အခန်း(၂၈) ရှမ်းရိပင်းဘဝ

BGM song suggest >> A dream too late

သူတို့နှစ်​ဦးမြင်​ကွင်းကလွန်​တော့မှ အိမ်​ရှေ့မင်းသားက ကျိူးယွင်​ရှန့်​၏လက်​ကိုပြန်​လည်​ဆုပ်​ကိုင်​လိုက်​သည်​။ သူ့အမူအရာကနူးညံ့​နေ၏။

"ကိုယ်​တော်​စိတ်​လွှတ်​သွားမှာ မင်းစိတ်​ပူ​နေတာလား''

"အရှင့်​ကျွန်​မလုပ်​ရဲပါဘူး။ ထိုက်​စစ်​တျန့်​ရှ က ဥာဏ်​အ​မျှော်​အမြင်​ကြီးသူပါ ဘယ်​လိုလုပ်​လွယ်​လွယ်​နဲ့ပြိုလဲပါ့မလဲ။ ကျွန်​တော်​စည်းမ​ကျော်​သင့်​ဘူး ရှက်​ရွံမိပါတယ်​''

ကျိူးယွင်​ရှန့်​သူ့ကို​မြှောက်​ပြော​နေခြင်းမဟုတ်​။ အိမ်​ရှေ့မင်းသားက​ဆေးဖြတ်​ပြီး ပြန်​ကောင်းလာကတည်းက သူ မကူညီရင်​တောင်​မှ ထီးနန်းကို ကိုယ်​ဘာကိုယ်​တက်​နိုင်​လိမ့်​မည်​။ တစ်​ခါတစ်​လေ​တော့ ကျိူးယွင်​ရှန့်​အ​နေနဲ့ သူ့အကူအညီက အပိုများဖြစ်​နေသလားလို့​တောင်​ခံစားမိသည်​။ အကြိမ်​တော်​တော်​များများ ကျိူးယွင်​ရှန့်​ထင်​မိတာက ရှဲ့ယွိရို​ဆေးခတ်​တာခံရတဲ့မင်းသားနဲ့ လက်​ရှိမင်းသားက တစ်​ယောက်​စီများလာလို့​လေ။ 5

မင်းသားကကျယ်​လှောင်​စွာရယ်​လိုက်​ပြီး​ကောင်​လေးရဲ့လက်​ချောင်း​တွေကိုညစ်​ကာ နှစ်​ကိုယ်​ကြား​ပြောလိုက်​သည်​''ယွင်​ရှန့်​ရဲ့ တည်​ရှိမှုက ကူစစ်​နျန်​အတွက်​အကြီးမားဆုံးအကူအညီပဲ။ ယွင်​ရှန့်​သာမရှိရင်​ဒီ​နေ့လို ကူစစ်​နျန်​လည်းမရှိနိုင်​ဘူး''

ထို့​နောက်​သူ့ကခဏရပ်​လိုက်​ပြီး အမျိူးသားငယ်​လေးရဲ့မျက်​နှာကို လက်​တစ်​ဖက်​နဲ့ထိ​တွေ့ပွတ်​သပ်​ရင်း ထပ်​ပြောသည်​။
"မင်းကို ကိုယ်​တော့်​နားပို့​ပေးခဲ့တဲ့ မိုးနတ်​မင်းကိုကိုယ်​တော်​ကျေးဇူးတင်​တယ်​သိလား။ မင်း ကိုယ်​တော့်​အတွက်​စိတ်​ပူတဲ့အခါ ကိုယ်​တော်​ပျော်​တယ်​'' 5

ကျိူးယွင်​ရှန့်​ဒိအတိုင်းရပ်​နေမိပြီးစကားမ​ပြောရဲ​ပေ၊ ဒီကမ္ဘာမတူသလို သူ့ရဲ့ဘဝသရုပ်​မှန်​ကလည်းမတူဘူး။ ပြီး​တော့ အမှုအကျင့်​တွေလည်းမတူဘူး။ ဒီလူက ရင်းနှီးတဲ့အပြုအမူ​တွေခံစားရ​စေ​ပေမယ့်​လို့ သူအလွယ်​တကူနဲ့မ​ပျော်​ဝင်​ချင်​ဘူး။ ရှမ်းရိပင်းရဲ့ ဆု​တောင်းကသူ့မိသားစုကြီးပွားချမ်းသာဖို့နဲ့​အေး​အေးချမ်းချမ်း​ပျော်​ပျော်​ရွှင်​ရွှင်​နေရဖို့။ သူသာ​ခြေတစ်​လှမ်းမှားလိုက်​ရင်​မူလရှမ်းရိပင်းရဲ့ ဆန္ဒကိုဖြည့်​ဆည်း​ပေးနိုင်​မှာမဟုတ်​ဘူး။

