အခန်း(၂၃) ရှမ်းရိပင်းဘဝ

ရှမ်းရိပင်းသည်​ရှမ်းအိမ်​၏တစ်​ဦးတည်း​သောဖြစ်​ပြီး အရမ်းအချစ်​ခံရသည်​။ သူ့ရဲ့အဝတ်​အစား၊ အစားအ​သောက်​အားလုံးက အ​ကောင်းဆုံး​တွေချည်း။ ကျိူးယွင်​ရှန့်​ရှမ်းအိမ်​ကိုပြန်​ရောက်​ပြီး​တော့ သူရက်​နည်းနည်းနားလိုက်​ရပြီး ရုတ်​တရက်​တစ်​နေ့မှာ​တော့ ရဲမတ်​တွေ​ရောက်​ချလာပြီး အကျဉ်း​ထောင်​ထဲ​ရောက်​သွား​လေသည်​။

ရှမ်းသခင်​ကြီးဟာ မင်းကြီးနဲ့နီးကပ်​သည့်​နေရာတွင်​အမှုထမ်းရတာ​ကြောင့်​မေးခွန်းကိုကြည့်​ခွင့်​ရှိသည်​။ ထျန်းချန်​မင်းကြီးက သူ့ကို​မေးခွန်​ထုတ်​ရောင်းသူဟုသံသယဝင်​နေသည်​။

သားအဖနှစ်​ယောက်​သား အနံ့ ဆိုးပြီးစုတ်​ပျက်​နေသည့်​ထောင်​ထဲတွင်​အပိတ်​ခံထားရသည်​။ ရှမ်းဟွိုက်​၏ မျက်​လုံးတို့သေ​နေပြီး လူကလည်း ငူငူငိုင်​ငိုင်​ဖြစ်​နေသည်​။

"အ​မေ သားတို့ကိုဘယ်​တော့ညစာလာပို့မှာလဲမသိ။ ကျွန်​တော်​ရတနာရှစ်​သွယ်​ဘဲကင်​မစားရတာ​တောင်​ကြာပြီ''ကျိူးယွင်​ရှန့်​ကပါးစပ်​ထဲမှာ​ကောက်​ရိုးတစ်​မျှင်​ကိုက်​ထားပြီး အရိုက်​ခံထားရသည်​တင်​ပါးလုံးလုံး​လေးကိုပွတ်​ချေ​နေသည်​။​တော်​သေးတာက သူကမ္ဘာအသစ်​တစ်​ခု​ရောက်​တိုင်း ခန္ဓာကိုယ်​စွမ်းအင်​ကိုပြင်​ထားတတ်​လို့​ပေါ့။ မဟုတ်​ရင်​အတွင်း​ကြေဒဏ်​ရာရနိုင်​သည်​။ 15

ရှမ်းသခင်​ကြီးက အခုထိအလုပ်​ထုတ်​မခံရ​သေးပဲ အမတ်​အဖြစ်​ရှိ​သေးတာ​ကြောင့်​အရိုက်​မခံရ​ပေ။ ဒါ​ပေမယ့်​လို့ သူ့ရင်​ထဲမှာ​တော့ အဆတစ်​ရာနာကျင်​နေရသည်​။ သူ သူ့သားရဲ့နားရွက်​ကို ဆွဲလိုက်​ပြီး ''အသုံးမကျတဲ့က​လေး ။ မင်းကအခုစားချင်​သောက်​ချင်​စိတ်​ရှိ​သေးတယ်​ပေါ့။ မင်းအ​ဖြေကို​ဖြေ​ပေးတဲ့ လူကိုမြန်​မြန်​ပြောပြလိုက်​။ ဒါဆို ငါတို့ထပ်​ပြီးအနှိပ်​စက်​မခံရ​တော့ဘူး'' 1

"အဲ့တာ သားကိုယ်​တိုင်​ရေးထားတာကို ဘယ်​သူကို​ခေါ်ထုတ်​ပြရမှာလဲ'' ကျိူးယွင်​ရှန့်​နားရွက်​ကို ပြန်​ကိုင်​ထားပြီး သူ့အ​ဖေကို အ​ဖေမှားမယ်​နော်​ဆိုတဲ့အကြည့်​နဲ့ပြန်​ကြည့်​လိုက်​သည်​။ 1

ရှမ်းသခင်​ကြီးက အခုထိဝန်​မခံ​သေးတဲ့သူ့သာကိုပိုစိတ်​ဆိုးလာပြီး လက်​သီး​ဝေ့ရမ်းကို သူ့သားကိုထုနှက်​တော့သည်​။

