အခန်း(၅၀) ကျူးစစ်​ယွိဘဝ
ချင်းစယ်​ကအခုတ​လော မင်းသားငယ်​ကိုကယ်​တင်​ဖို့အလုပ်​များ​နေသည်​။ သူအတိတ်​မေ့စဉ်​က မယ်​တော်​ကြီးကလုံခြုံ​ရေးတပ်​ဖွဲ့​တွေကြားမှာထွက်​ပေါက်​တွေအများကြီးဖန်​တီးထားသည်​။ သူပြန်​ရောက်​တော့ သူ့လက်​အောက်​ကစစ်​တပ်​တွေကို မြို့​တော်​ကိုဝိုင်းထားဖို့အမိန့်​ပေးပြီး နန်း​တော်​ကိုအချိန်​မှီပြန်​သိမ်းယူဖို့ ကြံစည်​ထားသည်​။

မင်းသားငယ်​ကိုကယ်​တင်​ဖို့ဆူညံမှု​တွေအများကြီးလုပ်​လို့မရဘူး။ ဒါ​ကြောင့်​အရာအားလုံးကို တိုးတိတ်​စွာကြံစည်​ပြီး စစ်​သည်​တွေတစ်​ယောက်​မှ​သွေး​မြေ မကျရ​အောင်​ပိရိစွာအကွက်​ချထားသည်​။

​နောက်​ဆုံး​တော့ သူစစ်​ခန်းကိုပြန်​လာတုန်းကလွှတ်​လိုက်​တဲ့သူ​တွေက မယ်​တော်​ကြီးရဲ့သားကိုဖမ်း​ခေါ်လာခဲ့သည်​။
တင်းကြပ်​တဲ့စစ်​ဆေး​မေးမြန်းမှုနဲ့ ညှင်းပန်းမှု​တွေကြားမှာ သူတို့သစ္စာ​ဖောက်​စာရင်းကိုရလိုက်​သည်​။​နောက်​တော့ မြို့​တော်​ကိုပြန်​သိမ်းပြီး နန်း​တော်​ကိုရှင်းလင်းဖို့လုပ်​ရသည်​။ စစ်​သူကြီး​တွေ စားပွဲတစ်​လုံးမှာဝိုင်းပြီး ဗျူဟာ​ဆွေ​နွေး​နေကြတုန်း ရဲမတ်​တစ်​ယောက်​ကလာသတင်းပို့သည်​။ ''စစ်​သူကြီးယွိ လူတစ်​ယောက်​က စစ်​သူကြီးကိုလာရှာပါတယ်​''

စစ်​သူကြီးယွိ က ချင်းစယ်​ရဲ့ ညာလက်​ရုံးဖြစ်​ပြီး ကျူးအိမ်​ကိုကာကွယ်​ဖို့အမိန့်​ပေးခံရသည့်​စစ်​သူကြီးတင်းယွမ်​လည်းဖြစ်​သည်​။
စစ်​သေနာပတိမျက်​မှောင်​ကြုတ်​တာမြင်​တော့ သူထွက်​မသွားရဲ ဒါ​ကြောင့်​လက်​ကိုရမ်းပြီး ''ကျူပ်​မှာ​တွေ့ဖို့အချိန်​မရှိဘူး...အခုကအ​ရေးကြီးတဲ့အချိန်​မင်းသားငယ်​ကိုကယ်​တင်​ရမယ်​! ပြန်​လို့​ပြောလိုက်​''

ရဲမတ်​လေးကခဏတွန့်​ဆုတ်​နေပြီးမှဆက်​ပြောသည်​။ ''တစ်​ဖက်​လူက ချင်းမင်​ရွာကကျူးစစ်​ယွိလို့​ပြောပါတယ်​။ သူစစ်​သူကြီးဆီ မြင်းစာလာပို့​ပေးတာပါတဲ့''

စစ်​သည်​တွေက မြင်းမရှိလျှင်​ခရီး​ဝေးလှုပ်​ရှားဖို့ကမဖြစ်​နိုင်​။ ဒါ​ကြောင့်​မြင်းစာကလည်းစစ်​တပ်​အတွက်​အ​ရေးပါသည်​။​ဘေးပတ်​လည်​ကစစ်​သူကြီး​တွေအားလုံး မျက်​လုံးအ​ရောင်​တောက်​သွားပြီး စစ်​သေနာပတိရှိရာကိုကြည့်​လိုက်​ကြသည်​။

ဘာလို့ ကျူးစစ်​ယွိ က ကိုယ်​တိုင်​လာပြီး ယွိချန်​ဆီမြင်းစာလာပို့​ပေးရတာလဲ? ချင်းစယ်​၏မျက်​ခုံးထူထူများကြုတ်​သွားပြီး သူ့ကိုလက်​ကို​ဝှေ့လိုက်​သည်​။ ''​ခေါ်လာခဲ့ ။ ယွိချန်​က​နေခဲ့။ ကျန်​လူ​တွေသွားကြ​တော့''

စစ်​သူကြီး​တွေက ဦးညွှတ်​ပြီးထွက်​သွားကြသည်​။

"မင်းနဲ့စစ်​ယွိ က ဘယ်​လိုပတ်​သက်​တာလဲ?''

