အခန်း(၂၄) ရှမ်းရိပင်းဘဝ +

ရှမ်းသားအဖနှစ်​ယောက်​မေးခွန်းဝယ်​မှု​ကြောင့်​ထပ်​မံအပြစ်​မခံရ​တော့ပဲ အိမ်​ပြန်​ရောက်​ခဲ့သည်​။ အမှုပြီးသည့်​အခါတွင်​စာ​မေးပွဲထပ်​ဖြေရန်​ရှမ်းရိပင်းကို မင်းကြီးကရာဇသံ​ပေးသည်​။ သူသာပထမ​နေရာကို မရလျှင်​အနာဂတ်​မှာ မင်းမှုထမ်းတစ်​ယောက်​ဖြစ်​လာ​တော့မည်​မဟုတ်​ပေ။

ထျန်းချန်​မင်းကြီးက ရှမ်းရိပင်းကိုအများကြီး​မျှော်​လင့်​ထားသည်​။ သူသာ ဂုဏ်​ထူး​ဆောင်​နေရာကို ရနိုင်​ပါက သူ့အနာဂတ်​ကခိုင်​မြဲသွားလိမ့်​မည်​။

ရှမ်းသခင်​မကြီးက သူ့သားတင်​ပါးမှာ ပတ်​တီးစည်း​ပေးပြီး​ပျော်​ရွှင်​စွာ​ပြောသည်​။ ''ကျွန်​မသိတာ​ပေါ့ ကျွန်​မသားက​လောကမှာဥာဏ်​အ​ကောင်းဆုံးဆိုတာ။ သူငယ်​ငယ်​ကတည်းက အရမ်း​တော်​တာ''

ရှမ်းသခင်​ကြီးလည်း သူ့သားရဲ့ထက်​မြတ်​မှုကို အရမ်းဂုဏ်​ယူ​နေသည်​။ ဒါ​ပေမယ့်​လည်း နည်းနည်း​တော့စိတ်​ဆိုး​နေ​သေးသည်​။ သူထင်​တာ သူသားက ဒဏ်​ရာရ​နေတဲ့ ကျူံးယုံ​ပေါ့။ အဲ့လိုမဟုတ်​ပါပဲ သက်​သက်​မဲ့ ဖုံးထားတယ်​တဲ့။ အရင်​ရက်​တွေအ​ကြောင်းပြန်​တွေးကြည့်​ရင်​ဒေါသထွက်​သလို​ပျော်​လည်း​ပျော်​မိသည်​။

"ရိပင်း အ​ဖေစဉ်းစားကြည့်​ပြီ။ မင်း​ပြောတာမှန်​တယ်​။ သတ္တမ မင်းသားက မမျှတဘူး။ မင်း ညီမလည်းမမြတ်​နိုးခံရမှ​တော့ အ​ဖေတို့ အခြားမင်းသားကိုပဲ​ထောက်​ပံ့ကြတာ​ပေါ့။'' ရှမ်းသခင်​ကြီးက မုတ်​ဆိတ်​သပ်​ရင်း သက်​ပြင်းချမိသည်​။

"ဒါ​ပေမယ့်​ကျွန်​မတို့ သတ္တမ မင်းသားကိုမကူညီရင်​ချောင်​တန်​ရဲ့အ​ခြေအ​နေကပိုဆိုး မလာနိုင်​ဘူးလား''

"အ​မေ အရှည်​ကိုကြည့်​ပါ။ ရှမ်းအိမ်​မပြိုလဲသ၍ သတ္တမ မင်းသားလည်း ညီမ​လေးကိုမဖယ်​ရှားရဲပါဘူး။ ပြီး​တော့ သားကြားတာ သတ္တမ မင်းသားက ကိုယ်​လုပ်​တော်​ရှဲ့ကိုပဲ ချစ်​မြတ်​နိုးပြီး အခြားမိန်းမ​တွေကို​လေလိုပဲဆက်​ဆံ​နေတယ်​တဲ့။ တကယ်​လို့ သားတို့သာ သတ္တမ မင်းသားကို ကူညီရင်​အကျိူးရမှာက ညီမ​လေးမဟုတ်​ဘူး အချစ်​ခံရတဲ့ရှဲ့ပဲ။ ဒါ​ကြောင့်​သူတို့​ကျေးဇူးတင်​ရ​အောင်​ဘာလို့လုပ်​ရမှာလဲ'' ကျိူးယွင်​ရှန့်​ကသူမိခင်​ရဲ့​ကျောပြင်​ကို ပုတ်​ပြီးနားချလိုက်​သည်​။

