Chapter ( 1 ) _ Next Top Supermodel

Zhou Yun Sheng သည် နဂါးငွေ့တန်းတွင် အာကာသ၏စွမ်းအင်ကိုထုတ်ယူခဲ့ပြီး အလွန်ခေတ်မီ၊  ခမ်းနားထည်ဝါသော ဧည့်ခန်းတွင် တစ်ဖန်နိုးထလာခဲ့သည်။ ဘေးပတ်ပတ်လည်မှာ ဘယ်သူမှ မရှိပေမယ့် သေချာနားထောင်ကြည့်တော့ အပေါ်ထပ်မှာ ဆယ်လေးငါးနှစ်အရွယ် ဆက်ကျော်သက် ကောင်လေး၊ ကောင်မလေးတွေ ရဲ့ အသံကို အပေါ်ထပ်ကနေ ကြားလိုက်ရသည်။ နံရံများကိုကြီးမားတဲံ ဘောင်တွေနဲ့ အလှဆင်ထားသည့်  ပုံကြီးများဖြင့် တန်ဆာဆင်ထားပြီး ပုံတွေထဲက တစ်ပုံက အလွန်လှပသောအမျိုးသမီးတစ် ဦး ၏ပုံတူဖြစ်သည်။ ညာဘက်အောက်နားထောင့်တွင် Ariel Blanc ဆိုတဲ့ အမည်ကို ထင်ထင်ရှားရှားရေးထိုးထားသည်။

ဒီပုံနဲ့ဆန့်ကျင်ဘက်မှာ လူတစ် ဦး ၏ကြီးမားသောပုံကြီးတစ်ပုံ ချိတ်ဆွဲထားပြီး ဘယ်ဘက်အောက်ထောင့်တွင် TOP 1 နံပါတ်တစ် ဆိုသည့် စကားလုံးများဖြင့် မှတ်သားထားသည်။ ထိုသူသည် အဖြူရောင်ရှပ်အင်္ကျီ၊ အနက်ရောင်ဘောင်းဘီနှင့်အလွန်မြင့်မြတ်သော ရည်မွန်သော ပုံစံကို တန်းခနဲမြင်ရနိုင်သည်။ သူက ဥရောပ စတိုင် သစ်သားကုလားထိုင်မှာထိုင်နေပြီး ညာဘက်လက်က သူ့ရွှေရောင်ဆံပင်တွေကို ပင့်တင်ရင်း မျက်ဝန်းတွေက အပြုံးဖျော့ဖျော့ပြုံးလို့နေသည်။

ထိုသူ၏ကိုယ်ခန္ဓာ၊ ရုပ်ဆင်းသဏ္ဌာန်သည် ချို့ယွင်းချက်မရှိအောင် ပြီးပြည့်စုံနေပြီး သူ့ရဲ့စူးရှထက်မြက်တဲ့ မျက်နှာ၊ နက်နက်ရှိုင်းရှိုင်းကြည့်တတ်တဲ့ မျက်ဝန်းတစ်စုံကြောင့် ဘယ်လို အမျိုးသမီး၊ အမျိုးသားမဆို သူ့ကြောင့် ရူးသွပ်လုနီးပါး ခံစားရမှာသေချာသည်။

Zhou Yun Sheng သည် ပိုစတာ၏ရှေ့၌ ထိုလူ၏ အချက်အလက်များကို စိတ်အားထက်သန်စွာ တစ်လေးတစ်စားနှင့် ဖတ်ရှုလို့နေသည်။ ထိုလူ၏ ပုံစံနှင့် စိတ်ထားသည် သူ့ချစ်သူင့်ဆင်တူသည်။ ဒါပေမယ့် သူက 187 စင်တီမီတာပဲ ရှိပြီး သူ့ချစ်သူအရပ်ကို မမှီပေ။ ဟိုးအရင်ကတည်းက သူ့ချစ်သူအရပ်က 6 ပေ 2 လက်မမြင့်သည်။

သံသယကင်းသွားပြီးနောက်  Zhou Yun Sheng သည် AI ကို စစ်ဆေးကြည့်ရှုလိုက်တဲ့အချိန် 007 က အချက်လက် အသစ်များကို ပေးပို့ထားလေပြီ။ သူက ဒီအချက်လက်ကို ဖတ်နေတုန်းမှာ ကောင်လေး၊ကောင်မလေးတွေက တစ်ယောက်ကို တစ်ယောက်တွန်းထိုးရင်းရယ်ရယ်မောမောနဲ့ လှေကားအောက်ကို ဆင်းလာကြသည်။ သူတို့အုပ်စုက ပိုစတာရှေ့မှာရပ်နေတဲ့ သူ့ကိုတွေ့တော့ သူတို့မျက်နှာပေါ်မှာ စိတ်ပျက်ရွံ့ရှာတဲ့အမူယာတွေပေါ်လာပြီး အားလုံး စကားသံတွေ တိတ်ဆိတ်သွားကြသည်။

