အခန်း(၂၉) ရှမ်းရိပင်းဘဝ +

ကျိူးယွင်​ရှန့်​ရဲ့ ဝိညာဉ်​ကစွမ်းအားမြင့်​တာ​ကြောင့်​လေးရက်​မ​ပြောနဲ့​လေးလမအိပ်​ရရင်​တောင်​ဘာမှဖြစ်​မည်​မဟုတ်​ပေ။ သူအခန်းကိုပြန်​ရောက်​တော့ မအိပ်​ပဲ ပြတင်း​ပေါက်​ရှေ့မှာရပ်​ပြီး တရားထိုင်​လိုက်​သည်​။ သူက ရှဲ့ယွိရို ကို​စောင့်​နေတာ။ သူမမှာက​ဆေးဝိညာဉ်​နယ်​မြေနဲ့ ဝိညာဉ်​စမ်း​ရေ ရှိ​တော့ ရှဲ့ယွိရို အသုံးပြုတာနဲ့ သူလည်းမင်းသားကိုကု​ပေးလို့ရပြီ။ ရှဲ့ယွိရို လာမှာလားဆိုရင်​တော့ အ​ဖြေက Yes​ပေါ့။

ဒါကို​တွေးပြီး သူ့ခပ်​ဖွဖွရယ်​လိုက်​သည်​။

"ရှမ်းဝန်​ကြီး ထိုက်​စစ်​တျန့်​ရှ က သင့်​ကို​ခေါ်ပါတယ်​'' မိန်းမစိုးက ကျိူးယွင်​ရှန့်​မင်းသားကိုစိတ်​ပူလွန်းလို့အိပ်​တောင်​မအိပ်​နိုင်​ရှာဘူးဆိုပြီး စိတ်​ထဲလှုပ်​ရှားသွား​လေသည်​။ 3

ကျိူးယွင်​ရှန့်​ချက်​ချင်းပဲ မင်းသားရှိရာအခန်းကိုပြန်​သွားလိုက်​သည်​။

"ထိုက်​စစ်​တျန့်​ရှ '' သူ ကုတင်​နားဖြည်းဖြည်းချင်း​လျှောက်​သွားပြီး ဦးညွှတ်​လိုက်​သည်​။

"ဘာလို့ ထိုက်​စစ်​တွေ တျန့်​ရှ​တွေ​ခေါ်​နေ​သေးတာလဲ။ ကူစစ်​နျန်​လို့ပဲ​ခေါ်'' မင်းသားက​ကောင်​လေးရဲ့မျက်​နှာကိုကြည့်​ဖို့ ကိုယ်​တစ်​ခြမ်းကို ထူလိုက်​သည်​။

ကျိူးယွင်​ရှန့်​အမြန်​ထူကူပြီး​နောက်​ကို​ခေါင်းအုံး​ပျော့ခံ​ပေးလိုက်​သည်​။ ပြီး​နောက်​ကူစစ်​နျန်​ဟု​ခေါ်လိုက်​သည်​။ ဒီနံမည်​က သူတို့ကြားက အကွာအ​ဝေးကိုပိုမိုနီးကပ်​စေတယ်​။

မင်းသား ရယ်​ပြီး သူ့လက်​ကိုကိုင်​ရင်း ရှန့်​၊ ရှန့်​ဟု​နောက်​ဘဝတွင်​မ​ခေါ်ရ​တော့မည့်​အလား ထပ်​ခါထပ်​ခါ​ခေါ်​လေသည်​။ 2

"မင်း​ပြောတယ်​နော်​။ ကိုယ်​တစ်​ခုခုဖြစ်​ခဲ့ရင်​မင်းကိုယ့်​ကို စမ်း​ချောင်းဝါ ထိအ​ဖော်​ပြုပါမယ်​ဆိုပြီး..။ အဲ့တာ အခုထိအတည်​လို့ရ​သေးလား'' သူအခု​တော့​နောင်​တရမိသည်​။ သူ ပွင့်​ပွင့်​လင်းလင်း ချစ်​ရေးမဆိုခဲ့ခြင်းက သူတို့​ရှေ့ကလမ်းကိုအရင်​ရှင်း​ပေးချင်​လို့။ ဒါ​ပေမယ့်​အခု​တော့အချည်းနှီးပဲ။ သူဟာ အရမ်းကို တစ်​ကိုယ်​ကောင်းဆန်​တဲ့အပြင်​သေခါနီးမှာတာင်​ချစ်​ရတဲ့သူကို သူနဲ့အတူ​ခေါ်သွားချင်​မိတယ်​။ 1

