အခန်း(၂၂) ရှမ်းရိပင်းဘဝ

Arc 3 : Space Reincarnation Girl

TGN: အတုန့်​အလှည့်​မရှိ

(TGN- translator given name)

Translator - invisible_clover

•••

ဇာတ်​လိုက်​အမျိူးသမီး နှင့်​အမျိူးသားမှာ စကားပင်​မ​ပြောလိုက်​ရသလို အတူလည်းမ​နေသွားရ​ပေ။​ပြောရမယ်​ဆိုရင်​ဒုတိယဘဝက Lord Godရဲ့ ထိန်းချူပ်​မှု​အောက်​က လုံးဝလွှတ်​မြောက်​ခဲ့သည်​ဘဝဟု ဆိုရမည်​။ သူ့ရဲ့ဝိညာဉ်​ဟာ အရင်​ကထက်​စွမ်းအားရှိလာတယ်​လို့ခံစားရသည်​။ သူသတိထားမိသည်​က ကမ္ဘာတစ်​ခုရဲ့ကံကြမ္မာကို​ပြောင်းပြီးတိုင်း ထိုကမ္ဘာ၌ရှိ​နေသည့်​စွမ်းအားများက သူ့အပိုင်​ဖြစ်​လာသည်​ကိုပင်​။

ဒီလိုနည်းနဲ့စွမ်းအင်​စုပ်​ယူတာဟာ Lord Godကို တုပခြင်းဖြစ်​သည်​။ ဖြစ်​နိုင်​လျှင်​တစ်​နေ့ကျ သူ့ရဲ့စွမ်းအား​တွေက Lord Godထက်​သာလွန်​ပြီး ဒီအကျဉ်း​ထောင်​က​နေ ကမ္ဘာအစစ်​ကိုပြန်​သွားနိုင်​လိမ့်​မည်​ဟုထင်​သည်​။

ဒီတွက်​ဆမှုက ကျိူးယွင်​ရှန့်​ကို အလွန်​အမင်းစိတ်​မရှား​စေပါ။ တစ်​ဖက်​၌ Lord Godနှင့်​တိုက်​ခိုက်​ရသည်​ကို သူ​ပျော်​ရွှင်​နေသည်​။

စွမ်းအင်​စုပ်​ရတာအရမ်းများသွားတဲ့အတွက်​သူ့အိပ်​ပျော်​သွားသည်​။ နိုးလာချိန်​၌ ကြယ်​ပင်​လယ်​ထဲတွင်​နဂါး​ငွေ့တန်းအသစ်​နှစ်​ခု ထပ်​ရှိ​နေပြီ။

ကျိူးယွင်​ရှန့်​နဂါး​ငွေ့တန်းထဲမှာအတန်​ကြာမတ်​တပ်​ရပ်​နေပြီး ကူး​ပြောင်းသည့်​ခလုတ်​ကိုနှိပ်​လိုက်​သည်​။

သူမျက်​လုံးဖွင့်​ချိန်​တွင်​သူဟာ ဖျာတစ်​ခု​ပေါ်ထိုင်​လျှက်​ရှိပြီး သူ့​ရှေ့မှာ စာအုပ်​တစ်​အုပ်​၊ စာရွက်​ဖြူအလွတ်​တစ်​ရွတ်​နဲ့ စုတ်​တံ၊မင်​တုံးတို့ရှိ​နေသည်​။

ဒါက​ရှေး​ခေတ်​လား။ သူ့လက်​အင်္ကျီအစကိုဆွဲတင်​ပြီး AIကိုကြည့်​လိုက်​တော့ ဒီကမ္ဘာနဲ့ပတ်​သက်​ပြီးသတင်း အချက်​အလက်​တွေကို​ဖော်​ပြ​နေသည်​။

ဒီ​နေရာက ကျိူးမင်းဆက်​ရဲ့နန်း​တော်​ရင်​ပြင်​။ အခုအချိန်​က နန်းတွင်းစာ​မေးပွဲ​ဖြေဆိုချိန်​။ မူလခန္ဓာပိုင်​ရှင်​က အစိုးရစစ်​၊ မြို့နယ်​စစ်​၊​ကျေးရွာစစ်​စတဲ့ စား​မေးပွဲအများကြီးကို​အောင်​မြင်​ခဲ့ပြီးပြီ။ အခု နန်းတွင်းစာ​မေးပွဲက​နောက်​ဆုံး စာမေးပွဲပဲ။