ဒီခန္ဓာကိုယ်က အရမ်းဆိုးတဲ့အခြေအနေမှာ ရှိနေတယ်။ ဒီ villa အဆောက်ဦးတစ်ခုလုံးမှာ လျှို့ဝှက်ကင်မရာတွေ နေရာတိုင်းမှာ တပ်ဆင်ထားပြီး ကြည့်ရတာ မော်ဒယ်တွေရဲ့နေ့စဉ် ဘဝကို တင်ပြတဲ့ reality show လို ပုံစံဖြစ်ရမယ်လို့ သူတွေးလိုက်မိသည်။ ဒီအုပ်စုနောက်မှာ ကင်မရာမန်းတွေလည်း လိုက်လာပြီး သူတို့ပြောသမျှ လုပ်သမျှတိုင်းကို ရိုက်ကူးနေသည်ကို တွေ့ရသည်။


ဒီအချက်ကိုစဉ်းစားပြီး Zhou Yun Sheng အချက်အလက် အားလုံးကိုဖတ်လိုက်သည်။ မူရင်းကောင်လေး၏ဆန္ဒသည် အလွန်ရိုးရှင်းလွန်းသောကြောင့် သူက ဒီကမ္ဘာကို အားလပ်ရက်အဖြစ် သဘောထားနိုင်သည်ဟုပင် ခံစားလိုက်ရသည်။

ဤလောက၏အဓိက ဇာတ်လိုက်မင်းသမီးက တရုတ်လူမျိုး အမ်မလီတေလာအမည်ရှိ အမျိုးသမီးတစ် ဦး ဖြစ်ပြီး ၁၇၈ စင်တီမီတာရှည်သော နတ်သမီး မျက်နှာ၊ နတ်ဆိုးစိတ်ထားနဲ့ အလွန်ပါးနပ်သော မိန်းကလေး တစ်ဦးဖြစ်သည်။ ဒါကြောင့် လူတိုင်းက ဘုရားသခင်ကိုက်ထားတဲ့ ပန်းသီးလိုပဲ အပြစ်အနာအဆာ မကင်းကြဘူးလို့ ပြောကြခြင်းဖြစ်သည်။
အမ်မလီက မိန်းမအများစု မနာလိုစိတ်ဖြစ်စေလောက်တဲ့ အလှတရားရှိပေမဲ့ သူမမှာ ဝမ်းနည်းစရာကောင်းတဲ့ ကလေးဘဝအတွေ့ကြုံတွေရှိခဲ့သည်။  သူမ သုံးနှစ်သမီးအရွယ်တွင် ဖခင်ကိုဆုံးရှုံးခဲ့ရပြီး ဆင်းရဲနွမ်းပါးမှုကြောင့် သူမအမေက နောက်အိမ်ထောင်ပြုခဲ့ရသည်။ သူမတို့က နေရာအနံှံ့ကို လှည့်လည်နေထိုင်ခဲ့ရပြီး ဆင်းရဲနိမ့်ကျခြင်းကြောင့် သူမတို့ ဘဝမတည်မငြိမ်ဖြစ်ခဲ့သည်။ ထို့အပြင် သူမ၏ အသက်နှင့်မမျှ အရပ်မြင့်သောကြောင့် အရွယ်ရောက် မိန်းကလေးလို့ အထင်မှားပြီး မကြာခဏ နူတ်ဖြင့်လည်းကောင်း၊ အမူယာဖြင့် လည်းကောင်း အနိုင်ကျင့်စော်ကားခြင်းများကို ရင်ဆိုင်ခဲ့ရသည်။