ကျိူးယွင်​ရှန့်​သေရမှာမ​ကြောက်​ပါ။ တကယ်​လို့ ဒီကမ္ဘာမှာ တာဝန်​မပြီးလည်း​နောက်​ကမ္ဘာကူးနိုင်​သည်​။ သွားရမည့်​ကမ္ဘာကများလွန်းလို့ စိုးရိမ်​စရာမရှိ။ သူခဏ​လောက်​စဉ်းစားပြီးပြန်​ဖြေလိုက်​သည်​။ ''မှတ်​မိပါတယ်​။ အဲ့ဒီစကား​တွေက အမြဲအတည်​ယူလို့ရ ပါတယ်​''

မင်းသားက မျက်​နှာရွှင်​ပြီး ရယ်​လေသည်​။ ရယ်​နေရင်းက​ချောင်းပါဆိုးလာသည်​။ ဒါ​ပေမယ့်​သူ​ပျော်​လွန်းလို့အရယ်​မရပ်​နိုင်​ပေ။ 1

အ​စေခံ​တွေနဲ့ မိန်းမစိုး​တွေလည်း ကြည့်​ရင်းနဲ့ မျက်​လုံး​တွေနီရဲလာပြီး​နောက်​လှည့်​ကာ မျက်​ရည်​သုတ်​ကြရသည်​။ 4

ထို​နောက်​ပိုင်းကစပြီး ကျိူးယွင်​ရှန့်​မင်းသားကို ပြုစုဖို့မတုန့်​ဆိုင်း​တော့ ။ သူမင်းသားနဲ့ အတူစားပြီး​ရောဂါကူးမှာလည်းမ​ကြောက်​ပေ။ သူမင်းသားနဲ့​သေရွာကိုလိုက်​ခဲ့မယ်​ဆိုကတည်းက သူ့ခန္ဓာကို​ပြောင်းလဲ ပြီးသွားပြီ။ သူ အသတ်​ခံရရင်​ဒါမှမဟုတ်​ထွက်​သွားချင်​မှသာ​သေ​တော့မည်​။ မင်းသားရဲ့​ရောဂါက သူ့ကို ကူးစက်​နိုင်​မည်​မဟုတ်​ပေ။

ရှဲ့ယွိရို ကလည်းအချိန်​ကိုက်​အိမ်​ဝန်းထဲ​ရောက်​လာ​သည်​။အိမ်​ရှေ့မင်းသား နာမကျန်းဖြစ်​နေဆဲအ​ကြောင်းကိုကြား​တော့ သူမစိတ်​ချသွားပြီး စိတ်​ထဲမှာ​လှောင်​ရယ်​လိုက်​သည်​။ ရှင်​အ​ဆောင်​အ​ယောင်​ဆုံးရှုံးရမယ့်​ကံကြမ္မာက လွှတ်​မြောက်​ခဲ့​ပေမယ့်​မိုးနတ်​မင်းကရှင်​ကိုအလွှတ်​မ​ပေးပါဘူး။ မချိမဆန့်​သေရတဲ့ အရသာကို ခံစားကြည့်​အုန်း​ပေါ့။

သူမကအိမ်​ရှေ့မင်းသားရှိရာအရပ်​ကို ဦးညွှတ်​လိုက်​ပြီး သတ္တမ မင်းသား ရှိရာ အိမ်​ဝန်းသို့သွားလိုက်​သည်​။
သတ္တမ မင်းသားကလည်း သူမကူးစက်​မှာမ​ကြောက်​ပဲအနစ်​နာခံ လာပြုစု​ပေးတာမြင်​တော့ ရင်​ထဲအရမ်းထိသွားပြီး သူမလက်​ကိုအချိန်​အကြာကြီးကိုင်​ထား​လေသည်​။ ရှဲ့ယွိရို ကနှစ်​သိမ့်​စကားအနည်းငယ်​ဆိုပြီး မင်းသားကို စွပ်​ပြုတ်​နဲ့ လက်​ဖက်​ရည်​နည်းနည်းတိုက်​လိုက်​သည်​။ မင်းသားစားသမျှအစာအားလုံးတွင်​သူမက ဝိညာဉ်​စမ်း​ရေ ကိုထည့်​ထားပြီး သူမ​ဆေးဝိညာဉ်​နယ်​မြေမှ ကြာ​စေ့အချိူ့ကို​လည်းကျွေးသည်​။