ရှမ်းသခင်​မကြီးလည်း လတ်​တ​လောအဖြစ်​အပျက်​တွေကိုပြန်​တွေးကြည့်​တော့ သတ္တမ မင်းသားသူတို့က ကူညီဖို့ ငြင်းဆန်​ပြီး သူ့သမီးကိုအခန်းထဲပိတ်​ထားတာပြန်​သတိရသည်​။ ရှမ်းမိသားစုကတကယ်​ဖုန်​မှုန့်​လိုခါထုတ်​ခံလိုက်​ရတာပဲ။ သူမဆက်​ပြီး အတိုက်​အခံမပြု​တော့​ပေ။

​တော်​ဝင်​မိန်းမစိုးက​မေးခွန်းခိုးထုတ်​ပြီး​ရောင်းချခဲ့တာ​ကြောင့်​ထျန်းချန်​မင်းကြီးက နန်းတွင်းရှိ မသမာသည့်​အမှုထမ်းများကိုဖယ်​ရှားပစ်​လိုက်​သည်​။ လက်​ရှိအ​ခြေအ​နေ​တွေကို ပြင်​မ​ပေါက်​ကြား​အောင်​လည်းထိန်းထားသည်​။ ဒါ​ကြောင့်​သတ္တမ မင်းသားက ထို​ပြောင်​မြောက်​သည့်​အ​ဖြေလွှာကို ရှမ်းရိပင်း​ရေးမှန်းမသိ​ပေ။

ရှဲ့ယွိရို ကပြန်​လည်​မွေးဖွားခဲ့တာ​ကြောင့်​အ​ခြေအ​နေကိုသုံးသပ်​ရာတွင်​အကင်းပါသည်​။ ဘယ်​အမတ်​က သတ္တမ မင်းသားကိုကူညီခဲ့လည်းဆိုတာလည်းသိထားသည်​။ အရင်​ဘဝက သူမအ​တွေ့အကြုံအရ ထိုအ​ဖြေ​ရေးသူမှာ လင်းဝန်​ကျဲ့ ဆိုသည်​လူဖြစ်​သည်​။

မင်းကြီးက အ​ဖြေ​ရေးသူကိုရှာ​နေတယ်​ဆိုတဲ့ သတင်းကြား​တော့ သူမက သတ္တမ မင်းသားကို လင်းဝန်​ကျဲ့အ​ကြောင်း​ပြောပြသည်​။ သူမအမှတ်​မထင်​တွေ့ခဲ့ခြင်း ဖြစ်​သည်​ဟုသာဆိုထား၏။ သတ္တမ မင်းသားလည်း သူ့အ​ဖေကို​ကျေနပ်​စေချင်​တာ​ကြောင့်​လင်းဝန်​ကျဲ့ ကို ကိုယ်​တိုင်​သွား​တွေ့သည်​။

လင်းဝန်​ကျဲ့ သည့်​ကိုယ်​လုပ်​တော်​တစ်​ဦးမှ​မွေး​သောသားဖြစ်​ပြီး 'မယက' တစ်​ဦးဖြစ်​လေသည်​။ သူကစာ​မေးပွဲ ဝင်​ရောက်​ဖြေဆိုလို​သော်​လည်း သူ့ဇနီးက​ထောက်​ခံသူရှာမ​ပေး​ပေ။ အ​စေခံ​တွေကို သူ့ရဲ့ စာ​ပေ ပစ္စည်း​တွေမီးရှို့ ဖို့အမိန့်​ပေးခဲ့သည်​။

သူ့ဘဝကအရမ်းခက်​ခဲပြီး သုံးစွဲရန်​ကဗျာတို ကဗျာစများ​ရောင်းစားရသည်​။ ဒါ​ကြောင့်​သူ့နယ်​တွင်​တော့ လူသိများသည်​။ နန်းတွင်းစာ​မေးပွဲကာလ​ရောက်​လာ​တော့ လူ​တွေကသူ့အိမ်​ရှေ့​ရောက်​လာပြီး ဒီနှစ်​မေးခွန်းအတွက်​အ​ဖြေကို​ရေးခိုင်းသည်​။ သူတို့က သူ့ကိုလုပ်​ငန်းမချဲ့ထွင်​ဖို့​ပြောပြီး​နောက်​ဆို တူညီတဲ့စာမျိူးထပ်​မ​ရေးဖို့လည်း​ပြောထားသည်​။​ပေး​ငွေကလည်း အ​တော်​ရက်​ရောသည်​။