သူမအထက်တန်းကျောင်းမှထွက်ပြီး ဘားတစ်ခုတွင် အလုပ်လုပ်ခဲ့သည်။ သူမက လူအမျိုးမျိုးကိုတွေ့မြင်ခဲ့ပြီး စက်ဆုပ်ရွံရှာဖွယ်အကောင်းဆုံး အဖြစ်အပျက်များကိုကြုံတွေ့ခဲ့ရသည်။ သူမ အသက်နှစ်ဆယ် အရွယ်တွင် မိခင်ဖြစ်သူက သူမနှင့်သူမ
ပထွေးဖြစ်သူ ကို အိမ်ထဲသော့ခတ်ပေးပြီး သူမရဲ့ပြိုကွဲလုလု အိမ်ထောင်ရေးကို ကျားကန်ဖို့အတွက် သူမရဲ့သမီးဖြစ်သူ အပျိုလေးကို မုဒိမ်းကျင့်ခွင့်ပြုခဲ့သည်။ သူမက ပထွေးဖြစ်သူကို ရိုက်နှက်ပြီး အိမ်က ထွက်ပြေးလာခဲ့သည်။ သူမလက်ထဲ တစ်ပြားမှ မရှိတဲ့အချိန်မှာ  Next Supermodel ရွေးဖို့ ကပ်ထားတဲ့ ပိုစတာကိုတွေ့ပြီးမျှော်လင့်ချက်တွေနဲ့ စာရင်းပေးပြီး ဝင်ပြိုင်ခဲ့သည်။

ဒါက စူပါမော်ဒယ်ကမ္ဘာကြီးဖြစ်ပြီး လေထုတစ်ခုလုံး ဖက်ရှင်တွေနဲ့ပြည့်နေသည်။  Zhou Yun Sheng သည် တစ်ချိန်ကစူပါမော်ဒယ်နှင့်စူပါစတားကြီးဖြစ်ခဲ့သောကြောင့် အခုအခြေနေက သူ့အတွက် ဘယ်လိုမှ အခက်ခဲမရှိပဲ အလွန်သက်သောင့်သက်သာအနေထားတွင် ရှိနေသည်။
ဒီခန္ဓာကိုယ်ကို Romeo Parker လို့ခေါ်တယ်။ သူဟာ supermodel ပြိုင်ပွဲမှာ ဝင်ပြိုင်ပြီး နောက်ဆုံး ဆန်ခါတင် ၁၅ ယောက်ထဲတွင့်ရွေးချယ်ခံခဲ့ရတယ်။

ဒီ  reality show က အမ်မလီရဲ့ ဘုန်းမီးနေလတောက်ပခြင်းအတွက် အစပျိုးဖြစ်ခဲ့ပေမယ့်  Romeo အဖို့ ကံဆိုးခြင်းရဲ့အစဖြစ်ခဲ့သည်။

တကယ်တော့ Romeo ရဲ့ကလေးဘဝ အမ်မလီလိုပဲ ဆိုးဝါးခဲ့ရသည်။ သူ့မိဘများဆုံးပါးသွားပြီး အဒေါ်ရဲ့ပြုစုပျိုးထောင်မှုအောက်မှာ နေထိုင်ခဲ့ရသည်။ သူ့အဒေါ်က သားသမီးလေးယောက်နှင့် ငွေကြေးအဆင်မပြေလို့ အမြဲဒေါသထွက်နေတတ်သူဖြစ်သည်။ တကယ်လို့ Romeo ရဲ့မိဘတွေက သူ့ကိုများပြားတဲ့ အမွေကို မထားခဲ့ရင် သူမက သူ့ကိုမွေးစားမှာ မဟုတ်ဘူး။

Romeo က ငယ်ရွယ်စဉ်ကတည်းက ပိန်ပိန်ပါးပါးနဲ့ မိန်းကလေးတွေထက် အရမ်းလှလို့ ကျောင်းတွင် မကြာခဏ အနိုင်ကျင့်ခံရတတ်သည်။  သူ အသက် ၁၄ နှစ်အရွယ်မှာ သူဟာ မိန်းကလေးတွေကိုမကြိုက်ဘူးဆိုတာ ရုတ်တရက်သဘောပေါက်သွားသည်။ သူက ချောမောတဲ့ယောက်ျားလေးတွေကို အထူးဂရုစိုက်သတိပြုမိပြီး သူတို့နဲ့ပိုရင်းနှီးချင်လာသည်။  ဒီအချက်က သူ့ကို အလွန်စိတ်မသက်သာ ခံစားရစေသည်။

