အခန်း (၆၀) အိုးစစ်နန်ဘဝ+
ဖျော်​ဖြေပွဲပြီး​နောက်​နေ့မှာ လင်းစစ်​ချင်း နဲ့ ကောမုန့်​ရှူဟာ ဖြစ်​နေတဲ့ ကိစ္စ​တွေအတွက်​ဖြေရှင်းချက်​ထုတ်​ဖို့​တွေ့ဆုံပွဲ​တွေမှာဖိအား​ပေးခံရသည်​။ ဒါ​ပေမယ့်​ဒီကိစ္စ မှာ ဂီတနတ်​ဘုရား​သေဆုံးမှု ပါဝင်​နေတာရယ်​စွင်းရွှီမု ရဲ့တက်​ကြွမှု​တွေရယ်​ကြောင့်​သတင်း​ထောက်​တွေက ဒီလူနှ​စ်ေ​ယာက်​ကို ကြမ်းကြမ်းတမ်းတမ်း ပဲ​ပြောဆိုဆက်​ဆံကြသည်​။ ထက်​ရှတဲ့​မေးခွန်းတစ်​ခုပြီး တစ်​ခု​မေးကာ ဒီလူနှစ်​ယောက်​ကို​ပြောစရာ မရှိသည့်​အဖြစ်​ရောက်​အောင်​တွန်း​ပို့​တော့သည်​။

​လင်းစစ်​ချင်းက​ခေါင်းညွှတ်​ပြီး​တောင်းပန်​ဖို့အကြိမ်​ပေါင်းများစွာ ကြိုးစားခဲ့​သော်​လည်း သူ့ရဲ့​တောင်းပန်​မှုထဲမှာ ဆင်​ခြေ​ပေးပြီး ခွင့်​လွှတ်​မှုရရှိ​အောင်​ဘယ်​လို​ပြောရမလဲဆိုတာ သူ မစဉ်းစားနိုင်​ပေ။ ဒါကို သူ ဘယ်​လို ညှိရင်​ရနိုင်​မလဲ။ သူတင်​ပြခဲ့တဲ့ စာချုပ်​စာတမ်း​တွေကလည်း တရားရုံး မှာသာမက သူ့ဘ​လော့်​ဂ်​မှာပါ တင်​ပြီးသားဖြစ်​နေသည်​။ လှည့်​စားထားတဲ့ သူ့လက်​ရေးမူ​တွေကလည်း သူဟာ လူလိမ်​တစ်​ယောက်​ဖြစ်​ကြောင့်​ကျေးဇူးမသိတတ်​တဲ့လူယုတ်​မာ တစ်​ယောက်​ဆိုတာကို သက်​သေပြ​နေသည်​။
"ကျွန်​တော့်​ရဲ့ အမှား​တွေကို ရင်​ထဲက နားလည်​သ​ဘော​ပေါက်​နေပါပြီ...​ကျေးဇူးပြု ပြီး ကျွန်​တော့်​ကို ခွင့်​လွှတ်​ပါ...​ကျေးဇူးပြု ပြီး ကျွန်​တော့်​ကို အခွင့်​အ​ရေး တစ်​ခု​လောက်​ထပ်​ပေးပါ..."
သူဆို့ဆို့နင့်​နင့်​နှင့်​စာတစ်​ကြောင်းလုံး​ပြောချလိုက်​သည်​။ သီချင်းနတ်​ဘုရားက ခု​တော့ဖြင့်​မျက်​ရည်​တွေကျကာ ဆို့နင့်​စွာ ငို​ကြွေး​နေသည်​မှာ က​လေးတစ်​ယောက်​လိုပင်​။
"ခွင့်​လွှတ်​မှု ဆိုတာမရှိဘူး...ငါတို့ မင်းကို ဘယ်​တော့မှ ခွင့်​မလွှတ်​ဘူးကွ..."
လူအုပ်​ထဲမှာ ပုန်း​နေတဲ့ အိုးစစ်​နန်​ရဲ့ ပရိသတ်​က ကျယ်​လောင်​စွာ​အော်​ပြောလိုက်​သည်​။​နောက်​တော့ တစ်​စုံတစ်​ယောက်​ရ အ​ပြေးအလွှား နဲ့​ခွေး​ချေးအိတ်​ကို လင်းစစ်​ချင်းဆီပစ်​လိုက်​သည်​။
လုံခြုံ​ရေးက အဲ့လူကို အမြန်​သယ်​ထုတ်​သွားသည်​။ လင်းစစ်​ချင်း ရဲ့ ရှက်​နေတဲ့ မျက်​နှာကြီးကသာ ကင်​မရာ​ပေါ်မှာ ကျန်​နေခဲ့​တော့သည်​။သူ့ရဲ့ ဂုဏ်​သတင်း က ခု​တော့ ပုပ်​သိုး​နေတဲ့ အ၀တ်​လိုပင်​ဆိုတာ​နောက်​ဆုံး​တော့ သူသ​ဘော​ပေါက်​သွားသည်​။ ဘယ်​လောက်​ပဲ သူ​လျှော်​လျှော်​ထပ်​၀တ်​နိုင်​တော့မှာ မဟုတ်​ပေ။ ။သူ့စိတ်​ထဲမှာ အမြဲတမ်း ညစ်​ပတ်​နေတယ်​လို့ပင်​မြင်​နေ​တော့မှာ ဖြစ်​သည်​။
အားငယ်​မှု​တွေ ကို သည်းမခံနိုင်​တော့​ပေ။ သူ ပြိုလဲလုနီးပါးပင်​...ဒါ​ပေမယ့်​သူ ကြံ့ကြံ့ခံထားသည်​။ သူ ကော​မုန့်​ရှူကို အရင်​ကယ်​ဖို့လိုသည်​။ ကောမုန့်​ရှူဟာ အမှန်​တရားကို ဘယ်​တုန်းကမှမသိခဲ့ဘူး။ သူမက အပြစ်​ကင်းသည်​။သူမ ရဲ့ အနာဂတ်​ကို သူမဖျက်​ဆီးနိုင်​။
သူ့ မန်​နေဂျာ က သူ့ကိုတွန်းထုတ်​ဖို့ ကြိုးစား​ပေမယ့်​သူက ထွက်​သွား ဖို့ ငြင်းဆန်​လိုက်​သည်​။ ကော​မုန့်​ရှူရဲ့ နာမည်​ကို ရှင်း​ပေးဖို့ရာ သူမိနစ်​အနည်းငယ်​အသုံးချလိုက်​သည်​။​နောက်​ပိုင်းမှာ ခယ်​မုန့်​ဆုလည်း​ဖြေရှင်း ချက်​တွေ​ပေးဖို့ ဖိအား​ပေးခံရသည်​။ ဒါ​ပေမယ့်​သူအဲ့ဒါကို မသိလိုက်​။​နောက်​ဆုံး မှာ သူ ဂရုတစိုက်​နဲ့ အိုးစစ်​နန်​နဲ့ အိုးပိုင်​ပေါ်ကို​တောင်းပန်​လိုက်​သည်​။
ကြည့်​ရတာ ပရိသတ်​တွေက​တော့ အဲ့ဒါကို မယုံကြည်​ကြ။ သူမရဲ့ အရင်​က​ကောင်းကင်​ထိ​လောင်​တဲ့ များစွာ​သော ပရိသတ်​တွေဟာ​ချောင်​ကပ်​ကုန်​ပြီး​ထောင်​ကျော်​လောက်​သာ ကျန်​တော့သည်​။ အသစ်​က​လေး​တွေက​တောင်​မှ သူမထက်​ပရိသတ်​ပိုများ​နေ​သေးသည်​။+
ကောမုန့်​ရှူ ပျက်​စီး လာ​တာကို ကြည့်​ရင်း ယွင်ကျစ်ယွမ်​သတိဝင်​လာသည်​။ အခု သူ စွင်းရွှီမုကိုရှာဖို့လုပ်​ရ​တော့မည်​။

