အခန်း(၄) ကျိူးယွင်​ရှန့်​ဘဝ

စိတ်​ထဲမှာကျိူးယွင်​ရှန့်​ကိုဒီနိုင်​ငံကအမြန်​ထွက်​သွား​စေချင်​နေ​ပေမယ့်​မျက်​နှာမှာမ​ပေါ်လာ​အောင်​တော့ ကျိူးဝန်​အန်​ထိန်းထားနိုင်​သည်​။ တစ်​ဖက်​လူကအတိအကျ​ပြော​နေမှစိတ်​မ​ကောင်းသည့်​မျက်​နှာ​လေးနှင့်​ဟန်​ဆောင်​နေလိုက်​သေးသည်​။

ကျိူးဝန်​အန်​ထွက်​သွား​တော့မှ ကျိူးယွင်​ရှန့်​ကွန်​ပျူတာဖန်​သားပြင်​ကိုကြည့်​ရင်းခပ်​မဲ့မဲ့ပြုံးလိုက်​သည်​။ တကယ်​တော့ဒီစာချူပ်​မှတ်​တမ်းက ဒီခန္ဓာပိုင်​ရှင်​ရဲ့အ​မေရန်​ရှီရဲ့​သေတမ်းစာဖြစ်​တယ်​။ ဟက်​ကာတစ်​ယောက်​အ​နေနဲ့ network​တွေ​ပေါ်မှာအချက်​အလက်​တွေလိုက်​ရှာပြီးစု​ဆောင်းရတာမျိူးက ကျိူးယွင်​ရှန့်​ဝါသနာပင်​။ဒီကမ္ဘာကြီးရဲ့တည်​ဆောက်​မှုပုံစံ​ပြောင်းလဲသွားမှာကို သူသိ​ပေမယ့်​ဘယ်​ကိစ္စကိုမှမလွဲ​ချော်​စေရဘူး။

ဤသေတမ်းစာ​ပြောင်းလဲမှုကရန်​ရှီရဲ့Emailထဲကရှာ​တွေ့ခဲ့ခြင်းဖြစ်​သည်​။ သူမ၏ရှယ်​ယာများအားလုံးကို ကျိူးဝန်​အန်​မှ ကျိူးယွင်​ရှန့်​သို့လွဲ​ပြောင်း​ပေးထားသည်​။ တစ်​နည်း​ပြောရရင်​သူမက သူမသားအငယ်​အတွက်​တစ်​ပြားတစ်​ချပ်​မျှချန်​မထားခဲ့​ပေ။ ရန်​ရှီဟာသူမခင်​ပွန်း၏လွှမ်းမိုးမှု​ကြောင့်​သားအငယ်​ကိုအ​တော်​ချစ်​သည်​။ သားအငယ်​ကိုတစ်​ခါ​လေးမျှရက်​ရက်​စက်​စက်​မဆက်​ဆံဖူး​ပေ။ သူမ​သေတမ်းစာ​ပြောင်းလဲပြီး​ရှေ့​နေဆီမပို့​သေးပဲ ပင်​လယ်​ထဲခုန်​ချ​သေသွားတာ။ဒီလိုတိုက်​ဆိုင်​မှုမျိူးကဘယ်​မှာရှိလို့လဲ။ ဘယ်​သူက​သေတမ်းစာအသစ်​ကို​ဖျောက်​ပစ်​ချင်​တာလဲ?သူမတကယ်​သတ်​သေတာမှဟုတ်​ရဲ့လား? ပိုပြီး​တော့သံသယဖြစ်​စရာ​ကောင်းတာက သူမ​သေသွားပြီးတဲ့အချိန်​ရှေ့​နေက​သေတမ်းစာအ​ဟောင်းကိုလက်​ခံရရှိ​သေးတာပဲ။ဒါ​ပေမယ့်​သူမရဲ့ပိုင်​ဆိုင်​မှု​တွေအားလုံးကိုသားအငယ်​အတွက်​သာချန်​ထား​ပေးခဲ့တယ်​။ ကျိူးယွင်​ရှန့်​အတွက်​က​တော့ villasသုံးခုနှင့်​လက်​ဝတ်​ရတနာအချိူ့ကိုသာချန်​ထား​ပေးခဲ့သည်​။
ဒီမူရင်းပိုင်​ရှင်​ကျိူးယွင်​ရှန့်​သာမက ရန်​ရှီ၏မိဘများဖက်​ကပါ ဒီ​သေတမ်းစာကိုသ​ဘောမကျခဲ့။ ထို့အချိန်​၌ ကျိူးသခင်​ကြီးက သားအကြီးကကျိူးလုပ်​ငန်းစုကိုဆက်​ခံမှာဖြစ်​တဲ့အတွက်​သားအငယ်​ကိုသူ့အ​မေရဲ့ပိုင်​ဆိုင်​မှု​တွေအ​မွေ​ပေးခြင်းဖြစ်​တယ်​ဟု​ဖြေရှင်း​ပြောဆိုခဲ့သည်​။ရန်​ရှီ၏မိဘများကလည်း​မြေးအငယ်​ကိုချစ်​သော​ကြောင့်​ထိုရှင်းပြချက်​ကိုလက်​ခံခဲ့ကြသည်​။ ကျိူးသခင်​ကြီး၏အုပ်​ထိန်းမှု​အောက်​တွင်​ကျိူးယွင်​ရှန့်​ကရန်​မိသားစုနှင့်​အ​နေစိမ်းပြီး ကျိူးဝန်​အန်​က​တော့မကြာခဏဆိုသလိုအလည်​သွားတတ်​သဖြင့်​ဆက်​ဆံ​ရေး​ကောင်းသည်​။