သူသည် မိမိကိုယ်ကို သံသယဖြင့် သုံးနှစ်ကြာ စိတ်ဆင်းရဲမှုကို ခံစားခဲ့ရပြီးနောက် မိမိကိုယ်ကို လေးစားမှု၊ ယုံကြည်မှု လျော့နည်းလာသည်နှင့်အမျှ သိမ်ငယ်စိတ်ကြောင့် သူ၏စရိုက်လည်း တဖြည်းဖြည်းပြောင်းလဲလာခဲ့သည်။ ဒီ ဂေးလ် ဆိုတဲ့ သိမ်ငယ်စိတ်ကို ကာဗာလုပ်ဖို့ သူက အပြင်ပန်းမှာ အရမ်းမာနထောင်လွှားပြီး ခေါင်းမာတဲ့ လူငယ်ပုံစံဖြစ်လာသည်။ သူ့ကိုထိခိုက်နစ်နာစေခဲ့သော လူအားလုံးကို တိုက်ခိုက်ရန်လုပ်ပြီး ကိုယ့်ကိုယ်ကိုယ် ကာကွယ်ဖို့ ကြိုးစားခဲ့သည်။ သူသည် လူသိရှင်ကြား နေထိုင်ပြီး တစ်ကမ္ဘာ့လုံးက အသိအမှတ်ပြုမှုကိုခံချင်ပေမယ့် တချိန်တည်းမှာပဲ မိမိရဲ့ဖြစ်တည်မှုကို ။ ဖုံးကွယ်ချင်ခဲ့သည်။

သူက " နောက်ထပ်စူပါမော်ဒယ်" အွန်လိုင်းကြော်ငြာကိုမြင်သောအခါ ရဲရင့်စွာဆုံးဖြတ်ချက်ချခဲ့သည်။ ဒီလိုနဲ့ သူက အမျိုးသား မော်ဒယ်လ်ဖြစ်လာသည်။ ကံကောင်းထောက်မစွာ အသက် ၁၅ နှစ်မှစ၍ သူအရပ်က ရှည်လာပြီး ၁၈ နှစ်မပြည့်သေးသော်လည်း ၁၈၃ စင်တီမီတာရှိပြီဖြစ်သည်။ သူ၏ အသွင်အပြင်က နူးညံ့ပြီး သူ့မျက်နှာကျ ပုံစံက အရမ်းကိုလှပသည်။ အထူးသဖြင့် သူ့ရဲ့ ပင်လယ်ပြာရောင် မျက်ဝန်းတစ်စုံပဲဖြစ်သည်။

သူက သမုဒ္ဒရာတစ်ခုလုံးကို သူ့မျက်လုံးတွေထဲမှာ သယ်ဆောင်နေသလိုပဲ၊ သူပုံစံက မွးကင်းစကလေးတစ်ယောက်လို နုနယ်ပြီး အပြစ်ကင်းတဲ့ ပုံပေါက်သည်။

သူ့ပုံပန်းသဏ္ဌာန်က အခြားမော်ဒယ်လ် တွေထက် နည်းနည်းလေးမှ မလျော့တဲ့အပြင် ဘယ်သူ့ဆီမှာမှ မရှိတဲ့ စင်ကြယ်ခြင်းဆိုတဲ့ ခံစားချက်ကို ပေးစွမ်းနိုင်ခဲ့တယ်။ သူ့ဓာတ်ပုံနှင့်ဗီဒီယိုတွေကိုတွေ့တော့ ပြိုင်ပွဲကျင်းပသူများက ချက်ချင်း သူ့ကို လက်ခံခဲ့ခြင်းဖြစ်သည်။


ဒီအစီအစဉ်ကို တိုင်းပြည် A  က အကျော်ကြားဆုံး  ABC ရုပ်မြင်သံကြားဌာနမှ ရင်းနှီးမြှုပ်နှံခဲ့သည်။ အစီအစဉ်က အလားအလာရှိသောကြောင့် ABC သည်ကြည့်ရှုသူများအား ဆွဲဆောင်ရန်နှင့် ဒီအစီစဉ်ကို ပိုမိုကျော်ကြားစေဖို့ ပြိုင်ပွဲဝင်မော်ဒယ်များကို အကြားအလပ်မရှိ၂၄ နာရီလုံး ရိုက်ကူးထုတ်လုပ်ဖို့ များစွာသော ရိုက်ကူးရေးအဖွဲ့ကြီးကို စီစဉ်ပြီး အချိန်နဲ့တပြေးညီး ပြိုင်ပွဲဝင်မော်ဒယ်များအကြောင်းကို ထုတ်လွှင့်ပြသခဲ့သည်။

