အခန်း(၃)ကျိူးယွင်​ရှန့်​ဘဝ

ကျိူးဝန်​ကျင့်​၊ ကျိူးယွင်​ရှန့်​ကိုတစစီဆုပ်​ဖြဲပစ်​ချင်​မိသည်​။သူပြန်​ထရန်​ကြိုးစားလိုက်​သော်​လည်းအကန်​လိုက်​ရပြီး ပါးစပ်​မှသည်း​ခြေရည်​များအန်​ထွက်​လာ​တော့သည်​။
ဒီခန္ဓာကိုယ်​ရဲ့မူလပိုင်​ရှင်​က ကျိူးဝန်​အန်​ရဲ့ကစားခြင်းကိုခံရပြီး ကျိူးအိမ်​ရဲ့သားဆိုတဲ့​နေရာနဲ့ပိုင်​ဆိုင်​မှု​တွေအကုန်​ကိုဆုံးရှုံးခဲ့ရသည်​။ အဓိကဇာတ်​လိုက်​ကစီးပွား​ရေးလုပ်​ငန်းရှင်​ကြီးဖြစ်​လာ​တော့ နံမည်​ပျက်​ပြီးဘယ်​သူကမှအလုပ်​မ​ပေးချင်​လောက်​တဲ့အ​ခြေအ​နေမျိူးထိလက်​စားချေတာကိုခံခဲ့ရသည်​။

ဒီခန္ဓာကိုယ်​ကို ကျိူးယွင်​ရှန့်​အစားဝင်​ပြီးဒီခန္ဓာကိုယ်​ရဲ့အနာဂတ်​ကိုသိ​ပေမယ့်​အဓိကဇာတ်​ကောင်​ရဲ့​ခြေသလုံးကိုဖက်​ပြီး ကပ်​မဖားတဲ့အပြင်​ချက်​ချင်းမသတ်​လိုက်​တာကတောင်​အရမ်းထိန်းချူပ်​ထားရာကျ​နေပြီ။ တုရွှီလန်​သာသူ့ပုခုံးကိုဆွဲမထားလျှင်​နောက်​ထပ်​အချက်​အနည်းထပ်​ကန်​ပစ်​အုန်းမည်​ဖြစ်​သည်​။

"ရှန့်​ရှောက်​မင်းရဲ့သနားစရာညီ​လေးကိုအနိုင်​မကျင့်​ပါနဲ့'' တုရွှီလန်​ကမျက်​မှန်​ကိုပင့်​တင်​ပြီး​ပြောလိုက်​သည်​။သူ့ပုံစံက​ချော့​ပြော​နေပုံ​ပေါက်​ပေမယ့်​တကယ်​တမ်း​တော့ဒါဟာသတိ​ပေးခြင်းသာဖြစ်​သည်​။

ကျိူးယွင်​ရှန့်​စိတ်​ထဲမထားပဲသူ့ပုခုံး​ပေါ်ကတုရွှီလန်​လက်​ကိုဖယ်​ပစ်​လိုက်​သည်​။ ထို့​နောက်​ကျိူးဝန်​ကျင့်​နားသို့တစ်​လှမ်းသွားလိုက်​သည်​။ ကျိူးဝန်​ကျင့်​ကလည်းမနည်းကုန်​ထပြီးသူ့ကိုမုန်းတီး​နေသည့်​မျက်​ဝန်းအစုံဖြင့်​ကြည့်​နေသည်​။

"မင်းငါ့ကိုမုန်းလား''

ပြန်​ဖြေတဲ့အ​နေနဲ့ကျိူးဝန်​ကျင့်​ကပါးစပ်​ထဲ​သွေး​ရောတဲ့တံ​တွေးကို​ထွေးထုတ်​လိုက်​သည်​။ ကျိူးယွင်​ရှန့်​က ကျိူးဝန်​ကျင့်​ဘေး၌မတ်​တပ်​ရပ်​လိုက်​ပြီး ဝန်​ကျင့်​၏ရင်​ဘတ်​ပေါ်သို့​ခြေတင်​ထားလိုက်​သည်​။