ဒါ​ပေမယ့်​လင်းဝန်​ကျဲ့ က ငတုံးမဟုတ်​။ ထိုအခွင့်​အ​ရေးကိုအသုံးချပြီး ရက်​အနည်းငယ်​စာပြန်​လေ့လာကာ အ​ကောင်းဆုံးအ​ဖြေကိုချ​ရေးသည်​၊ ပြီး​တော့ ဝယ်​သူ​တွေဆီ​ရောင်းသည်​။ သူဟာ ထျန်းချန်​မင်းကြီး သူ့ကို သတိပြုမိလာ​အောင်​ရည်​ရွယ်​ချက်​ရှိရှိ ကြံစည်​ထားခြင်းဖြစ်​သည်​။

ဒါ​ကြောင့်​သတ္တမ မင်းသား လာချိန်​တွင်​သူကဝတ်​ကောင်းစားလှဝတ်​ပြီး တံခါးဝမှာထွက်​ကြို​လေသည်​။

သတ္တမ မင်းသားလည်း သူနဲ့စကားအများကြီး​ပြောပြီး ဒီလူဟာ ထူးခြားတယ်​လို့ သတိထားမိသည်​။ လင်းဝန်​ကျဲ့ အ​ဖြေက စာ​မေးပွဲ​ဖြေဆိုသူ​တွေကြားမှာ ပြန့်​နှံ့​နေပြီး ကျိူးယွင်​ရှန့်​အ​ဖြေက​တော့ ထျန်းချန်​မင်းကြီး ဆီမှာသိမ်းထားသည်​။ ဒါ​ကြောင့်​သတ္တမ မင်းသားက လင်းဝမ်​ကျဲ့၏ အ​ဖြေကိုသာသိထားပြီး အဲ့ထက်​ကောင်းတဲ့အ​ဖြေရှိတာမသိ​ပေ။

လူနှစ်​ဦးမှာ အ​ဖြေတစ်​မျိူးထဲဖြစ်​နေတယ်​ဆိုတာကြား​တော့ လင်းဝန်​ကျဲ့ က​ကြောက်​သွား​ယောင်​ဆောင်​လိုက်​ပြီး
"မူလ အ​ဖြေက ကျွနိုပ်​ရေးတာပါ ကျွန်​တော်​မျိူး အတင့်​ရဲ မိပါတယ်​။ ကျွန်​တော်​မျိူး​သေသင့်​ပါတယ်​''

သတ္တမ မင်းသားက သူ့အလျင်​အမြန်​ဆွဲထူလိုက်​ပြီး မင်းကြီးကသူ့ကိုအပြစ်​မတင်​ကြောင့်​သူ့ကိုရှာ​နေပြီးရုံး​တော်​မှာအမှုထမ်းခိုင်းလို​ကြောင်း ရှင်းပြသည်​။ လင်းဝမ်​ကျီ နှလုံးပီတိဂွမ်းဆီထိသွား​ပေမယ့်​လို့ အကြိမ်​ကြိမ်​ဟန်​ဆောင်​ငြင်းဆို​လေသည်​။ သတ္တမ မင်းသားက နန်း​တော်​မှာအမှုထမ်းရန်​ဆွဲ​ဆောင်​တော့မှသ​ဘောတူလိုက်​သည်​။ 2

ရုံး​တော်​ခန်းမအတွင်း၌ ထျန်းချန်​မင်းကြီးသည်​လင်းဝမ်​ကျဲကို မှုန်​တေ​တေစိုက်​ကြည့်​နေ​လေသည်​။ လင်းဝမ်​ကျဲ့​ကြောက်​ချွေး​တွေပျံ​နေ​တော့မှ သူကို​မေးလိုက်​သည်​။ ''အဲ့ဒီအ​ဖြေက​မောင်​မင်း​ရေးတယ်​ဆို​တော့ ကိုယ်​တော့်​ကိုပြန်​ရွတ်​ပြနိုင်​လား''

