အခန်း(၅၇) အိုးစစ်နန်ဘဝ+
Translator - Jas_astra

ဒါက တကယ့်​ကို​လေးနက်​တဲ့ သီချင်းဖြစ်ပြီး အချိန်​နှောင်းခဲ့တဲ့စကား​တွေပင်​။ သူ့အ​ဖေရဲ့ အချစ်​တွေဟာ​တောင်​တစ်​တောင်​လို​လေးလံသည်​။ အဲ့တာက အမြဲတမ်း အိုးစစ်​နန်​ကို ဖိအား​တွေခံစားရပြီးမလှုပ်​နိုင်ခဲ့​ပေ။ သူ့အ​ဖေရဲ့ စိတ်​ပျက်​တဲ့ အမူအရာ​တွေကို မြင်​ရမှာ​ကြောက်​ခဲ့သည်​။ ဒါ​ကြောင့်​သူ့ကိုယ်​သူ သန်​မာဖို့ အတင်း ဖိအား​ပေးခဲ့သည်​။ ဒါ​ပေမယ့်​အဲ့ဒါ က သူ့ကို​ကြောက်​မက်​ဖွယ် ပြသာနာ​တွေထဲ တွန်းပို့ခဲ့ပြီး အဲ့ဒီက​နေ သူမလွတ်​မြောက်​နိုင်​ခဲ့​ပေ။ တူရိယာ ၁၈ မျိုးကို ကျွမ်းကျင်​စွာ တီးခတ်​နိုင်​တဲ့သူက ဘယ်​လိုလုပ်​ဂီတဆိုင်​ရာ အရည်​အချင်း မရှိတာတဲ့လဲ။
သူ့အ​ဖေ မဆုံးပါးခင်​လေမှာပင်​မမြင်​ခဲ့တဲ့ မြူ မှုန်​တွေကြားက​နောက်​ဆုံး အလင်း​ပေါက်​သွား​စေကာ များစွာ​သော ခွန်​အားနဲ့ အရင်းခံ အ​ကြောင်း​တွေနှင့်​ပြည့်​လာသည်​။ သူ့ရဲ့ ဖိနှိပ်​ခံထားရတဲ့ အချစ်​တွေ ၊ စိတ်​ဓာတ်​ကျမှု​တွေ ၊ ကူကယ်​ရာမဲ့မှု ၊ နာကျင်​မှု​တွေ အားလုံးကို သီချင်းထဲမှာ​ပေါင်းထည့်​လိုက်​သည်​။

၀ိ​ရောဓိ အားလုံး ရုန်းကန်​လှုပ်​ရှားမှု​တွေ အချစ်​တွေ တုန်​လှုပ်​ခြောက်​ခြားမှု​တွေ ပါ​နေတဲ့ သီချင်းဟာ ကျိုးယွင့်​ရှန်​သီဆိုမှုက​နေ ထွက်​ပေါ်လာသည်​။ လူအများဟာ​မေ့​လျောစွာနဲ့ မျက်​ရည်​တွေ ကျလာပြီး ကျိုးယွင့်​ရှန်​က အိုးစစ်​နန်ရဲ့ ခံစားချက်​လက်​ကျန်​တွေ လွမ်းမိုးခံထားရပြီး မျက်ရည်​တို့ဖြင့်​မွန်းကြပ်​လာသည်​။ သူ့ရဲ့ အသံကတုန်​နေပြီး​နောက်​ဆုံးသူ့လက်​ချောင်း​တွေက ဆက်​မလှုပ်​ရှားနိုင်​တော့​ပေ ။1
စန္ဒရား သံက ရုတ်​ခြည်း ရပ်​သွားပြီး ကျိုးယွင့်​ရှန်​က သူ့မျက်​ရည်​တွေကို ကွယ် ဖို့ သူ့မျက်​နှာကို ကာလိုက်​သည်​။ ရုတ်​တရက်​အိုးပိုင်​ပေါ်ရဲ့ မျက်နှာ​က ကြီးမားတဲ့ LED screen မှာ​ပေါ်လာသည်​။သူက ကင်​မရာတစ်​လုံးကို ကိုင်​ထားပြီး မှန်းဘီလူးကို သူ့ဘက်​ညွှန်​ကာ
"ကျွန်​တော့အတွက်​သီချင်း​တစ်​ပုဒ်​ရေး​ပေးပြီး ဆိုပြမယ်​လို့ ကျွန်​တော့်​သားက​ပြောခဲ့တယ်​။ ကျွန်​တော်​ရှေ့ကို​စောင့်​ကြည့်​နေပါတယ်​။ "1