မင်းသားက သူပြန်​မ​ဖြေတာမြင်​သလို တစ်​ခုခု​ပြောချင်​သလိုဖြစ်​နေတဲ့ မျက်​နှာ​ကြောင့်​စောင့်​နေ​သော်​လည်း တစ်​ယောက်​ယောက်​ရဲ့​ခြေသံကြား​တော့ သူဆက်​ပြီး ကျိူးယွင်​ရှန့်​ကိုဆွဲမထား​တော့​ပေ။

ယု​ပေါင်​ထျန်း က အိမ်​ရှေ့မင်းသား ဟန်​ဆောင်​နေသည့်​ဟုသာထင်​ပြီး ရက်​အများကြီးမခံ​လောက်​ထင်​ထားသည်​။ ဒါ​ပေမယ့်​မ​မျှော်​လင့်​ပါပဲ မင်းသားက ဖြစ်​စဉ်​ကို​သေချာ​လေ့လာသည်​။​ရေလွှမ်း​နေသည့်​ဒေသကိုလည်း ကိုယ်​တိုင်​သွားပြီး ပြည်​သူ​တွေကိုနှစ်​သိမ့်​သည်​။ ညတိုင်းညတိုင်း ဆည်​တမံပြန်​လည်​ပြင်​ဆင်​ဖို့အစီအစဉ်​ဆွဲပြီး ကိုယ်​တိုင်​လည်း စီမံကွပ်​ကဲသည်​။ သိပ်​မကြာလိုက်​ပဲ လျန်​ကျန်းလည်း ပြန်​စို​ပြေလာသည်​။ 4

သူက ပြည်​သူ​တွေရဲ့အ​တွေးကိုနား​ထောင်​ပြီး သူတို့ရဲ့ဒုက္ခ​တွေ၊စိုးရိမ်​မှု​တွေကိုပါ နား​ထောင်​ပေးသည်​။ နန်းတွင်းကအစားအ​သောက်​တွေမရှိတာ​ကြောင့်​ကော အလွန်​အကျွံအလုပ်​လုပ်​မှု​ကြောင့်​ကော သူ့ကိုယ်​ကလာစကထက်​ပိုပိန်​သွားသည်​။ ယု​ပေါင်​ထျန်း လည်း အဲ့​တော့မှခံစားမိပြီး အိမ်​ရှေ့မင်းသားကအရင်​လို မရူးသွမ်း​တော့မှန်းယုံသွားသည်​။ သုံးရက်​တစ်​ကြိမ်​မင်းကြီးဆီဆက်​သရသည့်​အစီရင်​ခံစာတွင်​သူ့ကအိမ်​ရှေ့မင်းသားရဲ့ လုပ်​ဆောင်​ချက်​တွေကို တစ်​ခုမကျန်​ထပ်​ရေးပြီး သူဘယ်​လိုခံစားရ​ကြောင်းပါ မင်းကြီးကို​လျှောက်​တင်​သည်​၊ ထျန်းချန်​မင်းကြီး လည်း ဖတ်​ပြီးအရမ်းကိုပီတိဖြစ်​ရသည်​။

မင်းသားကအရမ်းကို လုပ်​ရည်​ကိုင်​ရည်​ရှိပြီး သတ္တမ မင်းသားထက်​သာသည်​။ သတ္တမ မင်းသားလည်းပဲ စိုးရိမ်​ပြီး ဘယ်​လိုတိုက်​ခိုက်​ရမလဲ​တွေး​တော့သည်​။

တစ်​နေ့​မြို့ စားပင်းကသူ့ရဲ့အိမ်​တော်​တွင်​အိမ်​ရှေ့မင်းသား အတွက်​စားပွဲကျင်းပ​ပေးသည်​။

