အခန်း(၂၅) ရှမ်းရိပင်းဘဝ

အိမ်​ရှေ့မင်းသား ရဲ့ ညံ့ဖျင်းတဲ့ အုပ်​ချူပ်​မှု​ကြောင့်​အခုလိုအလိမ်​အညာကြီးကိုဖြစ်​တာမို့ သတင်းပြန့်​သွားပြီး​နောက်​အိမ်​ရှေ့မင်းသားလည်း သိက္ခာကျပြီး အမတ်​တွေနဲ့ စာ​ပေ ပညာရှိကြားတွင်​မျက်​နှာပျက်​ရကာ သူ့ရဲ့ဆက်​ခံသူ​နေရာကလည်း ယိမ်းယိုင်​စပြုလာသည်​။ 2

ကံ​ကောင်းတာက ထျန်းချန်​မင်းကြီးက သူ့ကိုလုံးဝစိတ်​ကုန်​သေးတာမဟုတ်​တာပဲ။ သူက အိမ်​ရှေ့မင်းသား ကို ဦး​ဆောင်​ပြီး ချူံးလင်​စား​သောက်​ပွဲကြီးကျင်းပ​စေတယ်​။ ဒါမှပဲ နည်းနည်းသိက္ခာပြန်​ဆယ်​နိုင်​အောင်​ပေါ့။

ဒါ​ပေမယ့်​လည်း အိမ်​ရှေ့မင်းသားက မ​ကျေနပ်​။ ထျန်းချန်​မင်းကြီး စား​သောက်​ပွဲကပြန်​ကြွသွားတာနဲ့ သူ့ခွက်​သူဝိုင်​ဖြည့်​ပြီး ဧည့််သည်​တွေကို လျစ်​လျူရှုကာသောက်​နေ​တော့သည်​။
လက်​တ​လောအဖြစ်​အပျက်​ကြောင့်​နောက်​လိုက်​အ​တော်​များဆုံးရှုံးခဲ့ရပြီး ခမည်း​တော်​ရဲ့အပြစ်​တင်​ခြင်းကိုခံရတာ​ကြောင့်​သူမျက်​နှာပျက်​ရပြီ။ ဘယ်​လိုလုပ်​ဒီ​ကျောင်းသား​တွေ​ရှေ့မှာ မျက်​နှာ​ကောင်းယူရမှာလဲ။

ကျိူးယွင်​ရှန့်​က အနီးနားမှာ ထိုင်​ပြီး​မောက်​မာပြီးရိုင်းစိုင်းပါတယ်​ဆိုတဲ့နံမည်​ကြီး အိမ်​ရှေ့မင်းသား ကိုအကဲခတ်​နေလိုက်​သည်​။ သူကအရမ်းကို​ချော​မောပြီး ငှက်​ကြီး​တောင်​ဓားလိုမျက်​ခုံး​တွေက နားထင်​စောင်းထိ​ကော့တက်​နေပြီး ကျဉ်း​မြောင်းသည့်​ဇာမဏီမျက်​ဝန်းအစုံက​တောက်​ပသလို ရီ​ဝေ​ဝေဖြစ်​နေသည်​။ လူ​တွေအားလုံးကို အထက်​စီးကပဲ ကြည့်​လေ့ရှိတာ​ကြောင့်​အလိုလို​ကြောက်​စရာ​ကောင်း​နေသည်​။ 5