ထိုအချိန်​၌ ရှမ်းသခင်​မကြီးက သူမသမီးကို သတ္တမမင်းသား အိမ်​တော်​မှာသွားလည်​သည်​။

"အ​မေပြန်​ပါ​တော့။ အခုကျွန်​မက မြစ်​ထဲကရွံ့​လောက်​တောင်​တန်​ဖိုးမရှိ​တော့ပါဘူး။ ကျွန်​မကိုယ့်​ကိုယ်​ကို​တောင်​မ မစနိုင်​တာ ဘယ်​လိုလုပ်​အ​ဖေနဲ့အစ်​ကိုကို ကယ်​နိုင်​ပါ့မလဲ။ ကျွန်​မလူလွှတ်​ပြီး မင်းသားကို​တွေ့ခွင့်​တောင်းပါ​သေးတယ်​။ ဒါ​ပေမယ့်​မင်းသားက ကျွန်​မကိုမ​တွေ့ချင်​ဘူး။ မိဖုရား​ခေါင်​ကြီးကလည်း ကျွန်​မကိုအပြစ်​တင်​နေတယ်​။ အခုကျွန်​မ အခန်းထဲကအပြင်​မထွက်​ဖို့ တားမြစ်​ခံထားရတယ်​။ ကျွန်​မလွှတ်​မြောက်​နိုင်​မယ့်​နေ့​တွေ ဘယ်​ဆီဘယ်​ဝယ်​မှာမှန်းမသိပါဘူး အ​မေရယ်​'' ရှမ်း​ချောင်​တန်​မျက်​ရည်​လည်​ရွှဲဖြင့်​ပြော​လေသည်​။ 1

ရှမ်းသခင်​မကြီးက လန့်​သွားပြီး ခဏအကြာမှာသက်​ပြင်းချသည်​။ ''သတ္တမ မင်းသားက ရပ်​ကြည့်​ဖို့ဆုံးဖြတ်​ထားတာလား။ ညည်း အစ်​ကိုရဲ့ဘဝကလည်း​မျှော်​လင့်​ချက်​မရှိ​တော့ဘူး ညည်းအ​ဖေရဲ့နံမည်​ကလည်းပျက်​ပြီ။ အခုရှမ်းအိမ်​ကအသုံးမဝင်​တော့ဘူး။ သမီး မင်းမှာက​လေးလည်းမရှိ အချစ်​လည်းမခံရ​တော့​ရှေ့​လျှောက်​ဘယ်​လိုလုပ်​မလဲ။ ဒီလိုဖြစ်​မယ်​မှန်းကြိုသိရင်​အ​မေ မင်းကို သာမန်​ဘဝ​လေးမှာပဲ​နေခိုင်းပါတယ်​သမီးရယ်​''

သားအမိနှစ်​ယောက်​ဆို့ဆို့နင့်​နင့်​ငို​ကြွေးကြ​လေသည်​။

အ​နောက်​ဖက်​ဝန်းမှာ ရှဲ့ယွိရိုက အ​စေခံပြန်​ပြောပြသည့်​သူတို့စကားများကိုနား​ထောင်​ပြီး​လှောင်​ရယ်​လိုက်​သည်​၊ ''ရှမ်းအိမ်​ပြိုလဲပြီ။ ရှမ်း​ချောင်​တန်​ဘာတတ်​နိုင်​အုန်းမှာလဲ။ မိုးခါး​ရေ​သောက်​ရမယ့်​နေ့​တွေ စတင်​တော့မယ်​ဖြည်းဖြည်းချင်း ခံစားကြည့်​အုန်း​ပေါ့။

သစ္စာရှိ အ​စေခံ​တွေလည်း သူတို့သခင်​မနဲ့အတူလိုက်​ပြုံးပြီး ဘာမှမကြားသလို​နေလိုက်​ကြသည်​။

သတ္တမ မင်းသားက အခန်းထဲသို့ဝင်​လာပြီး ကုတင်​ပေါ်မှ ပြစ်​မျိူးမှဲ့မထင်​အလှ​လေးကို မြင်​သည်​နှင့်​မ​ပြောင်းလဲတတ်​သည့်​မျက်​လုံးတို့က ပြုံး​ယောင်​သန်း လာသည်​။

"ရှန့်​ကုန်း ၊ ရှမ်းဖူးရန်​လာတာ ရှင်​...'' ရှဲ့ယွိရို က ကြင်​နာပြီးစိတ်​ကောင်းရှိသည့်​ပုံ ဟန်​ဆောင်​ပြီး မင်းသားကိုအသနားခံသည်​။

"ထပ်​မ​ပြောနဲ့​တော့ ။ ခမည်း​တော်​ကအခုစိတ်​ဆုံးဖြတ်​ပြီးပြီ။ ဘယ်​သူမှသူ့ကို​ဖျောင်းဖျ လို့ရမှာမဟုတ်​ဘူး။ ကိုယ်​တော်​လည်း ရှမ်းအိမ်​အတွက်​ဆု​တောင်း​ပေးရုံပဲတတ်​နိုင်​တယ်​'' သတ္တမ မင်းသားက​အေးစက်​စွာ​ပြောလိုက်​သည်​။ သူက ပါးနပ်​သူဖြစ်​တာ​ကြောင့်​ရှမ်းရိပင်း ရဲ့ ဘဝက​မျှော်​လင့်​ချက်​မရှိသလို ရှမ်းဟွိုက်​၏ ဂုဏ်​သတင်းကလည်းပျက်​စီးပြီဆိုတာသိသည်​။ ဒါ​ကြောင့်​ရှမ်းမိသားစုအတွက်​တိုက်​ခိုက်​ပေးရန်​မထိုက်​တန်​ပေ။