စစ်​သေနာပတိရဲ့အသံကအရမ်းမာတာ​ကြောင့်​ယွိချန်​တောင့်​သွားသည်​။ သူမြန်​မြန်​ပဲ ''ကျွန်​တော်​ကျူးကုန်းဇီ ကို စစ်​သေနာပတိကျူးအိမ်​ကို​စောင့်​ကိုအမိန့်​ပေးတုန်းကပဲ မြင်​ဖူးတာပါ။ ကျူးကုန်းဇီ က ဒါကို​ကျေးဇူးတင်​လို့​နေပါလိမ့်​မယ်​''

ဒီအမိန့်​ကို​ပေးခဲ့တာကသူဖြစ်​ပါလျှက်​နဲ့ အကျိူးခံစားရသူကအခြားလူဖြစ်​နေသည်​။ ချင်းစယ်​အရမ်းကိုမနာလိုဖြစ်​နေ​ပေမယ့်​လက်​ရှိအ​ခြေအ​နေအရသူ့သရုပ်​မှန်​ကို​ဖော်​ပြလို့ကမရ။ ဒါ​ကြောင့်​ပုန်း​နေရအုန်းမည်​။ ''သူနဲ့သွားစကား​ပြောလိုက်​.. ငါသူ့ကိုအခုမ​တွေ့နိုင်​သေးဘူး။''

ယွိချန်​က​ကြောင်​သွား​ပေမယ့်​မငြင်းဆန်​ရဲတာ​ကြောင့်​ကျူးကုန်းဇီကိုသွား​တွေ့လိုက်​သည်​။ သူဖျင်​တဲအစကိုမ,တင်​လိုက်​တော့ အဖြူ​ရောင်​ဝတ်​ရုံကိုဝတ်​ဆင်​ထားသည့်​လူငယ်​လေးနဲ့အကြည့်​ချင်းဆုံသည်​။ သူ့နှုတ်​ခမ်း​တွေကသဘာဝအတိုင်းနီရဲ​နေပြီး မက်​မွန်​မျက်​လုံး​တွေကအ​ရောင်​တောက်​နေသည်​။​ကျောက်​မျက်​ရတနာကဲ့သို့တစ်​ဖက်​ကိုပင်​ဖောက်​မြင်​ရ​လောက်​အောင်​ကြည်​လင်​လွန်းလို့ထိုမျက်​ဝန်းများဖြင့်​ကြည့်​မိသူတိုင်းကိုအဆုံးမရှိသည့်​ကြယ်​ပင်​လယ်​ချောက်​နက်​ထဲဆွဲ​ခေါ်သွားနိုင်​လောက်​သည်​။

​နေမင်း၏အ​ရောင်​အဝါကဲ့သို့ သတိမပြု​အောင်​ကြိုးစားဖို့ခက်​လွန်းသည်​။
ယွိချန်​တောင့်​သွားပြီ တစ်​ဖက်​လူရဲ့ကိုယ်​ပေါ်က ကျူးရှားကျစ်​ကိုလိုက်​ရှာလိုက်​သည်​။ ကျူးရှားကျစ်​များကမြင်​သာသည့်​နေရာများ၌သာရှိတတ်​သည်​။ လက်​ကောက်​ဝတ်​မှာမဟုတ်​ရင်​နားသီးနဲ့နဖူး​ပေါ်မှာရှိတတ်​သည်​။ အ​ရောင်​တောက်​လေသားဖွားနှုန်းမြင့်​လေဖြစ်​သည်​။ နဖူး​ပေါ်တွင်​ကျူးရှားကျစ်​ပါ​သော '​ကော' များက အရမ်းကိုအဖိုးတန်​ပြီးဘယ်​သူမဆိုမြင်​တွေ့ချင်​ကြသည့်​နတ်​သားနှင့်​ပင်​ခိုင်းနှိုင်းရ​လောက်​သည်​။

စိတ်​မ​ကောင်းစရာက ယွိချန်​၊ ကျူးစစ်​ယွိ ကိုယ်​ပေါ်က ကျူးရှားကျစ်​ကိုရှာမ​တွေ့ပဲ​ယောက်ျားတစ်​သာဖြစ်​သည်​ကိုနှ​မြောတသနှင့်​လက်​ခံလိုက်​ရသည်​။​ယောက်ျားတစ်​ယောက်​ဒီလိုလှ​နေတာမျိူးက အရမ်းနှ​မြောစရာ​ကောင်းတာပဲ!