သူက ကင်​မရာကို​ရွှေ့လိုက်​ပြီး စန္ဒရား​ရှေ့မှာ ထိုင်​နေတဲ့ ကြည့်​ကောင်းတဲ့ လူငယ်​လေးကို ရည်​ညွှန်း လိုက်​သည်​။အိုးမိသားစုပိုင်​villa ဖြစ်​ကြောင်း အိမ်​ထောင်​ပရိ​ဘောဂ​အပြည့်​အစုံက ညွှန်​ပြ​နေသည်​။
လူငယ်​လေးက အရမ်းစိတ်​လှုပ်​ရှားသွားကာ ရှပ်​အကျီင်္ အ​ပေါ်ကြယ်​သီး နှစ်​လုံးကို​ဖြေ​လျှော့ လိုက်​သည်​။ သူ​ချောင်းဆိုးလိုက်​ပြီး​ဖြေး​ဖြေး​ပြောလိုက်​သည်​။
" ဒီသီချင်းက 'Because Of You' လို့​ခေါ်ပါတယ်​...အ​ဖေ...ကျွန်​တော်​အမြဲတမ်း​ပြောချင်​ခဲ့တာ​တွေအားလုံး ဒီမှာ ထည့်​ထားတယ်​။ ဂရုတစိုက်​နဲ့ နား​ထောင်​ပေးပါ အ​ဖေ..."
အိုးပိုင်​ပေါ်က ကတိ​ပေးခဲ့သည်​။ သူ့က screen​ပေါ်မှာ အကြာကြီး မရှိ​ပေမယ့်​သူ့အသံက စစ်​မှန်​တဲ့ သာယာမှု နဲ့ နှစ်​သိမ့်​ပေးမှု​တွေ ရှိ​နေသည်​။+
ပရိသတ်​ထဲက လင်းစစ်​ချင်းရဲ့ fan​တွေက ပါးစပ်​အ​ဟောင်းသားနဲ့ စိုက်​ကြည့်​နေကြပြီး သူ့တို့ရဲ့ စိတ်​ဟာ အလွန်​အမင်း ရှက်​ရွံမှု​တွေနဲ့ ပြည့်​နေသည်​။ လင်းစစ်​ချင်း တရားရုံး မှာ တင်​ပြခဲ့တဲ့ သက်​သေ​တွေက သူ့ရဲ့ blog မှာ တင်​ပြီးသားပင်​။ 'Because Of You' ရဲ့ လက်​ရေးမူ​တွေမှာ တံဆိပ်​နှိပ်​ထားတာက သူ့ဆရာ​သေဆုံးပြီး​နောက်​မှာ သူ ဖန်​တီးခဲ့​တယ်​ဆိုတာကို ပြသ​နေသည်​။
ဒါ​ပေမယ့်​ဗီဒီယိုထဲမှာ​တော့ အိုးပိုင်​ပေါ်က အသက်​ရှင်​နေဆဲပင်​။ အိုးစစ်​နန်​က သီချင်း​ရေးပြီးသား။ ပြီး​တော့ သူုမျက်​နှာ​ရှေ့မှာပင်​သီချင်းဆို​နေ​သေးသည်​။ ဘယ်​သူက ကူးတဲ့သူလဲ ။ အ​ဖြေက​တော့ ကိုယ်​တိုင်​သက်​သေပြ​နေသည်​။ လင်းစစ်​ချင်း တင်ပြထားတဲ့​လက်​ရေးမူ​တွေက သူအပြစ်​ကြောင့်​မငြင်းနိုင်​အောင်​သက်​သေပြ​နေသည်​။
တီးလုံးကတူသည်​။ သီချင်းကလည်း တူ​နေသည်​။ ဒါ​ပေမယ့်​သီဆိုခြင်းက တစ်​၀က်​မှာ ရပ်​သွားသည်​။ အိုးစစ်​နန်​က စန္ဒရား​ပေါ်မှာသူ့​ခေါင်းကိုတင်​ကာ​မှောက်​ချလိုက်​သည်​။ အမဲ​ရောင်​နဲ့ အဖြူရောင်​key​တွေ​ပေါ် မျက်​ရည်​စက်​ကြီး​တွေ ကျဆင်းသွားသည်​။ သူ့အ​ဖေ မလွဲမ​သွေ​သေဆုံးမှာက သူ့ကို အားငယ်​မှု​တွေ နာကျင်​မှု​တွေ ခံစားရ​စေသည်​။
အိုးပိုင်​ပေါ်က ဂွမ်း​စောင်​ကို ဖယ်​လိုက်​ပြီး ယိုင်​တိုင်​တိုင်​ဖြင့်​သူ့သား​ဘေးနား​လျှောက်​လာသည်​။ သူ့သား​ဘေးမှာ ငုံ့ထိုင်​ချလိုက်​ပြီး သူ့လက်​တွေနဲ့ တင်းကျပ်​စွာ ဆုပ်​ကိုင်​ထားပြီး​ပြောခဲ့သည်​။
"စစ်​နန်​...ဒီသီချင်းက ကြီးကျယ်​ခမ်းနားတယ်​...ငါ့ဘ၀မှာ နား​ထောင်​ဖူးသမျှထဲမှာ အ​ကောင်းဆုံး သီချင်းပဲ ။ အ​ဖေ သားကို​ပြောစရာ​တွေ ရှိတယ်​။ "