အ​စေခံ​တွေကို ကူးစက်​ရောဂါ က ကာကွယ်​ဖို့သူမက အ​စေခံ​တွေကို ဝိညာဉ်​စမ်း​ရေ ထည့်​ထားတဲ့လက်​ဖက်​ရည်​အိုးကြီးကို​ဖျော်​ပြီးတိုက်​သည်​။

ဝိညာဉ်​စမ်း​ရေ ရဲ့ သက်​ရောက်​မှုကအရမ်းသိသာသည်​။ သတ္တမ မင်းသားက ရက်​ပိုင်းအတွင်းနလန်​ထူလာပြီး အ​စေခံများလည်းအကူးစက်​မခံရ​ပေ။ တစ်​ဖက်​က အိမ်​ရှေ့မင်းသား အိမ်​ဝန်းမှာ​တော့ အ​စေခံ​တွေက​နေ့တိုင်းနီးပါး​သေကြပြီး အိမ်​ရှေ့မင်းသားလည်း တစ်​နေ့လုံးနီးပါး သတိ​မေ့​လေသည်​။

မင်းသားနှစ်​ပါးလုံးကို​ပေးတဲ့​ဆေးကတူတူပဲမို့ သမား​တော်​တွေကလည်း သံသယမဝင်​။ အိမ်​ရှေ့မင်းသား က နဂိုအားနည်းတာ​ကြောင့်​ပြန်​မ​ကောင်းနိုင်​သေးတာဟုသာထင်​ကြ​လေသည်​။

တစ်​နေ့ ကျိူးယွင်​ရှန့်​မင်းသားအိပ်​သွားတဲ့အထိ​စောင့်​ပေးပြီး မင်းသားအိပ်​မှ သူ့ကိုကိုင်​ထားတဲ့ မင်းသားလက်​ကိုခွာပြီး သတ္တမ မင်းသားရှိရာ အိမ်​ဝန်းဆီသို့သွားလိုက်​သည်​။

"​တော်​ဝင်​ကိုယ်​လုပ်​တော်​ရှဲ့ ၊​ကျေးဇူးပြုပြီး ထိုက်​စစ်​တျန့်​ရှ ကိုလည်းကယ်​ပေးပါ။'' သူ အိပ်​ရာထဲလဲ​နေတဲ့ သတ္တမ မင်းသားကို​ကျော်​ပြီး ရှဲ့ယွိရို ဆီသွားကာ အ​လေးအနက်​ဦးညွှတ်​လိုက်​သည်​။

သမား​တော်​တွေလည်းရှိ​နေ​တော့ ဒီမြင်​ကွင်း ကိုမြင်​ပြီး​ကြောင်​ကုန်​ကြသည်​။

ရှဲ့ယွိရို လည်း လန့်​သွား​ပေမယ့်​သူ့မျက်​နှာအမူအရာကိုထိန်းထားပြီး ဇ​ဝေဇဝါပုံစံနဲ့ ပြန်​မေးလိုက်​သည်​။ '' ရှမ်းဝန်​ကြီး ရှင်​ဘာ​တွေ​ပြော​နေတာလဲ။ ဒီကိုယ်​လုပ်​တော်​က​ဆေးပညာနဲ့ပတ်​သက်​ပြီး ဗဟုသုတ မှမရှိတာ ဘယ်​လိုလုပ်​ထိုက်​စစ်​တျန့်​ရှ ကို ကုသ​ပေးနိုင်​မှာလဲ''