လင်းဝန်​ကျဲ့ စိတ်​ကိုတည်​ညိမ်​အောင်​လုပ်​ပြီး ပြန်​ရွတ်​ပြလိုက်​သည်​။ ထျန်းချန်​မင်းကြီး၏​အေးစက်​စက်​မျက်​နှာက အထင်​သေးသည့်​ဖက်​ကို​ပြောင်းသွားပြီး သနားစိတ်​လည်းဝင်​မိသည်​။ ကျိူးယွင်​ရှန့်​သာမရှိလျှင်​ထျန်​ချန်းမင်းကြီး သူ့ရဲ့အ​ဖြေကိုချက်​ချင်း​ရွေးလိုက်​မှာ။ ဒါ​ပေမယ့်​လည်း အခြားအ​ဖြေရဲ့​ရေးသူကို သူအရမ်းစိတ်​ဝင်​စားပြီး​ကောင်းတဲ့လက္ခဏာရှိရင်​ရုံး​တော်​မှာအမှုထမ်း​စေမလို့ပဲ။ သို့​သော်​ငြား ဒီလူက နန်း​တော်​မှာ ထူးခြားတဲ့အ​ဖြေလွှာထွက်​ပေါ်တယ်​ဆိုတာနဲ့ ချက်​ချင်းလာဝန်​ခံတယ်​။ သူ့ရဲ့ အကျိူးလိုစိတ်​ပြင်းထန်​တာကိုအတိုင်းသားမြင်​နေရတယ်​။​ပေါ့ပါးသွက်​လက်​ပြီး ဖြူစင်​တဲ့ ရှမ်းရိပင်းနဲ့ယှဉ်​ရင်​နံ့သာဆီနဲ့အီးပဲ။ 2

"​တော်​ပြီ ။ ဒီအ​ဖြေက​ကောင်းပါတယ်​။ ဒါ​ပေမယ့်​ငါကိုယ်​တော်​ကို​ကျေနပ်​စေ​လောက်​အောင်​တော့မ​ကောင်းဘူး။မင်း​ကောင်း​ကောင်းသင်​ယူပါ ဒါ​ပေမယ့်​အောင်​မြင်​ဖို့အ​လောမကြီးနဲ့'' ထျန်းချန်​မင်းကြီးက အ​ဖြေလွှာတစ်​ခုကို အနီးနားက မိန်းမစိုးက​နေတစ်​ဆင့်​ပေးလိုက်​ပြီး ''ဒါကို ကြည့်​ကြည့်​ပြီး​တော့​မောင်​မင်း ဘာ​ကြောင့်​ရှုံးရသလဲ​လေ့လာ''

လင်းဝန်​ကျဲ့ သူတွက်​ချက်​တာမှားသွားမှန်းသိလိုက်​သည်​။ မင်းကြီး​ပေးတဲ့အ​ဖြေလွှာကိုဖတ်​ရင်း​ကြောက်​စိတ်​ကို နှိမ်​နင်း​နေရသည်​။ ပြီး​နောက်​မျက်​နှာတစ်​ခုလုံးဖြူ​ဖျော့သွား​လေသည်​။

"သတ္တမ​လေး မင်းလည်းကြည့်​ကြည့်​'' ထျန်းချန်​မင်းကြီးက အင်္ကျီလက်​ကို​ဝေ့ရမ်းပြီး​ပြောလိုက်​သည်​။

သတ္တမ မင်းသားလည်း လင်းဝမ်​ကျဲ့ ရဲ့လက်​ထဲက စာရွက်​ယူဖတ်​ပြီး လန့်​သွားသည်​။
"ယုံ​တောင်​မယုံနိုင်​ဘူး။ အ​ရေးအသားကအစ သိပ်​ကိုလှပပြီး အ​ဖြေဟာလည်းထူးခြားလွန်းတယ်​။ ခမည်း​တော်​ဒီအ​ဖြေလွှာပိုင်​ရှင်​မည်​သူဆိုတာ သား​တော်​သိခွင့်​ရှိမလား''

"ဒါမင်း​ယောက်​ဖ​တော်​မဟုတ်​ဘူးလား'' ထျန်းချန်​မင်းကြီးက ရယ်​မောလိုက်​ပြီး ''သူက​ဆော့ကစားချင်​သေးတာ​ကြောင့်​ရှမ်းအမတ်​ရှေ့မှာအသုံးမကျသလိုရူးချင်​ယောင်​ဆောင်​နေတာ။ သူသာ​သေ​ရေးရှင်​ရေးအ​ခြေအ​နေကိုမ​ရောက်​ရင်​ကိုယ်​တော်​လည်း သူဘယ်​ချိန်​ဖုံးကွယ်​ထားမလဲမသိနိုင်​ဘူး''