ဝမ်​ပင်းက မင်းသား​နောက်​လိုက်​တစ်​ဦးဖြစ်​ပြီး သူ့သမီးက မင်းသား၏ကိုယ်​လုပ်​တော်​ဖြစ်​သည်​။ သူမအ​တော်​ကိုအမြတ်​နိုးခံရသည်​။ ဒါ​ကြောင့်​သူနဲ့မင်းသားရဲ့ဆက်​ဆံ​ရေးက ရင်းနှီးသည်​ဟုဆိုနိုင်​သည်​။ ပြီး​တော့ သူက အရင်​ဘဝကမင်းသားရာထူးကျခဲ့ရခြင်းနဲ့ပတ်​သက်​ပြီး ဆက်​စပ်​မှုလည်းရှိသည်​။

အရင်​ဘဝ အိမ်​ရှေ့မင်းသားက အဆိပ်​မခတ်​ခံရ​သော်​လည်း လူယုံသစ္စာ​ဖောက်​ခံရလို့ သူ့ဘဝကအဆိပ်​ခတ်​ခံရတာနဲ့မခြား​ပေ။ မင်းသားက သက်​တောင့်​သက်​သာဘဝနဲ့ လက်​လွှတ်​စပယ်​နေထိုင်​သော်​ကြောင့်​လက်​အောက်​ငယ်​သားအ​ပေါ်အာဏာကျလာသည်​။ သန်​မာတဲ့သူ​တောင်​မှ ဝက်​အုပ်​နဲ့​တွေရင်​ကျရှုံးရတာပဲ။ ပြီး​တော့ ဝမ်​ပင်းက ထိုဝက်​အုပ်​၏​ခေါင်း​ဆောင်​ဖြစ်​သည်​။

သူကအရမ်းကို​လောဘကြီးသည်​။ ၇နှစ်​၈နှစ်​လောက်​နန်း​တော်​က​ထောက်​ပံ့တဲ့ ဆည်​တမံပြုပြင်​ဖို့ ပဏ္ဍာ​ငွေဖြတ်​စားသည်​။ ဆည်​တမံနှစ်​ခုဟာဆိုရင်​ဖြင့်​လက်​နဲ့ထိရင်​တောင်​ကျိူးကျသွားနိုင်​သည်​။ မင်းသားက​ရေ​ဘေးဒုက္ခကယ်​ဆည်​ရေးအတွက်​တာဝန်​ပေးခံရ​တော့ သူက အိမ်​ရှေ့မင်းသား သိသွားမှာစိုးပြီး​ထောက်​ပံ့​ရေး​ငွေ​တွေကိုအ​ပေါ်ယံဗန်းပြပြီး မင်းသားကို အလှ​လေးနှစ်​ယောက်​ဆက်​သသည်​။

မင်းသားက အလှ​လေး​တွေနဲ့ အိပ်​ရာထဲအလုပ်​ရှုပ်​နေတဲ့အချိန်​မိုးကြီးရွာပြီး ဆည်​တမံပြိုသည်​။​ရေကြီးမှုကြီးဖြစ်​ပြီး ပြည်​သူများ အသက်​အိုးအိမ်​ပျက်​စီးရသည်​။ ရုတ်​တရပ်​ကပ်​ဘေးဆိုက်​မှုဟုပင်​ဆိုရမည်​။ မင်းသားကို မြို့စားအိမ်​တော်​တွင်​ကယ်​တင်​ရစဉ်​တွင်​ဘောင်းဘီ​တောင်​မပါပဲ အ​တော်​ပင်​အမြင့်​မတင့်​၍ ရှက်​ဖွယ်​ဖြစ်​ရသည်​။ ထျန်းချန်​မင်းကြီးလည်း​ဒေါသထွက်​ပြီး မင်းသားရဲ့အ​ဆောင်​အ​ယောင်​တွေကိုဖယ်​ရှားလိုက်​သည်​။

ဒုတိယ ကမ္ဘာမှာ​တော့ မင်းသားက ရှဲ့ယွိရို အဆိပ်​ခတ်​တာ​ခံရသည်​။ မင်းသားရဲ့ဂုဏ်​သတင်းက ပိုလို့​တောင်​မှေးမှိန်​ပြီး သူ့ရာထူးနဲ့ရှိသမျှအရာအာလုံးဆုံးရှုံးရမည်​။ အိမ်​ရှေ့စံ​နေရာကို ဆုံးရှုံးရသည်​သာမက​သေဆုံးသည့်​အခါ​တော်​ဝင်​သချူင်္ိင်းမှာလည်း မြှုပ်​နှံခွင့်​ရမည်​မဟုတ်​ပေ။ သူ့အဖြစ်​က အရင်​ဘဝထက်​ဆိုး​သေးသည်​။