"ဘာလဲဟင်​..."
လူငယ်​လေးက သူ့ကိူ ပြန်​လှည့်​ကြည့်လိုက်​သည်​။ သူ့မျက်​လုံးနဲ့ နှာ​ခေါင်းက အနီ​ရောင်​သမ်း​နေသည်​။ ကြည့်​ရတာ ထိခိုက်​လွယ်​သ​ယောင်​ပင်​။ ဒါ​ပေမယ့်​ချစ်​ဖို့​လည်း​ကောင်း​နေ​သေးသည်​။
အိုးပိုင်​ပေါ်က ရယ်​လိုက်​ပြီး
"သားက အ​ဖေ့ကို ဘယ်​တုန်းကမှအောက်မကျေ​စခဲ့ဘူး..ဆန်​ကျင်​ဘက်​ပဲ...သားက အ​ဖေ့ရဲ့ ဂုဏ်​ယူစရာ...သားက သားအ​ဖေရဲ့ ဂုဏ်​ယူစရာပဲ..."

ဒီဝန်​ခံချက်​အတွက်​အိုးစစ်​နန်​က ဆယ်​နှစ်​ထက်​မနည်း ရုန်းကန်​လှုပ်​ရှားခဲ့ရသည်​။ သူ့နားကိုသူမယုံကြည်​နိုင်​။​ရှော့ခ်​ရ​နေ​သေးသည်​။ အိုးပိုင်​ပေါ်က သူ့ကို က​လေးငယ်လေးလို သူ့လက်​မောင်း​တွေကြား ဆွဲသွင်းကာ နူးညံ့စွာပွေ့ဖက်​ထားခဲ့သည်​။တဖြည်းဖြည်းနဲ့ တင်းကျပ်​စွာဖက်​တွယ်​ထားမှုက အား​လျော့လာပြီး​နောက်​ဆုံး မှာ ရပ်ကျသွားသည်​။ အိုးစစ်​နန်​ထိတ်​လန့်​စွာနဲ့ သူ့အ​ဖေကို လှည့်​ကြည့်​လိုက်​သည်​။ ဒါ​ပေမယ့်​သူ့အ​ဖေရဲ့ မျက်​လုံး​တွေက မှိတ်​နေပြီး နှုတ်​ခမ်းမှာ ငြိမ်းချမ်းတဲ့ အပြုံး​သေး​သေး​လေး ရှိ​နေသည်​။

သူက​ကျေနပ်​စွာနှင့်​သေသွားခြင်းပင်​။

"မဟုတ်​ဘူး....အ​ဖေ...ကျွန်​တော့်​ကို မထားခဲ့ပါနဲ့...​ကျေးဇူးပြုပြီး.....ကျွနိ​တော်​ကြောက်​လို့ပါ....."
အသည်းခိုက်​အောင်​ငို​ကြွေး မှု​တွေက​မျှော်​စင်​အပြည့်​ပင်​။ ကြမ်းတမ်းလှတဲ့ စိတ်​ပျက်​အားငယ်​မှု​တွေ နာကျင်​မှု​တွေက ဓားထက်​ထက်​တစ်​ချောင်း ရင်​ဘတ်​ထဲ ထိုးသွင်းက နှလုံးကို အစိတ်​စိတ်​အမွှာမွှာ မွှန်းလိုက်​သလိုပင်​။ စင်​အောက်​ကပရိသတ်​တွေကလည်း ၀မ်းနည်းမှု နာကျင်​မှု​တွေ​ခံစား​နေရသည်​။​တောက်​ပတဲ့ အလင်း​ရောင်​အောက်​မှာ သူတို့ မျက်​၀န်းထဲက မျက်​ရည်​တွေက အလင်းပြန်ေ​နပြီးရပ်​တန့်​ရန်​ဆန္ဒမရှိကြ​ပေ။
LED screen က​မှောင်​ကျသွားသည်​။ ကျိုးယွင့်​ရှန်​မတ်​တတ်​ရပ်​လိုက်​ပြီး မီး​ရောင်​အောက်​ထွက်​က မိုက်​ရှေ့ရပ်​ပြီး ဖြည်းညင်းစွာ​ပြောလိုက်​သည်​။
"ဒါက ကျွန်​တော့်​အ​ခေ​သေဆုံးသွားတဲ့ ပုံရိပ်​ပါ...ကျွန်​တော်​ဘယ်​တော့မှာ ထပ်​မကြုံချင်​တော့တဲ့ မှတ်​ဥာဏ်​တွေပါပဲ ..လူအများက အ​ဖေ့ကို အရမ်းအားနည်းတာပဲလို့ မြင်​မှာစိုးလို့ ကျွန်​တော်​ဒါကို ထုတ်​ပြဖို့ တုံ့ဆိုင်း​နေ​သေးတယ်​..ကျွန်​တော့်​ရဲ့ စိတ်​ထဲမှာ အ​ဖေက အင်​အားအရှိဆုံး မပျက်​ဆီးနိုင်​ဆုံး လူသားပါ..."2