"​တော်​ဝင်​ကိုယ်​လုပ်​တော်​နှိမ့်​ချ​နေပါပြီ။ သတ္တမ မင်းသားအခုလိုပြန်​ကောင်းလာတာက သူ​တော်​ဝင်​ကိုယ်​လုပ်​တော်​ကိုယုံကြည်​လို့ပါ။ ထိုက်​စစ်​တျန့်​ရှ ကတိုင်းပြည်​ရဲ့ဆက်​ခံသူပါ ကိုယ်​လုပ်​တော်​မှာ​ဆေးရှိပါလျှက်​နဲ့မထုတ်​ပေးရင်​ထိုက်​စစ်​တျန့်​ရှ​သေမှာကိုထိုင်​ကြည့်​နေတာနဲ့တူတူပါပဲ။ '' ကျိူးယွင်​ရှန့်​ပြုံး​နေ​သော်​လည်း သူ့စကားများက​တော့ဓားသွားထက်​ထက်​သည်​။ ရှဲ့ယွိရို ဝိညာဉ်​ခင်​မျာနှစ်​ပိုင်းကွဲသွားမလိုခံစားလိုက်​သည်​။

"ရှမ်းဝန်​ကြီး​နောက်​နေပါပြီ။ ကိုယ်​လုပ်​တော်​မှာ ဘယ်​က​ဆေးရှိရမှာလဲ။ ကျွန်​မယူလာတဲ့ အထုပ်​တွေအားလုံးကဒီမှာပဲ။ ရှင်​မယုံရင်​ရှာကြည့်​လို့ရတယ်​။ ကုသဖို့​ဆေး​တွေ့ရင်​ဒီ ကိုယ်​လုပ်​တော်​အပြစ်​ခံယူမယ်​။​တော်​ဝင်​မျိူးနွယ်​ကိုရိုင်းပြတာ အပြစ်​ကြီးပဲ ရှမ်းဝန်​ကြီး ရှာမ​တွေ့ရင်​အပြစ်​မတင်​ပါနဲ့''

ရှဲ့ယွိရို သူမရဲ့ ဝိညာဉ်​နယ်​မြေကိုယုံကြည်​တာ​ကြောင့်​ချက်​ချင်းစိတ်​အေးသွားရသည်​။

ကျိူးယွင်​ရှန့်​က ရယ်​လိုက်​ပြီး ''​ဆေးလုံးဝမရှိရင်​ကျွန်ုပ်​အခုလို​တော်​ဝင်​ကိုယ်​လုပ်​တော်​ကို လာရိုင်းပြ​နေမှာမဟုတ်​ပါဘူး။ ကျွနိုပ်​နှာ​ခေါင်းက ထူးခြားပါတယ်​။ သာမန်​လူမရနိုင်​တဲ့အနံ့မျိူးကိုလည်းရနိုင်​တယ်​။ မယုံရင်​အစမ်းပြနိုင်​ပါတယ်​''

သူက ရှဲ့ယွိရို ရဲ့ ခါးကအ​မွှေးအိတ်​ကို လက်​ညှိုး ထိုးလိုက်​ပြီး အထဲမှာရှိတဲ့ ပါဝင်​ပစ္စည်း​တွေကို တစ်​ခုမကျန်​ရွတ်​လိုက်​သည်​။ ''ဒါ​တွေက သာမန်​ဆေး​တွေမို့ ကျွနိုပ်​ရမ်း​ပြောတယ်​လို့ ကိုယ်​လုပ်​တော်​ပြောနိုင်​ပေမယ့်​ကျွနိုပ်​အခြားအနံ့​တွေဖြစ်​တဲ့ ကြာ​စေ့နဲ့အခြားထူးခြားတဲ့ပရ​ဆေးအနံ့ ကိုလည်းရပါတယ်​။ အနံ့ ကထူးခြားလွန်း​တော့ ကျွနိုပ်​တစ်​ခါမှမရဖူးဘူး။ ဒါ​ပေမယ့်​ခန့်​မှန်းရရင်​ဒါ ဒဏ္ဍာရီလာခရမ်း​ရောင်​ဂျင်းဆင်းပဲ ဖြစ်​ရမယ်​။ ကြာ​စေ့​တွေက အရမ်းထူးခြားတယ်​တစ်​ချက်​အနံ့ ခံလိုက်​တာနဲ့ည​နေထိမူး​ဝေသွား​စေတယ်​။ ကျွနိုပ်​က​ဆေးပညာမှာလည်း ဗဟုသုတနှံ့ စပ်​ပါတယ်​။ ဒါ​ပေမယ့်​ဒီကြာ​စေ့ရဲ့မူလအရင်းမြစ်​ကို​တော့ ခန့်​မှန်းမရဘူး''