ဒါ​ပေမယ့်​ကျိူးယွင်​ရှန့်​အခုဒီမှာရှိပြီမို့ အ​ခြေအ​နေ​တွေကအရင်​ဘဝနဲ့ကွာခြားသွားပြီ။ မင်းသားက ဟန်​ရှစ်​စန်း ရဲ့ထိန်းချူပ်​အောက်​ကလွှတ်​မြောက်​လာပြီးတဲ့​နောက်​ပိုအ​မျှော်​အမြင်​ရှိပြီး ပိုသည်းခံတတ်​လာသည်​။ ပြီး​တော့ သူ့ရဲ့အရင်​အပြုအမှု​တွေ​ကြောင့်​ညိမ်​ညိမ်​မ​နေနိုင်​ပေ။ သူ့ရဲ့ဦး​ဆောင်​မှုကအရမ်းကိုစည်းကမ်းတင်းကြပ်​သည်​။ ဒါ​ကြောင့်​လည်း လွန်​ခဲ့တဲ့သုံးနှစ်​ကတည်းက ဝမ်​ပင်း ပဏ္ဍာ​ငွေဖြတ်​စားတာမိပြီး​ငွေသား​တွေပြန်​အ​လျော်​ပေးရန်​နဲ့ ဆည်​တမံကိုပြုပြင်​ရန်​အမိန့်​ပေးခဲ့သည်​။

ဒီတစ်​ခါ​တော့ မိုးသည်းကြီးမဲကြီးရွာလည်း ဆည်​တမံသည်​တုပ်​တုပ်​လှုပ်​တော့မည်​မဟုတ်​။​နေပြည်​တော်​၌ ရှဲ့ယွိရို ကမင်းသားရဲ့လုပ်​ဆောင်​ချက်​တွေကို မသိပဲ ကပ်​ဘေးကျ​ရောက်​မယ့်​ချိန်​ကိုသာ တိတ်​ဆိတ်​စွာ​စောင့်​ဆိုင်း​နေ​လေသည်​။ 1

အိမ်​ရှေ့မင်းသားအခုလို ဥာဏ်​အ​မျှော်​အမြင်​နဲ့ပြည့်​စုံပြီး ကြိုးကြိုးစားစားရှိတာဟာ ပြည်​သူ​တွေအတွက်​တော့ ကံ​ကောင်းခြင်းပင်​။

ဝမ်​ပင်း သည်​အရင်​ဘဝ​လောက်​မညစ်​ပတ်​သော်​လည်း လူ့ဗီဇဆိုသည်​က​ဖျောက်​ဖျက်​ရခက်​သည်​မဟုတ်​လား။ ဒါ​ကြောင့်​သူ့ကမင်းသားကို စား​သောက်​ပွဲဖိတ်​ပြီး သူတို့ဆက်​ဆံ​ရေးကို ပိုရင်းနှီးလာ​အောင်​ကြံစည်​သည်​။ သူ့သမီးကလွန်​ခဲ့တဲ့သုံးနှစ်​ကတည်း မြတ်​နိုးမခံရ​တော့တာ သူဘယ်​လိုစိတ်​မပူပဲ​နေပါ့မလဲ။

ဝမ်​ပင်းက ရာထူးကြီးအမတ်​တစ်​ယောက်​ဖြစ်​တာ​ကြောင့်​မင်းသားက သူ့ကိုလျစ်​လျူရှုလို့မရ။ အခုလိုညစာစားပွဲကိုတက်​ရောက်​ပေးတာက သူ့ကိုမျက်​နှာသာ​ပေးခြင်းလည်းဖြစ်​ပြီး ဂုဏ်​ရှိ​စေသည်​။ ကံ​ကောင်းသည်​က ဝမ်​ပင်းက မင်းသားရဲ့အကြိုက်​ကိုသိ​နေသည်​။ ညစာစားပွဲက အရမ်းကိုမခမ်းနားပဲ အိမ်​ချက်​ဟင်းလျာများဖြင့်​သာတည်​ခင်းထားသည်​။ ထူးခြားသည်​က စားပွဲတွင်​ထိုင်​နေသည့်​မိန်းမလှ​လေးများဖြစ်​သည်​။