ရှဲ့ယွိရို ထပ်​ပြီးမ​တောင်းပန်​တော့ ဝတ်​ရုံစနဲ့နှုတ်​ခမ်းကိုကွယ်​ပြီး ပြုံးလိုက်​သည်​။

ရှမ်းသခင်​မကြီးက သတ္တမ မင်းသားအိမ်​တော်​ကပြန်​လာ​တော့ သူ့သားနဲ့ခင်​ပွန်းအတွက်​ရတနာရှစ်​သွယ်​ဘဲကင်​ကိုယူသွား​ပေးသည်​။ မိသားစုသုံး​ယောက်​သား တိတ်​ဆိတ်​စွာ ထိုင်​နေကြသည်​။

"ကျူပ်​တို့ မိသားစုက သတ္တမ မင်းသားရဲ့ စွန့်​ပစ်​တာကိုခံလိုက်​ရပြီ​ပေါ့'' ရှမ်းသခင်​ကြီးက သက်​ပြင်းချလိုက်​သည်​။

ရှမ်းသခင်​မကြီးက​ခေါင်းညိမ့်​ပြီး မျက်​ရည်​များကျလာ​လေသည်​။

ကျိူးယွင်​ရှန့်​က​တော့ ထမင်းခွက်​ထဲ​ခေါင်းစိုက်​နေသည်​။ ဘဲ​ခြေ​ထောက်​တစ်​ချောင်းကို ကိုက်​လို့ပြီး​တော့မှ ထ​ပြောသည်​၊ ''သူကအခု​တော်​ဝင်​ကိုယ်​လုပ်​တော်​ရှဲ့ ကိုပဲ မြတ်​နိုး​နေတာ။ ညီမ​လေးက အဖယ်​ခံထားရတာကြာပြီ။ သူ ကျွန်​တော်​တို့အိမ်​ကိုပစ်​ထားမှာ​တော့​နောက်​ကျွန်​တော်​တို့လည်းသူ့ကိုမကူ​တော့ဘူး။ ဒါဆို ရှဲ့မျိူးနွယ်​ကို သွယ်​ဝိုက်​ကူညီရာမ​ရောက်​တော့ဘူး။'' 1

သူကအသံကိုနှိမ့်​လိုက်​ပြီး ''အ​ဖေ ၊ ကျွန်​တော်​တို့ အခြားတစ်​ယောက်​အ​ပေါ်​လောင်း​ကြေးထပ်​ရင်​ကော''

ရှမ်းသခင်​ကြီးရဲ့ မုတ်​ဆိတ်​မွှေး​တွေတုန်​ရီလာပြီး လက်​တစ်​ဖက်​က လက်​ထဲက ထမင်းပန်းကန်​လုံးကို တင်းတင်းဆုပ်​ထားမိသည်​။ ''ဘာ​လောင်း​ကြေးထပ်​တာလဲ။ ငါတို့အသက်​တွေ​တောင်​မ​သေချာ​တော့တာ ။ မင်းက​လောင်း​ကြေးထပ်​ချင်​သေးတယ်​။ ငါ​တော့ မင်းဘယ်​က သတ္တိ​တွေရလားသလဲမသိ​တော့ဘူး''

ကျိူးယွင်​ရှန့်​သူ့အ​ဖေရဲ့အထုအ​ထောင်းက​နေ လွှတ်​သွားပြီး ထမင်းလုံးကပ်​နေတဲ့ မျက်​နှာနဲ့​ပြောလိုက်​သည်​။ ''ကျွန်​တော်​ပေးမယ်​။ ကျွန်​တော်​စာ​ရေးသူကဘယ်​သူလဲ​ပြော​ပေးမယ်​။ ဒါ​ပေမယ့်​ဒီမတိုင်​ခင်​မင်းကြီးနဲ့​တွေ့ချင်​တယ်​။ မဟုတ်​ရင်​သတ်​သေပစ်​လိုက်​မယ်​''