မူရင်းခန္ဓာပိုင်​ရှင်​ကဤအ​ကြောင်းများကို ဂဃနဏ မသိခဲ့​ပေ။ထို့​ကြောင့်​လည်းသုံးစားမရပဲ​သေသွားခဲ့ခြင်းပင်​။ ကျိူးယွင်​ရှန့်​ခေါင်းရမ်းပြီး ကွန်​ပျူတာကိုပိတ်​လိုက်​သည်​။ မကြာခင်​မှာ ဒီခန္ဓာကိုယ်​ပိုင်​ရှင်​ရဲ့မူလပိုင်​ဆိုင်​မှုအားလုံးသူပြန်​ယူ​တော့မည်​။

ကျိူးယွင်​ရှန့်​နိုင်​ငံခြားပညာ​တော်​သင်​သွားမည်​ကိုကျိူးဝန်​အန်​သိပြီး​နောက်​ကျိူးဝန်​ကျင့်​ကိုပါပထုတ်​ရန်​ကြံစည်​တော့သည်​။ သူ့​ရှေ့မှာ​ကျောက်​ခဲနှစ်​လုံးရှင်းသွားပါက ကျိူးလုပ်​ငန်းစုသည့်​သူ့အိတ်​ထဲ​ရောက်​နေ​တော့မည်​။

တစ်​နေ့ အတန်းထဲမှာ​ကျောင်းသား၊​ကျောင်းသူ​တော်​တော်​များများ၏အဖိုးတန်​ပစ္စည်း​တော်​တော်​များများအခိုးခံခဲ့ရသည်​။ထို့​နောက်​ကျိူးဝန်​ကျင့်​ကျောင်းအထုတ်​ခံလိုက်​ရသည်​။ အခိုးခံရသည့်​ကျောင်းသား၊​ကျောင်းသူများ၏မိဘတို့ကကျိူးလုပ်​ငန်းစုကိုကိုယ်​တိုင်​သွားပြီး ကျိူးသခင်​ကြီးနှင့်​စကား​ပြောကြ​လေသည်​။ ကျိူးသခင်​ကြီးကလည်းအလွန်​အရှက်​ရပြီး ဧည့်​သည်​များပြန်​သည်​နှင့်​ခါးပတ်​ကိုချွတ်​ကာ ဝန်​ကျင့်​ကျောကိုရိုက်​တော့သည်​။ထို့​နောက်​နိုင်​ငံခြားသို့ပို့လိုက်​လေသည်​။
[IC -​စောက်​သုံးမကျတဲ့အ​ဖေပဲ -_-]

"ကျွန်​တော်​ဘာမှမခိုးဘူး အဲ့တာကျိူးယွင်​ရှန့်​ကျွန်​တော့်​ကို​ချောက်​ချတာ!ဦး​လေး ကျွန်​တော့်​ကိုယုံပါ!" ကျိူးဝန်​ကျင့်​အိပ်​ယာ​ပေါ်မှာ​မောက်​ခုံ​မောက်​ပြီး လက်​တစ်​ဖက်​ကလက်​သီးဆုပ်​လျှက်​ကျန်​တစ်​ဖက်​တုရွီလန်​အင်္ကျီလက်​အစကိုဆုပ်​ကိုင်​ထား​လေသည်​။သူ့​ကျောပြင်​၌အနီ​ရောင်​အစင်းရာများကပြည့်​လျှက်​ရှိသည်​။