မူလပိုင်​ရှင်​ရဲ့ နံမည်​က ရှမ်းရိပင်း၊ အတွင်းဝန်​အမတ်​ရှမ်းဟွိုက်​ရဲ့ သားအကြီး။ သူကပုံမှန်​အားဖြင့်​စာသင်​ဖို့အရမ်းပျင်း​တဲ့သူ။ အခုလိုစာ​မေးပွဲ​တွေ​အောင်​ရတာကလည်း ဒီ​လောကရဲ့ဇာတ်​လိုက်​မိန်းက​လေး​ကြောင့်​ပဲ။

ဇာတ်​လိုက်​မိန်းက​လေးနံမည်​က ရှဲ့ယွိရို ၊ သူမက မင်းသား(၇) ကျူးစစ်​ချင်း ရဲ့ ကိုယ်​လုပ်​တော်​။ အရင်​ဘဝက သူမက အ​အေးနန်း​တော်​ကိုအပို့ခံရပြီး အခု​တော့​ရောဂါကုသနိုင်​ပြီး အလှတရားကို​ပေးစွမ်းနိုင်​တဲ့​ဆေးပညာဝိညာဉ်​နယ်​မြေနဲ့ ဝိညာဉ်​စမ်း​ရေ ကိုရပြီး ပြန်​လည်​မွေးဖွားလာသည်​။

ရှမ်းရိပင်း၏ ညီမ ရှမ်း​ချောင်​တန်​ကလည်း မင်းသား၏ကိုယ်​လုပ်​တော်​ဖြစ်​သည်​။ အရင်​ဘဝက သူနဲ့ရှဲ့ယွိရိုကပြိုင်​ဖက်​တွေဖြစ်​ပြီး သူမကသားအကြီးကို​မွေး​ပေးခဲ့တာမို့ သတ္တမ မင်းသား၏ တရားဝင်​ကြင်​ယာ​တော်​မင်းသမီး​နေရာကိုရခဲ့သည်​။ သတ္တမ မင်းသားနန်းတက်​သည့်​အခါ သူမသားက အိမ်​ရှေ့စံဖြစ်​လာပြီး သူမကမိဖုရား​ခေါင်​ကြီးဖြစ်​လာသည်​။ အရှုံးသမားအ​နေနဲ့ ရှဲ့ယွိရို ကအ​အေးနန်း​တော်​မှာ​သေသည်​။ သူမ မ​သေခင်​တွင်​သူမနှစ်​ပေါင်းများစွာကိုယ်​ဝန်​မ​ဆောင်​နိုင်​ခြင်းက ရှမ်း​ချောင်​တန်​လှည့်​ကွက်​မှန်းသိလိုက်​ရသည်​။

ဒါ​ကြောင့်​ရှဲ့ယွိရို ဟာ ရှမ်းအိမ်​ကိုမုန်းတီး​နေမယ်​ဆိုတာ အကျိူးအ​ကြောင်းသင့်​သည်​။ ဒါ​ပေမယ့်​အခုဘာလို့ ပြန်​လည်​မွေးဖွားပြီးမှ ရှမ်းရိပင်းကို တိတ်​တဆိတ်​ကူညီ​နေရတာလဲ၊ ဒါဟာ လက်​စား​ချေဖို့လှည့်​ကွက်​တစ်​ခုသာ။

ရှဲ့ယွိရို ကအနာဂတ်​ကိုကြိုသိထား​သော​ကြောင့်​လူလွှတ်​ပြီး ရှမ်းရိပင်းကို စာ​မေးပွဲအ​ဖြေများ​ပြောပြသည်​။ 10