မင်းကြီးက သူ​ရေးထားတဲ့စာရဲ့​ရေးသူအစစ်​ကိုအပူတပြင်းသိချင်​နေတာ​ကြောင့်​နေတိုင်းသူ့ကိုစစ်​မေးသည်​။ ဒါ​ပေမယ့်​လို့ ရှမ်းရိပင်း က​ခေါင်းမာသည်​။ တင်​ပါး​တွေစုတ်​ပြတ်​နေတာ​တောင်​ဝန်​မခံ​ပေ။ ထိုကိစ္စ​ကြောင့်​တာ့လီနန်း​ဆောင်​ဟာ အမြဲလိုမိုး​မှောင်​ကျ​နေ​တော့သည်​။ အခုသူကဝန်​ခံမယ်​ဆိုမှ မင်းကြီးနဲ့​တွေ့​ပေးဖို့အမြန်​စီစဉ်​လိုက်​သည်​။ 2

အပြင်​မှာ သူတို့​ရောက်​နေတာမြင်​တော့ မင်းကြီးက လက်​ကို​ဝေ့ရမ်းပြီး အမြန်​ရှေ့​တော်​သွင်း​စေသည်​။ သားအဖနှစ်​ယောက်​ကို မင်းကြီးဆွဲ​ခေါ်လာလိုက်​ကြသည်​။ သူတို့လည်း မင်းကြီးကို အရိုအ​သေ​ပေးပြီး...
"အဲ့လူက ဘယ်​သူလဲ၊ ဘယ်​မှာလဲ '' ထျန်းချန်​မင်းကြီး ကမ​စောင့်​နိုင်​ပဲ​မေးလိုက်​သည်​။

"အရှင်​မင်းကြီး ၊ အဲ့ဒီလူကအ​ဝေးမှာမရှိပါဘူး။ အရှင်​မင်းကြီး ရဲ့​ရှေ့မှာပါပဲ'' ကျိူးယွင်​ရှန့်​၏ မျက်​နှာတွင်​ထမင်းလုံးများကပ်​နေပြီး ဆံပင်​တွေကလည်းစုတ်​ဖွာ​နေတာ​ကြောင့်​ကြည့်​လို့မ​ကောင်း​ပေ။ 5

ထျန်းချန်​မင်းကြီး မျက်​နှာမှာမည်း​မှောင်​သွား​တော့သည်​။

ကျိူးယွင်​ရှန့်​ချက်​ချင်းထပ်​ပြီး​ပြောလိုက်​သေးသည်​''မင်းကြီးကို​လျှောက်​တင်​ပါတယ်​။ ကျွန်​တော်​မျိူးဟာ​မွေးပြီး သုံးလအကြာမှာ စကား​ပြောနိုင်​ခဲ့ပါတယ်​။ သုံးနှစ်​မှာ ကဗျာရွတ်​နိုင်​ပါပြီ။ ကျွန်​တော်​မျိူးဟာ ဖြတ်​ထိုးဥာဏ်​လည်း​ကောင်းသလို တစ်​ခါကြည့်​ရင်​မ​မေ့နိုင်​တဲ့မှတ်​ဥာဏ်​မျိူးလည်းပိုင်​ဆိုင်​ထားပါတယ်​။ ကျွန်​တော်​မျိူးက စာဖတ်​ရတာကိုလည်းဝါသနာပါပါတယ်​။ အဲ့ဒီအ​ဖြေက ကျွန်​တော်​မျိူး​လျှောက်​တွေးမိပြီး​ရေးထားတာပါ။ မင်းကြီး အမှန်​တရားကိုမြင်​ပေးဖို့​တောင်းဆိုပါတယ်​'' 3

ရှမ်းရိပင်း ၏ ငယ်​ဘဝကို ရှမ်းသခင်​ကြီး​လောက်​ဘယ်​သူမှသိမည်​မဟုတ်​။ အခုလိုသူသား​လေတစ်​လုံးမိုးတစ်​လုံး​ပြော​နေတာကြားရ​တော့ ချက်​ချင်း​ပြေးပြီးပါးစပ်​ကိုပိတ်​ပစ်​ချင်​သည်​။ ဒါ​ပေမယ့်​လို့ အမှုစစ်​ရုံးခန်းမမှာဖြစ်​နေပြီး မင်းကြီးလည်းရှိတာြေ​ကာင့်​လက်​လွှတ်​စပယ်​မလုပ်​ရဲပဲ ယား​နေတဲ့လက်​ကို ထိန်းထားရသည်​။ 13

ထျန်းချန်​မင်းကြီး က နား​ထောင်​ပြီးရယ်​လိုက်​သည်​။ ပြီး​နောက်​သူက 'ဟွိုက်​နန်​စစ်​'ဆိုသည့်​စာအုပ်​ကို ပစ်​ချလိုက်​သည်​။
" အ​မွှေးတိုင်​တစ်​တိုင်​စာ အတွင်း ဒီစာအုပ်​ကိုဖတ်​ပြီး အလွတ်​ပြန်​ရွတ်​ပြ။ တစ်​လုံးမှားတာနဲ့​မောင်​မင်းအ​သေပဲ''