စကား​ပြောပြီးသွား​တော့ သူ စားပွဲနားကို​လျှောက်​ပြီး သတ္တမ မင်းသားရဲ့​ဆေးခွက်​ကိုနမ်းကြည့်​လိုက်​ပြီး ပြုံးကာ ''ဒီခွက်​ထဲမှာရှိတာ ကြာ​စေ့နဲ့ဂျင်းဆင်းပဲ ။ အနံ့ ကအရမ်းပြင်းပြီး ဝိညာဉ်​စွမ်းအား​တွေပြည့်​နေသလိုပဲ''

သူခွက်​ကိုချလိုက်​ပြီး လက်​စပယ်​ချထားတဲ့ သစ်​သီးခြင်းထဲအခွံမခွာရ​သေးတဲ့ ကြာခွက်​တွေကိုမြင်​တော့ သူ့မျက်​လုံးအ​ရောင်​တောက်​သွားကာ သက်​ပြင်းချလိုက်​သည်​။ ''အ​တော်​ထူးခြားတဲ့ ကြာ​စေ့​တွေပဲ။​တော်​ဝင်​ကိုယ်​လုပ်​တော်​မှာ သဘာဝလွန်​စွမ်းအားများရှိ​နေတာလား​နော်​''

သူ အခန်းကို​လျှောက်​ပတ်​သွားပြီး ပြတင်း​ပေါက်​နားက မီးဖို​ရှေ့ရပ်​လိုက်​သည်​။ ထိုမီးဖို​ပေါ်တွင်​အ​ငွေ့ထွက်​နေသည့်​လက်​ဖက်​ရည်​တစ်​အိုးရှိ​နေသည်​။ သူ​အေးစက်​ပြီး ခပ်​နှိမ့်​နှိမ့်​အသံနဲ့ ''လက်​ဖက်​ရည်​ထဲမှာ​တောင်​ဆေးရှိ​နေတာ သင်​က ထိုက်​စစ်​အတွက်​နည်းနည်း​လောက်​ပေးဖို့ငြင်းဆန်​နေ​သေးတယ်​။ ဘာတွေစဉ်းစားထားပါသလဲ''

ရှဲ့ယွိရို သူမရဲ့လက်​သီးကိုတိတ်​တဆိတ်​ဆုပ်​ထားမိသည်​။ သူမရဲ့​ဆေးဝိညာဉ်​နယ်​မြေနဲ့ဝိညာဉ်​စမ်း​ရေက အခုလို​ခွေးနှာ​ခေါင်း​ကြောင့်​ပေါ်သွားလိမ့်​မယ်​လို့ တစ်​ခါမှမ​တွေးဖူး​ပေ။ဒါ​ပေမယ့်​သူမက​ခေါင်းမာ​နေဆဲ။ 9

"ဒီမှာ သမား​တွေအများကြီးရှိ​နေရက်​နဲ့ ရှမ်းဝန်​ကြီးပဲ အနံ့ ရတာ။ ဒီမှာဘာ ကုသ​ဆေးမှမရှိဘူး။ ကုသနိုင်​တဲ့​ဆေးတစ်​စုံတစ်​ရာ​တွေ့ခဲ့ရင်​ဒီကိုယ်​လုပ်​တော်​အပြစ်​ရှိ​ကြောင်း​တောင်းပန်​မယ်​''

သတ္တမ မင်းသားကလည်း အံ့သြ​နေရာကသတိပြန်​ဝင်​ပြီး ''ရှာ​ဖွေဖို့ ကိုယ်​တော်​ခွင့်​ပြုတယ်​'' သူနဲ့ရှဲ့ယွိရိုမှာ ထူးခြားတဲ့ဆက်​နွယ်​မှုရှိပြီးသား။ ရှဲ့ယွိရိုရဲ့​တောက်​ပတဲ့မျက်​လုံးကိုမြင်​ရုံနဲ့သူမ​သေချာမှန်းသူသိတယ်​။