သတ္တမ မင်းသား ရင်​ထဲထိတ်​သွားပြီး​ကြောင်​အသွားသည်​။

ထျန်းချန်​မင်းကြီးလည်း ဆက်​ရှင်းပြရမှာပျင်းတာ​ကြောင့်​ထလိုက်​ပြီး ''ကိုယ်​တော်​ပင်​ပန်း​နေပြီ ။ မင်းတို့နှစ်​ယောက်​စိတ်​ညိမ်​သွားတဲ့အခါ မှတ်​ထား လူ​တွေရဲ့အလွန်​မှာလူ​တွေရှိသလို၊​ကောင်းကင်​ရဲ့အလွန်​မှာ​ကောင်းကင်​တွေရှိတယ်​'' 7

လင်းဝန်​ကျဲ့ ရှက်​ပြီး ဒူး​ထောက်​ကာ အကြိမ်​ကြိမ်​ဦးတိုက်​တော့သည်​။ သတ္တမ မင်းသားက သူ့ကိုအိမ်​ပြန်​ပို့ပြီး သူနဲ့မဟာမိတ်​ပြုဖို့မစဉ်းစား​တော့​ပေ။ ဖတ်​ခဲ့သည့်​အ​ဖြေလွှာကိုသာ ပြန်​စဉ်းစားမိသည်​။ ဒီလို​ပြောင်​မြောက်​တဲ့အ​ရေးအသားက ရှမ်းရိပင်း ဆီကလာတယ်​ဆိုတာ သူလုံးဝမထင်​ခဲ့မိဘူး။ ဒါ​ပေမယ့်​သူ့အ​ဖေက အ​မျှော်​အမြင်​ကြီးပြီး အရည်​အချင်းအကဲဖြတ်​တဲ့​နေရာမှာ အရမ်း​တော်​တဲ့သူ။ သူက ဟုတ်​တယ်​လို့​ပြောရင်​မမှားနိုင်​ဘူး။

သူ့အ​ဖေရဲ့ချီးကျူးမှုကိုခံချင်​တာ​ကြောင့်​သူအ​တွေးတိမ်​မိသွားသည်​။ သူ့ခမည်း​တော်​ကအခု ရှမ်းရိပင်းကိုအရမ်းအထင်​ကြီး​လေးစား​နေပြီ။ သူ့အ​နေနဲ့ ရှမ်း​ချောင်​တန်​နဲ့ရှမ်းအိမ်​ကို​အေးစက်​စက်​ဆက်​ဆံခဲ့မိတာ ပြန်​တွေးမိ​တော့ အခု ရှမ်းအိမ်​က သူ့ကိုမုန်း​နေမှာပဲ။ သတ္တမမင်းသား၏ ပါးပြင်​မှာ အကြိမ်​များစွာအရိုက်​ခံထားရသကဲ့သို့ ပူထူ​နေ၏။

ရှမ်းရိပင်းက ရာထူးမြင့်​တဲ့​နေရာကို​သေချာ​ပေါက်​ရမှာ ။ ရှမ်းဟွိုက်​ရဲ့​နေရာကလည်း ပိုသြဇာကြီးလာမယ်​။ ရှမ်းရိပင်းနဲ့သူ့အ​ဖေရဲ့အကူအညီကိုဆုံးရှုံးရတာ ညာလက်​ကိုဆုံးရှုံးလိုက်​ရသလိုပဲ။ သတ္တမမင်းသား​နောင်​တရ​လေပြီ။ သူ့ရဲ့ ရှဲ့ယွိရိုက ဒီအကြံကို​ပေးပြီး သူ့ကိုလမ်းမှား​ရောက်​စေတာပြန်​တွေးမိ​တော့ အိမ်​တော်​ပြန်​ရောက်​သည့်​အခါသူမကို အပြစ်​တင်​တော့သည်​။

ရှဲ့ယွိရို ကသူမရှမ်းဟွိုက်​၏ ဂုဏ်​သိက္ခာ ကိုဖျက်​ဆီးပစ်​နိုင်​မည်​ဟု မ​မျှော်​လင့်​သည်​က ရှမ်းရိပင်း​ပေါ်လာပြီး ရှမ်းဟွိုက်​ထက်​ပိုအစွမ်းထက်​နေတာပဲ။ ရှဲ့ယွိရို အရင်​ဘဝက ရှမ်းရိပင်း အ​ကြောင်းကိုပြန်​စဉ်းစားကြည့်​သည်​။ သူမမှတ်​ဥာဏ်​ထဲတွင်​က သူသည့်​မြည်းအ တစ်​ကောင်​သာ။ စာ​ပေမှာပါရမီပါမည်​ဟုထင်​စရာမရှိပါ။

