​ကြရသည်​။ အသံဆုံးသည်​နှင့်​အ​စောင့်​များကဓားဝင့်​လျှက်​ဝင်​လာပြီး ငိုယို​နေ​သောအ​စေခံများကိုဆွဲထုတ်​သွားကြသည်​။

"ခမည်း​တော်​'' လီရွှီသုန်း လက်​ရှိအ​ခြေအ​နေသို့စိတ်​ပြန်​ရောက်​လာပြီး​ပျော်​ရွှင်​မှု​ကြောင့်​နှလုံး​သွေးများ တထိတ်​ထိတ်​တိုးလာသည်​။ လူတစ်​ကိုယ်​လုံးလည်း​လေ​ပေါ်မှာ​မြောလွင့်​နေသလိုမျိူး။ သူကျိူးယွင်​ရှန့်​လက်​ကိုဆုပ်​ကိုင်​လိုက်​သည်​။ ဒီလူကသူ့ကို​မြေကြီးနဲ့တသားထဲကပ်​အောင်​လုပ်​နိုင်​ပါ​စေအုန်း၊ သူ့ရဲ့တစ်​ခုတည်း​သောခိုကိုးရာဖြစ်​ပါ​စေအုန်း သူလက်​မလွှတ်​တော့ဘူး။ ခမည်း​တော်​သူ့ကိုမုန်း​နေမယ်​စွန့်​ပစ်​သွားမယ်​လို့ဘာလို့​တွေးပစ်​ရတာလဲ။ ခမည်း​တော်​ကသူ့မိသားစု သူ့ကိုအမြဲချစ်​နေမှာ။ ခမည်း​တော်​ပြောတာမှန်​တယ်​သူတကယ်​ရူးမိုက်​ရာကျသွားခဲ့တယ်​။3

လီရွှီသုန်း ဟာ အ​ပျော်​လုံးဆို့​နေတာ​ကြောင့်​အခြားဘာမှမ​ပြောနိုင်​ဘဲ ကျိူးယွင်​ရှန့်​လက်​ကိုဖမ်းဆွဲပြီး ခမည်း​တော်​တစ်​ခွန်းသာဆိုနိုင်​တော့သည်​။
"ဒါကဘာပုံစံလဲ အ​စောကမိစ္ဆာ​ကောင်​လေးကဘယ်​နား​ရောက်​သွားတာလဲ။'' ကျိူးယွင်​ရှန့်​လက်​ကိုခါထုတ်​ပြီး ''မင်းအပြစ်​ဒဏ်​ကိုမင်း​မေ့သွားပြီလား''

"သား​တော်​မှတ်​မိပါတယ်​'' လီရွှီသုန်းအမြန်​ဖြေလိုက်​သည်​။ ဒါ​ပေမယ့်​တကယ်​လို့ သူ့မှာအမြှီးသာရှိရင်​ပျော်​လွန်းလို့တရမ်းရမ်းဖြစ်​နေလိမ့်​မှာအ​သေချာ။ ထိုအချိန်​မှာသူဟာ သခင့်​အနားကချစ်​စရာ​ခွေး​ပေါက်​က​လေးလို​ကြောက်​စရာဝံပု​လွေကြီးသည်​ကားဘယ်​သောအခါမှမရှိခဲ့သည့်​အလား။4

အမှန်​ပြောရရင်​ကျိူးယွင်​ရှန့်​၊ လီရွှီသုန်း၏ရမ်းကားမှုကို​ကျေနပ်​သည်​။​ရှေး​ခေတ်​မှာထီးနန်းရဖို့ ကြာပွတ်​တစ်​ချက်​နဲ့ လူသတ်​နိုင်​ဖို့မလိုအပ်​ဘူးလား? လီရှစ်​မင်​၊ ဝူဇဲထျန်း၊ကျူးတိ၊ယုံကျန့်​..... တစ်​ယောက်​မှ​သွေးနဲ့မကင်းခဲ့ဘူး။ ရည်​မှန်းချက်​ကြီးရင်​သွေးများများစွန်းရမှာဖြစ်​သလို ရက်​စက်​မှုနဲ့လဲလှယ်​ရမှာပဲ။5

"ဒါဆိုအခုသွား ပြီးရင်​တော့ ငါနဲ့ညစာလာစားဖို့မ​မေ့နဲ့'' ဒီနန်း​ဆောင်​ကြီးထဲတစ်​ယောက်​ထဲထမင်းစားရတာ အရမ်းအထီးကျန်​စရာ​ကောင်းတာ​တော့ကျိူးယွင်​ရှန့်​ဝန်​ခံသည်​။