"မင်းငါ့ကိုမုန်းတယ်​ပေါ့။မင်းမှာငါ့ကိုမုန်းဖို့ဘာအရည်​အချင်းရှိလို့လဲ။ ငါ့အ​မေရဲ့အကူအညီနဲ့သာမဟုတ်​ရင်​မင်းရဲ့မိဘမဲ့အ​မေကသူ့ရဲ့ပညာအချင်း​လောက်​နဲ့ကျိူးအိမ်​မှာလစာ​သောင်းချီတဲ့အလုပ်​ရမယ်​ထင်​လား။ ငါ့အ​မေကသူ့ကိုသမီးရင်းလို့သ​ဘောထားခဲ့​ပေမယ့်​သူကဘယ်​လို​ကျေးဇူးပြန်​ဆပ်​သလဲ။ ငါ့အ​ဖေအိပ်​ရာ​ပေါ်တက်​ပြီး​တော့လား?ငါ့အ​ဖေနဲ့သားတစ်​ယောက်​ရပြီး​တော့လား?ငါ့အ​မေ​ရေချိူးခန်းထဲကိုယ့်​ကိုယ်​ကိုသတ်​သေပြီး​တော့လား? သူ့အပြစ်​သူ​ပေးဆပ်​ဖို့ကိုယ့်​ကိုယ်​ကိုသတ်​သေတာလား ။ သူအဲ့လိုလုပ်​လို့ငါ့အ​မေလည်းသူ့​ခြေရာအတိုင်းနင်းသွားတာ​လေ။​လောကကြီးကိုရင်​ဆိုင်​ဖို့ငါ့တစ်​ယောက်​ထဲထားခဲ့ပြီး​တော့!!​ပြောစမ်းပါအုန်း ငါဘယ်​သူ့ကိုမုန်းသင့်​လဲ?'' 3

ကျိူးယွင်​ရှန့်​၏မျက်​လုံးတို့ကနီရဲ​နေပြီးအသက်​ရှူသံများလည်​ပြင်းထန်​နေသည်​။သူ့အသံတို့က​ဒေါသအပြည်​နဲ့ကျယ်​လောင်​နေပြီး မျက်​စိ​ရှေ့ရှိသမျှအရာအားလုံးဖျက်​ဆီးပစ်​ချင်​သည့်​ပုံ​ပေါ်​နေသည်​။ ကျိူးဝန်​ကျင့်​လည်း ကျိူးယွင်​ရှန့်​၏ရုတ်​တရပ်​ပေါက်​ကွဲမှု​ကြောင့်​လန့်​ပြီးမျက်​လုံးပင်​မ​ရွေ့ရဲ​တော့​ပေ။ ကျိူးယွင်​ရှန့်​ကိုဆွဲရန်​ပြင်​နေသည့်​တုရွှီလန်​လည်းရင်​ထဲမှတင်းကြပ်​သောခံစားမှုကိုခံစားမိ​လေ​တော့သည်​။

သူ့အရင်​ကျိူးဝန်​ကျင့်​အ​ကြောင်း စုံစမ်းခဲ့တုန်းက ကျိူးဝန်​ကျင့်​ကိုသာသနားစရာ​ကောင်းသည်​ဟုထင်​ခဲ့သည်​။ကျိူးယွင်​ရှန့်​ဖက်​ကတစ်​ခါမျှမ​တွေးခဲ့ဖူး​ပေ။အခုကျိူးယွင်​ရှန့်​၏​ပေါက်​ကွဲသံကိုကြားရ​တော့တကယ်​နစ်​နာသူဟာကျိူးသခင်​မကြီးဖြစ်​သည်​ကိုသတိထားမိလိုက်​သည်​။ မိခင်​ရဲ့အစွန့်​ပစ်​ကိုခံရတဲ့က​လေးတစ်​ယောက်​အ​နေနဲ့ သူ့ရင်​ထဲကနာကျင်​မှုနဲ့အမုန်းတရား​တွေက ကျိူးဝန်​ကျင့်​ထက်​နည်းမှာ​တော့မဟုတ်​ပေ။ 4

တရားဝင်​လက်​ထပ်​ထားလို့ရတဲ့သားသမီး​တွေက​ရော​သေချာ​ပေါက်​ပျော်​ရွှင်​နိုင်​သလား။ တရားမဝင်​က​လေးတစ်​ယောက်​ဖြစ်​တဲ့တုရွှီလန်​ကိုယ်​တိုင်​ဒီအ​ကြောင်းကိုတစ်​ခါမှမစဉ်​စားခဲ့ဖူး​ပေ။ 3