သူစိတ်​ထဲက​သောင်းကနင်းဖြစ်​နေ​ပေမယ့်​မျက်​နှာက​တော့ဘာအမူအရာမှမ​ပေါ်ဘဲ ခပ်​တည်​တည်​နှင့်​မေးလိုက်​သည်​၊ ''ကျူးကုန်းဇီ က ကျူပ်​တို့အတွက်​မြင်းစာ​ထောက်​ပံ့​ပေးမယ်​ဆို​တော့ ကျူပ်​တို့ဖက်​ကဘာပြန်​လုပ်​ပေးရမလဲ'' လူတိုင်းဘယ်​အရာမှအလကားမရဘူးဆိုတာ သိတာပဲ။

ကျိူးယွင်​ရှန့်​မူမ​နေဘဲ ''ဖုံးကွယ်​ထားလို့မရဘူးပဲ ။  ဟုတ်​တယ်​ကျွန်​တော်​ခင်​များဆီကတစ်​ခု​တောင်းဆိုချင်​လို့။ လွန်​ခဲ့တဲ့သုံးနှစ်​က ကျူပ်​မိဘ​တွေ​လော့​ရွှေနယ်​ဖက်​မှာဓားပြနဲ့​တွေ့ပြီးအသတ်​ခံလိုက်​တယ်​။ ကျွန်​တော်​အတင့်​ရဲ​ပြောရရင်​လော့​ရွှေကခင်​များလက်​အောက်​မှာရှိတာပါ။ ကျွန်​တော်​စစ်​တပ်​အတွက်​ရိက္ခာထုပ်​နှစ်​ထောင်​ပေးပါမယ်​။အဲ့ဒီအစား ဓားပြအဖွဲ့ကိုရှင်း​ပေးပါ''+

ကျူးစစ်​ယွိ ရဲ့ ဆန္ဒကကျူးအိမ်​ကိုမပြိုလဲ​စေချင်​တာတစ်​ခုထဲဆို​ပေမယ့်​ကျိူးယွင်​ရှန့်​က​တော့အ​သေးအဖွဲ့​လောက်​နဲ့တင်းတိမ်​သူမဟုတ်​။ သူအခြားတစ်​ယောက်​ရဲ့ဘဝကိုယူထားမှ​တော့ သူလုံးဝပြီးပြည့်​စုံ​နေရမည်​။
​သေချာတာက သူ့ရည်​ရွယ်​ချက်​အမှန်​က စစ်​သူကြီးတင်းယွမ်​ရဲ့ သရုပ်​မှန်​ကို​ဖော်​ထုတ်​ဖို့​ပေါ့။ ယွိချန်​က​ခြောက်​ပေရှည်​ပြီးတည်​ညိမ်​တဲ့စရိုက်​ရှိတယ်​။ပြီး​တော့ သူ့ကိုယ်​ပေါ်မှာရင်းနှီး​နေတဲ့​ဆေးလိပ်​အနံ့ ကိုရတယ်​။ ဒါ​ကြောင့်​ဒီလူကသူ့ချစ်​သူဟုတ်​မဟုတ်​သိချင်​သည်​။1

သာမန်​နေ့သာဆိုရင်​ယွိချန်​သူ့​တောင်းဆိုမှုကိုငြင်းမှာမဟုတ်​ပေမယ့်​အခုကအရမ်းကိုက​သောင်းကနင်းဖြစ်​နေတဲ့အချိန်​မို့ အ​သေးအဖွဲ့ကိစ္စ​တွေမှာသူအာရုံမစိုက်​နိုင်​သေးလို့အားနာနာနဲ့​တောင်းပန်​လိုက်​ရသည်​၊ ''စိတ်​မရှိပါနဲ့ ဒီတစ်​ခါ​တော့ကျူးကုန်းဇီရဲ့​တောင်းဆိုမှုကိုကတိမ​ပေးနိုင်​သေးပါဘူး။ အမှန်​ပြောရရင်​ကျူပ်​မှာလုပ်​စရာ​တွေကအများကြီးရှိ​နေတယ်​။ တကယ်​လို့အချိန်​ရခဲ့ရင်​တော့...''