ဒါကပထမဆုံးရာသီဖြစ်ပြီး ဒုတိယ၊ တတိယ၊ စတုတ္ထမြောက်ပြိုင်ပွဲများလည်း ရိုက်ကူးပြသဦးမည်ဖြစ်သည်။ စူပါမော်ဒယ်လ်ဖြစ်ဖို့ဆိုတဲ့ စိတ်ကူးအိပ်မက်ကိုကိုင်ဆောင်ပြီး ဘယ်လိုအစွမ်းသတ္တိနဲ့ ပြိုင်ပွဲဝင်တွေက ရုန်းကန်နေရတယ်၊ မော်ဒယ်လ်တွေက ဘယ်အဆင့်အတန်းမှာရှိတယ်ဆိုတာ ဇာတ်လမ်းတွဲလိုပုံစံမျိုး တိုက်ရိုက်ထုတ်လွှင့်ပြသသွားမှာဖြစ်သည်။
ပြိုင်ပွဲဝင်အားလုံးလည်း ဒီစင်မြင့်ပေါ်တွင် မိမိတို့၏ရပ်တည်ချက်ကို ရှာဖွေနိုင်ကြသည်။

ယခုအစီအစဉ်သည် ယှဉ်ပြိုင်မှု ဇာတ်လမ်းသုံးခုကို ထုတ်လွှင့်ပြသခဲ့ပြီး၊ ပထမပြိုင်ပွဲတွင် အမ်မလီသည် ပထမဆုကိုရရှိခဲ့သည်၊ ဒုတိယပြိုင်ပွဲတွင်၊ အမ်မလီကပဲ ပထမဆုကို ထပ်မံရရှိခဲ့ပြီး တတိယပြိုင်ပွဲ၏ ပထမဆုရှင် ဟိုင်ဒန်ဘရောင်းက အမ်မလီ၏ရည်းစားဖြစ်လာသည်။

ပြိုင်ပွဲဝင်အားလုံးသည် အသက် ၁၆ နှစ်မှ ၂၅ နှစ်ကြား လူငယ်များ၊ ဖြစ်ကြပြီး ထူးချွန်မှုပေါင်းစုံ၊ အရပ်ရှည်ရှည်နဲ့ ရုပ်ရည်ချောမောကြပေမယ့် လူတိုင်းက ပြီးပြည့်စုံပြီး ဆွတ်ပြန့်ကြည်နူးဖွယ် အချစ်ဇာတ်လမ်းကိုမပိုင်ဆိုင်နိုင်ကြပေ။  Hayden သည်ကိုယ်ကာယ တောင့်တင်းသည့်အပြင် ရုပ်ရည်ချောမောပြီး သူ့မိသားစုနောက်ခံလည်း အလွန်ခိုင်မာသည်။ သူ့အဖေသည် ကမ္ဘာ့ထိပ်တန်းဖက်ရှင်ဒီဇိုင်နာ Valentine ဖြစ်ပြီး သူ့မိခင်ဖြစ်သူ ဆူစန်သည် အငြိမ်းစားယူခဲ့သည့် စူပါမော်ဒယ်တစ်ဦးဖြစ်သည်။ ဒီအချက်က လူတိုင်းရဲ့ အာရုံစိုက်မှုကို ဖမ်းယူနိုင်ခဲ့သည်။


အမ်မလီသည် အလွန်လိမ္မာပါးနပ်ပြီး ပရိယာယ်များသူဖြစ်သည်။ သူမ ကို နှစ်သက်သောပြိုင်ပွဲဝင်များထဲမှ အကောင်းဆုံးဆိုတဲ့သူကို သူမ လက်ထဲရောက်အောင် သေချာ အကွက်ချပြီး ရယူခဲ့သည်။

သူတို့နှစ်ဦး သည်တစ်ဦး ကိုတစ်ဦး နှစ်သိမ့်ပေး၊ တစ်ဦး ကိုတစ်ဦး ကူညီ။ အနိုင်ယူရင်း ထိပ်ဆုံး သုံးယောက်ထဲကို ဝင်လာကြသည်။ နောက်ဆုံး ဟေဒန်က သူ့ရည်းစားကို စူပါမော်ဒယ်လ်ခေါင်းစဉ်ပေးဖို့ စတင် လုပ်ဆောင်ခဲ့တယ်။ ဒီ့နောက်မှာ အမ်မလီက သူမရဲ့ရင်သပ်ရှုမောဖွယ်ကောင်းတဲ့ ဘ၀ ကို စတင်ခဲ့သည်။