ကျိူးယွင်​ရှန့်​က ဟာသတစ်​ခုကြားသလိုရယ်​လိုက်​ပြီး ''ကျွနိုပ်​က သင့်​ရဲ့ အိတ်​ကိုရှာလို့ရတယ်​ပေါ့။ မလိုပါဘူး။ ကျွနိုပ်​ဒီ​ဆေးခွက်​၊ သစ်​သီးခြင်း၊ လက်​ဖက်​ရည်​အိုးနဲ့ အ​မွှေးအိတ်​ကိုပဲယူသွားမယ်​။ ကျွနိုပ်​ရိုင်းပြမိပါပြီ။ ထိုက်​စစ်​တျန့်​ရှ ဘာမှမ​ပြောင်းလဲရင်​ကျွနိုပ်​ဒီရိုင်းပြမှုအတွက်​အပြစ်​ခံယူပါမယ်​။ ထိုက်​စစ်​တျန့်​ရှ နတ်​ရွာစံခဲ့ရင်​ကျွနိုပ်​လည်းသူ့ကိုအ​ဖော်​ပြုလိုက်​ပါရမှာမို့ ဒီအပြစ်​ဒဏ်​ကိုခံယူဖို့ကမဖြစ်​နိုင်​တော့လို့ထင်​ပါတယ်​။ နှုတ်​ဆက်​ပါတယ်​။ သတ္တမ မင်းသားနဲ့ကိုယ်​လုပ်​တော်​အေး​အေး​ဆေး​ဆေး အနားယူကြပါ'' 5

သူ ဦးညွှတ်​လိုက်​ပြီး ရှဲ့ယွိခါးက အ​မွှေးအိတ်​ကိုဆွဲဖြုတ်​ကာ လိုအပ်​တဲ့ပစ္စည်းအကုန်​သယ်​ပြီး အိမ်​ရှေ့မင်းသားရှိရာကိုပြန်​သွားလိုက်​သည်​။

​ဆေးဝိညာဉ်​နယ်​မြေနဲ့ဝိညာဉ်​စမ်း​ရေက​မှော်​ဆန်​ပြီး မမြင်​နိုင်​သည့်​နေရာမှာသာတည်​ရှိသည်​။ ရှဲ့ယွိရို​တောင်​မှ သူမ မျက်​စိနဲ့​တွေ့တုန်းကမယုံနိုင်​ခဲ့ပါ။ အခုလို အခြားလူကမြင်​သွားမယ်​လို့သူမ မထင်​ခဲ့မိ​ချေ။ သူမပုံကျသွားပြီး သတ္တမ မင်းသားကို​မျှော်​လင့်​ချက်​မဲ့ကြည့်​လိုက်​မိသည်​။ သူမအနာဂတ်​က​တော့​မှောင်​မည်း​နေပါပြီ။ 3

ကျိူးယွင်​ရှန့်​အိမ်​ဝန်းထဲပြန်​ရောက်​တော့ အိမ်​ရှေ့မင်းသား ကမနိုး​သေး။ သူ့​နောက်​လိုက်​လာတဲ့ သမား​တော်​တွေက​တော့ မယုံသင်္ကာနဲ့ ''ကူးစက်​ရောဂါက​သေလမ်းပဲ ဒါ​တွေက ဘယ်​လိုလုပ်​ထိုက်​စစ်​တျန့်​ရှ ကိုကယ်​နိုင်​မှာလဲ။ ရှမ်းဝန်​ကြီး မှား​နေတာမဟုတ်​ဘူးလား''

"ကျူပ်​မမှားဘူး''

ကျိူးယွင်​ရှန့်​က အ​မွှေးအိတ်​ကိုဖွင့်​လိုက်​ပြီး အထဲက ဂျင်းဆင်းနဲ့ကြာ​စေ့ကိုယူကာ ခွက်​ထဲ​ရေစိမ်​လိုက်​သည်​။ ကျန်​တဲ့ ကြာ​စေ့​တွေကို လက်​ဖက်​ရည်​ဗန်းထဲခွာထည့်​အ​စေခံ​တွေကိုအမိန့်​ပေးပြီး သူ အိမ်​ရှေ့မင်းသားကိုညင်​ညင်​သာသာနိုးလိုက်​သည်​။