ခဏအကြာတိတ်​ဆိတ်​သွားပြီး​နောက်​ကျိူးယွင်​ရှန့်​လည်း တဖြည်းဖြည်းစိတ်​ညိမ်​သွားသည်​။ ''မင်း! ကိုယ့်​ကိုယ်​ကိုပြန်​စဉ်းစား။ မင်းသာငါ့​နေရာမှာဆိုရင်​ဘယ်​လိုခံစားရမလဲလို့''

ဘယ်​လိုခံစားရမလဲ?​သေချာ​ပေါက်​အမုန်းတရား​ပေါ့​ချေဖျတ်​လို့​တောင်​မရနိုင်​တဲ့အမုန်းတရား။ ကျိူးဝန်​ကျင့်​လက်​သီးဆုပ်​ထား​သော်​လည်းသူ့မျက်​လုံးတို့က​တော့ဇ​ဝေဇဝါဖြစ်​နေသည်​။

ကျိူးယွင်​ရှန့်​လည်းအ​ခြေအ​နေကပျင်းစရာ​ကောင်းလာတယ်​လို့ထင်​လာတာ​ကြောင့်​ကျိူးဝန်​ကျင့်​ရင်​ဘတ်​ပေါ်မှသူ့​ခြေ​ထောက်​ကိုဖယ်​လိုက်​သည်​။
"မင်းအရမ်းကိုနာကျည်းမုန်းတီး​နေရမယ့်​လူကငါ့မဟုတ်​ဘူး။ အဲ့တာကျိူး​ဟောက်​ပဲ (ကျိူးသခင်​ကြီး) သူကမင်းအ​မေကိုသတ်​တဲ့လူပဲ''

ကျိူးယွင်​ရှန့်​နောက်​ပြန်​လှည့်​ပြီးတုရွှီလန်​ကိုလက်​ဝေ့ပြလိုက်​သည်​။''သွားမယ်​''

"ဒါဆို ဝန်​ကျင့်​-​ရှောက်​က​ရော။သူ့ကို​ဆေးရုံမပို့​တော့ဘူးလား'' တုရွှီလန်​တကယ်​ပဲ ကျိူးဝန်​ကျင့်​ကိုစိတ်​ပူသည်​။ နဂိုကတည်းကလူ​ကောင်းတစ်​ယောက်​လိုအမြဲဟန်​ဆောင်​နေသည့်​အတွက်​ကျိူးယွင်​ရှန့်​သံသယဖြစ်​မည်​ကိုစိတ်​မပူ​ပေ။

"သူ့အ​ရေကထူပါတယ်​သူမ​သေနိုင်​ပါဘူး'' ကျိူးယွင်​ရှန့်​ခပ်​ဖျော့​ဖျော့ရယ်​လိုက်​သည်​။ သူ့မျက်​လုံးအကြည့်​တို့က တုရွှီလန်​၏အသက်​ရှူသံ​တော့တို့ကိုမူမမှန်​ဖြစ်​သွား​စေသည်​။

ကားကဖြည်းညင်းစွာထွက်​ခွာပြီးကျိူးဝန်​ကျင့်​၏​တွေ​ဝေ​ငေးငိုင်​နေသည့်​ပုံရိပ်​ကိုချန်​ရစ်​ထားခဲ့လိုက်​သည်​။ သူကျိူးယွင်​ရှန့်​ကိုမုန်း​နေ​သေး​ပေမယ့်​သူ့အ​ဖေသူမုန်းသည့်​အမုန်းတရားက​တော့ပိုမိုကြီးမားလာ​လေသည်​။ သူ့စိတ်​ထဲကကျိန်​ဆိုမိသည်​မကြာခင်​အချိန်​အတွင်းမှာ သူ့အ​ဖေကို​ကော ကျိူးလုပ်ငန်းစု​ကို​ရောဖျတ်​ဆီးပစ်​မည်​။ ကျိူးယွင်​ရှန့်​အတွက်​က​တော့သိက္ခာကျသွားသည်​ကလုံ​လောက်​ပြီ။

တုရွှီလန်​လမ်းကိုသာအာရုံစိုက်​နေပုံရ​သော်​လည်းသူ့မျက်​လုံး​ထောင့်​က​တော့ ကျိူးယွင်​ရှန့်​ကိုကြည့်​နေခြင်းဖြစ်​သည်​။ အခုဒီလူငယ်​လေးနဲ့ပတ်​သက်​ပြီးသူ့စိတ်​ရှုပ်​ထွေး​နေသည်​။ မုန်းစရာ​ကောင်းတယ်​လို့ထင်​ပေမယ့်​တစ်​ချိန်​ထဲမှာပဲသနားဖို့လည်း​ကောင်းပြန်​တယ်​။