ဒီအမျိူးသမီး​တွေကအရမ်းလှပပြီး​ကျော့ရှင်းသွယ်​လှ ၊ အမို့အရှိုက်​အငင်​အသွယ်​သွယ်​နဲ့ မျက်​လုံးများကအ​ရောင်​တောက်​ပြီး မျက်​စိပသာဒမဖြစ်​သည်​တစ်​စုံတစ်​ရာ မရှိ​ပေ။ မိန်းမလှ​လေး​တွေနဲ့ ဧည့်​ခံတာကပုံမှန်​ဖြစ်​သည်​။ ဒါ​ပေမယ့်​ရှမ်းရိပင်းအတွက်​လည်း ဧည့်​ခံ​ပေးရန်​အချိူ့ရှိ​နေသည်​။ ထိုမိန်းက​လေးများက သူ့ကိုရည်​ရွယ်​ချက်​ရှိရှိစ​နောက်​နေကြ၏။ ဒါဘာကြီးလဲ?

မိန်းမတစ်​ယောက်​က ရှမ်းရိပင်းရဲ့လက်​မောင်းကို အပြုံးနုနုနဲ့ဆွဲမဖက်​လိုက်​ခင်​အထိ အိမ်​ရှေ့မင်းသား သည်းခံ​နေ​သေးသည်​။ ထိန်းချူပ်​ထားတဲ့​ဒေါသ​တွေက အတင်းအကြပ်​စည်း​နှောင်​ထားတဲ့ထင်းစည်းလို​ပြေကျသွားတဲ့​နောက်​မှာ​တော့။ သူစားပွဲကထပြီး​ကောင်​လေးလက်​ကိုဆွဲကာ စကားတစ်​ခွန်းသာချန်​ပြီးထွက်​သွား​လေသည်​။ 9

"ဝိုင်​နဲ့မုန့်​တွေက ကျီထဲမှာပုပ်​သိုး​နေပြီ ၊ ပြည်​သူ​တွေက​တော့ လမ်း​ဘေးမှာငတ်​လို့​သေ​တော့မယ်​''

ဝမ်​ပင်း၏ မျက်​နှာတစ်​ခုလုံးက​သွေးမရှိ​တော့သည်​နှယ်​ဖြူ​ရော်​သွားသည်​။

ယု​ပေါင်​ထျန်း က ထိုအဖြစ်​ကိုကြား​တော့ လက်​ခုပ်​လက်​ဝါးတီး၍ အားရပါးရ ရယ်​မောပြီး အိမ်​ရှေ့မင်းသား ကို ချီးကျူး​လေသည်​။ အဲ့ဒီကိစ္စကိုလည်း အစီရင်​ခံစာမှာထည့်​ရေးပြီး မင်းကြီးဆီဆက်​သလိုက်​သည်​။ 1

ထျန်းချန်​မင်းကြီးကအလွန်​ဂုဏ်​ယူ​နေ​တော့သည်​။ 1

မင်းသားက အမျိူးသားငယ်​လေးကိုဆွဲပြီး လှည်းထဲ​ရောက်​သည်​အထိ​ဒေါသကမ​ပြေနိုင်​ပဲ သားရိုင်းကြီးသဖွယ်​ရင်​ဘတ်​ကနှိမ့်​ချည်​မြင့်​ချည်​နဲ့ တရှူးရှူးဖြစ်​နေ​သေးသည်​။

"ထိုက်​စစ်​တျန့်​ရှ ၊ ဒီလိုအရမ်းစိတ်​လှုပ်​ရှားလို့မဖြစ်​ပါဘူး။ ခန္ဓာကိုယ်​အတွက်​မ​ကောင်းပါဘူး'' ကျိူးယွင်​ရှန့်​သက်​ပြင်းချပြီး​ဆေးပုလင်းကိုထုတ်​ကာ​ဆေးလုံးကို အိမ်​ရှေ့မင်းသား ပါးစပ်​ထဲထည့်​လိုက်​သည်​။