ဇာတ်လိုက်မရဲ့ လင်းလက်တောက်ပတဲ့ ရောင်ခြည်အောက်မှာ  Romeo က လှောင်ပြောင်နှိမ့်ချစရာ ဗီလိန်တစ်ယောက် ဖြစ်လာခဲ့သည်။
သူက အနိုင်ရဖို့အရမ်းစိတ်အားထက်သန်တဲ့အတွက် ကစားသမားအားလုံးကို ရန်သူလို သဘောထားခဲ့သည်။ သူသည် သူတို့ရဲ့ ပုံပန်းသဏ္ဌာန်၊ ဝတ်စားဆင်ယင်မှု၊ မိတ်ကပ်လိမ်းခြယ်ပုံနဲ့ တစ်ကိုယ်ရေသန့်ရှင်းမှုတို့ကို ဝေဖန်ခဲ့သည်။ Hayden နှင့် Emily ကို အသေရေဖျက်ရတာကို နှစ်သက်လို့ လူတိုင်းက သူ့ကိုပါးရိုက်ချင်တဲ့အထိ ဖြစ်လာကြသည်။

သူက လူကြိုက်အလွန်နည်းပြီး ပြိုင်ဖက်တွေထဲက တစ်ဦး သို့မဟုတ် နှစ်ဦး သာ သူ့ကို ကာကွယ်ရန် ဆန္ဒရှိကြသည်။ အများစုက Romeo သည် ဖြူကောင်နဲ့ အနံ့နံတဲ့ skunk ဆိုတဲ့ အမေရိကန် ကြောင်နဲ့ မျိုးစပ်ထားသည့် ရွံရှာဖွယ်အကောင်နဲ့ တူတယ်လို့ ထင်ပြီး သူနဲ့ ဘယ်သူမှ နီးနီးကပ်ကပ်ရင်းရင်းနှီးနှီးမနေချင်ကြပေ။


Zhou Yun Sheng ဒီကို ရောက်မလာခင် ၁၀ မိနစ်လောက်မှ သူက ဟေဒန်ရဲ့အောင်မြင်မှုကို ပုတ်ခတ်ပြီး ပြိုင်ပွဲဝင်အားလုံးရဲ့မုန်းတီးမှုကို အောင်မြင်စွာ ရယူနိုင်ခဲ့တာဖြစ်သည်။

ဒီပြိုင်ပွဲကို တရားမျှတမှုရှိစေရန် ပြိုင်ပွဲဝင်တွေရဲ့ ရမှတ် ကို အဓိက ဒိုင်လူကြီး ၃ ဦးကိုသာမက ကြည့်ရှုသူပရိတ်သတ်များကိုလည်း ဆိုရှယ်မီဒီယာတွင် မဲပေးခွင့်ပြုခဲ့သည်။ ဒိုင်တွေရဲ့ အမှတ်က ၄၀% သာရှိပြီးပရိသတ်က ၆၀ ရာခိုင်နှုန်းမဲပေးနိုင်ကြသည်။ တနည်းအားဖြင့်ပရိသတ်က မင်းကို လုံးဝမကြိုက်ရင်တောင် မင်းက ပြိုင်ပွဲက ထွက်စရာမလိုပါဘူး။

ပရိတ်သတ်ဆိုတာ ဒိုင်တွေလို အရည်ချင်းကို မကြည့်တတ်ကြဘူး။ ပြီးတော့သူတို့က သူတို့ချစ်တဲ့ အနုပညာရှင်ကို ဘက်လိုက်တဲ့ စိတ်ထားတွေရှိကြပေမယ့် ပရိတ်သတ်ရဲ့ အမြင်က အနုပညာရှင်တစ်ယောက်အတွက် အရေးကြီးတယ်။ အနုပညာရှင်က ဘယ်လောက်တော်တော် ပရိတ်သတ်မရှိပဲ မရပ်တည်နိုင်ဘူး။ ဒါကြောင့် ပရိတ်သတ်ရဲ့ အသည်းနှလုံးကို ခိုးယူနိုင်ဖို့ ပြိုင်ပွဲဝင်မော်ဒယ်တွေရဲ့ အပြုအမှု၊ အပြောအဆို၊ အဝတ်အဆင်က အရမ်းအရေးပါတယ်။