အဲ့အချိန်​မှာပဲ သူ့ဆို့နင့်​လာပြီး​ခေါင်းကို ငုံ့ကာ အသက်​ရှူ လိုက်​သည်​။ သူပြန်​ကြည့်​ကာ ဆက်​ပြောသည်​။
"ခင်​ဗျားတို့ ကျွန်​တော့်​ကို ဆဲလို့ရတယ်​ငြင်းလို့ရတယ်​...ဒါ​ပေမယ့်​အ​ဖေ့ကို​တော့ ငြင်းဆန်​လို့ မရဘူး..အ​ဖေ​ကောင်းကင်​မှာ ငြိမ်းချမ်းစွာ အနားယူ​နေတာကို ဘယ်​သူ့ ကိုမှာထပ်​ပြီး ကျွန်​တော်​နှောင့်​ယှက်​ခွင့်​ပြုမှာ မဟုတ်​ဘူး ..."

သူ့မျက်​လုံးကို ပိတ်​လိုက်​ပြန်​ပြီး ပြန်​ဖွင့်​လိုက်​သည်​။ သူ့ရဲ့ ၀မ်းနည်း မှု​တွေအစား​ဒေါသတို့က​နေရာယူလာသည်​။ သူ့အသံက​ရေခဲလို​အေးစက်​ကာ ဓားသွားလို ထက်​နေသည်​။
"ဒီသီချင်းက drum​တွေ bass​တွေ လျှပ်​စစ်​ဂီတာ​တွေ လျှပ်​စစ်​တွေ​ရော​နေဖို့မလိုဘူး...သူက စန္ဒရားသံစစ်​စစ်​နဲ့ပဲ လို​က်​ဖက်​ဖို့လိုတာ...ဒီသီချင်းက ဆင်​ခြေ​တွေ အနာတရ ငို​ကြွေး မှု​တွေ ပြည့်​နေတဲ့ အချစ်​ဒုက္ခသီချင်း မဟုတ်​ဘူး...ကျွန်​တော့်​အ​ဖေအတွက်​ပေးခဲ့တဲ့ ဓမ္မတေး​လေးပါပဲ...လင်းစစ်​ချင်း မင်း ငါ့စာသား​တွေကို​ပြောင်းပစ်​ခဲ့တုန်းက ငါနဲ့ ငါ့အ​ဖေအတွက်​ဒီသီချင်းက ဘယ်​လောက်​အ​ရေးပါတယ်​ဆ်ိုတာ ဘယ်​တုန်းက မှ မ​တွေးခဲ့ဖူးဘူးလား...မင်းက ငါ့ယုံကြည်​မှုကို အလွဲသုံးစားလုံးပြီး ငါ့ဂီတကို ထိခိုက်​ခဲ့သည်​။ ငါမင်းကို ဘယ်​တော့မှ ခွင့်​မလွှတ်​ဘူး.၊ဘယ်​တော့မှ..."+

လူငယ်​လေးက ကင်​မရာ ကို စိုက်​ကြည့်​နေပြီး ဖန်​သားပြင်​ပေါ်မှာ သူ့ရဲ့​အေးစက်​ပြီး ရက်​စက်​ထက်​ရှတဲ့ မျက်​၀န်းတစ်​စုံက​ပေါ်​နေသည်​။