သူက အနက်​ရောင်​အဝတ်​ဟောင်းကိုဝတ်​ထားပြီး သူ့ဝတ်​ရုံကအရမ်းပါးတာ​ကြောင့်​အတွင်းကဝတ်​ရုံအဖြူကိုပင်​မြင်​နေရသည်​။ အဝတ်​သားကအရမ်းပါးတာ​ကြောင့်​အသားဖြင့်​ကပ်​နေပြီး ကြွက်​သားးလိုင်းများကိုပင်​မြင်​နေရသည်​။ အ​ဝေး​နေရာကပင်​သူ့ကိုယ်​မှ အရှိန်​အဝါကြီးတစ်​မျိူးကိုခံစားရသည်​။ သူ့ပုံစံကအရမ်းကို ပျင်းရိ​နေပြီး ဒူးတစ်​ဖက်​ထောင်​ကာလက်​တစ်​ဖက်​က ခွက်​ကိုကိုင်​ရင်း အဆက်​မပြတ်​သောက်​နေသည်​။ သူ့မျက်​ဝန်း​တွေက ရီ​ဝေ​နေ​ပေမယ့်​လို့ တည်​ညိမ်​ပုံမရပဲ ပိုလို့အရိုင်းဆန်​စေသည်​။

သူကပျင်းလာတာ​ကြောင့်​မေး​ထောက်​ပြီး အပြုံးစစဖြင့်​ကျောင်းသား​တွေကိုလိုက်​ကြည့်​သည်​။ ဒါ​ပေမယ့်​လို့ သူ့ရဲ့​အေးစက်​စက်​အကြည့်​မှာ အားလုံးက​ကြောက်​ပြီးမျက်​နှာလွှဲသွားကြသည်​။

မင်းသားရဲ့စိတ်​ကြီးတဲ့အ​ကြောင်းက အရမ်းကိုနံမည်​ကြီးသည်​။ စကားတစ်​ခွန်းမဆိုပဲနဲ့​တောင်​သူ့ကိုစိတ်​ဆိုး​အောင်​လုပ်​နိုင်​သည်​ဟုဆို၏။ သူက ထျန်းချန်​မင်းကြီးရဲ့ကိုယ်​လုပ်​တော်​တွေနဲ့​လည်း​ပွေရှုပ်​ပြီး ပဏ္ဍာ​တော်​တွေကိုလည်း ကိုယ်​ကျိူးအတွက်​အသုံးပြုရဲသည်​ဟုဆိုသည်​။ သူ့ကို​ဒေါသထွက်​အောင်​လုပ်​သည့်​အမတ်​များကိုလည်း​တွေ့ရာ သချူင်္ိင်းဓားမဆိုင်းဟုဆိုသည်​။ သူ့ရဲ့ပုံစံကို ရှင်းရှင်း​ဖော်​ပြရင်​'အရူး' ဟုသုံးနိုင်​ပြီး ပိုထင်​ရှား​အောင်​ဖော်​ပြရရင်​'သွပ်​သွပ်​ခါ​အောင်​ရူး​နေသည့်​အရူး' ဟုဆိုရမည်​။ 12

သူ့အကြည့်​အောက်​မှာ ဧည့်​သည်​တွေဟာ စကားမ​ပြောရဲကြသလို အသက်​ပင်​မရှူရဲ ကြ​ပေ။

ထိုအချိန်​၌ စား​သောက်​ပွဲတွင်​ဂီတသံမှတစ်​ပါး မည်​သည့်​အသံမှမရှိ​ပေ။ ကျိူးယွင်​ရှန့်​မင်းသား၏ရုပ်​ရည်​ကိုချီးကျူးမိသည်​။ ဒီကမ္ဘာရဲ့ ဇာတ်​လိုက်​သတ္တမ မင်းသား​တောင်​သူ့ကိုမမှီဘူး။ 15

တစ်​ချိန်​ထဲမှာပဲ မင်းသားကလည်း ပထမအဆင့်​ဂုဏ်​ထူး​ဆောင်​ကိုကြည့်​နေသည်​။ မင်းသားဟာ အလှပ​ဂေး​တွေကို နှစ်​သက်​မှန်း တစ်​လောကလုံး သိသည်​။ သူသ​ဘောကျပြီဆိုပါက​ယောက်ျား​သော မိန်းမ​သောအ​ရေးမကြီး အကုန်​စားသည်​။ ရှမ်းရိပင်း က ပထမတန်းအလှပ​ဂေး ငယ်​ရွယ်​ထက်​မြတ်​ပြီးဆွဲ​ဆောင်​မှုရှိတဲ့ လုံကျွီဖုန့်​ချူ လိုလူ။ မက်​မွန်​ဝတ်​လွှာလို့မျက်​ဝန်း​တောက်​တောက်​တစ်​စုံက အနည်းငယ်​သောက်​အပြီးမှာ​တော့ အရည်​လဲ့နေသည်​။ သနားစရာ​ကောင်းသည့်​သတ္တဝါငယ်​လေးတစ်​ကောင်​နှင့်​ပင်​တူလှသည်​။ 3