သူတို့ ရုံးခန်း ထဲကို​လျှောက်​သွားပြီး သူတို့ဘာသာ ခုံတန်းရှည်​မှာ ထိုင်​ချလိုက်​သည်​။ ကောမုန့်​ရှူ မိတ်​ကပ်​အထူကြီး လိမ်းထား​ပေမယ့်​မျက်​တွင်းကျ​နေတာကို​တော့ မဖုံးကွယ်​နိုင်​ပေ။ သူမက စွင်းရွှီမု ကို နှုတ်​ဆက်​လိုက်​ပြီး​နောက်​ဆိုဖာမှာမှီထိုင်​နေတဲ့ အိုးစစ်​နန်​ကို မြန်​မြန်​ဖြတ်​ခနဲလှမ်းကြည့်​လိုက်​သည်​။
လူငယ်​လေးက လက်​ဘက်​ရည်​သောက်​နေပြီး သူ့ရဲ့​ကြွေလို ဖြူ ၀င်းလှတဲ့ အသားအရည်​ဟာ​ဖျော့​တော့​တော့​နေ​ရောင်​ခြည်​အောက်​မှာ လင်းလက်​လို့​နေသည်​။ သူ့ရဲ့ ညွတ်​ကွေး​နေတဲ့ မျက်​ခုံး​တွေက တိတ်​ဆိတ်​ခြင်းကို ထုတ်​ဖော်​နေပြီး သွင်​ပြင်​မှာ အားငယ်​ညှိုး​ယော​နေသ​ယောင်​နှင့်​အလှပန်းချီကားတစ်​ချပ်​အလားပင်​။ ဒီလို ရှက်​တတ်​တဲ့ လူက ခုလိုမျိုး ခြိမ်း​ခြောက်​နိုင်​တဲ့ သွင်​ပြင်​ရှိလာသည်​မှာ ပုံ​ဖော်​နိုင်​ရန်​ခဲယဉ်းလှသည်​။ သူက လူသန်း​ပေါင်းများစွာကို သူ့အတွက်​အား​ပေးဖို့​အော်​ဟစ်​ဖို့ ငို​ကြွေးဖို့နဲ့ သူ့ကို ဘယ်​တော့မှ မ​မေ့​စေဖို့ရာ လုပ်​ဆောင်​နိုင်​သည်​။