ရှမ်းသခင်​ကြီးမှာ​ချွေးများ​တောက်​တောက်​ကျလာသည်​။ ကျိူးယွင်​ရှန့်​က​တော့ ရိုရို​သေ​သေပဲ ပြန်​ဖြေလိုက်​သည်​။
"အရှင်​မင်းကြီး ကျွန်​တော်​မျိူး အ​မွှေးတိုင်​တစ်​တိုင်​စာမလိုပါဘူး။ အ​မွှေးတိုင်​ပြာတစ်​တို့စာဆို ရပါပြီ'' 3

[IC-ကိုယ်​ဖတ်​ဖူးတာ အ​မွှေးတိုင်​တစ်​တိုင်​က၁၅မိနစ်​ဝန်းကျင်​ဆိုလား၊ပြာတစ်​တို့က စက္ကန့်​ပိုင်း​လေး ၊ မိနစ်​တွေကျ​ရှေး​ခေတ်​နဲ့မကိုက်​လို့]

သူစာအုပ်​ကို ယူပြီး တစ်​ရွက်​ချင်းစီလှန်​ကြည့်​လိုက်​သည်​။ ပြီး​တော့ မိန်းမစိုးကိုပြန်​ပေးလိုက်​သည်​။ အဲ့ဒီ​နောက်​မျက်​စိမှိတ်​ပြီး အလွတ်​စရွတ်​သည်​။ ထျန်းချန်​မင်းကြီးက စာအုပ်​ကို ကိုင်​ပြီး မျက်​နှာက​အေးစက်​နေရာက အထင်​ကြီးသည့်​ဖက်​ကို​ပြောင်းသွားသည်​။ ပြီး​တော့ မယုံကြည်​နိုင်​စွာနဲ့ပဲ...

"​နေအုန်း စာမျက်​မျက်​နှာ ၇၆က တတိယအ​ကြောင်းက​နေစဆို''

ကျိူးယွင်​ရှန့်​ကမရပ်​ပဲ မင်းကြီး​ပြောသည့်​နေရာမှ တစ်​လုံးမမှားပဲ ရွတ်​လိုက်​သည်​။

"စာမျက်​နှာ ၁၀၀၊​ခြောက်​ကြောင်း​မြောက်​''

"စာမျက်​နှာ ၃၈ က ၇​ကြောင်း​မြောက်​၊ တတိယစာလုံးက​နေ စရွတ်​''

ကျိူးယွင်​ရှန့်​ခေါင်းညိမ့်​ပြီး မင်းကြီး​ပြောသည့်​အတိုင်းရွတ်​လိုက်​သည်​။ သူ့ဝိညာဉ်​က အရမ်းကိုစွမ်းအားမြင့်​ပေမယ့်​လို့ သူ့ဦး​နှောက်​က​တော့ အဲ့​လောက်​ထိမ​ကောင်း​ပေ။ ဒါ​ပေမယ့်​007ရဲ့ အစွမ်း​ကြောင်း အခုလိုသိ​နေခြင်းဖြစ်​သည်​။ တကယ်​လို့ ထျန်းချန်​မင်းကြီးက သူ့ကို ကျိူးမင်းဆက်​ရဲ့ လူသိနည်းနဲ့ စာအုပ်​ပေးဖတ်​ရင်​တောင်​သူအလွတ်​ရွတ်​ပြနိုင်​သည်​။ 3

ထျန်းချန်​မင်းကြီး မိန်း​မောသွားပြီး အချိန်​အတန်​ကြာ​ပြောစရာစကားမဲ့သွားသည်​။ ပြီး​တော့မှ အသိပြန်​ဝင်​လာပြီး ဒီစာအုပ်​ကို အလွတ်​ကျက်​ထားလို့ အလွတ်​ရတာဖြစ်​နိုင်​တာပဲ ဆိုတဲ့အ​တွေးနဲ့​တော်​ဝင်​တက္ကသိုလ်​က​လော​လောလတ်​လတ်​အပြီးသတ်​ထားတဲ့ အဘိဓာန်​စာအုပ်​ကိုသွားယူခိုင်းလိုက်​သည်​။

ထို အဘိဓာန်​က ပြင်​ပကိုမထုတ်​ဝေရ​သေးပဲ စီစဉ်​သူနဲ့မင်းကြီးသာမြင်​ဖူးသည်​။ အထဲမှာ စာလုံး​ရေး​သောင်းချီ ရှိပြီး အခန်းများကြီးပါဝင်​သည်​။

"ကိုယ်​တော်​မောင်​မင်းကိုနာရီဝက်​အချိန်​ပေးမယ်​။ ဒီ အဘိဓာန်​ကို ပြန်​ရွတ်​ပြ'' ဒီတစ်​ခါမှာ​တော့ စာအုပ်​ကိုမပစ်​ချပဲ မိန်းမစိုးက​နေတစ်​ဆင့်​ပေးလိုက်​သည်​။ သူ့​လေသံဟာလည်း​ပျော့​ပျောင်း စပြုလာပြီမို့ မင်းကြီးစိတ်​ကြည်​လာပြီလို့​ပြောလို့ရသည်​။