"မင်းမလုပ်​တာငါသိတယ်​။ဦး​လေးမင်းကိုယုံပါတယ်​'' တုရွှီလန်​ကျိူးဝန်​ကျင့်​ခေါင်းကိုပုတ်​ပြီး​ချော့လိုက်​သည်​။ ထို့​နောက်​ကျိူးဝန်​ကျင့်​ငိုရင်းအိပ်​ပျော်​သွား​လေ​တော့သည်​။ ကျိူးဝန်​ကျင့်​အိပ်​ပျော်​သည်​နှင့်​ကျိူးယွင်​ရှန့်​အခန်းဆီသို့သွားလိုက်​သည်​။ ထို့​နောက်​လက်​ကို​မြှောက်​လိုက်​ပြီးတံခါး​ခေါက်​ရန်​တွေး​ဝေ​နေမိပြန်​သည်​။ ကျိူးဝန်​ကျင့်​အပြစ်​ကင်းတာသူယုံကြည်​သည်​။ ဒါ​ပေမယ့်​အခုကိစ္စက ကျိူးယွင်​ရှန့်​အကြံအစည်​မဟုတ်​ဟုလည်းယုံကြည်​နေမိပြန်​သည်​။ ကျိူးယွင်​ရှန့်​ကျိူးဝန်​ကျင့်​ကိုအနိုင်​ကျင့်​သည့်​အခါတိုင်း သူဘယ်​တော့မှ အခြားလူ​တွေသူလုပ်​တာပါဆိုတာသိသွားမှာမ​ကြောက်​ခဲ့။ ဒီ​နေ့လိုအရှက်​ခွဲပြီးဂုဏ်​သိက္ခာကျ​အောင်​လုပ်​တာမျိူးက ကျိူးယွင်​ရှန့်​စတိုင်​မဟုတ်​ပေ။ ဒီလို​နောက်​ကျောဓားထိုးတဲ့အလုပ်​မျိူးလုပ်​တတ်​တာကအ​ပြောချိူတဲ့ကျိူးဝန်​အန်​ပဲရှိမယ်​။ 4

သူ့စိတ်​ထဲအတပ်​သိ​သော်​လည်းတုရွှီလန်​ဒီအ​ကြောင်း​တွေကို ဝန်​ကျင့်​ကိုရှင်းပြမည်​မဟုတ်​ပေ။သူ့မှာကျိူးဝန်​ကျင့်​ကိုဒီလိုမှန်​မိုးမှန်​ကာအိမ်​ထဲမှာကြီးပြင်း​စေဖို့လည်းရည်​ရွယ်​ချက်​မရှိ။မုန်​တိုင်း​လေထန်​ကြံ့ကြံ့ခံပြီး အပြင်​ပ​လောကမှာခိုင်​မာတဲ့အမြစ်​နဲ့ကြီးထွား​စေချင်​သည်​။ဝမ်းတွင်းမည်း၊သူ​တော်​ကောင်း​ယောင်​ဆောင်​တတ်​သည့်​ကျိူးဝန်​အန်​လိုလူများကစီးပွား​ရေး​လောကတွင်​သူမသာကိုယ်​မသာများသာဖြစ်​ကြသည်​။ လူ​တွေကိုဘယ်​လိုအကဲဖြတ်​ရမလဲသူသင်​ယူရန်​လိုအပ်​သည်​။

တုရွှီလန်​ပြန်​လှည့်​ရန်​ပြင်​လိုက်​စဉ်​အခန်းတံခါးပွင့်​သွားခဲ့သည်​။ အခန်းတွင်းမှလူငယ်​လေးကလက်​ကိုပိုက်​ရင်း တံခါး​ဘောင်​ကိုမှီလိုက်​သည်​။
"ကျိူးဝန်​ကျင့်​ရဲ့တရားမျှတမှုအတွက်​တိုက်​ခိုက်​ဖို့အဆင်​သင့်​ဖြစ်​ပြီ​ပေါ့''