သူဟာ သူ့ကို ဆန့်​ကျင်​တိုက်​ခိုက်​နေတဲ့​ကောလာဟလ​တွေကို​ပျောက်​အောင်​လုပ်​နိုင်​ကာ သီချင်း မ​ရေးနိုင်​ဘူးလို့​ပြောတဲ့ သူ​တွေကို့ သူ့ရဲ့​ဖျော်​ဖြေပွဲ အပြီးမှာ ဘာမှ မ​ပြောနိုင်​တော့​အောင်​လုပ်​နိုင်​သူ ဖြစ်​သည်​။ သူ့ရဲ့ ဘ​လောဂ့်​မှာ​ပြောထားသလိုပင်​သူဟာ အရည်​အချင်း မရှိတာမဟုတ်​။ သူ့အ​ဖေကို ကိုးကွယ်​မှုက က ခိုင်​မြဲလွန်းတာ​ကြောင့်​သူကိုယ်​တိုင်​အကျဉ်းချထားသလို ဖြစ်​နေခြင်းသာ။ သူ့အ​ဖေရဲ့​ရှေ့ကို ဘယ်​တော့မှ​ရောက်​နိုင်​မှာ မဟုတ့ဘူးလို့ သူထင်​ခဲ့သည်​။ ဒါ​ပေမယ့်​သူ့အ​ဖေရဲ့​သေဆုံးမှုက သူ့ ၀ိညာဉ်​ကို ဖုံးကွယ်​ထားတဲ့ အခွံကို ခွဲလိုက်​သလိုဖြစ်​ကာ ခု​တော့ဖြင့်​သူဟာ​ကောင်းကင်​ကြီးထဲ လွတ်​လွတ်​လပ်​လပ်​ပျံသန်း ဖို့ရာ သတ္တိ ရှိ​နေပြီဖြစ်​သည်​။
ယွင်ကျစ်ယွမ်​လည်း အိုးစစ်​နန်​ကို မြင်​လိုက်​တော့​ဝေခွဲမရ ၀ိ​ရောဓိ ဖြစ်​နေသည်​။ ကမ္ဘာ့ အမိုက်​ဆုံး ဂီတပညာရှင်​တွေထဲက တစ်​ယောက်​အဖြစ်​လူငယ်​လေးက​ပြောင်းလဲသွားသည်​။ သူ့ သီချင်း​တွေက လူကြိုက်​အများဆုံး စာရင်းမှာ top 10 ၀င်​ပြီး​နေရာတိုင်းမှာ သူ့ရဲ့အကြီးစား fan​တွေရှိသည်​။ သူ့ကို​ရော့ခ်​ခေါင်း​ဆောင်​၊ ဂီတ မျိုးဆက်​သစ်​ရဲ့ဧကရာဇ်တစ်​ဆူ ဟု​ခေါ်ကြသည်​။ သူက သူ့အ​ဖေထက်​ပင်​ကြီးကျယ်​ခမ်းနားလှတဲ့ အသစ်​အသစ်​တွေကို ဖန်​တီးနိုင်​မည့်​သူဖြစ်​သည်​။
ပြီး​တော့ ဒီလိုရွက်​ပုန်းသီး က Time Record ရဲ့ မဆိုင်းမတွ ဖယ်​ရှား ခြင်းခံလိုက်​ရပြီး သူ့ကို​တောင်​တားမြစ်​ချက်​ထုတ်​ပြခဲ့ပြီး ပြိုင်​ဘက်​အဖြစ်​အဆုံးထိ တွန်းပို့ခဲ့​သေးသည်​။ ဒါ​တွေ​ကြောင့်​ယွမ်​ကျိယွမ်​က သူ့အ​ဖေဆူတာခံခဲ့ရသည့်​အပြင်​ဘုတ်​အဖွဲ့ဝင်​တွေ အပြစ်​ရှာတာကိုလည်း ခဏခဏခံခဲ့ရသည်​။တချို့က သူ့ကို ရာထူးက ထုတ်​ပြစ်​ဖို့​တောင်းဆိုကြ​သေးသည်​။+
အိုးစစ်​နန်​က ရှင်းပြဖို့ရာ​သူ့ရုံးခန်းကိုခဏခဏလာခဲ့​ပေမယ့်​ယွ​င်ကျစ်ယွမ် က အမြဲ နှင်​ထုတ်​ခဲ့သည်​။ အခု​တော့ သူ့အလှည့်​ကို ပြန်​ရောက်​လာခဲ့ပြီ။ သူ ငြိမ်​ငြိမ်​လေး နား​ထောင်​ရမည်​။ မဟုတ်​လျှင်​Time Recordက ဒီ အကျပ်​အတည်းက​နေ နလန်​ထူနိုင်​မှာ မဟုတ်​ပေ။
သူ့စိတ်​ထဲ​နောင်​တရ​နေတာကို မြိုသိပ်​ပြီးစွင်းရွှီမု ကို နှုတ်​ဆက်​လိုက်​သည်​။
"ထိုင်​...."
စွင်းရွှီမု က သာမန်​ကာလျှံကာပဲလက်​ယမ်းပြလိုက်​ပြီး​ဆေးပြင်းလိပ်​ကိုယူကာ သူ့အချစ်​လက်​ထဲ​ပေးလိုက်​သည်​။