"ရှန့်​ရှောက်​ကျင့်​ရှောက်​အ​မေက....'' သူစကားစ​ပြောလိုက်​သောလည်း မည်​သည့်​စကားလုံး​ရွေး​ပြောရမည်​မှန်းမသိစကား​ပျောက်​သွားပြန်​သည်​။ ''မင်းအ​မေနဲ့ပတ်​သက်​ပြီးစိတ်​မ​ကောင်းပါဘူး။ ဒါ​ပေမယ့်​ကျင့်​ရှောက်​ကဘာမှမမှားဘူး​လေ။သူ့ကို​ကောင်း​ကောင်းဆက်​ဆံလို့မရဘူးလား။​ရှေးရိုးစကားရှိတယ်​လေ အနာဂတ်​အတွက်​ပစ္စုပ္ပန်​ကိုကြိုပြင်​ရမယ်​တဲ့။ ဘာပဲဖြစ်​ဖြစ်​သူကမင်းညီ​လေးပဲ​လေ တစ်​ယောက်​နဲ့တစ်​ယောက်​ပြန်​တိုက်​ခိုက်​နေကြတာမ​ကောင်းပါဘူး''

သူ့မှာကျိူးယွင်​ရှန့်​ကိုအချိူးပြင်​ဖို့တစ်​ယောက်​ယောက်​ရှာမယ့်​အစီအစဉ်​ရှိထား​ပေမယ့်​အခု အဲ့ဒီအကြံကို​မေ့ပစ်​လိုက်​ပြီ။ ဘာလို့ရှိသမျှအပြစ်​တွေအကုန်​က​လေးတစ်​ယောက်​အ​ပေါ်ပုံချမလဲ။ သူအင်​အားကုန်​သုံးပြီးကျိူးအိမ်​၏လျိူဝှက်​ချက်​ကိုရှာ​သော်​လည်း အခုထိမ​တွေ့နိုင်​သေး​ပေ။ ထိုနှစ်​ကအဖြစ်​အပျက်​များအားလုံးကို ကျိူး​ဟောက်​ကအကုန်​ဖုံးထားခဲ့ပြီး အ​လောင်း​တွေကိုလည်းသဘာဝကျကျသဂြိုလ်​ပေးခဲ့သည်​။ တတိယသားရဲ့သရုပ်​ဆောင်​ချက်​က​တော့အရမ်းကို​ကောင်းသည်​။ ဈာပနအခမ်းအနားတွင်​အဆုတ်​အသည်းများကွာကျမတတ်​ငိုယိုပြီးရူး​ကြောင်​ကြောင်​ဖြစ်​နေခဲ့သည်​။ သူမ၏အသက်​ကမရှည်​ပေ။​သွေးကင်​ဆာကိုခံစား​နေရသည့်​အတွက်​ထို့အဖြစ်​သာမဖြစ်​ရင်​လည်းလအနည်းငယ်​ကြာလျှင်​သေမည်​သာဖြစ်​သည်​။

ဤကိစ္စကကျိူးအိမ်​၏ Top secret တစ်​ခုဖြစ်​သည်​။ ကျိူးသခင်​ကြီးနှင့်​ကျိုးဝန်​အန်​မှလွဲရင်​ကျိူးယွင်​ရှန့်​လည်းဒီအဖြစ်​အပျက်​နောက်​ကွယ်​ကအဓိကအ​ကြောင်းအရင်းကိုသိထားပြီးဖြစ်​သည်​၊

"သူကဘာမှမမှားဘူး။ ကျွန်​တော်​ကမှားတာ​ပေါ့'' ကျိူးယွင်​ရှန့်​မျက်​ခုံးပင့်​ပြီးရယ်​လိုက်​သည်​။

တုရွှီလန်​ခေတ္တတိတ်​ဆိတ်​သွားပြီး ''မင်းအမြဲ ကျင့်​ရှောက်​ကိုအနိုင်​ကျင့်​နေတာ သူမင်းကိုနာကျည်းမှာမ​ကြောက်​ဘူးလား။ ဘာပဲဖြစ်​ဖြစ်​သူကကျိူးအိမ်​ရဲ့သားပဲသူ့မှာကျိူးမိသားစုရဲ့အ​မွေကိုဆက်​ခံဖို့အခွင့်​အ​ရေးရှိတယ်​။ အခုသူ့ဖိနှိပ်​ခံ​နေရ​ပေမယ့်​နောက်​ကျရင်​အ​ခြေအ​နေက​ပြောင်းသွားနိုင်​တာပဲ။ အဲ့လိုဆိုမင်းဒုက္ခမ​ရောက်​နိုင်​ဘူးလား။ ရန်​သူထက်​မဟာမိတ်​ရှိတာကပို​ကောင်းပါတယ်​''