ရှမ်းရိပင်း ဟာ လူ​ပေါ့လူသွမ်းတစ်​ယောက်​ဖြစ်​ပြီး ဖခင်​ရဲ့အရှိန်​အဝါနဲ့​ကောင်းစား​နေသူဖြစ်​သည်​။ ဒီဘဝမှာ သူမက သူတို့မိသားစုကို ပျက်​စီး​စေမယ့်​လမ်းဆုံးထိပို့ခဲ့ပြီးပြီ။ မဟုတ်​မှလွဲ​ရော သူမလည်း​ဇောကြီးမှုက ဒီလိုဖြစ်​စေတာလား။ အနာဂတ်​မှာပိုပြီး ဒုက္ခ​ရောက်​နိုင်​လား။ ရှမ်းအိမ်​ရဲ့အကူအညီမပါရင်​သတ္တမ မင်းသား​ကော ထီးနန်းကိုရနိုင်​ပါ့မလား

ဒါကို​တွေးပြီး ရှဲ့ယွိရုံ ရင်​ထဲမချိဖြစ်​ရသည်​။ သူမကိုယ့်​ကိုယ်​အ​လောတကြီးလုပ်​မိမှု​ကြောင့်​အပြစ်​တင်​ပြီး​ကျောက်​တုံးတစ်​လုံးကို နင်း​ခြေပစ်​ရန်​ပင်​ကောက်​လိုက်​သေးသည်​။ ဒါ​ပေမယ့်​အရင်​ဘဝက သတ္တမမင်းသား အကူညီအပြည့်​အဝရတာနဲ့ သူမကိုပစ်​ထားမှန်းသတိရလိုက်​တယ်​။.ဒီဘဝမှာလည်း အကူအညီရှိ​နေပြီးသားဆို သူမကိုပစ်​သွားနိုင်​တယ်​။ ဒါကို​တွေးပြီး သူမစိတ်​ပြန်​လျော့လိုက်​သည်​။

~~~~~~~~~

စာ​မေးပွဲ​မေးခွန်း​ပေါက်​ကြားသည့်​အဓိကအ​ကြောင်းအရင်းကိုရှာ​တွေ့ပြီး အိမ်​ရှေ့မင်းသား၏​နောက်​လိုက်​အမတ်​အများအပြားရာထူးချခံလိုက်​ရသည်​။ အိမ်​ရှေ့မင်းသားကိုယ်​တိုင်​လည်း ညီလာခံတွင်​ပြင်းထန်​စွာအဆူခံရပြီး မျက်​နှာပျက်​ရသည်​။

နှစ်​ရက်​ကြာပြီး​နောက်​ထျန်းချန်​မင်းကြီးက ဝင်​ခွင့်​စာ​မေးပွဲကိုပြန်​လည်​ကျင်းပပြီး နန်းတွင်းစာ​မေးပွဲအသစ်​ကိုကျင်းပသည်​။

ကျိူးယွင်​ရှန့်​ဝင်​ခွင့်​အောင်​ပြီး နန်းတွင်းစာ​မေးပွဲကို​ဖြေဆိုခွင့်​ရခဲ့သည်​။ ဒီတစ်​ခါ​မေးခွန်းကလည်းရှင်းသည်​။ စိုက်​ပျိူး​မွေးမြူစီးပွား​ရေး။​မေးခွန်းကအနည်းငယ်​တော့ ဇ​ဝေဇဝါဖြစ်​နိုင်​စရာရှိသည်​။ ဒါ​ကြောင့်​ကျောင်းသားအများစု မျက်​မှောင်​ကြုတ်​ပြီး အ​ဖြေ​ဖြေဖို့​သေချာစဉ်းစားကြရသည်​။

ကျိူးယွင်​ရှန့်​မျက်​လုံးကိုခဏမှိတ်​ထားပြီး ပြန်​ဖွင့်​ကာ စာရွက်​ပေါ်စုတ်​တံကို စိမ့်​စမ်း​ရေ စီးသလို ညိမ့်​ညိမ့်​ညောင်း​ညောင်း​ရေးချလိုက်​သည်​။ ပြည်​သူအမျိူးအစား​လေးခု။ စာ​ပေပညာရှင်​၊ လယ်​သမား၊ လက်​မှုပညာသည်​တွေနဲ့ ကုန်​သည်​တွေ။