ကျိုးယွင့်​ရှန်​က​ဆေးပြင်းလိပ်​ကို ယူလိုက်​ပြီး​သေ​သေသပ်​သပ်​ဖြတ်​ကာ မီးညှိ လိုက်​ပြီး​ဆေးလိပ်​ငွေ့​တွေကို​ရှောင်​ဖို့ရာ​ခေါင်းကို မြန်​မြန်​ရွှေ့လိုက်​သည်​။
စွင်းရွှီမု က သူ့ကို ကြည့်​ပြီး ပြာခွက်​ထဲက​ဆေးလိပ်​ကို တစ်​ချက်​ကြည့်​ကာ အသံတိုးတိုးနှင့်​ပြောလိုက်​သည်​။
"​ဆေးလိပ်​နံ့ကို မုန်းမှန်း ကိုယ်​မသိခဲ့ဘူး...ကိုယ်​ဆေးလိပ်​ဖြတ်​လိုက်​တော့မယ်​နော်​..."

"မလုပ်ပါ​နဲ့...ဒါကခင်​ဗျားရဲ့ဝါသနာ​လေ....ဖြတ်​နိုင်​မှာ မဟုတ်​ဘူး..."

ကျိုးယွင့်​ရှန်​က ရယ်​မောပြီး​ခေါင်းခါလိုက်​သည်​။ အတိတ်​တုန်းက သူ့ကို​ဆေးလိပ်​ဖြတ်​ပေးဖို့ ကြိုးစားခဲ့ဖူးတယ်​။ တစ်​လ နှစ်​လအတွက်​မဟုတ်​...သုံး​လေးဘ၀​ပြောင်းသည့်​အထိ သူဘယ်​တော့မှ မ​အောင်​မြင်​ခဲ့​ပေ။​နောက်​ဆုံး သူလက်​လျှော့လိုက်​သည်​။​ဆေးလိပ်​ဖြတ်​ပေးဖို့ဆိုတာ သူဘယ်​တော့မှ​အောင်​မြင်​မှာ မဟုတ်​သည့်​အလုပ်​ပင်​။
ယွင်​ရှန့်​သူ့လက်​မောင်း​တွေနား စွင်းရွှီမု ရဲ့ လည်​တိုင်​ကို ဆွဲယူကာ​ခေါင်းကို နှိမ့်​လိုက်​ပြီး​စောင်းလိုက်​ကာ နားနားကို တိုးတိုး​လေး ကပ်​ပြောလိုက်​သည်​။
"မဖြတ်​နဲ့....ခင်​ဗျား ကျွန်​တော့်​ကို နမ်းရင်​ရတဲ့​ဆေးရွက်​ကြီးအနံ့ကို ကြိုက်တယ်​..."
စွင်းရွှီမု မျက်​နှာက ဘာအမူအရာမှ မပြ​သော်​ငြား သူ့ ခန္ဓာကိုယ်​အောက်​ပိုင်းက အလျင်​အမြန်​ပဲ တင်းမာလာ​လေသည်​။ သူ သည်းခံ ပြီးရင်း သည်းခံ​သော်​လည်း မထိန်းနိုင်​တော့။ သူ့ချစ်​သူရဲ့ ပါးကို ထိလိုက်​ပြီး နဖူး​လေးကို မြတ်​နိုးစွာ နမ်းရှိုက်​လိုက်​ပြီး​နောက်​သူ့ရဲ့ အရမ်းကို ရိုးသားလွန်း​နေတဲ့ ခန္ဓာကိုယ်​အစိတ်​အပိုင်း ကို ဖုံးကွယ်​နိုင်​ဖို့ရာ သူ့ရဲ့ သွယ်​လျတဲ့​ခြေ​ထောက်​တွေကို ထပ်​ထိုင်​လိုက်​သည်။  သူ ယွင်ကျစ်ယွမ်​ကို ကြည့်​လိုက်​ပြီး​မေးလိုက်​သည်​။

"သူ​ဌေး ယွင်ကျစ်ယွမ်​.. .တစ်​ခုခုလိုတာရှိလို့လား..."