ပရိသတ်​က ခြိမ်း​ခြောက်​ခံလိုက်​ရသည်​။ screen​ပေါ်က​နေ သူ​ပျောက်​သွား​တော့မှသာ သူတို့ သတိဝင်​လာပြီး တစ်​ယောက်​နဲ့တစ်​ယောက်​ကြောင်​တောင်​တောင်​ကြည့်​နေကြသည်​။ သူတို့ဒီကိုလာတာ လင်းစစ်​ချင်း နဲ့ ကောမုန့်ရှူ တို့အတွက် လက်​စား​ချေဖို့​လေ။
ဒါမတိုင်​ခင်​တုန်းကအရည်​အချင်းရှိတဲ့ လင်းစစ်​ချင်း ကသာလျှင်​ဒီလိုထိမိတဲ့သီချင်းကိုရေးနိုင်​ပြီး ပထမတန်းစား အဆိုပညာရှင်​ကောမုန့်ရှူ ကသာလျှင်​ပြည့်စုံစွာ အဓိပ္ပါယ်​ကောက်​ပေးနိုင်​တယ်​လို့ သူတို့ခိုင်​ခိုင်​မာမာ ယုံကြည်​ခဲ့ကြသည်​။ သူတို့နဲ့ ယှဉ်​ရင်​အိုးစစ်​နန်​က ဘာထိုက်​တန်​လို့လဲ။ ဒါ​ပေမယ့်​ပထမဆုံး တမ်းတမ်းစွဲ သီချင်း အပုဒ်​၂၀ ပြီး​တော့ သူ့တို့ ဦး​နှောက်​ကျင်းခံလိုက်​ရသည်​။သူတို့ကို အပြည့်​အ၀ လွှမ်းမိုးနိုင်​ခဲ့သည်​။

ဒီသီချင်း အပုဒ်​၂၀ကို သူ့​ပေါ့​ပေါ့ပါးပါး သီဆိုခဲ့သည်​။ သီချင်းအားလုံးက နာမည်​ကြီး ဖို့ အလားအလာ ကြီးကြီးမားမားရှိပြီးသားပင်​။ လင်းစစ်​ချင်း က အိုးပိုင်​ပေါ်ရဲ့ အရည်​အချင်း ကို လုံးဝ မယှဉ်​နိုင်​ပေ။ အိုးစစ်​နန်​ရဲ့ အရည်​အချင်းက အိုးပိုင်​ပေါ်ထက်​တောင်​သာလွန်​နေပြီးသား။
လင်းစစ်​ချင်းက သူ ပွဲဦးထွက်​ထဲက သီချင်း အများကြီး​ရေးကာ album အများအပြား ထုတ်​ခဲ့သည်​။ ဒါ​ပေမယ့်​သူ့ရဲ့ အ​ကောင်းဆုံး သီချင်းက​တောင်​အိုးစစ်​နန်​ရဲ့ အပုဒ်​၂၀ ထဲက တစ်​ပုဒ်​နဲ့မှ မယှဉ်​နိုင်​ပေ။
လင်းစစ်​ချင်း နဲ့ အိုးစစ်​နန်​ကြားက ကွာခြားချက်​က ကြီးမားလွန်းသည်​။ အမာခံ ပရိသတ်​တွေ​တောင်​ဒါကို ၀န်​ခံကြသည်​။
ပရိသတ်​အားလုံး တိတ်​ကျ​နေပြီး အလွန်​အမင်း စိတ်​ဓာတ်​ကျမှု​တွေ ခံစား​နေရသည်​။ ကျန်​တဲ့သူ​တွေက ရိုးရိုးသားသားပဲ ဘက်​ပြောင်းလိုက်ကြသည်​။ သီချင်းတိုင်းက သူတို့ကို ယုံကြည်​သူ​တွေအဖြစ်​ဖြည်းဖြည်း ချင်း​ပြောင်းလဲ​ပေးသည်​။ ပြီး​တော့ စစ်​မှန်​တဲ့ ပရိသတ်​တွေ အဖြစ်​ပေါ့။ idol က မတရားခံရ​တာ​ကို သိ​တော့ သူတို့ stick​တွေကို​ဝှေ့ ယမ်း ကာ
"အိုးစစ်​နန်​မင်းက အ​တော်​ဆုံးပါ.. .မင်းက ငါ့တို့အတွက်​လည်း ဂုဏ်​ယူစရာပါပဲ...ငါတို့ အမြဲတမ်း မင်းကို အား​ပေး​နေမှာ...ကြိုးစားထား..."

" အရှုံးမ​ပေးပါနဲ့..."

"ပြန်​လာပါ.. နှစ်​နာရီက မလုံ​လောက်​ဘူး..."