တုရွှီလန်​ခေါင်းရမ်းလိုက်​ပြီးရှင်းပြရန်​ကြိုးစား​သော်​လည်း ကျိူးယွင်​ရှန့်​က အထဲဝင်​လာဖို့​ခေါ်သည်​မို့ သူအထဲဝင်​သွားလိုက်​သည်​။
"ထိုင်​''

ကျိူးယွင်​ရှန့်​ကြမ်းပြင်​ကပ်​မီးအိမ်​ဘေးမှဆိုဖာကိုညွှန်​ပြလိုက်​သည်​။ ကတ္တီပါဆိုဖာကိုလိ​မ္မော်​ရောင်​အဖုံးတပ်​ထားသည်​မို့​နွေး​ထွေးသည့်​ခံစားမှုမို့ခံစားရ​စေသည်​။
"စိတ်​မရှိရင်​ကျွန်​တော်​ဆေးလိပ်​သောက်​လို့ရမလား''

တုရွှီလန်​ခြေချင်းချိတ်​ထိုင်​ပြီးသူ့ကုတ်​အင်္ကျီအတွင်းမှ​ဆေးလိပ်​ဗူးကိုဆွဲထုတ်​လိုက်​သည်​။ သူပုံစံကရိုးကျိူး​သော်​လည်းအမှန်​ကအမြဲတမ်းမထီမဲ့မြင်​ပြုတတ်​သည်​။ယခုသူ​မေးသည်​ကလည်းဝတ်​ကျေတမ်း​ကျေမျှသာဖြစ်​သည်​။ ဒီ​ကောင်​လေးရဲ့အခန်းက​နွေး​ထွေးပြီးသက်​တောင့်​သက်​သာဖြစ်​တဲ့အတွက်​သူအနားယူချင်​တာလည်းပါသည်​။

"စိတ်​ရှိတယ်​'' ကျိူးယွင်​ရှန့်​၊ တုရွှီလန်​ရှိရာသို့​လျှောက်​လာပြီး တုရွှီလန်​ပါးစပ်​ထဲမှ​ဆေးလိပ်​ကိုဆွဲထုတ်​ပစ်​နွားနို့ခွက်​ထဲပစ်​ထွက်​လိုက်​သည်​။ 1

တုရွှီလန်​ခဏကြာညိမ်​သက်​သွားသည်​။ သူအသက်​၂၀ပြည့်​ပြီး တုအိမ်​ကိုတာဝန်​ယူပြီးကတည်းဘယ်​သူမှသူ့ကိုအခုလို မရိုမ​သေမပြုရဲခဲ့​ပေ။ သူရုတ်​တရပ်​အ​ခြေအ​နေ​တွေကအရမ်းစိတ်​ဝင်​စားစရာ​ကောင်းတာပဲလို့မြင်​လာမိသည်​။ ထို့​နောက်​နဖူးကိုလက်​ဖဝါးနှင့်​အုပ်​ပြီးရယ်​လိုက်​သည်​။

ကျိူးယွင်​ရှန့်​၊ တုရွှီလန်​ကိုအ​ရေးလုပ်​ရန်​စိတ်​မပါ​ပေ။ ကွန်​ပျူတာ​ရှေ့မှာထိုင်​ပြီး​ခေါင်းပင်​မ​မော့ပဲ​ပြောလိုက်​သည်​။
"ကျိူးဝန်​ကျင့်​ကိစ္စက ကျွန်​တော်​လုပ်​တာမဟုတ်​ဘူး''

"မင်းမလုပ်​တာကျွန်​တော်​သိတယ်​။ကျွန်​တော်​မင်းကိုစွပ်​စွဲဖို့လာတာမဟုတ်​ပါဘူး။'' တုရွှီလန်​အရယ်​ရပ်​ပြီးပြန်​ဖြေလိုက်​သည်​။ သူဒီ​ကောင်​လေးကိုနှစ်​သိမ့်​ဖို့စကားအချိူ့​ပြောချင်​ရုံပင်​။ ထို​နေ့က ကျိူးယွင်​ရှန့်​သူ့အတွင်းစိတ်​နဲ့နာကျင်​မှုကို​ဖော်​ပြလိုက်​ကတည်းက တုရွှီလန်​သနားမိခြင်းဖြစ်​သည်​။ထို့​ကြောင့်​ဂရုစိုက်​ပေးခြင်းသည်​။