ဒီနှစ်​မှာပဲ လိမ်​လည်​မှုကြီး​ပေါ်​ပေါက်​လိမ့်​မည်​။ ဧကရာဇ်​ရဲ့​တော်​ဝင်​မိန်းမစိုးတစ်​ဦးက​မေးခွန်းကို​ရေးချပြီး နန်းပြင်​သို့​ရောင်းခဲ့သည်​။ အိမ်​ရှေ့မင်းသား၏​နောက်​လိုက်​များကလည်း​ငွေရ​သော​ကြောင့်​မတားသည့်​အပြင်​သူတို့ပါ ပါဝင်​သည်​။

​မေးခွန်းရပြီး​တော့ မိသားစု​တွေက သူတို့က​လေးအတွက်​ကျွမ်းကျင်​သူဆီမှာ အ​ဖြေသွား​ရေးခိုင်းသည်​။ ပြီး​တော့အ​ဖြေကို ကျက်​စေပြီး စာ​မေးပွဲ​ဖြေခိုင်းသည်​။ ဒါ​ကြောင့်​ဒီနှစ်​မှာ အ​ဖြေ​ကောင်း​တွေ အများကြီးထွက်​ပြီး မင်းကြီးကို​ပျော်​ရွှင်​စေမည်​။ ဒါ​ပေမယ့်​မ​ကောင်းတာကမ​ကောင်းတာပဲ။ မင်း​တောင်​အ​ဖြေဝယ်​ရင်​ငါလည်းဝယ်​မယ်​ဆိုပြီး အလုအယက်​ဝယ်​ယူကြတာ​ကြောင့်​အ​ဖြေ​တွေ တစ်​ထပ်​တည်းဖြစ်​နေသည်​။

တစ်​ယောက်​ပြီး​တစ်​ယောက်​အ​ဖြေစာရွက်​၇ရွက်​၈ရွက်​လောက်​က အတူတူဖြစ်​နေသည်​။ ထျန်းချန်​မင်းကြီး၏​ပျော်​နေ​သောစိတ်​က​ဒေါသအဖြစ်​ပြောင်းသည်​။ သူက အတွင်းဝန်​ကို တာ့လီနန်း​ဆောင်​သို့ဆင့်​ခေါ်ပြီး ထိုအမှုကိုစစ်​ဆေး​စေသည်​။ 3

ထိုနှစ်​အတွင်းပင်​အ​ဖြေ​ရောင်းသူ​ကော၊ ဝယ်​သူများကပါ အပြစ်​ပေးခံကြရသည်​။​ပေကျင်းရှိ က​လေးအများအ
ပြားလည်းပါဝင်​သည်​။ မင်းကြီးက အဲ့ဒီအ​ကြောင်းကိုစစ်​ဆေးပြီး​တော့ အကျင့်​ပျက်​တဲ့အမှုထမ်း​တွေကို ထုတ်​ပစ်​လိုက်​သည်​။ အိမ်​ရှေ့မင်းသားလည်း အာဏာကျပြီး သတ္တမ မင်းသားက​နေရာရလာသည်​။

အရင်​ဘဝက ရှမ်းရီပင်းက ထုံရှန့်​စာ​မေးပွဲကိုဝင်​ပင်​မ​ဖြေ​ပေ။ ဒါ​ကြောင့်​နန်းတွင်းစာ​မေးပွဲမှာလွတ်​ခဲ့သည်​။ သူ့အ​ဖေ ရှမ်းဟွိုက်​က လိမ်​လည်​မှုမှာ​သေချာစုံစမ်းနိုင်​ခဲ့တာ​ကြောင့်​ထျန်းချန်​မင်းကြီး၏ အနီးကပ်​အကြံ​ပေး အမတ်​ဖြစ်​လာသည်​။ ရှမ်းဟွိုက်​၏​ထောက်​ပံ့မှုမပါလျှင်​သတ္တမ မင်းသားက ရှမ်း​ချောင်​တန်​ကို မိဖုရား​ခေါင်​အဖြစ်​တင်​မြှောက်​မည်​မဟုတ်​ပေ။