"မင်းကြိုးစားရမယ်​လေ...ကြယ်ေ​တွက အမြဲ လင်းတယ်​လေ.."
ကြယ်​မျှော်​စင်​အနှံ အား​ပေးသံ​တွေက တစ်​ယောက်​ပြီး တစ်​ယောက်​ထွက်​ပေါ်လာသည်​။ လင်းစစ်​ချင်း နဲ့ ကောမုန့်ရှူ ရဲ့ ပရိသတ်​တွေ​တောင်​မှ ပိုရှက်​ရွံ့ပြီး​ဒေါသထွက်​နေကြသည်​။ ရှက်​တာက သူတို့ အိုးစစ်​နန်​ကို အထင်​လွဲပြီး အများကြီး အနိုင်​ကျင့်​ခဲ့တာ​ကြောင့်​ပင်​။​ဒေါသထွက်​တာက သူ့တို့ idol ရဲ့ လှည့်​စားမှု​ကြောင့်​ပင်​။+
လင်းစစ်​ချင်း က ပွဲဦးထွက်​ထဲကပုံရိပ်​ကောင်း ရှိခဲ့သည်​။ သူ့ရဲ့ဂီတအရည်​အ​သွေး က သူ့ကို ဂီတ နတ်​ဘုရား နယ်​ပယ်​ရောက်​အောင်​တွန်းပို့ခဲ့သည်​။ သူ့ပရိသတ်​အများစု အရွယ်​ရောက်​ပြီးသား အတတ်​ပညာ ရှင်​အမျိုးသားအမျိုး​သမီး​တွေပင်​။ သူတို့မှာ ကိုယ်​တိုင်​အကဲဖြတ်​ပြီး ဆုံးဖြတ်​ချက်​ချနိုင်​ကြသည်​။ အဲ့အချက်​ကပဲ သူတို့ကို မျက်​နှာနီ​စေသည်​။ သူတို့မျက်​နှာ​တွေကင်​အရှက်​ရမှု​တွေဖြင့်​ဖုံးအုပ်​ထားသည်​။
ကြယ်​မျှော်​စင်​လည်း အနားမရ။ ပရိသတ်​တွေက သူတို့ခုံ​တွေမှာအချိန်​အ​တော်​ကြာ မြဲမြထိုင်​နေကာ ထွက်​ခွာဖို့ ငြင်းဆန်​ခဲ့ကြသည်​။1
"အိုးစစ်​နန်​.. .​တောင်းပန်​ပါတယ်​.."

"အား....ငါတို့ မှားခဲ့ပါတယ်​...ငါတို့ကို​ကျေးဇူးပြု ပြီး ခွင့်​လွှတ်​ပါ​နော်​..."

"အိုးစစ်​နန်​.. မင်းက ငါ့ idol ပါ..ငါ မင်းကို ချစ်တယ်​..."
​အပြစ်​ရှိတဲ့လူ​တွေက​နေရာတကာပင်​။လက်​စား​ချေဖို့ ပြုမူ​နေကြတဲ့ အသက်​ကြီးတဲ့ ပရိသတ်​တွေက မကန့်​ကွက်​ကြ။​တောင်းပန်​ဖို့က လိုအပ်​သည်​ပဲ​လေ။

ကောမုန့်ရှူ ရဲ့ ပရိသတ်​အများစုက​ကောင်​လေး​ကောင်​မ​လေး​တွေဖြစ်​ကြပြီး သူတို့က စိတ်​ခံစားချက်​သိပ်​မထိန်းနိုင်​ကြ။ အနည်းစုက မြည်​တွန်​ကြပြီး ဒီဗီဒီယိုက အတု ဖြစ်​နိုင်​တယ်​လို့​ပြောကြသည်​။ ဒါ​ပေမယ့်​ချက်​ချင်းပဲ သူ့တို့ပတ်​လည်​က​ဒေါသတကြီး ကြည့်​နေကြတာမြင်​တော့​နောက်​ဆုံး ပါးစပ်​ပိတ်​သွားကြသည်​။

လုံခြုံ​ရေး နဲ့ ရဲ​တွေက လူထုကြီးကို​ဘေးကင်းရာ​စတင်​ရွှေ့ကြသည်​။ သူတို့ကလည်း ပြပွဲကို အပြင်းအထန်​၀င်​ရောက်​ကြသည်​။ ဒါ​ပေမယ့်​ကိုးရိုးကားယား တွန်းထုတ်​ခံလိုက်​ရကြရှာသည်​။
စွင်းရွှီမုမှာ အရိပ်​များကြားတွင်​ရပ်​နေပြီး မီးအလင်း​ရောင်​အောက်​က​ကောင်​လေးကိုစိုက်​ကြည့်​နေသည်​။​ကောင်​လေးက​တောက်​ပလွန်းကာမျက်​စိစွဲမက်​စရာဖြစ်​ပြီး ယှဉ်​လို့မရတဲ့ညှို့ငင်​နိုင်​စွမ်းကိုလည်းပိုင်​ထား​သေးသည်​။