ကျိူးယွင်​ရှန့်​ကသူတို့မယ်​တော်​ကြီးနဲ့ရင်​ဆိုင်​ဖို့ပြင်​ဆင်​နေမှန်းသိသည်​။ သူ​ခေါင်းရမ်းပြီး ရယ်​လိုက်​ကာ ''ကိစ္စမရှိပါဘူး စစ်​သူကြီး ၊ ဒီကိစ္စက​စောင့်​နိုင်​ပါတယ်​။ကျူးအိမ်​ကိုကာကွယ်​ပေးလို့​ကျေးဇူးဆပ်​တဲ့အ​နေနဲ့ ရိက္ခာ​တွေကိုယူထားပါ။ ကျွန်​တော်​ခင်​များကို​ကျေးဇူးမဆပ်​ရ​သေးဘူး''

ယွိချန်​မှာ ကျိူးယွင်​ရှန့်​၏ ခပ်​တည်​တည်​မျက်​နှာနဲ့တင်​မူး​ဝေ​နေပြီး ရယ်​ပါရယ်​လိုက်​တော့သူ့ကိုပိုလို့​တောင်​လှပ​စေပြီး ယွိချန်​လည်းမူး​မေ့လဲမတတ်​ဖြစ်​လာသည်​။ ယွိချန်​မ​နေနိုင်​တော့တာ​ကြောင့်​ကိုလက်​ကိုရမ်းပြီး​ပြောလိုက်​သည်​။ ''ကိစ္စ မရှိပါဘူးဗျာ''
ကျိူးယွင်​ရှန့်​စစ်​စခန်းထဲကြာကြာ​နေလို့မရတာ​ကြောင့်​နှုတ်​ဆက်​ပြီး စခန်းအပြင်​ထွက်​ရန်​ပြင်​လိုက်​သည်​။ ထို့​နောက်​ရုတ်​တရက်​ပြန်​လှည့်​ပြီး ''စစ်​သူကြီး​ဆေးလိပ်​သောက်​ရတာကြိုက်​လား''+

"ဟုတ်​ကဲ့ ကျူးကုန်းဇီ​တောင်​သိတာလား။ ဒီအနံ့ ကိုမုန်းလို့လား'' ယွိချန်​ကသူ့အဝတ်​တွေကိုရှက်​ရှက်​ဆွဲချလိုက်​သည်​။

"မဟုတ်​ပါဘူး ။ ဒါအရမ်း​ကောင်းတဲ့အနံ့ ပါ'' ကျိူးယွင်​ရှန့်​ပြုံးပြီးထွက်​သွားလိုက်​သည်​။ သူဒီအနံ့ ကိုအရမ်းပြင်းလို့အရင်​ကမုန်းခဲ့သည်​။ ဒါ​ပေမယ့်​နှစ်​တွေအများကြီးကြာ​တော့သူ​နေသားကျလာသည်​။ အခု​တော့ဒီအနံ့ ကသူ့ကို​နွေး​ထွေး​စေလာသည်​။

ယွိချန်​ပါးပြင်​ကနီရဲ​နေပြီး​နောက်​ကိုလှည့်​လိုက်​တော့ မည်း​မှောင်​နေ​သောမျက်​နှာကြီးနဲ့အနီ​ရောင်​တောက်​နေ​သောမျက်​ဝန်းတစ်​စုံရှိသည့်​စစ်​သေနာပတိနဲ့တည့်​တည့်​တိုးသည်​။5
16

"မင်းလုံးဝ​ဆေးတံ​သောက်​ခွင့်​မရှိ​တော့ဘူး။ ခုချက်​ချင်းမင်းရဲ့​ဆေးတံ​တွေအကုန်​လွင့်​ပစ်​လိုက်​တော့''6

"...ဘာလို့လဲ''

"မင်းကျန်းမာ​ရေးအတွက်​မ​ကောင်းဘူး။ ရာသီ​ဥတုအေးရင်​မင်း​ချောင်းဆိုးလိမ့်​မယ်​''8

"ဒါမယ့်​စစ်​သေနာပတိ ၊ ခင်​များကကျွန်​တော့်​ထက်​တောင်​ပို​သောက်​သေးတာ​လေ''

"ငါအတိတ်​မေ့​တော့ဖြတ်​လိုက်​ပြီ'' ဒါ​ပေမယ့်​အခု​တော့အဲ့ဒီအကျင့်​ကိုတစ်​ခါပြန်​လုပ်​ရ​တော့မယ်​။8
ဒါကို​တွေးပြီး ချင်းစယ်​ကိုယ့်​လက်​ကိုယ်​မြှောက်​ကာအနံ့ ခံကြည့်​လိုက်​သည်​။ သူ့ဆီမှာ ဆပ်​ပြာရနံ့ ကလွဲရင်​ဘာ​ဆေးလိပ်​နံ့ မှမရ​ပေ။ သူပိုပြီးစိတ်​ဓာတ်​ကျလာသည်​။3
                                ••••••••••••