ဒီကမ္ဘာမှာ​တော့ ရှဲ့ယွိရို က ရှမ်းရိပင်းကိုဝင်​ခွင့်​စာ​မေးပွဲ​တွေ​အောင်​အောင်​ကူညီ​ပေးသည်​။ သူမရဲ့ရည်​ရွယ်​ချက်​က​တော့ နန်းတွင်းစာ​မေးပွဲ​ဖြေဆိုခိုင်းလိုခြင်းဖြစ်​သည်​။ ထိုအခါ လိမ်​လည်​မှုမှာပါဝင်​ပြီး ရှမ်းဟွိုက်​၏​နေရာကိုယိမ်း​ယိုင်​အောင်​လုပ်​လိုခြင်းဖြစ်​သည်​။ 4

ရှမ်းအိမ်​၏ အရှိန်​အဝါ မပါလျှင်​ရှမ်း​ချောင်​တန်​အသက်​ရှင်​ရခက်​ခဲ့လိမ့်​မည်​။

ကျိူးယွင်​ရှန့်​ရောက်​လာသည်​မှာ​စောသည်​ဆို​ပေမယ့်​စောလွန်းသည်​ဟုမဆိုသာ။ ဘာ​ကြောင့်​ဆို အခု ရှမ်းရိပင်းဟာ နန်းရင်​ပြင်​မှာ စာ​မေးပွဲ​ဖြေဖို့အသင့်​ဖြစ်​နေပြီ။ သူ့မှာ​ရွေးစရာကနှစ်​ခုပဲရှိ​တော့သည်​။ တစ်​၊ အရှုံး​ပေးပြီး စာ​မေးပွဲက​စော​စောထွက်​သွားဖို့ ။ ဒါ​ပေမယ့်​ထွက်​သွားလည်း အိမ်​ရှေ့မင်းသားလူ​တွေက​မေးခွန်းဝယ်​သူကိုနံမည်​မှတ်​ထားတာ​ကြောင့်​သူထွက်​သွားရင်​တောင်​အ​ခြေအ​နေကမထူးဘူး။

ဒုတိယအချက်​က အခု​ဖြေမယ့်​အ​ဖြေအစား​ကောင်းကင်​နဲ့​မြေကြီးကို တုန်​လှုပ်​သွားနိုင်​တဲ့အ​ဖြေသစ်​တစ်​ခု​ဖြေဖို့။ ထျန်းချန်​မင်းကြီးက ပညာရှိ​တွေကိုအရမ်း​လောဘကြီးတဲ့သူ။ သူ့ရဲ့အရည်​အချင်းကသာအစစ်​အမှန်​ဆိုရင်​သူအသက်​ရှင်​နိုင်​တယ်​။ ဘယ်​လိုအ​ဖြေမျိူးက မင်းကြီးကို အထင်​ကြီး​စေပြီး သူ့ကိုအသက်​ဘေးကလွှတ်​စေမလဲ။

ကျိူးယွင်​ရှန့်​မေးခွန်းကိုကြည့်​လိုက်​သည်​။​မေးခွန်းကအရမ်းရှင်းတယ်​။ ငှားရမ်းခညှိနှိုင်းခြင်း​။ ဒါဟာတကယ်​ကို ထျန်းချူပ်​မင်းကြီးရဲ့ တိုတိုနဲ့လိုရင်းကို​ရောက်​စေတဲ့ ပုံစံပဲ။

ငှါးရမ်းခဆိုတာ အခွန်​ကောက်​ခံခြင်းစနစ်​ကိုဆိုလိုတာဖြစ်​ပြီး​မြေယာတန်းတူညီခြင်းစနစ်​က​နေ အ​ခြေခံလာတဲ့စနစ်​တစ်​ခုဖြစ်​သည်​။​မြေယာ​တွေအသိမ်းခံရတာများလာတဲ့အခါ ခိုကိုးရာမဲ့တဲ့လယ်​သမား​တွေဟာ စားရ​သောက်​ရမဲ့ကြရတယ်​။ အဲ့လိုမှမဟုတ်​ရင်​မြေရှင်​တွေရဲ့လက်​အောက်​မှာ စာရင်းငှါးအဖြစ်​လုပ်​ကိုင်​ကြရတယ်​။ တန်းတူညီမျှခြင်းစနစ်​ဟာ အခုပြိုကွဲခါနီးပြီ။ တကယ်​လို့အ​ခြေခံ အုတ်​မြစ်​သာပြိုကွဲသွားရင်​အခွန်​ငွေ​တွေကိုဆုံးရှုံးနိုင်​ဖွယ်​ရာရှိသည်​။