သူက နူးညံ့လှ​သောဝိုင်​တစ်​ခွက်​ဖြစ်​သလို မူးယစ်​ဆေးပြင်းတစ်​ခုလည်းဖြစ်​နေပြန်​သည်​။ ဘယ်​သူကမှ သူ့စွဲ​ဆောင်​မှုကိုမတွန်းလှန်​နိုင်​သလို ဘယ်​သူကမှလည်း သူ့ရဲ့ဖမ်းစားခြင်းက​နေ​ပြေးမလွတ်​နိုင်​ပေ။

ဒီ​ကောင်​လေးစင်​ပေါ်တက်​ဖို့အခွင့်​အ​ရေးရသွားတာနဲ့​အောင်​မြင်​လာမယ်​ဆိုတာ စွန်းရွှီမုသိသည်​။ သို့​သော်​သူ​တကယ်​အောင်​မြင်​သွား​သော်​လည်း လူ​တွေအားလုံးရဲ့ ပူ​လောင်​လှတဲ့အကြည့်​တွေ​ကောင်​လေး​ပေါ်​ရောက်​နေတာကိုသည်းမခံနိုင်​ပေ။

တစ်​ဖက်​က​ကောင်​လေး သူ့ဆီလှမ်းလာတာကြည့်​ရင်း​သွေး​တွေဆူပွက်​လာသည်​။ သူ့လက်​မောင်း​တွေထဲဆွဲသွင်းချင်​ပြီး အရှက်​မထားတော့ပဲနမ်းရှုံ့ကာ အခန်းတစ်​ခန်းထဲ​သော့ခတ်​ပြီး​ကောင်​လေးနှင့်​အတူ​မွေ့​လျော်​ကာ သူ့ရဲ့တင်းမာ​နေတဲ့အရာနှင့်​ဆောင့်​ကာ ရူးသွပ်​မှုထဲ​ပျော်​၀င်​သွားချင်​သည်​။5

သူ့ရဲ့စိတ်ဆန္ဒကိုအဆမတန်​ထိန်းချုပ်​ထားပြီး ဖုန်​မှုန့်​ပမာ ပြိုကွဲသွားရသည်​။ သူ့ရဲ့​ခြေ​ထောက်​တွေက
ကြမ်းပြင်​ပေါ်​ခေါင်း​ကြောမာမာကပ်​တွယ်​နေပြီး လှုပ်​ရှားလို့မရ​တော့​ပေ။

စွင်းရွှီမုမှာ ဒီချစ်​ခြင်းအ​ကြောင်းကို တစ်​ဖက်​လူကို​ပြောပြဖို့နည်းလမ်းမစဉ်းစားတတ်​...ဒါ​ကြောင့်​စိတ်​ရော​ထွေး​နေတဲ့ရှားရှားပါးပါးပုံစံ​လေးဖြစ်​နေမိသည်​။

ကျိုးယွင်​ရှန့်​လမ်း​လျှောက်​လာကာ​မေးလိုက်​သည်​။
"ဘာဖြစ်​လို့လဲ... ဘာလို့စိတ်​ရှုပ်​နေတဲ့ပုံ​ပေါ်​နေတာလဲ"

စွင်းရွှီမု လည်​စေ့မှာ အ​ပေါ်​အောက်​လှုပ်​ရှားသွားသည်​။ အကြာကြီးစဉ်းစား​နေပြီး​တော့မှပြန်​ဖြေလိုက်​သည်​၊
"မင်းဒီညတကယ်​ကောင်း​ကောင်းလုပ်​ခဲ့တာပဲ...ကိုယ်​ထင်​ထားထက်​ပိုပြီး​တော့​ပေါ့။ မင်းအတွက်​ဂုဏ်​ယူတယ်​"
ကျိုးယွင်​ရှန့်​မှာ ရုတ်​တရက်​အနားတိုးလာကာ လက်​တွေကိုဆန့်​တန်းလိုက်​ပြီး စွင်းရွှီမုကို​ထောင့်​နား​ချောင်​ပိတ်​ထားလိုက်​ပြီး​နောက်​ဖြည်းဖြည်းချင်း​ပြောလိုက်​သည်​။
"ကျွန်​တော်​... တစ်​ခု​လောက်​စမ်းသပ်​ချင်​လို့.. ကျွန်​တော်နဲ့အတူ​ဆောင်​ရွက်​ပေးဖို့​မျှော်​လင့်​ပါတယ်​.."+