ပထမတော့ Romeo ရဲ့ထူးချွန်အသွင်အပြင်နဲ့ ရုပ်ရည်ကြောင့် လူကြိုက်အများဆုံးဖြစ်ခဲ့ပေမယ့် သူ့ သရုပ်ဆောင်စွမ်းရည်က သာမန်ပဲဖြစ်သည်။ ဒါ့အပြင် သူ့ဇာတ်ရုပ်တွေက အရမ်းညံ့ဖျင်းတဲ့နေရာ တွေပဲရပြီး လူတွေရဲ့နှစ်သက်မှုက လျော့လာတယ်။ အထူးသဖြင့်
Hayden နှင့် Emily တို့ကိုတိုက်ခိုက်ခြင်းကြောင့် ဒီဇာတ်လိုက်နဲ့ ဇာတ်လိုက်မတို့ရဲ့ ကြီးမားသော fan တွေကိုဒေါသထွက်စေခဲ့သည်။

သူရဲ့အသားတင်ရမှတ် နိမ့်ကျလာခဲ့ပြီး လာမယ့်အစီအစဉ်မှာ Hayden သူ့ဆံပင်ကို အားလုံးရိတ်ပြစ်ကြီး ကတုံးတုံးဖြစ်အောင် လာဘ်ထိုးထားလို့ နောက်ဆုံးမှာ သူက ပြိုင်ပွဲကနေ ဖယ်ရှားပစ်ခြင်းကို ခံရမှာဖြစ်သည်။

Romeo သည်အလွန်ထိရှလွယ်သော လူငယ်တစ်ဦးဖြစ်ပြီး ဒီဖြစ်ရပ်ကြောင့် သူ့ဇာတိမြို့သို့ပြန်သွားသောအခါ သူ့စိတ်တွေ ပြိုလဲသွားခဲ့သည်။ သူက စိတ်ကျပြီး မူးယစ်ဆေးကို သုံးစွဲမိလာပြီး နောက်ဆုံး အသက် 30 မှာ အဆီပိတ်ပြီး နှလုံးရောဂါနဲ့ အိပ်ယာထဲမှာ အသက်ဆုံးပါးသွားရသည်။ အိမ်နီးချင်းတွေက ရဲကိုအကြောင်းကြားတဲ့အချိန်မှာ အိပ်ယာထက်မှာ ပုပ်ပွနေတဲ့ ဖက်တီးကောင်က တချိန်က နတ်သားလေးလို လှပတဲ့ကောင်လေးဆိုတာ မမှတ်မိအောင်ဖြစ်ခဲ့ရသည်။
ဒါကြောင့် Romeo ရဲ့ဆန္ဒက အရမ်းရိုးရှင်းခဲ့သည်။ သူက ချန်ပီယံဆုနဲ့ အနိုင်ရပြီး နေအောက်မှာလွတ်လပ်စွာနေထိုင်ချင်သည်။

Zhou Yun Sheng သည် အချက်အလက်များကိုဖတ်ပြီး နံရံပေါ်ရှိ ပိုစတာကိုပြုံးပြလိုက်သည်။ ထို့နောက်ပြောင်လှောင်နေသော သူ့ကိုကဲ့ရဲ့နေသော ပြိုင်ပွဲဝင်များကိုရှောင်ကွင်းပြီး သူ့အခန်းသို့ပြန်သွားသည်။ မှန်ရှေ့မှာ ရပ်နေပြီး သူက  Romeo ရဲ့ပျော့ပျောင်းသောဆံပင် ပင့်လိုက်ပြီး လှပတဲ့ မျက်နှာလေးကို ဂရုတစိုက်ကြည့်ရှုလိုက်သည်။

သူ့ရဲ့ပုံစံက ဘုရားသခင်ထုဆစ်လိုက်တဲ့ နတ်သားလေးလို နူးနူးညံ့ညံ့နဲ့ လှပတဲ့ ပုံစံလေးဖြစ်သည်။ သူက ကြွက်သားတွေနဲ့ ယောကျာ်းပီသ ခန့်ညားတဲ့ ပုံစံမရှိသလို လိင်ဆွဲအားပြင်းတဲ့ပုံလည်း မပိုင်ဆိုင်ထားပေ။ အထူးသဖြင့် သူ့ထံတွင် ချောမွေ့လှပသည့် ကျန်းမာသန်စွမ်းသည့် အသားအရေ၊ ပိုးသားလို နူးညံ့ပြီး ပျော့ပြောင်းသည့် ဆံနွယ်နှင့် မိုးပြာရောင် အရောင်တောက်တောက် ရှိသောမျက်လုံးများသည် သူ၏အစွမ်းထက်ဆုံးလက်နက်ဖြစ်သည်။ ဒီမျက်ဝန်းလေးတွေနဲ့ စိုက်ကြည့်လိုက်ရင် ဘယ်သူမှ သူ့တောင်းဆိုချက်ကို ငြင်းဆန်နိုင်မည် မဟုတ်ပေ။