မင်းသားရဲ့မျက်​ဝန်း​တွေက​တောက်​ပ​နေပြီး ချစ်​ရည်​များရွှန်း​လာသည်​။ သူက အမျိူးသားငယ်​လေးကိုကြည့်​ပြီး ပါးစပ်​ကိုဟကာ​ဆေးလုံးနဲ့တကွ​ကောင်​လေးရဲ့လက်​ချောင်းကိုပါ ငုံပြီးလျှာနဲ့ရစ်​ပတ်​ထားလိုက်​သည်​။ 10

ကျိူးယွင်​ရှန့်​လက်​ကိုအမြန်​ရုတ်​လိုက်​ပြီး တိတ်​ဆိတ်​စွာ​နေလိုက်​သည်​။ 1

မင်းသားက လက်​သီးကိုဆုပ်​ထားပြီးစိတ်​ကိုထိန်းထား​လေသည်​။ သူအခု​ရှေ့မှာရှိ​နေတဲ့ အမျိူးသားငယ်​လေးကို လက်​မောင်းကြားမှာ​ပွေ့ထားချင်​သည်​။ သူ​လေးရဲ့ဝတ်​ရုံကိုဆွဲဖြဲပြီး နှုတ်​ခမ်း​တွေကိုအမဲလိုက်​ချင်​သည်​။ သူတို့ဝိညာဉ်​တွေ အချင်းချင်းလဲလှယ်​သွားသည်​အထိ နမ်းပစ်​ချင်​သည်​။ ဒါ​ပေမယ့်​အခု​တော့စိတ်​ကူးရုံသာတတ်​နိုင်​သည်​ပဲ။ 17

သူအခု ဂုဏ်​သိက္ခာ ကိုလည်းအပြီးတိုင်​အဖယ်​မဆယ်​ရ​သေး​တော့ တစ်​ခုခုကိုမဆင်​မချင်​လုပ်​ရင်​အရာအားလုံးဆုံးရှုံးရလိမ့်​မည်​။ သူလုပ်​ရမည်​က ထီးနန်းကိုအတားအဆီးမရှိတက်​ရောက်​နိုင်​ရန်​ဖြစ်​သည်​။ သူအမြင့်​ဆုံး​နေရာကို​ရောက်​သည်​အခါမှ ဒီ​ကောင်​လေးကို သူ့​တောင်​ပံ​တွေ​အောက်​မှာဝှက်​ထားပြီး သူတို့​ရှေ့ကဆူးခလုတ်​မှန်​သမျှရှင်းပစ်​ရမည်​။ 6

သူဆုံးဖြတ်​ထား​ပေမယ့်​လည်း ရင်​ထဲမှာ​တော့ အခုချိန်​ထိအကူညီမဲ့​နေ​သေးသည်​။ မင်းသားက ခပ်​ဖျော့​ဖျော့သက်​ပြင်းချပြီး အမျိူးသားငယ်​လေးရဲ့ ပါးပြင်​ကိုပွတ်​သပ်​ကာ​နေရာမှာပြန်​ထိုင်​လိုက်​သည်​။

ကျိူးယွင်​ရှန့်​လည်းပဲ ရင်​ထဲ​လေးလံ​နေပြီး တဆစ်​ဆစ်​နာ​နေ၏။

မင်းသားက လျန်​ကျန်းကထွက်​ခွာ​တော့ လူ​ထောင်​ပေါင်းများစွာလိုက်​ပို့ကြသည်​။ တစ်​ချိူ့ကဒူး​ထောက်​နေကြပြီး တစ်​ချိူ့ကငို​ကြွေး​နေကြသည့်​မြင်​ကွင်းကစိတ်​နှလုံးမခိုင်​သူအဖို့ မျက်​ရည်​ကျစရာပင်​။ သူတို့ကအခြား ရပ်​ရွာ​တွေလည်းဖြတ်​လာရ​တော့ လူ​တွေက ထီး​ဆောင်းပြီး​နောက်​ကလူအုပ်​ကြီးအဖြစ်​လိုက်​ပါကြ​သေးသည်​။ အိမ်​ရှေ့မင်းသား​နောက်​ဆုံး​တော့ ပြည်​သူ​တွေရဲ့အသိမှတ်​ပြုမှုကိုရခဲ့ပြီ။