ရှမ်းသခင်​ကြီးက ဒူး​ထောက်​ရင်း သူ့နံ​ဘေးက သားကိုဘယ်​တုန်းကမှ မမြင်​ခဲ့ဖူးသလို​ငေးကြည့်​နေ​လေသည်​။ 4

ကျိူးယွင်​ရှန့်​က​ခေါင်းညိမ့်​ပြီး အမြန်​ဆုံးနည်းနဲ့အဘိဓာန်​ကို ဖတ်​ပြီး ထျန်းချန်​မင်းကြီး​ရှေ့မှာပဲ အလွတ်​ပြန်​ရွတ်​ပြပြီး သူ့ရဲ့ မ​မေ့နိုင်​တဲ့မှတ်​ဥာဏ်​အရည်​အ​သွေးကိုပြလိုက်​သည်​။

ထျန်းချန်​မင်းကြီး လုံးဝ​ကျေနပ်​သွားပြီး အချိန်​အကြာကြီး စကားမ​ပြောပဲတိတ်​ဆိတ်​နေမိသည်​။ ပြီး​တော့မှ
"​မောင်​မင်းမှာ ဒီလို အရည်​အချင်း ရှိလျှက်​နဲ့ ဘာလို့​မေးခွန်းကိုဝယ်​သေးလဲ။ အလကားမဖြစ်​ဘူးလား''

ကျိူးယွင်​ရှန့်​အကူအကယ်​မဲ့သည့်​မျက်​နှာထားနှင့်​''မြင့်​မြတ်​လှ​သော အရှင်​မင်းကြီး ။ ကျွန်​တော်​မျိူး ဟာ​မေးခွန်းစာရွက်​ကိုဝယ်​ရင်​ကောင်းလို့အ​တွေးဝင်​ခဲ့မိပါတယ်​။ ပိုက်​ဆံအများကြီးသုံးပြီးသွားခါမှ ကျွန်​တော်​မျိူး နားလည်​သွားပါတယ်​။ ဒီလို​ဈေးကြီး​ပေးဝယ်​ပြီး လူကိုလူလိမ်​ဖြစ်​သွား​စေတယ်​လို့​ပေါ့။ ဒါ​ကြောင့်​တစ်​ချက်​ကြည့်​ပြီး လွင့်​ပစ်​လိုက်​ပါတယ်​။ ကျွန်​တော်​မျိူး မိုက်​မဲခဲ့မိပါတယ်​ကျေးဇူးပြုပြီး မင်းကြီး ဂရုဏာထားခွင့်​လွှတ်​ပေးပါ။''

ထျန်းချန်​မင်းကြီးက​ခေါင်းညိမ့်​ပြီး ခဏစဉ်းစားလိုက်​သည်​။ ''​မောင်​မင်းရဲ့ အခွန်​ဥ​ပေ​ဒေ နှစ်​ခုက ပြီးပြည့်​စုံတဲ့ဥပ​ဒေမဟုတ်​ဘူး။ ဘာ​ကြောင့်​လဲသိလား''

ကျိူးယွင်​ရှန့်​ပြန်​ဖြေလိုက်​သည်​။ သူ့အမှုအရာကအပိုအလိုမရှိ​ပေ။ ''အရှင်​မင်းကြီး ကျွန်​တော်​မျိူး သိပါတယ်​။ ဒါ​ပေမယ့်​အ​ဖြေလွှာစာရွက်​မှာ​နေရာမ​လောက်​တာ​ကြောင့်​စာလုံး​တွေအများကြီး ထပ်​ရေးလို့မရ​တော့လို့ပါ။ အခွန်​ဥ​ပေ​ဒေ ၂ခုမှ ချိူ့ယွင်းချက်​လေးချက်​ရှိပါတယ်​။ ပထမ - ကာလရှည်​အိမ်​ထောင်​စု ပြင်​ဆင်​ချက်​။ အခွန်​ဟာ ချမ်းသာသူ​ကောဆင်းရဲသူအတွက်​ပါ တာဝန်​တစ်​ခုပါ။ဒုတိယ ရုံး​တော်​ရဲ့ဘဏ္ဍာအတွက်​အခွန်​ငွေနှစ်​ခုကို မတူညီတဲ့ပမာဏနဲ့​ပေး​ဆောင်​ရပါတယ်​။ အခွန်​ဆောင်​ဖို့အတွက်​လူ​တွေကပိုးထည်​၊​ကောက်​နှံနဲ့ အခြားပစ္စည်းကို​ရောင်းချကြရတယ်​။ဒါ​ကြောင့်​သူတို့ဘဝမှာဝန်​ထုပ်​ဝန်​ပိုး​တွေများလာတယ်​။ သုံး အခွန်​ဥ​ပေ​ဒေ နှစ်​ခု​အောက်​က ထပ်​မံ​ကောက်​ခံတဲ့​မြေအ​ကောက်​အခွန်​။​မြေအ​ကောက်​အခွန်​ဟာ ပိုပြီးကျယ်​ပြန့်​လာပါလိမ့်​မယ်​ချမ်းသာသူ​တွေ....''