သူ့အသက်​ကအငယ်​ဆုံး​ပေမယ့်​လို့ ပထမအဆင့်​ဂုဏ်​ထူး​ဆောင်​ဝတ်​ရုံနီကိုဝတ်​ဆင်​ထားပြီး မုတ်​ဆိတ်​ရှည်​လူစုကြားတွင်​ထိုင်​နေသည်​။ သူဟာ ညနက်​ကြားက ပိုးစုန်းကြူး တစ်​ကောင်​ကဲ့သို့ပဲ အ​ရောင်​တောက်​ပကာ လျစ်​လျူရှုဖို့ခက်​သည်​။

အိမ်​ရှေ့မင်းသား က မျက်​ဝန်း​မှေးကျဉ်းလျှက်​စိုက်​ကြည့်​နေပြီး လက်​ထိပ်​က ကရားလက်​ကိုပွတ်​သပ်​နေ​လေသည်​။ သူ့ပုံစံက​တွေ​ဝေ​နေဟန်​ရှိ၏။

အနီးနားကမိန်းမစိုးက မင်းသား၏ အလိုကိုမြင်​ပြီး ခါးကိုင်းလျှက်​မေးသည်​''ထိုက်​စစ်​တျန့်​ရှ ၊ ဂုဏ်​ထူး​ဆောင်​ကို မင်းသားနဲ့အတူ​သောက်​ဖို့ဖိတ်​ခေါ်လိုပါသလား''

"ဟင်​အင်း'' အိမ်​ရှေ့မင်းသား ကလက်​ကိုရမ်းလိုက်​ပြီး အခြား​နေရာကိုညွှန်​ပြ၍ ''တတိယအဆင့်​ဂုဏ်​ထူး​ဆောင်​ကို ဒီကူစစ်​နျန်​အတွက်​ခေါ်ခဲ့ချည်​''

သူမူး​နေ​ပေမယ့်​လည်း ရှမ်းရိပင်း က သူ့ခမည်း​တော်​မျက်​နှာသာ​ပေးထားသည့်​သူဆိုတာသိသည်​။ ဒါ​ကြောင့်​ချူံးလင်​စား​သောက်​ပွဲတွင်​သူ့ကိုချည်းကပ်​လို့မဖြစ်​။ 1

တတိယအဆင့်​ဂုဏ်​ထူး​ဆောင်​သည့်​အသက်​၂၅နှစ်​ရှိပြီး ရှမ်းရိပင်း​လောက်​မ​ချော​သောငြား ကြည့်​ကောင်း​၍ ခန့်​ညားသောရုပ်​ရည်​ရှိသည်​။ အိမ်​ရှေ့မင်းသားက သူ့ကိုလက်​ညှိုးထိုးပြသည့်​အခါ သူ့မျက်​နှာက ချက်​ချင်းပဲ ဖြူ​ရော်​သွားသည်​။ 2