ခဏကြာတိတ်​ဆိတ်​သွားပြီး​နောက်​ကျိူးယွင်​ရှန့်​သူ့ကိုလှည့်​ကြည့်​လိုက်​သည်​။ ''ဒါဆိုနံရံ​နောက်​လူကဘယ်​သူလဲဆိုတာလည်းခင်​များသိမှာ​ပေါ့။ ကျွန်​တော်​လည်း ခင်​များကို​ပြောစရာရှိတယ်​။ သန်ဘတ်​ခါကျွန်​တော်​နိုင်​ငံခြားသွား​တော့မယ်​''

ပျင်းရိရိမှီလျှက်​ထိုင်​နေသည့်​လူ၏ခန္ဓာကိုယ်​မှာအနည်းငယ်​တောင့်​သွားသည်​။ ''ဘယ်​ကိုလဲ'' 3

"ကျိူးဝန်​ကျင့်​နဲ့တူတူ အ​မေရိကန်​ကိုပဲ ဒါ​ပေမယ့်​ကျွန်​တော်​က Hodgesအထက်​တန်း​ကျောင်းကိုသွားမှာ'' ကျိူးယွင်​ရှန့်​ခြေ​ချောင်းထိပ်​နဲ့ကြမ်းပြင်​ကို​ထောက်​ပြီး ထိုင်​ခုံကိုတစ်​ဖက်​လှည့်​လိုက်​သည်​။

"ခင်​များသိပါတယ်​အ​မေရိကန်​ရဲ့လုံခြုံ​ရေးကအရမ်းညံ့တယ်​။​ဆေးစွဲတာမျိူး​တွေကအရမ်း​ပေါတယ်​။ ခင်​များကျိူးဝန်​ကျင့်​ကိုအနီးကပ်​စောင့်​ကြည့်​သင့်​တယ်​တစ်​ယောက်​ယောက်​ထိန်းချူပ်​မှု​အောက်​မှာရှိမှပဲသူ မပျက်​စီးမှာ''

အပြင်​ဖက်​တွင်​မ​ပေါ်​သော်​လည်းတုရွှီလန်​အံ့အားသင့်​သွားမိသည်​။ထို့​နောက်​သူရယ်​လိုက်​သည်​၊
"ဒီနိုင်​ငံထွက်​သွားမှာက ကျင့်​ရှောက်​ရဲ့ဆုံးဖြတ်​ချက်​ပဲ ကျွန်​တော်​နဲ့ဘာဆိုင်​လို့လဲ။ ဘာလို့သူ့ကိုမျက်​စိ​ထောင့်​ထောက်​ကြည့်​နေရမှာလဲ''

ကျိူးယွင်​ရှန့်​ဘာမှပြန်​မ​ဖြေ။အဲ့ဒီအစား သူ Enter Keyကိုသာလှည့်​နှိပ်​လိုက်​သည်​။ ကွန်​ပျူတာဖန်​သားပြင်​ပေါ်တွငိ အဖြူအမည်းပုံတစ်​ပုံ​ပေါ်လာသည်​။ထိုပုံတွင်​၁၅နှစ်​အရွယ်​မိန်းက​လေးတစ်​ဦးကမြက်​ခင်းပြင်​တွင်​ထိုင်​နေပြီး​လေးနှစ်​အရွယ်​က​လေးတစ်​ယောက်​ကသူမ လက်​ကိုကိုင်​ထား​လေသည်​။ တစ်​ယောက်​မျက်​လုံးတစ်​ယောက်​ကြည့်​ပြီးရယ်​မော​နေကြသည်​။ မိန်းက​လေးက ကျိူးဝန်​ကျင့်​ရဲ့​သေသွားတဲ့အ​မေဖြစ်​ပြီး ချစ်​စရာ​ကောင်းသည်​မျက်​နှာ​လေးနှင့်​က​လေးငယ်​မှာ တုရွှီလန်​နှင့်​အ​တော်​တူ​လေသည်​။

ထိုဓာတ်​ပုံကတုရွှီလန်​၏ဖုန်​တတ်​နေ​သောမှတ်​ဥာဏ်​တို့ကပြန်​တောက်​ပြောင်​လာ​စေသည်​။ ထိုအချိန်​ကသူ့ဘဝ၏တစ်​ခုတည်း​သော​ပျော်​ရွှင်​ဖွယ်​အချိန်​ဖြစ်​ခဲ့သည်​။ ဒါ​ပေမယ့်​သူမအသတ်​ခံရကတည်းအားလုံးပြီးဆုံးသွားခဲ့ပြီ။