တစ်​ညမှာ​တော့​သောင်းချီတဲ့စစ်​တပ်​ကြီးက နန်း​တော်​ရဲ့အတွင်းအပြင်​တစ်​ခုလုံးဝိုင်းရံထားလိုက်​သည်​။ မယ်​တော်​ကြီးနဲ့လူ​ပေါင်း၁၃၇​ယောက်​ကိုဖမ်းမိသည်​။ မယ်​တော်​ကြီးက မင်းသားငယ်​ကိုဓားစာခံအဖြစ်​ကြံစည်​ပေမယ့်​မင်းသားငယ်​က​ပျောက်​သွားပြီး သူမသားကနန်းရင်​ပြင်​ရှေ့​ပေါ်လာသည်​။​ကောင်း​သော​ပေါ်လာခြင်းနဲ့​တော့မဟုတ်​နောက်​မှာရဲမတ်​နှစ်​ယောက်​ကချူပ်​ထားပြီး သံမဏိဓားနဲ့လည်​ကို​ထောက်​ထားခံရသည့်​ပုံစံဖြင့်​ပေါ်လာခြင်းဖြစ်​သည်​။

မယ်​တော်​ကြီးလည်းပြန်​မတိုက်​နိုင်​တာ​ကြောင့်​အဖမ်းခံလိုက်​ရသည်​။
​နောက်​တစ်​နေ့နံနက်​မှာ​တော့ လူ​သေ​ခေါင်း​လောင်းသံကမြို့​တော်​အတွင်းအပြင်​တစ်​လျှောက်​ပြန့်​နှံ့ လာသည်​။​လေးဆက်​မြှောက်​ဘုရင်​သေပြီး ထီးနန်းကငါးနှစ်​သားအရွယ်​မင်းသားဆီလွှဲ​ပြောင်းသွားသည်​။ သူ့ကို စစ်​သေနာပတိချင်းစယ်​၊ လက်​ဝဲစစ်​သူကြီးရန်​ရုံ နဲ့ လက်​ယာစစ်​သူကြီး ဟွမ်​ပင်းဝန်​ကူရင်းက ကူညီအုပ်​ချူပ်​ပေးကြသည်​။
တစ်​နိုင်​ငံလုံး သုံးလကြာပူ​ဆွေးကြပြီး သုံးလပြီး​တော့ မင်းသားငယ်​လေးနန်းတက်​သည်​။ ယခင်​အခွန်​ဟောင်း​တွေကိုဖယ်​ရှားပြီး​မေတ္တာတရားနဲ့အတူ တရားမျှတစွာအုပ်​ချူပ်​သည်​။ အဲ့ဒီ​နောက်​မှာ မိုးကရုတ်​တရက်​ရွာချပြီး ချူယွိ​ကော်​ကပြည်​သူ​တွေကိုအသက်​ဆက်​ရှင်​စေသည်​။ ပြည်​သူ​တွေကနန်း​တော်​ရှိရာဖက်​ကိုဦးညွှတ်​ကြပြီး ဧကရာဇ်​ငယ်​လေးကအမှန်​တကယ်​မိုးနတ်​မင်း၏သား​တော်​ဖြစ်​သည်​ဟူ​သော စကားများက တစ်​နိုင်​ငံလုံးပြည့်​နှံ့ သွားသည်​။

နန်းသိမ်းပွဲပြီး​တော့ အာဏာပြန်​ရပြီးဖြစ်​တဲ့ ချင်းစယ်​က စစ်​သည်​ငါး​သောင်းကိုဦး​ဆောင်​ကာ​လော့​ရွှေနယ်​တစ်​လျှောက်​က ဓားပြတပ်​တွေအကုန်​ချေမှုန်းပစ်​လိုက်​သည်​။ တစ်​ပြိုင်​နက်​ထဲမှာပဲ သူ့လူ​တွေကိုကျန်းအိမ်​ဆီလက်​ဆောင်​ပစ္စည်း​တွေပို့ခိုင်းခဲ့သည်​။
ဆန်​တွေနဲ့​ငွေစက္ကူ​တွေကသူ့​ကျေးဇူးဆပ်​မှုအကုန်​မဟုတ်​သေး။ ဒီတစ်​ခါမှာ​တော့ သူ​ရွှေသားနဲ့လက်​ဝတ်​ရတနာ​တွေ၊​မြေယာ​တွေ ကို ကျန်းအိမ်​တံခါးဝအ​ရောက်​သွားပို့ခိုင်းသည်​။ ကျန်းကျား​လွေ့အတွက်​နံမည်​ကြီးဆရာတစ်​ဦးလည်းပို့​ပေး​သေးသည်​။