​ကောလာဟလ​တွေအရ စွင်းရွှီမု က​အေးတိ​အေးစက်​နိုင်​ပြီး စာနာစိတ်​မဲ့သည့်​သွေး​အေး သတ္တ၀ါ ဖြစ်​သည်​။ ဒါ​ပေမယ့်​သူတို့​ရှေ့ကလူက​တော့ အ​ပျော်​တွေ ပြည့်​နေသည်​။ သူက လုံးဝ တခြားလူတစ်​ယောက်​လိုပင်​။ ယွင်ကျစ်ယွမ် စကားမ​ပြောခင်​ခဏသတိ​မေ့​သွားသည်​။
"စွင်း သူ​ဌေး...​ကောမုန့်​ရှူက သီချင်းကို တခြားသူ​ဆီက ကူးထားတယ်​ဆိုတာ လုံးဝ မသိဘူးဆိုတဲ့ အ​ကြောင်းကို မစ္စတာအိုး အ​နေနဲ့ ကျွန်​တော်​တို့နဲ့ ပူး​ပေါင်းပြီ ရှင်းပြ​ပေးမယ်​လို့​မျှော်​လင့်​ပါတယ်​...သူမကိုယ်​တိုင်​လည်း လင်းစစ်​ချင်းလိမ်​တာခံခဲ့ရတာပါ...သူတို့ ပတ်​သက်​မှုကလည်း ခု​တော့ ပြီးသွားပါပြီ...ဒီ ပြစ်​မှုက သူမ အနာဂတ်​ကို ဖျက်​ဆီးပစ်​နိုင်​လို့ပါ..."

ဒီလို​ပြောရုံနဲ့ စွင်းရွှီမု ဆီက အထင်​တကြီးနဲ့​ကောင်းကျိုးရဖို့ဆိုတာ မလုံ​လောက်​မှန်းသူသိသည်​။ အဲ့တာ​ကြောင့်​ခပ်​မြန်​မြန်​လေး ထပ်​ပြောလိုက်​ကာ
"ကျွန်​တော်​သတင်​ကြားတာက စွင်းသူ​ဌေး က မြစ်​အ​နောက်​ဘက်​က​မြေ​တွေ ၀ယ်​ချင်​နေတယ်​ဆိုလားပဲ ...ကျွန်​တော့ သတင်းအတွက်​ဈေးအနည်းဆုံးနဲ့ ၀ယ်​လို့ရ​အောင်​ဆုံးဖြတ်​ပေးပါ့မယ်​...ကောမုန့်​ရှူကို မစ္စတာအိုး အ​နေနဲ့ ခွင့်​လွှတ်​ဖို့ ဆန္ဒရှိတယ်​ဆိုတာကို သူ့ ဘ​လောဂ့်​မှာ​ဖော်​ပြ​ပေးမယ်​ဆိုရင်​မုန့်​ရှူက ထပ်​စတင်​ဖို့ အခွင့်​အ​ရေး ရမှာပါ..."သူ့ချစ်​သူရဲ့ အနာဂတ်​အတွက်​ဘယ်​လို​ဈေးမဆို​ပေးရန်​သူ ဆန္ဒရှိသည်​။
ကော​မုန့်​ရှူ စိတ်​အရမ်းလှုပ်​ရှားသွားသည်​။ သူမ သူ့လက်​ကို တင်းကျပ်​စွာ ဆုပ်​ကိုင်​ထားမိချိန်​သူမမျက်​လုံး​တွေ နီရဲ​နေသည်​။+
စွင်းရွှီမု သူ့ချစ်​သူကို လှည့်​ကြည့်​လိုက်​သည်​။ သူ့အဲ့ဒီ​မြေကို တကယ်​လိုချင်​ခဲ့​ပေမယ့်​အဲ့ဒါက သူ့ချစ်​သူရဲ့ ဆန္ဒကို ဆန့်​ကျင်​နေမယ်​ဆိုရင်​သူ့ကို တစ်​ကမ္ဘာလုံးက ချမ်းသာ ကြွယ်​၀မှု​တွေပုံ​ပေးရင်​တောင်​သူလုပ်​မှာမဟုတ်​ပေ။
ကျိုးယွင့်​ရှန်​ခဏ​လောက်​စဉ်းစားပြီး​တော့​ခေါင်းဖြည်းဖြည်းချင်း ခါလိုက်​သည်​။
"ခွင့်​လွှတ်​တယ်​ပြောဖို့က အရမ်းလွယ်​ပေမယ့်​ကျွန်​တော်​မလုပ်​နိုင်​ဘူး..sorry​နော်​...​အဆုံးမှာ ကော​မုန့်​ရှူ က အပြစ်​မကင်းဘူး​လေ...ဒီသီချင်းက​ကောင်းတယ်​မလား...ဒီသီချင်းကို ကြားကြားချင်း မင်းလိုချင်​ခဲ့တာပဲ မဟုတ်​ဘူးလား...ဒီသီချင်းကို​ရေးခဲ့တဲ့သူက သူမကို သ​ဘောကျ​နေတာ မဟုတ်​ဘူးလား...သူက သူမ အတွက်​ဘာမဆိုလုပ်​ဖို့်​ဆန္ဒရှိတယ်​လေ... အဲ့​တော့...မစ္စကော​က သူ့ကို ဆွဲ​ဆောင်​ခဲ့တယ်​လေ...သူမ သူ့ကို​တောင်းဆိုပြီးရင်း​တောင်းဆိုတယ်​လေ...ဒီသီချင်းကို သူမအတွက်​ပေးဖို့​ပေါ့...ကျွန်​တော့အကိုက ကျွန်​တော့်​အတွက်​ပြန်​ပြင်​ပေးမယ်​လို့​သေချာ​ပြောခဲ့တာ​လေ...​နောက်​တော့ ရုတ်​တရက်​ကြီး ကျွန်​တော့်​ကို စ​ရှောင်​လာပြီး​နောက်​ဆုံး​တော့ သူက မင်းကို သီချင်း​ပေးခဲ့တာပဲ​လေ..မင်း​ကျေနပ်​ဖို့ သူက ဘာမဆို လုပ်​ပေးချင်​ခဲ့တာ​လေ...မင်းရဲ့​လောဘနဲ့ အ​နှောင့်​အယှက်​မ​ပေးခဲ့ရင်​အရာအားလုံး ဒီလို ဖြစ်​လာမှာ မဟုတ်​ဘူး ...ငါ့အကိုကို ဘယ်​တော့မှ ခွင့်​လွှတ်​နိုင်​မှာ မဟုတ်​ဘူး...ပြီး​တော့..​ပြောရရင်​မင်းကို ဘယ်​တော့မှ ခွင့်​မလွှတ်​ဘူး.. .​ကျေးဇူးပြု ပြီး ထွက်​သွား​ပေးပါ.. ."+