ဒါဟာလူ​တွေကို ဆင်းရဲတွင်းထဲ​ရောက်​စေရုံသာမက ပုန်​ကန်​မှု​တွေပါဖြစ်​စေနိုင်​သည်​။ ဒီလိုဆိုရင်​အစိုးရကလည်းအခွန်​ငွေမရနိုင်​တော့။ ထျန်းချန်​မင်းကြီးက အခွန်​ကောက်​ခံခြင်းစနစ်​ကိုပြန်​လည်​ပြင်​ဆင်​ဖို့ ဆန္ဒရှိပြီး ထိုကိစ္စနှင့်​ပင်​ခေါင်းခဲ​နေသည်​။

ကျိူးယွင်​ရှန့်​ရဲ့ စာအ​ရေးအသားနဲ့ကဗျာစပ်​ပညာကျွမ်းကျင်​မှုကထိပ်​တန်းဖြစ်​သည်​။ သူ့AIရဲ့အကူအညီနဲ့ဆိုရင်​အတုမရှိသည့်​အ​ကြောင်းအရာကို​ရေးနိုင်​ဖို့က ပြသာနာမရှိ။ သူမျက်​လုံးမှိတ်​လိုက်​ပြီး စုတ်​တံကို​ရေးခြစ်​လိုက်​သည်​။ အ​ဖြေတွင်​အခွန်​ဥ​ပေ​ဒေ နှစ်​ခုအ​ကြောင်းကိုသာ အကြံ​ပေး​ရေးသားထားသည်​။

အခွန်​ဥ​ပေ​ဒေ နှစ်​ခုကို နှစ်​စဉ်​အခွန်​အဖြစ်​ပြောင်းလဲပြီးတစ်​ဦးချင်းထက်​အိမ်​ထောင်​စုတစ်​စု၏ ပိုင်​ဆိုင်​မှုအ​ပေါ်အ​ခြေခံသည့်​အခွန်​အဖြစ်​သို့​ပြောင်းလိုက်​၏။

အခွန်​ရဲ့ပမာဏကိုဆုံးဖြတ်​ဖို့ တိကျသည့်​တွက်​ချက်​မှုနှင့်​ကျွမ်းကျင်​မှုရှိရမည်​။ ဒါမှသာ အခွန်​ပဏ္ဍာကိုတိုး​စေရုံမက ပြည်​သူ​တွေရဲ့ဆင်းရဲမွဲ​တေမှုကိုပါ​လျော့ချနိုင်​လိမ့်​မည်​။ ဒါဟာ အနာဂတ်​အခွန်​ပုံသဏ္ဌာန်​ရဲ့အ​ခြေခံပုံသဏ္ဌာန်​ဖြစ်​ပြီး သမိုင်းရဲ့ကြီးမားသည့်​ပြောင်းလဲမှုအစဖြစ်​လာလိမ့်​မည်​။ 1

ယခင်​ရှမ်းရိပင်း၏ အ​ဖြေကလည်းမဆိုး​ပေ။ ဒါ​ပေမယ့်​လို့ သူ့အ​ဖြေက ကာလတိုပြသာနာကိုသာ​ဖြေရှင်းနိုင်​ပြီး​ရေရှည်​အတွက်​မ​ကောင်း​ပေ။ ဒါ​ပေမယ့်​လည်း ထျန်းချန်​မင်းကြီးက မူရင်း​ရေးသူကိုရှာခိုင်​ပြီး ဂုဏ်​ထူး​ဆောင်​နေရာကို​ပေးလိမ့်​မည်​။ ထိုလူက သတ္တမ မင်းသား၏ညာလက်​ရုံးဖြစ်​လာလိမ့်​မည်​။

အဲ့လို အ​ဖြေက​တောင်​ထျန်းချန်​မင်းကြီးကိုအထင်​ကြီး​စေ​လောက်​ရင်​ကျိူးယွင်​ရှန့်​နဲ့အ​ဖြေနဲ့​တော့ ယှဉ်​လို​တောင်​မရဘူး​ပေါ့။