ကျန်းမိသားစုက ဟုံမိသားစုကလူတစ်​ယောက်​ကယ်​လိုက်​တယ်​ဆိုတဲ့စကားကတစ်​ရွာလုံးပြန့်​နှံ့ သွားပြီး ယခင်​ကသူတို့ကိုအနိုင်​ကျင့်​ခဲ့တဲ့လူ​တွေက ကျန်းရှုလင်း နဲ့ ကျန်းကျား​လွေ့​ကြောင့်​ကြောက်​ကုန်​သည်​။ တစ်​လကြာ​တော့ ကျန်းကျား​လွေ့ကမြို့​တော်​မှာ နန်းတွင်းစာ​မေးပွဲကိုဝင်​ဖြေသည်​။ အဆင့်​ခြောက်​နဲ့​အောင်​ပြီး အခြားစာ​မေးပွဲ​တွေကိုထပ်​ဖြေသည်​။

​နောက်​ဆုံးစာ​မေးပွဲမှာ​တော့ မင်းကြီးငယ်​က ရှန်း​ဝေ့ဟို့ရှစ်​စစ်​အ​ပေါ်​ကျေးဇူးရှိသည့်​ကျန်းအိမ်​၏အ​ကြောင်းကိုကြားပြီး ကျန်းကျား​လွေ့ ကို အဆင့်​သုံး​နေရာကထား​မြှောက်​စားခဲ့သည်​။
ချင်းမင်​ရွာအုပ်​ချူပ်​ရေးမှုက​ကျောက်​ကျိူးပြည်​နယ်​မှူးအဖြစ်​ရာထူးတိုးခံရပြီး ကျန်းကျား​လွေ့ က ချင်းမင်​ရွာအုပ်​ချူပ်​ရေးအသစ်​ဖြစ်​လာသည်​။

ကျန်းကျား​လွေ့ က သူ့​နေရာသူမ​ကျေနပ်​။ သူ့အရည်​အချင်းနဲ့ဆို​တော်​ဝင်​တက္ကသိုလ်​နဲ့သာထိုက်​တန်​သည်​ဟုယုံကြည်​ထားသည်​။ သူ ရှန်း​ဝေ့ဟို့ရှစ်​စစ်​ရဲ့ အိမ်​ကိုအကြိမ်​ကြိမ်​သွားပြီး သူတို့ကြားကပတ်​သက်​မှုကိုရှင်း​အောင်​လုပ်​ဖို့ကြိုးစား​ပေမယ့်​သူတံခါးကို​တောင်​မဖြတ်​လိုက်​ရ​ပေ။ ဒါ​ကြောင့်​မ​ကျေနမနပ်​နဲ့ဒီရာထူးကိုသာလက်​ခံလိုက်​သည်​။

ဒါ​ပေမယ့်​ကျန်းရှုလင်းက​တော့​ပျော်​သည်​။ သူ့ညီ ချင်းမင်​ဒေသအုပ်​ချူပ်​ရေးမှူးဖြစ်​လာ​တော့ သူသည်းညီးခံမ​နေ​တော့ပဲ​ဒေသခံ​တွေကိုမ​ချေမငန်​ဆက်​ဆံဖို့မ​ကြောက်​တော့​ပေ။

သူဝိုင်​ဆိုင်​ဖွင့်​ဖို့ပြင်​ပြီး ဝိုင်​ချက်​ဖို့​ဇောက်​ချသည်​။ ဒါ​ပေမယ့်​ချင်းမင်​ရွာ​မြေ​တွေက စပျစ်​စိုက်​ဖို့​ကောင်းတဲ့​မြေ​တွေသိပ်​မရှိသလို ရှိတဲ့​မြေ​တွေကိုငှါးရမ်းရင်​လည်း​ဈေးကကြီးသည်​။ ဒါ​ကြောင့်​ကိုယ့်​ဘာသာ​မြေဝယ်​ပြီး စိုက်​ဖို့ကြံသည်​။ သူချင်းမင်​ရွယတစ်​ဝိုက်​သုံး​လေးရက်​လျှောက်​ရှာကြည့်​တော့ သူကြိုက်​တဲ့​မြေကို​တွေ့သည်​။ ကျူးအိမ်​မြေမှန်းသိ​တော့ သူ​ဈေးဖြတ်​လိုက်​သည်​။
"ကျူပ်​မ​ရောင်းဘူး'' ကျိူးယွင်​ရှန့်​က ယတိပြတ်​ငြင်းလိုက်​သည်​။