လီရွှီသုန်း ပုံစံကဆုကြီးကြီးချီးမြှင့်​ခံရသလို ကျယ်​လောင်​စွာသ​ဘောတူပြီး​ရေချိူးဖို့​ပြေးသွား​တော့သည်​။ သူခမည်း​တော်​ကိုသ​ဘောကျသည်​။ အမြဲ​ဘေးနားအတူ​နေချင်​သည်​။ဒါ​ပေမယ့်​အခုလို​သွေးစွန်း​စေတဲ့အလုပ်​တွေလုပ်​ထားပြီး ဘယ်​လိုလုပ်​နေရမှာလဲ။ ခမည်း​တော်​ကအတုမရှိသန့်​စင်​ပြီး အရာအားလုံးထက်​အမြင့်​မြတ်​ဆုံး​နေရာမှာပဲ​နေသင့်​တယ်​။
​ကောာင်းမင်​မဟာအသ​ရေခနိးမ​ဆောင်​ထဲအရိုအ​သေတစ်​ချက်​မ​ပေးပါဘဲ ဝင်​လာပြီး လီကျင်းထျန်းကိုတိုက်​ရိုက်​မေးလိုက်​သည်​။ ''ဆဋ္ဌမမင်းသားကအ​စေခံ​လေး​ယောက်​အ​ကြောင်းမရှိသတ်​လိုက်​တာ ခင်​များသိလား''+

"ဘာအ​ကြောင်းမရှိရမှာလဲ သူတို့မင်းသား​ခြောက်​ကိုဘယ်​လိုဆက်​ဆံသလဲဆိုတာ​ကော မင်းသိရဲ့လား'' လီကျင်းထျန်းကချက်​ချင်း​ချေပသည်​။ သူသာတိတ်​တဆိတ်​မစုံစမ်းရင်​ကိုယ့်​က​လေးအနိုင်​ကျင့်​ခံ​နေရတာ​တောင်​သိမှာမဟုတ်​ဘူး။ မင်းသား၁၂​သေပြီဆိုတာသိကတည်းက သူက​လေး​တွေကိုလျစ်​လျူမရှုရဲ​တော့ဘူး။ တကယ်​လို့များတစ်​ယောက်​ပြီးတစ်​ယောက်​အသတ်​ခံရလို့ မင်းသားငါးတစ်​ပါးပဲကျန်​ရင်​ဒါကတမင်​သက်​သက်​လား တိုက်​ဆိုင်​မှုဖြစ်​အုန်းမလား။

​ကောင်းမင်​မျက်​လုံးလက်​သွား၏။ဘာမှမ​ဖြေ​သော်​ငြားအားလုံးကရှင်းလင်း​နေပြီ။

ပြန်​မွေးဖွားလာပြီး​နောက်​လီကျင်းထျန်း စိတ်​ပျက်​မိတာက​ကောင်းမင်​ရဲ့နဂိုရဲရင့်​ဖြောင့်​မတ်​တဲ့အကျင့်​စရိုက်​ဟာ​အေးစက်​၊အတ္တဆန်​ပြီးကြမ်းကြုတ်​လာတာပဲ။ မင်းသားငါးနဲ့​ကောင်းအိမ်​အတွက်​ကလွဲရင်​သူဟာဘာကိုမှဂရုမစိုက်​တော့ဘူး။ အဆုံးမှာဒီလိုဖြစ်​စေတဲ့တရားခံကဘယ်​သူလဲစစ်​တော့ သူကိုယ်​တိုင်​ဖြစ်​နေတာပဲ။

​ကောင်းမင်​လည်းသူ​ခေါင်း​ရှောင်​ဖို့စကားလမ်းလွှဲလိုက်​သည်​။ ''အ​နောက်​ယီ​ဒေသနှိမ်​နင်း​ရေးမှာငါ့ကိုတာဝန်​ပေးဖို့ဆုံးဖြတ်​ပြီးပြီလား''

"မင်းကိုယ်​နဲ့ပဲ​နေလို့မရဘူးလား''

​ကောင်းမင်​ကမ​ဖြေ။ မျက်​လုံးက​တော့ နားကျည်းချက်​နှင့်​မလိုလားမှုအပြင်​ရည်​မှန်းချက်​မီးလျှံများပါ​တောက်​လောင်​နေသည်​။ ဒီနန်း​တော်​လှောင်​အိမ်​ကြီးထဲကထွက်​ပြီး​သွေးညှီနံ့ လွှမ်းတဲ့စစ်​မြေပြင်​ဆီသူပြန်​သွားချင်​လှပြီ။ အရင်​ဘဝကနန်း​တော်​မှာပိတ်​လောင်​နေခဲ့ရသမျှ အခုဘဝမှာလွတ်​မြောက်​ချင်​သည်​။

ရည်းမှန်းချက်​? လီကျင်းထျန်းအဲ့ဒီရည်​မှန်းချက်​ကြီးကို စိတ်​ထင်​တာလို့ပဲယုံ​နေချင်​တော့တယ်​။​နောက်​ဆုံးမှာ မချိမတင်​ပြုံးပြီး လက်​ကို​ဝေ့ရမ်းလိုက်​၏။ ''သွား.. လုပ်​ချင်​တာလုပ်​တော'' ငါမင်းကိုခုပျံခိုင်းလိုက်​မယ်​ဒါ​ပေမယ့်​တစ်​နေ့​တော့မင်းအ​တောင်​တွေကိုချိူးပစ်​လိုက်​မယ်​။3

​ကောင်းမင်​အရမ်း​ပျော်​သွားပြီး​ကျေးဇူးတင်​စကားဆိုကာစိတ်​ကြည်​စွာထွက်​သွား​လေသည်​။