လူငယ်​လေးရဲ့ စကား​တွေကကောမုန့်​ရှူရဲ့​နောက်​ဆုံး သစ်​ရွက်​ကို​ကြွေကျသွား​စေသည်​။ တကယ်​တော့ လင်​စစ်​ချင်း သူမကို ရှင်းပြခဲ့သည်​။ ဒီသီချင်းက အိုးစစ်​နန်​အတွင်​ပြင်​ပေးတာလို့ သူ​ပြောခဲ့သည်​။ ဒါ​ပေယ့်​ဒီသီချင်းက နာမည်​ကြီးလာပြီး ထိပ်​ကို​ရောက်​မယ်​ဆိုတာ သူမသိ​နေခဲ့သည်​။ ဒါ​ကြောင့်​သူမ လက်​မ​လျှော့နိုင်​။ လင်းစစ်​ချင်းရဲ့မန်​နေဂျာကို သူမနဲ့လင်းစစ်​ချင်းကို သီးသန့်​ချိန်းဆို​ပေးဖို့ ဖိအား​ပေးခဲ့သည်​။ သူမတို့ နှစ်​ယောက်​ပဲ ရှိတဲ့ အချိန်​ကျမှ သူ့ကို​မျှော်​လင့်​ချက်​လေး နည်းနည်း​ပေးပြီး သူ့ကို ဆွဲ​ဆောင်​ကာ...။

ဒီလိုနဲ့ သူမ ဆန္ဒပြည့်​ခဲ့သည်​။

မီဒီယာ​ရှေ့မှာ သူမ အပြစ်​ကင်း​ကြောင်း​ကြေညာခဲ့​ပေမယ့်​သူမစိတ်​ထဲက​ကြောက်​ရွံမှုနဲ့ လိပ်​ပြာမသန့်​တာကို​တော့ ခံစား​နေရ​သေးသည်​။ စိတ်​ပျော့သည့်​အိုးစစ်​နန်​က အလွယ်​တကူပဲ သူမကို ခွင့်​လွှတ်​မယ်​လို့ သူမထင်​ခဲ့သည်​။ ဒါ​ပေမယ့်​အားလုံး ဆုတ်​ယုတ်​လာတုန်း သူက မာ​ကြောဖို့နဲ့​အေးစက်​ဖို့ကိုသင်ယူနိုင်ခဲ့သည်။
​သူမ​နောင်​တရခဲ့​ပေမယ့်​ကတိအတိုင်း ပြုလုပ်​ဖို့ရာ အခန်း ရှာမ​တွေ့ခဲ့။ သူမ အိုးစစ်​နန်​ဆီကခွင့်​လွှတ်​မှုကို မရရင်​ဒီအနုပညာလောကမှာဆက်​ရပ်​တည်​ဖို့က မဖြစ်​နိုင်​ပေ။

ငါ အနာဂတ်​မှာ ဘာလုပ်​ရမလဲ။ ယွင်ကျစ်ယွမ်​ပြောသလို ဒီ​လောကက ထွက်​ပြီး သူနဲ့ လက်​ထပ်​လိုက်​ရမလား။ သူမ မထွက်​ဘူး​ပြောခဲ့​ပေမယ့်​သူ့အ​ဖေက ပြင်းပြင်းထန်​ထန်​ဆန့်​ကျင်​ခဲ့သည်​။ ယွင်မိသားစုက သူမလို အနုပညာရှင်​ကို သူတို့ မိသားစုထဲ အ၀င်​မခံ​ပေ။