စုတ်​တံကိုချလိုက်​ပြီး​တော့ ကျိူးယွင်​ရှန့်​ဘေးပတ်​ဝန်းကျင်​ကို လှည့်​ကြည့်​ပြီး မျက်​လုံးမှိတ်​ကာ ရှမ်းရိပင်​အ​ကြောင်းကိုပြန်​ကြည့်​လိုက်​သည်​။ ရှမ်းရိပင်းဟာ သိက္ခာကျပြီး နန်းတွင်​စာ​မေးပွဲကအနှင်​ခံရမည်​။ သူ့အ​ဖေ ရှမ်းဟွိုက်​လည်း ရာထူးမှထုတ်​ပယ်​ခံရမည်​။ ရှမ်းအိမ်​ယိုင်​လဲလာပြီး ရှမ်း​ချောင်​တန်​လည်း သတ္တမမင်းသားအိမ်​မှာ ရုန်းကန်​အသက်​ရှင်​ရင်​စိတ်​ကျ​ရောဂါနှင့်​သေမည်​။

ရှမ်းအိမ်​ပြိုလဲပြီး​နောက်​ရှဲ့ယွိရို က မိဖုရား​ခေါင်​ဖြစ်​လာလိမ့်​မည်​။ သူမသတိ​ပေးလို့ လွှတ်​သွားတဲ့သူမ​မောင်​က​နောက်​စာ​မေးပွဲမှာ ပထမအဆင့်​နဲ့​အောင်​ပြီး လူရို​သေရသည့်​ပုဂ္ဂိုလ်ဖြစ်​လာမည်​။

ရှမ်းရိပင်းသည်​အ​ဆော့မက်​ပြီး လွှတ်​လပ်​မှုကိုမြတ်​နိုးသည်​။ မင်းမှုထမ်းဖြစ်​လာဖို့က သူ့ဖခင်​ရဲ့ဆန္ဒ​ကြောင့်​သာ စာ​မေးပွဲလာ​ဖြေခြင်းဖြစ်​သည်​။ ဒါကသူ့မိသားစုဘဝကိုပျက်​စီး​စေမည့်​အစဆိုတာ မသိရှာ​ပေ။

အခု ကျိူးယွင်​ရှန့်​ကသူ့ကိုကံဆိုးခြင်းကယ်​ထုတ်​ပေးမယ့်​အပြင်​ရှမ်းအိမ်​ကို နဂိုထက်​ဘုန်းရှိန်​မြင့်​မား​အောင်​လည်း​ပြောင်းလဲပစ်​အုန်းမည်​။

ဆို​တော့ကာ သူဘာလုပ်​သင့်​လဲ။
သတ္တမ မင်းသားကို ကူညီပြီးနဂါးပလ္လင်​ရ​အောင်​လုပ်​ပေး?

ကျိူးယွင်​ရှန့်​ခေါင်းရမ်းလိုက်​သည်​။ အခု ရှဲ့ယွိရို က သတ္တမ မင်းသားရဲ့အချစ်​တော်​ဖြစ်​နေတာ။ ရှမ်း​ချောင်​တန်​ကလည်း သူနဲ့ပြသာနာခဏခဏတတ်​ပြီး အခု သ​န္ဓေမြုံ​ဆေးအ​ကျွေးခံထားရပြီ။ ကူညီ​ပေးချင်​ရင်​တောင်​သူတို့ဆက်​ဆံ​ရေးက ပြန်​မ​ကောင်း​တော့ဘူး။ သတ္တမ မင်းသားကို နန်းတင်​ပေးတာက ရှဲ့ယွိရို ကိုအ​တောင်​တပ်​ပေးသလိုသာဖြစ်​လိမ့်​မည်​။ ဒါ​ကြောင့်​သူအခြားမင်းသားတစ်​ပါးကို​ရွေးတာ​ကောင်းမည်​။ 1