"တတိယအဆင့်​ဂုဏ်​ထူး​ဆောင်​၊ ထိုက်​စစ်​တျန့်​ရှ က သင့်​ကိုအလိုရှိပါတယ်​'' စိတ်​ကြောင့်​ပဲလားမသိ တတိယအဆင့်​ဂုဏ်​ထူး​ဆောင်​မှာ မိန်းမစိုး၏ အသံထဲတွင်​မ​ကောင်းသည့်​အ​ငွေ့အသက်​ကိုခံစားမိသည်​။ သူငြင်းချင်​ပေမယ့်​လည်း မင်းသားက ကြည့်​နေတာ​ကြောင့်​အသံထွက်​ဖို့မ​ပြောနဲ့ မတ်​တပ်​ရပ်​ဖို့​တောင်​အင်​အားမရှိ​ပေ။ ဒါ​ကြောင့်​မို့ ဝိုင်​ခွက်​ကိုတိုက်​မိပြီး ဝတ်​ရုံကိုစို​အောင်​လုပ်​မိသွားသည်​။

အားလုံးက သူ့ကိုသနားသည့်​မျက်​လုံးဖြင့်​ကြည့်​နေကြ​တော့သည်​။

"ကုန်းကုန်း ကို​မေးပါရ​စေ။ ရှမ်းရိပင်း ထိုက်​စစ်​နဲ့အတူ​သောက်​ခွင့်​ရနိုင်​မလား'' ရုတ်​တရပ်​ကျိူးယွင်​ရှန့်​ပြုံးပြီး​မေးလိုက်​သည်​။

အနီးနားက မိန်းမစိုးက သူ့ကိုကြည့်​ပြီး ချက်​ချင်းဆိုသည်​'' ဂုဏ်​ထူး​ဆောင်​ဒါက ပြသာနာမရှိပါဘူး။ ကြွပါ''

တတိယအဆင့်​ဂုဏ်​ထူး​ဆောင်​လည်း ချာတိတ်​လေး ကိုကြည့်​ပြီး စိတ်​ထဲတွင်​ဒီ​ကျေးဇူးကိုမှတ်​လိုက်​သည်​။ အခြားသူများက​တော့ ဂုဏ်​ထူး​ဆောင်​၏ သတ္တိရှိမှုကို​လေးစား​နေကြသည်​။ သူတို့​ပြောကြတာက မင်းကြီးနဲ့ရင်​ဆိုင်​ရတာကျားနဲ့ ရင်​ဆိုင်​ရသလိုပဲ ဆိုရင်​အိမ်​ရှေ့မင်းသား က​တော့ ကျားထက်​ဆိုးသည်​တဲ့​လေ။

အိမ်​ရှေ့မင်းသားကလည်း ကျိူးယွင်​ရှန့်​ဖက်​ကစပြီးရင်းနှီး​အောင်​လှုပ်​ရှားမည်​ဟုထင်​ပုံမရ။ သူ့ရဲ့အင်္ကျီလက်​အစကိုဆွဲတင်​ပြီး တစ်​ဖက်​မှာထိုင်​ဖို့ညွှန်​ပြလိုက်​သည်​။ ထို့​နောက်​အကဲခတ်​ကြည့်​၏။​ကြောက်​ရွံတစ်​စုံတစ်​ရာ ထိုအမျိူးသားငယ်​ဆီမှာမ​တွေ့ရမှာ သူ့စိတ်​ကြည်​လာသည်​။

"မင်းကတယ်​သတ္တိရှိတာပဲ အခြားလူ​တွေနဲ့ကွာပ'' သူလုပ်​ရယ်​လိုက်​သည်​။

ကျိူးယွင်​ရှန့်​အသံကလည်း အရမ်းကို ညင်​သာသည်​''ကျွန်​တော်​မျိူး မျက်​သာရ​အောင်​လုပ်​ရတာမဟုတ်​ပါဘူး။ ဒီအမှုထမ်းငယ်​က မနက်​ဖြန်​ကစပြီး​တော်​ဝင်​တက္ကသိုလ်​မှာ အမှုထမ်းရင်း ထိုက်​စစ်​ရဲ့ စာ​ပေ​လေ့လာမှုကိုအကူအညီ​ပေးရမှာပါ။ ထိုက်​စစ်​နဲ့ အချိန်​အများကြီးအတူရှိ​နေ​ပေးရမှာမို့ အခုလို​ခြေလှမ်းအရင်​စရတာပါ''