"ခင်​များကတုမိသားစု​မွေးစားထားတာ ဒါ​ပေမယ့်​အဲ့ဒီမတိုင်​ခင်​တော့ ကျိူးဝန်​ကျင့်​အ​မေနဲ့ မိဘမဲ့​ဂေဟာတစ်​ခုတည်းမှာ​နေပြီး​မောင်​နှမအရင်းလိုအရမ်းချစ်​ကြတယ်​။ သူကခင်​များအစ်​မပဲ ဒါ​ကြောင့်​ခင်​များခံစားချက်​တွေကအရမ်းနက်​နဲမှာပဲ။ ခင်​များတူ​လေးကိုခင်​များဘယ်​လိုလုပ်​တစ်​ယောက်​ထဲလွတ်​မှာလဲ?''

ကျိူးယွင်​ရှန့်​အားလုံးသိထားနှင့်​ပြီးဖြစ်​သော်​လည်း အမှန်​တရားအားလုံးကိုထုတ်​ပြောဖို့​တော့စိတ်​ကူးမရှိ​ပေ။တုရွှီလန်​ရဲ့ သရုပ်​အစစ်​အမှန်​လို​ပေါ့။ သူလက်​ရှိသရုပ်​က အ​မေရိကန်​မိဘမဲ့​ဂေဟာတစ်​ခုမှ တရုတ်​လင်​မယားက​ခေါ်ယူ​မွေးစားထား​သောသူ။ ဒါကလည်း ကျိူးဝန်​ကျင့်​ကိုအနီးကပ်​စောင့်​ရှောက်​ဖို့အတွက်​ဆင်​ခြေဖြစ်​သည်​။

ကျိူးယွင်​ရှန့်​အခုလိုထုတ်​ပြော​နေသည့်​အ​ကြောင်းအရင်းကလည်း သူ့ရဲ့သ​ဘောထားကြီးမြတ်​မှုကို​ဖော်​ပြချင်​သော​ကြောင့်​ဖြစ်​သည်​။ တုရွှီလန်​ကအင်​အားကြီးတယ်​။ တကယ်​လို့ သူသာဒုက္ခ​ပေးချင်​ရင်​ကိစ္စ​တွေကရှုပ်​ထွေးသွားနိုင်​တယ်​။
ကျိူးယွင်​ရှန့်​ကအခုအားနည်း​နေ​သေးတယ်​။ သူဘယ်​လိုမှအဓိကဇာတ်​ကောင်​ကိုတိုက်​ခိုက်​နိုင်​မည်​မဟုတ်​ပေ။ သို့​ပေမယ့်​တစ်​ဖက်​လူသူ့ကိုလှုပ်​ကိုင်​လို့မရ​လောက်​တဲ့အထိအင်​အားကြီးလာမည်​ကို​တော့ကျိူးယွင်​ရှန့်​ယုံကြည်​ချက်​ရှိသည်​။ အကြိမ်​ပေါင်းရာ​ထောင်​ချီလူဝင်​စားပြီးတဲ့​နောက်​သူ့ရဲ့အကြီးမားဆုံးအားသာချက်​ကမှတ်​ဥာဏ်​များအားလုံးကိုသိမ်းဆည်းထားနိုင်​ခြင်းပင်​။ ဒီကမ္ဘာရဲ့နည်းပညာက​နောက်​ပြန်​မသွား​ပေမယ့်​ရှေ့လည်းတိုးမ​နေဘူး။ သူ့မူလကမ္ဘာနဲ့ယှဉ်​လို့တောင်​မရဘူး။ဒါ​ကြောင့်​သူချမ်းသာဖို့ ပရိုဂရမ်​တစ်​ချိူ့​ရေးပြီး​ဆော့ဝဲလ်​တစ်​ချိူ့ထွင်​ရန်​သာလိုသည်​။ သူ့ရဲ့ပညာဥာဏ်​ရည်​နဲ့ဘယ်​လိုအ​ခြေအ​နေမျိူးမဆိုအေး​အေး​ဆေး​ဆေးရင်​ဆိုင်​နိုင်​သည်​။ဒါ​ပေမယ့်​အ​နှောင့်​အယှက်​အတားအဆီး​တွေက​တော့နည်း​လေ​ကောင်း​လေ​ပေါ့။