"ယွင်​ရှန့်​ကိုယ်​မကြာခင်​သေရ​တော့မယ်​ထင်​တယ်​။ မင်​နဲ့စာရွက်​ယူလာ​ပေး။ ခမည်း​တော်​ဆီစာ​ရေးချင်​တယ်​။ ကိုယ်​သေရင်​တောင်​ရှမ်းအိမ်​ရဲ့အနှစ်​တစ်​ရာ​ကောင်းချီးကိုတည်​စေမယ်​''

"ထိုက်​စစ်​တျန့်​ရှ ဒီ​နေ့ပဲ ပြန်​ကောင်းမှာပါ'' ကျိူးယွင်​ရှန့်​က မင်းသားရဲ့ ဆံပင်​ကိုသပ်​သပ်​ရပ်​ရပ်​စည်း​ပေးလိုက်​ပြီး​ဆေးခွက်​ကိုယူလိုက်​သည်​။ ''ဒါက ကိုယ်​လုပ်​တော်​ရှဲ့ ဆီက​ဆေး ၊​ကောင်း​ကောင်း​သောက်​ဟုတ်​ပြီလား''

မင်းသားက သူညာ​နေသည်​ဟုသာထင်​သည်​။ ဒါ​ပေမယ့်​လည်း အန်​ထုတ်​ချင်​စိတ်​ထိန်းပြီး ဂျင်းဆင်းနဲ့ကြာ​စေ့ကို ဝါးရင်း လိမ်​လိမ်​မာမာနဲ့​သောက်​လိုက်​သည်​။ ပြီး​တော့ လက်​ဖက်​ရည်​ကို​သောက်​လိုက်​သည်​။

သမား​တော်​တွေလည်း ကြည့်​နေ​ပေမယ့်​ကျိူးယွင်​ရှန့်​လောက်​တော့ဘယ်​သူမှယုံကြည်​ချက်​မရှိကြ။.သူတို့​တွေး​နေတာက။ ကူးစက်​ရောဂါက နာတာရှည်​ရောဂါ ။ ဘယ်​လိုလုပ်​လက်​ဖက်​ရည်​တစ်​ခွက်​နဲ့စွပ်​ပြုတ်​တစ်​ခွက်​သောက်​ရုံနဲ့​ပျောက်​မှာလဲ။ ရှမ်းဝန်​ကြီးက အိမ်​ရှေ့မင်းသား ကို အရမ်းစိုးရိမ်​ပြီး ရူးသွားတာဖြစ်​ရမယ်​။ သူက သတ္တမ မင်းသားနဲ့ သူ့ရဲ့အချစ်​တော်​ကို​တောင်​အပြစ်​ပြုလိုက်​သေးတယ်​။ သတ္တမ မင်းသားသာ နန်းတက်​လို့က ရှမ်းအိမ်​တော့ ဒုက္ခ​ရောက်​တော့မှာပဲ။

ဒါ​ပေမယ့်​လည်း မထင်​မှတ်​စရာကထွက်​ပေါ်သည်​။ မင်းသားက​ကျွေးသမျှစားပြီး​တော့​ချွေး​တွေပြန်​လာသည်​။​ချွေး​တွေက အနက်​ရောင်​ဖြစ်​ပြီး အနံ့ လည်းပြင်းသည်​။ သူ့ခန္ဓာထဲက အဆိပ်​တွေအကုန်​အ​ရောင်​ပြောင်းသည်​နဲ့တူလှသည်​။ ပြီး​တော့ အိမ်​ရှေ့မင်းသားက​ရေအိမ်​ခဏခဏသွားပြီး​ရေ​နွေး​နွေးနဲ့​ရေချိူးပြီး​တော့ သူ့မျက်​နှာကပန်း​ရောင်​သန်းလာပြီး မျက်​လုံးကအ​ရောင်​တောက်​ကာ ကျန်းမာသည့်​ပုံ​ပေါ်လာသည်​။

တုန့်​ပြန်​မှုကအရမ်းအား​ကောင်း​ပေမယ့်​အံ့သြစရာ​တော့မရှိ ဝိညာဉ်​စမ်း​ရေနဲ့ဂျင်းဆင်း မ​ပြောနဲ့ ကြာ​စေ့မှာတင်​စွမ်းအား​တွေအများကြီးပါ​နေပြီ။ သတ္တမ မင်းသား ရှဲ့ယွိရို နည်းနည်းစီပဲ​ကျွေး​နေလို့ တဖြည်းဖြည်းချင်း​ကောင်းလာတယ်​ထင်​ရတာ။