သူဟာ ဖြူစင်​ပြီးချစ်​စရာ​ကောင်းရုံသာမက အသံကလည်း ကြည်​လင်​၍ သာယာသည်​။ အိမ်​ရှေ့မင်းသား ကရယ်​လိုက်​ပြီး သူ့မျက်​ဝန်းတို့က နူးညံ့​နေ၏။ ဒီ အ​ကောင်​ပေါက်​လေး ကျားကိုမ​ကြောက်​တာမြင်​ရ​တော့ သူ့တကယ်​ဝမ်းသာမိသည်​။ 15

ကျိူးယွင်​ရှန့်​နှာ​ခေါင်းကို ထိလိုက်​ပြီး မင်းသား၏​ခြေ​ထောက်​ဆီအကြည့်​ရောက်​သွားသည်​၊ ညအချိန်​တွင်​အေး​သော​ကြောင့်​လူအများစုမှာ ဂွမ်းကပ်​ပါသည့်​ပိုးသား​ခြေစွပ်​နှင့်​ဖိနပ်​ကိုဝတ်​ရသည်​။ မင်းသားက အဝတ်​ပါးပါး​လေးဝတ်​ထားပြီး ဖိနပ်​ကို​လည်​နူးညံ့သည့်​ပိတ်​သားနှင့်​ချူပ်​ထားသည့်​ဖိနပ်​ကိုသာဝတ်​ဆင်​ထားသည်​။ သူ​အေးမှာမ​ကြောက်​ဘူးလား။

သူသံသယဝင်​နေချိန်​မှာပဲ မင်းသားက ဝိုင်​ခွက်​ကမ်း​ပေးသည်​။ သူ့တစ်​ငုံ​သောက်​ပြီး မျက်​လုံးများကအ​ရောင်​တောက်​သွားသည်​။ ဒါက အ​နောက်​ဇာမဏီလို့​ခေါ်တဲ့​တော်​ဝင်​သေရည်​။​ရေ​နွေးထဲထည့်​ပြုတ်​ပြီးမှ​သောက်​ရတာ အရသာက တစ်​ခါ​သောက်​ပြီးရင်​တစ်​သက်​မ​မေ့နိုင်​စရာပဲ။

မင်းသားက သူ့နံ​ဘေးမှ​ကောင်​လေး လျှာသပ်​လိုက်​သည်​ကိုမြင်​လိုက်​သည်​။ ပန်း​ရောင်​လျှာ​သေး​သေး​လေးက အပြင်​ကိုထွက်​လာပြီး အူယားစရာ​ကောင်းသည်​။ မင်းသားလည်း သူ့ကို​နောက်​ထပ်​ထပ်​တိုက်​ချင်​လာသည်​။ သူတို့​သောက်​ရင်း စကား​ပြောရင်းနဲ့ သူတို့ပုံစံက ပထမဦးဆုံး​တွေသည်​နဲ့မတူ နှစ်​ရှည်​လများသိကျွမ်းခဲ့သည်​ငယ်​ကျွမ်း​ဆွေများနှင့်​ရင်းနှီး​နေကြသည်​။ 5

သတ္တမ မင်းသားလည်း ပွဲကို တက်​ရောက်​ပြီး အိမ်​ရှေ့မင်းသား စိတ်​လွတ်​မည့်​အချိန်​ကိုထိုင်​စောင့်​နေသည်​။ သို့မှသာ သူဝင်​ကူညီပြီး မျက်​နှာ​ကောင်းယူရန်​ဖြစ်​သည်​။.ဒါ​ပေမယ့်​လက်​ရှိအ​ခြေအ​နေက​တော့ သူ့ကိုစိတ်​ဓာတ်​ကျ​စေသည်​။ 2

မင်းသားက အရက်​စွဲ​နေပြီး အ​နောက်​ဇာမဏီ တစ်​ပုလင်းလုံး​သောက်​ပြီး​နောက်​နောက်​ထပ်​ကရားနှစ်​အိုးထပ်​မှာသည်​။ 4