သတ္တမ မင်းသားရ မင်းသားအမှားလုပ်​ဖို့​စောင့်​နေ​သေးသည်​။ ဝမ်​ပင်းကိုဆန့်​ကျင်​ပြီး သူ့ဂုဏ်​သိက္ခာကို​တောင်​ပြန်​လည်​မြင့်​တင်​သွားနိုင်​လိမ့်​မည်​ဟု မ​မျှော်​လင့်​ခဲ့​ပေ။ အမှားတစ်​စုံတစ်​ရာ ရှာမရတာ​ကြောင့်​သတ္တမ မင်းသားလည်း နှုတ်​ဆိတ်​လျှက်​နေရ​တော့သည်​။

​နေပြည်​တော်​မှာရှိသည့်​ရှဲ့ယွိရို က ဆည်​တမံအန္တရာယ်​ကင်းတာကိုကြားပြီး ၊ အိမ်​ရှေ့မင်းသား ရဲ့ ဥာဏ်​အ​မျှော်​အမြင်​ကြီးမားပုံ လုပ်​ဆောင်​ချက်​ကောင်း​တွေကိုပါကြားရ​တော့ သူမရင်​ထဲမချိမခံသာဖြစ်​ရသည်​။ ဒီဘဝမှာ သူမရည်​မှန်းချက်​က မယ်​တော်​ကြီးဖြစ်​လာဖို့ ပဲ​လောကမှာအမြင့်​မြတ်​ဆုံးနဲ့အာဏာအရှိဆုံးမိန်းမ။ သတ္တမ မင်းသားက နန်းမတက်​နိုင်​ရင်​သူမပြန်​မွေးဖွားလာရတာ ဘာထူးမှာလဲ။ အနည်းဆုံး​တော့ အရင်​က ဘုရင့်​ကိုယ်​လုပ်​တော်​နေရာထိရခဲ့​သေးတယ်​ဒီဘဝမှ မင်းသားကိုယ်​လုပ်​တော်​ပဲဆိုရင်​စိတ်​ပျက်​စရာပဲ ။ အ​ခြေအ​နေက အရင်​က​လောက်​မ​ကောင်းဘူး သူ့ရန်​သူ​တော်​ရှမ်း​ချောင်​တန်​ကလည်း အသက်​ရှင်​နေ​သေးတယ်​။

အနာဂတ်​အ​ကြောင်းစဉ်းစားရင်း ရှဲ့ယွိရို ထိုညကအိပ်​မ​ပျော်​ခဲ့​ပေ။ ဒါ​ပေမယ့်​သူမမှာ အိမ်​ရှေ့မင်းသား ကို ရှင်းပစ်​ဖို့နည်းလမ်းရှိ​သေး​တာ သတိရ​တော့ စိတ်​ပြန်​လျော့လိုက်​သည်​။

အိမ်​ရှေ့မင်းသား က အားနည်းတား​ကြောင့်​လှည်းယာဉ်​တွေက ဖြည်းဖြည်းချင်းသာ သွားသည်​။ ဒါ​ပေမယ့်​သူတို့ လျန်​ကျန်းနယ်​မြေရဲ့အပြင်​ကိုမ​ကျော်​ရ​သေးခင်​မှာပဲ သတ္တမ မင်းသားက ရုတ်​တရပ်​ဖျားသည်​။ သိပ်​ပင်​မကြာလိုက်​အိမ်​ရှေ့မင်းသား လည်း သတိလစ်​မေ့​မြောသွား​လေသည်​။

"ဒါ...ဒါ ကူးစက်​ရောဂါ ပဲ။ ကျူပ်​တို့ မင်းသားနှစ်​ပါးကို သီးသန့်​ခွဲထားရမယ်​''​ရောဂါလက္ခာကို​လေ့လာပြီး​တော့ သမား​တော်​တွေက အလန့်​တကြား​အော်​သည်​။

အ​စောင့်​ရဲမတ်​တွေက နယ်​ရှိ​မြေရှင်​တစ်​ယောက်​ရဲ့ အိမ်​မှာ မင်းသား​တွေ​ခေတ္တတည်းခိုရ​အောင်​ပင့်​ဆောင်​သွားကြသည်​။ ပြီး​တော့​ပေကျင်းကို စာ​ရေးပြီး ဒီအ​ကြောင်းကို မင်းကြီးဆီ​လျှောက်​လိုက်​သည်​။ ထျန်းချန်​မင်းကြီးလည်း အ​တော်​ဆုံးသမား​တော်​တွေနဲ့​ဆေးဝါးလှည်း​တွေကို အမြန်​စေလွှတ်​လိုက်​သည်​။