ကော​မုန့်​ရှူဟာ သူမ​ရေခဲ​ချောက်​ထဲ ကျသွားသလို ခံစား​နေရပြီး ယွင်ကျစ်ယွမ် ဘယ်​လိုခံစား​နေရသလဲဆိုတာ​တော့ သူမ မသိ​ပေ။
ယွင်ကျစ်ယွမ်  လည်းပဲ အနုပညာ အသိုင်းအဝိုင်းမှာ အင်အားကြီး ပုဂ္ဂိုလ် ဟု မှတ်ယူနိ်ုင်သော်လည်း ဒီတစ်ခေါက်တော့ သူ့ မိန်းကလေး ကိုတောင်မကာကွယ်နိုင်ဘူး။ကောမုန့်ရှူရဲ့ အဆိုတော် career က လုံးဝ အဖျက်စီးခံရတာကို မြင်ရတဲ့အပြင်​လင်း​စစ်​ချင်းအဝေးနိုင်ငံရပ်ခြား ကို ရွေ့ပြောင်းနေပြီး ဘယ်တော့မှ ပြန်မလာဖို့သေချာနေသလောက်ရှိသည့်အတွက် သူ့နှလုံးသားတို့ ဟာ မီးတောက်ထဲမှာ ဖိနှိပ် လောင်ကျွမ်းနေပြီ။သူ စွန့်စားဖို့ နေရာတစ်နေရာရှာဖို့ လိုနေပြီ။+

ပြီးတော့ အိုးစစ်​နန်​က သူ့ဆုံးရှုံးမှုအတွက်​လျော်​ကြေးယူဖို့ရာ အဓိက  ဖြစ်လာတယ်။ သူက ဓာတ်ပုံ အချို့ကို ဝယ်ယူရန် ပိုက်ဆံအများကြီး သုံးခဲ့လိုက်ရပြီး လူတွေကို အင်တာနက်ပေါ်မှာ အလျင်အမြန် ဖြန့်စေလိုက်တယ်။

ဒီဓာတ်ပုံ ထဲမှာ အမျိုးသားနှစ်ယောက် နမ်းနေတဲ့ပုံတွေပဲဖြစ်ပြီးအိုးစစ်​နန်​ရဲ့ မျက်နှာ က မြင်သာနေသော်လည်း ကျန်တစ်ယောက်ကတော့ အမှောင်ထဲမှာ ကွယ်နေတယ်။ အဲ့အမျိုးသား အရပ်ရှည်ပြီး ခန္ဓာကိုယ်က လည်း ကြံ့ခိုင်တယ်၊ သူက အိုးစစ်နန်​ကို သူ့လက်မောင်းထဲမှာ တင်းကြပ်စွာ ထွေးပိုက်ထားတယ်၊ လက်တစ်ဖက်ကလည်း သူရဲ့ ခေါင်း နောက်စိကို ဖိထားပြီးကျန်တစ်ဖက်ကလည်းသူ့ရဲ့ ခါး ကို တင်းတင်းကြပ်ကြပ် ဖက်ထားတယ်၊ သူတို့ ခန္ဓာကိုယ်အောက်ပိုင်းတွေက ယှက်နွယ်နေလေတယ်...

မီးမှိန်မှိန်အောက်မှာတောင် သူတို့ နှစ်ဦး ရဲ့ စိတ်ချင်းဆက်နွယ်မှုတို့ ကတော့ မဖျောက်ဖျက်နိုင်ပါ။

ခေါင်းစီးကလည်း အရမ်းကို  ဆွပေးနိုင်လွန်းနေတယ် — သီချင်း နတ်ဘုရား​သစ် က လူမြင်ကွင်းမှာ ရွံရှာဖွယ်နမ်းတဲ့ အခြောက် ဘုရင် ဖြစ်နေတယ်။2

ပြီးနောက်  လောလောလတ်လတ် ခန့်အပ်ထားတဲ့ ပုံ ပန်း ရုပ်ဖတ်သူတွေက board​တွေမှာ အိုးစစ်​နန်​က အမျိုးသား အများကြီး တွေနဲ့ လူမြင်ကွင်းမှာ နမ်းပြီး fuck တာကိုတောင် မျက်မြင် ကိုယ်တွေ့ မြင်ခဲ့ရကြောင်း၊ သူက ဒီအတိုင်း သားရဲ တိရိစ္ဆာန် ဖြစ်ကြောင်း တင်ပြခဲ့ သေးတယ်။

ပြည်သူတွေဟာ အုတ်အုံသောင်းနင်းနဲ့ ဆူဆူညံညံဖြစ်နေကြတယ်။ အမှန်တရားကို တောင်းခံ ရင်း အံ့သြတုန်လှုပ်၊ ဒေါသပုန်ထစွာဖြင့် အိုးစစ်​နန်ရဲ့အဖွဲ့ ကို သူတို့ ဗုံးခွဲ တိုက်ခိုက်ခဲ့တယ်။
သူတို့ ဟာ ဖြေရှင်းချက်ရရန် ဟွမ်​ယာ ဖျော်ဖြေရေးအဖွဲ့ ကို လည်းဖိတ်ခေါ်ခဲ့ပါသေးတယ်။လိင်တူဆက်ဆံရေးကို မုန်းတီးသူတွေ ကတော့ဓာတ်ပုံတွေက ရွံရှာဖွယ်ကောင်းတယ်၊ သူတို့ မြင်လိုက်တုန်းကဆိုရင် ညစာတောင် မစားနိုင်ဖြစ်ရတယ်လို့ ဆိုကြတယ်။