တုရွှီလန်​ဓာတ်​ပုံကိုအချိန်​အတန်​ကြာ​ငေးကြည့်​ပြီး ပထမဦးဆုံးအကြိမ်​သက်​ပြင်းချလိုက်​သည်​။ အဖြစ်​မှန်​ကို​တောင်​လွယ်​လွယ်​နဲ့​ဖော်​ထုတ်​နိုင်​တဲ့ ဒီ​ကောင်​လေးကသာမန်​မဟုတ်​ဘူး။

ကျိူးယွင်​ရှန့်​ခပ်​ရွဲ့ရွဲ့ပြုံးလိုက်​သည်​''ခင်​များမှတ်​မိ​သေးလား။နှစ်​သစ်​ကူးဆို ခင်​များတို့​မောင်​နှမ Ms.ရန်​ဆီကအမြဲတမ်းလက်​ဆောင်​ရတယ်​လေ။ ကျွန်​တော့်​အ​မေရန်​ရှီက ခင်​များအတွက်​အဝတ်​အစား​တွေအရုပ်​တွေပို့​ပေးတတ်​တယ်​ကော''

သူဗီလိန်​အဖြစ်​နေဖို့အတင်း​စေခိုင်းခဲ့ရတယ်​။ဒါ​ကြောင့်​system ကိုပြန်​လက်​စား​ချေဖို့ အခုဘဝတိုင်းမှာအမြင့်​ဆုံး​နေရာကိုသူယူ​တော့မည်​။ ရန်​ရှီ က ကျိူးဝန်​ကျင့်​အ​မေကိုမသတ်​ခဲ့​ပေမယ့်​သူမက​တော့ကျိူး​ဟောက်​သတ်​တာခံခဲ့ရပုံပင်​။ သူဘာလို့ဒီအ​ကြောင်းကို​ပြောပြရမှာလဲ? တုရွှီလန်​သူ့ကိုယ်​သူအပြစ်​မကင်းခံစား​နေရတာကိုသူ​အေး​အေး​ဆေး​ဆေားထိုင်​ကြည့်​အုန်းမည်​။

တုရွှီလန်​လုံးဝ​ရှော့ရသွားသည်​။ အ​တော်​ကြာမလှုပ်​မယှက်​နေပြီး​တော့သူ​ပြောလိုက်​သည်​။
"​တောင်းပန်​ပါတယ်​ကျွန်​တော်​မမှတ်​မိ​တော့ဘူး''

တုအိမ်​ကို​ခေါ်သွားခံရစဉ်​ကသူအသက်​၅နှစ်​သာရှိ​သေးသည်​၊ဒါ​ကြောင့်​မစ္စရန်​နှင့်​ပတ်​သက်​ပြီးသူ့မှာအ​လေးနက်​ထားစရာမှတ်​ဥာဏ်​မရှိ​ပေ။ သူ​မွေးစားခံလိုက်​ရပြီး​နောက်​မစ္စရန်​ကသူ့အစ်​မကိုဆက်​ထောက်​ပံ့​ပေးခဲ့သည်​၊​နောက်​ဆုံးသူမဒီ​ဂေဟာမှထွက်​သွားနိုင်​ခဲ့ပြီး တရုတ်​နိုင်​ငံ၏အ​ကောင်းဆုံးတက္ကသိုလ်​မှာပညာသင်​နိုင်​ခဲ့သည်​။ထို့​နောက်​ကျိူးလုပ်​ငန်းစုတွင်​အလုပ်​ဝင်​နိုင်​ခဲ့သည်​။ ဒီ​ကျေးဇူး​တွေကဆပ်​မကုန်​နိုင်​ဘူး။ဒါ​ပေမယ့်​သူအစ်​မက​ကျေးဇူးရှင်​ကိုဘယ်​လို​ကျေးဇူးဆပ်​ခဲ့သလဲ။​ကျေးဇူးရှင်​ရဲ့မိသားစုကိုဖျက်​ဆီးပြီး​ကျေးဇူးရှင်​ကို​သေ​စေခဲ့တယ်​။ သူ့ မှာလည်းအပြစ်​မကင်း​ပေ။​ကျေးဇူးရှင်​၏က​လေးကိုဂရုမစိုက်​ပဲ ကျိူးဝန်​ကျင့်​ကသူ့အ​မေကိုရန်​ရှီသတ်​ပါတယ်​လို့​ပြောရုံနဲ့ ကျိူးယွင်​ရှန့်​ကိုပါသတ်​ပစ်​ဖို့စိတ်​ကူးရှိခဲ့သည်​။ ဒီအ​ခြေအ​နေသာ​ပြောင်းပြန်​ဆိုရင်​ဒီကိစ္စထဲပါဝင်​သမျှလူအားလုံးသူမုန်းမိမှာပဲ။ တုရွှီလန်​မျက်​နှာကိုလက်​ဖဝါးနှင့်​ပွတ်​သပ်​ပစ်​လိုက်​သည်​။ အရင်​အ​တွေးများပြန်​တောင်​မ​တွေး​လောက်​အောင်​ပင်​။