ပုံမှန်​ဆိုဒီစကားကိုကျိူးယွင်​ရှန့်​ကိုသူ​ပြောမည်​မဟုတ်​။ ကျိူးယွင်​ရှန့်​ကသားသုံး​ယောက်​ထဲမှာတရားဝင်​အဖြစ်​ဆုံးသား။သူ့မှာကျိူးလုပ်​ငန်းစုကိုအ​မွေဆက်​ခံဖို့အပြည့်​အဝရှိသည်​။ သို့​ပေမယ့်​ကျိူး​ဟောက်​ကထိုသို့စဉ်းစားထားမည်​မဟုတ်​။​ဘေးလူတစ်​ယောက်​အ​နေနဲ့ ကျိူး​ဟောက်​ကကျိူးဝန်​အန်​ကိုအခြားသူ​တွေထက်​ဘယ်​လောက်​ချစ်​သလဲ တုရွှီလန်​သိသည်​။တကယ်​လို့ကျိူးဝန်​အန်​သာအ​မွေဆက်​ခံလိုရင်​ကျိူး​ဟောက်​ကငြင်းမည်​မဟုတ်​ပေ။

ကျိူးဝန်​အန်​ကလည်း ကျိူးလုပ်​ငန်းစုကသူ့အပိုင်​လို့အစကတည်းကသတ်​မှတ်​ထားပြီးသားဖြစ်​သည်​။ သနားစရာကျိူးယွင်​ရှန့်​လေးက​တော့ သူ့အစ်​ကို​ကောင်းတစ်​ယောက်​ဆို​ပေမယ့်​သူ့အတွက်​တော့အသုံးဝင်​တဲ့ပစ္စည်းတစ်​ခုသက်​သက်​ပဲ။

ကျိူးဝန်​ကျင့်​ကလည်းအခု ကျိူးယွင်​ရှန့်​အနိုင်​ကျင့်​ခံ​နေရ​ပေမယ့်​နောက်​ကျရင်​ကျိူးယွင်​ရှန့်​ကလူမသိသူမသိဘဝနဲ့သာအဆုံးသတ်​ရလိမ့်​မည်​။ထိုအ​တွေးတို့​ကြောင့်​တုရွှီလန်​ကျိူးယွင်​ရှန့်​ကိုအနည်းငယ်​သနားမိသည်​။ ကျိူးသားသုံး​ယောက်​ကိုကြည့်​ရင်​ကျိူးယွင်​ရှန့်​ကသနားစရာအ​ကောင်းဆုံးပင်​။ ကျိူးဝန်​ကျင့်ကိုသူက​စောင့်​ရှောက်​ပြီး ကျိူးဝန်​အန်​ကိုကျိူး​ဟောက်​က​စောင့်​ရှောက်​သည်​။ ကျိူးယွင်​ရှန့်​တစ်​ယောက်​ထဲကသာအကူညီမဲ့သည့်​အ​နေအထားမျိူးဖြစ်​သည်​။

တုရွှီလန်​ခေါင်းထဲဘာ​တွေ​တွေး​နေသလဲ ကျိူးယွင်​ရှန့်​မသိ​ပေ။သိလည်းဂရုစိုက်​မည်​မဟုတ်​။ သူရယ်​လိုက်​ပြီးလက်​ရမ်းပြလိုက်​သည်​။ ''ကျွန်​တော်​ကျိူးလုပ်​ငန်းစုကိုဝင်​ဖို့စိတ်​ကူးမရှိဘူး။ အဲ့​တော့သူနာကျည်းလည်းဘာမှမ​ပြောင်းလဲဘူး''

တုရွှီလန်​ခဏကြာအံ့သြသင့်​သွား​လေသည်​၊ ''မင်းကျိူးကိုမလိုချင်​ဘူး? ရှန့်​ရှောက်​ဘာကိုဆိုလိုတာလဲ''