လူကုန်​တန်​နဲ့ အဆင့်​နိမ့်​ကုန်​သည်​ဆိုတဲ့အချက်​ကိုလျစ်​လျူရှုပြီး ပြည်​သူ​တွေရဲ့အသုံးဝင်​ပုံကိုခွဲခြမ်းစိတ်​ဖြာလိုက်​သည်​။ ကုန်​သည်​တွေနဲ့ တိုင်းပြည်​ရဲ့အ​ရေးကြီးကဏ္ဍမှာရှိ​နေတဲ့သူ​တွေ။ သူစာကိုမချူံ့ ပဲ အကုန်​ရေးလိုက်​သည်​။

အများစု​ရေးကြသည်​က တိုင်းပြည်​ငြိမ်​ချမ်း​ရေးနဲ့ညိမ်​ဝမ်​ပိပြား​ရေးအ​ကြောင်းများသာဖြစ်​သည်​။ ဒါမျိူးက​မေးခွန်းနဲ့သိပ်​မအပ်​စပ်​သလို မင်းကြီးကိုလည်း သ​ဘောကျ​စေမည်​မဟုတ်​။ ကျိူးယွင်​ရှန့်​007နဲ့ မင်းကြီးဘာ​ကြောင့်​အခွန်​ဥပ​ဒေပြင်​လိုသလဲ​လေ့လာပြီးပြီ။ ဘာလို့ဆိုသူက ဆိပ်​ကမ်းကုန်​သွယ်​မှုလုပ်​ငန်းကိုဖွင့်​ပြီး အခြားတိုင်းပြည်​နဲ့ကူးသန်းလိုတာပဲ။ ဒီအ​ဖြေက မင်းကြီးရဲ့စိတ်​ကိုအပြည့်​အဝမ​ကျေနပ်​စေနိုင်​ပေမယ့်​လို့ မင်းကြီးကိုသိချင်​စိတ်​တော့ဖြစ်​စေလိမ့်​မယ်​။

ထျန်းချန်​မင်းကြီး သည်​ပုံမှန်​အားဖြင့်​စာစစ်​ရာတွင်​ပထမနှစ်​ကြောင်းသာဖတ်​ရန်​လိုသည်​။ ဒါ​ပေမယ့်​အ​ဖြေလွှာတစ်​ရွက်​ကို​တော့ အဆုံးထိဖတ်​ပြီးချီးကျူးလိုက်​သည်​။

​ကျောင်းသားအားလုံးလည်းကြည့်​ပြီး ပထမအဆင့်​ဟာမည်​သူမှန်း ခန့်​မှန်းသိရှိသွားကြသည်​။

နန်းတွင်းစာ​မေးပွဲပြီး​နောက်​မင်းကြီးက ကျိူးယွင်​ရှန့်​ကို​ခေါ်​တွေ့ရန်​မ​စောင့်​နိုင်​ပေ။ သူတို့ ရုံး​တော်​ခန်းမထဲမှာ​ဆွေး​နွေးကြပြီး ညနက်​မှ ကျိူးယွင်​ရှန့်​ကိုပြန်​လွှတ်​သည်​။

သုံးရက်​ကြာကြီး​နောက်​အောင်​စာရင်းထွက်​ပြီး ရှမ်းရိပင်း က ပထမအဆင့်​ဂုဏ်​ထူး​ဆောင်​အဖြစ်​နဲ့​တော်​ဝင်​တက္ကသိုလ်​မှာ တာဝန်​ထမ်း​ဆောင်​ခွင့်​ရသည်​။ ဒါဟာသူ့ရဲ့ပထမ​ခြေလှမ်းဖြစ်​ပေမယ့်​လို့ သူဟာမင်းကြီးအနီးနားမှာခစားခွင့်​ရတယ်​။ သူက ၁၇နှစ်​ပဲရှိ​သေးတာ။ ဒီလိုသာနှစ်​အနည်းငယ်​ဆက်​သွားရင်​ငယ်​ငယ်​ရွယ်​ရွယ်​နဲ့ ညီလာခံမှာပါဝင်​နိုင်​တဲ့အမတ်​တစ်​ဦးဖြစ်​လာနိုင်​သည်​။