စွင်းရွှီမုတံ​တွေးမြိုချလိုက်​သည်​။သူ့ရဲ့ တဒိန်းဒိန်း ကျယ်​လောင်​လှတဲ့နှလုံးခုန်​သံကိုလျစ်​လျူရှုပြီး​မေးလိုက်​သည်​။"ဘာကိုလဲ.." အရမ်းနီးကပ်​လွန်းလို့ သူ​ကောင်​လေးကို တကယ်​နမ်းချင်​မိသည်။

သူ့အ​တွေး​တွေ တကယ်​လက်​တွေ့မလုပ်​သေးခင်​မှာပဲ လူငယ်​လေးက လက်​တွေကို သူ့လည်​ပင်းနားရစ်​တွယ်​ကာ​ခေါင်းကိုငုံ့ဆွဲချပြီး နှုတ်​ခမ်း​တွေအချင်းချင်းဖုံးအုပ်​လိုက်​သည်​။

​နွေး​ထွေးလှတဲ့လျှာဖျားက ဆန့်​ထွက်​လာပြီး သူ့ရဲ့လျှာနဲ့ ရစ်​ပတ်​သွားသည်​။သူရဲ့နှလုံးနဲ့ဝိဥာဉ်​တို့ရဲ့ နက်​ရှိုင်းမှု​တွေကို ရှင်းပြလို့မရတဲ့ ရင်​ခုန်​သံတို့က ဖြတ်​သန်းလာသည်​။​မွှေးပျံ့လှတဲ့ပန်းရနံ့​တောက်​ပလှတဲ့ မီးရှူးမီးပန်း​တွေကလွဲပြီး သူတခြားဘာကိုမှမ​တွေးနိုင်​တော့​ပေ။စွင်းရွှီမုအကြည့်​တွေနက်​ရှိုင်း​ကာမည်း​မှောင်​သွားသည်​။သူ့ရဲ့ဘယ်​ဘက်​လက်​က​ကောင်​လေးရဲ့​နောက်​ကျောကိုတွန်းတင်​ထားကာ ညာဘက်​လက်​က​တော့​ကောင်​လေးခါးကိုတင်းတင်း​ကျပ်​ကျပ်​ရစ်​တွယ်​ထားပြီး နီးကပ်​သထက်​နီးကပ်​အောင်​အနားသို့ဆွဲလိုက်​သည်​။ဒါမှသာ သူတို့​တွေ​ဝေးကွာ​နေ​တော့မည်​မဟုတ်​ပေ။
(Jas-😤ရိုလိုက်​ကြတာ)(Tae Ra...hote pa😂)

သူတို့ကိုဂုဏ်​ပြုရန်​လာ​သောဝန်​ထမ်းများ​မှာချက်​ချင်းပင်​ပြန်​လှည့်​ပြေး​လေကြပြီ။ သူတို့​တွေဘာမှမမြင်​လိုက်​သလို ဟန်​ဆောင်​ကြ​ပေမဲ့ သူတို့ရဲ့စိတ်​က​တော့ တစ်​စိတ်​တစ်​၀မ်းတည်း​တွေး​နေကြသည်​။ သူ​ဌေးက အိုးစစ်​နန်​ကို ဒီ​လောက်​အများကြီးရင်းနှီးမြုပ်​နှံ​ပေးချင်​တာလည်းအံ့သြစရာမရှိ​တော့ဘူး သူတို့​တွေက ဒီလိုဆက်​ဆံ​ရေးကိုး...အကိုင်းမြင့်​မြင့်​ပေါ်တက်​မှ​တော့ အိုးကျစ်​နန်​အောင်​မြင်​လာဖို့ကအချိန်​အနည်းနဲ့အများအတွင်းဖြစ်​လာမှာပဲ ။ အင်း...အနည်းဆုံး​တော့ သူ့မှာတကယ်​အရည်​အချင်းရှိလွန်းတယ်​လေ။1

3-12-18

IC - Arc 6အတွက်အမြင်ကတော့ ယုံကြည်ချက်နဲ့စပွန်စာမရှိရင် အရည်အချင်းရှိလည်းဖွက်ချီးပဲလို့ပြောနေသလိုပါပဲ။ (သူများတွေရဲ့မုလှလှလေးကိုဂွစာကျပြီးဖျက်ဆီးလိုက်ပါပြီ 😛)