Zhou Yun Sheng ၏အမြင်တွင် Romeo ၏အသွင်အပြင်သည် Hayden နှင့် Emily ထက် လုံးဝမလျော့သော်လည်း ဒီကောင်လေးက သူ့အလှကို ဘယ်လိုဖော်ထုတ်အသုံးချရမည်ကို မသိခဲ့ခြင်းသာဖြစ်သည်။

Hayden က သူ့ကို ပစ်မှတ်ထားပြီး ပြိုင်ပွဲကနေ ထွက်အောင် လုပ်ရတာတာ လက်ရှိ သူ့ရဲ့သူရဲကောင်းပုံစံ မျက်နှာက လူကြိုက်များနေတယ်ဆိုပေမယ့် Romeo ရဲ့ နတ်သားအသွင်ပြင် ပုံစံလေးက ပြိုင်ပွဲစင်မြင့်ပေါ်မှာ သူကသေချာပေါက် အောင်မြင်မှုကို ရရှိမယ်ဆိုတာကို သိနေလို့ဖြစ်သည်။

ဖက်ရှင်နယ်ပယ်တွင်ခြေကုပ်ယူရန် လှပသောအသွင်အပြင်နှင့် မလုံလောက်ပါ။ သင့်မှာ ထူးခြားသော အညို့ဓါတ်ရှိရမည်။ ထို့ကြောင့်မင်းကို ပထမတစ်ချက်ကြည့်ပြီးနောက် မမေ့နိုင်စရာဖြစ်နေမှာဖြစ်သည်။ Hayden ရဲ့ ရုပ်ပိုင်းဆိုင်ရာ ကြည့်ကောင်းတယ်ဆိုပေမယ့် မြင်ရသူရင်မှာ စွဲငြိစေတဲ့ အညို့ဓါတ်ကင်းမဲ့နေသည်။

သို့သော် Romeo က အများနှင့်မတူ တမူ ကွဲပြားခြားနားနေသည်။ Romeo သည် မျက်မှောက်ခေတ်တွင်ပျောက်ဆုံးနေသော သန့်ရှင်းစင်ကြယ်ခြင်း နတ်သားလေးနှင့် တူသည်။ သူက သန်းပေါင်းများစွာသော လူအုပ်ကြီးထဲ ရပ်နေလျှင်ပင် သူ့ကို ထင်းခနဲ လူတွေ သတိပြုမိပြီး ချက်ချင်း တန်းပြီးသိမြင်နိုင်သည်။ သူ၏ရုပ်ဆင်းဟန်ပန်သည် အလွန်အရောင်တောက်နေပေမို့ သူ့ ပါးစပ်က ပြောလိုက်သည့် မုန်းတီးစရာစကားလုံးများကို ထုတ်လွှင့်ပြသလိုက်သည့်အချိန်တွင် ပရိသတ်များကိုမကျေမနပ်ဖြစ်စေခဲ့သည်။ Romeo သည် လူအ တစ်ယောက်တော့မ ဟုတ်ပါ။ သူ့သဘောထားကို ဖော်ပြဖို့ အခွင့်ရေးရလျှင် ဆုအားလုံးကို သိမ်းကြုံးရယူနိုင်သည့် စိတ်ထားကို ိုပိုင်ဆိုင်ထားသည်။

သူ၏စင်ကြယ်သောအသွင်အပြင်နှင့်နူးညံ့သိမ်မွေ့သော ပုံစံလေးက ကမ္ဘာ့သွေးအအေးဆုံးသောလူသား၏ ခွင့်လွှတ်မှုကိုပင် အလွယ်တကူ ရယူနိုင်သည်။

Hayden သည် သူ၏အစွမ်းအစကို အစကတည်းကမြင်ခဲ့ပြီး Romeoကိုအစောပိုင်းပြိုင်ပွဲများမှထုတ်ပယ်ရန်စီစဉ်ခဲ့သည်။ သို့သော် ယခု Zhou Yun Sheng ဒီနေရာကို ရောက်လာပြီးနောက် အနာဂတ်က အရမ်းကို ကွဲပြားခြားနားလိမ့်မည်။