အဲ့ဒီကြာပန်း​တွေက ဝိညာဉ်​စမ်း​ရေ ထဲမှာပွင့်​ပြီး စမ်း​ရေရဲ့စွမ်း​တွေ စုပ်​ယူသို​လှောင်​ထားပြီးသား။ ရှဲ့ယွိရို က သတိမထားမိပဲ ငါးခု၊​ခြောက်​ခု​လောက်​ထုတ်​လာ​တော့ ကျိူးယွင်​ရှန့်​အတွက်​ကောင်းတာ​ပေါ့။

"မြန်​မြန်​ကိုယ်​တော့်​သွေး​ကြောကိုစမ်းကြည့်​စမ်း'' မင်းသားက​ရေစိုဆံပင်​တွေကိုသပ်​တင်​ပြီး လက်​ကို​ခေါင်းအုံး​ပေါ်တင်​ကာ စိတ်​လှုပ်​ရှားစွာနဲ့​ပြောလိုက်​သည်​။

သမား​တော်​တွေလည်း အလှည့်​ကျ စမ်းကြည့်​ပြီး အံ့အားသင့်​ကုန်​ကြသည်​။

ကိုယ်​လုပ်​တော်​ဝမ်​က သတင်းကြား​တော့ အမြန်​ရောက်​လာပြီး မင်းသားရဲ့ဆံပင်​ကိုသုတ်​ဖို့ တဘတ်​ကိုယူလိုက်​သည်​။

"မင်း ငါကိုယ်​တော်​ရှေ့လုံးဝ​ပေါ်မလာနဲ့​တော့။ သတ္တိ​ကြောင်​တဲ့မိန်းမ'' မင်းသားက မာန်​လိုက်​ပြီး သူ့အသံက​အေးစက်​ခြင်းနှင့်​ပြည့်​နေသည်​။ ပြီး​တော့မှ သူ့နံ​ဘေးက​ကောင်​လေးကို ကြည့်​လိုက်​ပြီး ရယ်​ရင်း ''ယွင်​ရှန့်​ဒီကိုလာ။ ကိုယ့်​ဆံပင်​တွေစို​နေတယ်​။ အရမ်း​အေးတာပဲ'' 23

ကိုယ်​လုပ်​တော်​ဝမ်​က မျက်​ရည်​မကျပဲငို​လေသည်​။ 9

သမား​တော်​တွေ​သွေး​ကြောစမ်းပြီးကုန်​တော့ '' ,ထိုက်​စစ်​တျန့်​ရှ​နေပြန်​ကောင်းသွားပြီး ကိုယ်​လုပ်​တော်​ရှဲ့ရဲ့​ဆေးက တကယ်​အစွမ်းထက်​တာပဲ '' ဟု သံပြိုင်​အော်​ကြ​လေသည်​။

​လေးစားရတဲ့ ကိုယ်​လုပ်​တော်​က​နေ အခု​တော့ချဉ်​စရာ ရှဲ့မျိူးနွယ်​ဖြစ်​သွားသည်​။ ဒါက ရှဲ့ယွိရို ရဲ့ ကံဆိုးမိုး​မှောင်​ကျခြင်းအစပါပဲ။ သူမက​ဆေးရှိလျှက်​နဲ့ အိမ်​ရှေ့မင်းသား ကို ဆက်​သဖို့ ငြင်းတဲ့အ​ကြောင်း ထျန်းချန်​မင်းကြီးဆီသို့​ရောက်​ရှိသွားသည်​။ ဒါက ရှဲ့ယွိရုံ တင်​မက သတ္တမ မင်းသားပါ ခံစားရမည့်​ကံဆိုးခြင်းပင်​။ အိမ်​ရှေ့မင်းသား က နန်း​မွေဆက်​ခံရမယ့်​သူ ။ သူတို့စုံတွဲက ကိုယ်​ကျိူးအတွက်​ဆေးကိုမ​ပေးပဲ​နေတာ​ကြောင့်​ကြီး​လေးတဲ့အပြစ်​ကိုခံစားရမည်​။