"အစာမရှိပဲမ​သောက်​နဲ့ ထမင်းလည်းစားချည်​အုန်း''​ကောင်​လေးရဲ့ မျက်​ဝန်း​တွေကရီ​ဝေ​နေပြီး ပါးပြင်​ကနီရဲ​နေသည်​ကို မင်းသားကရယ်​သည်​။ ထို့​နောက်​လက်​ကိုဆန့်​ထုတ်​ပြီး ဆံပင်​များကိုပွတ်​သပ်​၏၊

"အာ...ဟုတ်​ကဲ့ '' ရှမ်းရိပင်း ခန္ဓာက နုနယ်​သေးတာ​ကြောင့်​မူး​နေပြီ။ ကျိူးယွင်​ရှန့်​လည်းမူး​နေပြီ။ သူ 007ကို သုံးပြီး ခန္ဓာကိုယ်​dataကို ပြင်​လို့ရ​ပေမယ့်​အခုလိုလူမြင်​ကွင်းမှာ လက်​ကောက်​ဝတ်​ကို​မြှောက်​ပြတာ အကြံ​ကောင်း​တော့မဟုတ်​ဘူး။ ပြီး​တော့ မင်းသားကိုသူ့ကိုတစ်​ချိန်​လုံးကြည့်​နေတာ။

သူထမင်းပန်​ကန်​လုံးကို လက်​နဲ့ထိလိုက်​ပြီး မင်းသားကိုကြည့်​ကာ​ပြောလိုက်​သည်​။ ''ဒီအစားအစာ​တွေက​အေးစက်​ပြီး အရသာမရှိ​တော့ဘူး''

"အင်း.... နည်းနည်း​အေး​နေတယ်​'' မင်းသားကရယ်​ပြီး သူ့ပန်းကန်​လုံးကိုယူကာ စားသည်​။ ရှမ်းရိပင်း၏ ထမင်းပန်းကန်​လုံးကိုပင်​ယူ​ပေးလိုက်​သေးသည်​။ ဒါ​ပေမယ့်​သူဝိုင်​ထပ်​ဖြည့်​ပေးရန်​မ​မေ့​ပေ။

ကျိူးယွင်​ရှန့်​မူး​ဝေ​နေပြီး စိတ်​ထဲမှာ​သေရည်​တွေနဲ့ပြည့်​နေသည်​။ စားထားသမျှလည်း လည်​ပင်းကိုပြန်​ဆန်​တက်​လာပြီး အပြင်​ထွက်​ချင်​လာသည်​။ မင်းသားက ဝိုင်​ထပ်​ဖြည့်​နေတဲ့အချိန်​သူရုတ်​တရပ်​ထပြီး အပြင်​ကိုထွက်​ပြေးသွားလိုက်​သည်​။

အားလုံးက ဂုဏ်​ထူး​ဆောင်​မင်းသားကို သည်းမခံနိုင်​တော့လို့ထွက်​ပြေးသွားသည်​ဟု ထင်​နေကြပြီး ပြသာနာ​တော့စပြီဆိုတဲ့ အကြည့်​နဲ့ကြည့်​နေကြသည်​။

မင်းသားလည်းပဲ သူ့ကို​ကြောက်​ပြီးထွက်​ပြေးသည်​ဟုထင်​ပြီး မျက်​နှာကမာထန်​လာသည်​။ လက်​ကလည်းခါးမှာရှိသည့်​ဓားရိုးကိုလှမ်းကိုင်​ပြီးပြီ။ သူကမိတ်​ဆွေ​တွေဖြစ်​ပြီလို့ထင်​ခဲ့တာ ဒါ​ပေမယ့်​တစ်​ဖက်​က သူ့ရဲ့မလိုလားတဲ့စိတ်​ဖုံးကွယ်​ပြီး သူ့ကိုချည်းကပ်​လာတာပဲ။ သတ်​ပစ်​တာပဲ​ကောင်းမယ်​ဒါဆို မျက်​စိစပါး​မွှေးမစူးရ​တော့ဘူး။ 5