ဒါပေါ့၊ တစ်ချို့လူတွေက ယောက်ျားလေးတွေကိုပဲ ချစ်ချစ်၊ မိန်းကလေးတွေကိုပဲ ချစ်ချစ် ဒါဟာ အိုးစစ်နန်ရဲ့ လွတ်လပ်ခွင့်ပါပဲ ဟုဆိုပြီး မတ်တပ်ရပ်ထောက်ခံအားပေးကြတယ်။ ဒါပေမဲ့ C တိုင်းပြည်ကတော့ လုံးဝကို ရှေးရိုးစွဲ တိုင်းပြည်ဖြစ်တဲ့အတွက် ဒီ စကားသံတွေ၊ ဆူပူသံတွေကတော့ အသေးအဖွဲ့ပါပဲ။ ရှေးဟောင်းအယူအဆတွေကိုကြိုက်နှစ်သက်တဲ့ သရုပ်ဆောင်တစ်ယောက်ကတော့ ဒီပြသာနာကို အကြီးစား ရာဇဝတ်မှုဟု ယူဆတယ်။ သူက အဲ့ဒါကို ရောဂါတစ်မျိုးဟု နာမည်တပ်ပြီး အိုးစစ်​နန်ကိုတောင် မြန်မြန် ရောဂါကုထုံးရှာပြီးကုသမှုခံယူဖို့ တိုက်တွန်းလိုက်ပါသေးတယ်။
အိုးစစ်​နန် ရဲ့ ပေါ်ကာစ သီချင်းခြင်း အသက်မွေးမှုဟာလည်း အကြီးအကျယ်ဖျက်ဆီး ခံလိုက်ရပါတော့တယ်။ သူရဲ့  ဖိုမလက္ခဏာ၊ ကိုယ်ပိုင်ဘဝတွေဟာ လူတွေရဲ့ အတင်းအဖျင်းပြောစရာဖြစ်လာပါတော့တယ်။ပြီးနောက် သူနဲ့ လင်းစစ်​ချင်း တို့ရဲ့ ငယ်ငယ်တုန်းက ရင်းနှီး စွာအတူရှိနေတဲ့ဓာတ်ပုံအချို့ တွေကလည်း ပေါ်ထွက်လာပြီး ရက်စက်တဲ့ ကောလဟာလတွေ လည်းစတင်လာပါတော့တယ်။+

ကောမုန့်ရှူ ကို လူတွေ အာရုံမစိုက်မိတော့တဲ့အတွက် ယွင်ကျစ်ယွမ် က အိုးစစ်​နန်​ရဲ့ ဂုဏ်သိက္ခာကို ပျက်စီးစေခြင်းဖြင့် သူမကိုသန့်စင်အောင်လုပ်ခဲ့တယ်။ သူဟာ ပြည်တွင်းက အတော်ဆုံး ဂီတပညာရှင်တွေကို ဆက်သွယ်ခဲ့ပြီး သူမကို album အသစ် ထုတ်ပေးရန် ကြံရွယ်ပါတော့တယ်၊ ဒါမှသာ သူမလည်း တတ်နိုင်သမျှ အမြန်ဆုံး ပြန်ပြီး ထင်ရှားကျော်ကြားနိုင်မှာဖြစ်တယ်။

လီလိ(ဟွမ်ယာ ဖျော်ဖြေရေး အဖွဲ့ အစည်းဥက္ကဠ) က စွန်းရွှီမု  ဆီ သတင်းစာအထပ်လိုက်ကို ပုံပေးလိုက်ကာ သူက မျက်မှောင်ကြုတ်လိုက်ပြီး '' Boss, ကျွန်တော်တို့ ဘာလုပ်ကြမလဲ? ကျွန်တော်တို့ ဖြေရှင်းဖို့ သတင်းစာရှင်းလင်းပွဲ လုပ်လိုက်ရမလား? ဒါမှမဟုတ် ကျွန်တော်တို့မြန်မြန် အိုးစစ်​နန်​က ကျွန်တော်တို့ company က အမျိုးသမီး အနုပညာရှင်တွေထဲက တစ်ယောက်ယောက်နဲ့တွဲနေတဲ့ သတင်း ထွက်အောင် လုပ်လိုက်ရမလား? အဲ့ဒါဆို သူအကုန်ဖြေရှင်းပြီးဖြစ်ပြီ..."

လီလိ​ပြော​နေရင်း နောက်ဆုံးတစ်ကြောင်းမှာ​သူရဲ့ Boss က သူကို လူသတ်တော့မယ့် မျက်လုံးတွေနဲ့ ကြည့်နေတာ​ကြောင့်​တောင့်​သွား​လေသည်​။