ထျန်းချန်​မင်းကြီး မှာ သားသမီး ၁၂​ယောက်​ရှိပြီး သူအချစ်​ဆုံးက အိမ်​ရှေ့မင်းသားဖြစ်​သည်​။ ဒါ​ပေမယ့်​အရမ်းအလိုလိုက်​ထားတာ​ကြောင့်​လားမသိ အိမ်​ရှေ့မင်းသားက လွန်​ခဲ့​သောနှစ်​အနည်းငယ်​ကစပြီး တစ်​နေ့တစ်​ခြား စည်းကမ်းပျက်​လာသည်​။ ဒီလိမ်​လည်​မှုကိစ္စပြီး​တော့ မင်းကြီးလည်း သူ့ကိုစိတ်​မရှည်​တော့။

တကယ်​လို့သာ အိမ်​ရှေ့မင်းသားသာပြန်​တည်​ညိမ်​မယ်​ဆိုရင်​မင်းကြီးရဲ့စိတ်​ကိုပြန်​ရဖို့ကမခက်​ခဲနိုင်​ဘူး။အခြား မင်းသား​တွေက အခွင့်​အ​ရေးမရှိဘူး။ ဒါ​ပေမယ့်​အရင်​ဆုံး သူ အိမ်​ရှေ့မင်းသားကို​လေ့လာဖို့​တော့လိုအုန်းမည်​။ ပြန်​ကောင်းနိုင်​ဖို့ မ​သေချာလျှင်​အခြားမင်းသားတစ်​ပါးကို​ရွေးလိုက်​မည်​။

ဒါကိုဆုံးဖြတ်​ပြီး​တော့ ကျိူးယွင်​ရှန့်​အိပ်​ပျော်​သွားသည်​။
စာ​မေးပွဲ​စောင့်​က​တော့ သူ့ကိုမြင်​ပြီး​ခေါင်းရမ်း​လေသည်​။

စာ​မေးပွဲစစ်​သူများက အ​ဖြေများစစ်​ရန်​နာရီအ​တော်​ကြာသည်​။ ဒီစာ​မေးပွဲဟာ တိုင်းပြည်​အတွက်​လည်းအ​ရေးကြီးတာ​ကြောင့်​မင်းကြီးက​သေ​သေချာချာ စစ်​စီ​စေပြီး က​လေး​တွေ​ဖြေပြီးတာနဲ့ ကိုယ်​တိုင်​သွားပြီး အ​ဖြေလွှာ​တွေကိုကြည့်​ရှုသည်​။

စာ​မေးပွဲစစ်​သူက အ​ဖြေလွှာစာရွက်​ထုတ်​ပြီး မင်းကြီးဦးညွှတ်​ရင်း ''အရှင်​မင်းကြီး ကြည့်​ပါ။ ဒီအ​ဖြေက ပထမ​နေရာရဖို့ထိုက်​တန်​ပါတယ်​''

"မင်းကြီး ၊ ဒီမှာလည်း အံ့အားသင့်​စရာအ​ဖြေတစ်​ခု​တွေ့ပါတယ်​'' အခြား အ​ဖြေစစ်​တစ်​ယောက်​လည်း ဆက်​သပြန်​သည်​။

ထျန်းချန်​မင်းကြီး က အ​ဖြေကိုကြည့်​ပြီး​ကျေနပ်​သွားသည်​။ အခြား အ​ဖြေစစ်​သူ​တွေကလည်း သူဖတ်​ဖို့ အ​ဖြေလွှာ​တွေကို​ရွေးထုတ်​ပေးကြသည်​။ ဒါ​ပေမယ့်​ရုတ်​တရပ်​တစ်​ယောက်​မင်​ခွက်​ကိုကျ​အောက်​လုပ်​မိသွားသည်​။ သူမျက်​နှာက ထိတ်​လန့်​ခြင်းနဲ့ပြည့်​နေသည်​။

"ဘာဖြစ်​တာလဲ '' မင်းကြီးကလည်း ထိုလူနားကို​လျှောက်​သွားသည်​။

"မင်းကြီး.... အရှင့်​ကျွန်​...​နောက်​ထပ်​တူညီတဲ့အ​ဖြေတစ်​ခုထပ်​တွေ့ပါတယ်​'' အ​ဖြေစစ်​၏ မျက်​နှာကဖြူ​ဖျော့​နေသည်​။ ဒီလိုအ​ခြေအ​နေဟာ​မေးခွန်း​ပေါက်​ကြားသွားတာမှန်း သူအတပ်​သိသည်​။

ထျန်းချန်​မင်းကြီး မျက်​နှာကတင်းမာသွားပြီး အ​ဖြေလွှာကိုဖတ်​လိုက်​သည်​။ သူ့အသံဟာလည်း​အေးစက်​လို့​နေ၏ '' တူတဲ့အ​ဖြေလွှာ​တွေအကုန်​ရှာပြီး ကိုယ်​တော့်​လက်​ထဲအပ်​!"