"​တောင်းပန်​ဖို့မလိုဘူး။ အ​မေ ပရဟိတလုပ်​တာဒါတစ်​ခုတည်းမဟုတ်​ဘူး။ အခု​ခေတ်​ကြီးမှာ​လောဘမရှိတဲ့လူဘယ်​သူမှမရှိဘူး'' ကျိူးယွင်​ရှန့်​မတ်​တပ်​ရပ်​ပြီးအခန်းတံခါးကိုဖွင့်​လိုက်​သည်​။
"​နောက်​ကျ​နေပြီ ခင်​များသွားသင့်​ပြီ။ နွားနို့ခွက်​ယူသွားဖို့မ​မေ့နဲ့အုန်း''

တုရွှီလန်​ပြုံးပြီး စီးကရက်​ပေါ​လော​ပေါ်​နေသည့်​နွားနို့ခွက်​ကိုယူပြီး​လေးလံစွာထွက်​သွားလိုက်​သည်​။ ထိုညကသူအိပ်​မ​ပျော်​ပေ။

ညီအစ်​ကိုနှစ်​ယောက်​လုံးနိုင်​ငံခြားထွက်​သွားကြသည်​။ တစ်​ယောက်​က Hodgesအထက်​တန်း​ကျောင်း၊​နောက်​တစ်​ယောက်​က Lei Po Dayton​ကျောင်း သို့ဖြစ်​သည်​။သိပ်​မကြာခင်​မှာပဲ တုရွှီလန်​လည်းနုတ်​ထွက်​စာတင်​လိုက်​သည်​။

တစ်​နှစ်​ခွဲကြာပြီး​နောက်​ITနယ်​ပယ်​သည်​အရှိန်​အဟုန်​ပြင်းစွာတိုးတတ်​လာခဲ့သည်​။ Noah Universal Tech ဟု​ခေါ်သည့်​ကုမ္ပဏီတစ်​ခုက Star Wars online game
တစ်​ခုကိုတီထွင်​ခဲ့သည်​။ တစ်​လကြာပြီး​နောက်​ထိုဂိမ်းကတစ်​ကမ္ဘာလုံးပြန့်​နှံ့သွားသည်​။ ကစားသူများအတွက်​ဂိမ်းထဲသို့အမှန်​တကယ်​ရောက်​ရှိသွားသည့်​ပုံစံဖြစ်​စေရန်​အာရုံခံဦးထုပ်​များဖြင့်​တွဲ​ရောင်းပြီး Online game​လောကသစ်​တစ်​ခုကိုဖန်​တီးလိုက်​သည်​။ 1

ထိုဂိမ်းနှင့်​အတူအာရုံခံဦးထုပ်​ကြောင့်​Noah Universal သည့်​တမဟုတ်​ချင်းချမ်းသာလာ​တော့သည်​။ ထိုနှစ်​တွင်​ပင်​NASDAQ [National Association of Securities Dealers Automated Quotations] အီ​လောထ​ရောနစ်​စ​တော့​ဈေးကွက်​တွင်​ပထမချိတ်​ပြီး IT​လောက၏ dark horse [ပါရမီရှင်​] ဖြစ်​လာသည်​။

အာရုံခံဦးထုပ်​၏နည်းပညာအရည်​အ​သွေးကအလွန်​မြင့်​သော​ကြောင့်​မည်​သူကမျှမ​ဖော်​ထုတ်​နိုင်​ပေ။ Noah Universal
​နောက်​ကွယ်​မှ ကွန်​ပျူတာပညာရှင်​ကို​ဖော်​ထုတ်​ရန်​IT စီးပွား​ရေးလုပ်​ငန်းရှင်​မည်​မျှရှိသည်​ကိုခန့်​မှန်း၍မရနိုင်​ပေ။ သို့​သော်​ကုမ္ပဏီပိုင်​ရှင်​ကိုပင်​ဖော်​ထုတ်​မရနိုင်​သေး​ပေ။