"အဲ့အဓိပ္ပါယ်​ပဲ'' ကျိူးယွင်​ရှန့်​၊ တုရွှီလန်​ကိုတစ်​ချက်​ကြည့်​ပြီး ပြတင်း​ပေါက်​အပြင်​ဖက်​ကိုသာ​ငေးရင်​ဘာမှထပ်​မ​ပြော​တော့​ပေ။

ကျိူးဝန်​ကျင့်​အိမ်​ကိုည၉နာရီမှာပြန်​ရောက်​လာသည်​။ အခန်းတံခါးဖွင့်​သည်​နှင့်​ပြတင်း​ပေါက်​နားတွင်​ဆေးလိပ်​သောက်​နေသည့်​တုရွှီလန်​ကို​တွေ့လိုက်​ရသည်​။ ဆံပင်​တွေကိုလှန်​တင်​ထား​သော​ကြောင့်​သူ၏အချိူးကျပြီး​ချော​မောသည့်​မျက်​နှာမှာ​ပေါ်လွင်​နေ၏။ သူ​ဆေးလိပ်​ကိုကိုက်​ပြီး ကျိူးဝန်​ကျင့်​ကိုလှည့်​ကြည့်​လိုက်​သည်​။ အရှိန်​အဝါတစ်​ခုကလွှမ်းခြုံ​နေ​သော​ကြောင့်​ကျိူးဝန်​ကျင့်​အနည်းငယ်​ကြောက်​မိသည်​။သို့​သော်​လည်း​လေးစားမိသည်​ကပိုသည်​။

"ဦး​လေး ကျွန်​တော်​ပြန်​လာပြီ'' သူတံခါးကိုပိတ်​ပြီး အသံတိုးတိုးဖြင့်​ပြောလိုက်​သည်​။ သူတုရွှီလန်​၏သရုပ်​မှန်​ကိုမသိ။ အခြားလူများ​ပြောသည့်​အတိုင်း မိဘမဲ့​ဂေဟာမှသူ့အ​မေ၏သူငယ်​ချင်းဟုသာသိထားသည်​။​မောင်​နှမလိုသိပ်​ချစ်​ကြတာ​ကြောင့်​သူ့ကိုအခုလိုလာ​စောင့်​ရှောက်​ပေး​နေတာလို့လည်းဆိုကြသည်​။ သို့​သော်​လည်း တုရွှီလန်​တွင်​အင်းအားကြီး​သောအရှိန်​အဝါတစ်​ခုကရှိ​နေသလိုခံစား​မေရသည်​။ထို့​ကြောင့်​ဒီလူသာသာမန်​လူ​တော့မဟုတ်​ဘူး ကျိူးဝန်​ကျင့်​သတိထားမိသည်​။

"မင်းဒဏ်​ရာဘယ်​လိုလဲ'' တုရွှီလန်​စီးကရက်​ကိုမီးသတ်​လိုက်​သည်​။

"ဦး​လေးရဲ့messageကိုရတာနဲ့​ဒေါက်​တာဖန်းကကျွန်​တော့်​ကိုချက်​ချင်းလာကြည့်​တယ်​။ ကျွန်​တော့်​လက်​အရိုးအက်​သွား​တော့ပြီး​တော့ အတွင်း​ကြေဒဏ်​ရာတစ်​ချိူ့ရှိတယ်​'' ကျိူးဝန်​ကျင့်​ပလာစတာကပ်​ထားသည့်​လက်​ကို​မြှောက်​ပြပြီးအံ့ကြိတ်​လိုက်​သည်​။
"တစ်​နေ့​နေ့ ကျရင်​ကျွန်​တော်​ကျိူးလုပ်​ငန်းစုကိုရိုက်​ချပြီး ကျိူးယွင်​ရှန့်​နဲ့အားလုံးကိုပြန်​ပေးဆပ်​စေရမယ်​''

ကျိူးဝန်​ကျင့်​၏ ကျိူးလုပ်​ငန်းစု​ပေါ်ထားသည့်​စိတ်​နှင့်​ပတ်​သက်​ပြီးတုရွှီလန်​ဘယ်​လိုမှမခံစားရ။သို့​သော်​လည်း ကျိူးယွင်​ရှန့်​ဆိုသည့်​နံမည်​ကိုကြားရသည့်​နောက်​သူမျက်​မှောင်​ကြုတ်​လိုက်​မိသည်​။ သို့​သော်​ဘာမှပြန်​မ​ပြော​ပေ။ 10