အိမ်​ရှေ့မင်းသား နဲ့ သတ္တမမင်းသားရဲ့ နန်း​ဆောင်​က မင်းသား​တွေကိုပြုစုဖို့ ကိုယ်​လုပ်​တော်​တစ်​ပါးဆီလွှတ်​လိုက်​သည်​။ ပထမကမ္ဘာမှာ သတ္တမ မင်းသား ကူးစက်​ရောဂါခံစားရတုန်းက ရှမ်း​ချောင်​တန်​က သူ့ကိုပြုစု​ပေးခဲ့သည်​။ ဒါ​ကြောင့်​သူတို့ဆက်​ဆံ​ရေးက​လေးနက်​ခဲ့သည်​။ ဒီကမ္ဘာမှာ​တော့ ရှဲ့ယွိရို ကအချစ်​တော်​။ ရှမ်း​ချောင်​တန်​ကအပယ်​ခံရပြီးသားမို့ ပြုစုရန်​အခွင့်​အ​ရေးမရှိ​တော့။

အိမ်​ရှေ့မင်းသား ရဲ့ခန္ဓာက ဟန်​ရှစ်​စန်း​ကြောင့်​အပြင်းအထန်​ခံစားထားရတဲ့အပြင်​အခု ကူးစက်​ရောဂါ ပါထပ်​ဖြစ်​တော့​သေလမ်းဝ​ရောက်​လုနီးပဲ။ သတ္တမ မင်းသားကလည်း အရင်​ကူးစက်​ခံရတာမို့ သူ့အ​ခြေအ​နေကလည်း ထူးမခြားနား​ပေ။

ကျိူးယွင်​ရှန့်​သတိ​မေ့​နေတဲ့မင်းသားကိုပြုစုပြီး သူ့ကိုယ်​လုပ်​တော်​ဝမ်​ရောက်​တော့မှ မလိုအပ်​တဲ့ပြသာနာ​တွေမဖြစ်​ရ​အောင်​ရှောင်​ပေးလိုက်​သည်​။

ကျိူးယွင်​ရှန့်​ထွက်​သွားပြီး​တော့ အိမ်​ရှေ့မင်းသား ကနှိုးလာသည်​။ သူ့ကုတင်​ခြေရင်းက သူ​မျှော်​လင့်​ထားတဲ့လူမဟုတ်​တော့ စိတ်​ပျက်​သွားပြီး ခပ်​တိုးတိုး​မေးလိုက်​သည်​။
"ယွင်​ရှန့်​ဘယ်​မှာလဲ '' 5

ကိုယ်​လုပ်​တော်​ဝမ်​က နှာ​ခေါင်းပဝါစည်းထားပြီး မင်းသား​ပြောသည်​ကို ဂရုစိုက်​နား​ထောင်​ကာပြန်​မေးလိုက်​သည်​။
"ယွင်​ရှန့်​ကဘယ်​သူလဲ''

အနီးနားက မိန်းမစိုးက သူမကိုယ်​စားပြန်​ဖြေ​ပေးလိုက်​သည်​''ထိုက်​စစ်​တျန့်​ရှ ၊ ရှမ်းဝန်​ကြီးက မင်းသားကို​လေးရက်​၊​လေးညလုံးပြုစုခဲ့တာပါ။ အခု ကိုယ်​လုပ်​တော်​ရောက်​လာမှထွက်​သွားပါတယ်​။''

အဲ့​တော့မှ မင်းသားလည်း ခပ်​ဖျော့​ဖျော့ပြုံး​လေသည်​။ သူက ကိုယ်​လုပ်​တော်​ဝမ်​ကိုလက်​ညှိုးထိုးပြီး ''ကိုယ်​တော်​သူ့ကိုမလိုချင်​ဘူး ။ ယွင်​ရှန့်​ကို ပြန်​ခေါ်လာခဲ့'' 9

ကိုယ်​လုပ်​တော်​ဝမ်​လည်း မိန်းမစိုး​နောက်​လိုက်​ပြီး အမြန်​ထွက်​သွားရ​လေသည်​။