အ​ဖြေစစ်​သူ​တွေကလည်း ချက်​ချင်းပဲ စာရွက်​ပုံထဲရှာကြ​တော့သည်​။ သိပ်​ပင်​မကြာလိုက်​တူညီသည့်​အ​ဖြေလွှာများ ရှစ်​ခု၊ ကိုးခု မကထွက်​လာသည်​။ ဒါ​ပေမယ့်​တစ်​ယောက်​က​တော့ သူ့လက်​ထဲက အ​ဖြေကိုမချနိုင်​ပဲ မျက်​ဝန်းများလည်းပြူးကျယ်​နေသည်​။

ထျန်းချန်​မင်းကြီးက ဤသည်​ကိုမြင်​တော့ ထိုလူဆီ​လျှောက်​သွားပြီး အ​ဖြေလွှာကိုယူဖတ်​လိုက်​သည်​။ ပထမနှစ်​ကြောင်းနဲ့တင်​သူပါမိန်း​မောသွားသည်​။ ပြီး​တော့​ပျော်​ရွှင်​စွာနဲ့ရယ်​လိုက်​သည်​''ကိုယ်​တော်​ရဲ့ကျိူးတိုင်းပြည်​မှာ ဒီလိုပုန်းကွယ်​နေတဲ့ ဇာမဏီတစ်​ကောင်​ရှိမယ်​လို့မထင်​ခဲ့ဘူး။ အခု​တော့ရှာ​တွေ့ပြီ။ ဒါမိုးနတ်​မင်းရဲ့​ကောင်းချီးပဲ'' 7

အရမ်းကို​ကျေနပ်​ပြီး​ပျော်​ရွှင်​တာ​ကြောင့်​ထျန်းချန်​မင်းကြီးက စည်းကမ်းကိုလျစ်​လျစ်​ရှုပြီး အ​ဖြေ​ထောင့်​က​ခေါက်​ထားသည့်​နံမည်​နေရာကို ဖွင့်​ကြည့်​လိုက်​သည်​။ ရှမ်းရိပင်း ? ဘယ်​သူလဲ။ ရှမ်းရိပင်း တစ်​နေရာရာမှာ ရင်းနှီး​နေသလိုပဲ။

"မင်းကြီးကို​လျှောက်​တင်​ပါတယ်​။ ရှမ်းရိပင်းက အမတ်​ရှမ်းဟွိုက်​ရဲ့သားအကြီးပါ'' အ​ဖြေစစ်​သူက ထိုသို့​ပြောပြီး သက်​ပြင်းချ​ခေါင်းရမ်း​လေသည်​။

ရှမ်းရိပင်းက​ပေကျင်းမှာ အပျင်းကြီးတယ်​လို့ သတင်း​မွှေးတဲ့သူ။ ဒီလှပတဲ့အ​ရေးအသားနဲ့အံ့အားသင့်​စရာအ​ဖြေမျိူးက...သူလည်းပဲ အခြားသူ​တွေနဲ့အတူတူပဲ​နေမှာ။ ကိုယ်​စား​ဖြေခိုင်​ထားသလား​တောင်​မသိဘူး။

ထျန်းချန်​မင်းကြီး၏ အ​တွေးကလည်းထိုအတိုင်းဖြစ်​သည်​။ သူ​ဒေါသထွက်​ပြီး ချက်​ချင်းအမိန့်​ပေးလိုက်​သည်​။ ''ရှမ်းရိပင်းကို ဖမ်း​ခေါ်ပြီး​ဖြေသူအစစ်​ကိုရ​အောင်​စစ်​မေးချည်​!"

~•~•~••~•~•~