ဒီ​နေ့ ရှမ်းရိပင်းဟာ​ပေကျင်းမှာနံမည်​ကြီးတစ်​ဦးဖြစ်​နေပြီး ရှမ်းအိမ်​ရှေ့တွင်​လက်​ထပ်​ရန်​ကမ်းလှမ်းလိုသည့်​မိသားစုများမှ ကိုယ်​စားလှယ်​များဖြင့်​ပြည့်​နေသည်​။ 16

ကျိူးယွင်​ရှန့်​က အလုပ်​ကပထမ၊အိမ်​ထောင်​ရေးက​နောက်​မှ လို့ဆိုထားတာ​ကြောင့်​သူ့မိဘ​တွေလည်း သူ့အ​ကြောင်းပြချက်​ကို မတတ်​သာပဲ သ​ဘောတူကာ သူလုပ်​ချင်​သလိုလုပ်​ခွင့်​ပေးထားရ​တော့သည်​။ 3

သတ္တမ မင်းသား အိမ်​တော်​၌....

သတ္တမ မင်းသားက ရှမ်း​ချောင်​တန်​ရဲ့ လက်​ဆောင်​ပစ္စည်းစာရင်းကိုကြည့်​ပြီး တစ်​ခုခုမှား​နေတာ​ကြောင့်​နောက်​ထက်​သုံးဆထပ်​တိုးလိုက်​သည်​။ ''ရိပင်းက တော်​ဝင်​တက္ကသိုလ်​ကိုသွားရင်​သူနဲ့ဆက်​သွယ်​ဖို့ကလွယ်​တော့မှာမဟုတ်​ဘူး။ မင်းကသူ့ညီမပဲ သူ့ကိုလက်​ဆောင်​များများ​ပေးသင့်​တယ်​'' 3

"ကိုယ်​လုပ်​တော်​သိပါပြီ။ အခုပဲ ပဏ္ဍာတိုက်​ကိုသွားပြီး ကြည့်​လိုက်​ပါမယ်​'' ရှမ်း​ချောင်​တန်​က ချိူသာစွာရယ်​မောလိုက်​သည်​။ ဒါ​ပေမယ့်​လို့ သူမမှာ သတ္တမ မင်းသားနဲ့ပတ်​သက်​ပြီးခံစားချက်​မရှိ​တော့။ သူမသ​န္ဓေမြုံ​ဆေးအခတ်​ခံရတာလည်း သိပြီးပြီမို့ အမြတ်​နိုးခံရဖို့အ​ရေးအခွင့်​အ​ရေးကဆုံးရှုံးနှင့်​ပြီးပြီး ဒါ​ပေမယ့်​သူမမိသားစုက အင်​အား​တောင့်​တင်း​နေမယ်​ဆိုရင်​နန်း​တော်​ထဲမှာ သူမ​နေရာကလည်း ယိုင်​လဲမည်​မဟုတ်​။ သတ္တမ မင်းသား ကို​ကျေနပ်​အောင်​လုပ်​ပေးမယ့်​အစား သူမအစ်​ကို သူမကိုပြန်​ကြည့်​အောင်​လုပ်​တာကမှအကျိူးရှိအုန်းမည်​။ အခုသူမ မိသားစုက သူမ မှီခိုရမယ့်​တစ်​ခုတည်း​တော့​နေရာမဟုတ်​လား။ 2

ရှမ်း​ချောင်​တန်​ပင်​မခန်းမ​ဆောင်​ကထွက်​တော့ အဝင်​ဝမှာ မျက်​တွင်းကျ​နေသည့်​ရှဲ့ယွိရို နဲ့တိုးသည်​။ သူမ မဲ့ပြုံးပြုံးလိုက်​သည်​။ နင်​အချစ်​ခံ​နေရ​တော့​ရောဘာအ​ရေးလဲ။ ရှမ်းအိမ်​မပြိုလဲသ၍ နင်​ငါ့ကို​ကျောလို့မရဘူး။ နင်​အရင်​ကလုပ်​ထားသမျှ ပြန်​ပေးဆပ်​ရမယ်​မှတ်​! 2

Note -

ကျူံးယုံ - ချိူးခြံ၊​ဖြောင့်​မတ်​၊မှန်​ကန်​၊ရိုးသား၊အမှန်​တရားရဲ့ဘက်​တော်​သား၊ထုံးတမ်းလိုက်​နာ၊ တရားမျှတပြီး ဘက်​မလိုက်​တတ်​သူ ။