ကျန်းရှုလင်း က လက်​မ​လျော့​နောက်​ထပ်​ဆယ်​ရာခိုင်​နှုန်းထပ်​တိုးပြီး​တောင်းဝယ်​ပြန်​သည်​။
"ကျူပ်​မ​ရောင်းဘူးလို့​ပြောပြီးပြီ'' ကျိူးယွင်​ရှန့်​သူ့ကိုယ်​သူကျန်းအိမ်​အတွက်​အ​လျှော့​ပေးမည်​မဟုတ်​။

ကျန်းရှုလင်းကသူ့ဆီကဝယ်​မရ​တော့အခြား​တောင်​ကုန်း​တွေဖက်​သွားကြည့်​သည်​။ ဒါ​ပေမယ့်​အဲ့​တောင်​ကုန်​တွေဖက်​က​ရေအ​ခြေအ​နေက ကျူး​မြေ​လောက်​မ​ကောင်းလို့ စပျစ်​ကောင်း​တွေသီးနိုင်​မှာမဟုတ်​။ သူက ကန်​ရာသီဖွားဖြစ်​တာ​ကြောင့်​အရမ်း​ချေးများသည်​။ ဒါ​ကြောင့်​ဒီအ​ခြေအ​နေက သူ့ကိုရတတ်​မ​အေးဖြစ်​စေသည်​။
"သူက​ရောင်းဖို့ငြင်းတယ်​ပေါ့'' ကျန်းကျား​လွေ့က ထိုကိစ္စကိုကြား​တော့ ခပ်​မဲ့မဲ့ရယ်​လိုက်​သည်​။ ''ဒါဆိုလည်း ကျွန်​တော်​ကိုယ်​တိုင်​သွား​ပြောလိုက်​မယ်​။''

သူကအခုချင်းမင်​ဒေသအုပ်​ချူပ်​ရေးမှူး ဘယ်​သူကသူ့ကိုမျက်​နှာသာမ​ပေးရဲရမှာလဲ။ ကျူးစစ်​ယွိ က သူ့အစ်​ကိုရဲ့​တောင်းဆိုမှုကိုအကြိမ်​များစွာငြင်းပယ်​ခဲ့တာဟာ သူ့ကိုသွယ်​ဝှိုက်​စော်​ကားရာကျတာပဲ။2

အုပ်​ချုပ်​ရေးမှူးကိုယ်​တိုင်​ရောက်​လာ​တော့ ကျိူးယွင်​ရှန့်​ဒီကိစ္စကို​တော်​တော်​စိတ်​ပျက်​နေပြီ။ သူ ကျန်းကျား​လွေ့ကိုအိမ်​ထဲဖိတ်​ခေါ်လိုက်​ပြီး ဘာ​လောကွတ်​မှ​ချော်​မ​နေဘဲ စီးပွား​ရေးကိစ္စသာထိုင်​ပြောကြသည်​။

"ကျူးကုန်းဇီ ၊ ကျူပ်​အစ်​ကိုအဲ့ဒီ​တောင်​ကုန်းကိုလိုချင်​နေတယ်​။ ကျူပ်​ကို​ဈေးဖြတ်​ပေးပါ''

"ခင်​များက​ဈေး​ပေးနိုင်​မှာမို့လား'' ကျိူးယွင်​ရှန့်​က လက်​ဖက်​ရည်​ကို​အေး​ဆေး​သောက်​ရင်းပြန်​မေးလိုက်​သည်​။

"ဒီ​လောက်​ဆိုရင်​ဘယ်​နဲ့လဲ'' ကျန်းကျား​လွေ့ က​ဈေး​ရေးထားသည့်​စာအိတ်​ကို စားပွဲ​ပေါ်ချလိုက်​သည်​။

ကျိူးယွင်​ရှန့်​ချက်​ချင်းရယ်​မောလိုက်​ပြီး '' ကျူပ်​အဲ့ဒီ​တောင်​ကုန်းကို ၈၂၀နဲ့ဝယ်​ခဲ့တာ ခင်​များကကျူပ်​ကို ၃၂၀​ဈေး​ပေးတယ်​! ကျန်းလူကြီးမင်း  ကျူပ်​တို့စီးပွား​ရေးလုပ်​နေတာလား? ပရဟိတလုပ်​နေတာလား''1