အခွန်​ဥပ​ဒေနှစ်​ခုရဲ့ ယိုယွင်းနေတဲ့ အချက်​တွေကိုပြင်​ဆင်​လျှောက်​တင်​ပြီး ပိုအကျိူးအ​ကြောင်းသင့်​သည့်​အခွန်​ပုံစံနှစ်​ခုကို ပြန်​လျှောက်​တင်​လိုက်​သည်​။ သူ့ရဲ့အ​တွေး​တွေကို မင်းကြီး​ကော အမတ်​တွေပါသ​ဘောကျသွားကြသည်​၊

"လာကြစမ်း ၊ ရှမ်းသားကြီးနဲ့ ရှမ်းအမတ်​ကို ထိုင်​စရာလုပ်​ပေးလိုက်​'' ထျန်းချန်​မင်းကြီးက ကိုယ်​တိုင်​ကိုယ်​ကျ ပလ္လင်​ကဆင်းလာပြီး ရင်​ပြင်​ကလူနှစ်​ဦးကိုထူမ,သည်​။ သူမျက်​နှာဟာလည်း​နွေဦးပန်းနှယ်​လန်းဆန်း​နေ၏။ သူတို့ပညာရှိအစစ်​ဖြစ်​နေသ၍ သူ့ရဲ့အ​လေး​ပေးမှုကိုခံရမည်​။ ရှမ်းရိပင်း ဟာ သူဘဝမှာ ရှားရှားပါးပါး မြင်​ဖူးတဲ့ ပါရမီရှင်​ပဲ။

ကျိူးယွင်​ရှန့်​ဖင်​ကဒဏ်​ရာရ​နေတာ​ကြောင့်​ထိုင်​လိုက်​နဲ့ရှုံ့ မဲ့သွားသည်​။ မင်းကြီးလည်း သူ့ရဲ့မညှာတာမှုကို ပြန်​တွေးပြီး သနားမိသွားသည်​။ နှစ်​ဦးသား စကား​ပြောရင်း အခွန်​အ​ကြောင်းက​နေ ဟိုး နယ်​စပ်​စစ်​ပွဲ​တွေထိ​ရောက်​သွားသည်​။ ကျိူးယွင်​ရှန့်​ရဲ့ အ​ပြောညှက်​ညောမှုနဲ့ ထိမိတဲ့စကား​တွေ​ကြောင့်​ထျန်းချန်​မင်းကြီးက အရမ်းသ​ဘောကျသွားပြီး နန်း​တော်​မှာ​ခေါ်သိပ်​ပြီး တစ်​ညလုံးစကား​ပြောချင်​သည့်​အထိဖြစ်​လာသည်​။ 12

ရှမ်းသခင်​ကြီးက​တော့ လက်​ဖက်​ရည်​ခွက်​လေးကိုင်​ပြီး မင်းကြီးနဲ့စကား​ကောင်း​နေတဲ့ သူ့သားကိုသာ​ငေးကြည့်​နေမိသည်​။ 9

နန်းတွင်းသူ​တွေ ည​နေခင်းအတွက်​ပြင်​ဆင်​နေကြတာ မြင်​တော့မှ ထျန်းချန်​မင်းကြီးလည်း သားအဖနှစ်​ယောက်​ဒဏ်​ရာရထားပြီး ဆာ​နေကြမည်​ကို သတိရသည်​။ ဒါ​ကြောင့်​သမား​တော်​ကိုဆင့်​ခေါ်ပြီး စား​တော်​ကဲ​တွေကို အမိန့်​ပေးလိုက်​သည်​။ ဒဏ်​ရာကို​ဆေးထည့်​ညစာစားပြီး​တော့မှ မင်းကြီးကိုယ်​တိုင်​သားအဖနှစ်​ယောက်​ကို နန်း​တော်​တံခါးဝထိလိုက်​ပို့သည်​။ သူကရယ်​မောရင်း ''ရိပင်း က တကယ်​ကိုအရည်​အချင်းရှိတယ်​။​မောင်​မင်းဘာ​ကြောင့်​အခုလို အ​လေလိုက်​လျှောက်​သွား​နေရလဲ''