ထို့အချိန်​၌ ကျိူးဝန်​အန်​ကကျိူးယွင်​ရှန့်​၏အခန်းတံခါးကိုလာ​ခေါက်​လေသည်​၊
"အစ်​ကိုကြီး အဲ့ဒီအရိုင်းအစိုင်း​ကောင်​ကိုပညာ​ပေးလိုက်​တာအစ်​ကိုကြီးလား။ အစ်​ကိုကြီးကတကယ့်​ကျွန်​တော်​အစ်​ကိုပီသပါတယ်​'' ကျိူးဝန်​အန်​၊ ကျိူးယွင်​ရှန့်​၏ပုခုံးကိုထိလိုက်​သည်​။

"ဟုတ်​တယ်​ငါခိုင်းလိုက်​တာ'' ကျိူးယွင်​ရှန့်​ဂရုမစိုက်​သလို့ပြန်​ဖြေလိုက်​သည်​။ ဒီ​နောက်​သူ့စာကြည့်​စားပွဲကကွန်​ပျူတာဆီပြန်​သွားလိုက်​သည်​။အနက်​ရောင်​ဖန်​သားပြင်​ပေါ်တွင်​codeအတွဲများရုတ်​တရပ်​ပေါ်လာပြီးပြန်​ပျောက်​သွား​လေသည်​။

"အစ်​ကိုကြီး အဲ့ဒီအရိုင်းအစိုင်း​ကောင်းကတကယ်​မျက်​စပါး​မွှေးစူးဖို့​ကောင်းတယ်​။ မင်းသူ့ကိုနိုင်​ငံခြားပို့ဖို့နည်းလမ်းစဉ်းစားသင့်​တယ်​ဘယ်​တော့မှပြန်​မလာနိုင်​လေ​ကောင်း​လေပဲ'' 1

ကျိူးဝန်​ကျင့်​အတွက်​မ​ကောင်းတဲ့အကြံအစည်​မှန်​သမျှက ကျိူးဝန်​အန်​ဆီမှလာခြင်းဖြစ်​သည်​၊ ကျိူးယွင်​ရှန့်​ကအလုပ်​ဖြစ်​မြောက်​အောင်​လုပ်​ပေးရသူသာဖြစ်​သည်​။ ကျိူးယွင်​ရှန့်​ကအမုန်းခံ​နေရတဲ့အချိန်​ကျိူးဝန်​အန်​က​တော့ ကျိူးဝန်​ကျင့်​ရှေ့မှာလူ​ကောင်​လို​နေပြီးမျက်​နှာ​ကောင်းယူသည်​။ ထို့​ကြောင့်​ကျိူးဝန်​ကျင့်​နှင့်​ကျိူးဝန်​အန်​တို့၏ဆက်​ဆံ​ရေးသည်​မရင်းနှီး​သော်​ငြားမဆိုးဝါး​ပေ။​နောက်​ပိုင်းကျိူးဝန်​ကျင့်​က ကျိူးလုပ်​ငန်းစုကိုသိမ်းလိုက်​တဲ့အခါ ကျိူးဝန်​အန်​ကဒါရိုင်​တာအဖွဲ့ထဲမှတစ်​ယောက်​အဖြစ်​နဲ့သူ့ဘဝကအ​တော်​ကိုသာယာ​လေသည်​။ ဒါဟာမူလဇာတ်​ညွှန်းအတိုင်းဖြစ်​ရမည့်​ပုံစံဖြစ်​သည်​။

ကျိူးဝန်​အန်​က ကျိူးယွင်​ရှန့်​ကိုခိုင်းပြီး ကျိူးဝန်​ကျင့်​ကိုနိုင်​ငံခြားပို့ခိုင်းရုံမက​ဆေးအ​ရောင်းအဝယ်​သမားတစ်​ချိူ့ကိုခိုင်းပြီး ကျိူးဝန်​ကျင့်​ကို​ဆေးစွဲ​အောင်​လုပ်​ခိုင်းသည်​။ တကယ်​လို့များတုရွှီလန်​သာအချိန်​မှီရောက်​မလာပဲ သူ့ကို​ဆေးမဖြတ်​ခိုင်းဘူးဆိုလျှင်​ကျိူးဝန်​ကျင့်​ဘဝပျက်​နေ​လောက်​ပြီ။