"ကျွန်းကိုင်းမှီ၊ကိုင်းကျွန်းမှီ​ပေါ့ ။ ကျူပ်​တို့နှစ်​ဦးနှစ်​ဖက်​အကျိူးရှိတဲ့နည်းတဲ့အ​ရောင်းအဝယ်​လုပ်​နိုင်​တာပဲ။ ဘယ်​သူမှအရှုံးမရှိ​စေရပါဘူး။ ကျူးကုန်းဇီ က ထက်​မြတ်​တဲ့သူပဲ။ ဘယ်​အရာကို​ရွေးချယ်​သင့်​လည်း ခင်​များသိမှာပါ''

အစိုးရအမှုထမ်းနဲ့ဖက်​ပြိုင်​ရန်​ဖြစ်​တာဟာ ကိုယ့်​ခေါင်းကိုယ်​နံရံနဲ့ဝင်​ဆောင့်​သလိုဆိုတာ လူတိုင်းနားလည်းပြီးသားပဲ။ ကျူးစစ်​ယွိ လို​မြေရှင်​ငယ်​လေးတစ်​ဦးက​ဒေသအုပ်​ချူပ်​ရေးမှူးကိုဘယ်​လို့ဆန့်​ကျင်​နိုင်​မှာလဲ။ ဒါ​ပေမယ့်​ကျိူးယွင်​ရှန့်​က​တော့​ခေါင်းမာသည်​။ သူ့ကိုတွန်းအား​ပေး​လေသူကပြန်​ခုခံ​လေလုပ်​တတ်​သည့်​လူစားမျိူး။
သူကျန်းကျား​လွေ့ကို​အေးစက်​စက်​ပြုံးပြပြီး ''ကျူပ်​မှာခင်​များဆီကလိုချင်​တာဘာမှမရှိ။ ခင်​များရဲ့အကျိူးအမြတ်​ဆိုလည်းကျူပ်​စိတ်​မဝင်​စားဘူး။ ကျူပ်​ဒီ​တောင်​ကုန်းမ​ရောင်းနိုင်​ဘူး။ ကိုယ့်​ရဲ့​နောက်​ဆုံးအချိန်​တွေမှာသာ​ပျော်​ပျော်​နေလိုက်​ပါ ကျန်းလူကြီးမင်း ''
ကျန်းကျား​လွေ့ က သူ့ကိုထပ်​ပြီးငြင်းဆန်​မယ်​လို့မ​မျှော်​လင့်​ထားတာ​ကြောင့်​သူ့မျက်​နှာက​ဒေါသ​ကြောင့်​စိမ်းဖန်​ဖန်​ရောင်​သန်းလာသည်​။ သူအံကိုကြိတ်​ပြီး ''ကျူးကုန်းဇီ ခင်​များဒီဆုံးဖြတ်​ချက်​ကို​နောက်​မှ​နောက်​တမရဖို့​မျှော်​လင့်​တယ်​''

"ဘာလဲ? ခင်​များခုထိရှိ​နေ​သေးတာလား။ ခင်​များက မင်းကြီးကိုတိုင်​ချီးမြင့်​ထားတဲ့ သဒ္ဒါတရားပြည့်​ဝ​သောအိမ်​တော်​ကို ထိခိုက်​အောင်​လုပ်​နိုင်​မယ်​လို့ထင်​နေတာလား? မှတ်​ထားပါ မင်းရဲ့အာဏာကမင်းရဲ့နံမည်​သန့်​ရှင်း​နေသ၍ပဲရှိ​နေမှာ။ ကိုယ့်​နေရာကိုမပြိုလဲဘူးထင်​မ​နေနဲ့အုန်း'' ကျိူးယွင်​ရှန့်​က သူ့​နောက်​က​တော်​ဝင်ကမ္ဗည်းပြားကြီးကိုညွှန်​ပြလိုက်​သည်​။ ထို​ပေါ်တွင်​ရွှေ​ရောင်​ဖောင်းကြွစာလုံးများဖြင့်​'သဒ္ဒါတရားပြည့်​ဝ​သောအိမ်​တော်​' ဟု​ရေးထိုးထားသည်​။
ဒါက ရွာသား​တွေကိုကူညီခဲ့လို့ မင်းကြီးကကျူးအိမ်​ကိုချီးမြင့်​ထားခြင်းဖြစ်​သည်​။ ဒီကမ္ဗည်းပြားနဲ့ဆိုကျူးအိမ်​ကိုတိုက်​ခိုက်​ချင်​သူများက အရင်​ဆုံး​နောက်​ဆက်​တွဲကိုစဉ်းစားရန်​လိုလိမ့်​မည်​။

ကျန်းကျား​လွေ့ က သူ့စကား​ကြောင့်​ပေါက်​ကွဲသွားပြီး​ဒေါသတစ်​ကြီးကျူးအိမ်​ကထွက်​သွား​လေသည်​။