ကျိူးယွင်​ရှန့်​ရှက်​၍မျက်​နှာနီသွားသည်​။ သူဦးညွှတ်​လိုက်​ပြီး ''မင်းကြီး ဘာလို့ဆို ကျွန်​တော်​မျိူး ဖခင်​က​အောင်​မြင်​ဖို့အရမ်း​လောဘကြီးပါတယ်​၊ တကယ်​လို့သာ ကျွန်​တော်​တော်​ကြောင်းသူသိရင်​ကျွန်​တော်​ကိုကစားခွင့်​ပေး​တော့မှမဟုတ်​သလို အခန်းပိတ်​ပြီးတစ်​နေ့လုံးစာလုပ်​ခိုင်း​နေမှာ။ ကျွန်​တော်​မျိူးဟာ လွတ်​လွတ်​လပ်​လပ်​နေရတာကိုနှစ်​သက်​ပါတယ်​။ ဒါ​ကြောင့်​ဖုံးကွယ်​ထားမိတာပါ''

ရှမ်းရိပင်းသည်​၁၇နှစ်​သာရှိ​သေးသည်​။ မိဘ​တွေ​ကြောင့်​သူဟာအထက်​တန်းစားဆန်​သည့်​ရုပ်​ရည်​မျိူးပိုင်​ဆိုင်​ထားသည်​။ သူ့မျက်​နှာဝိုင်းဝိုင်း​လေးက ပန်းနု​ရောင်​သန်းပြီး ဖြူစင်​၍နှစ်​လိုဖွယ်​ကောင်းသည်​။ ပါး​ပေါ်မှာ ထမင်းလုံးကပ်​နေတာ​တောင်​မှ ကြည့်​ကောင်းဆဲပင်​။ 12

ထျန်းချန်​မင်းကြီး သူ့ကို​သေ​သေချာချာကြည့်​မိသည်​။ ကြာကြာကြည့်​လေ သ​ဘောကျရ​လေပင်​။ ဒါ​ကြောင့်​ပါး​ပေါ်ကထမင်း​စေ့​လေးကို ကိုယ်​တိုင်​ဖယ်​ပေးပြီး ရယ်​မောရင်း​ပြောလိုက်​သည်​၊ ''​မောင်​မင်း တကယ်​ကိုပိပိရိရိဖုံးကွယ်​ထားနိုင်​တာပဲ''
ကျိူးယွင်​ရှန့်​က ထပ်​မံရှက်​သွားသည့်​ပုံလုပ်​လိုက်​ပြီး မင်းကြီးလည်း ထပ်​မံရယ်​မော​လေသည်​။ 12

သားအဖနှစ်​ယောက်​ရထားလုံး​ပေါ်တက်​ပြီး နန်းရင်​ပြင်​က​နေထွက်​ခွာချိန်​မှာ ရှမ်းသခင်​ကြီးက သတိပြန်​ဝင်​ပြီး သူ့လက်​သီကို သူ့သားဆီတစ်​ဖက်​လွှဲလိုက်​သည်​။
"ငါ့​ကြောင့်​ဖုံးထားတယ်​ပေါ့! ငါ့​ကြောင့်​ဖုံးထားတယ်​ပေါ့။​ထောင်​ထဲမှာ​သေ​ရေးရှင်​ရေးမကြုံရင်​မင်းတစ်​သက်​လုံးဖုံးထားဖို့ ကြံစည်​ထားတာ​ပေါ့။ ဟုတ်​လား'' 13

ကျိူးယွင်​ရှန့်​ရယ်​ပြီး သူ့အ​ဖေကိုပြန်​နောက်​လိုက်​သည်​၊
"တကယ်​ပဲ အ​ဖေပဲသားအ​ကြောင်းသိတယ်​။ ကျွန်​တော်​မင်းမှုထမ်းမဖြစ်​ချင်​ဘူး။​နေ့တိုင်း​မှောင်​မှောင်​မည်းမည်း ရုံးတက်​ပြီး အို​သေ သွားတာမျိူးမဖြစ်​ချင်​ဘူး''

ရှမ်းသခင်​ကြီးက သူ့သားကို ထုနှက်​နေတာရပ်​လိုက်​ပြီး ဒီအ​ခြေအ​နေဟာ အရမ်းရယ်​ရတယ်​လို့​တွေးမိတာ​ကြောင့်​ရယ်​လိုက်​သည်​။ ''မင်းမဖြစ်​ချင်​လည်း မင်းကြီးကမင်းကိုအလွတ်​ပေးမယ်​ထင်​လား။ ငါက ရှမ်းအိမ်​အတွက်​မျှော်​လင့်​ချက်​မရှိ​တော့ဘူးထင်​ထားတာ။ မသိခဲ့ဘူး ကျန်း! ငါဒီ​လောက်​တော်​တဲ့သား​လေး​မွေးထားမိတာပဲ။မှန်​စမ်း.. သားအလိမ်​မာ​လေး နာသွားလား'' 6

ကျိူးယွင်​ရှန့်​သူ့အ​ဖေရဲ့ အသံချိူကြီး​ကြောင့်​အန်​ချင်​တဲ့ပုံလုပ်​ပြလိုက်​သည်​။ 9

~•~•~•~