အဆုံးမှာ​တော့ကျိူးယွင်​ရှန့်​တစ်​ယောက်​ပဲအပြစ်​တွေစုပုံကျပြီးတကယ့်​ဗီလိန်​ကျိူးဝန်​အန်​က​တော့ အဓိကဇာတ်​လိုက်​ရဲ့အမြှီးမှာ​အေး​အေးချမ်းချမ်းခိုစီး​နေ​လေတယ်​။ ဒါဘယ်​လို​သောက်​ကျိူးနဲအကျိူးမျိူးလဲ? ကျိူးယွင်​ရှန့်​စိတ်​ထဲ​လှောင်​ရယ်​လိုက်​ပြီး ကွန်​ပျူတာဖန်​သားပြင်​ကိုမျက်​လုံးမခွာပဲ ပြန်​ဖြေလိုက်​သည်​။
"မင်းလုပ်​လိုက်​။ငါအခုတ​လောအရမ်းအလုပ်​များ​နေတယ်​''

"မင်းဘာလုပ်​နေတာလဲ '' ဒါသူ့အစ်​ကိုပထမဦးဆုံးသူ့အကြံကိုငြင်းဖူးတာဖြစ်​လို့ ကျိူးဝန်​အန်​မျက်​မှောင်​ကြုတ်​လိုက်​သည်​။

"ငါနိုင်​ငံခြားထွက်​မလို့။​ရွေးထားတဲ့​ကျောင်းကိုဝင်​ခွင့်​လျှောက်​နေတယ်​၊ ငါထွက်​သွားမှာကိုအ​ဖေမသိဘူး။ ဝင်​ခွင့်​မကျမချင်း မင်းလည်းငါ့အတွက်​လျိူဝှက်​ထား​ပေး'' ကျိူးယွင်​ရှန့်​Enter keyကိုနှိမ်​လိုက်​ပြီး အ​မေရိကန်​နိုင်​ငံမှ Hodges အထက်​တန်း​ကျောင်းဝင်​ခွင့်​လွှာ​ပေါ်လာ​လေသည်​။ ပထမပိုင်းကဖြည့်​နှင့်​ပြီးဖြစ်​သည်​။ဝင်​ခွင့်​စာ​မေးပွဲကလည်း​နောက်​အပတ်​ပင်​ဖြစ်​သည်​။

Hodges အထက်​တန်း​ကျောင်းသည်​အ​မေရိကန်​နိုင်​ငံအ​ကောင်းဆုံး​ကျောင်းများထဲမှာတစ်​ကျောင်းဖြစ်​သည်​။ ဝင်​ခွင့်​တင်းကြပ်​သည့်​အတွက်​ပညာ​ရေးစံချိန်​နှင့်​လူမှုအဆင့်​တန်းမြင့်​သည့်​အ​မေရိကမှတက္ကသိုလ်​များ၏ ပုံစံအ​သေးစားဟုလို့ပင်​ဆိုစမှတ်​ပြုကြသည်​။ နှစ်​စဉ်​လူအ​မြှောက်​အများစာရင်း​ပေးသွင်းကြသည်​။

ကျိူးဝန်​အန်​၏မျက်​လုံးတို့ကမုန်းတီးမှု​ကြောင့်​အ​ရောင်​လက်​သွားပြီးခဏကြာပြန်​လည်​ဖုံးကွယ်​လိုက်​သည်​။ ကျိူးဝန်​ကျင့်​ကိုရှင်းပစ်​ဖို့ထက်​ကျိူးယွင်​ရှန့်​ကိုမြန်​မြန်​ရှင်းပစ်​ဖို့ကသူအလိုရှိဆုံးအရာဖြစ်​သည်​။ အခုထွက်​သွားဖို့​ရွေးချယ်​မှ​တော့ သူ့အားကုန်​သက်​တာ​ပေါ့။ သူပြန်​လာရင်​တောင်​ကျိူးလုပ်​ငန်းစုကသူ့လက်​ထဲ​ရောက်​နေ​လောက်​ပြီ၊

​နောက်​ပြီး အ​မေရိကန်​နိုင်​ငံ၏ တရားဥပ​ဒေစိုးမိုးမှုကသိပ်​မ​ကောင်း​ပေ၊ နှစ်​စဉ်​အ​ကြောင်းအရင်းရှာမရပဲ​ကျောင်းသား​ကျောင်းသူများ​ပျောက်​ဆုံး​လေ့ရှိသည်​။ ကျိူးယွင်​ရှန့်​ရဲ့ကံကလည်းသူတို့ထဲ ကတစ်​ယောက်​ဖြစ်​သွား​လောက်​အောင်​ဆိုးမှာ​သေချာသည်​။