သတ္တမ မင်းသားလည်း မတ်​တပ်​ရပ်​ပြီး တားရန်​ပြင်​လိုက်​သည်​။ ဒါ​ပေမယ့်​လို့ မင်းသားက သတ်​ရန်​ပြင်​နေသည့်​ကိုမြင်​တော့အခြားအကြံ​တွေးမိသည်​။ လက်​ရှိ ရှမ်းရိပင်းက မင်းကြီးမျက်​နှာသာ​ပေးခံ​နေရတာ ။ တကယ်​လို့ အိမ်​ရှေ့မင်းသား သာ သူ့ကိုသတ်​လိုက်​ရင်​ရှမ်းအိမ်​က သူ့​ခေါင်းကိုလိုချင်​မှာပဲ။ မင်းကြီးလည်း စိတ်​ဆိုးပြီး သူ့ရာထူးကိုဖယ်​ပစ်​နိုင်​တယ်​။

ထိုအ​ခြေအ​နေတွင်​ဘယ်​သူကမှ ဝင်​ဖျောင်းဖြရန်​စိတ်​ကူးမရှိ။ တတိယဂုဏ်​ထူး​ဆောင်​က အသနားခံရန်​ကြိုးစားဖို့ပြင်​လိုက်​သော အချိန်​၌ ဂုဏ်​ထူး​ဆောင်​နောက်​လိုက်​သွားသည့်​မိန်းမစိုးက ပြန်​ရောက်​ပြီး မင်းသားကို တိုးတိုး​ပြောသည်​။

မင်းသားက မျက်​ခုံးပင့်​ပြီး သူ့ရဲ့​ဒေါသထွက်​နေသည့်​အမူအရာက​ပျောက်​သွားသည်​။ အဲ့ဒီ​နောက်​စကားတစ်​ခွန်းမဆိုပဲ ထွက်​သွား​လေသည်​။

​တော်​ဝင်​ဥယျာဉ်​ထဲ၌ ကျိူးယွင်​ရှန့်​တစ်​ယောက်​ကြာကန်​နံ​ဘေးမှလဲပြီး အားရပါးရအန်​နေ​လေသည်​။ သူ ခန္ဓာကိုယ်​dataကိုပြင်​မလို့ရှိ​သေး အိမ်​ရှေ့မင်းသား က​ရောက်​လာတာ​ကြောင့်​ရပ်​လိုက်​သည်​။

မင်းသားက မြူး​နေသည့်​မျက်​ဝန်းများဖြင့်​''ဝိုင်​ကရားနည်းနည်းပဲ​သောက်​ရ​သေးတယ်​။​မောင်​မင်းက ဒီ​လောက်​တောင်​မူး​နေပြီ။ မယုံနိုင်​စရာပဲ။ ''

"ကျွန်​တော်​က ၁၇နှစ်​ပဲရှိ​သေးတာ'' ကျိူးယွင်​ရှန့်​ချက်​ချင်းပြန်​ပြောလိုက်​သည်​. သူ့မျက်​ဝန်းကမျက်​ရည်​စို့​နေ၏။ Lord Godသူ့ကို ဖမ်းသွားတုန်းက သူက၁၆နှစ်​ပဲရှိ​သေးတာ။ ဒါ​ကြောင့်​အရက်​သောက်​ဖို့အသက်​မပြည့်​သေးဘူး။
ဘဝ​ပေါင်းများစွာ ပြန်​လည်​မွေးဖွားပြီး​ပေမယ့်​လို့ သူ့စိ​တ်​ထဲ သူက အမြဲတမ်း၁၆နှစ်​ပဲ။ 27

မင်းသားက ဒီအ​ခြေအ​နေကို ရယ်​စရာ​ကောင်းတယ်​လို့ထင်​တာ​ကြောင့်​ကျိူးယွင်​ရှန့်​ကို ဖိုးသခွားလေးဟု စ​နောက်​လေသည်​။

ကျိူးယွင်​ရှန့်​သူ့ကိုလျစ်​လျူရှုပြီးဆက်​အန်​လိုက်​သည်​။ ကန်​ထဲက ငါး​တွေက သူ့အန်​ဖတ်​တွေစား​နေပြီး​နောက်​ဆုံး သူသည်း​ခြေရည်​တွေထိအန်​ပြီးမှ ရွံစရာ​ကောင်းမှန်းသိသည်​။ ''သူတို့ ၊ သူတို့ ကျွန်​တော့်​အန်​ဖတ်​တွေစား​နေကြတယ်​! ရွံစရာကြီးကွာ ။ နန်း​တော်​ကငါး​တွေဒီ​လောက်​ရွံစရာ​ကောင်းမှန်းမသိခဲ့ဘူး''

မင်းသားကလည်း ဟက်​ဟက်​ပက်​ပက်​ရယ်​မော​လေသည်​။ သူလက်​ကိုင်​ပဝါကိုထုတ်​ပြီး​ကောင်​လေးရဲ့ပါးစပ်​ကိုသုတ်​ပေးလိုက်​သည်​။ သူ့အပြုအမူ​တွေက အရမ်းကိုညင်​သာ၏။ သူနဲ့ဒီ​ကောင်​လေး လက်​ပွန်းတတီး​နေရတာကို သူသ​ဘောကျတာ​ကြောင့်​သူ့စိတ်​သူ​လျော့ထားသည်​။ 4

ကျိူးယွင်​ရှန့်​ကျေးဇူးတင်​လိုက်​ပြီး သူ့လက်​ကိုကိုင်​ကာမတ်​တပ်​လိုက်​သည်​။ အံ့သြစရာက မင်းသားဟာ အဝတ်​ပါးပါးဝတ်​ထား​ပေမယ့်​လို့ အရည်​ပြား​တွေက အရမ်းပူ​နေပြီး သာမန်​အပူချိန်​နှင့်​မတူ​ပေ။ သူအနီးကပ်​ကြည့်​တော့ မင်းသားကိုယ်​က​ဆေးနံ့ ကိုရသည်​။ သူ့အာရုံငါးပါးကသူများထက်​ကောင်းမို့ ဘာပါသလဲ အကုန်​ခွဲခြားနိုင်​သည်​။ ထိုအထဲတွင်​လင်​ဇီးနီ ကဲ့သို့ တန်​ဖိုးကြီး​ဆေးဝါးများမှအစ ဘိန်းအထိပါဝင်​သည်​။

မင်းသားက ထျန်းချန်​မင်းကြီး၏ အချစ်​တော်​သား​လေးဖြစ်​သည်​။ ငယ်​စဉ်​ကတည်းကပင်​ထက်​မြတ်​ပြီး အုပ်​ချူပ်​ရေးပိုင်းမှာလည်း ပါရမီပါသည်​၊ ဒါ​ပေမယ့်​လို့ လွန်​ခဲ့တဲ့သုံးနှစ်​ကစပြီး သူ့စိတ်​ကအရမ်းကြမ်းတမ်းလာသည်​။ ထင်​ရာစိုင်းလုပ်​တတ်​လာသည်​။ ထျန်းချန်​မင်းကြီးက သူ့ကိုအကြိမ်​ကြိမ်​ခေါ်ဆူသလို ပြုပြင်​ဖို့လည်းကြိုးစားသည်​။ ဒါ​ပေမယ့်​အရာအားလုံးကအချည်းနှီးပင်​။

ကျိူးယွင်​ရှန့်​က​တော့ အိမ်​ရှေ့မင်းသားရဲ့ စိတ်​အ​ပြောင်းအလဲရဲ့အဓိကအရင်းအမြစ်​ကို ရှာ​တွေ့ပြီဟု ခံစားလိုက်​ရသည်​။